אהערגעברענגט פון דא.הוגה האט געשריבן:פערינא, שכח פארן אהער ברענגען. ס'נישט קיין שלעכטער פשט. ווער איז דער דזשאו הגדול?
דזשאו הגדול (הנודע בפי כל ׳ביג דזשאו׳) איז א טאלאנטפולע רייכע שרייבער אויף עטליכע וואטס-אפ גרופעס. ער שרייבט עטליכע ארטיקעליך א וואך בעניינים העומדים ברומו של עולם. למשל (די לעצטע פאר ארטיקלעך) געי מערידזש, אבארשעין, ציונות, גיוס בחורי ישיבות, מציצה בפה און פארשטייט זיך אויך בענייני הבלים; חתונה תקנות, גאליציע vs אונגארין, פרה אדומה און וואסער פון די אבני הכותל, איסור פון פרויען זיך צו גאלען דאס קאפ וגם בענייני חקירה, חסידות ופליסופי׳.
איך שטעל מיך פאר אז ער שרייבט נישט דא, פאר די זעלבע סיבות וואס אסאך גוטע שרייבערס וואס איך קען פון וואטס-אפ קומען נישט אהער, דהיינו מ׳באקומט נאר א לימיטיד עקסעס, א גוטע שרייבער אויפ וואטס-אפ איז גלייך מיט יעדעם אויפ זיין גרופע, דא איז דא first class citizens וואס קענען אריין גיין מאחורי דאס רגע די שמועס ווערט אינטרעסאנט, און לאזן דאס שרייבער מיט א אפען מויל, דאס הויזן אראפ ביזן קניען און מיט א רייכע אפעטיט, שטיין אליין מיט נאך קליין קעפיגע רעאגירעס בשעת די סלתה ושמנה פון אינזער קהילה גייט זיך און די עולמות העליונים הנעולים שמועסן צווישען זיך.
אמאל האט מען דאס געדארפט ווייל דא איז געווען די איינציגסטע סטאנציע ווי א קלוג איד׳ל האט זיך געקענט ארויסגעבען, ממילא האט מען געווארט מיט געדולדט ביז מאיז געווארן ׳אקסעפטעד׳ אריין אינעם ׳גימויזשאכץ׳, אבער היינט איכא דרכי אחרינא, פארוואס זאל א יונגערמאן אפשרייבן ארטיקעליך אין זעהן ווי ער איז א אזרח סוג ב׳, ווי איידער עפענען א גרופע און האבן דארט גלייכע רעכטן מיט יעדע איינעם?!?!
נב. איך האב געפענט די ניק דאס צו שרייבן, בתוך עמי אני יושב, איך האב יא צוטריט צו מאחורי, אבער זעקת בני ישראל אני שומע, קול דמי אחינו צועקים מן האדמה... און מ׳דארף א בעסערע סיסטעם ווי עס איז דא יעצט אויפ וועמען אריין צו לאזן און וועם נישט. און פאר מיינע ברודערס די פשוטי עם, אלה אשר לא זכו, דו וואס לעכצן אריין צו קומען מאחורי, דו וואס האפן אז זייער האפענוג וועט ערפילט ווערן (נכסף נכספתי) וויל איך זאגען אז דארט איז נישט יעדע א גרויסע חכם אדער שרייבער, עס איז דא דארט פונקט אזעלעכע קטני הדעת ווי דא אינדרויסען, דו איינציגע סיבה פארוואס דארט זעהט אויס ווי א עולם השלם איז ווייל דו ווייסט אז דו האסט נישט קיין צוטריט דארט בבחי׳ די גראז איז אייביג מער גרין...
ונסיים בברכת הדיוט
ויקיום בנו ומלאה הארץ דעה, און מ׳זאל שוין נישט באדארפן די צימצום און הגבלה פון מאחורי, ווייל די גאנצע וועלט וועט האבן די זעלבע דעות ווי עס איז דא דארט בב״א