שלום עליכם! לאמיך זיך פארשטעלן פאר אייך

[רויטע וואנצעס]

מ'זאגט אז דלפון'ס זענען קלוגער ווי מענטשען. נא, ווייז אונז ס'איז אמת.

[איך אויך]

און דער גבאי האט געמיינט ער איז א פרישער דא.

איך בעט אייך חברה פליז טריטס אונז נישט ווי כעלעמע חכמים ,ווילסט עפענען 6 ניקס פאר די איין באבאוו קאמפיין ,5 ניקס פאר די פייערדיגע אלעכסאנדר מחלוקת ,4 פאר מאכנאפקע איז די עכטע רבי און 3 פאר די ספליט אין בעלעד? (ק)נאק יורסעלף אוט אבער ביטע טוהט עס מיט א טראפקעלע פון יענע אינגרידיענט דמתקריא שכל.

[עמעזאן]

וואס איז די ראי' איך האלט גראדע אז @דלפון איז א פרישע ניק, פאר א תלמיד אלכסנדר איז נארמאלע נישט צו וועלן האבן א ניק דא אפי' קיינער ווייסט נישט עס איז פשוט א נחות דרגא פאר זיך אליין, אבער מחמת הכרח האט ער נישט קיין ברירה... לאמור האפן מיר וועלן הנאה האבן פון עם אין אנדערע אשכולות אויך.

[איך אויך]

זאגסטו אז נאר באצופאל האט דער רבי געעפנט צוויי ניקס איינס נאכן צווייטן, קעי עס איז מיר נישט איינגעפאלן.

[שמעקעדיג]

פארוואס, ווייל ס׳איז אינטערסאנט בכלל און פארשידענע ארטיקלען פאר מיר בפרט. ספעציעל אין אקטועלע נייעס און היסטאריע.
טאלאנטן, שאיפות, לענ״ד האב איך אינטערעסאנטס צו מיט טיילן אין די און אויך אנדערע טאפיקס

שלו' עליכם, ווי אזוי רופט מען אייך? נייעס-טיקער? אדער נייע-סטיקער?

[איך אויך]

אדער נייע עסטי קער.

[אויסגערוט]

נאכן ליינען די פארומס דא פאר א לענגערע צייט פיל איך אז איך קען אסאך צולייגען דא צו די דיווערסיטי און דעות פון די אקטיווע שרייבערס

[ואפילו בהסתרה]

איך האב אויסגעקליבן צו ווערן א חבר אין קאווע שטיבל, ווייל עס זענען דא חברה וואס רעדן דברים של טעם, און אסאך מאל פעלט זיך אויס א קליינע הערה אדער תגובה וואס קען צוהעלפן ארויסצוברענגן דעם קלארן פאקט

[צוקלאפטע הושענא]

איך בין א געווענלעכער שטילער מענטש וואס נוצט די אויגען מער וי דאס מויל, גאמאכט פון הויט אין ביין בשר ודגים בלע״ז, א צוזאמשטעל פון א גוף מיט א נשמה וואס קלאפען זיך איינער דעם אנדערען, איינער מיז בלייבען צוקלאפט אין דאס בין איך א צוקלאפטע הושענא אויסגעפליקט אין אנגעזעצט כדבעי,

איך בין שטיל איך שטיי אין זייט
וי דער הושענא אויסגעקלאפט
ימים ידברו סוועט נאך קומען א צייט
ווען אלעס וועט פארען גרינג אין גלאט

איך בין גאנץ גיט באקאנט מיט אייער סיסטעם דא, אלץ א גאסט וואס ציזט שעות אויף שיינע ארטיקלען, אריינגערעכענט די אינערליכע פאליטיקס וואס שוועבט דא ארום צוישען די ווענט אין די טונט וואס גיסט זיך פון די פענס אין חשובע שרייבער, סאיז דא אסאך וואס צו מוסיף זיין איך האף צו מאכען צייט אין שרייבען וישמחו בי חברי ואשמח בהם

[רויטע וואנצעס]

די באשעפער האט ליב א צובראכן הארץ, וועגן דעם לייגט מען דיר אויפן ארון קודש. חזק!

[אויסגערוט]

שלום עליכם

איך בין אויסגערוט פשוטו כמשמעו. איך האף עס דא צו פארטיילען אויף א ברייטע פארנעם פאר אלע אידן אינעם שטובל וואס שטייען אויף מיד

[שמעקעדיג]

איך בין די ערשטע אין די ליין

[משיב לשואל]

א גוטן
אני הקטן בין אמאל געווען א משגיח אין א ישיבה אין ניו יארק. בחורים האבן געהאט צוטרוי אין מיר און געפילט זיכער אז מ'קען מיט מיר רעדן איבער אלעס. איך בין געווארן א אוזן קשבת, ימין מקרבת, און א סבר-פנים-יפות, אזוי ארום אז בחורים וואס האבן זיך געעפענט פאר מיר זייער אינערליכע געפילען און זיך געטרויט צו פרעגן פארשידענע שאלות, פון אמונה ביז חסידישע פאליטיק. גדיים נעשו תיישים, און איך באקום אימעיל'ס פון יוצאי הישיבה, אינגעלייט, וואס פרעגן מיך אן פון צייט צו צייט על דא ועל הא.
פון פראקטיק, און למען ה'קלארקייט, איז מיר אויסגעקומען אז די שו"ת זאלן ווערן אויסגעשמועס בכתב. במשך הזמן איז מיר אויסגעקומען צו שרייבן גאר אסאך בריוו, אין אידיש און אין לשון הקודש.
---
נישט לאנג צוריק האט זיך די אינטערנעט בכלל, און קאווע שטיבל בפרט (דורך א שואל), אנטפלעקט צו מיר, און איך בין נבהל ונשתומם ווי רייך די וועלט איז מיט געלונגענע אינגעלייט, שרייבער'ס, ידענים, לצים און סתם זיסע...
צווישען ליינען איין וויקפעדיע בלאט און צווייטען, וועל איך פראבירן ארויפצולייגן דא בריוו וואס איך האב - בעניי - גע'ענטפערט לשואלי דבר. ואין אני אומר קבלי דעתי, נאר אדרבה, תעיתי כשה אובד, בקש עבדך און צוזאמען לאמיר טוהן וואס איז ריכטיג, און די ריכטיגע מינוט און ריכטיגע צייט.
הק'
משיב לשואל

נ.ב. אויב איינער איז אינטערסירט צו פרעגן שאלות, שיקט צו מיין אימעיל אדרעסס answeringletters @ גמעיל.קאם

[מנחם]

האמיר שוין א ראש ישיבה און א משגיח, יעצט פעלט זיך אויס נאר אפאר בחורים.
איינער האט א פושקע ציגעראטלך?

[המלוכה והממשלה]

פשיהא! שלום עליכם משיב. לאמיר הערן!!

[אתא קלילא]

האמיר שוין א ראש ישיבה און א משגיח, יעצט פעלט זיך אויס נאר אפאר בחורים.
איינער האט א פושקע ציגעראטלך?

סאיז דא ביי אונז לעצטענס א אדמו״ר אויך אין אפילו א משב״ק נאר דער ׳הויז בחור׳ פעלט נאך אויס

[חזקואמץ]

איך בין שטארק פארינטערסירט אין חסידישע נייעס און פאליטיק פין חסידישע הויפן בכלל. איך וויל אויך האבן די געלעגנהייט להוסיף נופך משלי. אויך האב איך זייער ליב חסידישע זינגערס און מוזיק און אלס מוזיקאנט מיין איך אז איך קען מוסיף זיין אין דעים סאבדזשעקט.

[רויטע וואנצעס]

א מוזיקאנט! געוואלדיג! וואס שפילסטו?

[ראשעקאל]

[tag]משיב לשואל[/tag]
כ'קען קוים ווארטען זאלסט אנפאנגען רעדן

[משיב לשואל]

[tag]משיב לשואל[/tag]
כ'קען קוים ווארטען זאלסט אנפאנגען רעדן

א יישר כוח פאר אייך און פאר אלע וואס זענען אזוי שיין מקבל א נייע שרייבער דא אין קאווע שטיבל.

[גבר ישראל]

איך בין ב"ה א יונגערמאן וואס שמועסט אסאך מיט אנדערע מענטשן וואס לויבען אויס דאס וועבזייטעל "קאווע שטיבעל" האב איך מחליט געוועהן פארוואס זאל איך נישט אויך הנאה האבען

[געלע באס דרייווער]

איך דריי מיך שוין דא א קנאפע פינעף-זעקס יאר אבער יעצט האביך מחליט געווען אז שתיקה האט אויך א שיער, סאו עלמיר פראבירען צו רעגיערען דא און דארט

[סימפל]

היי עווריוואון!

ווען די פרעגסט מיר, וואלט איך דיר געזאגט אז איך בין גארנישט אזוי סימפל... (ביי דע וועי ס׳איז ״סימפל״ מיט א ס׳ נישט מיט א ג׳...)

די לעצטע שטיק צייט, קום אסאך אריין דא אין שטיבל צונעמען א קאווע. איך שטיי אין די זייט ביי א ווינקעל. איך מאך זיכער קיינער קוקט נישט אויף מיר. איך מאך זיך כאילו איך בין דא נאר צו טרינקען א קאווע. אבער און אמת׳ן בין איך דא נאר צו הערן וואס די אלסווייסער האבן צו פארציילען. אלץ שעמעדיגער רוף איך זיך גארנישט אן. (דער עכטער אמת איז, אז איך האב נישט דער קאנפידענס זיך אן צו ריפן...) אבער זענדיג אז מען האנדעלט דא מיט אזעלעכע געשמאקע, פרענדלי, יונגעלייט. האב איך דיסיידעד זיך אן צו ריפן, און צוגעבן א קוואדער. איי האופ וויל העוו עי גוד טיים טוגעדער!

מיין עיזש: פריער צוואנציגער.

חסידות: סאטמארע בעקראונד.

אינטערעסע: ס׳איז א לאנגע ענטפער. אבער בעיסיקלי אויב איז עס, שכלדיג, תוכנדיג, אינטעלעגענט, איז עס מיר אינטערעסאנט.