כ"ק אדמו"ר מ'מילק שעיק וועט נישט זיין חנוכה אין פאר-ראקעוועי

[שמעקעדיג]

דער תורה שרייבער פון רבי'ן וועט אויך צוריקקומען נאכן זיין אפוועזנד א לענגערע צייט?

[קאווע טרינקער]

רבינו שליט"א איז יעצט ארויס פון מקוה, זיין פנים הקדושים פלאמט, ער מורמלט זיך אונטער "וואס וועט דא זיין, וואס וועט דא זיין... ס'שווערע מלחמה"...

בנו בכורו פון כ"ק יתברך שמו שליט"א, האט געזאגט, אז כפי הנראה וועט רבינו שליט"א כאפן אן הארץ-אטאקע אין די נאנטע טעג.

[הוגה]

א סטראוק, כצ"ל.

[רויטע וואנצעס]

די רבי האט געהייסן איבערגעבן אז לכבוד די חוזק וואס מ'מאכט פונעם ק"ש ציבור, זאל מען נאכן לייענען די וואך אנשטאט שרייען, חזק, חזק ונתחזק, זאל מען שרייען חוזק, חוזק ונתחוזק.

[שטילע אינגערמאן]

די וועד העסקנים פון די קהלה האט געלאסט וויסן אז אויף די יעצטדיגע מינוטן איז די פלאן צו פייפען, פשט אין פראסט, אונז גיין זיך נישט לאזן פון די רשעים. ווען נאכט פאהלט יום המר והנמהר יא אדר זאל יעדער ווייטער פאוסטען ותגובות דא אין אין שטיבעל אין עפענען אשכולות כאילו לא היה, טאמער גיין די תגובות נישט ארויפ זאל מען האלטן אין איין איבער דריקען די שיק קנעפעל ביז מוועט פוילען,
די רבי האט אויך געלאסט ווייסן אז אפי ארעסטירען זאל נישט זיין קיין שום אפהאלט, מהאט שוין גערעדט מיט נעט לעווין, ער גייט זיין אויפן קעיס פון יעדער איינציגסטער וואס קומט אן צום געריכט. אלע הוצאות איז נתנדב דורך הרוצה בעילום שמו למען ולהתחזק ולהגדיל ק״ש ולהאדירה

[שמעון וואלף]

רבינו שליט"א איז יעצט ארויס פון מקוה, זיין פנים הקדושים פלאמט,

און וואס איז געווען מיט זיין קודש קדשים?

[קאווע טרינקער]

ביי הבדלה האט רבינו שליט"א מרמז געווען ביד קדשו צו ברענגען די קאסעטע, און רבינו שליט"א האט בלשון קדשו אריינגעזינגען למשמרת עולם בניגון הידוע אויף די ווערטער "ווייל א מאמע ווערט א באבע...") :

ווייל קאווע בלייבט קאווע
צום אלעמענס וואונדער
קאווע שטיבל אויף אלעמאל

ושר אותו ב"פ, וניכר שהסכימו לו בשמים

[הוגה]

ווער נאך האט געהערט די קליפ וואס איז ארומגעפארן פרייטאג אויף וואצאפ, ווי די רבי רייסט איין ביים ציון הקדוש אין מילקשעיק אונגארין, ער וויינט דארט ווי א בעיבי.

לב מי לא ימס.


.

[שבת אחים]

די רבי שליטא האט די וואך מוחה געוועהן ביי שלש סעודות כמנהג מילק שעיק אויף די נייע גזירה פון צומאכן די קאווע שטיבל! די רבי שליטא האט ארויסגעברענגט די נחיצות הענין און ווי וויכטיג ק״ש איז פאר אונז אנ״ש חסידי מילק שעיק! די רבי האט בתוכם מעורר געוועהן ק״ש מיטגלידער צו תשובה טוהן און מתקן זיין זייערע מעשים! און אוי האט ער זיך צו וויינט אויפן קול ווען ער האט געזאגט ״וואס וועט זיין מיט די אלע לייקס וואס כלל ישראל האט זיך אנגעזאמעלט די אלע יאהרן??? די לייקס וואס יעדער לעכצט אזוי שטארק!!! דאס איז דאך זה חלקי מכל עמלי! זה חיינו וקמינו! קיין טריקן אויג האט זיך נישט געפינען אין דער גאנצער מיליקשיקער הויף ווען דער רבי האט זיך צושריגן: ״ און וואס וועט זיין מיט די מיליקשעיקער אשכול??? דעס איז דאך דער איינציגסטער פלאץ ווי מלאזט אריין א ערליכע איד א מיליקשעיקער חסיד! הי׳ לא תהי׳! האט דער רבי געשריגן!!! דערנאך האט מען געבלאזן שופר כדאי צו צומישן דעם שטן און מ׳האט געזאגט זיבן מאהל ויהי נועם כדאי אויסרייסן די שרעקליכע גזירה!!! דער עולם איז אוועקגעגאנגען פון דארט מיט א שטארקע החלטה אויף להבא צו שטיין ביי די האנט און ארויסהעלפן מיט וואס מ׳קען נאר דעם געטרייען גבאי נאמן בישראל הרב קעלנער שליט״א.פארן וואשען מים אחרונים האט זיך די רבי ציוויצלט אז אין אמתן אריין קאווע שטיבל באטרעפט ק׳עלנער א׳יז וו׳אוילע ע׳רליכע ש׳טארקע ט׳יכטיגע י׳ונגערמאן ב׳ליעה״ר ל׳עולם ועוד!

יחי׳ אדונני מורנו ורבנו צדיק דורנו!

[שמעקעדיג]

עס גייט זיין בילדער אין דער בלאט פון וויזניץ סטעטן איילענד בליץ באזוך ביים מילקשעיקער?

[שבת אחים]

ברעיקינג: כ״ק מרן אדמו״ר עט״ר מ׳מילק שעיק שליט״א נעתר לבקשתנו, די רבי שליט״א וועט יא זיין אין פאר-ראקעוועי אויף שבת חנוכה! מ׳בעט יעדעם איינעם זיך צו האלטן ראוהיג, פרטים יבאו!

אויב ווילט איר זיך איינשרייבן צו זיין פון די ראש הסדרנים וואס רוקן די פארענטשעס פון צפון-דרום זייט צו מזרח-מערב זייט ביטע זיך איינשרייבן וואס פריער ביי די גבאים! ווי אויך ווערט געזוכט אנ״ש וואס וועלן העלפן אויס טיילן די הערינג מיט די אייער קיכלעך ביי די קידושא רבא.

נ.ב. גבאים ווערן געבעטן צו טוישן די פארפירשע קעפל פונעם אשכול, די רבי וועט יא זיין במחצתינו אין פאר-ראקעוועי

[רויטע וואנצעס]

עס גייט זיין בילדער אין דער בלאט פון וויזניץ סטעטן איילענד בליץ באזוך ביים מילקשעיקער?

געהערט האב איך אז די פאטאגרפירער פונעם וואך האט זיך מיאוס צושלאגן מיט'ן כל העולם פאטאגראפירער, צוליב וואס דער כל העולם גיי האט פארשטעלט די וואך גיי און מ'זעהט נאר די לינקע נאז לאך פונעם מילקשיעקער אין בילד. אינטערעסאנט איז אז דער ווישניצער סטעטן איילענדער, האט א גאר ענדליכן בארד צום קאלובער פון ארץ ישראל. איי געיס אויך א לאגער געליטענער.

[שבת אחים]

אז מרעדט שוין יא פונעם קאלובער פון ארץ ישראל, נעבעך א מיטגעעמאכטער איד קודם איז ער דורך א שווערע גיהונים נעבעך ביי די דייטשען ימ״ש. און נאכדעם איז ער ארויפגעקומען קיין ארץ ישראל און זיך באזעצט אין בני ברק אויף רחוב השומר הארט לעבן די באוויסטע אוסם עסען קאמפני, ער האט געוואלט צוריק אויפבויען און איבערפלאנצן חצר קאלוב אין ארץ ישראל האט ער געבויעט א הערליכע פראכפולע זעקס שטאקיגע געביידע און געמאכט א גרויסע ״חנוכת הבית״ ווי ער האט איינגעלאדענט אלע גרויסע אדמורי״ם פון גאנץ א״י זיך צו באטייליגן ביי די גרויסע מעמד, כ״ק אדמור מבעלזא שליטא איז געקומען ספעציעל צופארן פון ירושלים און זיך באטייליגט ביי דעם געהויבענם מעמד, איך בין דעמאלס געוועהן א אינגע בחור און כהאב מיך אריינגעשטיפט אויבנאן כדאי נישט צו פארפאסן די הייליגע סוד שיח צווישן אזעלכע גרויסע לייבן און און כגעדענק ווי היינט ווען דער בעלזער רב שליטא האט ער אנגעפרעגט דעם קאלובער צדיק וואס גייט איהר טוהן מיט די א זעקס שטאקיגע געביידע? איהר גייט בויען א ישיבה? האט דער קאלובער צדיק גענעטפערט מיט זיין אויסערגעווענטליכע ענוה און חן ״ווער עס וועט מיר זאגן וואס צוטהן מיט די אינטערשטע דריי שטאק באקומט פון מיר די אויבערשטע דריי שטאק״!

ער האט נעבעך געמיינט אז דא ענדיגט זיך די געברענטע צרות ביקש יעקב לישב בשלוה, אבער גלייך נאכן אויפבויען די הערליכע געביידע האט אים באפאלן א אנדערע צרה ליידער, זיינע שכנים די ״אוסם״ קאמפני האט אים גערופן אין די ציוניסטישע געריכט אריין מיט די טענה ״הלמאי איר שטעלט זיך אראפ קעגן אונזער פאבריק פארקויפן לאקשן״???? מיר זענען שוין דא געוועהן דרייסיג יאהר פאר אייך!

זאל אים דער אייבישטער שענקן לאנגע געזונטע יאהרן ער איז א וויואלער מיטגעמאכטער איד!

[שושן פורים]

ער האט נעבעך געמיינט אז דא ענדיגט זיך די געברענטע צרות ביקש יעקב לישב בשלוה, אבער גלייך נאכן אויפבויען די הערליכע געביידע האט אים באפאלן א אנדערע צרה ליידער, זיינע שכנים די ״אוסם״ קאמפני האט אים גערופן אין די ציוניסטישע געריכט אריין מיט די טענה ״המלאי איר שטעלט זיך אראפ קעגן אונזער פאבריק פארקויפן לאקשן״???? מיר זענען שוין דא געוועהן דרייסיג יאהר פאר אייך! !

סתם תולה געווען בוקי סריקי אויפן צדיק יסוד עולם, די אמתע מחלוקת צווישן אוסם און דער שרף פון קאליב איז געווען אז אוסם האט געוואלט אפקויפן די זכות פון האבן צורת קדשו פונעם רבי'ן אויף זייערע פראדוקטן אבער דער רבי האט ענדערש מזכה געווען קוועיקער אוטס, ווי דער רבי האט זיך דאן אויסגעדרוקט צו די מקורבים אז ער וויל זיך ענדערש געפונען אין קאלטע מילך ווי אין הייסע זופ, ומי יעמוד בסוד קדושים

[קאווע טרינקער]

רבינו שליט"א האט זיך אויפגעוועקט פון א לאנגע עליית נחמה, און געזאגט "כ'זעה ווי ס'שיינט אין הימל די פסוקים, יורדי הים באניות, עושי מלאכה במים רבים, המה ראו מעשי ה' ונפלאותיו במצולה, ויאמר ויעמד רוח סערה ותרומם גליו..."
נאכן דאווענען איז הרה"ח הישיש ר' קלמן מוותיקי פלארידע שיחי' צוגעגאנגען צום רבין און אנגעפרעגט וואס איז דער באדייט פון דעם חלום?
האט רבינו שליט"א בצחות לשונו ולבן שינים געעענטפערט בקצרה כדרכו בקודש:
אז ס'דא א קאפיטאן פארט אלעס ווייטער.
ואין אתנו יודע עד...

[שבת אחים]

אין די לעצטעיגע מילקשעיקער נייעס אין קעיס איר האלט נישט מיט, מזוכט מיט לעכט א פאסיגע קאנדיאדט פאר א פורים רב פאר בית מדרשינו! ס׳דא וואס זאגן אז ס׳גייט זיין וואלן צווישן יואב און רויטע וואנצעס און ס׳קען זיין אז שבת אחים וועט לויפן אלץ א אינדערפענדענט פארשטייט זיך ער האט גאר שוואכע טשענסעס צו געווינען ער איז דאך א פרייע איד א סאושליסט וואס שטיצט געי רייטס און גלייבט אין גלאובל ווארמינג, עכ״ז די אלטע למשל די פון @מושב זקנים האבן אים גאר ליעב און אזויווי ס׳איז איינגעפירט אין די פראגרעסיווער מילקשעיקער קהילה מעגן דאך די אידן אין בית החיים אויך וואוטן פאר פורים רב אלץ ונהפך הוא און די עיקר סיבה איז צוצומישן די שטן אין אזעליכע געהויבענע טעג יעדע קליין קינד ווייסט דאך אז פורים איז כ׳פורים נאך הייליגער פון יום הקודש אליינס!

נאכדעם איז דא נאך א פראבלעם מיט דעם שבת אחים אז ער איז שוין צו אלט און ער זאגט אלעס איבער טויזענט מאל מ׳האט שוין אלעס געהערט וועגן זיינע קעפטיליסטישע קריטיק און זיינע פראגרעסיוו איידיעס און וועגן זיינע רבי׳ס בערני סענדארס זז״ג און זשארזש קארלין זצ״ל און וועגן זיין רבין ביל מאהר זז״ג און זיינע מעדיעטאציעס אין סטעטן איילענד מיט אלע זיינע לינקע סעקולערע איידיעס,וואס קען ער שוין צולייגן? פארציילן א וויץ פונעם אלטן רבין דער סבה״ק פון וויזניץ? און יא שיעור פארגעסן וועגן די פרה אדומה קומט דאך אויך יעצט אריין אין די פרשה, ס׳איז דאך זיינע אושפוזין יעצט! איז היות שבת אחים איז אויסגעקלאפטע הושענה וועט מען מוזן איינזעצן אז @יואב און @רויטע וואנצעס זענען אונזער איינציגסטע נחמה פאר א נארמאלע קאנדידאט פאר פורים רב אין חצר הקודש מילקשעיק.

איין מינוט @שש משזרהאט דאך אויך עפעס צוטוהן מיט די מגילה ניין? איך געדענק נישט פונקטליך וויאזוי אבער עפעס א גיטע פריינד פאר אחשוורוש צו פאר ושתי , וואס ווייס איך איך בין דאך א גראבער מן הארץ.

און לאמיר נישט פארגעסן @שושן פורים, רוף דיך אן ווארים ביסט גארנישט אזא קטלי קניא! אה אז מרעדט שוין פון קטלי קניא איך בעט דיך ווארף אריין א ליכטיגע ארטיקל לכבוד פורים אין מילקשעיק שוין לאנג נישט באלעקט די פינגער! מעגסט אונז אויסגעטריקענטע מילקשעיקער נשמות מחי׳ זיין לכבוד פורים! ווארף אריין עפעס א זאפטיגס !
אז נישט וועל איך איינרייצן @כוכב ער וועט שוין עפעס אנדרייען!

[שבת אחים]

ברעיקינג מיר האבן שוין א @משבק פאר אונזער פורים רב! @עזריאל גבאי וועט זיין @יואב׳ס @גבאי און @שמעון וואלף@ גבאי וועט זיין @רויטע וואנצעס @גבאי שניאדער ונהפכו לכבוד אדר! למעשה איז עס א גיטע @טשויס ווייל ער איז א @שטילע אינגערמאן און די זעלבע צייט איז ער זייער @outspoken
און אזויווי מזל אדר דגים וועט האפענטליך אויך דארט זיין ביי די סעדה׳ניו @געפילטע פיש@סאשי פיש@פישלע העררינג@ווייט פיש @וכודומה...
און אויב אונז וועלן האבן מזל וועט דער @פיש כאפער אפילו כאפן דעם @לויתן (כהאב געמיינט ס׳איז דא אזא ניק ) ממש א סעודות @שלמה המלך בשעתו אליינס ס׳וועט זיין @געוואלדיג א בחינה פון @נהורא נפישא מהאפט אז פון אזוי פיל פיש זאל נישט די זאל זיין אזוי @שמעקעדיג מיטן בענטשען וועלן מיר מכבד זיין אונזער @ראשעקאל און מיט סיפורי צדיקים וועלן מיר מכבד זיין אונזער טייערע בעל עגלה ר׳ בערל (אנטשולדיגט ס׳טעג נישט אויף אידיש )?וואס לכבוד פורים וועט ער אלץ ונהפך הוא נישט רעדן קיין ווארט וועגן ציוניות און סענדר דער דייטש, דער באוויסטער @ביבער וועט מהנה זיין דעם @עולם מיט @מוזיק איז אלזא זייט נישט קיין @כעלעם'ר מגיד אדער אזא @גראדעמעכעלע און @התם ומתמם עם תמימים און קומטס @פרייוויליג זיך באטייליגן אין אונזער פארטי ווער סהאט עפעס אפאר@ישראל קאפקע׳ס פאר די קינדערלעך זאל ביטע אריינווארפן, מיר בעטן אויסדריקלעך אלע @קאווע טרינקער צו קומען
@לית דין בר נש וועט אויסטיילן די נאש פאר דעם @דער געוואגטער יונגעלך וואס וועלן זיך קומען באטייליגן מען בעט צו האלטן די קינדער @רואיק ווייל אז נישט וועט ער כאפן א פליק פון אונזער ספעציעלע milkshake@ @פליקער!

מ׳בעט יעדעם איינעם ווער עס האט אפאר אלטע פידזשאמעס מיט @גאלדענע שטעקנס און @זר זהב און שטארק געפעפערטע הויזן געמאכט פון@שש משזר מיט @סטראקעס פאר אונזערע נייע אדמורי״ם וואס מיר האבן יעצט מכתיר געוועהן זאל זיך מעלדן ווי אומשנעלסטן צו @דער שכן פונעם האון פונעם @בן אדם

בלייבט נאר איבער אייך צו בענטשען @יאיר ה׳ פניו אליך, און איבערס יאהר זאלן אונז שוין זוכה זיין צו @ונבנתה העיר על תילה @מאטי קומסט? @ריכטיג? קענסט כאפן א רייד מיט @יואליש אדער @הוגה אדער אויב ווילסטו קומען גאר שפעט קענסטו כאפן א רייד מיט@נולד מאוחר

@ברסלבער איך ווייס נישט צו ביסט שוין אמאל געוועהן ביים מילקשעיקער @אדמו״ר אבער סלוינט זיך! אדרבה פרעג דיין@ראש הישיבה ער האט א @דעת תורה ער קען די גאנצע @שיטה מקובצת אויפן לשון, @קל וחומר אז ער איז א @תלמיד חכם און א@בעל מדות ביי אונז פילט זיך יעדער היימיש אפילו @שמערל און @שעפטל קיינער איז נישט קיין @גר ותושב @ליטוואק פון בודאפעסט ס׳איז א שאד איר וואוינט נישט נענטער איר וואוינט דאך אין @הדד בן בדד

ק״ש ריפארטער @ראובן וועט אפירזוכן א אלטע שטיקל אידישע ליכט פון תרפצ ווי מ׳האט זיך פורים געמישט מיט תערובות אפילו ביי די היימישע אלץ ונהפכו אויס

נ.ב. @Shem-tov ס׳איז א גיטע הכשר איך געדענק שוין נישט וועלכע ווייל ער טוישט עס יעדע צווייטע טאג אבער כ׳וועל פרעגן @ליפא דער @משגיח ער איז א@ירא שמיםממש א @טמיר ונעלם א ספרדי , דאכצעך ער הייסט @רימון@בן נריהו

[קל וחומר]

א שיינעם @שש משזר האסטע אנגעמאכט.

[געוואלדיג]

יוי ביסטו גוט, הסט געהעריג אויסגעמישט דעם שעיר לעזאזל מיטן אשכול הכופר און צו מישט דעם קטן.

[שבת אחים]

יוי ביסטו גוט, הסט געהעריג אויסגעמישט דעם שעיר לעזאזל מיטן אשכול הכופר און צו מישט דעם קטן.

מ׳דארף אויפהערן מיט די ליצונת איינמאל פאר אלעמאל! ס׳דערנעטעט זיך שוין די הייליגע טעג! אפילו די פיש אין וואסער ציטערן שוין! @איש עבריהיה בשושן הבירה ושמו מרדכי בן יאיר(איך האב דיך שוין געטעגט @ יאיר! איינמאל איז גענוג געוועהן) בן שימי בן קיש איש ימיני אשר הגלתה! איך פלאן צו גיין צו ר׳ מענדלע פון דעש הערן די מגילה לייענען אלעס כדאי מקיים צוזיין דעם ונהפוך הוא (ווייל איך בין דאך א הייסע ישראליסט) אזוי וועל איך קענען מקיים זיין דעם ונהפך הוא מיטן ארור המן און עד דלא ידע בנשימה אחת! דארט איז ער די פורים רב אליינס כמיין אפילו אינמיטן יאר אויך! שוין צופיל גערעדט

[שבת אחים]

אזויווי איך מאך יעצט פסח׳יג מיין דרעפט באקסל האב איך מיך אנגעשטויסן אין א אלטע אפגעשטויבטע באריכט וואס איך האב פונקטליך אפגעשריבן אלע דיטעלאן פון אונזער שלחן הטהר פורים ביינאכט אין די הייליגע מילקשעיקער הויף, כהאב עס למעשה קיינמאל נישט מפרסם געוועהן בשער בת רבים ווייל איך האב נישט געהאט די כוחות צו טעיג״ן יעדעם באזונדער איש על מחנהו ואיש על דגלו.

טראכט איך אבער צו זיך, הכלל וואס טוה איך מיט דעם שטיקל? אריינווארפן אין שמות צוזאמען מיט אלע אידישע ליכט און עלים לתרופות? איז אבער נמנו וגמרו אז אין אמת אריין איז דאך די גרויסע מצוה פון שמחה חל א גאנץ יאהר ווי עס שטייט בפירוש ״מצוה גדולה ליהות בשמחה תמיד״
און ווי חז״ל פסקנן שוין תדיר ושאינו תדיר איז דאך אוואדי תדיר קודם, אלזא בין איך געקומען צו שטארקע החלטה יא ארויסצוגעבן די סודות פון חדר און פונקטליך פארציילן וואס סאיז פארגעקומען ביים הייליגן רבי׳ס טיש אום פורים ביינאכט די הייליגסטע טאג אין יאר, און ווי חז״ל זאגן אונז שוין תפשת מרובה לא תפשת ע״כ וועל איך טאקע ארויס שטעלן דאס באריכט אן קיין געטעיג׳ארציע ובמקום שאין איש איז הערינג אויך פיש פלעגט ר׳ חיים מענדל זאגן

צו די אלע וואס האבן זיך באליידיגט למפרע אז איך האב זיי נישט אויסגערעכענט דא ביטע זייט נישט פערזענליך ברוגז אויף מיר און זייט מיך דן לכף זכות איך בין מסתמא געוועהן זייער שיכור און איך האב אייך נישט באמערקט, און ווי יעדער פארשטייט אליינס אז צווישן אזא גרויסער עולם אנ״ש חסידי מילקשעיק איז ממש אוממעגליך יעדעם איינעם צו באמערקן ואתכם המחילה והסליחה.

ובזה החילי

לעקוואד
איז געקומען צו פארן צו אונזער נעיבערהאוד

יין שרף
האט מיטגעברענגט זיין קרוב

גנדי
איז געקומען גאנץ פרי

רויטע וואנצעס
האט געטרונקען אפאר ounces

שטילע יונגערמאן
האט געטרונקען וויין

ונבנתה העיר
האט געטרונקען ביר

בענזשמין פרענקלין
האט געטרונקען דזשין-Gin

אחד העם
האט געטרונקען ראם-Rum

היסטאריקער
האט געטרונקען ליקער

ראשעקאל
האט געטרונקען אפאר מאל

פארוואס
האט געטרונקען אן א מאס

משבק
האט געטרונקען אן א עק

אפטעמיסט
האט זיך נאך משקה פארגלוסט

פליקער
איז געווארן שיכור

געפילטע פיש
האט געזאגט א דרוש

ישראל קאפקע
האט געכאפט א האפקע

פישעלע הערינג
האט געגעבן א שפרינג

סאשי פיש
האט געטאנצן אויפן טיש

פרייוויליג
האט געטאנצן מיט
געוואלדיג

שמערל
האט געטאנצן מיט ר׳ בערל

יאיר
האט געטאנצן מיט טמיר

דעת זקנים
האט געטאנצן מיט יעדעם איינעם

מאראנצן
האט פרייליך געטאנצן

היימישע ליטוואק
האט געטאנצן געשמאק

עזריאל
איז געווארן שיכור פאר Real

קאפיטאן
האט געבעטן נאך א גלעזל וויין

סאו וואט
האט פונעם ברוינפן גענומען נאך א שאט

קל וחומר
האט דעם באטל געמאכט פאר א גומר

יידל
האט געשפילט מיט א פידל

א איד
האט געזינגען א ליד

שבת אחים
האט אראפגעלייגט א שיין שטיקל והוא רחום

ירח בן יומו
האט געזינגען מקומו

בענדזשמין פרענקלין
האט געזינגען אני מאמין

פשוט קאמפליצירט
איז פון דביקות געווארן בארירט

שמעקעדיג
האט האלפטשעס גערוקט

מבקש
האט געגעסן געפילטע פיש

שושן פורים
האט אכטונג געגעבן אויף די שיכורים


דער געוואגטער יונגעל
האט געגעבן פאר אלע קינדער א single

טעפל
האט פאר יעדעם געגעבן שלח מנות א עפל

יעדער לאכט
איז געוועהן שיכור א גאנצע נאכט

שש משזר
איז געווארן שיכור אז נאר

נהורא נפישא
האט געטרונקען אן קיין בושה

מ גפני
איז נישט געוועהן דאהי

ציגרעטעל
האט געזאגט א פורים פשעטעל

יואליש
האט געזאגט א פורים פשעטעל אין פויליש

גאלד
האט זיך פאר געלעכטער געראללט

חיים נחום הלוי פריד
איז פון צופיל טרונקן געווארן מיד

שלום על ישראל
האט געבראכן איבעראל

יאיר
האט האט געטענה׳ט אז פון אזויפיל ברעכן שטינקט עס ווי א סאוער sewer

פיטערגריפן
האט מיטן גראגער געפיפן

שתאדמתן
האט ביי המן געשאסן מיט זיין גאן

יעלה ויבוא
האט ביי המן געשריגן פוי

הציץ ונפגע
האט פאר נערוועזקייט געשריגן שא

יהושע חיים
האט געזאגט אז מרדכי שטאמט פון מנשה און אפרים

יואב
האט געזאגט אז המן שטאמט פון מואב

קאווע טרונקער
האט געזאגט אז המן איז געוועהן א לינקער

בערל בעל עגלה
האט געזאגט אז המן ווערט שוין געברענגט אין די גמרא

ליפא
האט געזאגט אז המן איז די קליפה

הוגה
האט געזאגט אז אסתר איז פון אחשוורוש נישט געווארן פוגע

ליטוואק פון בודאפעסט
האט געטעהנט אלע חסידים זענען דיפרעסט

חקרן
האט געזאגט אז ער איז א שקרן

כעלעמם׳ר מגיד
האט געזאגט ער געט נישט קיין ש*ט

דער שכן
האט געפרעגט היתכן

טאמבל סאוס
האט געשריגן שייגעץ ארויס

לית דין בר נש
האט געפרעגט מה כל הרעש

בן אדם
האט געזעצט אויפן Drum

כוכב
האט געמאכט א נופח

בן נריהו
האט געזאגט ער האט געהאט גילו אליהו

ירא שמים
האלט פורים אזויווי מנהג ירושלים

מור וקציעה
האט זיך פארשטעלט ווי א אינטערסאנטע בריאה

ישראל גלויבער
האט זיך פארשטעלט ווי א רויבער

יתרו
האט זיך פארשטעלט ווי א גוי

דריידל
האט זיך פארשטעלט ווי א מיידל

וואלווי
האט זיך פארשטעלט ווי א קוה

קעלנער
האט זיך פארשטעלט ווי א זעלנער

מאטי
האט זיך פארשטעלט ווי לאצי

רויסישער
האט זיך פארשטעלט ווי א בער

הקטן
האט זיך פארשטעלט ווי פוטין

בשבילי
האט זיך פארשטעלט ווי הילערי

שלמה המלך
האט זיך פארשטעלט ווי ר׳״ר מיילעך

אבי גערעדט
האט אנגעטוהן א פאוני העט Hat

מייקל פאראדעי
האט געשפילט אויפן פלעי

ריכטיג
האט זיך געמאכט וויכטיג

קאצקע צוקער
האט זיך געמאכט כאילו ער איז שיכור

בת קול
האט נישט צוגעמאכט זיין מויל

משולם שטיינפעלד
איז געגעאנגען נאך געלט

שם טוב
איז געגאנגען פאר א איד א בעל חוב

גראדעמעכעלע
האט זיך באהאלטן אין א לעכעלע

ציבלע קוגל
האט זיך געקוקט אין שפיגל

זבולון
האט פארלוירן זיינע ברילן

קינד און קייט
האט מען אהיים באגלייט

שטאפענע קאפליטש
האט געכאפט א היטש

נולד מאוחר
האט געזאגט אז ער קען אליינס אהיים דרייווען פאר זיכער

ראובן
האט פאר די צייטונגען געשיקט בריווען

[שמעקעדיג]

צוגעטראפן, איך גלייך האלעפטשעס...

אגב, פון ווען איז די דרעפט? קאפיטאן איז דאך קוים אנגעקומען? תיובתא תיקו.

[קאווע טרינקער]

רבינו שליט"א האט פריער באקומען א דיקע ups envelope פון א דערנעבנדע דרוקעריי סענטער, און איז איינגעשפארט בחדרו פנימה, נישט ארויס געקומען צו מעריב.
ואין אתנו יודע עד ועד בכלל.

[קאווע טרינקער]

מר. מארק צוקערבערג איז יעצט געווען ביים רבין פאר א באשטעלטע וויזיט, לויט ווי הרה"ח המשב"ק שליט"א געבט איבער, האט זיך צוקערבערג אפגערעדט אויף די לעצטיגע ירידה אין קונים, בפרט אין די היימישע געגענט ווי מצודת מילקשייק פרוסה, ווי אסאך געוועזנע קליענטען נוצען מער נישט זיין גרינע עפפ (משב"ק געדענקט נישט די נאמען גענוי).

רבינו שליט"א האט אים געפרעגט וויפיל געלט ער איז גרייט צו געבן פאר די הוצאות פון איבערבויען די וואסער ברינען אין מילקשייק אירופה, צוקערבערג האט גלייך געשריבן א גרויסן טשעק, און רבינו שליט"א אף הוא ענה לעומתו ברוך, און האט מבטיח געווען אז ביז א וואך צוויי וועלן אלע גרופעס צוריק אויפגעלעבט ווערן.

[שבת אחים]

שקר וכזב, מאך נישט אויף קיין מעשיות!, כ״ק אדמור שליט״א האט זיך בשום אין פנים נישט געוואלט טרעפן מיט מארק צוקערבערג ווייל ער איז געוואר געווארן אז ער איז פארהייראט מיט א גויטע רח״ל.
גבאים, ביטע אריינלייגן אין פאלשע קלאנגן אשכול.