איז צענזור ביי היימישע אידן וויכטיג?

מאכט אייך היימיש און באקוועם...
באניצער אוואטאר
ידען
חבר ותיק
חבר ותיק
הודעות: 3158
זיך רעגיסטרירט: דינסטאג פעברואר 28, 2012 9:27 pm
האט שוין געלייקט: 2998 מאל
האט שוין באקומען לייקס: 944 מאל

איז צענזור ביי היימישע אידן וויכטיג?

שליחה דורך ידען »

אט דאס האב איך געטראפן אין פורום "אידישע וועלט":

ואולי כאן המקום צו דערציילן פאר אלע וואס גלייכן נישט דעם צענזור פון דען פלאץ... אז עס האט זיך געגרינדעט א נייעם קאווע שטיבל kaveshtiebel.com דורך היימישע אינגעלייט.
טעמו וראו כי ... (העמיר זען).


וואס איך וויל וויסן, איז דא בכלל וואס ווילן האבן א צענזור אויף זיך?

לויט ווי רייך יענער פלאץ איז און וויפיל מעמבערס עס דרייען זיך דארט, קען אויסזען אז די אידן דארט ווילן דאס גאר, אבער עס איז נישט אינגאנצן ריכטיג, סיי פאר מיר וואס איז דארט נישט קיין שרייבער, און אויך אנדערע וואס האבן זיך דארט נישט באטייליגט ווייל נאכן שרייבן א גאנצער בירור איז געקומען אן א.ג. אחראי אדער מנהל און אפגעמעקט דאס גאנץ שטיקעל ארבעט.

אבער אפשר איז עס יא א וויכטיגע זאך פאר תורה טרייע אידן צו האבן און זיך צו דרייען אין א פלאץ וואס האט דערויף אן עין פקיחה וואס זאל זיכער מאכן אז מען שרייבט נישט ענינים וואס קען זיין קעגן ה' ותורתו?

וואס איז דיין מיינונג??
פאר גוגל טאק און פאר לייגען אשכולות ענאנימעסלי
yedios1 @ gmail.com
טעמפא
מאנשי שלומינו
מאנשי שלומינו
הודעות: 67
זיך רעגיסטרירט: פרייטאג פעברואר 24, 2012 12:07 pm
האט שוין געלייקט: 1 מאל
האט שוין באקומען לייקס: 15 מאל

Re: איז צענזור ביי היימישע אידן וויכטיג?

שליחה דורך טעמפא »

ידען האט געשריבן:אבער אפשר איז עס יא א וויכטיגע זאך פאר תורה טרייע אידן צו האבן און זיך צו דרייען אין א פלאץ וואס האט דערויף אן עין פקיחה וואס זאל זיכער מאכן אז מען שרייבט נישט ענינים וואס קען זיין קעגן ה' ותורתו?

וואס איז דיין מיינונג??

ההרב ידען‚ מיין פערזענליכער מיינונג (און איך שטרייך אונטער אז דאס איז מיין אייגענעם מיינונג און רעפרעזענטירט נישט קיינעם אנדערש'ס מיינוג) איז אז... יש ויש. עס זענען דא אזוינע וואס שפירן אז צענזורירן פארמאגט אן אויבן אן ביי כלל ישראל. לאידך גיסא זענען דא אזוינע ווי איך וואס שפירן אז פארמאכן יענעם דאס פיסק איז א מעשה טעראר ודיקטאטורשאפט.
איר ברענגט ארויס א שטארקע נקודה אז צומאל פעלט זיך צענזור אויס ווען איינער צופירט זיך די האנט נגד ה' ותורתו. אמת לאמיתו. דער פראבלעם איז נאר וויאזוי מען דעפינירט "נגד ה' ותורתו". די שאלה הייבט זיך אן ווען פלוני אדער אלמוני איז מחליט אז דייקא זיין ווערסיע פון ה' ותורתו האט א זכות קיום און אלעס אנדערש לא יזכר ולא יפקד.
כדי איר זאלט פארשטיין‚ וויל איך געבן א ביישפיל. הרה"צ ר' יואל טייטלבוים זצ"ל‚ האט ארויסגעגעבן א ספר מיטן נאמען "ויואל משה" אנטקעגן ציונות‚ די מדינה והמסתעף. לאמיר א קוק טאן וואס די באנעמונג פון כלל ישראל שומרי תורה ומצוות איז כלפי דעם ספר. די מזרחיסטען זענען זיכער אז דער ספר איז כל כולו פאלש‚ אפגעפרעגט מעיקרא‚ אין לה זכות קיום כל עיקר. די סאטמארע און די קנאים האלטן דאך אז ויואל משה אמת ותורתו אמת‚ תורה מסיני ממש. דערוואגען זאל זיך נאר איינער פרעגן א קושיא  אויפן ויואל משה‚ איז ער דאך א כופר בעיקר. אינצווישן די צוויי עקסטרעמען זענען פארהאן פיל וואס האלטן אז מיט געוויסע נקודות איז סאטמערע רב געווען גערעכט‚ מיט געוויסע נקודות נישט. ליובאוויטש צום ביישפיל האלט אז לכתחילה טאר מען קיין מדינה נישט מאכן. אבער אז מען האט געמאכט טאר מען נישט אויפגעבן דערויף קיין טפח! גור‚ וויזניץ‚ בעלא וכדו' זענען ביי די דעה אז א מדינה איז א צרה פאר כלל ישראל. אבער אז עס איז דא און אז עס איז א פאקט‚ מעג מען זיך‚ ניין‚ מען מוז זיך משתתף זיין מיט זיי כדי צו באקעמפען די סכנה פון אינעוויניג. וכן הלאה והלאה.
איצטער‚ לאמיר זאגן אז ס'וואנדערט אריין א ליובאוויטש אידל אין אונזער פארום. מיט א תמימות עפנט ער אויף אן אשכול אין שרייבט אז די מדינה טאר בשום פנים ואופן נישט אויפגעבן אויף קיין שטחים. צו קען דער איינער זאגן אז דאס איז נגד ה' ותורתו? איז יושר אז ווייל דער מנהל הפארום באלאנגט גראדע צו א צווייטע שטרעמונג אין כלל ישראל‚ וועט דער אשכול נישט דורכלעבן קיין טאג?
אז דער מנהל האט א פראבלעם‚ איז ער מכובד אויפצוהייבן א פעדער און ערקלערן פארוואס ער האלט אנדערש! ווער גיט אים דאס רעכט צו מעקן א זאך וואס טויזענטע ערליכע אידן האלטן איז תורה לשמה‚ אמת לאמיתה?!
ובכן‚ אז איינער שפירט אז ער קען נישט דערהייבן צו הערן א דעת וואס איז אנדערש ווי זיינע - נו‚ פאר אזא איד איז דא ב"ה ווי צו גיין. אבער אז א צווייטער וויל דוקשא יא פארשטיין א צווייטען‚ אדער אפילו אויב ער וויל עס נאר דעבאטירן און בשו"א נישט פארשטיין פארוואס יענער האלט אנדערש... איז ער וועלקאם דא אין קאווע שטיבל צו זיך לאזן הערן זיין מיינונג (פארשטייט זיך באופן הראוי לכבוד אדם) און ער דארף נישט מורא האבן פון א געמעקאכטס.     
יאנקל
חבר ותיק
חבר ותיק
הודעות: 2917
זיך רעגיסטרירט: דאנערשטאג פעברואר 23, 2012 9:49 pm
האט שוין געלייקט: 2435 מאל
האט שוין באקומען לייקס: 3690 מאל

Re: איז צענזור ביי היימישע אידן וויכטיג?

שליחה דורך יאנקל »

איך בין מסכים מיט טעמפא. עס דארף זיין א צענזור אז דאס פלאץ זאל זיך פירן ווי עס דארף צו זיין, אבער נישט אויף צו באלעבאטעווען אויף אנדערע מענטשנ'ס דעות וכו'.
באניצער אוואטאר
שרגא
היימישער באניצער
היימישער באניצער
הודעות: 548
זיך רעגיסטרירט: מאנטאג פעברואר 27, 2012 11:20 pm
האט שוין געלייקט: 280 מאל
האט שוין באקומען לייקס: 780 מאל

Re: איז צענזור ביי היימישע אידן וויכטיג?

שליחה דורך שרגא »

איך מיין אז עס איז כמעט נישט שייך אז עס זאל זיין א פארום, איבערהויפט א אידישע, אן דעם וואס עס זאל האבן א שטיקל צענזור, אפילו אזעלכע זאכן ווי דיין גוטע אויבנדערמאנטע משל פונעם ויואל משה מעג אויסגעשמועסט ווערן אפילו איינער האלט אנדערש.
די פראגע איז אבער טאקע דאס: וואו לייגט מען דעם גדר? וואו שטעלט זיך עס אפ? דעם ויואל משה מעג מען דעבאטירן, דעם עירוב גלייב איך אויך, אבער אויב למשל איינער איז א חסיד פון ריטשארד דאקינס (איך זאג דעם נאמען, פשוט ווייל כ'יעצט געזען אשכול ווי איינער דערמאנט אים) און וויל פארטיידיגן זיינע שיטות, וועט מען אים אויך לאזן? וואו וועט זיין די ליניע וואס ביז דארט וועט מען זאגן אז עס איז פשוט "טאלעראנץ" און "פלוראליזם" אבער פון דא און ווייטער איז "אסור"?
(We need mercy, kindness, not judgment. (Describe, Matisyahu
באניצער אוואטאר
יידל
שריפטשטעלער
שריפטשטעלער
הודעות: 4922
זיך רעגיסטרירט: מוצ"ש פעברואר 25, 2012 11:44 pm
האט שוין געלייקט: 2755 מאל
האט שוין באקומען לייקס: 4713 מאל

Re: איז צענזור ביי היימישע אידן וויכטיג?

שליחה דורך יידל »

שרגא ברענג ארויס א שטאקע נקודה. למעשה אבער, לאמיר עס אביסל צולייגן. אז ס'וועט קומען איינער און אפן שרייבן "איך גלייב נישט אין קיין גאט", וועט מען די תגובה לכאורה ווארפן אין מיסט-קאסטן אשכול (באריסטא, java, פארריכט מיר אויב איך מאך א טעות). עפטער אלל, דער ווארט צום נייעם מעמבער עצה'ט דאך אז מ'זאל שרייבן ברוח היהדות, און לייקענען אין הייליגען באשעפער איז דאך אודאי נישט ברוח היהדות. אין דעם פאל וואס די רעדסט פון, האט ס"ה יענער געוואלט ארויסברענגן א נקודה אז במופלא ממך איז נישט שייך קיין עמפירישע הוכחות. ער מיינט נישט צו געבן גערעכט פאר דאקינס מיטן נקודה אז אכן, אין אלוקים.... ח"ו, ער מיינט ס"ה ארויסצוברענגן די געדאנק אז מ'קען נישט אויפווייזן אז עס איז פארהאן א באשעפער, צוליב דעם וואס דער באשעפער איז ביי דעפינישאן "אינו גוף ולא ישיגו משיגי הגוף". נו, איך וועל מודה זיין אז די גערעדאכטס איז אן אויפגעקלערטע גערעדאכטס. איך וואלט אזוי זיך נישט אויסגעדרוקט. ווען איך בין אביסל מער מחמיר וואלט איך אולי אפילו מוחה געווען. אבער פון דאס ביז מעקן איז פאלג מיר א גאנג. פארוואס זאל מען מעקן? ווייל ער ווייסט וואס דאקינס טענה'ט פונקט ווי דער רמב"ם האט געוויסט וואס אריסטו טענה'ט?! און ענטפער מיר נישט אז דער רמב"ם האט געמעגט, אונז מעגן נישט - ווייל דאס איז נישט קיין עיקר באמונה. (דאס הייסט די פאזיציע אז אונז טארן נישט משא"כ דער רמב"ם האט געמעגט, איז נישט קיין עיקר אין אמונה און ער מעג זיך מיט דיר אויף דעם קריגן, נאכדערצו ווען גרויסע גדולי ישראל האבן אזוי געזאגט. איינמאל ער קריגט זיך שוין מיט דיר אין דעם, מעג ער דאך שוין ציטירען דאקינס ווייל ער טוט דאך נישט אנדערש ווי דער רמב"ם. והבן.)
איך בין אודאי מודה אז עס איז דא גרויע עריעס ווי מ'וועט נישט קענען קומען צו א באשלוס, און איך לאז די קאפוויי פאר די הנהלה, אבער איך מיין אז די גרעי עריע איז גאר א קליינע. רובא דרובא נושאים איז קלאר ווען ס'איז ברוח היהדות און ווען נישט.
צוריקצוקמען צו וואס שרגא האט געפרעגט: ווי איז דער גבול? די תירוץ איז ס'איז נישטא קיין גבול. געוויסע זאכן זענען אויסדרוקליך beyond the pale, ווי לייקענען אין גאט אדער אין תורה אדער אין כוח המחייב פון הלכה. אנדער זאכן איז נישט קיין ספק אז עס איז ברוח היהדות, אפילו א קליינע מינאריטעט האלט אזוי, וו.צ.ב.ש. פרויען רבנים אדער שפייען אויף מיידלעך. צו האלט איך אז ס'מעג זיין פרויען רבנים אדער אז מ'מעג שפייען אויף מיידלעך? אויסדרוקלעך נישט. און איינער וואס וועט אזוי זאגן וועל איך אים פארשרייען אלץ א מסלף דעת תורה, איינער וואס האט אומאויטענטיש-אידישע שיטות וכו'. אבער איך האלט אז אזא תגובה דארף נישט און טאר נישט געמעקט ווערן.
לא רעב ללחם. לא צמא למים.
באניצער אוואטאר
יידל
שריפטשטעלער
שריפטשטעלער
הודעות: 4922
זיך רעגיסטרירט: מוצ"ש פעברואר 25, 2012 11:44 pm
האט שוין געלייקט: 2755 מאל
האט שוין באקומען לייקס: 4713 מאל

Re: איז צענזור ביי היימישע אידן וויכטיג?

שליחה דורך יידל »

דרך אגב, טעמפא דערמאנט מיר א וויץ וואס מ'פלעגט זאגן: אז איינער פרעגט א קושיא אויף ר' חיים - איז ער א למדן. אז ער פרעגט א קושיא אויף ר' מאיר שמחה, איז ער א חריף. א קושיא אויפן ראגוטשויבער - א בקי. פרעגט מען א קושיא אויפן ויואל משה? איז מען אן אפיקורס.
לא רעב ללחם. לא צמא למים.
באניצער אוואטאר
ידען
חבר ותיק
חבר ותיק
הודעות: 3158
זיך רעגיסטרירט: דינסטאג פעברואר 28, 2012 9:27 pm
האט שוין געלייקט: 2998 מאל
האט שוין באקומען לייקס: 944 מאל

Re: איז צענזור ביי היימישע אידן וויכטיג?

שליחה דורך ידען »

טעמפא האט געשטעלט א גוטען ביישפיל, און עס איז א נושא בפני עצמו דער מדינה וואס איז דער גרעסטער און וויכטיגסטער נושא אין די היימישע צייטונגען...

וואס שרגא און יידל רעדן ארום איז אויך א זאך פאר זיך, וואס מען קען רעדן און שרייבן דערפון יארן און נישט ענדיגן, בפרט פאר ווער עס האט נישט קיין אנונג אין די נושאים, אבער איך וויל קאמענטירן איבער די צענזור חלק דערפון.

ביי היימישע אידן (וואס איך גלייב אז דא זענען נאכנישט דא די "יידישסטען" וואס פון זיי זענען פאראן פילע געלערנטע און נישט דוקא קיין שומרי תורה) איז נישטא קיין שטארקע ידיעה אין די סארט לערע פון א גאט בכלל און אפי' פשוטע יסודות היהדות פעלן, אבער דאס איז צוליב דעם וואס מען האט אנגענומען אז פאר געווענליכע אידן איז בעסער צו גיין מיטן מהלך פון גלייבן לשם גלייבן אן טראכטן. מען ווערט געבוירן, אויפגעצויגן, און געלערנט אז ס'דא איין גאט וואס ער פירט די וועלט און האט עס באשאפן מיטן ציל גוטס צו טון וכו' וכו', און די גוים און די "נארישע" כופרים ווייסן נעבעך נישט וואס ס'טוט זיך מיט זיי, און פארטיג. אויב האט איינער געשטעלט פארשידענע שאלות האט מען אמאל געפריווט צו ענטפערן אבער אין רוב פעלער אים פשוט באשריגן אז מען טאר נישט פרעגן קיין פראגעס אויף די אמונה.

אזא איד וואס איז אזוי אויפגעוואקסן, ער האט חתונה געהאט און ס'פעלט אים גארנישט. זיין לעבן גייט אים אן. ער איז א גלויביגער איד. האט נישט קיין ספיקות, דאווענט יעדן טאג, לערנט און פריידט זיך צו טוהן דעם רצון הבורא, האט קינדערלעך וואס ער ציהט אויף דעם זעלבן וועג ווי מען האט אים אויפגעצויגן, אבער אט אין א טאג טרעפט ער אן א פורום וואס הייסט "קאווע שטיבל" און זעט זאכן וואס ער האט נישט געזען פריער, און אמת אז די מנהלים טראגן אזעלכע "אויגן עפנדיגע תגובות" אינעם מיסט אשכול, כדי אראפצואווארפן פון זיך דעם אחריות און עס לאזן אויף דעם וואס קריכט אהין אריין, אבער פארט וועט ער זען זאכן וואס ער האט פריער נישט געוויסט. איז אזא צענזור ריכטיג אדער נישט?

אמת, מען קען זאגן און זיך שטעלן, אז אויפן אינטערנעץ איז דא אן איבערפלוס פון אזעלכע "אויגן עפנדע" מקומות און ממילא וועט נישט אויסמאכן וואס מען טרעפט דא, ווייל ס'נישט דאס זעלבע, פארט איז עס אין היימישן שפראך, געשריבן דורך היימישע טאלאנפולע שרייבער און דער רושם איז פיל אנדערש.

איך שרייב נאר אויסצוברייטערן דעם מחשבה איבער דעם מושג צענזור וואס יעצט ביים גרינדען דעם פורום דארף מען שטעלן א פונקטליכן גדר ווי יא און וואס נישט.

אויב וויל מען עס זאל זיין פריי פאר אלע, קען מען אזוי מאכן אבער שווער צו זאגן אז עס וועט אריינרופן דעם גרעסערן חלק פונעם היימישען ציבור.
פאר גוגל טאק און פאר לייגען אשכולות ענאנימעסלי
yedios1 @ gmail.com
באניצער אוואטאר
DotCom
ידיד ותיק
ידיד ותיק
הודעות: 631
זיך רעגיסטרירט: דאנערשטאג מערץ 01, 2012 10:51 pm
געפינט זיך: בין פיתום לרעמסס
האט שוין געלייקט: 324 מאל
האט שוין באקומען לייקס: 591 מאל

Re: איז צענזור ביי היימישע אידן וויכטיג?

שליחה דורך DotCom »

זעהר גוט ארויסגעברענגט יידל און ידען, און איך בין אויך מסכים לדעת שרגא, עס איז נאריש צו טראכטן אפילו אז א היימישער פארום קען אנגיין אן א צענזור, א צענזור גייט דא אויך זיין בלי שום ספק, די שאלה איז נאר ווי די גדר וועט זיין, וכשם שפרצופיהן שונות כך דעתיהן שונות און פונקט ווי געוויסע רייסן אראפ אנדערע מנהלים אזוי וועלן דא אויך זיין וואס וועלן כסדר אראפרייסן דעם מנהל, וא"כ מה הועילו חכמים בתקנתם?, און ווידער אויב וועט די גדר זיין צו ליבעראל וועט דאס ציען די אטענשאן פון אלע בעלי תאוות און אנדערע אויפגעקלערטע וואס וועלן זיך פרייען אויסצושמועסן זייערע תאוות און אידעאלאגיע'ס צווישן היימישע אידן, און דאס וועט פארטרייבן סתם עמך אידן און עווענטשואלי פארמאכן דעם פארום.

אני כשלעצמי האלט מיר פאר זייער א אויפגעקלערטער, שוין איבער 10 יאר וואס איך דריי מיר ארום אין פארשידענע ערליי פארום'ס, ביז איך בין געקומען צו א באשלוס אז צענזור איז זייער א גיטע זאך, איך וויל עס און איך דארף עס, פארשטייט זיך אז עס האט סייד עפעקטס, ווייל איך אליינס בינישט ביכולת עס צו צענזורירן, און דעם אנדערן'ס צענזור מוז איך קענען דערהייבן, נו אויף דעם בין איך א איד, און איך פריי מיר אז איך קען אביסל אוועקגעבן פון מיר פאר קודשא בריך היא, איך האב נאר אויסגעקליבן די צענזור וואס איז די מערסטע פאסיג פאר מיר.

דעריבער וואלט איך פארגעשלאגן אז ווען ס'קומט צו אזעלכע האקעלע החלטות, ווי למשל וואספארא ענינים זאל יא ווערן צענזורירט און וואס נישט, זאל דער דעת רוב הציבור זיין דער וואס איז מחליט, כמובן אז דאס מוז גיין דורך א גיט אויסגעארבעטער וואוטינג סיסטעם, ואחרי רבים להטות, וואס דער עולם וועט וועלן אזוי זאל מען טהון, בכלל וואלט געווען א גיטע זאך אז אלע החלטות זאל דער ציבור קענען איבערדרייען דורך אזא וואל סיסטעם, אפילו אזעלכע תקנות וואס איז שוין געמאלדן געווארן פון די הנהלה, ווי למשל צו לאזן נוצן ניק'ס וואס נישט ער נוצט אין אנדערע פארום'ס, וכדו', איך בין זיכער אז ס'דא מענטשן וואס פארשטייען פארקערט.
לול'ן לול'ט ווער ס'לול'ט דער לעצטער (-י.ל.)
באניצער אוואטאר
קאווע
א גאסט אין שטיבל
א גאסט אין שטיבל
הודעות: 23
זיך רעגיסטרירט: מיטוואך פעברואר 29, 2012 12:48 pm
האט שוין באקומען לייקס: 7 מאל

Re: איז צענזור ביי היימישע אידן וויכטיג?

שליחה דורך קאווע »

יידל האט געשריבן:דרך אגב, טעמפא דערמאנט מיר א וויץ וואס מ'פלעגט זאגן: אז איינער פרעגט א קושיא אויף ר' חיים - איז ער א למדן. אז ער פרעגט א קושיא אויף ר' מאיר שמחה, איז ער א חריף. א קושיא אויפן ראגוטשויבער - א בקי. פרעגט מען א קושיא אויפן ויואל משה? איז מען אן אפיקורס.

ס'איז בכלל נישט קיין וויץ, ווען מ'עסט מצה חנוכה איז מען א שיינע איד, ווען מ'עסט מצה פסח איז מען א צדיק, ווען מ'עסט מצה יו"כ איז מען א שגץ און חייב כרת, פארוואס יו"כ איז עפעס הייליגער ווי פסח? ניין, נאר אזוי האט דער אייבערשטער געהייסן פסח האט געהייסן יא עסן און יו"כ האט ער געהייסן נישט עסן, די זעלבע זאך דא ס'נישט אויף וועם מ'פרעגט ס'נאר אויף וואס מ'פרעגט, למשל אז איינער פרעגט א קשי' אויפן דברי יואל וועט מען זאגן אז ער איז אן אפיקורס? ניין, און אז איינער פרעגט אויפן מורא נבוכים? יא, ווייל אז מ'פרעגט קשיות אויפן עקרי אמונה איז מען אן אפיקורס.

און ס'נאריש צו זאגן אז ער האלט אזוי און דער האלט אזוי און מ'דארף קענען פארטראגן יענעם'ס דיעות, ווייל אפשר דארף מען אויך קענען פארטראגן קריסטליכע דיעות? אין עניני אמונה איז נישט דא קיין מיטל וועג, אויב האט מען דיך געלערנט אז די און די דעה איז אפקורסוס טארסטו נישט שטיין מיט אזא איינעם אין ווארט, און אויב האט יענער א רבי וואס זאגט פארקערט איז א גרויסע פראבלעם און מ'קען נישט האבן קיין איינזאמע פארום מיט עם, פארפאלן.

יא אמונה איז א שווערע זאך און ס'עקזיסטירט נישט קיין לויעלטי אין הלכות דעות.
____________________.
חיים נחום הלוי פריעד
ידיד השטיבל
ידיד השטיבל
הודעות: 206
זיך רעגיסטרירט: מוצ"ש פעברואר 25, 2012 10:45 pm
האט שוין געלייקט: 73 מאל
האט שוין באקומען לייקס: 247 מאל

Re: איז צענזור ביי היימישע אידן וויכטיג?

שליחה דורך חיים נחום הלוי פריעד »

עס איז קלאר ווי די טאג אז עס פעלט אויס אזא זאך ווי צענזור. יעדער נארמאלער מענטש פארשטייט אז צענזור איז א גוטע זאך, איך גלייב אז אויף די קאמענטס פון די ניו יארק טיימס וועבסייט קען מען נישט שרייבן וואס מ'וויל. אבער ווען מ'רעדט פון צענזור איז די שאלה נאר וויפיל.
איך מיין אז עס איז וויכטיג דא צו ציטירן א קאמענט וואס עס האט געשריבן מר. באריסטא (ע"ש Barista?) מנהל פון אונזער שטיבל דא, וואס ווארפט א גוטן ליכט אויף די צענזור פרינציפן פון דעם חשוב'ן ארט:
באריסטא האט געשריבן:אין "קאווע שטיבל" זענען מיר נזהר נישט צו שטערן שרייבער אויסדרוקן זייערע מיינונגען, און נישט צו קאנטראלירן אנדערע. אבער דא איז נישט קיין פלאץ אָן קיין אחריות. מיר פארשפרעכן אין "א ווארט צו דעם נייעם מעמבער" אז "קיין שום הודעה וועט נישט פארשוואונדן ווערן אָן דעם וואס א קלארע סיבה זאל אנגעגעבן ווערן." אין דעם פאל ווערט די הודעה נישטאמאל פארשוואונדן - די וועלכע ווילן זיך פּאָרן אין מיסט קענען רואיג אריינגיין אין "מיסט קאסטן" און זען אויף זיין אייגענעם אחריות וואס עס איז דארטן געשטאנען. אזוי אויך, די סיבה פארוואס די הודעה איז אריין אין מיסט קאסטן איז קלאר אנגעגעבן געווארן.
(פון דא.)

דאס איז א געוואלדיגער געדאנק צו האלטן דעם מקום ריין פון אפפאל, און פון דעסטוועגן דאך נישט קאנטראלירן, נאר געבן די אויסוואל פאר די וואס ווילן דווקא יא זען דאס וואס מ'האט אוועקגעפירט, צו גיין קוקן אין מיסט קאסטן.
באניצער אוואטאר
DotCom
ידיד ותיק
ידיד ותיק
הודעות: 631
זיך רעגיסטרירט: דאנערשטאג מערץ 01, 2012 10:51 pm
געפינט זיך: בין פיתום לרעמסס
האט שוין געלייקט: 324 מאל
האט שוין באקומען לייקס: 591 מאל

Re: איז צענזור ביי היימישע אידן וויכטיג?

שליחה דורך DotCom »

חיים נחום הלוי פריעד האט געשריבן:
באריסטא האט געשריבן:אין "קאווע שטיבל" זענען מיר נזהר נישט צו שטערן שרייבער אויסדרוקן זייערע מיינונגען, און נישט צו קאנטראלירן אנדערע. אבער דא איז נישט קיין פלאץ אָן קיין אחריות. מיר פארשפרעכן אין "א ווארט צו דעם נייעם מעמבער" אז "קיין שום הודעה וועט נישט פארשוואונדן ווערן אָן דעם וואס א קלארע סיבה זאל אנגעגעבן ווערן." אין דעם פאל ווערט די הודעה נישטאמאל פארשוואונדן - די וועלכע ווילן זיך פּאָרן אין מיסט קענען רואיג אריינגיין אין "מיסט קאסטן" און זען אויף זיין אייגענעם אחריות וואס עס איז דארטן געשטאנען. אזוי אויך, די סיבה פארוואס די הודעה איז אריין אין מיסט קאסטן איז קלאר אנגעגעבן געווארן.
(פון דא.)

דאס איז א געוואלדיגער געדאנק צו האלטן דעם מקום ריין פון אפפאל, און פון דעסטוועגן דאך נישט קאנטראלירן, נאר געבן די אויסוואל פאר די וואס ווילן דווקא יא זען דאס וואס מ'האט אוועקגעפירט, צו גיין קוקן אין מיסט קאסטן.


און אויב מעג איך פרעגן, פון ווי וועל איך זיין פארזיכערט אז עס איז טאקע אזוי? פון ווי ווייס איך אז מיינע און אנדערנ'ס תגובות ווערן נישט אינגאנצן אדער האלבוועג'ס אפגעמעקט?.... ווייל דער מנהל גאראנטירט מיר? און אויב אבאמא גאראנטירט מיר אז ער גייט זייער גוט פירן דעם לאנד וועל איך וואוטען פאר אים? און ווער איז בכלל מחליט וואס זאל גיין אין מיסט קאסטן? און וואס איז אנדערש א מיסט קאסטן פון א אשכול נעול, וואס מ'זעהט אין אנדערע פארומ'ס? ווייל מ'גיט א סיבה? און ווי קען איך דיפאזיטן די סיבה? (דאס פאר זיך אז אומאויסגעהאלטענע זאכן זאלן זיך געפונען אין מיסט קאסטן, אזוי ווי יעצט צום ביישפיל, איז א שאנדע און א בושה פאר א אידישע פארום, אפילו סדארף צו הייסן אויף די אייגענע אחריות... מיר וועלן נאך בל"נ אמאל צולייגן דעם ענין אי"ה.)

איך וויל זייער נישט זיין דער וואס גיסט אריין זויערע מילך אין די פרישע קאווע דא, דער עולם קוקט דא אויס צו זיין זייער ענטוזיאסטיש און כ'וויל עס נישט אוועק הרג'נען, אבער דאס איז דאך זיכער אז יעדער מענטש האט נגיעות צו זיינע מיינונגען, און אויב וועט איינער האבן די געלעגנהייט צו מאנעוורירן אז זיין דעה זאל ארויסגעהויבן ווערן קעגן די אנדערע איז בלי שום ספק אז ער וועט דאס טהון, דער מנהל פארלאנגט דאך נישט אז מ'זאל אין אים 'גלייבן', און אפילו אויב יא איז זיין ווארט נישט ווייניגער ווי פון להבדיל די עיקרי הרמב"ם (עיין בתגובות לעיל), און איך מעג אין אים כופר זיין.

כבודו במקומו מונח, אבער פאר מיר מאכט נישט אויס ווער און וויפיל מען צענזורירט, איינמאל אז איינער קאנטראלט מיר און מיין דעה איז שוין נישט קיין חילוק ווער, ווי, און וויפיעל, אין חדש תחת השמש, אזעלכע פארום'ס שפראצן ארויס און גייען אונטער יעדע שטיק צייט און האט מיר שוין צופיל מאל אויסגעשפילט, אין די היידפארק עפאכע פלעגן כאטש די סארט פארום'ס פארבלייבן נאכ'ן אדורכגיין א שטייטע און פיינליכע טויט, אבער אזעלכע פארום'ס ווי דא קענען איבערנאכט פארשוואונדן צוזאמען מיט טויזנטער שעות ארבעט, און דאנ'ט געט מי ראנג, איך האלט שוין לאנג אז עס איז דא א מאנגעל אין היימישע שטיבלעך, אבער אויב עפנ'ט זיך א נייע זאך זאל עס זיין געבויט אויף פעסטע יסודות, נישט איינער און נישט צוויי זאלן פירן דעם עראפלאן נאר יעדער מעמבער צוגלייך, לדעתי קען מען אויסארבעטן א מיני גאווערמענט סיסטעם וואס וועט געבן א מעגליכקייט פאר יעדן מעמבער צו לאזן הערן זיין שטימע, און צו באשיצן זיין אייגענע שרייב-ארבעט, איך בין מכבד דעם מנהל ער זאל ארויסשטעלן די פלענער פונעם עתיד, אויף נאך ווען די שטויב וועט זיך שוין באזעצן, אויף דעמאלטס ווען פרישע ניק'ס וועלן אנפאנגען צו פאפן ווי טשיקנ'ס אין א פארם, מ'קראכט אויף און מ'נעמט זיך קוויטשענען, און ס'וועט נישט מעגליך זיין פאר איינעם אלעס אנצופירן וואס דאס האט געפירט אז אנדערע פארום'ס קוקן יעצט אויס ווי עס קוקט אויס....

איך האב געזעהן אז דער מנהל רעדט פון דעם אז אלע ניק'ס זאלן קענען ווערן מנהלים, דאס איז זיכער נישט קיין גאנצע רפואה, ווייל נישט יעדער האט די צייט אויסצופירן די אויפגאבע פון א מנהל, (אזוי ווי מיר צ.ב.) אבער יעדער וויל יא האבן א ווארט אין די הנהלה, זה ועוד, אז גיין מיט דעם וועג אז יעדער האט די מעגליכקייט פון זיין א מנהל וועט עס מיט דער צייט נישט אויסקוקן אנדערש ווי אנדערע פארום'ס. דעריבער בעט איך פונעם מנהל צו הערן מער פונקטליכע פלענער פונעם עתיד! בבקשה!
לול'ן לול'ט ווער ס'לול'ט דער לעצטער (-י.ל.)
היימישער איד
א גאסט אין שטיבל
א גאסט אין שטיבל
הודעות: 4
זיך רעגיסטרירט: מיטוואך פעברואר 29, 2012 9:09 am
האט שוין באקומען לייקס: 2 מאל

Re: איז צענזור ביי היימישע אידן וויכטיג?

שליחה דורך היימישער איד »

הרב דאט קאם כ'האב נישט קיין סאך מוסיף זיין נאר צושטימען צו וואס איר זאגט. (א חלק פון דעם האביך געשריבן דעם אדמין באופן אישי א צייט צוריק).

כ'וועל נישט פארהוילן אז דאס געבן א פלאטפארמע אראפצורייסן רבנים און דיינים איז בכלל נישט עפעס וואס איך זוך... אויב דאס איז דא וועלקאם דיליט איך דעם בוקמארק און א גוטן פורים.

אזוי ווי דאטקאם זאגט איז א מיסטקאסטן "נישט" קיין סעלאשען. ס'איז א שטייגער ווי א אויסגאבע זאל אריינלייגן אין די מיטעלסטע זייטן ניבול פה לשון הרע און לצניות. יעדער וואס וויל עס נישט ליינען קען עס תיכף ארויסנעמען אין לייגן אין מיסט. איך וואלט אזא אויסגאבע נישט געקויפט און די זעלבע איז אויך אמת אויף די ווירטואלע וועלט.

דעמקראטיע איז נגד התורה דאס זאל אייך קלאר זיין. די תורה איז קלאר קייגן דעם 'איש כל הישר בעיניו יעשה' ס'דא א חיוב מחאה ביי אידן. כ'בין נישט אויסן דא צו שטיין און מוחה זיין נאכאנאנד. אויב איז דאס א פלאץ פאר בעלי לשון הרע צו פארשפרייטן זייערע לשע"ה, רכילות, הוצאת שם רע און בזיון תלמידי חכמים (אזאך וואס איז דא גענוג אויף היידפארק) זייט'ס מיר געזונט און שטארק, א שאד פאר די כוחות אין די קאסטן פון אויפהאלטן דעם זייטל היידפארק שטייט גרייט איר קענט דארט עפענן א נייע פארום און מינוט'ן פאר 'פרי'.

אויב אידאס א סייט על טהרות הקודש דארף עס האבן א שטרענגע צענזור. איי איז דאך דא די אלט באקאנטע אידישע וועלט פארדעם?! דער תירוץ איז אז ס'דא פלאץ פאר נאך איינס. אויב קענט איר זיין בעסער און שענער. נישט סתם נאכמאכן די זעלבע סייט.

ווי כ'האב שוין געשריבן דעם אדמין אישי האלטיך די בעסטע סיסטעם איז א וואטינג סיסטעם. אבער דאס איז נאר פאר דברים מותרים אדער ספיקות. לשה"ע בזון ת"ח, אומאיידעלע בילדער אדער לינקס דארף האבן א 'זירא' טאלערנס דאס דארף ווערן גענצליך פארמעקט דורך א אחראי תיכף ומיד.

אנדערע זאכן וואס זענען נישט צו די זאך, אדער קען וויי טאן אנדערע מעמבער'ס וכדו' אויף דעם זאל זיין א סקר און אויב א געוויסע צאל מעמבער'ס שטימען צו דיליטן זאלעס דיליט ווערן. אזא סיסטעם ארבעט זייער גוט אויף http://www.stackoverflow.com ווער ס'וויל פארשטיין וואס כ'מיין זאל אהין גיין א בליק טאן.

דארטן איז מיט אלע שטימען אויך דא אחראים (איין מאל א יאר קומען פאר פריימערי'ס און נאכדעם וואלן פאר די פאזיציע'ס) אבער רוב סייט ווערט קאנטרעלירט פון די מעמבער'ס אליינס איש את רעהו יעזורו.

הצלחה רבה
באניצער אוואטאר
באריסטא
מנהל
מנהל
הודעות: 716
זיך רעגיסטרירט: מיטוואך פעברואר 29, 2012 7:28 pm
האט שוין געלייקט: 20 מאל
האט שוין באקומען לייקס: 304 מאל
קאנטאקט:

Re: איז צענזור ביי היימישע אידן וויכטיג?

שליחה דורך באריסטא »

איך מיין אז כמעט יעדער וואס האט מיטגעהאלטן די אנטוויקלונגען אין "קאווע שטיבל" אין לויף פון דער איין וואך זינט עס איז אויפגעשטעלט געווארן, ווייסט און פארשטייט דער ענטפער צו אלע אייערע פראגעס. עס האט זיך ב"ה ארויסגעשטעלט אז "קאווע שטיבל" האט צוגעצויגן דעם אינטעליגענטערן עלעמענט, און דאס איז אונזער ציל – אז מ'זאל קענען שרייבן און שמועסן אן פחד אז מענטשן מיט אגענדעס וועלן איינטיילן וואס איז יא כשר און וואס נישט.
יא, די מנהלים זענען מחליט וואס עס זאל גיין אין מיסט-קאסטן, אבער יעדער לייענער און שרייבער קען און זאל צולייגן א האנט. העכער יעדער הודעה איז פאראן אן אויסרוף-צייכן קנעפל וואס ווען מ'קליקט עס קען מען אריינגעבן א טענה קעגן דער הודעה. די הודעה וואס געפינט זיך יעצט אין מיסט-קאסטן איז אזוי דארטן אנגעקומען.
די אדמיניסטראטארן און מנהלים פון "קאווע שטיבל" האבן אינוועסטירט און אינוועסטירן א סך צייט און געלט שלא על מנת לקבל פרס. אונזער איינציגסטער ציל איז אז עס זאל עקזיסטירן א נארמאל פלאץ וואו יעדער יחיד קען לאזן הערן זיין מיינונג. מיר ווייסן נישט איבער "אזעלכע פארומס" וועלכע "שפראצן ארויס יעדע שטיק צייט." דער צורך פאר אזא פארום איז שוין לאנג דא, דערווייל האט עס נאך קיינער נישט צוגעשטעלט – און מיר זענען דא צו בלייבן.
אייערע געדאנקען זענען שיינע, און אדרבה, מיר ווילן הערן מער. ווייזט אונז אן אויף אנדערע פארומס – אידישע ווי נישט אידישע – וועלכע פארמאגן פירערשאפט סיסטעמען ווי אייך געפעלט, און מיר וועלן עס אוודאי אין באטראכט נעמען.
ווי איך האב שוין געשריבן ערגעץ אנדערש זענען מיר נזהר נישט צו שטערן שרייבער אויסדרוקן זייערע מיינונגען, און נישט צו קאנטראלירן אנדערע, אבער דא איז נישט קיין פלאץ אָן קיין אחריות. מיר האבן אפענע אויערן צו הערן קריטיק, און מיר זענען גרייט צו מעקן און רעדאגירן הודעות וועלכע זענען אין קאנטראסט צו דאס וואס ווערט דערמאנט אין דעם "פאר יעדנ'ס טובה" פאראגראף אין דעם "ווארט צו דעם נייעם מעמבער" – אין דעם איז אריינגערעכנט אנטמוטיגן אונזערע לייענער און שרייבער.
באניצער אוואטאר
יידל
שריפטשטעלער
שריפטשטעלער
הודעות: 4922
זיך רעגיסטרירט: מוצ"ש פעברואר 25, 2012 11:44 pm
האט שוין געלייקט: 2755 מאל
האט שוין באקומען לייקס: 4713 מאל

Re: איז צענזור ביי היימישע אידן וויכטיג?

שליחה דורך יידל »

איך וויל מיך אביסל אננעמן פאר די הנהלה. די לינק וואס ליגט אין מיסטקאסטן איז א (מ'שייטנס געזאגט) כשר'ער לינק. נאר וואס? אדער סייט איז א קארופטירטער סייט און אין געוויסע בראוזערס וואס האבן א שוואכן פאפ-אפ בלאקער עפענט זיך אויף א שמוציגן סייט. נו, זאל מען וועגן דעם דעליטען די לינק? הלמאי, אידן מיט אן אייפאון, ווי דער וואס האט דעם לינק געפאוסט, קענען דאך הנאה האבן דערפון! איז די עצה זייער פשוט, מען שיקט אים אין מיסט קאסטן. איר עפנט עס אויפן אייגענעם אחריות אז אייער בראוזער פארמאגט א גוטער פאפ-אפ בלאקער.
ס'מיר נישט קיין שום ספק אז א דירעקטער לינק צו א שמצוציגער סייט, וועט ניטאמאל אנקומען צום מיסט קאסטל, נאר גלייך פארמעקט ווערן לגמרי.
לגבי לשה"ר רכילות וכדומה: נעכטן האט אייינער דא פערזענליך אטאקירט א אינגערמאן מיטן פולער נאמען. דאס איז גלייך רעדאגירט געווארן, ווי די וואס האבן דאס באמערקט ווייסן. אבער רבנים ואישי הציבור, על אף די מנהלים פארלאנגען אן "הרב" בעפאר די נאמען, ווי אויך זיך אויסדרוקען כלפי זיי מיט טיטלען ווי עס פאסט פאר כבוד אדם, דאך אבער מוזן זיי קענען פארנעמען "פובליק סקרוטיני". ווען איינער שרייבט אז די איסור צו חרם אויפן שטערן איז ארויסגעקומען שלא ביושר, און אז די בעלים פונעם שטערן האבן צוליב די רבנים פארשטיקענע פיש געגעסן און פון שטאט ארויסגעטריבן געווארן, איז דאס נישט קיין לשה"ר אדער רכילות, וכן ממשמע בבירור בספר חפץ חיים. אזא זאך קען טאקע נישט און זאל טאקע נישט געמעקט ווערן. נאר וואס דען? אז א אינגערמאן האלט אז על אף עס איז נישט קיין איסור תורה, באלאנגט עס נישט אין די פארום, קען ער דערויף קליקן און מעלדן די הנהלה אז מען זאל דעם הודעה לייגען אין מיסט קאסטן.
אין אנדערע ווערטער, ווי איך פארשטיי דינט דער מיסט קאסטן א מקום פאר אזעלכע הודעות וואס זנען אויסגעהאלטן אבער פארמאגן אן עוקץ בצידם.
לא רעב ללחם. לא צמא למים.
באניצער אוואטאר
DotCom
ידיד ותיק
ידיד ותיק
הודעות: 631
זיך רעגיסטרירט: דאנערשטאג מערץ 01, 2012 10:51 pm
געפינט זיך: בין פיתום לרעמסס
האט שוין געלייקט: 324 מאל
האט שוין באקומען לייקס: 591 מאל

Re: איז צענזור ביי היימישע אידן וויכטיג?

שליחה דורך DotCom »

מיין תגובה איז דירעקט נישט געווען געשטעלט אויף די איין וואך וואס עס איז שוין אפן ווייל עס נישט שייך אפצושאצן א פלאץ אויף אזא קורצע צייט אפשניט מיט קוים 10 אקטיווע מעמבערס, איך געדענק יא אזעלכע פארום'ס, כאטש איך געדענק שוין נישט די נעמען, אבער מיינע חברים דא וועלן מיר זיכער קענען דערמאנען, (גיי אין היידפארק אונטער אקטאלי' וחדשות, סנאך פול דערמיט)די עיקר האב איך געצילט נאר אויפן עתיד, איזהו חכם הרואה את הנולד, און נאכאמאל אן קיין פונקטליכע פלענער איז גארנישט אינטערסאנט, סאיז קיין האר נישט אנדערש פון אנדערע צענזורירטע פארום'ס, נאר די צענזור איז אויף מער א ליבעראלע פארמאט אויף ביזדערווייל, ווילאנג זיי האבן נאכנישט קיין עקספיריענס.

דעס אז די מייסדים אינוועסטירן אסאך צייט איז נאר א פראבלעם ווייל דערנאך פילן זיי שוין אז די וועלט קומט זיך זיי, און אך און וויי אויב א נייע ניק און 5 יאר פון יעצט וועט זיך דערוואגן צו עפענען דאס מויל... נאכאמאל איך רעד פון עקספיריענס, עס איז שוין אזוי פאר די לעצטע כמעט זעקס טויזנט יאר און איך גלייב אז דא איז נישט אנדערש.

און איך קען נישט אנווייזן אויף אנדערע פארום'ס ווייל ס'נישטא (וואס איך ווייס), איבעראל און איך מיין טאקע איבעראל אפילו אין די גוישע מארקעט ווי איך דריי מיר אסאך איז אייביג דא דעם פראבלעם פון פאוער ווס. פיעפל, און די גרעסטע פארום'ס האב איך שוין בייגעוואינט אזעלכע זאכן, ממילא קען איך נישט געבן מער ווי עצות וואס קען זיך אויסארבעטן פונקט אזוי ווי נישט, איך מיין נישט צו אנטמוטיגן קיינעם ח"ו, איך מיין נאר די טובה פונעם פארום מיט אירע מעמבער'ס, און נאכאמאל איך האב נישט קיין צייט צו זיין מנהל עניוועי אבער איך וויל זיין זיכער אז דער ציבור ווערט דערהערט, איך בין פונקט אזוי אנגעווייטאגט ווי אנדערע, אבער איך לאז מיר נישט אזוי שנעל איבערבעטן, אז די ביז יעצטיגע סיסטעם פון קענען רעדן מיט די מנהלים דורך אימעיל ארבעט נישט.... פינטעל, איז א שאד אז א נייער פארום עפענט זיך זאל נישט זיין מיט א נייע סיסטעם, עס איז דא א מאמר העולם "in order to build the future, you have to know the past", איך פיל אז מ'גייט איבער אלטע מיסטעיק'ס און דאס לאזט מיר נישט שרייבן געהעריג. פיעלט פריי מיר צו קאנטאקטן אדער ענטפערן אדער מעקן, כטוב בעניך עשה, איר זענט בעל הבית דא, איך בטבע אבער אויב פיל איך אז ס'דא צו וועם צורעדן זאג איך עס אין פנים, ווידער אויב נישט איז אוודאי השתיקה יפה.
לול'ן לול'ט ווער ס'לול'ט דער לעצטער (-י.ל.)
באניצער אוואטאר
יידל
שריפטשטעלער
שריפטשטעלער
הודעות: 4922
זיך רעגיסטרירט: מוצ"ש פעברואר 25, 2012 11:44 pm
האט שוין געלייקט: 2755 מאל
האט שוין באקומען לייקס: 4713 מאל

Re: איז צענזור ביי היימישע אידן וויכטיג?

שליחה דורך יידל »

דאט קאם, א גוטער מאדעל פאר ליבעראלע צענזור וואס ווערט קאנטראלירט דורך איין מענטש אליינס איז הרהורים בלאג, געפירט דורך הרב גיל סטודענט פון פלעטבוש. די בלאג ווערט פאררעכנט אלץ דער גרעסטער היימישער בלאג, און ס'רוב פון די קאמענטס ווערן נישט מאדערירט. אטאקירען דירעקט א רב אדער פריוואטער מענטש, אדער לינקן און שרייבן שמוץ ווערט נישט ערלויבט. איך מיין אז דאס איז א פיינער מאדעל ווי מ'קען זען וויאזוי פאוער קארופטירט נישט. (דאנט ווארי, ס'דא וואס האבן טענות אויף אים אוך אז ער מעקט צו סאך/צו ווייניג, אבער רוב עולם דארט האלט אז עס איז בסדר רוב פון די צייט.
לא רעב ללחם. לא צמא למים.
יאנקל
חבר ותיק
חבר ותיק
הודעות: 2917
זיך רעגיסטרירט: דאנערשטאג פעברואר 23, 2012 9:49 pm
האט שוין געלייקט: 2435 מאל
האט שוין באקומען לייקס: 3690 מאל

Re: איז צענזור ביי היימישע אידן וויכטיג?

שליחה דורך יאנקל »

כבוד הרב דאט קאם,
לענ"ד מאכט איר א טעות מיט דעם וואס איר האלט אז עס איז בכלל שייך אזא זאך ווי די לייענער זאלן פונקט אזוי האבן א ווארט ווי די מנהלים. עס איז פשוט אן קיין צווייפל אז די מנהלים זענען די וואס שטעלן אויס די צורה פון א פלאץ, און זיי מאכן די וויכטיגסטע החלטות. זיי זענען דאך די וואס האבן אינוועסטירט צייט, געלט און מי! אוודאי קומט אויס אז זייער שיקול הדעת וועט האבן מער קראפט ווי דער שיקול הדעת פון מענטשן וועלכע האבן נישט אינוועסטירט אין דעם נאר זענען דא בלויז אויף צו הנאה האבן. און ווי דו שרייבסט אליין, איז בכלל נישט דא אזא זאך אז יעדער זאל האבן א ווארט פונקט ווי די מנהלים.
דער חילוק כאפט נאר וואס די פרינציפן פון די מנהלים זענען. אין פארשידענע פארומס איז גאנץ קלאר אז די פרינציפן פון די מנהלים איז נישט דורכצולאזן מיינונגען וועלכע זענען אנדערש ווי זייערע, און צו געניסן פון כבוד אנערקענונג. דא אין קאווע שטיבל ווייסן מיר זייער גוט וואס די פרינציפן זענען - דווקא יא צו לאזן מענטשן אויסדרוקן זייערע מיינונגען, ווי אויך האבן מיר שוין געקענט מיטהאלטן ווי דער מושג פון דעם "מנהלים קולטור" איז דא אינגאנצן נעקר געווארן. מנהלים ניקס ווערן גענוצט בלויז פאר אדמיניסטראטיווע ענינים.
פאר מיר איז דאס גענוג מחשיב צו זיין דעם פלאץ, און דער אמת איז, אויב וואלט איך געוואלט א פלאץ וואס זאל זיך פירן גענצליך לויט מיין מהלך המחשבה, וואלט "איך" זיך געלאזט קאסטן אויף צו בויען אזא סייט. און דאס זעלבע מיט דיר, איך ווייס נישט וואס דו זוכסט, אבער דאס נענטסטע וואס מ'קען טרעפן וואו מען האלט חשוב די מיינונג פון יעדן מעמבער איז אט דא! איז אלזא וואס ווילסטו?
באניצער אוואטאר
קאווע
א גאסט אין שטיבל
א גאסט אין שטיבל
הודעות: 23
זיך רעגיסטרירט: מיטוואך פעברואר 29, 2012 12:48 pm
האט שוין באקומען לייקס: 7 מאל

Re: איז צענזור ביי היימישע אידן וויכטיג?

שליחה דורך קאווע »

מיין פערזענליכע עקספעריענס אינעם אלטן פארום איז:

1. זאכן וואס שרייבער ווייסן נישט אז ס'איז קעגן די תקנות ווערט פארשווינדן ניטאמאל ווייסט דער שרייבער אז ס'איז פארשווינדן געווארן אין פיל פעלער, און בס"ה שרייבט ער עס נאכעמאל מחוסר ידיעה, די ס"ה איז א פייט.

2. ווען מ'ווייסט יא אז ס'איז פארמעקט געווארן, פיל מאל ווייסט מען נישט פארוואס, ספעציעל נייע מעמבער'ס וואס קענען זיך נאכנישט אויס, התוצאות כנ"ל.

3. פיל מאל וועט מען ניטאמאל אויסמעקן איינעם הודעה, נאר מ'וועט עם אין די עפענטלעך אראפ רייסן, און לצנות טרייבן פון עם.

4. ווען איינער איז עובר אויף איינע פון די גאר שטרענגע תקנות (וואס אגב שטייט עס נישט אין ערגעץ חוץ אפשר אין איינער פון די אשכולות וואס די נייע מעבער האט נאך נישט געליינט) וועט ער ווערן אויסגעשלאסן מתוך המחנה אן קיין שום פריערדיגע ווארענונג און אן קיין וועג צירוק.

5. ווען ס'איז דא חילוקי דעות אין אן אשכול און א מנהל וויל האבן די לעצטע ווארט, שרייבט ער אריין זיין מיינונג און שפארט צו דעם אשכול

לויט ווי איך פארשטיי איז דאס וואס באדערט פאר זייער אסאך פון די דארטיגע, און פון דעם זוכט לויז צו ווערן, וויפיל איך פארשטיי וועט קיינעם נישט באדערן נישט צו שרייבן סיי וועלעכע ענין עז לאנג ער ווייסט פון פאראויס וואס נישט צו שרייבן, און ווען מ'האט יא געשריבן עפעס וואלט קיינער נישט ברוגז געווען אז ס'ווערט פארמעקט ווי לאנג ער ווייסט פארוואס אויף נעקסט טיים, די לאזונג דארט "מיר קענען נישט טיילן קיין שכל, יעדער דארף אליין פארשטיין וואס יא אדער נישט צו שרייבן" דאס האט שוין אנגעמאכט דארט אן א שיעור פראבלעמ'ן, און אויף דעם טוה מיר געבן א געוואלדיגע שבח והודיה למי שאמר והי', אז ס'האט זיך געפענט א נייער פארום וואס פארשפרעכט צו זיין אהבה ואחוה שלום ורעות על טהרת הקודש, זאל דער אייבערשטער העלפן ס'זאל וואקסן און בליען און האבן אסאך הצלחה מיט געלט לקדש שם שמים.

קען זיין אז די תגובה וואס איך האב יעצט געשריבן איז נישט וואס די מנהלים דא גלייכן, קען זיין זיי ווילן נישט זיין קיין מתכבד בקלון חברו, אבער דא ווייס איך אז אויב איז עס נישט וואס באלאנגט דא וועט מען מיך לאזן וויסן מיט שיינעם, און איך און אנדערע וועלן וויסן אויף נעקסט טיים, איך האף איך בין געניג קלאר.

הצלחה רבה.
____________________.
באניצער אוואטאר
קאווע
א גאסט אין שטיבל
א גאסט אין שטיבל
הודעות: 23
זיך רעגיסטרירט: מיטוואך פעברואר 29, 2012 12:48 pm
האט שוין באקומען לייקס: 7 מאל

Re: איז צענזור ביי היימישע אידן וויכטיג?

שליחה דורך קאווע »

די עיקר פוינט וואס איך האב געוואלט ארויסברענגען האב איך פארגעסן.

אז די פראבלעם פון רוב מענטשן -לדעתי- איז נישט צו מען צענזורירט מענטשן אדער נישט, נאר וויאזוי מען צענזורירט. וכנ"ל
____________________.
באניצער אוואטאר
DotCom
ידיד ותיק
ידיד ותיק
הודעות: 631
זיך רעגיסטרירט: דאנערשטאג מערץ 01, 2012 10:51 pm
געפינט זיך: בין פיתום לרעמסס
האט שוין געלייקט: 324 מאל
האט שוין באקומען לייקס: 591 מאל

Re: איז צענזור ביי היימישע אידן וויכטיג?

שליחה דורך DotCom »

יידל, הרהורים בלאג לוינט זיך טאקע אריינצוקוקן און שטודירן זייער היסטארי, אפשר האבן זיי א גיטן אויסגעטראטענעם וועג וואס מ'קען אויך עפלייען פאר אונזער ציבור דא.

יענקל, ביזט זייער גערעכט, די מנהלים האבן די עקספיריענס וואס מעמבער'ס האבן נישט אבער דאס איז אלס זאכן וואס זיי קענען מסביר זיין בשעת מען לייגט עס ארויף פאר א וואוט, און יא דעס אז זיי האבן אינוועסטירט צייט און געלט איז נאר א שטער אז דער עולם'ס דעה זאל שפעטער דערהערט ווערן, אזוי פארציילט די היסטאריע פון אלע פארום'ס און אזוי אויך אלע אידישע וואילטעטיגע ארגאניזאציעס ווי הצלה, שומרים ובדומה להן... די ליסט איז לענגער ווי מען מיינט וואס מ'האט געזעהן אז עסקנים האבן זיך מוסר נפש געווען פאר די ארגאניזעישן און דערנאך האט מען זיך אויפגעגעסן מיט זייער הנהגה, די החלטות דארף שוין יעצט אויסגעשטעלט ווערן אז דער ציבור זאל עס פירן, למחצה, לשליש ולרביע, שפעטער איז שוין שווער דאס דורכצופירן.

קאווע, די אלע פראבלעמען וואס דו רעכנסט אויס האבן איין שורש, דאס איז תאוות השררה, די מנהלים מיט דער צייט ווערן גרויס ביי זיך, טאקע ווייל זיי זעהן איין וואס עס איז געווארען פון זייער ארבעט, און אנערקענען די פאוער מיט וואס זיי שפילן זיך ארום, ממילא ווערט די גאנצע פארום מיט אלע ניק'ס און ארטיקלעך נישט מער ווי א שפיל, א טוי, מיט וואס זיי טשאשטקענען זיך כדי ארויסצונעמען די מאקסימום הנאה לויט זייער מעגליכקייטן, ממילא אז ניק איז נאר א שפילצייג איז ער נישט ווערט נאר ווילאנג ער איז דינט דעם צוועק, אויב נישט איז די העל וויט איט, אז יענער פארום גייט יעצט נעמען אויף זיך צו פוקסן דיינע אלע פראבלעמען איז עס נאר אויף א שטיק צייט, און אויך קענסטו זיין זיכער אז פרישע פראבלעמען וועלן אויפקומען. ווייל דער שורש האט מען נישט פארראכטן!

וכן הדין נוהג ביי 'אלע' און איך מיין טאקע 'אלע' פארום'ס ווי איך האב מיר געדרייט ביז היינט, ביז איך האב משלים געווען מיטן מצב, און מקבל געווען אויף זיך עול מלכות צענזור אויב איך וויל שרייבן עפעס אמאל, (בד"וו סנישט אזוי געפערליך ווי כאב געמיינט) און לאו דוקא פארום'ס נאר איבעראל ווי מער ווי איין בריאה קומט זיך צונויף, איז דא דער פראבלעם, צו איז עס אינדערהיים, אין קהלה, אין לאנד, סיי ווי עס זאל נאר זיין, אויב איז נישטא קיין כח הציבור ווערט עס אזוי מיט דער צייט נישט קיין חילוק וואס די פלענער זענען געווען ביים מייסד זיין, און איך בלעים נישט דא קיינעם פעטיקולער כאטש איך ווייס מסתמא פון וועלכע פארום דו רעדסט, אדרבה איך קוק זיי כסדר ארויף, איך אין זייער פלאץ וואלט געווען אסאך אסאך ערגער, אסאך מאל טו איך באווינדערן זייער מדת השתוות, אבער ההכרח לא יגונה, דאס איז דער מענטש און קיינער איז נישט קיין אויסנאם!

ברוך שכוונתי איך זעה אז היימישער איד האט שוין געזאגט די זעלבע זאך, לאמיר האפן אז ס'דא צו וועם צו רעדן.
לול'ן לול'ט ווער ס'לול'ט דער לעצטער (-י.ל.)
roasted
א גאסט אין שטיבל
א גאסט אין שטיבל
הודעות: 8
זיך רעגיסטרירט: זונטאג מערץ 04, 2012 4:35 am
האט שוין באקומען לייקס: 1 מאל

Re: איז צענזור ביי היימישע אידן וויכטיג?

שליחה דורך roasted »

שלום עליכם,
לאמיר אייך זאגן קורץ אין שארף מיין מיינונג,

איך קום שוין פון דארט, מען דארף האבן אויסדרוקלעך א צענזור, נישט יעדער וואס האט צידרייטע ליבעראלע אויפגעקלערטע דיעות און ער שעמט זיך עס ארויפציברענגען אפי' צווישען זיינע אייגענע חבירים אין ביהמ"ד זאל זיך דא קימען אויסגעבן זיינע קרעמפען און אינז קאליע מאכן, אויב איינעם'ס תגובה גערעניצט זיך מיט דברים אסורים אדער שפראכען וואס מיר אלע אין יודיש רענדדיגע היימען איז מען נישט געוואונט געווען ציהערן, זאל אבסולוט נישט דא זיין די פלאץ, אין אז מען וועט דאס דא דערהייבן, ווען קיין הצלחה נישט זיין, וויל נישט איך אין נישט אנדערע זענען אינטערעסירט אין דעם אין פאר דעם איז שוין דא היידפארק,

נאר וואס יא, א פארים מיט די זעלבע היימישע סטאנדארטען פון ווי מיר קימען אלע, נאר דערהייבען אלע קרייזען'ס מיינונגען, זיך רעכענען מיט יעדעם איינעם אפי' מען איז נישט קיין שרייבער,
נישט אוועקנעמן אין די וועלט אריין אשכולות, די מנהלים זאלען מעגן רעדן אין וויצן אויף יעדן ענין נאר די נישט, וכו' וכו' דאס איז די גאנצע אין וואס מיר ווילן א תיקון, אבער אויב איז עס נישט אזוי
איז דא געניג אן אייך, אין עס וועט בעז"ה זיין פלאץ פאר א פרישען פארים וואס וועט קענען זיין ציזאמגעשמאלצען אינדערמיט פון ביידע'ןס מעלות,

מיט הצלחה
באניצער אוואטאר
chasid
ידיד השטיבל
ידיד השטיבל
הודעות: 244
זיך רעגיסטרירט: זונטאג מערץ 04, 2012 1:02 am
האט שוין געלייקט: 163 מאל
האט שוין באקומען לייקס: 79 מאל

שליחה דורך chasid »

roasted זאגט גוט, פון "אידישע וועלט" האב איך זייער הנאה, נאר "דערהייבען אלע קרייזען'ס מיינונגען" פעלט דארט,
איז אז דעס ווערט זיין דא מתוקן וועט זיין א עולם השלם
באניצער אוואטאר
שנאפס
א גאסט אין שטיבל
א גאסט אין שטיבל
הודעות: 16
זיך רעגיסטרירט: זונטאג מערץ 04, 2012 6:28 pm
האט שוין געלייקט: 1 מאל
האט שוין באקומען לייקס: 12 מאל

Re: איז צענזור ביי היימישע אידן וויכטיג?

שליחה דורך שנאפס »

קאווע האט געשריבן:מיין פערזענליכע עקספעריענס אינעם אלטן פארום איז:

1. זאכן וואס שרייבער ווייסן נישט אז ס'איז קעגן די תקנות ווערט פארשווינדן ניטאמאל ווייסט דער שרייבער אז ס'איז פארשווינדן געווארן אין פיל פעלער, און בס"ה שרייבט ער עס נאכעמאל מחוסר ידיעה, די ס"ה איז א פייט.

2. ווען מ'ווייסט יא אז ס'איז פארמעקט געווארן, פיל מאל ווייסט מען נישט פארוואס, ספעציעל נייע מעמבער'ס וואס קענען זיך נאכנישט אויס, התוצאות כנ"ל.

3. פיל מאל וועט מען ניטאמאל אויסמעקן איינעם הודעה, נאר מ'וועט עם אין די עפענטלעך אראפ רייסן, און לצנות טרייבן פון עם.

4. ווען איינער איז עובר אויף איינע פון די גאר שטרענגע תקנות (וואס אגב שטייט עס נישט אין ערגעץ חוץ אפשר אין איינער פון די אשכולות וואס די נייע מעבער האט נאך נישט געליינט) וועט ער ווערן אויסגעשלאסן מתוך המחנה אן קיין שום פריערדיגע ווארענונג און אן קיין וועג צירוק.

5. ווען ס'איז דא חילוקי דעות אין אן אשכול און א מנהל וויל האבן די לעצטע ווארט, שרייבט ער אריין זיין מיינונג און שפארט צו דעם אשכול

לויט ווי איך פארשטיי איז דאס וואס באדערט פאר זייער אסאך פון די דארטיגע, און פון דעם זוכט לויז צו ווערן, וויפיל איך פארשטיי וועט קיינעם נישט באדערן נישט צו שרייבן סיי וועלעכע ענין עז לאנג ער ווייסט פון פאראויס וואס נישט צו שרייבן, און ווען מ'האט יא געשריבן עפעס וואלט קיינער נישט ברוגז געווען אז ס'ווערט פארמעקט ווי לאנג ער ווייסט פארוואס אויף נעקסט טיים, די לאזונג דארט "מיר קענען נישט טיילן קיין שכל, יעדער דארף אליין פארשטיין וואס יא אדער נישט צו שרייבן" דאס האט שוין אנגעמאכט דארט אן א שיעור פראבלעמ'ן, און אויף דעם טוה מיר געבן א געוואלדיגע שבח והודיה למי שאמר והי', אז ס'האט זיך געפענט א נייער פארום וואס פארשפרעכט צו זיין אהבה ואחוה שלום ורעות על טהרת הקודש, זאל דער אייבערשטער העלפן ס'זאל וואקסן און בליען און האבן אסאך הצלחה מיט געלט לקדש שם שמים.

קען זיין אז די תגובה וואס איך האב יעצט געשריבן איז נישט וואס די מנהלים דא גלייכן, קען זיין זיי ווילן נישט זיין קיין מתכבד בקלון חברו, אבער דא ווייס איך אז אויב איז עס נישט וואס באלאנגט דא וועט מען מיך לאזן וויסן מיט שיינעם, און איך און אנדערע וועלן וויסן אויף נעקסט טיים, איך האף איך בין געניג קלאר.

הצלחה רבה.


קאווע שטיבל האט שוין געהאט אן אלטן פארום?
רעאגיר