א בלוטיגע הכתרה (צו דער פטירה פון הר"ר מאיר זעליג ריספלער)

ארטיקלען און באטראכטונגען איבער דער חרדי'שער געזעלשאפט און קולטור

א בלוטיגע הכתרה (צו דער פטירה פון הר"ר מאיר זעליג ריספלער)

הודעהדורך העניך » פרייטאג אקטאבער 16, 2020 11:59 am

עס איז היינט געקומען די ביטערע בשורה אין עס איז געפאלן נאך א קרבן פון דער שרעקליכער קאראנא מגיפה, הרה"ח ר' מאיר זעליג ריספלער ע"ה, ראש הקהל סאטמאר. דער יעצטיגער נפטר איז דערווייל דער פראמינענטסטער קרבן פון דער צווייטער כוואליע פון דער מגיפה וואס האט זיך אנגעפאנגען אין די אלול טעג, און בוזשעוועט ביז היינט.

ר' מאיר זעליג איז באקאנט געווען אלס אן איש ישר ורך לבב, און אין דער קורצער צייט וואס ער איז געשטאנען אין שפיץ פון דער סאטמארער קהילה האט ער באוויזן אביסל צו רעהאביליטירן די קהילה פון אסאך קטנות וואס האט איר כאראקטעריזירט פאר לאנגע יארן. ר' מאיר זעליג'ס גראדקייט - וואס אסאך קרעדיטירן זיין נייטרער אויבערלענדישער חינוך - האט אים אויך געברענגט אז ער זאל גיין קעגן דעם שטראם און זיך פרובירן צו היטן פון דער ביטערער מגיפה.

ווען מ'לעבט אין א געזעלשאפט וואו מ'לאכט אפיציעל פון דער מגיפה, וואו יעדער פרישער ספּין פון טראמפ ווערט אנגענומען מיט פלייס און אייפער, וואו דער ציל פון רבי'ס איז נאר אז אלעס זאל אנגיין ווי געהעריג, וואו מ'גלייבט ענדערש א הצלה-מעמבער ווי דעם וויסנשאפטליכן קאנצענזוס, וואו דאס מינדעסטע אפגעהיטנקייט ווערט אנגעקוקט מיט שפּאָט און געלעכטער, איז דער וואס היט זיך שוין יא אויך נישט אפגעהיטן ווי עס דארף צו זיין. עס איז זייער גרינג פאר אן עלטערן איד זיך איינצורעדן אז ער היט זיך ווייל ער גייט אין דער גאס מיט א מאסק, ווען דער מאסק איז באמת נאר דער מינימום וואס יעדער וואלט געדארפט טון.

אז ס'איז עולם כמנהגו נוהג, אז שמחות ווערן אפגעראכטן פונקט ווי אמאל, אז קהילות פראווען סיומים, יארצייט-סעודות, טישן, תפילות, הקפות און הכתרות גענוי ווי אין די אלטע צייטן, גייט דאס אפעקטירן אפילו די וואס מיינען אז זיי היטן זיך. ס'איז אנגענומען - כאטש ס'איז נישט הונדערט פראצענט - אז ר' מאיר זעליג איז אנגעשטעקט געווארן ביי דער הכתרה פון הרב מיללער אלס נייטרער רב אין וויליאמסבורג - א מסיבה וואס איז אפגעראכטן געווארן אין אן אנגעפאקטן זאל, מיט דער באטייליגונג פון הונדערטער אידן וועלכע האבן זיך געשטופט צו ווינטשן דעם נייעם רב און איינער דעם צווייטן.

צי ר' מאיר זעליג איז טאקע דארטן געווארן אנגעשטעקט איז נישט נוגע. ס'איז גענוג אז ס'איז מסתבר אז יא. יא, ס'איז מסתבר אז א יונגערמאן, וועלכער האט אפשר ניטאמאל געוואוסט אז ער איז אנגעשטעקט, האט ביי דער הכתרה איבערגעגעבן דעם ווירוס און אריינגעשטאכן א בלוטיגן שווערד אינעם הארץ פונעם באליבטן נגיד ושוע.

האט די הכתרה נישט געקענט אפגעראכטן ווערן בצמצום, און לאזן די גרעסערע צערעמאניע פאר בעסערע צייטן? וואלט דען אזוי שווער געווען אז מ'זאל נישט קומען נאנט איינער צום צווייטן און מ'זאל נישט געבן דעם האנט? וואלט דען נישט יעדער גערן אנגעטון מאסקעס ווען מ'זאגט ווען פריער אז דאס קען מעגליך - אפילו מיט א קליינעם שאנס - ראטעווען דעם לעבן פון ר' מאיר זעליג ריספלער?

פונקט אזוי זענען אידן געווארן אנגעשטעקט אין די בתי מדרשים אום ראש השנה, יום כיפור, סוכות, און ווארשיינליך שמחת תורה אויך. גאנץ חודש תשרי איז דורך אן דעם וואס מיר זאלן אונטערנעמען דאס מינדעסטע זיך צו באשיצן און באשיצן אנדערע. האט זיך עס געלוינט?

איך פרעג נישט אויב עס האט זיך געלוינט צו עפענען געשעפטן, ווייל אפשר וואלט מען נישט געקענט ערווארטן אז מענטשן זאלן פארלירן זייער פרנסה פאר לאנגע חדשים אפילו אויב מ'קען דערמיט ראטעווען א לעבן. אבער איך פרעג צי די הכתרה האט זיך געלוינט. כ'פרעג צי דער זלזול אין מאסקעס האט זיך געלוינט. כ'פרעג צי געבן הענט פאר יעדן לוינט זיך.

ר' מאיר זעליג איז מער נישטא, אבער עס זענען דא נאך טייערע אידן וואס גייען שטארבן פון דעם קאראנא וויירוס, און עס איז דא א מעגליכקייט אז טייל פון זיי קענען מיר נאך ראטעווען. ניין, כ'זאג נישט אז מיר זאלן גענצליך אפשטעלן דעם לעבן, אבער די פשוט'ע קלייניגקייטן מוזן מיר טון. מיר מוזן גיין מאסקעס ווען מיר זענען אין ביהמ"ד, מיר מוזן סאשעלי דיסטענצן. מיר מוזן טון וואס אימער מיר קענען צו ראטעווען לעבנס.

  • מיר מוזן טון די קלייניגקייטן וואס קענען ראטעווען לעבנס.
  • מיר מוזן גיין מאסקעס אין דער גאס.
  • מיר מוזן גיין מאסקעס אין ביהמ"ד און אין געשעפטן.
  • כדי מענטשן זאלן זיך נישט שעמען דארף זיין א תקנה אז יעדער אין ביהמ"ד מוז גיין א מאסק.
  • רבנים, רבי'ס און ת"ח זענען די איינציגסטע וואס קענען אוועקשטעלן אז ס'איז נישט קיין בושה צו היטן זיך און אנדערע.
  • מ'דארף פרובירן - ווי ווייט מעגליך - זיך צו האלטן אפגערוקט פון אנדערע מענטשן.
  • מ'טאר נישט געבן קיין הענט.
  • מסיבות וואס קענען ווערן אפגעלייגט אויף אנדערע זמנים, דארפן ווערן אפגעשטופט.
  • חתונות און מסיבות וואס קענען נישט ווערן אפגעלייגט דארפן ווערן געפראוועט בצמצום.
  • א פובליק פלאץ טאר נישט נוצן קיין האנטיכער.
  • עס מוז זיין זייף ביי יעדן סינק, און מ'דארף שטרענג פארלאנגען אז יעדער זאל זיך זייפן די הענט דאס מערסטע וואס שייך.

צום שלוס, עס זענען דא זאכן וואס מ'קען אפשר טענה'ן אז מיר זענען מסכים צו באצאלן מיט לעבנס (ווי דרייוון קארס און פרנסה אינמיטן א מגיפה), אבער קלייניגקייטן און באקוועמליכקייט-זאכן, און עניני עבודת ה' וואס מיר זענען מְצֻוָה אויף 'ובחרת בחיים', טארן נישט קאסטן קיין לעבנס!
רעדאגירט געווארן צום לעצט דורך העניך אום פרייטאג אקטאבער 16, 2020 12:35 pm, רעדאגירט געווארן איין מאל בסך הכל.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
באניצער אוואטאר
העניך
שריפטשטעלער
שריפטשטעלער
 
הודעות: 537
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 621 מאל
האט שוין באקומען לייקס: 2697 מאל

הודעהדורך קנדה » פרייטאג אקטאבער 16, 2020 12:08 pm

עס איז א גואישע זאך און עס איז כפירה ה' ממית ומחיה עס האט גארנישט מיט אונז אויך די מצוה איז א מצוה שכלי און אונז חסידים טוהן נאר מצות וואס מען קען נישט און מען טאר נישט פארשטיין עס איז למעלה מאנוש שכלי.
קנדה
מאנשי שלומינו
מאנשי שלומינו
 
הודעות: 42
זיך רעגיסטרירט: מיטוואך אקטאבער 07, 2020 11:54 pm
האט שוין געלייקט: 4 מאל
האט שוין באקומען לייקס: 8 מאל

הודעהדורך מנחם ציון » פרייטאג אקטאבער 16, 2020 12:25 pm

דברים כדרבונות
מען קען אבער קלערן צו ביי די הכתרה האט מען שוין געוואוסט די ערענסטקייט אז מען רעדט טאקע פון א צווייטע כוואליע (די הכתרה איז געווען אינמיטן סליחות)

סתם אזוי וואונדער איך זיך, צו אלע חברים וואס שרייבן שארף אויף דאס נישט פאלגן איצט, זענט איר טאקע אזוי שארף אין פראקטיק אויך, אדער דאס איז סתם שרייבעריי רעטאריק?
מען רעדט לכאורה פון א צווייטע כוואליע, האלט איר איין אלע מאסנאמען פונקט ווי אין אפריל? אדער איז דאס נאר אויף פאפיר?
מנחם ציון
היימישער באניצער
היימישער באניצער
 
הודעות: 355
זיך רעגיסטרירט: מיטוואך יוני 10, 2020 5:47 pm
האט שוין געלייקט: 225 מאל
האט שוין באקומען לייקס: 327 מאל

הודעהדורך העניך » פרייטאג אקטאבער 16, 2020 12:45 pm

מנחם ציון האט געשריבן:דברים כדרבונות

א דאנק.
מנחם ציון האט געשריבן:מען קען אבער קלערן צו ביי די הכתרה האט מען שוין געוואוסט די ערענסטקייט אז מען רעדט טאקע פון א צווייטע כוואליע (די הכתרה איז געווען אינמיטן סליחות)

שוין ווידער מיט דעם "מ'האט נישט געוואוסט" תירוץ.
א גאנץ זומער האבן עקספערטן געשריגן, געליארעמט און געווארנט אז עס גייט קומען א צווייטע כוואליע, און מ'גייט נישט וויסן אז מ'געפונט זיך אין דער פרישער כוואליע ביז עס וועט זיין צו שפעט. און אפילו יעצט, ווען עס איז קלאר אז מיר זענען אין א צווייטער כוואליע טוט מען גארנישט פאר דעם געזונט פונעם ציבור (חוץ א טראפ למראית עין). וואספארא נארישקייטן איז דאס צו זאגן אז מ'האט נישט געוואוסט, און אז אויב מ'וואלט יא געוואוסט וואלט מען געטון אנדערש.

מנחם ציון האט געשריבן:סתם אזוי וואונדער איך זיך, צו אלע חברים וואס שרייבן שארף אויף דאס נישט פאלגן איצט, זענט איר טאקע אזוי שארף אין פראקטיק אויך, אדער דאס איז סתם שרייבעריי רעטאריק?
מען רעדט לכאורה פון א צווייטע כוואליע, האלט איר איין אלע מאסנאמען פונקט ווי אין אפריל? אדער איז דאס נאר אויף פאפיר?

מענטשן האבן ליב צו מאכן אזעלכע שמועסן פערזענליך, ווייל פסיכאלאגיש איז דאס א וועג וויאזוי מ'קען פון זיך אפווארפן די פשוט'ע לאגישע ווערטער וואס מאָנען אז מ'דארף עפעס טון. איך וועל מיך נישט לאזן אריינפאלן אין דעם נעץ, ווייל עס איז באמת נישט נוגע צו דעם תוכן פון מיינע ווערטער. אז איך וועל ענטפערן ניין, וועט מען שרייען אז איך בין א היפאקריט; אז איך וועל ענטפערן יא, וועט דער גאנצער שמועס ארויפגיין אויף וואס גענוי איך טו, און פארוואס גענוי אזוי, און נישט אזוי. דעריבער, זאלט איר מיר מוחל זיין.

אבער לאמיך עפעס אנדערש קלאר מאכן. דאס וואס איך שרייב דא זענען נישט חלומות וואס זענען נישט אויספירבאר. יעדער פאר זיך קען אפמאכן נישט צו געבן דעם האנט, און פרובירן אלעס צו טון ווי ווייט מעגליך. און יא, עס זענען דא צווישן אונז אזעלכע וואס טוען גענוי אזוי, הגם זיי זענען א גאר קליינע מינאריטעט. עס זענען דא חלקים וואס זענען נישט תלוי אין יחידים, נאר אין די מנהיגים. צב"ש, מאסקעס אין די בתי מדרשים גייט נאר געשען אויב די רבנים און רבי'ס גייען אליין האבן דעם קוראזש צו ווייזן אז "וחי בהם" האט עפעס א תוקף ביי זיי, און דאס וועט יעדן געבן דעם קוראזש צו טון וואס איז ריכטיג - אפילו אזעלכע וואס האבן שוין אנטיבאדיס אבער דארפן גיין מאסקעס לטובת הציבור.
באניצער אוואטאר
העניך
שריפטשטעלער
שריפטשטעלער
 
הודעות: 537
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 621 מאל
האט שוין באקומען לייקס: 2697 מאל

הודעהדורך מי אני » פרייטאג אקטאבער 16, 2020 12:57 pm

העניך האט געשריבן:מענטשן האבן ליב צו מאכן אזעלכע שמועסן פערזענליך, ווייל פסיכאלאגיש איז דאס א וועג וויאזוי מ'קען פון זיך אפווארפן די פשוט'ע לאגישע ווערטער וואס מאָנען אז מ'דארף עפעס טון. איך וועל מיך נישט לאזן אריינפאלן אין דעם נעץ, ווייל עס איז באמת נישט נוגע צו דעם תוכן פון מיינע ווערטער.

די סארט פערזענליכקייט וואס מענטשן טוהן/מאכן מיט אזא סארט טענה איז באקאנט אלס די טו קוואקווי/אפיל צו היפאקרעסי פאלאסי (און אולי ליגט שוין דאס אין דעם וואס מען דערמאנט אז די ספעציפישע פראבלעם אין די נושא דא איז (עכ"פ אביסל) מקושר אין אננעמען טראמפ'ס ספינס, ווייל זיין אדמיניסטראציע ווערט באשולדיגט אין זיך באנוצן/פארענטפערן מיט וואטאבאוטיזם, וואס איז א סוג פון דעם פאלאסי). איך פארשטיי אז מ'קען ציטירן דעם מום שבך אל תאמר לחברך (ב"מ נט:) אדער קשוט עצמך ואח"כ קשוט אחרים (שם קז:), אבער למעשה טוהט דאס גארנישט ענטפערן לעצם צדקת הטענה או להיפיכה, וממילא פאר דער וואס הערט עס דארף ער מקיים צו זיין קבל את האמת ממי שאמרו.

ואגב, ליידער שטימט די "כותרת" א בלוטיגע "הכתרה", ווייל ווי געזאגט דא איז "קאראנע" = "כתר" אין לאטייניש.
רעדאגירט געווארן צום לעצט דורך מי אני אום פרייטאג אקטאבער 16, 2020 3:05 pm, רעדאגירט געווארן איין מאל בסך הכל.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 1662
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 7136 מאל
האט שוין באקומען לייקס: 1227 מאל

הודעהדורך מנחם ציון » פרייטאג אקטאבער 16, 2020 1:43 pm

העניך האט געשריבן:
מנחם ציון האט געשריבן:דברים כדרבונות

א דאנק.
מנחם ציון האט געשריבן:מען קען אבער קלערן צו ביי די הכתרה האט מען שוין געוואוסט די ערענסטקייט אז מען רעדט טאקע פון א צווייטע כוואליע (די הכתרה איז געווען אינמיטן סליחות)

שוין ווידער מיט דעם "מ'האט נישט געוואוסט" תירוץ.
א גאנץ זומער האבן עקספערטן געשריגן, געליארעמט און געווארנט אז עס גייט קומען א צווייטע כוואליע, און מ'גייט נישט וויסן אז מ'געפונט זיך אין דער פרישער כוואליע ביז עס וועט זיין צו שפעט. און אפילו יעצט, ווען עס איז קלאר אז מיר זענען אין א צווייטער כוואליע טוט מען גארנישט פאר דעם געזונט פונעם ציבור (חוץ א טראפ למראית עין). וואספארא נארישקייטן איז דאס צו זאגן אז מ'האט נישט געוואוסט, און אז אויב מ'וואלט יא געוואוסט וואלט מען געטון אנדערש.

מנחם ציון האט געשריבן:סתם אזוי וואונדער איך זיך, צו אלע חברים וואס שרייבן שארף אויף דאס נישט פאלגן איצט, זענט איר טאקע אזוי שארף אין פראקטיק אויך, אדער דאס איז סתם שרייבעריי רעטאריק?
מען רעדט לכאורה פון א צווייטע כוואליע, האלט איר איין אלע מאסנאמען פונקט ווי אין אפריל? אדער איז דאס נאר אויף פאפיר?

מענטשן האבן ליב צו מאכן אזעלכע שמועסן פערזענליך, ווייל פסיכאלאגיש איז דאס א וועג וויאזוי מ'קען פון זיך אפווארפן די פשוט'ע לאגישע ווערטער וואס מאָנען אז מ'דארף עפעס טון. איך וועל מיך נישט לאזן אריינפאלן אין דעם נעץ, ווייל עס איז באמת נישט נוגע צו דעם תוכן פון מיינע ווערטער. אז איך וועל ענטפערן ניין, וועט מען שרייען אז איך בין א היפאקריט; אז איך וועל ענטפערן יא, וועט דער גאנצער שמועס ארויפגיין אויף וואס גענוי איך טו, און פארוואס גענוי אזוי, און נישט אזוי. דעריבער, זאלט איר מיר מוחל זיין.

אבער לאמיך עפעס אנדערש קלאר מאכן. דאס וואס איך שרייב דא זענען נישט חלומות וואס זענען נישט אויספירבאר. יעדער פאר זיך קען אפמאכן נישט צו געבן דעם האנט, און פרובירן אלעס צו טון ווי ווייט מעגליך. און יא, עס זענען דא צווישן אונז אזעלכע וואס טוען גענוי אזוי, הגם זיי זענען א גאר קליינע מינאריטעט. עס זענען דא חלקים וואס זענען נישט תלוי אין יחידים, נאר אין די מנהיגים. צב"ש, מאסקעס אין די בתי מדרשים גייט נאר געשען אויב די רבנים און רבי'ס גייען אליין האבן דעם קוראזש צו ווייזן אז "וחי בהם" האט עפעס א תוקף ביי זיי, און דאס וועט יעדן געבן דעם קוראזש צו טון וואס איז ריכטיג - אפילו אזעלכע וואס האבן שוין אנטיבאדיס אבער דארפן גיין מאסקעס לטובת הציבור.

חלילה, איך וויל נישט גיין פערזענליך, דאס וואס איך שרייב איז חלום אחד הוא. ועל השנות החלום, איז פשוט עס צו ארויסברענגען מיט צוויי אנגלען

איר זאגט דאך אליין אז זיי האבן געווארנט אז עס וועט קומען א צווייטע כוואליע און מען נישט וויסן אז מען איז פארכאפט דערין, איז פשט אז עס איז פארשטענדליך דאס פארנעכלעסיגן אין די רעגולאציעס, וויל דאס מענטשליכע געפיל איז אפצושטופן נעגאטיווע געדאנקן, און אז איך זעה נישט גארנישט איצט וואס גייט מיר אן וואס וועט זיין, און דאס איז וואס איך מיין וועגן דער דאטוo פון די הכתרה' די עקפערטן האבן געווארנט? נו אבער יעצט איז גארנישט דא, און א נייע רב איז יא, דא איז היידא, לאז אין גאנג אן הכתרה

יעצט ווען מען איז שוין טיף און א צווייטע כוואליע, איז מען ווידער באגלייט מיט דאס אוועקשטיפעריי פון נעגאטיוויטעט. מען הערט ווייט נישט די צאל טויטע ווי אין פסח צייט, און צוגאב הערט מען פון א מערהייט וואס האבן עס געהאט אין די יעצטיגע כוואליע, אז מען האט עס געהאט אויף א מילדערע אופן, איז פארשטענדליך אז מען זאל נישט פאלגן.
און אויף דעם פרעג איך, לאמיר זיך נישט נער'ן, אפי' די חברים וועלכע טרעטן ארויס שארף אויף דאס פארנאכלעסיגן, זענען אויך פון מענטשליכן מין וואס שטיפן אוועק נעגעטיווע געדאנקן, און האבן אויך נאכגעלאזט, על אף זיי שרייען אויף דעם און יענעם
מנחם ציון
היימישער באניצער
היימישער באניצער
 
הודעות: 355
זיך רעגיסטרירט: מיטוואך יוני 10, 2020 5:47 pm
האט שוין געלייקט: 225 מאל
האט שוין באקומען לייקס: 327 מאל

הודעהדורך יהודי פשוט » פרייטאג אקטאבער 16, 2020 1:48 pm

העניך האט געשריבן:עס איז היינט געקומען די ביטערע בשורה אין עס איז געפאלן נאך א קרבן פון דער שרעקליכער קאראנא מגיפה, הרה"ח ר' מאיר זעליג ריספלער ע"ה, ראש הקהל סאטמאר. דער יעצטיגער נפטר איז דערווייל דער פראמינענטסטער קרבן פון דער צווייטער כוואליע פון דער מגיפה וואס האט זיך אנגעפאנגען אין די אלול טעג, און בוזשעוועט ביז היינט

ס'שוין דא ווארענונגען אויף א דריטע כוואליע און דאן וועט וואשיינליך קומען א פערטע און אזוי ווייטער...

דעריבער איז ראטזאם אז אלע מענטשן אין דער וועלט זאלן זיך איינשפארן אויף ווייניגסטנס 7-8 יאר, און דאן וועט מען זעהן ווי דער מצב האלט... און באשליסן צו מ'דארף נאך 7-8 יאר...

אויב זענט איר נישט גרייט דאס צו טוהן דאן זענט איר א פארנאטישע טראמפ פען, א קליינקעפיגע בהמה, א צוריקגעשטאנענער קאטשאלאפ וואס האט נישט גענוג שכל צו פארשטיין אז די רבי'ס ווייסן נישט וואס פארט מיט זייער לעבן... און מער פון אלעם זענט איר א שופך דמים און א געמיינע רוצח!
איך בין א נער און איך גלייב!!!
באניצער אוואטאר
יהודי פשוט
ידיד ותיק
ידיד ותיק
 
הודעות: 653
זיך רעגיסטרירט: דינסטאג דעצעמבער 30, 2014 10:00 pm
האט שוין געלייקט: 412 מאל
האט שוין באקומען לייקס: 411 מאל

הודעהדורך יעקב מעקסוועל » פרייטאג אקטאבער 16, 2020 2:18 pm

העניך רעכנט אויס וואס מען וואלט געדארפט טון, און איך האב נישט געזען קיינער דא זאל זאגן אז מען דארף עס נישט טון. איז פארוואס דארף מען יעצט מסביר זיין פארוואס דער עולם פאלגט נישט? איך ווייס מען קען דן זיין לכף זכות, דאס וועט מען טון אין הימל. יעצט דארפן אונז אלע צוזאמען זאגן "לאמיר טון וואס מען קען".

די זעלבע זאך מיט די טענה, "זאל מען זיך איינשפארן פאר 7 יאר?" ניין, העניך האט געשריבן בולעט פוינטס, מען רעדט נישט פון זיך איינשפארן, פארוואס זאלן אונז נישט טון כאטש וואס מען קען?
Thoroughly conscious ignorance, is the prelude to every real advance in science - James Clerk Maxwell
באניצער אוואטאר
יעקב מעקסוועל
מאנשי שלומינו
מאנשי שלומינו
 
הודעות: 38
זיך רעגיסטרירט: זונטאג יוני 07, 2020 12:30 pm
האט שוין געלייקט: 42 מאל
האט שוין באקומען לייקס: 77 מאל

הודעהדורך קורקלענד » פרייטאג אקטאבער 16, 2020 2:31 pm

גיין מאסקעס אויף די גאס? פארוואס?
באניצער אוואטאר
קורקלענד
חבר ותיק
חבר ותיק
 
הודעות: 2264
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1928 מאל
האט שוין באקומען לייקס: 1379 מאל

הודעהדורך דער גאלדענער אדלער » פרייטאג אקטאבער 16, 2020 2:40 pm

יעקב מעקסוועל האט געשריבן:העניך רעכנט אויס וואס מען וואלט געדארפט טון, און איך האב נישט געזען קיינער דא זאל זאגן אז מען דארף עס נישט טון. איז פארוואס דארף מען יעצט מסביר זיין פארוואס דער עולם פאלגט נישט? איך ווייס מען קען דן זיין לכף זכות, דאס וועט מען טון אין הימל. יעצט דארפן אונז אלע צוזאמען זאגן "לאמיר טון וואס מען קען".

די זעלבע זאך מיט די טענה, "זאל מען זיך איינשפארן פאר 7 יאר?" ניין, העניך האט געשריבן בולעט פוינטס, מען רעדט נישט פון זיך איינשפארן, פארוואס זאלן אונז נישט טון כאטש וואס מען קען?

טוהן וואס מ'קען איז נאר א תירוץ פאר די גאס, אז די דרויסענדע גאס זאלן אונז נישט אנקוקן ווי אומציוויליזירטע בירגער, אבער נישט פאר די וויירוס, פאר די וויירוס העלפט עס נישט די וויירוס איז נאך צו יונג און ס'הערשט נאך פיל מיט סתירות אז מ'זאל וויסן וואס ס'העלפט קעגן עם.
דער גאלדענער אדלער
ידיד ותיק
ידיד ותיק
 
הודעות: 860
זיך רעגיסטרירט: דאנערשטאג אפריל 27, 2017 6:30 pm
האט שוין געלייקט: 4069 מאל
האט שוין באקומען לייקס: 1568 מאל

הודעהדורך רביה''ק זי''ע » פרייטאג אקטאבער 16, 2020 2:42 pm

יהודי פשוט האט געשריבן:ס'שוין דא ווארענונגען אויף א דריטע כוואליע און דאן וועט וואשיינליך קומען א פערטע און אזוי ווייטער...

דעריבער איז ראטזאם אז אלע מענטשן אין דער וועלט זאלן זיך איינשפארן אויף ווייניגסטנס 7-8 יאר, און דאן וועט מען זעהן ווי דער מצב האלט... און באשליסן צו מ'דארף נאך 7-8 יאר...

פארוואס נאר אכט יאר?! די שווארצע מגיפה איז צוריקגעקומען אין איבער פערציג כוואליעס אויסגעשפרייט איבער אכט הונדערט יאר, פעסטען יאר סיעטבעלטס...
פון די "סיסטעם" קען מען אנטלויפן, פונעם אויבערשטן פעלט נישט אויס צו אנטלויפן.
באניצער אוואטאר
רביה''ק זי''ע
חבר ותיק
חבר ותיק
 
הודעות: 3722
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3577 מאל
האט שוין באקומען לייקס: 2884 מאל

הודעהדורך דער גאלדענער אדלער » פרייטאג אקטאבער 16, 2020 2:45 pm

די וועלט איז געווען דאמאלטס אסאך גרעסער ווי היינט, היינט ווערט עס אריבערגעפירט מסוף העולם ועד סופו אין גאר א שנעלע צייט.
קענט קאמפער.
דער גאלדענער אדלער
ידיד ותיק
ידיד ותיק
 
הודעות: 860
זיך רעגיסטרירט: דאנערשטאג אפריל 27, 2017 6:30 pm
האט שוין געלייקט: 4069 מאל
האט שוין באקומען לייקס: 1568 מאל

Re: א בלוטיגע הכתרה (צו דער פטירה פון הר"ר מאיר זעליג ריספלע

הודעהדורך פאליטיקאנט » מוצ"ש אקטאבער 17, 2020 9:09 pm

רביה''ק זי''ע האט געשריבן:
יהודי פשוט האט געשריבן:ס'שוין דא ווארענונגען אויף א דריטע כוואליע און דאן וועט וואשיינליך קומען א פערטע און אזוי ווייטער...

דעריבער איז ראטזאם אז אלע מענטשן אין דער וועלט זאלן זיך איינשפארן אויף ווייניגסטנס 7-8 יאר, און דאן וועט מען זעהן ווי דער מצב האלט... און באשליסן צו מ'דארף נאך 7-8 יאר...

פארוואס נאר אכט יאר?! די שווארצע מגיפה איז צוריקגעקומען אין איבער פערציג כוואליעס אויסגעשפרייט איבער אכט הונדערט יאר, פעסטען יאר סיעטבעלטס...
למען הדיוק, גוגל זאגט אכצן.בילד
באניצער אוואטאר
פאליטיקאנט
ידיד ותיק
ידיד ותיק
 
הודעות: 798
זיך רעגיסטרירט: פרייטאג יאנואר 19, 2018 5:53 pm
האט שוין געלייקט: 385 מאל
האט שוין באקומען לייקס: 787 מאל

הודעהדורך תפארת » זונטאג אקטאבער 18, 2020 2:44 am

יהודי פשוט האט געשריבן:
העניך האט געשריבן:עס איז היינט געקומען די ביטערע בשורה אין עס איז געפאלן נאך א קרבן פון דער שרעקליכער קאראנא מגיפה, הרה"ח ר' מאיר זעליג ריספלער ע"ה, ראש הקהל סאטמאר. דער יעצטיגער נפטר איז דערווייל דער פראמינענטסטער קרבן פון דער צווייטער כוואליע פון דער מגיפה וואס האט זיך אנגעפאנגען אין די אלול טעג, און בוזשעוועט ביז היינט

העניך האט געשריבן:שוין ווידער מיט דעם "מ'האט נישט געוואוסט" תירוץ.
א גאנץ זומער האבן עקספערטן געשריגן, געליארעמט און געווארנט אז עס גייט קומען א צווייטע כוואליע, און מ'גייט נישט וויסן אז מ'געפונט זיך אין דער פרישער כוואליע ביז עס וועט זיין צו שפעט. און אפילו יעצט, ווען עס איז קלאר אז מיר זענען אין א צווייטער כוואליע טוט מען גארנישט פאר דעם געזונט פונעם ציבור (חוץ א טראפ למראית עין). וואספארא נארישקייטן איז דאס צו זאגן אז מ'האט נישט געוואוסט, און אז אויב מ'וואלט יא געוואוסט וואלט מען געטון אנדערש.


ס'שוין דא ווארענונגען אויף א דריטע כוואליע און דאן וועט וואשיינליך קומען א פערטע און אזוי ווייטער...

דעריבער איז ראטזאם אז אלע מענטשן אין דער וועלט זאלן זיך איינשפארן אויף ווייניגסטנס 7-8 יאר, און דאן וועט מען זעהן ווי דער מצב האלט... און באשליסן צו מ'דארף נאך 7-8 יאר...

אויב זענט איר נישט גרייט דאס צו טוהן דאן זענט איר א פארנאטישע טראמפ פען, א קליינקעפיגע בהמה, א צוריקגעשטאנענער קאטשאלאפ וואס האט נישט גענוג שכל צו פארשטיין אז די רבי'ס ווייסן נישט וואס פארט מיט זייער לעבן... און מער פון אלעם זענט איר א שופך דמים און א געמיינע רוצח!


עקספערטן ווארענען אז דער פערטע כוואליע וועט זיין עפעס שרעקליך ס' וועט שאטן אויך פאר קינדער און עלטערע צוגלייך ס' וועט זיין אויסגעשטעלט דורך אן אנדערע פארעם.........................----
ר' העניך גלייבסט נאך איין ווארט פון דער עקספערטן וואס יעדער איינער פון זיי זענען זיך סותר מיטן צווייטן יעדער פארבייגיינדיגע טאג?
תפארת
א גאסט אין שטיבל
א גאסט אין שטיבל
 
הודעות: 23
זיך רעגיסטרירט: דינסטאג אקטאבער 29, 2019 11:08 am
האט שוין געלייקט: 5 מאל
האט שוין באקומען לייקס: 8 מאל

Re: א בלוטיגע הכתרה (צו דער פטירה פון הר"ר מאיר זעליג ריספלע

הודעהדורך קנדה » זונטאג אקטאבער 18, 2020 3:02 am

וועם דען זאל איך גלייבן די גוטהארציגע געטרייע רבנים וואס זיי לאזן נישט צושפארן די שולן און זיי זאגן צו אז עס וועט גארנישט שאטן איך האב געהאט געהערט פון אידן וואס האבו חוזק געמאכט פון די קאראנא וואס די גוים מיינען זיי וויסן און ליידער איז יענע איד שוין נישט דא מיט אונז

Sent from my SM-G930W8 using Tapatalk
קנדה
מאנשי שלומינו
מאנשי שלומינו
 
הודעות: 42
זיך רעגיסטרירט: מיטוואך אקטאבער 07, 2020 11:54 pm
האט שוין געלייקט: 4 מאל
האט שוין באקומען לייקס: 8 מאל

הודעהדורך קורקלענד » זונטאג אקטאבער 18, 2020 3:05 am

קנדה האט געשריבן:וועם דען זאל איך גלייבן די גוטהארציגע געטרייע רבנים וואס זיי לאזן נישט צושפארן די שולן און זיי זאגן צו אז עס וועט גארנישט שאטן איך האב געהאט געהערט פון אידן וואס האבו חוזק געמאכט פון די קאראנא וואס די גוים מיינען זיי וויסן און ליידער איז יענע איד שוין נישט דא מיט אונז

Sent from my SM-G930W8 using Tapatalk

יענע איז געווען א צוואנציג יעריגע? א פערציג יעריגע? א זעכציג יעריגע? א געזונטע פערזאן? איבערוואגיג? לאמיר הערן אביסעלע פרטים.
באניצער אוואטאר
קורקלענד
חבר ותיק
חבר ותיק
 
הודעות: 2264
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1928 מאל
האט שוין באקומען לייקס: 1379 מאל

Re: א בלוטיגע הכתרה (צו דער פטירה פון הר"ר מאיר זעליג ריספלע

הודעהדורך קנדה » זונטאג אקטאבער 18, 2020 3:11 am

יענער איז געווען א טאג פארן ווערן 60 געזונט און א גרויסע ת"ח ער האט נאך געזאגט א לומדות אז וואס פארשייט א גוי צו א אידישע גוף א איד האט אן אנדערע גוף ווי א גוי עס שטייט בפירוש אין חתם סופר א גאונות

Sent from my SM-G930W8 using Tapatalk
קנדה
מאנשי שלומינו
מאנשי שלומינו
 
הודעות: 42
זיך רעגיסטרירט: מיטוואך אקטאבער 07, 2020 11:54 pm
האט שוין געלייקט: 4 מאל
האט שוין באקומען לייקס: 8 מאל

הודעהדורך אדונינו » זונטאג אקטאבער 18, 2020 12:36 pm

די איינציגסטע וואס איז שילדיג, איז דער ראש הקהל, אויב ער וואלט געבליבן אינדערהיים, וואלט ער אפשר נישט געווארן אנגעשטעקט, מען קען נישט משוגע מאכן די גאנצע וועלט פאר יארן צוליב. די עלטערע און די נישט געזונטע, יעדע ערוואקסן זעהל זאל טון וואס פאר אים קוקט אויס רעכט, דער ראש הקהל קען זאגן אז ער קומט נישט צום הכתרה, אדער בלויז מיט א מאסק פאר אפאר מינוט, אדער נישט געבן די הענט, ביזט דארט געווען, מכובד געווען, גענומען ברכות, יעצט דריי נישט אויס דעם פינגער.
אדונינו
היימישער באניצער
היימישער באניצער
 
הודעות: 384
זיך רעגיסטרירט: דינסטאג יולי 14, 2015 2:56 pm
האט שוין געלייקט: 147 מאל
האט שוין באקומען לייקס: 246 מאל

הודעהדורך יעקב מעקסוועל » זונטאג אקטאבער 18, 2020 9:10 pm

קורקלענד האט געשריבן:גיין מאסקעס אויף די גאס? פארוואס?

זאגסט א סברא, אויף די גאס פעלט נישט אויס. איך בין נישט מסכים דערצו, ווייל די איינציגע וועג צו איינפירן מאסקעס איז נאר אויב יעדער גייט א גאנצע צייט דערמיט.

אבער לשיטתך, דו האלטסט מען וואלט געדארפט גיין מיט מאסקעס אין ביהמ"ד?
Thoroughly conscious ignorance, is the prelude to every real advance in science - James Clerk Maxwell
באניצער אוואטאר
יעקב מעקסוועל
מאנשי שלומינו
מאנשי שלומינו
 
הודעות: 38
זיך רעגיסטרירט: זונטאג יוני 07, 2020 12:30 pm
האט שוין געלייקט: 42 מאל
האט שוין באקומען לייקס: 77 מאל

הודעהדורך הקטן » זונטאג אקטאבער 18, 2020 10:58 pm

יעצט זאגן זיי די מאסק העלפט נישט אויף נישט צי באקימען, די אויפטו פין די מאסק איז נאר נישט צי געבען פאר א צווייטען.

אויב די האסט שוין געהאט די ווייראס זענען ביידע סיבות נישט דא.

יעקב מעקסוועל זאגט אבער אז א יעדערזאל, און מיז, גיין מיט א מאסק, שלא לבייש מי שאין לו, כדי דער וואס האט דאס נאך נישט געהאט זאל זיך נישט דארפן שעמען
ווער ווייסט וואס איז די בושה?
I want atheism to be true and am made uneasy by the fact that some of the most intelligent and well-informed people I know are religious believers

Thomas Nagel
הקטן
חבר ותיק
חבר ותיק
 
הודעות: 2644
זיך רעגיסטרירט: דינסטאג מאי 15, 2012 7:30 pm
האט שוין געלייקט: 2034 מאל
האט שוין באקומען לייקס: 1171 מאל

הודעהדורך אישתישבי » זונטאג אקטאבער 18, 2020 11:23 pm

אויב איז נישט קיין בושה פארוואס ביסטו נישט געגאנגען אין דער ערשטער כוואליע א מאסק?
א קונץ צו זיין אליהו הנביא? א קונץ צו זיין איש תשבי!
אישתישבי
חבר ותיק
חבר ותיק
 
הודעות: 2651
זיך רעגיסטרירט: מיטוואך מערץ 09, 2016 12:19 am
האט שוין געלייקט: 102 מאל
האט שוין באקומען לייקס: 1391 מאל

הודעהדורך יעקב מעקסוועל » דינסטאג אקטאבער 20, 2020 1:55 pm

הקטן האט געשריבן:יעצט זאגן זיי די מאסק העלפט נישט אויף נישט צי באקימען, די אויפטו פין די מאסק איז נאר נישט צי געבען פאר א צווייטען.

דאס איז וואס איך האב זיי געהערט זאגן מתחילה. הענטשקעס קען אפשר העלפן פאר זיך, מאסקעס איז קלאר פאר די ציבור.

הקטן האט געשריבן:יעקב מעקסוועל זאגט אבער אז א יעדער זאל, און מיז, גיין מיט א מאסק, שלא לבייש מי שאין לו, כדי דער וואס האט דאס נאך נישט געהאט זאל זיך נישט דארפן שעמען
ווער ווייסט וואס איז די בושה?

איך האב נישט געזאגט בושה, איך האב געזאגט אזוי גייט עס ביי אונז. איך ווייס נישט אויב עס איז בושה, מנהג המקום, אדער עפעס אנדערש. איך ווייס נאר די פאקט, אדער גייט יעדער (כמעט), אדער קיינער (כמעט).
Thoroughly conscious ignorance, is the prelude to every real advance in science - James Clerk Maxwell
באניצער אוואטאר
יעקב מעקסוועל
מאנשי שלומינו
מאנשי שלומינו
 
הודעות: 38
זיך רעגיסטרירט: זונטאג יוני 07, 2020 12:30 pm
האט שוין געלייקט: 42 מאל
האט שוין באקומען לייקס: 77 מאל

הודעהדורך קורקלענד » דינסטאג אקטאבער 20, 2020 2:02 pm

וואו זענען די שטודיעס אז (מעדיקל) מאסקעס ארבייטן בכלל?

איין זאך איז זיכער אז מאסקעס פארמינערן שטארק די צאל פון אקסיגען וואס א מענטש אטעמט אריין און ס'איז זייער נישט געזונט, און צו ס'העלפט בכלל איז א ריזן ספק.

וואס זענען די שאנסן מאטעמאטיש פאר איינער אן א מאסקע צו כאפן קאראונא סתם אזוי אויף די גאס?
רעדאגירט געווארן צום לעצט דורך קורקלענד אום דינסטאג אקטאבער 20, 2020 3:39 pm, רעדאגירט געווארן איין מאל בסך הכל.
באניצער אוואטאר
קורקלענד
חבר ותיק
חבר ותיק
 
הודעות: 2264
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1928 מאל
האט שוין באקומען לייקס: 1379 מאל

הודעהדורך היכי דמי » דינסטאג אקטאבער 20, 2020 2:51 pm

קורקלענד האט געשריבן:וואו זענען די שטודיעס אז (מעדיקל) מאסקעס ארבייטן בכלל?

איין זאך איז זיכער אז מאסקעס פארמינערן שטארק די צאל פון אקסיגען וואס א מענטש אטעמט אריין און ס'איז זייער נישט געזונט, און צו ס'העלפט בכלל איז א ריזן ספק.

וואס זענען די שאנסן מאטעמאטיש פאר איינער און א מעסט צו כאפן קאראונא סתם אזוי אויף די גאס?


ווי זענען די שטודיעס אז מאסקעס פארמינערט שטארק די צאל אקסידזשען?
היכי דמי
ידיד השטיבל
ידיד השטיבל
 
הודעות: 214
זיך רעגיסטרירט: דאנערשטאג מאי 04, 2017 7:32 pm
האט שוין געלייקט: 28 מאל
האט שוין באקומען לייקס: 163 מאל

הודעהדורך הקטן » דינסטאג אקטאבער 20, 2020 3:00 pm

היכי דמי האט געשריבן:
קורקלענד האט געשריבן:וואו זענען די שטודיעס אז (מעדיקל) מאסקעס ארבייטן בכלל?
איין זאך איז זיכער אז מאסקעס פארמינערן שטארק די צאל פון אקסיגען וואס א מענטש אטעמט אריין און ס'איז זייער נישט געזונט, און צו ס'העלפט בכלל איז א ריזן ספק.
וואס זענען די שאנסן מאטעמאטיש פאר איינער און א מעסט צו כאפן קאראונא סתם אזוי אויף די גאס?

ווי זענען די שטודיעס אז מאסקעס פארמינערט שטארק די צאל אקסידזשען?

ווי זענען די שטודיעס אז זיך אנטון א פלעסטיק בעג אויפן קאפ פארמינערט שטארק די צאל אקסידזשען?!?

נעם א איינפאכע Oximeter אויפן פינגער בשעת די האסט אן די מאסק און וועסט געוואר ווערן

ווער ווייסט צי די מענטשען זענען נישט מער סעספטעבל צי כאפן די וויירוס, א שוואכט אימיאן סיסטעם וכד'
אפשר פארענעפרט דאס די פאקט אז 85% פין די CDC סטאדי וואס האבן געכאפט די וויירוס זאגן זיי גייען געווענדליך מיט א מאסק
ווער ווייסט???...
I want atheism to be true and am made uneasy by the fact that some of the most intelligent and well-informed people I know are religious believers

Thomas Nagel
הקטן
חבר ותיק
חבר ותיק
 
הודעות: 2644
זיך רעגיסטרירט: דינסטאג מאי 15, 2012 7:30 pm
האט שוין געלייקט: 2034 מאל
האט שוין באקומען לייקס: 1171 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט

cron