אין אברהם אבינוס שיך, אדער א קארופטירטער כאראקטער?

הלכה ואגדה, מוסר וחסידות

אין אברהם אבינוס שיך, אדער א קארופטירטער כאראקטער?

הודעהדורך סופר ומונה » מאנטאג נאוועמבער 19, 2012 2:56 pm

פון אלע פראגעס וואס מ'פרעגט אויף דעם נסיון פון דער עקידה איז דער עיקרשט די פראגע: פארוואס איז דאס א חידוש אז אברהם איז גרייט געווען צו שעכטן יצחקן אויף דער עקידה, ווער וואלט דען נישט געשאכטן זיין קינד אויב גאט אליין באווייזט זיך און זאגט אז דאס איז זיין רצון?

פאר מיר איז אבער אייביק שווער געווען א קושיא אויף אט-דער קושיא. פון וואנען נעמט זיך אזא זיכערקייט אז די ליבע פון א מענטשן צו גאט איז איבער זיין ליבע צו זיין קינד? איז דען אזוי פשוט אז אויב גאט זאל מיר הייסן שעכטן מיין קינד וועל איך אים שעכטן? איז דען נישט מיין ליבשאפט צו מיין קינד אומענדלעך – אז אפילו אז גאט זאל מיר הייסן אזא זאך וועל איך דאס פרובירן צו איגנארירן?

וואס איך זאג דא איז פשוט פשט אין פסוק. ווען מיר לערנען אין דער תורה אז אברהם האט געהאט א נסיון, נעמט דער פסוק אן פאר פשוט אז נארמאל וואלט די ליבע פון א מענטשן צו זיין קינד גובר געווען אפילו אויף א דירעקטן באפעל פון גאט. אברהם אבינו איז געווען דער אויסדערוועלטער וועלכער האט געדארפט זיין אויף אן איבערנאטירלעכער מדריגה צו קענען שעכטן אפילו זיין אייגן קינד. פאר אונדז פשוטי-עם איז דאס נישט נארמאל. פאר אונדז איז נארמאל אז אפילו אזא געטלעכע נבואה זאל זיך נישט קענען שטעלן צווישן אונדזער ליבשאפט פאר אונדזערע קינדער און זייער וואוילזיין.

די תורה האט קיינמאל נישט דערווארטעט אז מיר זאלן זיין איבערנאטירלעך. מיר דארפן זיין מענטשן אין דער זעלבער צייט וואס מיר זענען אידן. איינער וואס זיין אידישקייט נעמט אוועק זיין נאטירלעכער געפיל צו זיינע נאנטע – און ער איז נישט אויף דער מדריגה פון אברהם אבינו און באקומט נישט קיין ענלעכע דירעקטע נבואות – האט מיט זיין אידישקייט קארופטירט זיין כאראקטער. ער האט מיט זיינע פערזענלעכע גלויבונגען אטאקירט זיין אנושיות, און האט פארלוירן דעם דרך-ארץ קדמה לתורה.

אז אברהם איז גרייט געווען צו פארלירן זיין זון פאר זיינע גלויבונגען, נו, ער איז דאך געווען דער אויסדערוועלטער אברהם און ער האט דאך געהערט דירעקט פון גאט, אבער אז א היינטצייטיקער מענטש זאל מיט די אייגענע הענט מקריב זיין א קינד אויף דעם מזבח פון זיינע גלויבונגען? אז א מענטש זאל האלטן זיין קינדס רעליגיעזע אפיליאציע פאר וויכטיקער ווי דעם קינד זעלבסט? דאס איז א קארופציע פון דער נאטור.

לאמיר אריינטראכטן אביסעלע טיפער. שטעלט אייך פאר אז איר באקומט א באפעל צו שעכטן אייער זון אויף א מזבח. דער באפעל קומט נישט פון גאט אליין, נאר עס קומט פון אייער טאטן, וועלכער האט עס געהערט פון זיין טאטן, און זיי אלע זאגן אז דאס איז א מסורה וואס גייט צוריק עטלעכע טויזנט יאר, אז איר, דווקא איר, דארפט שעכטן אייער זון. וואלט איר געטאן אזא זאך? איך מיין אז א געזונטער מענטש האט גענוג ליב זיין זון אז ער זאל ליבערשט צווייפלען אין דער אויפריכטיקייט פון דער 'מסורה', ווי אים שעכטן – און מיט רעכט. אפילו ווען אברהם האט געהערט אזא באפעל פון גאט אליין ווערט דאס באטראכט ווי א נסיון, פאר אונדז איז דאך פשוט אז מיר וואלטן אין קיין פאל נישט געשטעלט די ליבשאפט פאר אונדזערע קינדער נאך אונדזער גלויבונג אין אזא סארט מסורה.

איז עס טאקע אזוי? ליידער נישט. אונדזער היינטיקער פארמאט פון אידישקייט האט פון אונדז אוועקגענומען די פשוטע פאטערלעכע און מוטערלעכע געפילן. אנשטאט פשוטע מענטשן מיט מענטשלעכע געפילן זענען מיר געווארן א באנדע אברהם-אבינוס. מיר האבן באוויזן ארויסצורייסן פון זיך יעדעס ביסל מענטשלעכער געפיל, און אונדזער רעליגיעזיטעט איז דער דאמינירנדער טרייב-קראפט פאר אונדזערע געפילן.

א מענטש וואס איז מחליט אפצורייסן באציאונג מיט זיין קינד וויבאלד דאס קינד האט מחליט געווען צו גיין אין אן אנדערער רעליגיעזער דירעקציע (אדער האט אינגאנצן איבערגעלאזט רעליגיע), האט זיך אריינגעזעצט אין די אומפאסיקע שיך פון אברהם אבינו. אייער אידישקייט דערווארטעט נישט פון אייך צו זיין איבערנאטירלעך, פאר צוויי סיבות: איינס, איר זענט נישט דער אב-המון-גוים, איר זענט בכלל נישט אויף דער מדריגה פון אברהם אבינו (וואס אפילו פאר אים איז זיך מתגבר זיין אויף דעם פאטערלעכן געפיל געווען א נסיון), און צוויי, אייער אידישקייט איז נישט אזא וואס שטאמט פון גאטס דירעקטער נבואה, ס'איז בלויז באזירט אויף א מסורה, וואס אזא מסורה וואלט אייך קיינמאל נישט גענוג געווען אויף צו באגרענעצן אייער ליבשאפט צו אייער קינד.

איז ווען מיר הערן אז א מענטש איז גרייט מקריב צו זיין זיין קינד אויף דעם מזבח פון זיין מסורה דארפן מיר וויסן אז אברהם אבינו האט זאגאר געהאט א נסיון צו טאן אזא זאך – און אפילו נאכן הערן דעם באפעל פון גאט דירעקט. דער וואס מאכט היינט א באשלוס צו פארלירן זיין קינד ווייזט נאר אן אז ער האט פארלוירן יעדן געפיל פון שנאה און אהבה – אלעס איז פאלש, ער קען ליב האבן און פיינט האבן - אפילו זיינע ביאלאגישע נאנטע - בלויז נאך א באשטעטיקונג פון דעם שולחן-ערוך. אזא מענטש האט פארלוירן זיין געוויסן, און ער נוצט זיין מסורה אויף צו קארופטירן זיין נשמה.

אין דעם פלאנטער פון קושיות און תירוצים אויף דער עקידה, לאמיר נישט פארגעסן דעם פשוטן פשט וואס קומט ארויס פון פסוק. אפילו פאר אברהם אבינו, און אפילו נאכן הערן פון גאט אליין, איז געווען א נסיון צו פארגעסן פון זיין אהבה צו זיין קינד. אז עמיצער איז גרייט צו פארלירן זיין קינד צוליב זיין מסורה-אפשטאמיקע רעליגיע איז ער ווייט פון אברהם אבינוס מדריגה; ער איז אויף דער מדריגה פון א מעביר זרעו למולך.
באניצער אוואטאר
סופר ומונה
ידיד השטיבל
ידיד השטיבל
 
הודעות: 280
זיך רעגיסטרירט: דאנערשטאג סעפטעמבער 27, 2012 10:16 pm
האט שוין געלייקט: 229 מאל
האט שוין באקומען לייקס: 623 מאל

הודעהדורך לעיקוואד » מאנטאג נאוועמבער 19, 2012 3:11 pm

איך האב נאכנישט דורכגעליינט דיין גאנצע דרשה וואס זעהט אויס אנצורירען אויף גאר חשובע נקודות, איך וייל נאר דערמאנען א ווארט וואס איך האב זיך דערמאנט וואס איז שייך צו דער שמועס, איך האב געהערט, געדענק נישט פון/אויף וועמען, אז עס זענען געווען צדיקים וואס האבען געארבעט אויף אויסצורייסען אלע מענטשליכע געפילען, דאך אבער האבען זיי דער געפיל פון א טאטע צו א קינד נישט אויסגעריסען. וויבאלד עס איז א דוגמא כרחם אב על בנים כן רחמי ה' עלינו האבן זיי געוואלט בלייבען מיט דער דוגמא. איך מיין אז דער ווארט רירט שטארק די נקודה פון וואס דו רעדסט. וואס ארויסנעמען פון דעם, לאז איך פאר אייך.
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3787
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1748 מאל
האט שוין באקומען לייקס: 5812 מאל

הודעהדורך יידל » מאנטאג נאוועמבער 19, 2012 3:30 pm

סופר, לאמיך אנהייבן מיט די חלק ווי כ'בין מסכים צו דיר. כ'בין מסכים אז פאר אברהם אבינו איז שחט'ן יצחק געווען א משונה'דיגער נסיון ווייל זיין פאטערליכע געפילן האבן אים נישט ערלויבט צו ערפילן גאט'ס רצון. כ'בין מסכים אז שחט'ן א קינד פארן רעליגיע דארף היינט זיין א פיל-פאכיג שווערערע נסיון וויבאלד עס איז בלויז א מסורה און נישט קיין דירעקטער התגלות אלוקית. אבער כ'בין מחולק אויף דיר מיט דעם אז גאט פארלאנגט נישט פון אונז איבערנאטורליכקייט. עס קען זיין אז מיר וועלן נישט באקומען קיין עונש אלס אונס רחמנא פטריה, צו אלס אנדערע הסברים, אבער דאס איז קלאר אז גאט קען פארלאנגן פון א מענטש זאכן וואס זענען למעלה פון זיין נאטורליכען יכולת. לאמיר נעמען א פשוט'ן דוגמא מן המוכן: האמאסעקסואליטעט. קיינער וועט נישט זאגן אז גאט פארלאנגט נישט פון זיי צו זיין צעליבאט כל ימי חייהם. אבער איך מיין אז כו"ע מודי (אפילו דוד קארנריין וד"ל) אז עס איז איבערנאטורליך, און פרענקלי אוממעגליך.

עס איז אלזא קלאר אז גאט קען און טוט יא פארלאנגן פון א מענטש זיך אויסצורייסן די געפילן און מקריב זיין דעם מאראל און דעם מענטשליכן צורה פאר אים. פונקט נעכטן האט א ידיד מיך געפרעגט אויב איך טרעף אן עמלקי, צו איך וועל אים הרג'נען. כ'האב אים געענטפערט אז ס'איז יתכן אז גאט וועט אין מיר אריינלייגן איבערמענטשליכע כוחות און איך וועל קענען מקיים זיין דעם תמחה את זכר עמלק, אבער אין די מצב אין וועלכע איך שטיי יעצט וועל איך אים לכאורה לאזן גיין פריי, טראץ אלע אפאלגעטיקס פארוואס מצות מחיית עמלק איז מאראליש.

נישט צו פארקריכן, אין דעם ספעציפישן דוגמא וואס סופר האט אנגעכאפט, נעמליך, אפהאקן קשרים מיט א קינד וואס גייט אראפ פון דרך, האלט איך גראדע אז עס אנטקעגן גאט'ס רצון דאס צו טון, עס האט בכלל נישט מיט דעם שמועס צו מ'דארף אויפגעבן דעם פאטערליכן נאטור פאר גאט. אבער לו יצוייר עס וואלט יא געווען גאט'ס רצון אפצוהאקן קשר, וואלט סופר נישט געווען גערעכט מיט זיין באהויפטונג אז ער איז נישט מער ווי א מעביר זרעו למולך.

נאר וואס יא? מיר דארפן באוויינען דעם פאקט אז ליידער איז עס בכלל נישט קיין נסיון פאר מאנכע, צוליב א וועלט אנשואינג וואס הייסט א מענטש קוקן אין שולחן ערוך צו וויסן וויאזוי ער זאל שפירן אין סיי וועלכע געלעגנהייט. און מיט די חלק איז ווידער סופר ומונה גערעכט. עס דארף זיין א נסיון, און כ'האף אז רוב מענטשן וואלטן ווען געדארפט דורכפאלן אין דעם נסיון, ווי געזונטע מענטשן.
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
חבר ותיק
חבר ותיק
 
הודעות: 4914
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2918 מאל
האט שוין באקומען לייקס: 4311 מאל

הודעהדורך מורינו הרב » מאנטאג נאוועמבער 19, 2012 3:46 pm

ווען א מענטש זאל היינט קומען זאגן אז ער האט באקומען א צווי צו שחט'ן דעם זוהן, טראגט מען אים באלד אין תפיסה און מען נעמט צו די קינדער פון אים.

ווען דער בעל-שם-טוב לעבט היינט און פירט זיך אויף אלס יונגל אזוי ווי ער האט זיך אויפגעפירט, לויפן אים נאך א שטאב מיט פסיכילאגן... ס'טייטשט, א יונגל לויפט אליין אין די וועלדער ביינאכט, כאפט מלאכים... נעבעך, טאטע מאמע זענען אים געשטארבן, ער איז אונטער א טראמא, און מען מוז ארבעטן מיט אים...

אין קורצן: מען לאזט נישט דעם עולם שטייגן... ווען מען זאל נישט זיין אזוי עקסטרעם סעקיורט היינט, וואלטן ארויסגעקומען די כשרונות פון די אמאליגע מנהיגים, די וואס האבן נישט געוואלט גיין אין חדר, זיך געטראפן מיט אליהו... בקיצור, וואס קענען מיר טון......
מורינו הרב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1125
זיך רעגיסטרירט: זונטאג אוגוסט 05, 2012 4:48 pm
האט שוין געלייקט: 188 מאל
האט שוין באקומען לייקס: 553 מאל

הודעהדורך שיטה מקובצת » מאנטאג נאוועמבער 19, 2012 3:52 pm

ווי באקאנט האט דער באר מים חיים אויך מקרב געווען זיין אפגעפארענער זון. און אזוי אויך דער מהר"ם מרוטנברג.
הגאון ר' שמעון שקופ האט געהאט א אייניקל פייגה אילנית וואס איז אינגאנצן אפגעפארן ל"ע, אבער ער האט איר אייביג שטארק מקרב געוועהן, און זיך כסדר געשריבן בריוון מיט איר. לימים איז זי געווארן א חברה הכנסת אין א"י, און האט אויפגעטוהן אנדערע זאכן.
אבער די פאנטשליין איז אז זי האט געלאזט צוואה אז מ'זאל שרייבן אויף איר מציבה אז זי איז געוועהן א אייניקל פון ר' שמעון שקופ. זעהט מען ווי ווייט און ווי נאנט די קשר איז געוועהן.
דו גלייבסט אין דיינע עלטערן, וועגן דעם גלייבסטו אין באשעפער.
איך גלייב אין באשעפער, וועגן דעם גלייב איך מיינע עלטערן.

--שיטה מקובצת
שיטה מקובצת
היימישער באניצער
היימישער באניצער
 
הודעות: 542
זיך רעגיסטרירט: דאנערשטאג מאי 10, 2012 9:03 am
האט שוין געלייקט: 491 מאל
האט שוין באקומען לייקס: 1282 מאל

הודעהדורך סופר ומונה » מאנטאג נאוועמבער 19, 2012 3:58 pm

מיין נקודה איז נישט אזוי ווייט מעורר צו זיין אז מ'דארף זיך ווייטער נאנט האלטן מיט קינדער אפילו אויב זיי קלויבן אן אנדערן מהלך בנוגע רעליגיע, נאר שוקל צו זיין איבער וויאזוי אונדזער רעליגיע איז היינט אזוי קארופטירט אז זי נעמט פון אונדז אוועק פונדאמענטאלע מענטשלעכע כאראקטער-שטריכן.

זיך האלטן נאנט מיט אזא קינד ווי א סטראטעגיע אויף אים צוריקצוברענגען צו רעליגיע שטאמט פונקט אזוי פון א פארדארבענער נשמה. ליבשאפט צו א קינד האט נישט קיין סיבה אדער קיין סטראטעגיע - עס איז א פשוטער מענטשלעכער פאקט, און א מענטש מיט א צלם-אלוקים איז געבענטשט מיט דער מתנה, אויב ער האט דאס נישט קארופטירט.
באניצער אוואטאר
סופר ומונה
ידיד השטיבל
ידיד השטיבל
 
הודעות: 280
זיך רעגיסטרירט: דאנערשטאג סעפטעמבער 27, 2012 10:16 pm
האט שוין געלייקט: 229 מאל
האט שוין באקומען לייקס: 623 מאל

הודעהדורך לעיקוואד » מאנטאג נאוועמבער 19, 2012 3:59 pm

יידל האט געשריבן: לאמיר נעמען א פשוט'ן דוגמא מן המוכן: האמאסעקסואליטעט. קיינער וועט נישט זאגן אז גאט פארלאנגט נישט פון זיי צו זיין צעליבאט כל ימי חייהם. אבער איך מיין אז כו"ע מודי (אפילו דוד קארנריין וד"ל) אז עס איז איבערנאטורליך, און פרענקלי אוממעגליך.



איך וייס נישט פון וואו דו נעמסט די מיינונג דיינע איבער גאטס רצון, און אויב האלטסטו עס איז פרענקלי אוממעגליך, הייסט עס דאך נישט נאר גאט פארלאנגט זאכען וואס זענען אומנאטורליך, פארלאנגט ער אויך זאכען וואס זענען פשוט אוממעגליך, א שטייגער ווי ער זאל הייסען גיין אויף די קאפ אגאנץ לעבן. וואס ביסטו מציע למעשה פאר אזא מענטש, אחוץ כופר זיין בתורה?
שוין, איך וייס איך גיי אראפ פון דער טעמע, העיקר, ווער איז דאס דוד קארנריין?
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3787
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1748 מאל
האט שוין באקומען לייקס: 5812 מאל

הודעהדורך שעפטל » מאנטאג נאוועמבער 19, 2012 4:45 pm

געוואלדיג גוט געזאגט,

אין דעם קען אריינגיין אפאר כללים: (איך לייג צו וואס איך האב שוין לאנג געוואלט באשרייבן)

1) וואס דו האסט שוין ערווענט, איבעראפהאקן מיט א קינד וואס האט געגליטשט פון אידישן וועג, ס'דערמאנט מיך וואס איינער האט מיר אמאל דערציילט, ער איז אריין צו הרה"ק ר' הערשעלע ספינקער זי"ע בנוגע זיין זון וואס איז געווארן א מחלל שבת! וואס ער זאל טוהן? האט אים דער באקאנטער אוהב ישראל רבי הערשעלע געענטפערט "מיט א קינד קען מען זיך נישט ווארפן! זאלסט אים פרובירן מקרב צו זיין ווי ווייט מעגליך! יא! זאלסט פרובירן מיט די גרעסטע כוחות אז עס זאל נישט אפ'הרג'ענען די שטוב, און אראפנעמען די וויין ווען ער קומט אויף שבת. ווי באקאנט שטייט אין די מדרשים אז אברהם אבינו האט זייער חרטה געהאט איבער וואס ער האט געטוהן מיט ישמעל, און אפאר מאל געגאנגן באזיכן און זיך געזארגט פאר זיין וואוילזיין". די ווערטער מיינעך זאגן אסאך.

2) יעצט איבער אפהאקן מיט א קינד ווייל ער איז געגאנגן צו אן אנדערע רבי איז א פערדישקייט! און ראדיקאל! וואס באדערט דיך אז יענער האט געזעהן אז יענער רבי וועט אים בעסער טראגן אויפן דרך ה'? וואס ארט דיך אז דיין קינד האט איינגעזעהן אז יענער רבי וועט אים מער ארויפברענגן אויף א העכערע מדרגה און נענטער צום באשעפער? אין דעם איז שוין נכלל די מענטשן וואס טיילן איין פאר זייערע "גוטע" קינדער פונקטליך אין וועלעכע מוסד צו שיקן זייערע קינדער, איך רעד נישט פון שוואכערע מוסדות, נאר פון מוסדות וואס דיין רבי איז נישט די נשיא.

3) איבער די נושא וואס א מענטש איז מעבר זרעו למולך, א טאטע וואס געט א גרין-לייט פאר זיין זון צו שעדיגן און פלינדערן אנדערע אידן'ס נכסים וכ"ש גוף, אלעס ווייל יענער האט האלט נישט אינגאנצן וויאזוי יענער האלט... א איד איז מיט דעם מקריב זיינע קינדער און דאס איז אן דעם וואס די רבי האט נישט געגעבן א דירעקטע שליחות פונעם באשעפער.
מיט דעם האט זיך געענדיגט נאך א תגובה'לע פון שעפטל'ן, א "לייק" איז א שטופ אויף פראנויס פאר נאכיינס...
באניצער אוואטאר
שעפטל
חבר ותיק
חבר ותיק
 
הודעות: 3443
זיך רעגיסטרירט: דינסטאג יולי 17, 2012 1:45 pm
געפינט זיך: אוי, בעסער פרעג נישט
האט שוין געלייקט: 3450 מאל
האט שוין באקומען לייקס: 3365 מאל

הודעהדורך יידל » מאנטאג נאוועמבער 19, 2012 5:08 pm

לעיקוואד האט געשריבן:
יידל האט געשריבן: לאמיר נעמען א פשוט'ן דוגמא מן המוכן: האמאסעקסואליטעט. קיינער וועט נישט זאגן אז גאט פארלאנגט נישט פון זיי צו זיין צעליבאט כל ימי חייהם. אבער איך מיין אז כו"ע מודי (אפילו דוד קארנריין וד"ל) אז עס איז איבערנאטורליך, און פרענקלי אוממעגליך.



איך וייס נישט פון וואו דו נעמסט די מיינונג דיינע איבער גאטס רצון, און אויב האלטסטו עס איז פרענקלי אוממעגליך, הייסט עס דאך נישט נאר גאט פארלאנגט זאכען וואס זענען אומנאטורליך, פארלאנגט ער אויך זאכען וואס זענען פשוט אוממעגליך, א שטייגער ווי ער זאל הייסען גיין אויף די קאפ אגאנץ לעבן. וואס ביסטו מציע למעשה פאר אזא מענטש, אחוץ כופר זיין בתורה?
שוין, איך וייס איך גיי אראפ פון דער טעמע, העיקר, ווער איז דאס דוד קארנריין?

איך בין גארנישט מציע, איך זאג נאר דעם טרוקענעם פאקט. ער איז מחויב צו זיין צאליבאט, און ער וועט הונדערט פראצענט בלי שום ספק דורכפאלן למחצה לשליש או לרביע. (א רייכע אשכול איבער דעם ענין והמסתעף, אויב איר וויל ווייטער ציען דעם שמועס, קענט איר טרעפן דא)

סליחה, נישט דוד קארנריין, נאר דוד קארנרייך.
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
חבר ותיק
חבר ותיק
 
הודעות: 4914
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2918 מאל
האט שוין באקומען לייקס: 4311 מאל

הודעהדורך שמעקעדיג » מאנטאג נאוועמבער 19, 2012 5:55 pm

איך האב אסאך וואס מוסיף צו זיין (אזוי ווי שטענדיג...), אבער כעת, בקיצור נמרץ.
פארוואס קען נישט זיין אז לויט די חינוך וואס דער טאטע האט באקומען איז די אנדערע דרך כפירה, למשל מ'גייט אוועק פון סאטמאר צו קלויזענבורג, אדער פון וויזניץ צו חב"ד,
און אוהבי ה' שנאו רע, דער טאטע איז דאך א אוהב ה', ער פארנעמט פשוט נישט די ניאוץ כלפי מעלה, ממילא האט ער אים פיינט נישט מרצונו, נאר ווייל די תורה האט געהייסן, שקץ תשקצנו.
און בעיקר טוט עס מער וויי ביי א אייגענעם זון וואס דארט האט דער טאטע פארארבעט כוחות בדמים תרתי משמע ער זאל נאכגיין די ריינע מסורה, און דערנאך אזא בראך!

אזויפיל שטותים צאמצורעדן אין איין תגובה........
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15093
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17795 מאל
האט שוין באקומען לייקס: 18096 מאל

הודעהדורך לעיקוואד » מאנטאג נאוועמבער 19, 2012 6:18 pm

אויב איז מען מחנך למשל אין וויזניץ אז חב"ד איז כפירה דאן איז טאקע די פראבלעם נישט טאלערענץ און געפיל פאר קינדער וכו' נאר פשוט און פראסט שקר און טפשות. און דער קינד קען מיטן פולען רעכט זאגען אך שקר נחלו אבותינו הבל ואין בהם מועיל. [חוץ פון דעם וואס אויב א סאטמערער רעדט זיך טאקע איין אז ער האט פיינט קלויזנברג פשוט אלץ אוהבי ה' שנאו רע דארף ער פשוט א פסיכאלגישער באהאנלדונג אויף דילוזשין. איך וואלט אפשר געזאגט אז אפילו כלפי אמתע שונאי ה' דארף זייער אסאך בדיקה יעדער הרגש פון שנאה אבער עכ"פ דא שרייט דאס אויס]
אויב וואלסטו דאס געטענהט לגבי א קינד וואס פארט אפ ממש קען מען הערן די טענה ואכמ"ל. גם אני בחלומי האב דא וואס צו זאגען אבער איך קען זיך נישט אונטרענעמען מגיב זיין אלץ אויף יעדער נושא.
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3787
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1748 מאל
האט שוין באקומען לייקס: 5812 מאל

הודעהדורך אוהב דעת » מאנטאג נאוועמבער 19, 2012 6:47 pm

וואס איז מיט די אלע גדולים וואס זענען געזעצן שבעה ווען זייער קינד איז אוועק פונעם דרך?
בכלל אפשר לחלק בין שמד ,לכופר, אדער ווען די קונד איז סתם אזוי געווארען א בם
א משוגענער באלאנגט אין משוגעים הויז, און א מאלעסטער באלאנגט אין תפיסה!!(איחוד פעלד)
אבער נאר די חוקי התורה קען אפמאכען ווער עס איז א מאלעסטער!!!
אוהב דעת
ידיד השטיבל
ידיד השטיבל
 
הודעות: 344
זיך רעגיסטרירט: מאנטאג אפריל 02, 2012 10:16 am
האט שוין געלייקט: 213 מאל
האט שוין באקומען לייקס: 165 מאל

הודעהדורך יאיר » מאנטאג נאוועמבער 19, 2012 6:55 pm

במחילת כבוד פון די אלע וואס ווילן פארענטפערן אז די "אריגינעלע" תורה האט נישט געהייסן אוועקנעמען די נאטורליכע געפילן, אין מיין תורה ווערן די בני לוי אויסגעלויבט, נישט פאר'ן אפהאקן דעם קשר מיט זייערע קינדער, נאר פאר'ן אויס'שחט'ן זייערע מאמעס און ברידער און חברים ווייל זיי זענען דורכגעפאלן מיט א נסיון העגל, וואס איז געווען פונקט אזא נסיון ווי היינט אראפגיין פון וועג. מיין תורה הייסט אויך פארשטיינערן א דרייצן יעריג קינד וואס עסט א תרטימר בשר און טרינקט א כוס וויין, און שמייסן פערציג שמיץ מיט א לעדערנע ריט אויף די בלויזע לייב אויף יעדע לאו וואס מען איז עובר. איינער וואס זאגט אז די תורה איז נישט עקסטרעם ווען עס קומט צו רעליגיע לויט אונזערע פשוט'ע פליישיגע אויגן איז אדער נאאיוו, אדער א ליגנער. (איך האלט נישט אז דאס איז א קשיא אויף די תורה מחמת כמה סיבות, אבער צו פארדרייען די מיינונג פון די תורה און ארויסנעמען נאר די שיינע לימודים און איגנארירן די אומבאקוועמע חלקים אזוי ווי למשל הרב יונתן סאקס טוט אדער אפילו רש"ר הירש, איז פשוט נאנסענס).
וואס שייך אברהם אבינו, קען מען גאנץ פשוט פארענטפערן אז ער האט אלעס געטון פרייוויליג, ער האט נאכנישט מקבל געווען די תורה. משא"כ נאך קבלת התורה זענען מיר מחוייב צו מקיים זיין די גאנצע תורה, און אויב א איד ווייסט אז זיין נאנטסטער חבר איז מחלל שבת איז ער מחוייב צו קומען עדות זאגן קעגן אים אין בית דין און דערנאך אים פערזענליך פארשטיינערן.
האדם לא נברא אלא להתענג
באניצער אוואטאר
יאיר
חבר ותיק
חבר ותיק
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 7965 מאל

הודעהדורך יאנקל » מאנטאג נאוועמבער 19, 2012 7:03 pm

סופר ומונה האט ארויסגעברענגט א זייער וויכטיגע און ווייטאגליכע נקודה ווי מענטשן זענען גרייט מפקיר צו זיין די אייגענע קינדער צוליב זייער גלויבן. מ'האט שוין ליידער אפילו געהערט פון אזעלכע וואס ארבעטן אז די אייגענע קינדער זאלן פארלירן די רעכטן איבער זייערע אייגענע קינדער ווייל די קינדער וועלן נישט אויסוואקסן קיין ערליכע אידן. דאס הייסט אז דער רצון אז די אייניקלעך זאלן אויסוואקסן מיט א געוויסן גלויבן איז פאר זיי וויכטיגער ווי דאס ליבשאפט צו זייערע קינדער.

איך מיין אז מ'דארף מוסיף זיין צו סופר'ס שמועס נאך צוויי פאקטארן וועלכע האבן דא א שייכות. עלטערן זענען גרייט מעביר צו זיין זייערע קינדער צום מולך נישט נאר צוליב וואס זיי גלייבן נאר אויך צוליב געזעלשאפטליכער פרעשור, און א טעות'דיגן בליק אויף דער פונקציע פון קינדער.

בנוגע געזעלשאפטליכער פרעשור - יא, ליידער איז אנגענומען אז א משפחה קען נישט באשטיין פון פארשידנארטיגע סארט קינדער. ס'איז נישט מקובל אז א קינד וואס איז נישט פרום זאל זיין א חלק פון דער משפחה. עלטערן ווילן נישט אזא קינד ביי זייערע שמחות ווייל עס שטייט ארויס, און ברענגט אראפ זייער פרעסטיזש אין די אויגן פון אנדערע, און קען שטערן צו שידוכים. די בעסטע עצה דערצו איז פטור ווערן פון דעם קינד.

בנוגע דעם טעות'דיגן בליק - ביי אונז איז הינטערן באוואוסטזיין אנגענומען אז קינדער זענען אלעס שולדיג פאר עלטערן און דארפן פונקציאנירן ווי "נחת פעקלעך" פאר זיי. אז א קינד האלט מיט עפעס אנדערש ווי די עלטערן, אז ער האט איינגעזען אין אן אנדערן מהלך, איז ער ווידערשפעניג אין זיי, און ווידערשפעניגט אין זיין שליחות זיי צו ברענגען נאר נחת. עלטערן מיט דעם עגאאיסטישן בליק אויף קינדער שפירן זיך בארעכטיגט זיך אפצופרעמדן פון קינדער וואס זענען נישט מקיים זייער "תכלית", און שפירן אז די קינדער זענען די וואס האבן "אנגעהויבן" דעם שטרייט מיט'ן נישט דינען ווי זייער צוגעפאסטן "נחת פעקל"-פליכט.
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3724 מאל

הודעהדורך קאווע טרינקער » מאנטאג נאוועמבער 19, 2012 7:05 pm

סופר, א דאנק פארן געבן וואס צו ליינען.
אבער די נמשל איז עפעס איי איי איי
א טאטע שעכט נישט זיין קינד, ווען די קינד גייט אראפ פון וועג.
די נאנטע געפילן בלייבן אייביג, אמאל איז דאס די קינד וואס וויל נישט האלטן קשר (ווייל אין בעק-אף-זיין-מיינד, ווייסט ער ווי שטארק ער איז מצער זיינע עלטערן, און ס'איז שווער דאס צו-פעיסן)
א טאטע וויל דאס בעסטע פאר זיין קינד, און ווען א קינד דרייט זיך אין די גאסן אין די AM שעות, ווייסט דער טאטע אז פאר דעם קינד איז "נישט גוט", און ס'טוט אים וויי.
דאס שבעה זיצען אויף א געשמד'טע קינד, איז נישט קיין פירכא, כנראה איז דאס א מנהג פון אבילות, - ווען מ'זיצט שבעה אויף א טאטע, צו ווייזט דאס אז מ'האט פיינט דעם געשטארבענע?
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8458 מאל

הודעהדורך diff » דינסטאג נאוועמבער 20, 2012 2:04 am

http://www.kitzur.net/main.php?siman=201

סעיף ד
כל הפורשים מדרכי הצבור, והם האנשים שפרקו על המצות מעל צוארם, ואין נכללים בכלל ישראל בעשיתם, אלא הרי הם כבני חורין לעצמן, וכן המומרים והמוסרים והאפיקורסים, כל אלו, אין אוננים ואין מתאבלים עליהם, אלא אחיהם ושאר קרוביהם לובשים לבנים ומתעטפים לבנים, ואוכלים ושותים ושמחים על שאבדו שונאו של מקום. ועליהם הכתוב אומר, הלא משנאיך ה', אשנא. ואומר, ובאבד רשעים רנה
diff
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1717
זיך רעגיסטרירט: מיטוואך אוגוסט 22, 2012 1:07 pm
האט שוין געלייקט: 194 מאל
האט שוין באקומען לייקס: 298 מאל

הודעהדורך נולד מאוחר » דינסטאג נאוועמבער 20, 2012 2:26 am

פארפאלן, יאיר האט א שטארקע נקודה.
לאמיר זען ווען דער אייבערשטערס קינד פירט זיך אויף קעגן די תורה, וואס טוט ער מיט זיין קינד? גיט עם א תוכחה, א האלאקאסט.
נולד מאוחר
חבר ותיק
חבר ותיק
 
הודעות: 3776
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4558 מאל
האט שוין באקומען לייקס: 1857 מאל

הודעהדורך שמעקעדיג » דינסטאג נאוועמבער 20, 2012 10:27 am

ווען השי"ת שיקט די תוכחה איז עס נישט מתוך כעס אדער שנאה. נאר להטיב לאחריתו.
נאכן ליידן פון די תוכחה גייט מען אין גן עדן אריין לעולמי עד ונהנין מזיו השכינה.
ס'איז נישט קיין פארגלייך.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15093
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17795 מאל
האט שוין באקומען לייקס: 18096 מאל

הודעהדורך נולד מאוחר » דינסטאג נאוועמבער 20, 2012 11:01 am

שמעקעדיג האט געשריבן:ווען השי"ת שיקט די תוכחה איז עס נישט מתוך כעס אדער שנאה. נאר להטיב לאחריתו.
נאכן ליידן פון די תוכחה גייט מען אין גן עדן אריין לעולמי עד ונהנין מזיו השכינה.
ס'איז נישט קיין פארגלייך.

לויטן טריקענעם פשט איז עס נישט ריכטיג וואס די זאגסט.
נולד מאוחר
חבר ותיק
חבר ותיק
 
הודעות: 3776
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4558 מאל
האט שוין באקומען לייקס: 1857 מאל

הודעהדורך סופר ומונה » דינסטאג נאוועמבער 20, 2012 4:25 pm

יאיר האט געשריבן:במחילת כבוד פון די אלע וואס ווילן פארענטפערן אז די "אריגינעלע" תורה האט נישט געהייסן אוועקנעמען די נאטורליכע געפילן, אין מיין תורה ווערן די בני לוי אויסגעלויבט, נישט פאר'ן אפהאקן דעם קשר מיט זייערע קינדער, נאר פאר'ן אויס'שחט'ן זייערע מאמעס און ברידער און חברים ווייל זיי זענען דורכגעפאלן מיט א נסיון העגל, וואס איז געווען פונקט אזא נסיון ווי היינט אראפגיין פון וועג. מיין תורה הייסט אויך פארשטיינערן א דרייצן יעריג קינד וואס עסט א תרטימר בשר און טרינקט א כוס וויין, און שמייסן פערציג שמיץ מיט א לעדערנע ריט אויף די בלויזע לייב אויף יעדע לאו וואס מען איז עובר. איינער וואס זאגט אז די תורה איז נישט עקסטרעם ווען עס קומט צו רעליגיע לויט אונזערע פשוט'ע פליישיגע אויגן איז אדער נאאיוו, אדער א ליגנער. (איך האלט נישט אז דאס איז א קשיא אויף די תורה מחמת כמה סיבות, אבער צו פארדרייען די מיינונג פון די תורה און ארויסנעמען נאר די שיינע לימודים און איגנארירן די אומבאקוועמע חלקים אזוי ווי למשל הרב יונתן סאקס טוט אדער אפילו רש"ר הירש, איז פשוט נאנסענס).
וואס שייך אברהם אבינו, קען מען גאנץ פשוט פארענטפערן אז ער האט אלעס געטון פרייוויליג, ער האט נאכנישט מקבל געווען די תורה. משא"כ נאך קבלת התורה זענען מיר מחוייב צו מקיים זיין די גאנצע תורה, און אויב א איד ווייסט אז זיין נאנטסטער חבר איז מחלל שבת איז ער מחוייב צו קומען עדות זאגן קעגן אים אין בית דין און דערנאך אים פערזענליך פארשטיינערן.

בני לוי - מ'קען נישט ברענגען א ראיה פון א געשיכטע וואס ווערט געברענגט אין דער תורה און פון דעם עקסטראפאלירן אויף א הוראה לדורות. אפילו אויב מיר זאלן אננעמען די געשיכטע פשוט-פשט, ווייסן מיר נישט פארשיידענע פרטים וואס די תורה האט אונדז נישט דערציילט, און דעם גאנצן דינאמיק פון דעם פאליטישן און סאציאלאגישן צושטאנד. ווען איך זאג אז די תורה וויל נישט פון אונדז קיין איבערנאטירלעכע זאכן רעד איך פון זאכן וואס די תורה האט אונדז באפוילן. אפילו דער פאקט אז חז"ל זענען געווען אומבאקוועם מיט דעם 'בן סורר ומורה' ווייזט אונדז אז זיי האבן אויך געהאט דעם בליק אז די תורה קען נישט פארלאנגען איבערנאטירלעכע זאכן.
האמאסעקסואליטעט - ווען די תורה אסרט האמאסעקסואלע אקטיוויטעטן רעדט די תורה פון א מענטש וואס טוט דאס איינמאליק; די תורה דערמאנט בכלל נישט אזא סארט מענטש וואס האמאסעקסואליטעט איז אן איינגעבוירענע טבע. איך וואלט נישט געזאגט אז דאס איז א היתר (טייל אין דער קאנסערוואטיווער לאגער נוצן דאס ווי א היתר), אבער עס איז אויף אזויפיל גענוג אז פון דעם קען מען נישט ברענגען א ראיה אז די תורה זאל פארלאנגען איבערנאטירלעכע זאכן.
באניצער אוואטאר
סופר ומונה
ידיד השטיבל
ידיד השטיבל
 
הודעות: 280
זיך רעגיסטרירט: דאנערשטאג סעפטעמבער 27, 2012 10:16 pm
האט שוין געלייקט: 229 מאל
האט שוין באקומען לייקס: 623 מאל

הודעהדורך diff » דינסטאג נאוועמבער 20, 2012 5:20 pm

Please explain why today is different, Whats so wrong eating meat & wine, Why to sin many times is better than one time
diff
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1717
זיך רעגיסטרירט: מיטוואך אוגוסט 22, 2012 1:07 pm
האט שוין געלייקט: 194 מאל
האט שוין באקומען לייקס: 298 מאל

הודעהדורך יאיר » דינסטאג נאוועמבער 20, 2012 11:21 pm

בני לוי - מ'קען נישט ברענגען א ראיה פון א געשיכטע וואס ווערט געברענגט אין דער תורה און פון דעם עקסטראפאלירן אויף א הוראה לדורות. אפילו אויב מיר זאלן אננעמען די געשיכטע פשוט-פשט, ווייסן מיר נישט פארשיידענע פרטים וואס די תורה האט אונדז נישט דערציילט, און דעם גאנצן דינאמיק פון דעם פאליטישן און סאציאלאגישן צושטאנד. ווען איך זאג אז די תורה וויל נישט פון אונדז קיין איבערנאטירלעכע זאכן רעד איך פון זאכן וואס די תורה האט אונדז באפוילן. אפילו דער פאקט אז חז"ל זענען געווען אומבאקוועם מיט דעם 'בן סורר ומורה' ווייזט אונדז אז זיי האבן אויך געהאט דעם בליק אז די תורה קען נישט פארלאנגען איבערנאטירלעכע זאכן.

לאמיר זאגן אז דער תירוץ אויף בני לוי איז א גוטער, אבער דאן קען מען אויך נישט ברענגען א ראיה פון עקידת יצחק וואס איז אויך נאר א געשיכטע, און אודאי נישט פון דעם וואס די תורה באטראכט עס אלס נסיון. דאס האב איך געמיינט צו זאגן אז מען נוצט די תורה און מען cherrypicked לויט ווי אזוי עס שטימט מיט די היינטיגע צייטגייסט, סיי עס צו פארענטפערן ביי אונז, און סיי אלס קירוב רחוקים וכדו' ביי פרעמדע.
האמאסעקסואליטעט - ווען די תורה אסרט האמאסעקסואלע אקטיוויטעטן רעדט די תורה פון א מענטש וואס טוט דאס איינמאליק; די תורה דערמאנט בכלל נישט אזא סארט מענטש וואס האמאסעקסואליטעט איז אן איינגעבוירענע טבע. איך וואלט נישט געזאגט אז דאס איז א היתר (טייל אין דער קאנסערוואטיווער לאגער נוצן דאס ווי א היתר), אבער עס איז אויף אזויפיל גענוג אז פון דעם קען מען נישט ברענגען א ראיה אז די תורה זאל פארלאנגען איבערנאטירלעכע זאכן.

אויב איר פארשטייט אז עס איז נישט קיין היתר, מסתם צוליב די לעכערליכקייט דערפון, דעמאלט קען מען יא ברענגען א ראיה. בקיצור, מען קען נישט טאנצן אויף ביידע חתונות. פון איין זייט זאגן אז יעדע ווארט פון די תורה איז אמת ויציב לעולמי עד ולנצח נצחים, און פון די אנדערע זייט מאכן פשט'לעך און אפאלאגעטיקס כדי עס צו פארענטפערן פון די אומבאקוועמע קאנסעקווענצען וואס אן ארטאדאקאסישע שטאנדפונקט ברענגט מיט זיך מיט.
אגב, איך מיין אז דער נושא פון קינדער וואס גייען אראפ פון וועג איז לגמרי אן אנדער געשעפט. געווענליך רעדט מען פון עלטערן וואס זייער הארץ איז צוריסן פון צער, און זיי גייען אויס פון גרויס צובראכנקייט אז זייער אייגן קינד האט גענומען א וועג וואס איז קעגן אלעם הייליגן ביי זיי, רוב מאל ווען אזעלכע עלטערן זענען מרחק דאס קינד איז עס צוליב פשוט אלס עצה טובה אז די איבריגע קינדער זאלן זיך חלילה נישט אפלערנען, און אודאי טוען עס נישט נארמאלע עלטערן צוליב גלייכגילטיגקייט פון געפילן. איך ווייס פון א גאר חשוב'ן איד וועלכער האט געהאלטן ביי זיך אינדערהיים אזא קינד, לימים האט נאך א קינד אנגעהויבן נאכטון, און זייט דעמאלט עצה'ט ער וועעמען עס פרעגט אים אז מען זאל נישט לאזן ביי זיך אין שטוב א קינד וואס איז אפגעפארן פון אידישן וועג. איך רעד נישט אריין אין דער נושא אויף למעשה ווייל איך בין נישט גענוג באקאנט, אבער צו זאגן אז די וואס זענען מרחק אזא קינד איז עס ווייל זיי האבן פארלוירן די מענטשליכע געפילן איז לדעתי איבערגעטריבן. ויה"ר מיר זאלן קיינמאל נישט געפראווט ווערן.
האדם לא נברא אלא להתענג
באניצער אוואטאר
יאיר
חבר ותיק
חבר ותיק
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 7965 מאל

הודעהדורך diff » דינסטאג נאוועמבער 20, 2012 11:51 pm

Family closeness and love was alot more then. We see yakov kisses his cousin rachel he never knew. Today many cannot wait the day after their children wed.
diff
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1717
זיך רעגיסטרירט: מיטוואך אוגוסט 22, 2012 1:07 pm
האט שוין געלייקט: 194 מאל
האט שוין באקומען לייקס: 298 מאל

הודעהדורך נולד מאוחר » מיטוואך נאוועמבער 21, 2012 9:53 pm

יאיר איך מיין דו אווער-סימפליפייסט ,
עלטערן ציקריגען זיך און ווארפן ארויס פון שטוב זייער קונדער וואס פארן אפ.
אויב ווי די זאגסט וואלט די טאטע געדארפט דינגעןנא דירה פארן זין און אפי' העלפן מיט די רענט.
און פאברענגן ציזאמן פון צייט צי צייט.
נולד מאוחר
חבר ותיק
חבר ותיק
 
הודעות: 3776
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4558 מאל
האט שוין באקומען לייקס: 1857 מאל

הודעהדורך שמעקעדיג » מיטוואך נאוועמבער 21, 2012 11:51 pm

נולד מאוחר האט געשריבן:
שמעקעדיג האט געשריבן:ווען השי"ת שיקט די תוכחה איז עס נישט מתוך כעס אדער שנאה. נאר להטיב לאחריתו.
נאכן ליידן פון די תוכחה גייט מען אין גן עדן אריין לעולמי עד ונהנין מזיו השכינה.
ס'איז נישט קיין פארגלייך.

לויטן טריקענעם פשט איז עס נישט ריכטיג וואס דו זאגסט.

נו לייג צו אביסל וואסער.
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 15093
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 17795 מאל
האט שוין באקומען לייקס: 18096 מאל

נעקסט

גיי צוריק תורה און מחשבה

ווער איז יעצט דא?

באניצער וואס לייענען דעם פארום: נישטא קיין אנליין באניצער און 3 געסט