א מאטעמאטישער סאמאטוכע!

אין דער וועלט פון נאטור און וויסנשאפט

א מאטעמאטישער סאמאטוכע!

הודעהדורך הציץ ונפגע » דינסטאג מערץ 12, 2013 9:52 pm

math.jpg
math.jpg (10.07 KiB) געזען געווארן 3683 מאל


האט איר געזען דעם בילד אמאל? אין די לעצטע פאר יאר טוט דאס בילד פון צייט צו צייו ארומפארן אויף סאציאלע-נעצן און -מידיא סייטס און איז ברענגט נאך זיך שארפע דעבאטעס. די מאטעמאטישע פראגע דארף צו זיין א קונץ-חידה, וועלכע איז געשריבן בכוונה צו שטרויכלן מענטשן וואס פרובירן דאס צו ענטפערן. נישט יעדן טאג טרעפט זיך אז מאטעמאטישע פראגעס גייען 'וויירעל' אויף פעיסבוך און טוויטער, און אז דאס איז פאסירט איז דאס ווערד צום באגריסן. עס איז היינט ערשינען גאר אן אינטערעסאנטען ארטיקל אין דעם "שיווערשטיין" מאגאזין, אוואו די שאלה און ענטפער(ס) ווערן ברייט ערקלערט, ווי אויך פסיכאלאגישע ערקלערונגען פארוואס מענטשן ווערן אזוי אנגעצויגן איבער א פשוט'ן מאטעמאטישן פראבלעם.

וויבאלד ביים מער היימישערן ציבור ווערן געוויסע יסודות אין מאטעמאטיקס נישט ערקלערט אין חדר, האב איך גענומען די געלעגנהייט צו שרייבן אויף דעם מאטעמאטישן שאלה אזוי אז אידן וועלכע גלייכן ליבערשט צו ליינען אידיש זאלן אויך קענען קונה זיין וויסנשאפט. צום ערשט, וויאזוי ליינט מען די מאטעמאטישע פראבלעם בכלל? וואס די "÷" (אבעלוס סימבאל) און די "+" (פלאס סימבאל) מיינען ווייסן - האפענטליך - רוב אידן דא (פאר דער וואס ווייסט נישט: "÷" באדייט "צעטיילן" אדער אין ענגליש "דיוויזשאן". "+" באדייט "צולייגן" און אין ענגליש "עדישאן"). אבער וואס באדייטן די קלאמערן? און וויאזוי דארף מען זיי רעכענען? איין קליינע ידיעה'לע אין מאטעמאטיקס פארענטפערט די פראגעס. אין מאטעמאטיקס, פון אלגעברא און ארויף (דאס ווערט גערופן "העכערע מאטעמאטיקס") טוען צוויי ציפערן איינס נעבן צווייטן באדייטן מולטיפליקאציע ("טיימס"; "מאָל" אין אידיש). פארשטייט זיך אז דאס איז נאר ווען עס איז קלאר אז די צוויי ציפערן זענען נישט קיין חלק פון איין גרויסע נומער נאר זענען טאקע צוויי באזונדערע נומערן. דאס הייסט, ווען מיר זעען 24 מיינט דאס נישט אז מיר דארפן רעכענען צוויי מאל פיר (2X4) נאר עס באדייט פשוטו כמשמעו פיר און צוואנציג. אבער ווען מיר זעען 4(2) אדער (4)2 אדער (4)(2), מיינט דאס אז אז מיר דארפן רעכענען צוויי מאל פיר. (איך וויל חלילה נישט באמוטשען, אבער עס איז גלייך צו וויסן אז ווען א נומער ווערט רעפרעזענטירט מיט בוכשטאבן אנשטאט ציפערן, דאן וועלן צוויי ציפערן איינס נעבן צווייטן יא מיינען מולטיפליקאציע. צום ביישפיל אויב וועלן מיר אנשטאט דעם 2 שרייבן a, דאן וועט a4 באדייטן a מאל 4, aX4 און נישט a און 4, a+4.)

נאך די ידיעה, ווייסן מיר שוין וויאזוי צו ליינען דעם פראבלעם. 6 צעטיילט אין 2 מאל 1 מיט 2, אדער אין ענגליש, 6 דיוויידעד ביי 2 טיימס 1 פלוס 2. אבער, געוואלד און געשריגן, וויאזוי רעכענען מיר צוזאמען אזא פראבלעם? אויב וועלן מיר גיין אין א סדר וועט די רעזולטאט זיין ווי פאלגנד: 6 צעטיילט אין 2 איז 3. 3 מאל 1 איז 3. און 3 מיט 2 איז 5. לויט דעם וועט די ענדגילטיגע רעזולטאט זיין 5. אבער אויב וועלן מיר באשליסן צו גיין אין א צווייטן סדר וועלן מיר טרעפן אנדערע רעזולטאטן. צום ביישפיל, אויב וועלן מיר גיין אין א פארקערן סדר וועט די רעזולטאט זיין אנדערש. 2 פלוס 1 איז 3. 3 טיימס 3 איז 9. 6 צעטיילט אין 9 איז 0.666. צוליב דעם פראבלעם זענען מאטעמאטיקער ארום די וועלט אויפגעקומען מיט א געזעץ וויאזוי צו ליינען די סארט מאטעמאטישע פראבלעמען. די געזעץ רופט זיך Order of Operations און ווערט באצייכנט מיט די ראשי תיבות PEMDAS. דאס איז ראשי תיבות Parentheses, Exponents, Multiplication-Division, Addition-subtraction. אין אידיש: קלאמערן, עקספאנענטס, מולטיפליקאציע-צעטיילן, צולייגן-אראפנעמען. דאס מיינט אז פאר אלעם מוז מען באטראכטן די פארמולעס אין די קלאמערן, דערנאך די עקספאנענטס (אויב ווייסט נישט דער ליינער וואס עקספאנענטס איז, דערשרעק זיך נישט. איך גלייב אז רוב פון דיינע חבירים ווייסן נישט וואס עס איז.) נאך עקספאנענטס, מאכט מען טיימס און דיוויזשאן, פון לינקס צו רעכטס און דערנאך פלאס און מיינוס פון לינקס צו רעכטס.

די סיבה פארוואס קלאמערן זענען די ערשטע איז וויבאלד א מאטעמאטישע פארמולא אין קלאמערן מיינט אז דאס דארף מען ליינען ווי איינס. אין אנדערע ווערטער, די קלאמערן פארציילן אז די מאטעמאטישע פארמולא וואס געפינט זיך אין איר אז א יוניט פאר זיך, נישט אנגעהאנגען אין די דרויסענדיגע. עקספאנענטס איז אויך בעצם איין ציפער און דארף דערפאר קודם געטון ווערן. טיימס און דיוויזשאן זענען אויף איין שטאפל וויבאלד זיי זענען ביידע די זעלבע זאך, איינס די פארקערטע פון די צווייטע. און די זעלבע איז מיט עדישאן און סאבטרעקשאן וועלכע זענען אויך אויף איין שטאפל וויבאלד ביידע זענען די זעלבע, איינס די פארקערטע פון צווייטן. פארוואס קומען טיימס און דיוויזשאן בעפאר פלאס און מיינוס? נישטא קיין געהעריגער הסבר. די עכטע סיבה איז וויבאלד עס פארלאנגט זיך אז יעדער זאל נוצן די זעלבער סיסטעם כדי מען זאל פארשטיין איינער דעם צווייטענס מאטעמאטישע פארמולעס.

איצט צום פראבלעם מיט וועלכע די אשכול הייבט זיך אן (1+2)2÷6. אויב וועלן מיר נוצן פעמדאס דאן וועט די רעזולטאט זיין ווי פאלגנד:
די ערשטע טוען מיר קלאמערן. 3 = 2 + 1. בלייבן מיר דעריבער מיט די פאלגענדעם פראבלעם: (3)2÷6 וואס איז בעצם 3 * 2 ÷ 6 (דער שטערנדל איז במקום אן x). אין אזא פאל טוען מיר פון רעכטס צו לינקס. 3 = 2 ÷ 6. בלייבן מיר מיט 9 = 3 * 3. דער ריכטיגער ענטפער איז דעריבער 9.
אין קורץ: 9 = 3 * 3 = 3 * 2 ÷ 6 = (2 + 1) * 2 ÷ 6

אבער וויבאלד די ארדער פון אפעראציעס איז נישט מער ווי א הסכם און נישט קיין געזעץ, האבן געוויסע מענטשן אנדערע וועגן פון רעכענען און דערפאר זענען דא א גרויסע מינאריטעט וואס האלט אז די ריכטיגע ענטפער איז 1. פארוואס טאקע? די סיבה פארוואס טאקע צעטיילט זיך אין אפאר פראקציעס. איין פראקציע האלט אויך פון פעמדאס און די ארדער פון אפעראציעס, אבער לויט זיי דארף מען ביים רעכענען די קלאמערן אויך רעכענען די 2. דאס הייסט, קודם רעכנט מען די קלאמערן. (1+2), דאס איז דאך 3. דערנאך מאכט מען (3)2 וואס דאס איז דאך 3 * 2 איז 6. 6 צעטיילט אין 6 איז 1. איי מיר האבן לכאורה געשמועסט אז ווען מען האט דיוויזשאן און מולטיפליקעשאן און א פראבלעם מאכט מען דאס פון רעכטס צו לינקס? די תירוץ איז אז די פראקציע האלט אז ווען די מולטיפליקאציע איז נישט קלאר נאר מרומז, קומט דאס פאר דיוויזשאן. דא, וויבאלד עס איז נישטא קיין * סימבאל וועלכע צייכנט אן אז עס איז מולטיפליקאציע, און די איינציגסטע וועג וויאזוי מיר ווייסן אז דאס איז מולטיפליקאציע איז וויבאלד עס איז איין נומער נעבן צווייטן, דערפאר האט דאס א חשיבות איבער דיוויזיע און מען מאכט דאס קודם.

א צווייטע פראקציע האלט אז אן אבעלוס ÷ סימבאל באדייט אז אלעס וואס שטייט פאר דעם אבעלוס סימבאל מוז ווערן צעטיילט און אלעס וואס שטייט נאך די אבעלוס סימבאל. אין אנדערע ווערטער איז עס כאילו דא וואלט געשטאנען: דער סך הכל פון 6, צעטייל אין די סך הכל פון 2 מאל 1 מיט 2. די סך הכל פון 2 מאל 1 מיט 2 איז 6 (ווייל קודם מאכט מען די קלאמערן וואס קומט אויס 1 פלאס 2 איקוואלז 3, און דערנאך מאכט מען 2 מאל 3 איקוואלז 6, און 6 צעטיילט און 6 איז 1).

ביידע פון די פראקציעס זענען א מינאריטעט, און היינט צו טאגס איז פעמדאס גאר שטארק פארשפרייט און די "ריכטיגע" ענטפער וועט זיין 9. אבער די וואס זאגן אז די ענטפער איז 1 זענען אויך נישט לגמרי אומגערעכט; עס ווענדט זיך פשוט וואו די חמור שטייט איין...

נ.ב. שפירט פריי צו פרעגן סיי וועלכע מאטעמאטישע פראגע אדער אומפארשטענדעניש וואס איר האט, איך וועל אייך גערן ענטפערן (אויב קען איך דעם ענטפער, פארשטייט זיך...). איך טו אויך שטארק רעקאמאנדירן דעם צוגעלינקטן ארטיקל אין שיווערשטיין.
הציץ ונפגע
ידיד השטיבל
ידיד השטיבל
 
הודעות: 197
זיך רעגיסטרירט: מיטוואך אוגוסט 29, 2012 7:07 pm
האט שוין געלייקט: 99 מאל
האט שוין באקומען לייקס: 392 מאל

הודעהדורך יאיר » דינסטאג מערץ 12, 2013 9:59 pm

איך מיין דער ענטפער איז 9. ס'זעט אויס גאנץ פשוט. יעצט גיימער ליינען וואס הציץ זאגט.
האדם לא נברא אלא להתענג
באניצער אוואטאר
יאיר
חבר ותיק
חבר ותיק
 
הודעות: 4765
זיך רעגיסטרירט: דינסטאג יוני 26, 2012 9:42 pm
האט שוין געלייקט: 7221 מאל
האט שוין באקומען לייקס: 8081 מאל

הודעהדורך יידל » דינסטאג מערץ 12, 2013 10:11 pm

אויך גלייך גערעכנט 9. מיר דוכט זיך אז ביידע פון די פראקציעס וואס הציץ רעכנט אויס זענען בטעות יסודם. כ'וועל דארפן ליינען די "שיווערשטיין" ארטיקל.

און הציץ, וועלקאם בעק.
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
חבר ותיק
חבר ותיק
 
הודעות: 4914
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2918 מאל
האט שוין באקומען לייקס: 4383 מאל

הודעהדורך געפילטע פיש » דינסטאג מערץ 12, 2013 10:57 pm

שוין, אז מיר האבן שוין יא א מאטעמאטיקער דא, אפשר ביזטו מיר מסביר דעם קאלקולאציע?

בילד

איך פלאג זיך אויף דעם זינט די מאנטי האלל אשכול. (קידינג)
געפילטע פיש
חבר ותיק
חבר ותיק
 
הודעות: 6943
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5488 מאל
האט שוין באקומען לייקס: 7524 מאל

הודעהדורך יואליש » דינסטאג מערץ 12, 2013 11:08 pm

כ'האב נישט געליינט די אריגינעלע תגובה. מיין ערשטע ענטפער איז געווען 9. מיין צווייטע צד איז געווען 1. די ענטפער צו די שאלה איז די ריכטיגע סדר און דין קדימה פון די אפעראציעס. כ'בין נישט גרויס אין אלעגברא, אבער מיר ליגט אין קאפ אז טיימס און דיוויזישען זענען אויפן זעלבן שטאפל, ממילא איז דא צוויי צדדים. אבער ס'איז זיכער דא א דין קדימה ווען די צוויי שלאגן זיך אויס. איז ניתי ספר ונחזי.
באניצער אוואטאר
יואליש
חבר ותיק
חבר ותיק
 
הודעות: 2508
זיך רעגיסטרירט: זונטאג אפריל 22, 2012 7:36 pm
האט שוין געלייקט: 1574 מאל
האט שוין באקומען לייקס: 3858 מאל

הודעהדורך יואליש » דינסטאג מערץ 12, 2013 11:12 pm

מיין ערשטע זוך "אלגעברא ארדער אף אפעראציע" אויף גוגעל ברענגט ארויף די דאזיגע סייט אבער טאטע זיסע, די ברענעדיגע פראגע איז נומבער 3 זעלבסט, ווער איז מוקדם בקרא. העמיר ווייטער זיכן.
באניצער אוואטאר
יואליש
חבר ותיק
חבר ותיק
 
הודעות: 2508
זיך רעגיסטרירט: זונטאג אפריל 22, 2012 7:36 pm
האט שוין געלייקט: 1574 מאל
האט שוין באקומען לייקס: 3858 מאל

הודעהדורך יאנקל » דינסטאג מערץ 12, 2013 11:23 pm

מיין ענטפער איז געווען 9.
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3763 מאל

הודעהדורך זר זהב » דינסטאג מערץ 12, 2013 11:27 pm

מיין ווייב זאגט אויך 9.

איך קענישט מעטה
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4203 מאל

הודעהדורך יאנקל » דינסטאג מערץ 12, 2013 11:28 pm

יואליש האט געשריבן:כ'האב נישט געליינט די אריגינעלע תגובה. מיין ערשטע ענטפער איז געווען 9. מיין צווייטע צד איז געווען 1. די ענטפער צו די שאלה איז די ריכטיגע סדר און דין קדימה פון די אפעראציעס. כ'בין נישט גרויס אין אלעגברא, אבער מיר ליגט אין קאפ אז טיימס און דיוויזישען זענען אויפן זעלבן שטאפל, ממילא איז דא צוויי צדדים. אבער ס'איז זיכער דא א דין קדימה ווען די צוויי שלאגן זיך אויס. איז ניתי ספר ונחזי.

מיר דוכט זיך אז צווישן פלוס-מינוס און טיימס-דיוויזשען מאכט נישט קיין חילוק וועלכעס איז ערשט אויב מ'גייט אייביג פון לינקס אויף רעכטס.
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3763 מאל

הודעהדורך יידל » דינסטאג מערץ 12, 2013 11:38 pm

יא אזוי האב איך אויך אלץ געוואוסט.
רבון העולמים, היינט באחרית הימים; רבון העולמים, ווי מיר לעבן היינט איז שווער צו זיין א תמים. - שלמה גרטנר, והתקין
באניצער אוואטאר
יידל
חבר ותיק
חבר ותיק
 
הודעות: 4914
זיך רעגיסטרירט: זונטאג פעברואר 26, 2012 12:44 am
האט שוין געלייקט: 2918 מאל
האט שוין באקומען לייקס: 4383 מאל

הודעהדורך יואליש » דינסטאג מערץ 12, 2013 11:52 pm

אט דאס איז די שאלה דא; וויאזוי שליכט מען דעם מי בראש פראגע? חוץ אויב מ'זאגט טאקע דאס, אז מ'גייט פון לינקס אויף רעכטס (רח"ל) און מ'גייט נאך מוקדם בקרא. דאן איז די ענטפער, אזוי ווי במושכל ראשון, 9.
באניצער אוואטאר
יואליש
חבר ותיק
חבר ותיק
 
הודעות: 2508
זיך רעגיסטרירט: זונטאג אפריל 22, 2012 7:36 pm
האט שוין געלייקט: 1574 מאל
האט שוין באקומען לייקס: 3858 מאל

הודעהדורך נולד מאוחר » מיטוואך מערץ 13, 2013 1:51 am

הציץ א דאנק פארן מיר טיטשען נייע זאכן.
נולד מאוחר
חבר ותיק
חבר ותיק
 
הודעות: 3799
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4652 מאל
האט שוין באקומען לייקס: 1880 מאל

הודעהדורך sunbar » מיטוואך מערץ 13, 2013 9:30 am

וואס איז דאס?

6÷3 (2x9)
sunbar
ידיד ותיק
ידיד ותיק
 
הודעות: 862
זיך רעגיסטרירט: דאנערשטאג יולי 26, 2012 6:58 pm
האט שוין געלייקט: 0 מאל
האט שוין באקומען לייקס: 147 מאל

הודעהדורך לאדיך אפ » מיטוואך מערץ 13, 2013 10:11 am

לאמיך טריייען, אזוי וועל איך זען צי הציץ איז א גוטע טיטשער.
2 טיימס 9 = 18
18 טיימס 3 = 46
46 דיוויידיד ביי 6 = 7 רימעינדער 4
באניצער אוואטאר
לאדיך אפ
ידיד ותיק
ידיד ותיק
 
הודעות: 660
זיך רעגיסטרירט: מיטוואך מערץ 14, 2012 10:49 pm
האט שוין געלייקט: 299 מאל
האט שוין באקומען לייקס: 243 מאל

הודעהדורך געפילטע פיש » מיטוואך מערץ 13, 2013 12:41 pm

18 טיימס 3 איז וויפיל?
געפילטע פיש
חבר ותיק
חבר ותיק
 
הודעות: 6943
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5488 מאל
האט שוין באקומען לייקס: 7524 מאל

הודעהדורך Ben-Shishim » מיטוואך מערץ 13, 2013 12:43 pm

לאדיך אפ האט געשריבן:לאמיך טריייען, אזוי וועל איך זען צי הציץ איז א גוטע טיטשער.
2 טיימס 9 = 18
18 טיימס 3 = 46
46 דיוויידיד ביי 6 = 7 רימעינדער 4



Since when is 18x3=46 ?
אויב האסטו א יאר אין א מיטוואך איבריג, וועל איך שרייבען אין יודיש
Otherwise I will type in English, sorry about that.
Ben-Shishim
ידיד השטיבל
ידיד השטיבל
 
הודעות: 180
זיך רעגיסטרירט: זונטאג דעצעמבער 16, 2012 2:23 pm
האט שוין געלייקט: 692 מאל
האט שוין באקומען לייקס: 73 מאל

הודעהדורך זר זהב » מיטוואך מערץ 13, 2013 12:44 pm

...since 2 hrs ago
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4203 מאל

הודעהדורך הציץ ונפגע » מיטוואך מערץ 13, 2013 4:31 pm

געפילטע פיש האט געשריבן:שוין, אז מיר האבן שוין יא א מאטעמאטיקער דא, אפשר ביזטו מיר מסביר דעם קאלקולאציע?

בילד

איך פלאג זיך אויף דעם זינט די מאנטי האלל אשכול. (קידינג)

וויאזוי קען מען עס מסביר זיין איך איך ווייס נישט צו וואס דער איקוועזשאן באציט זיך? וויאזוי הייסט די איקוועזשאן?
הציץ ונפגע
ידיד השטיבל
ידיד השטיבל
 
הודעות: 197
זיך רעגיסטרירט: מיטוואך אוגוסט 29, 2012 7:07 pm
האט שוין געלייקט: 99 מאל
האט שוין באקומען לייקס: 392 מאל

הודעהדורך געפילטע פיש » מיטוואך מערץ 13, 2013 4:47 pm

דאס איז בייע'ס טעארעם צו פארענטעפערן די מאנטי האלל פראבלעם.
געפילטע פיש
חבר ותיק
חבר ותיק
 
הודעות: 6943
זיך רעגיסטרירט: מיטוואך פעברואר 29, 2012 11:16 am
האט שוין געלייקט: 5488 מאל
האט שוין באקומען לייקס: 7524 מאל

הודעהדורך ממרום שלח אש » מיטוואך מערץ 13, 2013 6:27 pm

אין פראגראמינג איז פשוט, אז קלאמערן געבן דין קדימה, און די קאמפיוטער טוט טאקע אזוי להלכה ולמעשה.

ביי די וועי, די אויסלייג און באגריפן פון פראגראמינג איז באזירט אויף אלגעברא, אז מען קען אלגעברא, איז פראגראמינג אסאך מער קרוב אל השכל.

די איידיע פון וועריבעלס, קלאמערן, ועוד.
"ווי דער גוטער בוך זאגט, אז מען שפייט אין די לופט, לאנדעט עס אין פנים"
ממרום שלח אש
היימישער באניצער
היימישער באניצער
 
הודעות: 539
זיך רעגיסטרירט: דינסטאג פעברואר 26, 2013 3:56 pm
האט שוין געלייקט: 544 מאל
האט שוין באקומען לייקס: 717 מאל

הודעהדורך קאווע טרינקער » פרייטאג מערץ 15, 2013 4:21 pm

ממרום שלח אש האט געשריבן:ביי די וועי, די אויסלייג און באגריפן פון פראגראמינג איז באזירט אויף אלגעברא, אז מען קען אלגעברא, איז פראגראמינג אסאך מער קרוב אל השכל.

אז דו גייסט אריין טיפער, וועסטו זעהן, עכ"פ מיט די ביינערי סיסטעם אז א CPU רעכענט נאר +.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8491 מאל

הודעהדורך לאדיך אפ » זונטאג מערץ 17, 2013 10:03 am

סארי כהאב געמאכט א מיסטעיק מיט 18 טיימס 3. ס'איז 54. נאכדעם מאכט מען 54 דיוויידיד ביי 6 = 9
באניצער אוואטאר
לאדיך אפ
ידיד ותיק
ידיד ותיק
 
הודעות: 660
זיך רעגיסטרירט: מיטוואך מערץ 14, 2012 10:49 pm
האט שוין געלייקט: 299 מאל
האט שוין באקומען לייקס: 243 מאל

הודעהדורך קאווע טרינקער » זונטאג מערץ 17, 2013 1:00 pm

לדעתי איז דער ענטפער 9.
וויבאלד די איינציגסטע וועג וויאזוי דאס צו שרייבען אין קאוד איז דורך צולייגען א * פאר די ערשטע האלב לבנה, ע''כ איז נישט מסתבר אז ס'זאל זיין אן אנדערע ענטפער געוואנדען צו דאס איז געשריבן אויף פאפיר אדער אין קאוד.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8491 מאל

הודעהדורך פארוואס? » זונטאג פעברואר 02, 2014 4:04 pm

איך וואלט מציע געווען צו לייענען די בייגעלייגטע ארטיקל, כאטש וואס עס איז געשריבן אין עברית, איז עס זייער קלאר און שיין...
http://www.gadial.net/2011/05/02/damn_stupid_equation/
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1539 מאל

הודעהדורך שבת אחים » דאנערשטאג נאוועמבער 12, 2015 6:51 am

MATH איז ראשי תיבות:
MATH=Mental Abuse To Humans
:) :P
https://www.facebook.com/MATHMental-Abu ... 749471075/
פאר חסידות, אידישקייט און רעליגיע האט די אהבת ישראל אונז געלערנט וואס פאר א סארט מענטש מען דארף צוזיין, ווי די אמרי חיים פלעגט אייביג זאגן ״לדעתי איז די טאטע געוועהן מן המובחר האנושי״
באניצער אוואטאר
שבת אחים
חבר ותיק
חבר ותיק
 
הודעות: 6174
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4848 מאל
האט שוין באקומען לייקס: 3598 מאל

נעקסט

גיי צוריק וויסנשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 5 געסט

cron