ניוטאנ'ס ערשטע געזעץ איבער מאושן

אין דער וועלט פון נאטור און וויסנשאפט

ניוטאנ'ס ערשטע געזעץ איבער מאושן

הודעהדורך פארוואס? » מאנטאג יולי 14, 2014 5:52 pm

ברשות כל הקהל הקודש, וויל איך דא באשרייבן די דריי געזעצן פון ניוטאן, וועלכע זענען די באזיס פון די גאנצע קלאסישע פיזיקס. איך וועל אנפאנגען קודם מיטן ערשטן געזעץ, און איך וועל האפנטליך נאכפאלגן מיט דאס איבעריגע.

ווער איז עס ניוטאן?

פי4.jpg
פי4.jpg (198.25 KiB) געזען געווארן 2432 מאל
סיר אייזיק ניוטאן (Sir Isaac Newton) איז געווען אן ענגלישער פיזיקער און מאטעמאטיקער, וועלכער האט געלעבט אין מזרח ענגלאנד אין די יאהרן 1642-1727 למספרם, (וואס קומט אויס ה'ת"ג-תפ"ז אויפן אידישן לוח).

ניוטאן ווערט פאררעכנט היסטאריש אלס דער גרעסטער סייענטיסט אין די היסטאריע וועלכער האט געהאט אן אייגנארטיגע איינפלוס איבער טיעראטישע פיזיקס, ביזן אנקום פון אלבערט איינשטיין וועלכער האט איבערגענומען זיין פלאץ. עס איז נישט דא דער פלאץ צו אויסרעכענען זיינע אלע ערפינדונגען וואס ער האט אונז איבערגעלאזט במשך זיינע 85 יאהרן וואס ער האט געלעבט אויף אונזער ערד-קוגל, ווייל די ליסט איז זייער לאנג. מיר וועלן זיך בעיקר קאנצעטרירן איבער זיינע געזעצון איבער מאושן. ניוטאנ'ס בליק איז געווען אז די געזעצן פונעם נאטור זענען געבינדן צו מאטעמאטישע געדאנקען, און זיי גייען צוזאמען און מסודר'דיג, און דורך זיי עקזיסטירט אונזער יוניווערס.

די דריי געזעצן


פי7.jpg
פי7.jpg (11.82 KiB) געזען געווארן 2437 מאל


אינעם יאהר 1687 למספרם (ה'תמ"ז) האט ער ארויסגעגעבן א בוך מיטן נאמען (אין לאטייניש) “PHILOSOPHIE NATRUALIS PRINCIPIA MATHEMATICA” באקאנט אלס "פרינקיפיע". דער באדייט אין אידיש איז "די מאטעמאטישע פרינציפן פאר די פילאזאפיע פונעם נאטור". אינעם בוך האט ער אראפגעלייגט דריי פונדעמאנטאלע געזעצן, און דורך זיי – באנוצנדיג זיך מיט די "קאלקולוס" וואס ער האט אנטוויקלט – האט ער סוקסעספול ערקלערט אסאך פראבלעמאטישע פאקטן און געשעהנישן אינעם נאטור, און ער האט אויפגעוויזן ווי עס ליגן אונטער זיי ריינע מאטעמטישע פורמאלעס. (צווישן זיי די באקאנטע קאפלער געזעצן).

די ערשטע געזעץ

די ערשטע געזעץ איז באקאנט אין ענגליש אלס "Law of Inertia" (אין עברית – "עיקרון ההתמדה"). דער געזעץ שטייט אין באזיס פון די נייע פיזיקס פונעם 17'טן יאהר הונדערט, און איז נאך אלס גילטיג אין די היינטיגע מאדערנע פיזיקס.
היסטאריש גערעדט קומט נישט די קרעדיט פארן אויסטרעף פונעם געזעץ נאר פאר ניוטאן, ווייל דאס האט שוין פון פריער אהערגעשטעלט געווארן דורך גאלילעא גאלילעי (1564-1642, שכ"ד-ת"ב) (עס איז צו אנמערקן אז אינעם זעלבן יאהר וואס גאלילעי איז געשטארבן איז ניוטאן געבוירן געווארן. עס דערמאנט די באקאנטע גמרא (קידושין ע"ב:) כשמת ר"ע נולד רבי וכו' ). אבער וויבאלד ניוטאן האט עס פארברייטערט און קלארער געמאכט, איז עס פאררופן געווארן על שמו, ווערנדיג אריינגערעכנט אלס די ערשטע פון זיינע דריי געזעצן.

אלזא, די געזעץ זאגט אזוי:
Law I: Every body persist in its state of being at rest or moving uniformly straight forward, except insofar as it is compelled to change its state by force impressed.

אין א פרייע איבערזעצונג אויף אידיש:
ערשטע געזעץ: יעדער גוף וועט פארזעצן אין זיין מצב פון ליגן רואיג אדער זיך רוקן גלייך פאראויס אין א קביעות'דיגע שנעלקייט, חוץ און כל עוד עס ווערט געצווינגען זיך צו טוישן זיין מצב דורך כח וואס טוהט איהם בעאיינפלוסן.


אויב דאס איז גענוג קלאר און פארשטענדליך פאר אייך, דאן האט איהר נישט פארוואס צו לייענען ווייטער און פארשווענדן אייערע טייערע צייט, (איהר קענט גיין לייענען איבער די רעלעטיוו טעאריע אדער קוואנטום פיזיקס), אבער פאר די וועלכע וואס ווילן פראבירן פארשטיין וואס ליגט אונטער אט די דאזיגע ווערטער, וואס איז דער חידוש דערין און וואס נישט, דארפן מיר אריבערגיין און איבערפרישן עטליכע פונדעמאנטאלע באגריפן אין פיזיקס.

שנעלקייט ] (velocity/ מהירות). עס קען געמאסטן ווערן די שנעלקייט וואס אן אביעקט רוקט זיך דורכן אבזערווירן די ווייטקייט וואס דער אביעקט האט זיך גערוקט אין א געוויסע צייט. אין די היינטיגע קארס איז דאס זייער באקאנט אלס מפ"ש (מייל פער שעה) אין די טראדיציאנאלע מדינות, אדער קמ"ש (קילאמעטער פער שעה) אין די מער ליבעראלע מדינות.

אקסעלערעישן – (Acceleration/תאוצה). דאס הייסט פארגרעסערן שנעלקייט. מען קען מעסטן די אקסעלערעישן פון אן אביעקט דורכן טויש פון די שנעלקייט אין וועלכע ער פארט. למשל ווען א קאר וואס האט אנגעפאנגען צו פארן מיט 0 מפ"ש און נאך איין מינוט איז ער שוין געפארן אויף א ספיד פון 1 מפ"ש, און נאך 10 מינוט איז ער געפארן 10 מפ"ש, און נאך 20 מינוט 20 מפ"ש, און אזוי ווייטער. דעמאלס הייסט עס אז דער קאר'ס אקסעלערעישן איז 1. (עס איז אביסל א טריקי נושא, אבער איך וועל עס לאזן אזוי ווי עס שטייט דא).

קביעות'דיגע שנעלקייט - (מהירות קבועה / Constant Velocity. דאס איז ווען אן אביעקט רוקט זיך אין א געוויסע צייט, מיט די זעלבע מאס במשך די גאנצע צייט וואס ער ווערט אבזערווירט. למשל ווען א קאר פארט אויף קרוז, פארט די קאר אויף א קביעות'דיגע שנעלקייט.

כח – (force). כפשוטו, עס פאדערט נישט קיין איבעריגע הסברים, א כוח אין פיזיקס, איז עפעס וואס קען גורם זיין פאר אן אביעקט צו טוישן זיין מצב אנדערש ווי ער איז פון פארדעם. עס איז דא פארשידענע וועגן ווי אזוי צו אפמעסטן די פארשידענע גרויסקייטן פון שוואכערע און שטארקערע כחות.

וועקטאר - (vector/וקטור). דאס איז א מאס פון א געוויסע גרויסקייט וואס גייט צוזאמען מיט א ריכטונג. עס קען ווערן געשריבן אלס: בילד . אנדערש ווי למשל ווען מ'רעדט פון א גרויסקייט פון א געוויסע אביעקט (לענג / ברייט / וואג) וואס קומט נישט צוזאמען מיט א ריכטונג.

אלזא, צוריק צום געזעץ, מיר זעהן אז די געזעץ רעדט לכאורה איבער צוויי באזונדערע פעלער, איינס איבער אן אביעקט וואס ליגט רואיג און רוקט זיך נישט, און די צווייטע איבער אן אביעקט וואס פארט אין א גלייכע ליניע מיט אן אייניגע שנעלקייט, לאמיר קודם פארשטיין די ערשטע פאל.

לאמיר זיך פארשטעלן א שטיין וואס ליגט אויפן ערד, איז זעלבסט פארשטענדליך (ווייל צו דעם זענען מיר צוגעוואוינט אינעם טאג-טעגליכן לעבן) אז די שטיין וועט בלייבן שטיין ווי א קלאץ אויף אייביג, ביז עס וועט קומען פון ערגעצוואו א געוויסע כח, זאל עס זיין א מענטש, א מאשין, אדער א שטארקע ווינט (אויב דער כח איז גענוג שטארק צו רוקן דעם שטיין, געוואנדן אין די וואג פון די שטיין און אין די שטארקייט פונעם כח, ווי מיר וועלן זען מער דעטאלירט אינעם צווייטן געזעץ), דעמאלס און נאר דעמאלס וועט זיך טוישן דער מצב פון דעם שטיין. אויב אזוי, איז זייער ריכטיג צו זאגן אזוי ווי דער געזעץ זאגט, אז ער וועט אזוי בלייבן פאר אייביג כל עוד ער ווערט נישט בעאיינפלוסט פון אן אנדער כח.

אבער ווען מיר גייען צום צווייטן פאל פונעם געזעץ איז עס ממש אומפארשטענדליך, אונז זענען מיר צוגעוואוינט פונקט פארקערט, אונז זעהן אז יעדע זאך וואס רוקט זיך (דהיינו – ער איז מאושן, ער טוישט פאזיציע) פאדערט נאכאנאנדע ענערגיע (דהיינו – כח) צו קענען פארזעצן אין זיין וועג, אפילו נאר אויף צו בלייבן אויפן זעלבן שנעלקייט. זאל עס זיין א קאר, אן עיראפלעין אדער וואס נישט. און דער אמת איז, אז טאקע ביז ניוטאנ'ס צייטן (אדער גאלילעי'ס צייטן) האט מען טאקע געגלויבט אין די פיזיקס וואס אריסטו האט אהערגעשטעלט, און געהאלטן אז מען מוז אפערירן א געוויסע כח כדי צו אנהאלטן מאושן, און ווען מ'לאזט נאך און מ'געבט שוין מער נישט קיין כח, וועט אויטאמאטיש דער אביעקט צוריקגיין צו דיפאלט, און בלייבן שטיין רואיג אין א מצב מנוחה.

און טאקע דא ליגט באהאלטן דער עיקר חידוש פונעם געזעץ, ווייל גאלילעי און ניוטאן האבן מצליח געווען צו ארויסגיין פון אונזער נאטורליכע מצומצמ'דיגע באקס אין וועלכע מיר זענען געבוירן געווארן, וואס דאס איז "די ערד קוגל". זיי האבן באטראכט די אוניווערסאלע געזעצן פונעם נאטור, נעמענדיג אין באטראכט אז יעדע אביעקט וואס איז נאנט צום ערד-קוגל ווערט בעאיינפלוסט פון די גראוויטי (כח המשיכה) פונעם ערד-קוגל, און אזוי אויך פון די לופט אין וואס ער רייבט זיך נאכאנאנד אריין, דעריבער קענען מיר נישט באשטימען די אוניווערסאלע געזעצן דורך די התנהגות פון די אביעקטן אויף אונזער וועלט.

אט דא קומען ניוטאן און גאלילעי און זיי זאגן אונז, אז בעצם אין דיפאלט וואלט יעדער אביעקט געדארפט ווייטער ממשיך זיין מיט זיין נסיעה אהן ער זאל דארפן באנוצן ענערגיע, ער דארף נישט קיין שום כח וואס זאל עם שטופן אדער שלעפן כדי צו פארן אויף א קביעות'דיגע שנעלקייט. און טאקע דאס איז די סיבה פארוואס די אלע שטערנס אין ספעיס נוצן נישט קיין גאז סטאנציעס צו אנפיהלן זייערע טענק, און זיי פארן אויף אומגלויבליכע שנעלקייטן אהן קיין שום באנוץ פון ענערגיע, (בעצם, איז עס נישט ממש אזוי ווייל זיי האבן די כח המשיכה פון די זוהן, אבער דאס איז א שמועס פאר זיך...).

יעצט לאמיר צוריק לאנדן אויף אונזער ערד קוגל, עס איז נישט פארהאן קיין שום סתירה פון אונזער טאג-טעגליכע איבערלעבענישן צו ניוטאנ'ס געזעץ, ווייל דאס וואס אונזערע קארס באנוצן אזויפיהל פון די טייערע פליסיגקייט, איז נאר וועגן די גראוויטי און די לופט. דהיינו, בעצם וואלט יעדע קאר געדארפט ממשיך זיין צו פארן אהן קיין שום ענערגיע באנוץ, די מינוט וואס מ'האט איהם געלייגט אויף 60 מפ"ש, וואלט ער געדארפט ממשיך זיין אויף אייביג און פארן אויף א גלייכע לינע פון 60 מפ"ש. נאר וואס דען? די געזעץ זאגט: "חוץ אויב ער ווערט געצווינגען צו טוישן זיין מצב דורך אן איינפלוס פון א כח", וואס דאס איז בעצם וואס געשעהט מיט אונזערע קארס עס זענען דא צוויי כחות וואס האלטן צוריק אונזער קאר פון פארן, דאס איז די גראוויטי (וואס איז בעיקר שטארק ווען מ'פארט בארג ארויף) און די לופט וואס רייבט זיך אריין אין די קאר און שטעלט א ווידערשטאנד, (אן עקסטערע שמועס פאר זיך, אינעם דריטן געזעץ).

אלזא, ווען מיר גייען צוריק צום ערשטן פאל, וואס איז געווען פריער אזוי פארשטענדליך און פשוט, איז שוין יעצט נישט ממש אזוי. ווייל די שטיין וואס ליגט אויפן ערד איז נישט ממש באפרייט פון אלע כחות, ער האט דאך א כח המשיכה וואס ארבעט אויף איהם און שלעפט איהם צו די ערד. דעריבער איז וויכטיג צו אויסשמועסן אז די ערשטע פאל פון די געזעץ הערט זיך שענער, אויב זאלן מיר נעמען אן אביעקט און איהם לייגן אין ספעיס, אינמיטן דעם טונקעלעם גארנישט (ווייט אוועק פון יעדע שטערן וואס קען איהם בעאיינפלוסן דורך זיין גראוויטי), און מיר זאלן איהם אוועקלייגן ער זאל בלייבן שטיין און קלאצן, (איך ווייס אז נאך ווען איהר וועט לייענען איבער די רעלעטיוו טעארי, וועט איהר נישט מסכים זיין מיט אזא געדאנק, אבער איהר דארפט געדענקען אז ניוטאן האט נאכנישט געוואוסט פון קיין איינשטיין צו זאגן, און ער האט געהאלטן/געמיינט אז עס איז יא דא אן אבסולוטע סיסטעם, וואס יעדע אביעקט ווערט געמאסטן לויט דעם), וועט ער בלייבן אזוי שטיין אויף אייביג, אהן ער זאל דארפן עפעס זאל איהם אונטערהאלטן.

איי, וועט איהר פרעגן, פארוואס דא אויף אונזער ערד-קוגל איז נישט אזוי, אויב זאל איך לייגן א גלאזערנעם טעלער אינמיטן די לופט, וועט נישט נעמען קיין צוויי סעקונדעס (געוואנדן ווי הויך איך וועל עס לייגן) ביז איך וועל טרעפן א צופיצלטע טעלער אויפן ערד? דער תירוץ איז ווידער כח המשיכה, דאס איז די גראוויטי וואס די ערד קוגל אפערירט איבער יעדע אביעקט וואס איז גענוג נאנט צו איהר און שלעפט איהם צו זיין צענטער. דעריבער נאר אויב די אביעקט האט אן אנדערע כח וואס האלט איהם אפ, (זאל עס זיין א טיש, א בענקל, אדער די ערד), און ער שטעלט א ווידערשטאנד (לאמיר עס לאזן פארן דריטן געזעץ), דעמאלס בלייבט דער אביעקט שטיין.

נאך וואס דאס איז קלאר, קענען מיר צוקומען צום אויספיהר פון די געזעץ, אז דאס וואס אונז זאגן מיר אז דער אביעקט וועט בלייבן שטיין אדער פארן, דאס איז אלעס נאר מיטן תנאי אז עס איז נישטא קיין כחות וואס פארסן איהם צו זיך טוישן. אבער ווען עס קומען אריין אינעם בילד אנדערע כחות, דעמאלס איז די בילד אינגאנצן אנדערש, (אזוי ווי מיר וועלן זעהן מער דעטאלירט אינעם צווייטן געזעץ). דעמאלס קענען מיר שוין נישט פארזיכערן אז דער אביעקט וועט בלייבן אויפן זעלבן מצב.
אבער עס איז דא א פאל, וואס כאטש עס זענען פארהאן כחות אויפן אביעקט, מיט דעם וועלן די כחות נישט בעאיינפלוסן די מאושן פון דעם אביעקט, אזוי ווי עס זאל נישט זיין קיין שום כחות אויף איהם. למשל, אויב עס קומט א מענטש פון די רעכטע זייט און ער פאנגט אן שטיפן דעם אביעקט מיט א כח וואס איז שטארק 100 ק"ג פער מעטער, און אין די זעלבע צייט קומט אן אנדערער פון די לינקע זייט, מיטן זעלבן מאס כח, און ער שטיפט אויף רעכטס, וועט דער שטיין בלייבן ליגן אויף זיין פלאץ, כאילו קיין שום כח זאל איהם נישט בעאיינפלוסן.

און די זעלבער כלל איז ווען אן אביעקט פארט אויף א געוויסע שנעלקייט, און עס קומט א כח פון איין זייט, לאמיר זאגן א ווינט, און שטיפט איהם פאראויס, (וואס וואלט געדארפט גורם זיין אז דער אביעקט זאל אנפאנגען צו אקסעלערעיטן), און דערצו קומט א ווינט מיט די זעלבע מאס כח, און שלעפט איהם אויף די פארקערטע ריכטונג, וועט דער אביעקט פארזעצן צו זיך רוקן אויף די זעלבע שנעלקייט וואס איז געפארן בעפאר די צוויי כחות האבן איהם אפערירט.

אין אנדערע ווערטער, ווען עס זענען דא צוויי באזונדערע כחות, וואס יעדע איינס שלעפט אויף די פונקט פארקערטע דירעקציע, און ביידע פארמאגן די זעלבע מאס כח, דעמאלס ווערט פאררעכנט די וועקטארישע סומע פון ביידע כחות צו זיין 0. למשל ווען איין כח שטיפט מיט א כח פון 75 ק"ג פער מעטער אויף רעכטס, און אן אנדער כח שלעפט אויף לינקס מיט א כח פון 75 ק"ג פער מעטער, קומט אויס אז די וועקטארישע סומע פון די כחות איז 0. (ווייל 0=75-75).

אלזא, קענען מיר צוזאמנעמען ביידע פעלער אונטער איין פאל, און שרייבן אין קורצן: א גוף איז ממשיך אין זיין ארגינעלע מאושן, כל עוד די סומע פון די כחות וואס אפערירן אויף איהם איז 0.

און אזוי אויך קענען מיר באטראכטן די צוויי פעלער, (ווען דער אביעקט שטייט און ווען ער רוקט זיך), אלס איין פאל, אז דער אקסעלערעישן איז 0. ווייל ווען אן אביעקט פארט אויף א קביעות'דיגע שנעלקייט, נישט קיין חילוק ווי שנעל עס זאל נאר זיין, איז זיין אקסעלערעישן 0. וויבאלד ער פארגרעסערט נישט זיין שנעלקייט. און דאס זעלבע איז ווען דער אביעקט שטייט ווי א קלאץ אויף איין פלאץ איז אויך זיין אקסעלערעישן 0.

אט דאס ווערט נאך מער פשוט'ער נאך ווען מען נעמט אין באטראכט די רעלעטיוו פרינסיפל פון גאלילעי (אויף וועלכע די רעלעטיוו טעאריע פון איינשטיין איז געבויעט), ווייל לויט דעם איז באמת נישטא קיין צווישנשייד ווען אן אביעקט רוקט זיך אויף א קביעות'דיגע שנעלקייט צו אן אביעקט וואס שטייט רואיג אויף איין פלאץ, ווייל דאס איז אלעס נאר רעלעטיוו צו די שטאנדפונקט פונעם אבזערווירער, (אזוי ווי @ונבנתה העיר האט שוין פיין ערקלערט במקומו).
רעדאגירט געווארן צום לעצט דורך פארוואס? אום דינסטאג יולי 15, 2014 2:39 pm, רעדאגירט געווארן 2 מאל בסך הכל.
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך ראובן » מאנטאג יולי 14, 2014 6:25 pm

אויסערגעווענליכער הערליכער ארטיקל!
לאמיר האפן אז דער עולם וועט דאס אפרישיעיטן, און וועסט האבן חשק צו גיין ווייטער.
פארוואס? האט געשריבן:און טאקע דאס איז די סיבה פארוואס די אלע שטערנס אין ספעיס נוצן נישט קיין גאז סטאנציעס צו אנפיהלן זייערע טענק, און זיי פארן אויף אומגלויבליכע שנעלקייטן אהן קיין שום באנוץ פון ענערגיע, (בעצם, איז עס נישט ממש אזוי ווייל זיי האבן די כח המשיכה פון די זוהן, אבער דאס איז א שמועס פאר זיך...).

לכאורה מיינסטו פלאנעטן, נישט שטערנס וועלכע זענען זונען אליין און ווערן נישט אפעקטירט פון אונזער זון.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2411
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2983 מאל
האט שוין באקומען לייקס: 9439 מאל

הודעהדורך כוכב » מאנטאג יולי 14, 2014 6:53 pm

@פארוואס?, קוש אין נאז! ברוך חכם הרזים, ווי וואנט מאור.
כוכב
חבר ותיק
חבר ותיק
 
הודעות: 2422
זיך רעגיסטרירט: מוצ"ש דעצעמבער 07, 2013 7:35 pm
האט שוין געלייקט: 4950 מאל
האט שוין באקומען לייקס: 6783 מאל

הודעהדורך שפתים ישק » מאנטאג יולי 14, 2014 7:22 pm

שפתים קישאקTM!
שפתים ישק
מאנשי שלומינו
מאנשי שלומינו
 
הודעות: 117
זיך רעגיסטרירט: מיטוואך אקטאבער 02, 2013 11:24 pm
האט שוין געלייקט: 214 מאל
האט שוין באקומען לייקס: 179 מאל

הודעהדורך ונבנתה העיר » מאנטאג יולי 14, 2014 10:35 pm

נאכנישט געלייענט, אבער קודם מוז איך אויסדרוקן מיין געוואלדיגע הכרת הטוב אויף אזא טייערע ארבעט, כל הברכות יחולו על ראשך, והמשכילים יזהירו.
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3591
זיך רעגיסטרירט: מיטוואך יולי 25, 2012 5:41 am
האט שוין געלייקט: 7091 מאל
האט שוין באקומען לייקס: 7046 מאל

הודעהדורך פארוואס? » דינסטאג יולי 15, 2014 12:18 pm

ראובן האט געשריבן:לכאורה מיינסטו פלאנעטן, נישט שטערנס וועלכע זענען זונען אליין און ווערן נישט אפעקטירט פון אונזער זון.

איך גיי יעצט נישט אריין אין די פונקטליכע דיפרענץ צווישן שטערנס און פלאנעטן, אבער דאס איז איינמאל זיכער אז שטערנס דרייען זיך אויך ארום אין ספעיס ארום די צענטער פון די גאלעקסיע.
(און בדרך אגב, פלאנעטן זענען לאו דוקא אזעלכע וואס ווערן אפעקטירט פון "אונזער זון").
רעדאגירט געווארן צום לעצט דורך פארוואס? אום דינסטאג יולי 15, 2014 3:07 pm, רעדאגירט געווארן איין מאל בסך הכל.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך נהורא נפישא » דינסטאג יולי 15, 2014 1:18 pm

פארוואס, לויט ווי איך דענק איז ביידע פון דיינע פאקטן נישט ריכטיג, קען זיין די טעות איז מיינע, אדרבה קענט איר אנצייכענען א מקור ?
למה נקרא שמו רבי נהוראי, שמנהיר עיני חכמים (עירובין:)
נהורא נפישא
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1592
זיך רעגיסטרירט: דינסטאג יולי 23, 2013 9:42 pm
האט שוין געלייקט: 1873 מאל
האט שוין באקומען לייקס: 2050 מאל

הודעהדורך נהורא נפישא » דינסטאג יולי 15, 2014 2:53 pm

ריכטיג מיט דעם פרט.http://www.galaxymaine.com/SA/SA6m.htm
שטערנס זענען אבער פיקסד אין רילעשאנס צו איינער דעם אנדערען אין די גאלאקסי זעלבסט.
אבער קען דען זיין א פלאנעט וואס דרייט זיך ארום סיי וואספארא שטערן ווי למשל אינעם סאלאר סיסטעם ארום די זון וואס זאל נישט זיין באיינפלוסט פון יענעם פרטיותדיגן שטערן ארום זי דרייט זיך ?
למה נקרא שמו רבי נהוראי, שמנהיר עיני חכמים (עירובין:)
נהורא נפישא
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1592
זיך רעגיסטרירט: דינסטאג יולי 23, 2013 9:42 pm
האט שוין געלייקט: 1873 מאל
האט שוין באקומען לייקס: 2050 מאל

הודעהדורך פארוואס? » דינסטאג יולי 15, 2014 3:06 pm

נהורא נפישא האט געשריבן:פארוואס, לויט ווי איך דענק איז ביידע פון דיינע פאקטן נישט ריכטיג, קען זיין די טעות איז מיינע, אדרבה קענט איר אנצייכענען א מקור ?

1. די ערשטע פאקט:
לייען דא

2. די צווייטע פאקט:
An exoplanet or extrasolar planet is a planet that does not orbit Earth's Sun and instead orbits a different star, stellar remnant, or brown dwarf
.
פון וויקיפידיע.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך פארוואס? » דינסטאג יולי 15, 2014 3:10 pm

נהורא נפישא האט געשריבן:ריכטיג מיט דעם פרט.http://www.galaxymaine.com/SA/SA6m.htm
שטערנס זענען אבער פיקסד אין רילעשאנס צו איינער דעם אנדערען אין די גאלאקסי זעלבסט.
אבער קען דען זיין א פלאנעט וואס דרייט זיך ארום סיי וואספארא שטערן ווי למשל אינעם סאלאר סיסטעם ארום די זון וואס זאל נישט זיין באיינפלוסט פון יענעם פרטיותדיגן שטערן ארום זי דרייט זיך ?

זעהט אויס דו האסט מיר נישט פארשטאנען ריכטיג. איך האב זעלבסטפארשטענדליך נישט גערעדט פון פלאנעטן פון אונזער סאלער סיסטעם, ווייל זיי ווערן זיכער בעאיינפלוסט פון אונזער זון, איך רעד איבער פלאנעטן וואס דרייען זיך ארום אנדערע שטערנס.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך ראובן » דינסטאג יולי 15, 2014 3:18 pm

פארוואס? האט געשריבן:
ראובן האט געשריבן:לכאורה מיינסטו פלאנעטן, נישט שטערנס וועלכע זענען זונען אליין און ווערן נישט אפעקטירט פון אונזער זון.

איך גיי יעצט נישט אריין אין די פונקטליכע דיפרענץ צווישן שטערנס און פלאנעטן, אבער דאס איז איינמאל זיכער אז שטערנס דרייען זיך אויך ארום אין ספעיס ארום די צענטער פון די גאלעקסיע.
(און בדרך אגב, פלאנעטן זענען לאו דוקא אזעלכע וואס ווערן אפעקטירט פון "אונזער זון").

"פלאנעטן" מיינט בדרך כלל די וועלטן וועלכע דרייען זיך ארום אונזער זון. אנדערע פלאנעטן ווערן גערופן "עקסאפלאנעטן".
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2411
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2983 מאל
האט שוין באקומען לייקס: 9439 מאל

הודעהדורך פארוואס? » מיטוואך יולי 16, 2014 10:40 am

אין עברית ווען מ'זאגט סתם כוכב, גייט עס ארויף געווענליך אויף א כוכב שבת, אבער א כוכב-לכת קען אויך ווערן אנגערופן א כוכב.
ולכן ווען איך זאג שטערנס, (אלס אפטייטש פון כוכבים אין לשה"ק) בין איך כולל אלע מיני שטערנס און פלאנעטן.
און לאמיר זיך נישט נארן, ווען די ווארט כוכב, שטערן אדער star איז באשאפן געווארן, האט מען נישט פונקטליך געוואוסט צו זאגן א חילוק צווישן די אלע מיני שטערנס, עס איז געווען א זון, א לבנה, און שטערנס. אזוי ווי עס שטייט אין פסוק.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך ונבנתה העיר » מיטוואך יולי 23, 2014 6:53 pm

א הערליכע ארבעט, @פארוואס?, איך קוק ארויס בכליון עיניים אויפן המשך.

וואס מיינט א כח פון '75 ק"ג פער מעטער'? אז איך לייג אזויפיהל דרוק אויף יעדן מעטער אזוי ווי עס וואלט אויף יענעם מעטער געווען מעסס וואס האט א וואג פון 75 ק"ג?

פארוואס? האט געשריבן:אויב זאל איך לייגן א גלאזערנעם טעלער אינמיטן די לופט, וועט נישט נעמען קיין צוויי סעקונדעס (געוואנדן ווי הויך איך וועל עס לייגן) ביז איך וועל טרעפן א צופיצלטע טעלער אויפן ערד [/url].

:D


אז מען רעדט שוין פון ניוטאן, עס איז דא פון איהם א קץ אויף 2060.
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3591
זיך רעגיסטרירט: מיטוואך יולי 25, 2012 5:41 am
האט שוין געלייקט: 7091 מאל
האט שוין באקומען לייקס: 7046 מאל

הודעהדורך ישראל קאפקע » מיטוואך יולי 23, 2014 7:26 pm

זייער א גוטע ארטיקל, יישר כוח פאר דיין ארבעט,

איין זאך איז נישט קלאר בכלל, די ערשטע מאל וואס דו דערמאנסט וועקטאר איז די הסבר בכלל נישט פארשטענדליך, און די דיאגראם העלפט נישט צו,
Apparently my heart was created with a defective on/off switch.

Lee Weisman ~
באניצער אוואטאר
ישראל קאפקע
חבר ותיק
חבר ותיק
 
הודעות: 2177
זיך רעגיסטרירט: מיטוואך יולי 16, 2014 7:44 pm
געפינט זיך: Big Apple, Great Satan.
האט שוין געלייקט: 1580 מאל
האט שוין באקומען לייקס: 2298 מאל

הודעהדורך פארוואס? » דאנערשטאג יולי 24, 2014 10:08 am

@ישראל קאפקע
איך מיין אז אפילו אויב מ׳פארשטייט נישט פונקטליך וואס דאס איז, דארף עס נישט אפ האלטן צו פארשטיין דער עיקר ענין. אבער אין קורצן וואס איז א וועקטאר, איז אזוי:

עס איז זענען דא צוויי סארטן מאסן, (גרייסהייטן). איינס איז א סקאלארישע גרויסהייט, וואס עס איז גענוג צו וויסן נאר די נומער. למשל, ווערד אין געלט, אז איך וויל צוזאמרעכענען מיין אינקאם פון דער חודש, דארף איך מאכן אן עקסעל שיט, אראפשרייבן אלע נומערן פון די טשעקס/קעש וואס איז אריינגעקומען במשך דעם מאנאט, און מאכן דער סך-הכל, באקום איך די סומע, פון די אינקאם במשך׳ן חודש. 
אנדערש איז ווען אונז מעסטן די כחות וואס בעאיינפלוסן אן אביעקט, אז עס וועט נישט זיין גענוג צו צוזאמרעכענען, נאר די טרוקענע נומערן.
לאמיר זאגן: איין כח שטיפט איהם 3 ק״ג פער מעטער, דער צווייטער שטיפט 10, און דער דריטער שטיפט איהם 4. דער סך הכל איז 17. 
אויף צו וויסן וויפיל די כחות בעאיינפלוסן דעם אביעקט, וועט נישט זיין גענוג צו צוזאמרעכענען די סקאלארישע סומע און באקומען 17. נאר מיר וועלן דארפן רעכענען די וועקטארישע סומע. 

דאס הייסט, דער כח פון 3 ק״ג פער מעטער שטיפט אויף מערב, און דער כח פון 10 ק״ג שטיפט אויף מזרח, און דער כח פון 4 ק״ג שטיפט ווידער אויף מערב. 

דאן די וועקטארישע סומע איז 3 ק״ג פער מעטער אויף מערב. (רעכן עס אויס). 
איך האב אנגעכאפט זייער א גרינגע און פשוטע דוגמא, כדי צו פארשטיין די געדאנק דערפון. אבער עס קען צומאל זיין אסאך מער קאמפליצירט. 
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך פארוואס? » דאנערשטאג יולי 24, 2014 10:13 am

ונבנתה העיר האט געשריבן:א הערליכע ארבעט, @פארוואס?, איך קוק ארויס בכליון עיניים אויפן המשך.

וואס מיינט א כח פון '75 ק"ג פער מעטער'? אז איך לייג אזויפיהל דרוק אויף יעדן מעטער אזוי ווי עס וואלט אויף יענעם מעטער געווען מעסס וואס האט א וואג פון 75 ק"ג?


אינעם צווייטן געזעץ דארף קלארער ווערן אט דער נושא. 
אבער פאר יעצט אז דו פרעגסט, איז אזוי:

א כח פון 1 ק״ג פער מעטער, מיינט צו זאגן אז דער דאזיגער כח ווען ער האט אן איינפלוס אויף אן אביעקט וואס באטרעפט די מאסע פון 1 ק״ג, קען איהר איהם אקסעלערעיטן ער זאל פארן אין א שנעלקייט פון איין מעטער פער 
סעקנד (סקווערד).
דעריבער א כח פון 75 ק״ג פער מעטער. מיינט אויך אז די שטארקייט פון אט דעם כח, קען שטיפן אן אביעקט וואס באטרעפט 75 ק״ג איהם צו אקסעלערעיטן אויף א שנעלקייט פון 1 מעטער פער 1 סעקונדע פער 1 סעקונדע.
געדענק און נעם און אכט, אז נאך וואס מיר האבן געלערנט דעם ערשטן געזעץ, איז שוין מער נישט ריכטיג צו זאגן סתם אז דער כח ״שטיפט״ דעם אביעקט אין א געוויסע שנעלקייט, נאר מיר מוזן דייקא זאגן ער ״אקסעלעריט״. 
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך פארוואס? » דאנערשטאג יולי 24, 2014 10:21 am

ונבנתה העיר האט געשריבן:א הערליכע ארבעט, @פארוואס?, איך קוק ארויס בכליון עיניים אויפן המשך.


פארוואס? האט געשריבן:אויב זאל איך לייגן א גלאזערנעם טעלער אינמיטן די לופט, וועט נישט נעמען קיין צוויי סעקונדעס (געוואנדן ווי הויך איך וועל עס לייגן) ביז איך וועל טרעפן א צופיצלטע טעלער אויפן ערד

:D

וואס מאכט דיר עס לאכן? ?
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך פארוואס? » דאנערשטאג יולי 24, 2014 10:36 am

ונבנתה העיר האט געשריבן:
אז מען רעדט שוין פון ניוטאן, עס איז דא פון איהם א קץ אויף 2060.


אמת. אבער ער האט געווארט אויף אינגאנצן אן אנדער משיח, וואס דו ווארטסט. (איך גלייב שווער אז דער וואס ערשיינט אויף דיין פראפיל, וואלט זיך גערעכנט מיט ניוטאנ׳ס טייטשן אין ספר דניאל…). 

אבער ווי דו ווייסט מסתמא, איז ער נישט די איינציגסטע, כמעט יעדן יאהר איז דא עפעס אן אנדערע נבואה אז עס איז די ענדע פון די וועלט. 
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך ונבנתה העיר » דאנערשטאג יולי 24, 2014 1:29 pm

עפעס געדענק איך א מאמר אין קולמוס איבער זיינע פקפוקים אין נצרות און זיין אינטערעסע אין יהדות, רובי כתביו האט מען באהאלטן לאחר מותו (אויך משום אלכימיה).

זיי האבן געהאט א פאטאסטאט פון זיינע כתבים אויף רמב"ם הל' ס"ת און בית הבחירה.
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3591
זיך רעגיסטרירט: מיטוואך יולי 25, 2012 5:41 am
האט שוין געלייקט: 7091 מאל
האט שוין באקומען לייקס: 7046 מאל

הודעהדורך ונבנתה העיר » דאנערשטאג יולי 24, 2014 1:33 pm

פארוואס? האט געשריבן:
ונבנתה העיר האט געשריבן:א הערליכע ארבעט, @פארוואס?, איך קוק ארויס בכליון עיניים אויפן המשך.


פארוואס? האט געשריבן:אויב זאל איך לייגן א גלאזערנעם טעלער אינמיטן די לופט, וועט נישט נעמען קיין צוויי סעקונדעס (געוואנדן ווי הויך איך וועל עס לייגן) ביז איך וועל טרעפן א צופיצלטע טעלער אויפן ערד

:D

וואס מאכט דיר עס לאכן? ?

איך האב הנאה ווי דו קענסט נישט פטור ווערן פון דיין סייענטיפישע פונקטליכקייט...

כאילו תאמר: מען קען אראפגיסן שמוץ אין בית הכסא (שנעלקייט געוואנדן אין די מעסס פונעם פלאנעט וואו זי געפונט זיך)...
מ'דארף צוריק אראפברענגען דעם רבי'ן

אמר ונבנתה: אל עבר החלון נשקפתי ונתתי אל לבי כי שבת האדם ממנו, חומר וגשם – ורוח אין, בחנתיו, והנה הוא תולדת מקריו – כאשר ילך המקרה כך יתעצב לבו ודמותו, לרגעים אבחננו, כאשר יאמר החכם כי אין הוויית רגע מול רגע נוצרת כי אם בהתחדש מקריו, ואל מי יקר המקרה?
באניצער אוואטאר
ונבנתה העיר
חבר ותיק
חבר ותיק
 
הודעות: 3591
זיך רעגיסטרירט: מיטוואך יולי 25, 2012 5:41 am
האט שוין געלייקט: 7091 מאל
האט שוין באקומען לייקס: 7046 מאל

הודעהדורך קול דודי » דאנערשטאג יולי 24, 2014 1:50 pm

פארוואס? האט געשריבן:
ונבנתה העיר האט געשריבן:א הערליכע ארבעט, @פארוואס?, איך קוק ארויס בכליון עיניים אויפן המשך.

וואס מיינט א כח פון '75 ק"ג פער מעטער'? אז איך לייג אזויפיהל דרוק אויף יעדן מעטער אזוי ווי עס וואלט אויף יענעם מעטער געווען מעסס וואס האט א וואג פון 75 ק"ג?


אינעם צווייטן געזעץ דארף קלארער ווערן אט דער נושא. 
אבער פאר יעצט אז דו פרעגסט, איז אזוי:

א כח פון 1 ק״ג פער מעטער. 

באמת איז דאס נישט ריכטיג. א כח איז למשל "75 ק"ג אויף א מעטער פער סעקונדע פער סעקונדע" וואס מיינט אז אויב וועט דער כח האבן א השפעה אויף 75 ק"ג פאר איין סעקונדע וועט עס גיין מיט איין מעטער פער סעקונדע שנעלער ווי ביפאר. אויך קען א כח זיין למשל "75 פונט (נישט ק"ג!") פער *סקווער* מעטער, וואס מיינט בערך די זעלבע זאך.
I post, therefore I am
קול דודי
ידיד השטיבל
ידיד השטיבל
 
הודעות: 317
זיך רעגיסטרירט: מאנטאג מערץ 26, 2012 2:27 pm
האט שוין געלייקט: 79 מאל
האט שוין באקומען לייקס: 372 מאל

הודעהדורך פארוואס? » דאנערשטאג יולי 24, 2014 2:23 pm

קול דודי האט געשריבן:
פארוואס? האט געשריבן:
ונבנתה העיר האט געשריבן:א הערליכע ארבעט, @פארוואס?, איך קוק ארויס בכליון עיניים אויפן המשך.
וואס מיינט א כח פון '75 ק"ג פער מעטער'? אז איך לייג אזויפיהל דרוק אויף יעדן מעטער אזוי ווי עס וואלט אויף יענעם מעטער געווען מעסס וואס האט א וואג פון 75 ק"ג?

אינעם צווייטן געזעץ דארף קלארער ווערן אט דער נושא. 
אבער פאר יעצט אז דו פרעגסט, איז אזוי:
א כח פון 1 ק״ג פער מעטער.

באמת איז דאס נישט ריכטיג. א כח איז למשל "75 ק"ג אויף א מעטער פער סעקונדע פער סעקונדע" וואס מיינט אז אויב וועט דער כח האבן א השפעה אויף 75 ק"ג פאר איין סעקונדע וועט עס גיין מיט איין מעטער פער סעקונדע שנעלער ווי ביפאר. אויך קען א כח זיין למשל "75 פונט (נישט ק"ג!") פער *סקווער* מעטער, וואס מיינט בערך די זעלבע זאך.

וואס איז דער חילוק צווישן מיינע ווערטער און דיינע?
ווען א כח פון 75 קג״מ האט א השפעה אויף אן אביעקט וואס איז 75 ק״ג פאר איין סעקונדע, קען ער איהם אקסעלערעיטן ער זאל ארויפרוקן זיין מפ״ס מיט איינס, דאס הייסט אז אויב איז ער געפארן ביז יעצט 50 מפ״ס, (מעטער פער סעקונד), גייט ער פון יעצט און ווייטער פארן אויף א שנעלקייט פון 51 מפ״ס. 
יעצט ווען דער זעלבער כח האט אן איינפלוס אויף די זעלבע אביעקט פאר נאך א סעקונדע, גייט ער יעצט פארן אויף 52 מפ״ס, (ווייל ער איז ארויף מיט נאך 1 מפ״ס), אדער 54 מפ״ס?
איך מיין אז ער גייט ארויף גיין צו 52 מפ״ס. 
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך קול דודי » דאנערשטאג יולי 24, 2014 2:41 pm

ואס כ'האב פרובירט צ זאגן איז אז ס'איז נישט דא אזא זאך ווי א כח פון "ק"ג פער מעטער". די כח ווערט געמאסטן אין "ק"ג אויף (נישט פער) מעטער פער סעונדע פער סעקודע".
I post, therefore I am
קול דודי
ידיד השטיבל
ידיד השטיבל
 
הודעות: 317
זיך רעגיסטרירט: מאנטאג מערץ 26, 2012 2:27 pm
האט שוין געלייקט: 79 מאל
האט שוין באקומען לייקס: 372 מאל

הודעהדורך פארוואס? » דאנערשטאג יולי 24, 2014 3:01 pm

קול דודי האט געשריבן:ואס כ'האב פרובירט צ זאגן איז אז ס'איז נישט דא אזא זאך ווי א כח פון "ק"ג פער מעטער". די כח ווערט געמאסטן אין "ק"ג אויף (נישט פער) מעטער פער סעונדע פער סעקודע".

אין אנדערע ווערטער די מעטער דארף צו שטיין אלס א numerator, אזוי:
קאוד: וועל אויס אלע
(75 kg * 1 meter) / 1 sec. ^ 2

אבער כ׳האב נאכנישט באקומען קיין ענטפער אויף מיין דוגמא. (בין איך גערעכט אז נאך צוויי סעקונדעס וועט עס זיין ביי 52 מפ״ס?). 
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
ידיד ותיק
ידיד ותיק
 
הודעות: 834
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1338 מאל
האט שוין באקומען לייקס: 1493 מאל

הודעהדורך קול דודי » דאנערשטאג יולי 24, 2014 3:27 pm

יא, אויף ביידע שאלות.
I post, therefore I am
קול דודי
ידיד השטיבל
ידיד השטיבל
 
הודעות: 317
זיך רעגיסטרירט: מאנטאג מערץ 26, 2012 2:27 pm
האט שוין געלייקט: 79 מאל
האט שוין באקומען לייקס: 372 מאל

נעקסט

גיי צוריק וויסנשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט