אינטערנאציאנאלער פרעס טאג

ווערטלעך, הומאר, און סתם קאפ פארדרייענישן

אינטערנאציאנאלער פרעס טאג

הודעהדורך שלום שטיסל » מאנטאג מאי 09, 2016 5:18 pm

אט דערנענטערט זיך דעם יום הגדול והנורא פון וואס די טונא אין לאקס פישן אין וואסער ציטערן, דער טאג וואס האלט אינמיטן טרענספארמירט ווערן אלץ איינע פון די גרעסטע און הייליגסטע טעג ביי כלל ישראל, די קינדער וואס זענען יעצט אכט יאר אלט גייען שוין געדענקן אז פון אייביג אן מאז היתה ישראל לגוי איז געוועהן א ענין אין דער טאג צו עסן און געבן עסן, ס'גייט זיין עפעס אזא ערב יום כיפור סיטואציע ס'גייט ווערן אנגענימען אז סאיז א מצוה צו עסן וכל המרבה הרי זה משובח.

איך זעה פאר אז אין געציילטע יאר גייט שוין יעדער גרעסערע גראסערי וואס האט א פסח סעקשאן אויך האבן א באזונדערע 'קערעסטיר סעקשאן' ווי מ'גייט קענען קויפן גרויסע בייגלעך מיט קערעסטירע קוגלעך און רבי ישעי'לעס קוקאש קעיק וכד'. האלב 13TH ave גייט זיין באלקירט מיט קאנטעינערס צו ערפולען דעם געברויך מיט כל מיני מאכלים, פון ארץ ישראל גייט מען קומען שנארן פאר ג' אייר חלוקות דורך עונג שבת ויו"ט, אסאך ארגענעזאציעס גייען זיך נאך עפענען לכבוד האי יומא דקא גרים און אסאך טאשן שניידער'ס גייען נאך נתעשר ווערן בזכות דעם צדיק, וועט נאך ארויסקומען ספעציעלע ספרים מיט מנהגים בחצרות הק׳, א קיצור ס'גייט ווערן לעבעדיג אין שטאט אויפן חשבון פון האי צדיק וקדוש.

אלעס האט זיך אנגעהויבן נאכדעם וואס אפאר הונגעריגע אידן האבן געהערט עפעס א איינצעלער אויסגעדראשענער מעשה פון עפעס א מלוה מלכה אין קערעסטיר און זייענדיג הוגעריג האבן זיי זיך צוגעכאפט דערצו ווי צו ווארעם'ס און זיך גענומען חלומ'ן פון דעם צדיק ווי דער הונגעריגער חלומ'ט תשעה באב נאכמיטאג פונעם אויספאסטן צוביסלעך איז ארויסגעקומען א ספר החלומות געהערט פון ערשט האנטיגע בעלי חזיונות באזירט אויף דמיונות, זיי האבן איבערגעלאזט הונגער פלעקן אויף רוב פון די סיפרים דארט, על פי חשבונם איז די גאנצע תבואה פון רומעניא פוילן רוסלאנד געקומען מיט שיפן קיין קערעסטיר צו די דריי אידן מיט צוויי גוים וואס האבן געוואינט דארט. צו קאכן די זופ האט מען אויסגעטרוקענט דעם דונא טייך אזש אז ס'איז אנטפלעקט געווארן די אידן וואס זענען געהרגעט געווארן דארטן על קידוש ה'.

שוין געווארן אזוי אז אונזער בליק אויף רבי ישעי'לע איז נישט מער און נישט ווייניגער ווי א אלטער ברייטער איד מיט א מעסער אין די האנט שטייט און שנייט גרויסע ראפאגאש בארכעס מיט קוקאש קעיק (עפעס אזויווי יעקל שווארץ) דערנאך גייט ער מיט אימפעט צום גרויסן טעפל טשולנט און מישט בשעת וואס זיינע ליפן מורמלען 'לשובע ולא לרזון', מוצש"ק שטייט דער צדיק מיטן קאפטן און קנעט איין ריזיגע שטיקער טייג און שיילט צוויקעל מיט פאטעיטאס און דער עולם זיצט ארום דער טיש און קנאקט. און עפעס אזוי האט זיך געדרייט כל ימיו פון דער צדיק.

די לעצטע פאר יאר פארן פולע ערעפלאנען אנגעפאשעטע אמעריקאנע אידן וואס לעבן דא מיט כל טוב וטוב ווייסן נישט קיין דאגות האבן נישט קיין השגה דאס איידלקייט און באשיידנקייט פונעם קערעסטירער צדיק די חברה פארן אהין האקן קוגל מיט טשולענט וואס ווערט אהערגעשטעלט דורך ריזיגע ד׳ אמות קעכער׳ס, און קומען צוריק פארציילן אז דאס איז ממש ווי ווען דער צדיק האט געלעבט, כאילו פון דעם באשטייט דער גאנצער קערעסטיר.

איינער פון די אלטע שטיבל שרייבער שרייבט דאס פאלגענדע
לאליפאפ האט געשריבן:עס איז איבעריג צו זאגן וואס עס טוט זיך אין קיטשען אין קערעסטיר ערב שבת יארצייט, ריזיגע טעפ אנגעפולט מיטן גאנצן מה ידידות, פרויען פון איין זייט, בחורים פון צווייטן זייט, שטייען און קאכן באקן שיילן מישן, און יעדעס מינוט וואשט מען פריש אויס די כלים און מען הייבט אן נייע רעצעפטן, טעצער קעיקס און קוקיס פארן ארויס יעדע עטליכע מינוט, וואס זאל איך אייך זאגן.. נוסח קערעסטיר!
סארא גערעדאכץ דאס, מ'עסט פרעסט און ענדיגט צו נוסח קערעסטיר...

נקודת הענין; היות איך זעה אז ס׳ווערט נשתכח אז דער טאג איז א פלענער נארמאלער טאג, במילא וויל איך אצינד א' אייר תשע"ו אויסרופן און אראפלייגן א יסוד פאר יעדער חוקר מנהגים און גולש אויפן אינטערנעט פון דער קומענדער דור, הערט גוט וואס איך זאג אייך:
ס'איז נישטא קיין שום ענין צו עסן טונא פיש מיט בייגעל'ס אדער קנאקן גע׳חריינ׳טע געפילטע פיש מיט צימעס אין דעם טאג פון רבי ישעי'לעס יארצייט, ווי אויך אויב איר זענט די אייגענטומער פון א רעסטוראנט אדער סיי וועלעכער עסן קרעמל איז נישט חל אויף אייך קיין שום חיוב צו פארטיילן עסן בחינם' שרייבט נישט אויף רבי ישעי׳לעס קאנטע ווייל ער גייט דאס נישט צאלן.

כאטש איך גלייב אז מיינע ווערטער וועלן נישט ווערן אנגענימען ביים עולם ס'וועט זיך הערן מער עפעס ווי כ׳האב דא עפעס נגיעות אבער פארט גלייב איך אז סוועט זיך טרעפן עפעס א אויפגעקלערטער אינגערמאנטשיקל עפעס אזא קאווע שטיבל שרייבערל פון תשק"ט וואס וועט מאכן צימעס דערפון.

אצינד ווען די שורות ווערן געשריבן ווערט ערווארטעט א גרויסע ליפערונג פון בייגעל'ס מיט פוטער אין אלע היימישע בתי מדרשים, ווי אויך עטליכע גרויסע גראבע טאטעס מיט שיסלען אין די האנט צו פרעגל'ן אייער, ביים טיש זיצענדיג וועט איר טרעפן דאס געשמאקן איד'ל וואס האט זיך שוין א וואך צייט אנגעגרייט מעשיות און דמיונות פונעם בעל הילולא, ער האט דורך געטוהן עטליכע ביכער וואס בעלי חלומות האבן געשריבן זייענדיג הונגעריג, אצינד גיסט ער עובדות ווי א כל בו און אזוי ווי נישט ווי כאפט ער אריין א גאנץ לעפל שפאזע און ס'שפייעט אויס ווי פון זיך אליין א: זכותו יגן עלינו.

#לשובע ולא לרזון
רעדאגירט געווארן צום לעצט דורך שלום שטיסל אום דינסטאג מאי 10, 2016 9:15 am, רעדאגירט געווארן איין מאל בסך הכל.
באניצער אוואטאר
שלום שטיסל
היימישער באניצער
היימישער באניצער
 
הודעות: 519
זיך רעגיסטרירט: זונטאג דעצעמבער 20, 2015 5:36 pm
האט שוין געלייקט: 1737 מאל
האט שוין באקומען לייקס: 1803 מאל

Re: נאציאנאלע פרעס טאג

הודעהדורך וזרח השמש » מאנטאג מאי 09, 2016 6:25 pm

איך ווייס באמת נישט, וואס סשטערט דיר אז הונגעריגע אידן ווערן זאט

אויב איז דעס!? אז מלייגט עס ארויף אויף האי צדיק וקדוש, ערגער ווי אנצידען א ליכט איז עס נישט, ממילה א טובה פאר די נשמה איז עס נאך
געדענק! נאך יעדע נאכט שיינט די זין אויף
באניצער אוואטאר
וזרח השמש
מאנשי שלומינו
מאנשי שלומינו
 
הודעות: 58
זיך רעגיסטרירט: זונטאג יוני 28, 2015 3:24 am
האט שוין געלייקט: 44 מאל
האט שוין באקומען לייקס: 68 מאל

הודעהדורך דעת זקנים » מאנטאג מאי 09, 2016 10:39 pm

אשפגתי עד למאוד
דעת זקנים
מאנשי שלומינו
מאנשי שלומינו
 
הודעות: 43
זיך רעגיסטרירט: דאנערשטאג יאנואר 28, 2016 1:38 pm
האט שוין געלייקט: 54 מאל
האט שוין באקומען לייקס: 91 מאל

הודעהדורך ירח בן יומו » מאנטאג מאי 09, 2016 11:59 pm

אויף איינער פון די עדס קיין קרעסטיר האב איך געזען אוסגערעכנט אלעס וואס מ'גייט דארט אויפטוהן, איז אזוי,
    ביינאכט ביים אנוקומען וועט מען דאוונען אין ביתו נאוה קודש פון ר' שעי'לע,
    דערנאך וועט פארוקומען א גרויסע סעודת הילולא (אין אנדערע ווערטער מ'גייט עסען און פרע..).
    דערנאך גייט מען מאכן לינת לילה אין קרעסטיר (אין אנדערע ווערטער מ'גייט שלאפן און פאפ...).
    צופרי גיי זיין א ווארעמע מקוה (אין אנדערע ווערטער מ'גייט האבן ווערעמע שאוערס).
    מ'וועט דאוונען שחרית בביתו נאוה קודש.
    נאכדעם וועט פארקומען א מסיבת לחיים (אין אנדערע ווערטער מ'גייט ריקן הערינג מיט קרעקערס און צוטרינקן אביסל שנאפס).
    באלד דערנאך וועט מען ארויפגיין אויפ'ן ציון אויסזאגן תהילים.
    און נאכדעם וועט זיין פת שחרית און א מסיבת פרידה (אין אנדערע ווערטער מ'גייט עסען און פרע..).

און נאך אלעס וועט מען אוודאי זינגן און טאנצן "אויסגעפועל'ט אלעס גוטס".
באניצער אוואטאר
ירח בן יומו
ידיד ותיק
ידיד ותיק
 
הודעות: 791
זיך רעגיסטרירט: מיטוואך דעצעמבער 03, 2014 12:15 am
האט שוין געלייקט: 870 מאל
האט שוין באקומען לייקס: 688 מאל

הודעהדורך רויטע וואנצעס » דינסטאג מאי 10, 2016 12:33 am

כ'מוטשע מיך שוין לאנג מיט אן ערענסטע העמק דבר שאלה, וואס כ'האף מ'וועט נישט מעקן דא.

ס'דא א פסיקתא רבתי אז אויב מ'הענגט א בילד פון ר' ישעי'לע, אנטלויפן די מייז.

איז שווער, אויב איז דער צדיק'ס עבודה געווען פארטיילן עסן, וועט דאך די בילד נאר צוציען מייז?
רעדאגירט געווארן צום לעצט דורך רויטע וואנצעס אום דינסטאג מאי 10, 2016 12:35 am, רעדאגירט געווארן איין מאל בסך הכל.
אהבה איז מיין רעליגיע, שנאה איז מיין שונא, שלום איז מיין חבר און שמחה איז מיין ציל.
באניצער אוואטאר
רויטע וואנצעס
שריפטשטעלער
שריפטשטעלער
 
הודעות: 4861
זיך רעגיסטרירט: דאנערשטאג יוני 27, 2013 1:17 pm
געפינט זיך: אין א לאוו רילעישינשיפ מיט גאט און מיט די מענטשהייט.
האט שוין געלייקט: 9842 מאל
האט שוין באקומען לייקס: 9512 מאל

הודעהדורך בן אדם » דינסטאג מאי 10, 2016 12:34 am

פארוואס עפעס נאציאנאלער פרעס טאג? דו דעסקרייבסט דאך דאס אלץ אן 'אינטערנאציאנאלער' פרעס טאג!

אניוועי, מיט די גרויסע ווערטער בין איך זיכער מסכים מיט דיר, און קיינער מוז טאקע נישט אנערקענען אין דעם אזויגערופענעם 'גרויסען' טאג. נאר מיט ס'אבריגע..

יו נאו וואט, קודם לאמיר זען וואסארא הערינג און קוגל ווערן צוגעשטעלט און נאכדעם עלעך קענען בעסער באשליסן. (אקעי.. אפשר בין איך אביסל הינגעריג?)
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2959
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3074 מאל
האט שוין באקומען לייקס: 1428 מאל

הודעהדורך שלום שטיסל » דינסטאג מאי 10, 2016 9:15 am

געטוישט לכבוד דיר.
באניצער אוואטאר
שלום שטיסל
היימישער באניצער
היימישער באניצער
 
הודעות: 519
זיך רעגיסטרירט: זונטאג דעצעמבער 20, 2015 5:36 pm
האט שוין געלייקט: 1737 מאל
האט שוין באקומען לייקס: 1803 מאל

חודש הסגולות

הודעהדורך בן אדם » דינסטאג מאי 10, 2016 9:21 am

אסאך סגולות אין דעם חודש. קודם איז באוואוסט (פון רבי פנחס קאריצער) די סגולה פון ווישן די רעגן אויפן שטערן אלס א סגולה פאר רפואה, און בכלל איז באוואוסט די ר"ת א'ני ה' ר'ופאיך, (און די אפטא רב זאגט קלאר אז אפילו די גוים ווייסן צו זאגן אז די חודש מאי למספרם אז מסוגל לרפואה).

און בפרטות,

ר"ח אייר איז דא א גרויסע סגולה פון לערנען משניות לע"נ רבי נחום ב"ר יוסף המכונה ר' נחום הסופר.
י"ח אייר איז מסוגל צו לערנען זוהר הק' און/אדער טיילן ח"י רוטל.
י"ט אייר א גרויסע סגולה אנצוצינדען א לעכטעלע פאר די הייליגע רבי ר' מענדעלע זי"ע.
ה' אייר איז מסוגל צו האקן און פראקען און אינטערצונדן מיסט קאסטענעס.
כ"ט אייר איז באוואוסט די תפילת השל"ה פאר גוטע קינדער.
סאו בלייבן אונז איבער מיט ג' אייר מיט א סגולה פון פשוט עסען און טרינקען לשם כבוד שמו יתברך ויתעלה ולעשות נחת רוח לגופינו לעילוי ולכבוד נשמת מרן רבינו ישעיה ב"ר משה זכיעוכ"י אמן.
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2959
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3074 מאל
האט שוין באקומען לייקס: 1428 מאל

הודעהדורך בן אדם » דינסטאג מאי 10, 2016 9:22 am

O , got it
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2959
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3074 מאל
האט שוין באקומען לייקס: 1428 מאל

הודעהדורך חברהמאן » דינסטאג מאי 10, 2016 10:00 am

שלום זייט ווען האסטו פיינט צי עסען ?

אויף שטיסל האסטו געהאקט שטיקער ווען אימער
חברהמאן
מאנשי שלומינו
מאנשי שלומינו
 
הודעות: 39
זיך רעגיסטרירט: מאנטאג מאי 02, 2016 11:07 am
האט שוין געלייקט: 10 מאל
האט שוין באקומען לייקס: 32 מאל

הודעהדורך יחיאל יעקבזון » דינסטאג מאי 10, 2016 10:21 am

לאמיר רופן ס׳קינד ביים נאמן: ב.ש.
דאס גאנצע ארומפארן אין אייראפע און פראוון דארט הילולא׳ס און חינגא׳ס איז איין שטיק ליצנות. אויב די אז״ג רעבעס זענען באמת געוועהן ערליכע אידן, בין איך זיכער אז זיי וואלטן נישט געוואלט אז מ׳זאל אויף זייער קאנטע טוהן די אלע נארישקייטן. איבערלאזן דזשאבס, כולל, ישיבה אא״וו פאר די אז״ג סגולות איז מופרך פון יעדן צד. מאנכע פארחובות׳ן זיך אויף אזוינס (שולדיג רענט, גראסערי, שכ״ל אא״וו דערצו) והוא רעה חולי שאין כדוגמתה. פאר שטיסל׳ן שטערט דאס פרעסעריי (באזירט אויף דמיוני׳שע מעשיות); מיר שטערט די תהלים זאגעריי פונקט אזוי. ר׳ איד! מ׳קען פועל׳ן ביים רבוש״ע אויפ׳ן אייגענעם מקום קבוע (ושאינו קבוע) ביי זיך אין ביהמ״ד. ברויכסט נישט פאהרן קיין צוויי איילן. ווילסט זיך אויספאשן דעם נפש הבהמי? ברויכסט נישט אפירזוכן עפעס א תמימות׳דיגע אונגארישע רעבעלע (מילד געזאגט) און דאס טוהן אויף זיין חשבון אדער אויף זיין רוה ארט. קענסט רוהיג עסען א פיינעם פרישטאג און געשמאקע וועטשערע ביי דיר אינדערהיים און ס׳עט האבן די זעלבע עפעקט.
יחיאל יעקבזון
מאנשי שלומינו
מאנשי שלומינו
 
הודעות: 146
זיך רעגיסטרירט: מיטוואך אקטאבער 22, 2014 10:10 am
האט שוין געלייקט: 61 מאל
האט שוין באקומען לייקס: 199 מאל

הודעהדורך שלום שטיסל » מיטוואך מאי 11, 2016 11:52 am

הצדיק מניקולשבורג מיט השרף משפטיווקא
בייגעלייגטע פיילס
image.jpeg
באניצער אוואטאר
שלום שטיסל
היימישער באניצער
היימישער באניצער
 
הודעות: 519
זיך רעגיסטרירט: זונטאג דעצעמבער 20, 2015 5:36 pm
האט שוין געלייקט: 1737 מאל
האט שוין באקומען לייקס: 1803 מאל

הודעהדורך בן אדם » מיטוואך מאי 11, 2016 12:10 pm

בן אדם האט געשריבן:סאו בלייבן אונז איבער מיט ג' אייר מיט א סגולה פון פשוט עסען און טרינקען לשם כבוד שמו יתברך ויתעלה ולעשות נחת רוח לגופינו לעילוי ולכבוד נשמת מרן רבינו ישעיה ב"ר משה זכיעוכ"י אמן.

נאך זיך אנהערן היינט מיט פארשידענע ערשטהאנטיגע מעשיות זעה איך אז איך דארף אביסל טוישן דעם נוסח, און אנשטאט זאגן אז די סגולה איז זיך אליין מהנה זיין דורך אכילה ושתיה, איז די סגולה אביסל פארקערט. נעמליך, צו טיילן עסען אין טרונקען און אפילו געלט פאר אידישע קינדער. וכל המרבה הרי זה משובח.
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2959
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3074 מאל
האט שוין באקומען לייקס: 1428 מאל

Re: אינטערנאציאנאלער פרעס טאג

הודעהדורך גרויסע מענטשעלע » מיטוואך מאי 11, 2016 1:27 pm

דאס מענטשעלע שפילט........
גרויסע מענטשעלע
ידיד ותיק
ידיד ותיק
 
הודעות: 839
זיך רעגיסטרירט: מיטוואך מאי 06, 2015 10:16 am
האט שוין געלייקט: 1056 מאל
האט שוין באקומען לייקס: 389 מאל

הודעהדורך ונבנתה העיר » מיטוואך מאי 11, 2016 9:08 pm

קפ
בֵּין כָּל מַאֲכָל וּמַאֲכָל יֹאמַר..

הֲרֵינִי אוֹכַל אֲכִילָה זוֹ, אֲכִילָה מְרוּבָּה, בַּרְבּוּרִים אבוסים, שְׁמֵנִים וּמְתוּקִים וְדָגִים מְלוּחִים לָעִילּוּי נָשַׁמְתָּ רבינו ישעיה בֵּן מֹשֶׁה בְּשֵׁם כָּל יִשְׂרָאֵל.
וַיְהִי רָצוֹן שֶׁכְּשֵׁם שֶׁאָכַלְתִּי אֲכִילָה גַּסָּה בְּשָׁנָה זוֹ בָּעוֹלָם הַזֶּה כָּךְ אֲזַכֶּה לֶאֱכוֹל וְלִשְׁתּוֹת לְשָׁנָה הַבָּאָה וּשְׁאָר שַׁבָּתוֹת הַשָּׁנָה


וּלְמָחֳרָת יוֹם הָעַצְמָאוּת מתענים וְאוֹמְרִים סְלִיחוֹת
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
שריפטשטעלער
שריפטשטעלער
 
הודעות: 3677
זיך רעגיסטרירט: מיטוואך יולי 25, 2012 5:41 am
האט שוין געלייקט: 7178 מאל
האט שוין באקומען לייקס: 7383 מאל

הודעהדורך שיח ושיג » מיטוואך מאי 11, 2016 10:37 pm

לאמיר קלאר מאכן אפאר פאקטן.
1. רבי ישעי'לע האט געגעבן פאר הונגעריגע אידן צו עסן, אידן וואס זענען געקומען איינמאל א וואך און דאס איז געווען זייער איינציגע מאלצייט, נישט געcן צו עסן פאר זאטע אידן צו עסן, אזי ווי עס איז היינט אז יעדער וואס עסט זיך אן ביי די פרישטיגס האט ב"ה ווי צו עסן יעדן טאג.
2. הרב הקדוש רבי ישעי'לע האט נישט ליב געהאט צו געבן פאר אידן צו עסן, ער האט נישט געהאט עפעס א גשמיותדיגער געפיל צו זען ווי אזוי אידן עסן צו דער זעט, אזוי ווי ווען א מענטש גרייט אן א פעטע סעודה אין ער האט הנאה צו זען ווי אזוי אידן זענען זיך מחי'. ער איז געווען א הייליגער איד, אין מחמת גודל קדושתו, וואס ער איז געווען א מקור החסד, האט ער עוסק געווען אין חסד אויף א גרויסע פארנעם. סיי מיטן טיילן עסן און סיי מיטן טיילן געלט פאר אידן. עס איז נאריש אפי' דער אויסדריק 'ר' שייעלע האט ליב געהאט אז אידן זאלן עסן', אנדערע צדיקים האבן די זעלבע ליב געהאט ווען פאר אידן גייט גוט, גארנישט ווייניגער ווי רבי ישעי'לי, נאר יעדער צדיק איז זיך מצטיין אין א געוויסער עבודה, אין ר' ישעי'לע איז געווען דער מקור החסד. ווען עס איז געקומען א הונגעריגער איד צו הייליגן צאנזער רב און ער האט אים געגעבן צו עסן, אזוי ווי יעדער איז מקיים די מצוה פון הכנסת אורחים, האט ער פונקט אזוי ליב געהאט ווען יענער איד האט געגעסן, און געטון חסד פאר דעם איד און געגעבן געלט. עס איז ידוע די מדת הצדקה פונעם צאנזער רב, אפשר זאל מען אנהייבן צו זאגן "צאנזער רב האט ליב געהאט צו געבן געלט פאר אידן". נאר וואס? צאנזער רב האט ליב געהאט צו טון די רצון ה', און זיך אויסגעצייכענט מיט מצות צדקה.
3. ווער עס זאגט יא "רבי שייעלע האט געוואלט אידן זאלן עסן", און ער מיינט עס נעבעך אויפן אופן ווי אזוי מ'טיילט היינט צו טאגס עסן אויף זיין חשבון, מ'פרעסט על טהרת הקודש, כאילו ער האט געוואלט מען זאל עסן. מוז מען דאך אודאי זאגן אז ער איז געווען א דעת יחידאה, ווייל קיין שום אנדערע צדיק האט דאך נישט געוואלט אז מען זאל עסן (בלשונם של הני אינשי), איז פארוואס נעמט עטס אן דעם דעת יחיד, יחיד ורבים הלכה כרבים, אלע צדיקים פון אלע דורות האבן דאך נישט געוואלט אז אידן זאל עסן?
4. הערטס אויף מיט די אלע שטותים, פרעסן על טהרת הקודש, רבי ישעי'לע דארף נישט קיינער זאל עסן, ווילסט טון עפעס לעילוי נשמתו, קענסטו טון סיי וואס די וואלסט געטון ביי אן אנדערע צדיק'ס יארצייט, אז די ווילסט דוקא קענסטו טיילן צדקה פאר מענטשן וואס דארפן האבן געלט.
שיח ושיג
מאנשי שלומינו
מאנשי שלומינו
 
הודעות: 60
זיך רעגיסטרירט: מיטוואך מערץ 06, 2013 11:07 am
האט שוין געלייקט: 7 מאל
האט שוין באקומען לייקס: 82 מאל

Re: אינטערנאציאנאלער פרעס טאג

הודעהדורך ליטוואק פון בודאפעסט » מיטוואך מאי 11, 2016 10:56 pm

מיין איינציגסטע אונגארישע עלטע באבע האט געוואוינט אין א שטאט אין אונגארען און געהאט שוועסטער'ס וואס האבען זיך נעבעך גע'עלטערט. מ'האט איינער פון זיי אנגעטראגען א שידוך, א פוילישע בחור, וואס האט געוואוינט אין פראנקרייך, וואס צו דארט האט ער געוואלט איהר אהינשלעפען. מ'האט געפרעגט ביי ר' ישעיה'לע און ער האט געזאגט אז מען מעג. ווען מיין עלטער באבע איז געקומען אין די יארען, האט מען איהר אויך אזוי אנגעטראגען און זי האט צו איהם חתונה געהאט על סמך ר' ישעיה'לע.
מיין באבע איז געווען א קינד ביים קריג, און זי האט זיך באהאלטען מיט איהר עלטערען ביי פראנצויזישע גוים און אזוי בין איך געבוירען געווארען.
דעריבער פייער איך ר' ישעיה'לע'ס יארצייט מיט א קאווע פאר'ן דאווענען און א שמעק טאבאק עלעף אזייגער און א ביה"כ נאכמיטאג

Sent from my HTC Desire 510 using Tapatalk
רעדאגירט געווארן צום לעצט דורך ליטוואק פון בודאפעסט אום דאנערשטאג מאי 12, 2016 6:06 am, רעדאגירט געווארן איין מאל בסך הכל.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9333
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3218 מאל
האט שוין באקומען לייקס: 8851 מאל

הודעהדורך בן אדם » מיטוואך מאי 11, 2016 11:15 pm

נו נו, דו טרינקסט פאר'ן דאווענען וועגן ר' ישעיה'לע, און דיינע קינדער קינדער וועלן נאך עסען פאר'ן דאווענען וועגן ר' ישעיה'לע
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2959
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3074 מאל
האט שוין באקומען לייקס: 1428 מאל

הודעהדורך שש משזר » דאנערשטאג מאי 12, 2016 12:24 am

זע איך היינט א איד מנחה צייט, זיצט און פרעסט אריין לע"נ רבי ישעי'לע, פון די איבערגעבליבענע 'תיקון' פון אינדערפרי. ס'ווערט שוין טונקל אינדרויסן, און אונזער צדיק'ל רופט זיך אן: חברה כאפטס אריין, ס'איז שוין כמעט סוף זמן אכילת רבי ישעי'לע...!
באניצער אוואטאר
שש משזר
שריפטשטעלער
שריפטשטעלער
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15597 מאל

הודעהדורך טאמבל סאס » דאנערשטאג מאי 12, 2016 9:00 am

ונבנתה העיר האט געשריבן:בֵּין כָּל מַאֲכָל וּמַאֲכָל יֹאמַר..

הֲרֵינִי אוֹכַל אֲכִילָה זוֹ, אֲכִילָה מְרוּבָּה, בַּרְבּוּרִים אבוסים, שְׁמֵנִים וּמְתוּקִים וְדָגִים מְלוּחִים לָעִילּוּי נָשַׁמְתָּ רבינו ישעיה בֵּן מֹשֶׁה בְּשֵׁם כָּל יִשְׂרָאֵל.
וַיְהִי רָצוֹן שֶׁכְּשֵׁם שֶׁאָכַלְתִּי אֲכִילָה גַּסָּה בְּשָׁנָה זוֹ בָּעוֹלָם הַזֶּה כָּךְ אֲזַכֶּה לֶאֱכוֹל וְלִשְׁתּוֹת לְשָׁנָה הַבָּאָה וּשְׁאָר שַׁבָּתוֹת הַשָּׁנָה


וּלְמָחֳרָת יוֹם הָעַצְמָאוּת מתענים וְאוֹמְרִים סְלִיחוֹת

וכידוע רבינו התכוון פה לשמנת עבית כשית וכו' וינבל צור ישעתו, היינו ישעי'. וזה הדגושה משובשת ודוק
אויב דו מיינסט אז די נומערן וועלן אלעמאל זיגן - דערמאן דיך נאר וויפיל מענטשן די גאז קאמערן האבן געקענט פארנעמען אין א איינצלנע טאג? 10,000 לכל הדעות.
באניצער אוואטאר
טאמבל סאס
חבר ותיק
חבר ותיק
 
הודעות: 3308
זיך רעגיסטרירט: דאנערשטאג מערץ 08, 2012 8:59 am
געפינט זיך: נישט דאס פלאץ.
האט שוין געלייקט: 5488 מאל
האט שוין באקומען לייקס: 2830 מאל

הודעהדורך שש משזר » זונטאג מאי 22, 2016 3:11 am

פאר א גוט ווערטל איז קיינמאל נישט צו שפעט.

ר' יצחק לעבאוויטש מוואודרידזש, האט זיך אויסגעדריקט אויף די 'מצב' איבער רבי ישעי'לע קערעסטירער:
"אמאל איז ר' ישעי'לע געווען אן עקסטערמינעיטער, היינט צוטאגס איז ער געווארן א טעיק-אאוט"...
באניצער אוואטאר
שש משזר
שריפטשטעלער
שריפטשטעלער
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15597 מאל


גיי צוריק א שמייכל

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט