אשכול אנע טעמע

[אויס מענטש]

פיל מאל קומט אריין שטיבל מיט א גוסטע אדער א גוטע צו שרייבן עפעס מוראדיג, אדער פארקערט אויפגעברויזט ביז גאר, און מען וויל שימפן שעלטען עס זאל גיין א רויעך,
אדער ווי לעצטענס פארוויקלט זיך גאר סומאטאכעס על ידי סומעטאכע, בתוך סומעטאכע, דא אין שטיבל מיניה וביה, און סומעטאכע גוררת סומעטאכע, ווען איינער האלט גאר שטארק איין זאך, און שווערט זיך ביי דעם רבינ'ס צווייטע זון אז נאר אזוי איז געווען די מעשה, און ער קומט אריין דא פול פארס, אין ביזדערווייל טרעפט ער רבים וטובים וואס טראכטן אנדערש ווי אים און להכעיס קען נאך איינער עס אפי' ארויסברענגען אין צומישן זיינע קלארע דיעות, וואס דאן ווערט א פייער וואס גייט פערזענליך ווי א פייער טאבע וואס ווייסט נישט קיין אפשטעל, א שטייגער, למשל איחוד גייט נאכלויפן און דערגיין די יארן פון זר זהב איבעראל, און יאסעלע גייט אראפרייסן און אויפדעקן איחוד'ן, צו איינער ביים ליינען די קשיות אויף באס דרייווער'ס מעשיות, צו ווען מען ליינט עפעס אומגעווינטשן פון דעם שואב מים, וכו' וכו', וגלגל החוזר היתר כרוך ביז עס ווערט 132 בלעטער,

וואלט זייער ראטזאם געוועזען מען זאל מאכן א ספעציעלן אשכול, פאר אט אזעלכע פעלער מען זאל חלילה נישט דארפן צוקומען צו דעם,
א ספעציעלן אשכול ווי מען קען שרייבן וואס מען וויל אן קיין טעמע, די קענסט שרייבן דיינע חלומות מיט די גלענצעדע פארבן און קיינער קען דיר נישט אפפרעגן, נישט האבנדיג קיין השגה במה דברים אמורים און היכא קאי דבריך, אזוי האסטו זיך אויסגעבען און קיינער האט דיר נישט אריינגעווארפן א פלאקן,
און וכן להיפך די ווילסט יעצט אויסגעבן דיינע בויך קרעמפן און כעס, דיין לייכטזיניקייט, וועגן א געוויסע נושא יהי' מה שיהי' און די ווילסט קיינער זאל דיר נישט שטערן ווי א שטייגער ביים ליינען עפעס א סומעטאכע ווי יעדר זאגט אנדערש ווי די ווילסט, קען מען קומען אהער אפשרייבן וואס מען וויל און נישט דערמאנענדוג די טעמע וואס באדערט וועט יעדער זאגן נתקבל דעתך תנוח דעתך מיר האלטן גענוי ווי דיר און שלום על ישראל.
געגאנגען ...