העפי ניו יעיר! במשנתו של דאנעלד ג. טראמפ!

ווערטלעך, הומאר, און סתם קאפ פארדרייענישן

העפי ניו יעיר! במשנתו של דאנעלד ג. טראמפ!

הודעהדורך שושן פורים » מאנטאג דעצעמבער 31, 2018 5:50 pm

די טאבע אין די צייטן פירקאנטיגס (טיימס סקווירא בלע"ז) איז שוין אט אט גרייט פארן דערהויבענעם טראסקע, אנשים נשים וטף זענען שטארק פארנומען אין די לעצטע שעה'ן פון ערב יום טוב, דער עולם בעט זיך איבער, מען רופט די קינדערליך מעבר לים צו ווינטשן א גוט יאר, דער קירכע שמש נעמט ארויס פונעם שופלאד די לעצטע פעקל נייע מעסערלעך צו פארקויפן, אקיצור די וועלט פארט אויף רעדער.

אבער אפגעזעהן פון אלע חיצוניותדיגע הכנות איז פארהאן אזא אחת שהוא שתיים'דיגע פראגע וואס יעדער וואס וויל זיך אהערשטעלן ווי נישט סתם א פארטיער נאר א טיפע דענקער פרעגט זיך, די משפחה, חברים, אדער שיסט עס סתם ארויס אויפן ספר הפנים, ערווארטענדיג תשובות פון ווילד פרעמדע מענטשן הנקראים פעיסבוק פריינט וואס מען האט זיך אפשר אמאל צוזאגעשטויסן ביי שלום עליכם אינמיטן קידוש לבנה אין מיאמי.

די פראגע גייט בערך אזוי, וואס איז געווען דיין הויכע ליכטיגקייט (היי-לייט בלע"ז) פון דעם פארגאנגענעם יארע, און אויף וואס קוקסטו פראנאויס צו דעם נייעם יאר?

פילע פעדערן זענען שוין צובראכן געווארן און אסאך טינט איז שוין פארניצט געווארן, טויזנטע גיגא ביסן פון סטארעדזש פלאץ אויפן טעכנאלאגישן וואלקן זענען שוין ערפילט געווארן יאר איין און אויס מיט ענטפערס אויף די פראגע, געוויסע פון זיי טיפזיניג, געוויסע גאר פלאטשיג, א חלק פשוטע פאקטן און א חלק לגיונות, א טייל פון זיי לייגט זיך אויפן שכל, א טייל פון זיי סתם נערווירנד און דערקוטשנד. הצד השווה אז יעדע יאר שפילט זיך איבער די דאזיגע פראגע און ענטפער סעסיע.

יעדער פרובירט איבערצושטייגן דעם צווייטן, איינער זאגט אז די פריעדיגע יאר האט ער געקויפט א נייע הויז און היי יאר וועט ער צובויען, איינער פרייט זיך אז די פריעדיגע יאר האט מען אפגעראטעוועט א ענדעינזשערט ספישי פון א טשערעפאכע-פראש כלאיים און היי יאר גייט מען זיי ערוועלן אלטס גאווערנאר פון קאליפארניע,..........וכו' וגו'

אבער רבותי! עד כאן! עס איז נייע צייטן! ויקם מלך חדש אשר לא ידע את יוסיף דעת! גענוג מיטן אריינקלערן אזוי טיף אין אלעס! יעדע זאך האט א סימפליסטיק ענטפער, די כלל איז אזוי, אויב איז עס גרויס, ריזיג, מעכטיג, וכלשונו "יאדזש", איז עס א גוטע זאך, אויב איז עס אבער קליין, טייני, פיצי, איז עס א גאר שלעכטע זאך ושומר נפשו ירחק מהם.

השתא דאתינן להכא, איז גענוג געווען מיט אלע טיפע ענטפערס. די היי לייט פון 2018 איז אז זינט מען האט אנגעהויבן צו ציילן יארן איז אזא גרויסע נאמבער ווי צוויי טויזנט און אכצן נאכנישט געציילט געווארן, יא עס איז געווען נאמבערס כמעט אזוי גרויס ווי למשל 2017, 2016, אבער 2018 איז זיכער די גרעסטע.

און יעצט אז עס קומט א נייע יאר וואס גייט זיין מיט א גאנצע נאמבער גרעסער ווי די גרעסטע נאמבער ביז אהער, איז דאך אוודאי די שמחה אין לשער, עס שפירט זיך שוין אין די לופטן די געהויבענע שטימונג פון אריינטרעטן אין די "ביגעסט יעיר נאמבער טו עווער בי קאונטעט" רבותי מיר זענען שוין סיק און טייערד פון געווינען אזוי פיל!

העפי ניו יעיר מר. פרעזידענט
דער חסיד פארן מאדערן ארטאדאקס איז פונקט ווי דער לב טהור פארן חסיד ודו'ק
באניצער אוואטאר
שושן פורים
ידיד ותיק
ידיד ותיק
 
הודעות: 676
זיך רעגיסטרירט: מאנטאג יולי 08, 2013 12:11 am
האט שוין געלייקט: 507 מאל
האט שוין באקומען לייקס: 820 מאל

Re: העפי ניו יעיר! במשנתו של דאנעלד ג. טראמפ!

הודעהדורך צפור בודד » מאנטאג דעצעמבער 31, 2018 11:58 pm

תכלה שנה וקללותיה...
צפור בודד
ידיד השטיבל
ידיד השטיבל
 
הודעות: 168
זיך רעגיסטרירט: זונטאג אקטאבער 14, 2018 11:32 am
האט שוין געלייקט: 80 מאל
האט שוין באקומען לייקס: 138 מאל

הודעהדורך דער דאס » דינסטאג יאנואר 01, 2019 3:12 pm

אזא פנים טראגט מען, ווען מען טראגט אזא פנים..
בייגעלייגטע פיילס
Screenshot_20190101-140956_WhatsApp.jpg
דער דאס
ידיד השטיבל
ידיד השטיבל
 
הודעות: 284
זיך רעגיסטרירט: פרייטאג יולי 15, 2016 12:41 am
האט שוין געלייקט: 499 מאל
האט שוין באקומען לייקס: 553 מאל


גיי צוריק א שמייכל

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט