קלוגע ווערטער און געדאנקען

[איש חזון]

אין דעם אשכול וועלן די חברים שיחיו (האפנטליך... איך וויל נישט זיין סולו) מיטטיילן קלוגע ווערטער און געדאנקן איבער אלץ און אלעמען, כמובן על טהרת הקודש.
ביטע שרייבן א נאמבער כדלהלן.
ווער עס וויל מרחיב זיין איבער א געוויסע געדאנק איז געבעטן צו עפענען א באזונדערע אשכול און אהער לינקען.
ליינט און האט הנאה.

1.
החכם וחסיד ר' חיים גריינימן ז"ל איז געזעצן אמאל אויפ'ן אוטובוס און נעבן אים איז געווען א לייגידע זיץ, איז צוגעקומען צו אים ידידו להבחל"ח ר' יעקב פוזן און אים געפרעגט אויב ער קען זיך אוועקזעצן, האט אים ר' חיים געענפערט "טוב תתי אותה לך מתתי אותה לאיש אחר שבה עמדי"...

2.
ווען מען האט גערעדט א שידוך פאר איינער פון די זיהן פון ר' יעקעלע מהורימלוב האט דער צד הכלה געבעטן א בילד פונעם בחור, האט די מוטער געענפערט "לא יעשה כן במקומינו לתת הצורה לפני הבחורה"...

3.
בשם הגרא"ד אוירבאך מטבריה:
מען זאגט "די לחכימא ברמיזא", און פשט פון דעם איז אז סיי דער חכם און סיי דער טיפש פארשטייען דעם רמז, נאר פאר דעם טיפש איז עס נישט גענוג, ער דארף מען זאל עס אים זאגן בפירוש...