שלום עליכם! לאמיך זיך פארשטעלן פאר אייך

[מצפה לישועה]

איך קוק שוין נאך די פארום א שטיק צייט,
די אמת איז אז רוב פון די אשכולות דא זענען צו שמוציג אין מיינע אויגן
און פאר דעם האב איך זיך נישט אריינגעסיינט ביז יעצט
יעצט אבער פיל איך ווי איך וויל יא שרייבן עפעס, פארדעם שרייב איך זיך איין.

[העיזלנאט]

א יך בין א אידיש קינד, און איך האלט אויף הונדערט פראצענט אז איך בין פון די קלוגערע פון די מענטשהייט, און איך וויל פשוט געבן פאר אנדערע די הנאה פון קענען זען מיינע געדאנקען און מיינע ווערק...

[ליטוואק פון בודאפעסט]

מאנכע רופן אן נארמאלע מענטשן "סיקריקים".
איך וועל דא אי''ה אויפווייזן אז די אזויגערופענע "סיקריקים" זענען בלויז סיקריקים ווייל איר האט א מיינונג דיפערענץ מיט עם.

שלום עליכם טייערע סיקריק!
גארטל דיר אונטער און הייב אן אויפווייזן
מיר ווארטן מיט געדולד.

ובדרך אגב אבאר על קריאת שם סיקריק:
בזמן שצרו את ישראל ואת בית מקדשנו ציוו חכמי אותו הדור אז מ'זאל פראבירן זיך האלטן ווי לענגער און די גבירים פון ירושלים האבן אויסגעהאלטן די שטאט.
די סיקריקים-גרופ וואס זענען געוועהן אונטער די הנהגה פון אבא-סיקרא האט נישט געשמעקט זיך צו בייגן אונטער דער צר הצורר אותם.
אבער זיי האבן נישט געקענט טוהן וואס זיי האבן געוואלט ווייל ווי-נישט-ווי האבן יענטסמאהל די חכמים געפיהרט די שטאט.
האבן זיי פארברענט אלע אוצרות פון די גבירים און געטוהן נאך פעולות אנטקעגן די חכמים כדי מ'זאל מוזן גיין מלחמה האלטן קעגן די רומיים,
און דאן איז אויפגעוויזן געווארן אז זיי זענען געוועהן גערעכט, און די רבנים וואס האבן געהייסן זיך האלטן שטיל האבן געמאכט א טעות, והראיה אז למעשה האט מען געמוזט מלחמה האלטן.
די קאנסיקווענצן פון דעם כידוע איז רבי רבבות אלפי ישראל שנשחטו במיתות משונות וחרבה עירנו ונשרף בית מקדשנו.

ביי די סמ"ך יאהרן איז געוועהן א שטיקל קאמפעטישן צווישן צוויי (אדער מעהר) מודעות-קלאפער'ס אין'עם הייליגן שטאט ירושלים,
איינער פון זיי איז געוועזן פון די עקסטרעמע רעכטע און ער האט געהאט א דרוק&קלעבן געשעפט מיט'ן נאמען "מרום"
דער קעגנער (וואס איז אויכעט געוועהן דער ערשטער) האט געהייסן ישראל-אהרן-קלעצקין (א ברודער פונעם באקאנטן קלעצקין פון די מצבה געשיכטע)
פון קהילת ה'מתמידים' בעיה"ק ירושלים, וואס זיי זענען מער לינקע און האבן זיך אפגעלאזט פון די עדה-חרדית פארטיי, וואס זיין דרוקעריי האט געהייסן 'דפוס-ישר'
הכלל, 'מרום' מיט 'ישר' האבן לוחם געוועהן מלחמות חרמה איינער אנטקעגן דער אנדערער, און פארשטייטזיך אז 'מרום' האט (כדרכם הסיקריקים מזה זמן זמנם זמניהם)
באשולדיגט קלצקין מיט כל דבר אסור וואס געשעהט אין שטאט אדאנק זיינע מודעות-קלאפן, ווי צ.ב.ש. פריצות תועבה חילולי שב"ק ועוד ועוד,
און זיינע שוטים האבן געקומען מאכן פראטעסטן אנטקעגן איהם און אינאנפאנג האט ער נאך געלאכט צוזאמען מיט אלעמען, אבער נאך א פאשקעוויל און נאך א פאשקעוויל,
און ער האט נישט געקענט אויסהאלטן, און ער איז אנטלאפן קיין ניו יארק, (דאכט-זיך מיר אז ער וואוינט דארטן עד היום הזה)
ער האט פארלוירן ביי יענע מאכט אבער ער האט דערוועקט דער עולם אין ארץ ישראל (עכ"פ אין ירושלים) מ'זאל אנדערקענען זייערע צביעות,
איינע פון זיינע הגדרות אויף זיי איז געוועהן דער פסוק אין תהלים: "רוממות קל בגרונם, (אבער) וחרב פפיות בידם"
אז זיי שרייען אז זיי מיינען בלויז גאט ב"ה, אבער אין האנט האלטן זיי א שווערד וואס איז שארף פון ביידע זייטן צו שניידן קעפ פון כל העומד בדרכם.
און ער האט זיי באטיטלט מיט'ן פאסיגע נאמען סיקריקים שדרכם להטיל מורא על חכמי הדור ולהזיק את כל ישראל ובלבד שיראו הכל כי דרכם תנצח.

יעצט ווילסטו מיר נאך מסביר זיין אז ס'איז נאר וועגן זיי האלטן אנדערש ווי מיר????

ניין, ס'איז וועגן זיי האלטן אז אויב זיי האלטן עפעס, האט קיינער (אבער קיינער) נישט רעכט צו האלטן אנדערש ווי זיי, און אז ער דערוואגטזיך צו האלטן אנדערש ווי זיי
איז ער א שייגעץ אן אפיקורוס און אלע אנדערע טיטלען.

אז דו האלטסט אז איך מעג האלטן אנדערש ווי דיר, ביסטו שוין א לינקער, (אפי' ביי די אהרונים איז שווער צו טרעפן אזעלכע וואס פארשטיין אז יענער מעג האבן אן אנדערע דעה)
בהצלחה לך בדרכך העקלקלה לבאר היפך המציאות,

אין קורצן:
די נאמען סיקריק איז נישט מצד וואס דו האסט אן אנדערע מיינונג ווי א צווייטן,
נאר ווייל יענעמ'ס מיינונג טרעפט נישט קיין מקום אינגאנצן נישט לשיטתך,
נישט קיין חילוק ווער איז דער בר פלוגתא, און וואס ער טענה'ט,
איינמאהל ס'איז אנדערש ווי דיין מיינונג/אידיאלאגיע/שיטה/השקפה,
אטאמאטיש רעכנטזיך דאס ווי רשעות/אפיקורסות/מינות/כפירה/התחברות לרשעים/וכדו'
אט דאס רופט מען סיקריק.
האסט באווייזן אז נישט, יו וועלקאם.

ביי.

לאמיר יענעם אויסווארטען. אפשר האט ער יא וואס צו זאגען.

אגב, עס איז דא נאך פרטים צו די קלעצקין מעשה. ער וואוינט היינט אין לעיקוואד, נישט נ.י., אבער ער פלעגט האבען א רעסטאראנט אין מאנהאטען. ער טענה׳ט אז זינט די מצבה מעשה, באקומט ער טלפונ׳ן פון מענטשען וואס בעטען איהם איבער

Sent from my LG-K373 using Tapatalk

[שמחהלע קאפשטיק]

אלס מענטש וואס האט ליעב צו דרשענען ברבים נוצענדיג מיין כח הדיבור - איז קאווע טשיבל דאס בעסטע פלאץ ! נאכדעם וואס איך האב אויפגעהערט צו טרינקען עכטע קאווע וויבאלד מיין דאקטער האט מיר געזאגט אז עס שאדט פאר דעם קול!
איז דעריבער וועל איך אויכעט רעדן אין דעם געשריבענעם קאווע שטיבל נישט נוצעדיג מיין קול נאר בלויז מיין פענע ! און מען וועט צוגעבן צום קופקע דורך אריינלייגען מיינע ידיעות !!!

[יוסף בער]

איך האב זייער שטארק הנאה פון קאווע שטיבל, עס איז זייער א רייכע וועבזייטל מקען דא טרעפן שמעוסן פון יעדע נושא איך קום פון סאטמאר ר זלמן לייב איך בין 33 יאר אין איך קען זייער גוט גרעפיק

[איסר האטלקי]

א יך בין א אידיש קינד, און איך האלט אויף הונדערט פראצענט אז איך בין פון די קלוגערע פון די מענטשהייט, און איך וויל פשוט געבן פאר אנדערע די הנאה פון קענען זען מיינע געדאנקען און מיינע ווערק...

איך האב נאכנישט געטראפן קיין מענטש וואס האלט זיך נישט פאר הונדערט פראצענט פון די קלוגערע.

די וואס זאגן עס ארויס זענען געווענליך פון 85 פראצענט....

[אהרן מנירעדהאז]

איך בין א מארשמולוער חסיד, מיין רבי איז פון די גרעסטער רבי'ס אויף די וועלט, ער פראוועט מופתים, ישועות וסודות, פועל ישועות בקרב הארץ, מגרש חתולים ויתושים במומחיות מלאה, אני הקטן הולך בדרכין הקדושות, כה יעזור ה' גם הלאה

[איסר האטלקי]

איך בין א מארשמולוער חסיד, מיין רבי איז פון די גרעסטער רבי'ס אויף די וועלט, ער פראוועט מופתים, ישועות וסודות, פועל ישועות בקרב הארץ, מגרש חתולים ויתושים במומחיות מלאה, אני הקטן הולך בדרכין הקדושות, כה יעזור ה' גם הלאה

קוקט אויס גוט. לאז מיר נאר וויסן ווען ער פארט אויף מאנטרעאל.

[יין שרף]

א ריכטיגע מארשמילויער חסיד איז נישט קיין "קטן"...

[אבו עלא]

שוין א שיינע פאר יאר וואס איך ליין די ארטיקלען פון די קאווע העלדען, אבער קיינמאל נישט ראגירט, נאר זיך צושמייכעלט און געשאקעלט מיט'ן קעפעל, כמדומה עס איז געקומען די צייט איך זאל מפרסם זיין ברבים דעת קדשי.

בשעות הפנאי וועל'ך פראבירן אריינצוגיין און אראפשרייבען מיינע געפילען וי אזוי איך לערען אפ אונזער שווערע וועלט'על.

עס איז מיר ממש א כבוד און א זכות צו זיין א חבר און די וירטואלע שטיבל להימנות על חשובי אנ"ש שלא כרעו לבעל פון אונזער פראבלימאטישע סיטעם.

[רעביש בלוט]

א רעבישע אייניקל וואס עס ליגט מיר אין די בלוט אין עס לויפט אין די משפחה מיט א שיינע יחוס מבן אחר בן בן בת ובן מגזע אריאלים ותרשישים נשמתו עדן זכותם יגן עלינו אויף ארויף לתפארת המשפחה למעלה למעלה בקודש

[גראף]

א רעבישע אייניקל וואס עס ליגט מיר אין די בלוט אין עס לויפט אין די משפחה מיט א שיינע יחוס מבן אחר בן בן בת ובן מגזע אריאלים ותרשישים נשמתו עדן זכותם יגן עלינו אויף ארויף לתפארת המשפחה למעלה למעלה בקודש

שלום עליכם
ווי ברייט איז דיין רביש גארטל און ווי שיף (טיף) זענען די טאשן?

[דאכצעכמער]

איך האב אין מיין בלוט די טאלאנט פון שרייבן, איך האב ליב צו שרייבן, צו איך קען...? ירא הקהל וישפוט... איך האב פראבירט צו זיכן בלאג'ס וואס זענען אפען אריינצונעמען שרייבעריי אן קיין דיסקרימענאציע
די לעצטערע יארן איז געווען א היבשע אפשוואכונג אין קאווע שטיבל, און איך בין געשטאנען אין דער זייט ענדערש פון צייט צו צייט זיין א ליינער ווי א שרייבער
לעצטענס דערקענט זיך א צוריק אויפליה און גוטע שרייבערס און ארטיקלן האב איך באשלאסן אז איך וועל פראבירן מיין מזל און אנהייבן ניצן מיין האב"י בלע"ז פון שרייבן, הגם וואס שרייבן איז מיר שטארק צום הארצן אבער איך בין א קנאפער ידען, דערפאר האב איך מיר א נאמען געגעבן "דאכצעכמער", איך האף אז חפץ השם בידינו יצליח און מיר וועלען קענען נהנה ומהנה זיין גם יחד די ליינער און שרייבער און קאווע שטיבל

החותם בברכת כל טוב
דאכצעכמער

[Avrom]

I enjoy writing to people.i enjoy discussing politics.i am forty three years old.i am litvish chasidish.i enjoy to farbreng with chasidishe people on the web.i used to read history books.i like to know what's happening with the chasidishe people.the chasidishe world is very important to me.

[א טייערע איד]

מיר האבן ליב צו זינגען און צו טאנצן
אוי ווי גוט צו זיין א איד אוי ווי גוט צו זיין א איד אוי ווי גוט צו זיין א איד אוי ווי גוט צו זיין א איד
אשרינו מה טוב חלקינו ומה נעים גורלינו אשרינו מה טוב חלקינו ומה נעים גורלינו

[זונדל שאלאמאן]

א איד וואס גלייכט צו לייענען וואס אנדערע האבן צו זאגן, און אויך צו זאגן מיינונגען דא דארט. איך קום דא ארויף צו קענען האבן א פרייע האנט און פרעגן, ענטפערן אדער אויסשמועסן אינטערעסאנטע אדער אקטועלע זאכן מיט נאך אידישע קינדער.

[באנאנע]

חסידיש ער יונגער מאן אינטערעסירט אין היסטורי פין דער אלטער היים אין היסטורי פון חסידות היימישער פאליטיק אין וועלטליכע פאליטיק משפחה יחוס אין רעבישע יחוס ספרים אין ביכער צימעס

[mikol melamdie]

,have a hobby of clarifying things to be in its organic context ,as well responsibility others in my surrounding not became corrupted with false information ,want to learn and learn ,am orthodox hasidich.

[אינטערעסאנט]

איך בין א יונגערמאן מיט 5 קינדער קע"ה, איך האב ליב צו ליינען, און באקומען ידיעות, און שרייבען. איך בין חסידיש, שטאמען פין הייליגע רביס, ווי די רבי ר' אלימלך, געלערנט אין סקווירא, בה איך פיל אז קאווע שטיבל איז די פלאץ וואס איך זיך שוין לאנג צו קענען פארברענגען, און דיסקוסירן, אין א היימיש אומעספערע, מיט מאמע לשון אידיש.

[אלטער_איד]

איך האב זייער הנאה פון די שמיסען. און האב זייער אסאך מאל א מיינונג אדער א פראכע. און איך האפ אז איך קען אויך דא געבן מיינע פינעפ סענט איך האב שוין דאס געוואלט טון א לאנגע צייט. אבער עס איז קיינמאל נישט צו שפעט

[א ליינער]

, Good place to visit at lunch time
and to discuss any issue and ask for help or ideas, also is interested to hear smart new opinions
.and a good source for heimishe news

[גבור חיל]

איך דריי מיך שוין לאנג דא אויף קאווע שטיבל, און הנאה האבנדיג פון די מאמרים און געדאנקען האב איך אפגעמאכט צו ווערן א חבר און ווען סוועט זיין צייט וועל איך מיך לאזן הערן...

[טוביה]

די שטיבל איז זייער זייער א גיטע פלאץ צי בארואיגן די נערוון און זיך אויס שמועסן מיט אלע גיטע חברים אויף א פשוט לייכטע שפראך וואס טיט זיך אויף די ווילי ובפרט אין די היימישע אידישע געגענט