וועלכע ספרים לערנט איר אסאך, און פארוואס?

[רביה''ק זי''ע]

עגרי. ווען איך וויל זעהן א תשובה וואס די מסקנא קומט ארויס פון די בירור גיי איך צו ר' משה.
ווען איך וויל א תשובה וואס די בירור קומט ארויס פון די מסקנא גיי איך צו די וואס האבען זיך געקריגט אויף איהם....

ס'נישט אינגאנצן אזוי, ר' משה האט גענוג תשובות וואס די בירור קומט ארויס פונעם מסקנא, אבער אלגעמיין גערעדט זאגסטו גוט.

[לייבל שטילער]

א גאר שיינע ספר איז "משניות", ריין ציכטיגע לשון קודש, כראנאלאגישע סדר, אפטמאל פאעטיש. א שאד אז מ'זאל עס נאר לערנען מיט די גמרא וואו עס ווערט צוהאקט מיט א געמיש פון שפראכען, אי-סדר און לאנגע און קורצע דעבאטעס מענין לענין שלא באותו הענין.
טעמו וראו כי טוב....

[אישתישבי]

אויב די שאלה איז וועלכע מען לערנט "אסאך", מיינט עס לכאורה די מערסטע.

ספרים וואס איך לערן שוין נישט ווייל איך האב עס געלערנט זייער אסאך,
ערבי נחל
נועם אלימלך
מאור ושמש
שער התפלה
של"ה
ראשית חכמה
קבלה ספרים
שער הכוונות
פרי עץ חיים
אוצרות
שער גן עדן
מחברת הקודש
עמק המלך
פרדס
אמאהל קוק איך נאך אריין אין די דערמאנטע ספרים.


היינט בין איך פאקעסד אויף
עקידת יצחק - איך וויל ווערען א פיליזאף....
אוהב ישראל - פין די ספרי חסידות וואס רעדן אין מלבוש.
בני יששכר - שיינע זאכען נאך צו זאגען.
מנחת חינוך - פלעין איך האב עס ליב - און ער לאזט פלאץ מחדש צו זיין.
מדרש שמואל - שיין
און תמידים כסדרן גמרא און שולחן ערוך על הסדר

און די ספרי הלכה האב איך ליב פסקי תשובות מער ווי אוצר הלכה, הגם אוצר איז בעסער אבער פסקי תשובות איז ברייטער (מן הסתם ווייל ער האט א כולל וואס העלפט אים).

איך האב געהאט א מנהג צו לערנען תשובת שבט הלוי על הסדר, עס איז ציקער זיס מיט אינטרעסאנטע שאלות ווי ער ענטפערט יעדעם מיט דרך ארץ, אבער דאך פארליידט ער נישט קיין שוואנצאנות. זיינע תשובות זענען גרינגער ווי מנחת יצחק, וואס מען דארף מער נאכקוקען די גמרא. אגרות משה פלעגט זיין אינטרעסאנט, אבער כ'בין עס אויסגעוואקסן, ווי אויך באר משה קען מען ווערען אפסעט פין זיין וחילופיהן.

[לייבל שטילער]

תשובות שבט הלוי קוק איך ווען איך וויל לערנען מוסר.

[רביה''ק זי''ע]

וועלכע ספרים איך לערן אסאך? ליידער לערן איך נישט אזוי סאך, ווען איך לערן יא לערן איך חומש רש"י און גמרא רש"י מיט אנדערע מפרשים ווען ס'פעלט זיך אויס בעסער ארויסצוהאבן וואס גייט פאר. איך נוץ אויך אסאך ארטסקרול, די הערות אונטן איז די בעסטע ליקוט ספר. איך בין א גרויסע חסיד פון רש"י, ער באלעסטיגט נישט מיט איבעריגע קשיות, קוועטשט נישט אריין קיין דוחק'דיגע תירוצים, זאגט כמעט נישט קיין אייגענס, הייסט דיר נישט גלייבן אזוי צו אזי, און ווען ער פארשטייט נישט עפעס איז ער מודה אז ער פארשטייט נישט! ער זאגט דיר פשוט וואס שטייט אן קיין התחכמות'ן און אן אריינמישן זיינע אייגענע מיינונגען און אגענדעס, און זאל יעדער אפמאכן פאר זיך צו ס'געפעלט איהם צו נישט. אז דו ווילסט נעם עסן אן, אז דו ווילסט נישט איז נישט. אנדערע זענען פארנומען דיך פארקויפן זייערע אייגענע מיינונגען און אמונות, זאגן מיינונגען קען איך אליינס שכח. וואס איך דארף איז איינער וואס זאל מיך פשוט זאגן וואס שטייט, טייטש מיר די ווערטער, לייג צו הסבר וואו ס'פעלט זיך אויס, און האלט דיינע מיינונגען ביי דיר. אז דו פילסט אז דו האסט וואס צו זאגן קענסטו שרייבן אן עקסטער ספר דערפאר און ווען איך וועל זיין נייגעריג אין דיין מיינונג וועל איך דארט אריינקוקן.

איך קען אסאך פשוט פון זיך דרייען אין משפחת טייטלבוים, א משפחה פון תלמידי חכמים מופלגים וואס ס'איז אייביג דא וואס צו הערן פון זיי, און אזויווי איך בין בטבע זייער א נייגעריגער וואס האט ליעב נייע אינפארמאציע בלייבט אלעס סטאק ביי מיר אין קאפ. אויך נאש איך אסאך פון די חכמי השטיבל דא און פון אנדערע קהלות און בלאגס אויפ'ן ברייטן געוועב, צומאל מאכט זיך אז מ'פאלט אריין אין א האזן לאך און מ'פארט מענין לענין ומבלאג לבלאג און מ'טרעפט זיך אפאר שעה דערנאך מיט א הויפן נייע אינפארמאציע וואס ס'געדויערט אפאר טאג צו פארדייען.

וואס איך קען יא שרייבן איז וועלכע ספרים איך לערן נישט, און פארוואס, אבער איך גלייב נישט אז דא איז די פלאץ דערפאר...

[חתם סופר]

ליידער לערן איך נישט צו סאך אבער ווען עס איז דא א שאלה אין שטוב טוה איך עס אליין דורך און איך פראביר נישט צו פרעגן א דיין. געווענטליך וועל איך אנפאנגען מיט איינע פון די ליקוטים ספרים און נאכדעם צוריקגיין צו די מקורות און שו"ע און זעהן וואס איך האלט איז די ריכטיגע פסק.

[העניך]

ווי קען איך נישט דערמאנען מיין באליבטען רבי׳ן רבינו המהר״ל וואס באלייכט אידישקייט בכלל און מאמרי חז״ל בפרט.

וויאזוי פארט זיך מהר"ל מיט די מער ראציאנאלע ראשונים וואס דו לערנסט?

[העניך]

גמרא ראשונים (רשב''א ריטב''א)
חומש ואלשיך וזרע ברך
ספרי כללים כגון מלא הרועים ושדי חמד

וואס איז די מעלה פון "זרע ברך"?

[העניך]

זייער א סאך מענטשן (אפשר רוב וועלט) טוען אונטערשאצן די ווערד פונ'ם ספר הערוך. ספעציעל איינער וואס איז א שטיקל לינגוויסט. אויסער די פשוט'ע טייטש פון ווערטער טרעף איך דעם שורש פון א סאך גענוצטע ווערטער אין ענגליש אין די פארטייטשונגען פונ'ם ערוך. וואס דער שורש פון די ווערטער איז לאטייניש אדער גריכיש.

אינטערעסאנטער טשויס. איך האב אויך ליב צו בליקן אינעם ערוך, ספעציעל דעם נייעם ערוך על הש"ס ג' כרכים, וואס ברענגט גאר אסאך פון די אריגינעלע ווערטער.

[העניך]

ומה עם סייעתא דשמיא? אני אישית לא אוהב ספרים כדוגמת אלו, ולעתים נדירות השתמשתי עם הסייעתא דשמיא בעת למדי מסכת כלים. התפארת ישראל והרע"ב הם מספיקים עבורי. קניתי את הארטסקרול נשים עבור הבן שלי, אבל אני לא הסתכלתי שמה. למדתי אתו עכשיו יבמות, והוא שאל שאלות מעניינות בביאור מילים מסוימים באנגלית.........

אינטערעסאנט אז צווישן די חכמים זענען דא גאר אסאך חסידים פונעם סייעתא דשמיא.
לעצטנס האב איך געהערט פונעם בעל ה"ספרים טשעטער" אין זיין אינטערוויו מיט איינער פון די ארטסקראול עורכים אז ער נוצט נאר סייעתא דשמיא.

[העניך]

און די ספרי הלכה האב איך ליב פסקי תשובות מער ווי אוצר הלכה, הגם אוצר איז בעסער אבער פסקי תשובות איז ברייטער (מן הסתם ווייל ער האט א כולל וואס העלפט אים).

פארוואס איז אוצר הלכות בעסער? פאר מיר קומט ער פאר ווי אביסל א ברייטערער זמירות דברי יואל.

[אנשטענדיגע ייוד]

גמרא ראשונים (רשב''א ריטב''א)
חומש ואלשיך וזרע ברך
ספרי כללים כגון מלא הרועים ושדי חמד

וואס איז די מעלה פון "זרע ברך"?

זער ברך איז א געוואלדיגע ספר !
מדארף האבן צייט זיך אוועקצוזעצן, אפלערנען די גאנצע מדרש, אלע זיינע קושיות, און דערנאך זיין גאנג , לבסוף שטימט אלעס ווינדערליך - אז די קענסט זיך שווערען אז דאס איז די ריכטיגע פשט , זיין גאנג איז קרוב לפשט , אן קיין דוחקים , מיט א געוואלדיגע היקף פון מדרשי חז''ל , מיט א טונק פון קבלה .

לערנעדיג אסאך זיינע ספרים באקומט די לומד א געוואלדיגע היקף אין די פסוקי נ''ך לעומקיהם , ויסודות חכמת הקבלה !

[מצפצף]

און די ספרי הלכה האב איך ליב פסקי תשובות מער ווי אוצר הלכה, הגם אוצר איז בעסער אבער פסקי תשובות איז ברייטער (מן הסתם ווייל ער האט א כולל וואס העלפט אים).

פארוואס איז אוצר הלכות בעסער? פאר מיר קומט ער פאר ווי אביסל א ברייטערער זמירות דברי יואל.

אין מיינע אויגן איז עס א updated משנה ברורה, בעסער אויסגעשטעלט

[לייבל שטילער]

איך נוץ 'פסקי תשובות' איבער 'אוצר הלכות' צוליב דעם וואס:
אוצר הלכות ברענגט נישט פון יביע אומר, ציץ אליעזר, הר צבי און נאך גדולי הפוסקים פונעם לעצטן יאר הונדערט, נאר ווייל זייער 'השקפה' (אגב, אן העברעישע ווארט) איז אנדערש ווי די מחבר'ס, איי וואס האט דאס מיט הל' שבת? גיי ווייס...

[berlbalaguleh]

לייבל שטילער: אז סאטמאר נוצט עס איז עס שוין געווארן טהור. עמון ומואב טהרו בסיחון. ס'איז דא נאך א זיס ווארט פון מסכת גיטין וקידושין. (רעטאריש געפרעגט)..."כסף מטהר ממזרים"...!

נאר אז מ'רעדט שוין פון השקפה...לאל. איז דא אן אינטרעסאנטער מצב. די מוציאים לאור פון משנה ברורה .."גרינפעלד"...וועלכע זענען קאמפעטישן מיט... "מאזנים"/וגשל"... האבן געשריבן אין זייער ..."התנצלות המוציאים לאור"...אז זיי האבן ארויסגענומען אלע עברית'ע ווערטער ..."אשר בדו הציונים מליבם"...און 2 שורות ווייטער ברענגען זיי ריין עברית'ע ווערטער..."ביקוש". און..."צוות"...!

[לייבל שטילער]

כ'האב ויאל משה און על הגאולה נישט אדורך געלערנט, אבער זאגט מיר איינער אז אין איינע פון די אויבנדערמאנטע שרייבט סאטמער רב ז"ל "נתפרסם בעיתונים" ציכטיג ריין עברית!

[berlbalaguleh]

לייבל שטילער:יא. כ'מיין אין על הגאולה ועל התמורה. ווייל דארט האבן שוין עטליכע פרעמדע הענט געפאטשקעט. ווייל, לעומת דעם ויואל משה וואס איז געשריבן געווארן א ביסל מער מעסיג. (טעמפער'ד) האט דער סאטמאר'ע רב גענוצט זייער שארפע לשונות אין דעם על הגאולה ועל התמורה. האבן זיינע שטוב מענטשן, אזוי ווי ר' סענדער דייטש עס א ביסל געעדיט'ד. און ר' סענדער איז דאך געווען א מענטש וואס האט גוט געקענט רעדן עברית...!

[ליטוואק פון בודאפעסט]

וואס איז אוצר הלכה? פון עז והדר?

[ישעיה]

וואס איז אוצר הלכה? פון עז והדר?

ניין

[ליטוואק פון בודאפעסט]

דאס העלפט מיר נישט. ווער איז דער מחבר?

[יודישע שרייבער]

דאס העלפט מיר נישט. ווער איז דער מחבר?

הרב אברהם צבי פריעדמאן פון וויליאמסבורג (דומ"צ בגאלאנטא?)

[אישתישבי]

תשובות ספרים:
באר משה פון דעברעצינע'ר רב ז"ל, צוקער זיס!
מנחת אשר פון ר' אשר וייס שליט"א, צום פינטל און ברייטע פלייצעס, דלא כהרבה מזמננו.
נודע ביהודה. אנעפאלעדזעטי"ק, גאט"ס און קוראדז"ש, צוזאמען מיט בקיאות און פלפול אויף איינמאל.
ויש עוד...

דער מנחת אשר איז א הפלה'דיגע גאון, א גאון וואס זיין בקיאות און פלפול איז ער אפשר א חד בדרא. אויף קול הלשון איז דא שיעורים פין אים אויף אידיש, און אויף טארע עניטיים אויף לשון קודש. איין מאדנע זאך איז זיין אקסענט, וואס איז עפעס א געמישעכטס פון אמעריקאנער ריש צו א גאליציאנער אידיש מיט א עברית'ישער הברה, אין דעם איז ער זיכער א חד בדרא.

[אישתישבי]

https://www.kolhalashon.com/New/Ravs.as ... enus=False

[לייבל שטילער]

הרב וייס איז געבוירן אין אמעריקא, שפעטער האט זיין משפחה עולה געווען קיין אר"י, דאס קען זיין א שטיקל יישוב אויף זיין הברה.

[mevakesh]

איך לערן נישט אסאך
ווען איך לערן האב איך בעיקר ליעב הלכה טור בי ביז שוע ונו"כ בית יוסף איז גאר א שיין ספר
צומאל לערן איך נך מיט מצודות