די צווישענשייד פון א בילד און ווידעא (מאווינג פיקטור) איז געווענליך גאנץ קלאהר. איין פרעים אדער מערערע פרעימס. קיין אודיא אדער מיט אודיא. אבער דא קומט דער ענימעיטעד בילד וואס האט מערערע פרעימס אבער איז נאכאלץ דעפענירט אלס א בילד.
אנפאלס, עפען איך א אשכול ווי מיר קענען אויסשמועסט אלעס איבער אנימעשאנס. עס זענען פארהאן tools (סיי אויפן קאמפיוטער און סיי אנליין) וואס זענען ביכולת צו באשאפן GIF animations פון איינצעלנע בילדער, און אויך קאנווערטן א ווידעא צו א GIF, אן קיין אודיא כמובן.
א GIF מוז נישט זיין ענימעיטעד, ווייל עס האט גרויסע מעלות פאר זיך אפילו פאר א איין-פרעימער. עס האט א שטארקע און געזונטע (פארלירט גארנישט) קאמפרעשאן, וואס איז געווען גאר-וויכטיג אין די בראשית יאהרן פון די וועב ווען א שווערע (מיט מעגעבייטס) פייל האט געדויערט לאנג צו לאודענען מיט די שטייטע קאנעקשאנס.
א ענימעיטעד GIF האט אויך מעלות איבער ווידעא פייל-פארמאטן. קודם כל איז עס סופפארטעד ביי (כמעט) יעדע בראוזער אין די וועלט. אויך פארלאנגט עס נישט קיין קאנטראלס ווי פלעי און סטאפ קנעפליך, וואס דאס איז אייגענטליך אויך איר חסרון.
די וועג וויאזוי עס ארבייט איז אזוי. די פייל האלט די ערשטע פרעים און די צייט (אין מיליסעקונדעס (א הונדרעטסטל פון א סעקונדע)) און דאן קומט די צווייטע פרעים וחוזר חלילה. אויך האט יעדעס פייל א סעטינג אויב עס זאל זיך אנפאנגען פון דאסניי ווען די לעצטע פרעים איז פארטיג (אויב נישט, שטעלט זיך די פייל דארט אפ, און באווייזט ווייטער די לעצטע פרעים לעולמי עד).
אגב: GIF איז די ראשי תיבות פון געראפישע אינטערטשענדזש פארמאט (Graphics Interchange Format), און PNG איז פארטעבל נעטווארק געראפיקס (Portable Network Graphics).
איך האב אמאל געליינט אז מען קען אויך באשאפן א ענימעישאן אין א PNG פייל פארמאט. מען האט דאס געוואלט דורכפירן ווייל געוויסע זענען אומרואיג אז די GIF פארמאט איז פעטענד, און יוניסיס איז באלאבוס, וואס כאטש זיי לאזן יעדעם עס ניצן און טשעפענען קיינעם נישט, זענען די וועב-דעוועלאפמענט קאמיוניטי ליבעראל און ספעציפיש עמפינדליך צו אאונערשיפ איבער די אינטערנעט (שטעלט אייך פאר אויב יוניסיס באשלוסט מארגן צו פארבאטן די באנוץ, אדער צו פארלאנגען באצאלט פאר יעדע מאל א בלאט ווייזט דע פייל). משא"כ די PNG פארמאט איז צוזאמגעשטעלט געוואן דורך א גרופע קאמפיוטער-גראפיקס עקספערטן און ענטוזיאסטישע לייט.
ביידע פארמאטן ערלויבן די בילד צו האבן קיין בעקגראונד.
ענימעיטעד בילדער
דער אשכול פארמאגט 9 תגובות
איר דארפט זיין א רעגיסטרירטער מעמבער און איינגעשריבן צו זען די תגובות.
רעגיסטרירן איינשרייבן