א גרויסער דאנק עולם פאר'ן זיך אזוי ווארעם אנרופן צו מיין שאלה. דער עולם האט אויפגעברענגט אסאך גוטע נקודות.
לאמיך רעאגירן צו עטליכענע תגובות.
שמואל הלוי האט געשריבן:איינמאל דו גייסט מיט די מהלך המחשבה אז דו ווילסט זיין די מינומים איד, און גלייבן די ווייניגסטע וואס איז שייך, וועט מיט די צייט אויסקומען אז דו וועסט אפילו אין די מינומים אויך נישט גלייבן, אז מ'הייבט אן אראפגליטשן פונעם בארג קען מען מער נישט סטאפן אינמיטן ביז מען דערזעט זיך אונטן א צוקלאפטער.
http://yourlogicalfallacyis.com/slippery-slopezurich האט געשריבן:ס'אינטערסאנט אלע גרים טענה'ן אז ווען זיי זענען געווען אלץ גוים אין סעקאהל אין זיי האבן געפרעגט שאלות האט מען זיי געזאגט אזאלכע שאלות טאר מען נישט פרעגן,און וועגן דעם האבן זיי פארשטאנען צו טוישן רעליגיעס!!
איז מיין שאלה ענטפערט מען דען ביי אונז יא ווען מען פאנגט אן צו פרעגן שווערע שאלות?
גוטע פוינט. און דאס איז טאקע איינע פון די סיבות פארוואס עס פאלן אוועק אזויפיל פון אידישקייט, ווי אויסגעשמועסט אין די בוך פון פאראנאק מארגאליז,
http://www.amazon.com/Off-Derech-Observ ... 1932687408.
אבער מיר זענען נישט משועבד צו קליינקעפיגע מענטשן וואס ווילן נישט ענטפערן עניני אמונה. רבינו הגדול רבי אביגדור מילער זי"ע שרייבט שוין אין זיינע ביכער אז די וואס מיינען אז "אמונה פשוטה" מיינט נישט ענטפערן אויף פראגעס זאלן וויסן אז דאס איז סתם פוילקייט. אמונה איז א זאך וואס מ'דארף ארבעטן דערויף און דווקא פרעגן און ענטפערן.
נולד מאוחר האט געשריבן:שיטה מקובצת,
לויט וועם פרעגסטו קאנסארוויטיוו, ריפארם,קארלבאך, ארטאפראקס, מאדערען ארטאדאקס,אלאטרע ארטעדאקס, חרידי?
פארגעס פון לעיבעלס. איך וויל זיין גענוג א כשר'ער איד אז מ'זאל מיך קענען מצרף זיין צו מנין אין יעדן שול.
א ריזיגן דאנק פאר'ן דאס צו-ווייזן!! דאס איז א געוואלדיגע ארבעט. איך וויל שפעטער צוריקקומען צו דעם.
יאנקל האט געשריבן:שיטה,
איך מיין אז דו דארפסט צו ערשט קלארער מאכן דיין שאלה. איך נעם אן אז דו ווילסט וויסן וואס מ׳דארף גלייבן כדי צו זיין אן ארטאדאקסישער איד, אבער אפילו אזוי, וויאזוי דעפינירסטו ״מ׳דארף״ - וויפיל מ׳דארף גלייבן כדי צו צופרידן שטעלן גאט אדער צופרידן צו שטעלן די געזעלשאפט?
אין נארמאטיווער ארטאדאקסיע איז אנגענומען אז די 13 עקרים איז דאס גאנצע וואס גאט פארלאנגט, אוודאי, מ׳קען גיין
טיפער דערין, אבער דעם רמב״מ׳ס עקרים זענען אנגענומען אלס בינדנד. אבער וואס מ׳דארף גלייבן לויט דער געזעלשאפט? דאס ווענדט זיך וואו דו דרייסט זיך. אין רוב בתי מדרשים פון די חסידי׳שע געגנטער וואלט מען דיך גערופן ״אפיקורס״ און פארבאטן אריינצוטרעטן בלויז פאר׳ן מסתפק זיין אין דער געטליכקייט פון דעם בעש״ט אדער דעם רבי׳ן ר׳ אלימלך, אדער פאר׳ן זאגן אז אן אנגענומענע אמונה טפילה, ווי נישט עסן עקן פון ברויט, דארף מען נישט נאכגיין. איז דעריבער וויכטיג צי די שאלה איז צווישן דיר און גאט, אדער וואס דו קענסט זאגן פאר מענטשן - וואס דאן איז נישט נוגע וואס גאט וויל, נאר וואס די געזעלשאפטליכע נארמעס זענען.
דאס אז מ'וועט מיך אנרופן "אפיקורס" אויב איך גלייב נישט אין רבי ר' אלימלך ז"ל איז נישט ווייל זיי האלטן אז מ'איז טאקע אן אפיקורס. והא ראיה, אויב וואלט איך געווען א מאדערענע איד, וואלטן זיי מיך רואיג מצרף געווען צו מנין אפילו איך וואלט געזאגט אז איך גלייב נישט אין די אמאליגע חסידישע רבי'ס. פאר מיר, אויב איך וועל זאגן אז איך גלייב נישט אין רבי ר' אלימלך, וועט מען האבן א "ני דזשערק" רעאקציע, וויבאלד איך בין אויפגעוואקסן מיט די אמונה אין ר' אלימלך'ס מופתים, און זיי קענען נישט פארנעמען אז איינער זאל האלטן אין עפעס אנדערש ווי מ'האט אים מחנך געווען.
עכ"פ, מיין נקודה איז אז למעשה האלט קיינער נישט אז זאגן אז דער בעש"ט איז געווען א בעל דמיון, חלילה, איז אפיקורסת. נאר אויב איך גיי עס זאגן וועט מען שרייען "אפיקורס", כאטש מ'האלט נישט אזוי באמת.
ועוד יש לומר, אז מ'האלט יא אזוי באמת. איי פארוואס דעם מאדערענעם וועלן זיי נישט באטראכטן ווי אן אפיקורס אויב ער זאגט די זעלבע זאך - דאס איז ווייל ער איז אזוי נתחנך געווארן און ער איז אן ערליכער איד און גלייבט אלעס וואס מ'האט אים מחנך געווען מיט. אבער אויב איך וועל האבן א ספק אין עפעס וואס מ'האט מיך מחנך געווען מיט , האלטן זיי (ענדליך צו שמואל הלוי'ס מיינד סעט), אז דאס איז א סליפערי סלאופ, און אז איך בין גרייט צו לייקענען אין דעם כח פון רבי ר' אלימלך , לייקען איך שוין מסתמא אויך אין די עשרת הדברות.
יידל האט געשריבן:איך גיי אויסרעכענען אפאר פון די זאכן וואס מ'פרעגלט און אונז אריין און דו (אדער עניבאדי) זאל זאגן טשעק אדער עקס:
- ✓ עס זענען פארהאן שדים
- X אויב מ'פארבויעט א לאך קומט צרות אויפן מענטש
- ✓ רשב"י האט געשריבן דעם זוהר
- X רימניצער רבי האט געמאכט מופתים למעלה מדרך הטבע
- X מ'מעג נאר עסן טשיקן זופ פרייטאג צונאכטס, נישט קיין אנדערע זופ
- ✓ עס איז דא א ירידת הדורות און אונזער דור איז שוואכער ווי די פאריגע
- X א רבי קען זאגן דיעות אין מעדעצינישע שאלות
- X מען קען היילן קרענק דורך געבן צדקה פאר קופת העיר
- X מחלוקת צאנז רוזין איז געווען העכערע זאכן
- X פרויען מוזן גיין מיט די זעלבע לבוש ווי די מאמע איז געגאנגען
- X סאטמארע רבי (בעל דברי יואל) האט געהאט רוח הקודש
- X חז"ל האבן נישט געקענט מאכן קיין טעות אין וויסנשאפטליכע ענינים
- X משנה ברורה איז פוסק אחרון
- X עס האבן קיינמאל נישט עקזעסטירט דינעזארס
- ✓ ציונות איז כפירה
- X מ'טאר נישט איבערגיין א קינד
- X מ'טאר נישט עסן די עק פון א ברויט
- X דער בעש"ט איז געווען א תלמיד פון אחיה השילוני
- ✓ מיט שמות הק' קען מען מאכן קבלה מעשית
- X מ'טאר נישט זאגן ווי אלט מ'איז
זייער שיין, יידל. איך האב אריינגעפילט טשעקס און עקסעס אויף וואס פון די זאכן איך גלייב יא אדער נישט.
