ס'פלעין נישט יושר! (איבער מערערע ניקים)

[זר זהב]

איך האלט אז ס'דארף זיין א תקנה קעגן האבן מערערע ניק'ס. רובא דרובא האבן איין ניק און זיי דארפן זיך צומאל באפאסן מיט איין שרייבער וועלכער שטייט אונטער 5-4-3- ניקים.
איז דאס נארמאל?

למשל איך, שרייב אלעס מיט מיין איינע ניק. קומט א גרויסער חכם און שרייבט מיר פריוואט אז איך זאל אויפהערן מיט וואלן פאליטיק... איך בין גאנץ זיכער (נאר לעצטענס בייגעפאלן!) אז דער יעניגער קען גאנץ זיכער שרייבן 'די אנדערע צד'... פון די פאליטיק מיט אן אנדערע ניק. זייער קלוג! איז דאס אנשטענדיג?

שטעל דיר פאר דו ווערסט איין טאג געוואויר אז ר' ישראל דוד הארפענעס שרייבט נישט נאר די הלכות אינעם איד נאר אויך די פאליטישע ארטיקלען מיט'ן עדיטאריעל.. איר וועט פילן ווי 2 סענט.

איך האלט אז ס'ברענגט אראפ די ניווא פונעם סייט, (אפילו ס'ברענגט טאקע ארויף די פרעסטידזש פון געוויסע ניקס... וד"ל) און ס'פשוט נישט מענטשליך.
------------------

און באלד גייען מיר דא 5 ניקים אטאקירן פאר מיין מחאה, און אונטער די אלע 5 ניקים גייט שטיין איין מענטש!....

[יידל]

איך בין נישט אזוי זיכער אז מ'קען עפעס טון דאס צו פרעווענטן. אויב שרייבט מען זיך איין מיט א אנדערע אימעיל אדרעס, פון וואו זאל די הנהלה וויסן אז דער מענטש האט שוין אן אנדערע ניק?
אגב, אויב איך מעג דיך בעטן א טובה, ביטע טויש די נאמען פונעם אשכול מ'זאל וויסן פון פאר דעם איבער וואס עס רעדט זיך. לדוגמא "איין מענטש - אפאר ניקס" וכדו'.

[זר זהב]

איך גלייב אז ס'דא עפעס א וועג. אפשר איי פי אדרעסס?

[יידל]

איך גלייב אז ס'דא עפעס א וועג. אפשר איי פי אדרעסס?

און וואס איז מיט איינער וואס ניצט וויי פיי, און יעדעס מאל ער ריסטארט דעם ראוטער באקומט עס א נייע איי פי אדרעס?

[זר זהב]

שוין, איך בין נישט אזוי טעכנא-סעווי. אבער דער גאנצער ענין מאכט מיר קאלט פון וועלן פארטיסיפעטן אינעם געזעמל דא.

[berlbalaguleh]

איך האלט אז ס'דארף זיין א תקנה קעגן האבן מערערע ניק'ס. רובא דרובא האבן איין ניק און זיי דארפן זיך באפאסן מיט איין ניק וועלכער שטייט אונטער 5-4-3- ניקים.
איז דאס נארמאל?

למשל איך, שרייב אלעס מיט מיין איינע ניק. קומט א גרויסער חכם און שרייבט מיר פריוואט אז איך זאל אויפהערן מיט וואלן פאליטיק... איך בין גאנץ זיכער (נאר לעצטענס בייגעפאלן!) אז דער יעניגער קען גאנץ זיכער שרייבן 'די אנדערע צד'... פון די פאליטיק מיט אן אנדערע ניק. זייער קלוג! איז דאס אנשטענדיג?

שטעל דיר פאר דו ווערסט איין טאג געוואויר אז ר' ישראל דוד הארפענעס שרייבט נישט נאר די הלכות אינעם איד נאר אויך די פאליטישע ארטיקלען מיט'ן עדיטאריעל.. איר וועט פילן ווי 2 סענט.

איך האלט אז ס'ברענגט אראפ די ניווא פונעם סייט, (אפילו ס'ברענגט טאקע ארויף די פרעסטידזש פון געוויסע ניקס... וד"ל) און ס'פשוט נישט מענטשליך.

איך בין מסכים מיט דיין טענה וואס דו ברענגסט ארויס לגבי פאוסטערס. אבער ביי שרייבערס אין צייטונגען און צייטשריפטן איז עס בכלל נישט קיין עוולה. ס'דאך "פינאסע". וואס טוט מען דען נישט פאר פרנסה?! ס'קען זיין למשל א קליין צייטנג'ל וואס וויל מאכן דעם רושם אז ער האט הונדערטער, אפשר טויזנטער ליינערס און מערערע שרייבערס. גייט דער בעה"ב און קאפיעט נאך ארטיקלען פון ענגלישע זשורנאלן. איך ווייס למשל פון א גאר פראמינענטע "צייטונג" וואס האט א גאר חשוב'ן שרייבער, א גרויסער ידען וואס האט געשריבן לכל הפחות דריי ארטיקלען אונטער פארשידענע נעמען. מען האט אבער דערקענט מבטן מי יצאו הדברים האלו. ווייל ס'איז געווען דער זעלבער סגנון הלשון. איך האב אבער הנאה געהאט צו ליינען אלע דריי. נחזור לענייננו פון פאוסטן אונטער דריי אנדערע ניקס. איך ווייס נישט וויאזוי ס'איז טעכניש מעגליך? ווייל דער אינטערנעט פראטאקאל IP איז דער זעלבער.

[זר זהב]

וועגן דעם האב איך דירעקט אנגעכאפט "הלכות" ארטיקל מיט "פאליטישע" און די "עדיטאריעל".-- ס'איז אנדערש פון א צייטונג שרייבער וואס שרייבט 3 תורה אדער 3 פאליטישע ארטיקלן אונטער אנדערע נעמען.