שלום עליכם! לאמיך זיך פארשטעלן פאר אייך

[געוואלדיג]

סא פאר די קומענדיגע 50 יאר איז ער איבערגעצייגט אז ער גייט בלייבן א מזרחיסט...

[איך אויך]

ווער האט באמערקט זיין נתניהו פרוידיען סליפ ?

[דוד]

סתם איך האב געזעהן אפאר זאגן וואס איך וואלט געוואלט צושרייבן קאמענטס. חוץ פון דעם איז עז זייער א גוטע גרופ. און איך האב עס ליב.... חוץ נישט חוץ פון דעם גארנישט ביזדערווייל אבער אפשר מיט די צייט. אפשר

[נופת צופים]

עליכם שלום. ווער איז א טרענסלעיטער?

[זייגער]

איך בין היפש ניי דא, און איך קען נישט אנהייבן באדאנקען אלע גוטע שרייבער, אבער היות [tag]אדנירם[/tag] איז אויך ניי, וויל איך ארויסברענגען מיינע געפילן און עם באדאנקען ברבים.

ירבו כמותך ב'קאווע שטיבל

[אדנירם]

א גרויסע דאנק!


און לאמיר אויסנוצן דאס ברעטל מעיר צו זיין אויף א נקודה חשובה:

די חשובע אלטגעזעצענע ניקס, כל אחד בשמו הטוב יבורך, קענען זיך שוין גוט איינער דעם צווייטן, יעדער האט זיך שוין געטראפן זיין פלאץ און זיין אידענטיפיקאציע אינעם קאווע שטיבל. זיי קענען שרייבן זייערע מיינונגען אנע מורא, זיי ווייסן שוין בדרך כלל ווער עס וועט מגיב זיין, און וואס די תגובה וועט זיין. אלעס פארט על מי מנוחות.

ווידעראום דער נייער ניק, קומט אריין היבש שעמעדיג און אסאך מער דערשראקן פונעם גרויסן בער 'קאווע שטיבל' מיט אירע טויזענטער אשכולות איבער כל'ערליי נושאים, און איז פארוואונדערט פונעם ברודערשאפט וואס שפירט זיך דא, עס קומט אים אויס ווי אריינשפאצירן ביי איינעמ'ס הויז ווען יענער האט אזא 30 קינדער. ער ווערט פשוט פארלוירן. ער מעסט זיך זיינע ווערטער אן די נויטיגע מאס דרייסטיקייט, און ווארט שוין צו זען ווען ער וועט עכט ווערן 'פארט אוו די קלאב'.

ממילא ברודערלעך, ווען א נייער ניק שרייבט - לאזט עפטער הערן אייערע מיינונגען לטב ולמוטב. לאז יענעם אנהייבן שפירן וועלקאמען. איר וועט זיכער נאר הנאה האבן צו זען ווי א פרישער [tag]קופערניקוס[/tag] שפראצט ארויס, ווי א נייער [tag]לעיקוואד[/tag] איז נתגלה געווארן, און ווי א געשמאק שטיקל [tag]געפילטע פיש[/tag] האט באקומען א נייע פלעיוואר [און ניין, איך בין גארנישט לעומת זיי. נאר א ננס נגד ארי, א שוואנץ לעומת א שטריימל, א שטיקל הערינג לעומת א [tag]שמעקעדיג[/tag] שטיקל לאקס מיט סעיבל, און אדנירם לעומת [tag]יידל[/tag]].

[טאביק]

היי, א גוטע טאג, העלא
מיין נאמען איז "טאביק"
א איד א קליינער אבער קאשע-מישער א גרויסער
איך האב ליב צו מישן א קאשע און זאגן הויך מיין דעה
און איבערלאזן א שמייכל אויף א אידיש פנים
איך נעם א דעה אין ענינים וואס לוינט מיר
איך האב ליב א זאפטיגע ויכוח ווי איך בלייב אייביג גערעכט (אויסער אין שטוב ווי דארט איז ידי על התחתונה איידער איך עפן דאס מויל)

[רויטע וואנצעס]

דער טאביק שמעקט מיר. ברוכים הבאים מיט לאוו!

[berlbalaguleh]

אויב וועט מען צאמווארפען דעם כותל הידוע לשמצה איז דאך אויס מיט די קליפה הציונית הארורה וואס כידוע האבן דאס די ציונים אויפגעשטעלט זיך מתגרה צו זיין מיטן מופתי אין די איידעלע אראבער וואס מיר האבן אלעמאל געלעבט מיט זיי בשלום ושלווה וכמבואר באריכות במפרשי הויא"מ ובכתבי רבאיי בעק שר החוץ במדינת איראן ומקורבו של חסיד אומות העולם האייטוללה חמינאי שיחיה בשאול תחתית לאורך ימים ונשים

אתא קלילא: ייש"כ. איך האב א הנאה. איך זעה דו הייבסט אן צו נוצן מיינע לשונות...

[קליין שטעטלדיגער]

איך בין אן איינוואוינער פון אפסטעיט וואס האלט מיט די נייעס דא וועגן אפסטעיט (מאנסי) און איך פיל אז איך קען פול צוגעבן מיט באריכטן, און פאריכטן ריפארטס און נייעס׳לעך וועגן מיין היים שטאט.

אקוראטע נייעס איז וויכטיג, און ווען עס איז נוגע דעם היימישן עולם איז עס נאך פיל וויכטיגער.

אינטערעסן - נייעס

[טאמבל סאס]

איך בין א פלעינע אינגערמאן, אייביג מורא געהאט צו טראכטן מער פון וויפיהל כ'האב בעצם געוואוסט. כ'האב מיך אנגעשטויסן אין א פה-סח דעם יו"ט ערגעץ אין א טוילעט אין א קליין בית מדרש'ל. כ'האב מחליט געווען אז כ'גיי גיין צו די נאענטסטע לייברערי און כ'גיי מיר אויפמאכן א פין אין קאווע שטיבל. כ'האב קודם געמוזט דורכגיין א גאנצע גיהנום מיט עפעס א סייט וואס הייסט גוגל, זיי האבן געוואלט כ'זאל עפענען אן אקאונט ביי זיי. כ'האב געמוזט צען מאל זיכער מאכן ס'וועט מיך גארנישט קאסטן אבער נאך אלע מעשיות האב איך סוקסידעד. והננו.

[עקפערימענטירער]

שלום עליכם טייערע חברים.
איך בין נישט קיין גאסט דא אין קאווע שטיבל, נאר צוליב א געוויסע סיבה דארף איך יעצט עפענען א נייע ניק. איך בין מבטיח אז איר וועט הנאה האבן פון מיר.
ישר כח.

[ישמעאל הכהן]

לייק פארן זיין אויפריכטיג

[חוני המעגל]

איך האב מיך אויפגעכאפט פון שלאף נאך זיבעציג יאר. איך וויל זען וואס איז אינדרויסן פונעם רינג. טרעפן א סיוויליזעשן וואס כ׳האב נישט געוואוסט עקזיסטירט.
דער שפראך איז מיר קענטיג אבער נישט פארשטענדליך.

[אדנירם]

[tag]חוני המעגל[/tag], אויב דו וועסט אנגיין מיט אזעלכע גוטע תגובות, דאן 'ברוך הבא'.
געדענק אז חוני המעגל נאכן אויפשטיין פונעם זיבעציג יעריגן שלאף, איז ער אריין אין ביהמ"ד און ער האט נישט געשפירט אז דער עולם פארשטייט אים, און האט געזאגט 'או חברותא או מיתותא' און דאן איז ער אוועק.
דו האסט יעצט געטראפן א לעבעדיגע ביהמ"ד, וואס אלע פון זיי זענען ארויס פונעם רינג, און זענען חלק פון א נייע ציוויליזאציע... שרייב אריין דיינע געדאנקען, און לעב אויף דאס פלאץ!

[ראשעקאל]

איך בין מבטיח אז איר וועט הנאה האבן פון מיר.
ישר כח.

וכך הוה....!!

[עזרא]

א יונגערמאן, האלב אין עולם הזה און א דריטל אין די גמרא מיט עפעס א שטיקל פוס אין אלגעמיינע ליטעראטור. הנני העני אט דאס בין איך, א גאסט אין שטעטל נישט אום שבת געזאגט. כ'ברענג זיך מיט אין פעקל מיין פעדער, מעקער און טינטער, אולי יתעשת אויב חלילה וועט מיר עפעס אויפן געדאנק קומען זאל איך נישט זאגן "המממ איך בין באמת נישט צוגעגרייט אבער ווי דער שפתי חכמים זאגט, אין מסרבין לגדול, דער בעל אכסניא האט מיר געבעטן". הער נאר, דריי נישט קיין שמיטשיק קריך אראפ פון בוים קיינער האט נישט געבעטן קיינער האט נישט געזאגט ווילסטו זאגן עפעס זאג און אז נישט איז נאך בעסער, אדער גאר נישט, ווער ווייסט. וזה החילי מיטן פוטער אראפ און די לינקע פוס.

זאלן מיינע שורות זיין א כפרה און א מליץ יושר מיט א גוטע בעטער והקיצו ורננו שוכני בתי חומר לתפארת הבית הגדול הזה יישר כח אלע פארזאמעלטע

[געוואלדיג]

איך בין מבטיח אז איר וועט הנאה האבן פון מיר.
ישר כח.

וכך הוה....!!

ויהי לפלא

[א איד]

איך בין מבטיח אז איר וועט הנאה האבן פון מיר.
ישר כח.

וכך הוה....!!

ויהי לפלא

וראויין הדברים על מי שאומרן

[אדנירם]

הנני העני אט דאס בין איך, א גאסט אין שטעטל נישט אום שבת געזאגט. כ'ברענג זיך מיט אין פעקל מיין פעדער, מעקער און טינטער,

אט אזוי!
רעדט ווי אן עזרא הסופר, און טענה'ט אז [tag]עזרא[/tag] איז טאקע א סופר.
לאמיר האפן אז דו וועסט טאקע זיין ווי עזרא הסופר וואס האט מקבץ געווען נדחי ישראל, און ווי די גמ' זאגט אז ס'איז געווען ראוי די גאולה זאל קומען דורך אים.
וכבר משלו השועלים: "אימתי קאתי מר, משיפוצו מעיינות הקאווע שטיבל החוצה".

[רופא מפורסם]

i am not a very busy person so i would love to spent my extra time reading intersting stuff heimishe articals and history also its a great way to sshmiees even you are not such a social person and bichlol i like to know everything

[חאצקעל שניידער]

i am not a very busy person so i would love to spent my extra time reading intersting stuff heimishe articals and history also its a great way to sshmiees even you are not such a social person and bichlol i like to know everything

אינטערסאנט א רופא מפורסם זאל נישט זיין ביזי[emoji39]
ב. די עולם קען נישט אזוי גוט ענגליש ,עכ״פ וועלקאם.

[נופת צופים]

i am not a very busy person so i would love to spent my extra time reading intersting stuff heimishe articals and history also its a great way to sshmiees even you are not such a social person and bichlol i like to know everything

אינטערסאנט א רופא מפורסם זאל נישט זיין ביזי[emoji39]
ב. די עולם קען נישט אזוי גוט ענגליש ,עכ״פ וועלקאם.

וועמען פונקטליך האסטו פארהערט? [emoji6]