קאווע שטיבל

איך וויל דא אויסדריקן מיין באגריסונג פאר דעם נייעם פארום "קאווע שטיבל" וואס לויט דעם "ווארט צו דעם נייעם מעמבער" קוקט אויס אז דאס איז פינקטליך אויף וואס מיר ווארטן שוין א לאנגע צייט - א פלאץ ווי מ'קען רעדן צו אלעמענס געשמאק, אן פרובירן צו געפעלן פאר אנדערע מענטשן און אנדערע מיינונגען.
זה היום עשה ה' נגילה ונשמחה בו.

א גרויסן יישר כח פאר דו חשובע עסקנים און בעלי בתים וואס האבן צוגעשטעלט אזא פיינע אויגעהאלטענע געשמאקע קאווע שטיבל, וחפץ ה׳ בידינו יצליח

שלום אליכם אליכם השלום!

א הארציגן גריס פאר די ערפינדער און שרייבער פונעם נייעם פארום, איך בין זייער אנטציגט געווארן ליינענדיג דעם "ווארט צו דעם נייעם מעמבער" טרעפנדיג ממש וואס איך זיך שוין אזוי לאנג.
וואס מיין איך? איז אזוי.
ס'איז דא אן אנדערער היימישע אידישע פארום יעדער ווייסט מסתם פון וואס איך רעד, וואס איך פארברענגן שוין דארט אפאר יאר, און דארט האב איך אויך אויסגעפונען פון דעם פארום.... , אבער לא מצא ניחא לנפשי, ס'שווער צו רעדן, ס'איז א מואסע זאך זיך צו בארומען מיט יענעמ'ס פעלער, אבער איין ווארט מיז איך זאגן, די יסודות דארט זענען פונקט די פארקערטע פון דא!, און פארדעם איז מיר א גרויסע שמחה אז איך האב געטראפן את אשר יאהב נפשי, איך האף נאר אז די פרייהייט וועט נישט צוברענגן אז ס'זאל פארוואנדעלט ווערן אין פאליטיק אדער סתם פייטס פארום, והי' בזה שלום.

פאר איך בין מסיים דארף מען דערמאנען אז איך ווייס נישט ווי אפט איך וועל דא שרייבן צוליב מיין באגרענצטע ציטריט צום אונטערוועלט, ס'קען זיין ס'וועט זיין זייער זעלטען אבער איך האף אז די פארום וועט גוט אויסארבעטן אז ווען איך קום זאל זיין מיט וועם צו רעדן.

הצלחה רבה

כברכת קאווע.

עגרי

א גוט יאר אייך!

שלום עליכם!

אגב כ'מוז זיין גערעגט אויף א צווייטע סייט צו שרייבן דא?
אדער יעדער האט דא פרייע רעכטן.

לייביש האט געשריבן:אגב כ'מוז זיין גערעגט אויף א צווייטע סייט צו שרייבן דא?
אדער יעדער האט דא פרייע רעכטן.

פרייע רעכטן פאר יעדן. פארוואס זאלט איז דארפן זיין גערעגט אויף א צווייטן? געדענקט, קאווע שטיבל איז באזירט אויף טאלארענץ. אהבה, אחוה, שלום, וריעות.

לייביש חלילה, איטס זשאסט א מעטער אוו טעיסט. דאס איז וואס האט מיך אהער געברענגט, אדרבה אויב די קומסט פאר א בעסערע סיבה איז אסאך בעסער.

אה איז גוט, ס'האט פשוט אזוי אויסגעקוקט פון א שיינע פאר תגובות

כ'האב אפאר הערות צו פאריכטן די אידיש ווי ווענד מען זיך?

איך וויל באגריסן די אינציאטארן פון דעם ארט. עס קומט אייך א געוואלדיגער יישר כח פאר'ן אהערשטעלן אזא הערליך שטיבל וואו מ'קען נושא ונותן זיין אין אינטעלעקטועלע ענינים. איך דאנק אייך פון טיפן הארץ, און איך ווינטש אייך ברכה והצלחה בכל מעשי ידיכם.

שלום עליכם

שלום עליכם גוטע אידן.

איך ווייס נישט ווי אנצוהויבן.

איך האב שוין לאנג נישט געניצט צו שרייבן אידיש אין קיין היימישע פורומים צוליב פילע סיבות און ווען איך האב געהערט פון דעם פלאץ דא און זעענדיג די תקנות, האב איך געטראכט ביי מיר אזוי ווי ביי יעדע אנדערע נייע ווינקל וואס איז אהערגעשטעלט געווארן אז מסתם וועט עס אנהאלטן אביסל און דערנאך איינשלאפן אזוי ווי די פילע אנדערע פלעצער.

איך האב עס די לעצטע פאר טעג באטראכט און געקלערט וואס עפעס זאל איך דא אריינווארפן כחות און דערנאך וועט עס ערגעץ פארשווינדן ווערן אין דעם ריזן וועב-מיסט-קאסטן?

אבער ווי מען קען זען האב איך אנדערש באשלאסן, און אפגעמאכט אז אויב איז דא א קליינע טשענס אז עס וועט דא אויסוואקסן עפעס וואס איך האלט אז ס'פעלט אינעם אזוי אויך קליינעם אידישען מארקעט אויפן וועב, וועל איך עס שטיצן וויפיל איך קען.

הכלל איך הייב אן און היות איך האב נישט פיל געשריבן אין אידיש (אין אנדערע שפראכן מער) איז מעגליך אז מיין שריפט איז עפעס שטימפיג געווארן מיט דער צייט, בעט איך אז מען זאל נישט שפארן קיין קריטיק אויף מיין חשבון אויב איז עס נישט אויסגעהאלטן לויטן היינטיגער גראמאטיקע.

שלום עליכם, מיינע טייערע ברודער!

באמת בעלאנגט נישט דא אזא ברייטן שלום עליכם, ווען אונז האבן זיך מסתמא געזעהן 5 מינוט צוריק אין קרעטשמע, אבער לויט ווי איך שמעק איז דא וואס ווילן דא אנפאנגען א ניי לעבן, נא איך וויל דאך נישט זיין קיין אויבער-חכם, לאמיר מיטשפילן, רעדי סטעדי גאו!

לויט'ן הויעכע מאס היימישע טרעפיק וואס קומט פאר אויפ'ן געוועב איז זיכער אז עס איז דא נאך פלאץ פאר נייע היימישע פארום'ס ווי אינגעלייט זאלן זיך דרייען, אסאך פילן זיך נישט באקוועם אויף געוויסע אנדערע פלעצער פאר פארשידענע סיבות און עס איז נישט מער ווי יושר אז יעדער זאל האבן א שטיבל ווי צו פארברענגען לויט זייער געשמאק, קנאת סופרים איז אויך זייער א וויכטיגע זאך, סיי ברוחניות און סיי בגשמיות, ממילא ווינטש איך דא אן פאר די חשובע מנהלים שתשרה שכינה במעשה ידיכם, ושתתברכו ממקור העליון ושתזכו לקדש שם שמים!

אל הנער הזה התפללתי, אויף דעם פורום ווארט איך שוין א לאנגע צייט, איך וועל נישט נאכאמאל אויסשמועסן די סיבות וואס דער עולם האט שוין מער ווייניגער ערווענט,
איך קוק פאראויס אויף די הצלחה פונעם שטיבל

איך גלייך זייער שטארק דאס קאווע שטיבל. ווי איך האב געהערט וועט דאס זיין א פלאץ וואו מען וועט זיך קענען אויסלופטערן אויף אן אנגענעמען אופן, און וואו מען וועט נישט לעבן אין פאנטאזיע וועלט מיט וואלן פאר מכלומר'שטע פירערשאפט פאזיציעס און אלע אנדערע שטותים. אויך הער איך וועט דא זיין א מענטשליכער צענזור און די מנהלים וועלן נישט מעקן און טראסקענען מענטשן נאר ווייל זיי מוזן ערגעץ ווייזן בעלות (געווענליך זענען דאס מענטשן וואס ביי זיך אינדערהיים און אין די ארבעט זענען זיי אונטער'ן טיש) און דער איינציגסטער ארט וואו זיי קענען זיך אויסגעבן איז אויף א פארום.

לאמיר הנאה האבן און פארברענגען אינאיינעם.

שלום עליכם אידן!

שלום עליכם טייערע אידן, יא איך בין דער זעלבער ווי פון דער אנדערע פארום סאו איך בין נישט ממש קיין נייער, און לענ"ד וועט זיך מן הסתם צום סוף אויסשטעלן אז די צוויי פארומ'ס וועט זיך פונאנדער טיילן אין די נושאים וואס מען וועט שמועסן, טא פארוואס זאל איך נישט קענען שרייבן אין ביידע, דאס האט מיר געמאכט זיך איינשרייבן.

חח סאוי איך דארף דארט עפענען א ניק צו פארשטיין וואס מ'רעדט דא..
שכוח פאר זאגן.

אהה שוין לאנג געווארט אויף א קאווע שטיבל זיך צו קענען דערקוויקען מיט א ווארעמע קאווע אן מורא האבן אז איינער וועט מיר אויסגיסן מיין קאווע ווייל איך שרייב אנדערש ווי זיינע צייטונג שרייבערס...
אבער פארוואס איז דא נאר 2 בענקלעך?? מדארף דאך שוין באלד ברענטשעס דא..

שלום עליכם עליכם שלום

שלום עליכם אידן!

איך קוק ארויס אויף דעם מאמענט ווען עס וועט זיך יאווען איינער מיט געניטע כשרונות און ערצייגן א וועבזייטל וואס וועט האבן אויף איין בלאט אלע אשכולות פון ביידע היימישע פארומס... אזוי וועל איך נישט דארפן נאכאנאנד קלעטערן הין און צוריק...