בלאט 1 פון 3

זינט ווען זענען מיר אידן אזא איידעלער פאלק?

הודעהפורסם: זונטאג אוגוסט 14, 2016 7:53 pm
דורך moshav zekeinim
עס איז ידוע פאר יעדער וואס וויל וויסן, אז אידן, ספעציעל חרדים, זענען א איידל פאלק וואו עס געפונט זיך נישט קיין רציחה און אנדערע גרעניצלאזע הנהגות וואס מען געפונט ביי די גוים. דער איד, ווייסט יעדער, הרגעט נישט, ברעכט נישט איין קיין הייזער, באפאלט נישט קיין מענטשן אין די גאסן.

שטעלט זיך מיר דער פראגע, זינט ווען איז דער איד געווארן אזוו אויסגעאיידלט, ווארים ווען מען קוקט צוריק אין די היסטאריע זעט מען ווי אידן האבן סיי געהארגעט און סיי געגאנוועט.

לאמיר נישט רעדן פון שמעון ולוי׳ס אקציע אויף שכם, זיי האבן דאך געמיינט לשם שמים. לאמיר נישט רעדן פון זייער אריין ווארפן יוסף׳ן אינעם בור נחשים ועקרבים. לאמיר נישט רעדן פון די מלחמת הקנאות מצד די בני לוי נאכן עגל אדער מצד פנחס נאכן מגפה, ווייל זיי זענען דאך ע"פ ה׳ גלייך ווי פילע מצוות וועלעכע באפעלן טויט שטראף און פאגראמען פארן פארלעצן גאטס געבאטן.

אבער וואס טוט זיך מיט די אידישע גזלנים באנדעס וועלעכע ווערן דערמאנט לשמצה אין שופטים, און מיט רציחות פון מלכים ושרים וועמענס רציחות עס ווערן דערמאנט לשמצה אין די פסוקים? און לאמיר שוין נישט רעדן פון אנדערע אומאראלישקייטן ווי שיכרות און זנות וואס חזל לייגן אן אויף די בני עשרת השבטים.

דער צווייטער בית המקדש איז חרוב געווארן צוליב שנאת חינם (און נאך אנדערע סיבות), דער יוסיפין דערציילט וואס פאר א רציחות עס זענען דאן פארגעקומען. אויך אין חזל געפונען מיר האר פון קאפ אויפשטעלנדע רציחות בימים ההם, און בכלל בימי התנאים והאמוראים, און דאס איז אויסער די אידישע גזלנים באנדעס וואס ווערן דערמאנט אען חזל.

שטעלט זיך דא מיין פראגע, ווען אין די היסטאריע האט דאס פסירט אז די אידן שומרי שבת זענען אזוי אויסגעאיידלט געווארן, אז רציחה און גזילה און אנדערע אוממאראלישקייטן איז געווארן בבל יראה ובל ימצא צווישן אידן שומרי שבת?

Re: זינט ווען זענען מיר אידן אזא איידעלער פאלק?

הודעהפורסם: זונטאג אוגוסט 14, 2016 7:57 pm
דורך סאשי פיש
אשכול #2

הודעהפורסם: זונטאג אוגוסט 14, 2016 9:55 pm
דורך שש משזר
moshav zekeinim האט געשריבן:שטעלט זיך דא מיין פראגע, ווען אין די היסטאריע האט דאס פסירט אז די אידן שומרי שבת זענען אזוי אויסגעאיידלט געווארן, אז רציחה און גזילה און אנדערע אוממאראלישקייטן איז געווארן בבל יראה ובל ימצא צווישן אידן שומרי שבת?

דאס האט פאסירט איינמאל מ'איז פטור געווארן פון אזעלכע אנשיקענישן ווי מושב זקנים.

#דער-אידיאט-איז-שוין-ווייטער-דא.

Re: זינט ווען זענען מיר אידן אזא איידעלער פאלק?

הודעהפורסם: זונטאג אוגוסט 14, 2016 10:12 pm
דורך יב הלוי סאלאווייטשיק
די אלטער, די גלייבסט דען די אלע מעשות...?

Re: זינט ווען זענען מיר אידן אזא איידעלער פאלק?

הודעהפורסם: זונטאג אוגוסט 14, 2016 10:47 pm
דורך קל וחומר
די אלע מעשיות זענען געווען פון אזעלכע סארט אידן ווי דיר וואס האבן אלעמאל געדארפט מאכן חרבנות וואו אימער זיי זענען נאר געגאנגן, און די וואוילע אידן האבן נעבעך געליטן ווייל כל ישראל ערבים זה לזה נישט קיין חילוק וועלכע מצב יענער האלט על אף וואס מ'האט כמה פעמים געבעטן פון בי"ד אוועקצונעמען זייערע רעכטן, זענען בי"ד געווען צו וואוילע אידן דאס צו טוהן (עכ"פ לצמיתות).

#היסטארי_ריפיעטס_איטסעלף

הודעהפורסם: זונטאג אוגוסט 14, 2016 11:01 pm
דורך געוואלדיג
שאלה גדולה שאלת בני, און ווי דו ווייסט אוודאי מיין זיס קינד ביסטו נישט דער ערשטער צו אויפברענגען די געוואלדיגע מורא'דיגע תמיה, פילע שאצונגען און רעכענונגען זענען דא אויף דעם, אבער די מערסט אקעדעמיש אנגענומען איז די טעאריע פון דעם באוואסטן פארשער און חוקר הדורות פתיא, וואס האטו געלעבט אינעם 4'טן יאר הונדערט, און ווי עס ווערט געברענגט אין זיינע באלערנדע שריפטן איז די וואנדערליכע טויש אין די גלויביגע יאודים געשעהן אין די יאר 326 בעפארן ציילונג, וואס ביז דאן זענען זיי געווען באוואוסט אלס די נידריגסטע סעקטע צווישן אלע פעלקער אזש רציחה איז געווען אזוי גאנגבאר אז מען האט געבויעט די גאסן מיט קאנאלן ביי די זייט עס זאל אריינפליסן אין זיי די טעגליך פילע פארגאסענע בלוט, און קיינער האט נישט געהאט קיין באשטימטע פרוי נאר די געזעץ הט געלויטעט ווי מען קען נאך היינט לעהזן אין זייערע תאלמודיקל שריפן "כל דאלים גבר" אבער יענעם יאר האט זיך אלעס מיטאמאל געטוישט ווען א אויסטערלישע געשעעניש האט זיך אפגעשפילט אין פאלעסטינע ווען אין א געוויסע פרילינג נאכט האט א לעכטיג רויט בלוי שטערן באלאכטן דעם האריזאנט און איבער דעם האט זיך געליינט געשריבן הערנדיג א פארכטיגע שטימע 'זינדיגע לייט ווילאנג נאך מיינט איהר וועל איך פארשווייגן אייערע נידריגע טהאטן?! א נייע הארץ לייג איך אריין אין אייך א איידעלע הארץ איהר וועט ווערן א געזעלשאפט אן דראגס און זנות' און דאן האט זיך אלעס געטוישט לצמיתות.

Re: זינט ווען זענען מיר אידן אזא איידעלער פאלק?

הודעהפורסם: מאנטאג אוגוסט 15, 2016 10:11 am
דורך גראדעמעכעלע
דאס איז טאקע די כח פון תורה ומצוות, צו נעמען א ווילדע שבט ווי אלע שבטים און זיי אויסמענטשלען צו אזא איידעלע שיינע פאלק.

Sent from my GT-I9192 using Tapatalk

הודעהפורסם: מאנטאג אוגוסט 15, 2016 10:28 am
דורך בן אדם
מושב זקינים, פילסט דיך ווי דו האסט אנדעקט אמעריקע?

אוי א שאד משה רבינו האט עס געשריבן, יעצט איז מושב געוואור געווארן די סוד...

הודעהפורסם: מאנטאג אוגוסט 15, 2016 10:30 am
דורך שלום על ישראל
כאטש איך פארשטיי ווי די אשכול איז ווייט נישט צום געשמאק פון אסאך לייענערס, האט דאך יעדער די ברירה צו נישט שענקען א לייק, און עס פעלט נישט אויס קיין שטעכיגע און אומציווילעזירטע באמערקונגען.

למען הנושא, איז דער כלל ישראל לכאורה אלץ געווען איידעלער ווי דער אלגעמיינער גוי, אפילו אין אונזערע ארגסטע צייטן. די וועלט האלט שוין אהן א שטראך (streak) פון זיך אויסמענטשלען פאר א לענגערע צייט (אפשר זינט די אנהויב), און בעת די וועלט האט זיך מער ציווילעזירט, האבן זיך די אידן נאכמער אויסגעאיידלט. ווי די שפריכווארט זאגט "וויאזוי עס גוי'איש'ט זיך, אזוי אידיש'ט זיך." כנלפענ"ד.

הודעהפורסם: מאנטאג אוגוסט 15, 2016 2:29 pm
דורך berlbalaguleh
שלום על ישראל האט געשריבן:כאטש איך פארשטיי ווי די אשכול איז ווייט נישט צום געשמאק פון אסאך לייענערס, האט דאך יעדער די ברירה צו נישט שענקען א לייק, און עס פעלט נישט אויס קיין שטעכיגע און אומציווילעזירטע באמערקונגען.

למען הנושא, איז דער כלל ישראל לכאורה אלץ געווען איידעלער ווי דער אלגעמיינער גוי, אפילו אין אונזערע ארגסטע צייטן. די וועלט האלט שוין אהן א שטראך (streak) פון זיך אויסמענטשלען פאר א לענגערע צייט (אפשר זינט די אנהויב), און בעת די וועלט האט זיך מער ציווילעזירט, האבן זיך די אידן נאכמער אויסגעאיידלט. ווי די שפריכווארט זאגט "וויאזוי עס גוי'איש'ט זיך, אזוי אידיש'ט זיך." כנלפענ"ד.

שלום על ישראל: איין זאך איז זיכער. זייט קבלת התורה האבן מיר אנגעהויבן צו ווערן איידלער. איינס, ווייל ס'שטייט אין גמ'/מדרש אז בשעת מתן תורה איז ..."פסקה זוהמתן"... ווער ס'פארשטייט וואס דאס מיינט, פארשטייט. צווייטנס, לויט ווי דער רמב"ם זאגט אז די אידן, וועלכע עסן נישט קיין שרצים ובהמות ועופות טמאות, איז זייער בלוט נישט פארסמ'ט פון די געמיינע נאטורן פון אט די אלע פארבאטענע און עקלדיגע זאכן...!
נאר מענטשן וועלכע זענען נישט זיכער ביי זיך אליינס אויב זיי זענען פון סעמיטישן אפשטאם. זיי שפירן ביי זיך אז אפשר זענען זיי גענעטיש,צו א געוויסן פראצענט, סלאוון אדער טערקן אדער אונגאר'ן. זיי זענען מטיל ספק אין דעם אנדערשקייט און אפגעזונדערטקייט פון די סעמיטישע ראסע. די אור אייניקלעך פון תרח פון די שטאט אור אין לאנד/גובערניע כשדים/קאלניע, וועלכע איז אין יענע צייטן געווען אונטער די דערהויבענע הערשאפט פון דעם קעניג נמרוד, ירום הודו...!

הודעהפורסם: מאנטאג אוגוסט 15, 2016 2:57 pm
דורך בן נריהו
.

הודעהפורסם: מאנטאג אוגוסט 15, 2016 5:20 pm
דורך moshav zekeinim
אבער וויאזוי קען דאס זיין אז איבער דריי יאר נאך מתן תורה זענען מיר בעסער פון די פארצייטיגער וועלעכע זענען פיל נענטער געווען צום מתן תורה?

הודעהפורסם: מאנטאג אוגוסט 15, 2016 5:40 pm
דורך שלום על ישראל
moshav zekeinim האט געשריבן:אבער וויאזוי קען דאס זיין אז איבער דריי יאר נאך מתן תורה זענען מיר בעסער פון די פארצייטיגער וועלעכע זענען פיל נענטער געווען צום מתן תורה?

איך פארשטיי נישט דיין פראגע. האסט עפעס אויסגעלאזט?

הודעהפורסם: מאנטאג אוגוסט 15, 2016 8:53 pm
דורך moshav zekeinim
דריי טויזנט יאר! אנטשולדיגט

הודעהפורסם: מאנטאג אוגוסט 15, 2016 9:04 pm
דורך שלום על ישראל
moshav zekeinim האט געשריבן:אבער וויאזוי קען דאס זיין אז איבער דריי [טויזנט] יאר נאך מתן תורה זענען מיר בעסער פון די פארצייטיגער וועלעכע זענען פיל נענטער געווען צום מתן תורה?

אויף דעם האב איך שוין אויבן געשריבן:
שלום על ישראל האט געשריבן:למען הנושא, איז דער כלל ישראל לכאורה אלץ געווען איידעלער ווי דער אלגעמיינער גוי, אפילו אין אונזערע ארגסטע צייטן. די וועלט האלט שוין אהן א שטראך (streak) פון זיך אויסמענטשלען פאר א לענגערע צייט (אפשר זינט די אנהויב), און בעת די וועלט האט זיך מער ציווילעזירט, האבן זיך די אידן נאכמער אויסגעאיידלט. ווי די שפריכווארט זאגט "וויאזוי עס גוי'איש'ט זיך, אזוי אידיש'ט זיך." כנלפענ"ד.

הודעהפורסם: מאנטאג אוגוסט 15, 2016 9:25 pm
דורך moshav zekeinim
דיין הסבר מאכט מיר צומישט כלפי דאס חשיבות פונעם אידישן פאלק מיט זיין רעליגיע, מצד אחד זעה איך אידישקייט באשאפט דאס איידלסטער פאלק, אבער מצד שני זעה איך אז וואס ווייטער פון מתן תורה, דער מקור פון זיין אידישקייט, אלס בעסער איז ער. זאל דער רבי מיר אויסקלארן ושלום על ישראל

הודעהפורסם: מאנטאג אוגוסט 15, 2016 9:42 pm
דורך שלום על ישראל
moshav zekeinim האט געשריבן:דיין הסבר מאכט מיר צומישט כלפי דאס חשיבות פונעם אידישן פאלק מיט זיין רעליגיע, מצד אחד זעה איך אידישקייט באשאפט דאס איידלסטער פאלק, אבער מצד שני זעה איך אז וואס ווייטער פון מתן תורה, דער מקור פון זיין אידישקייט, אלס בעסער איז ער. זאל דער רבי מיר אויסקלארן ושלום על ישראל

קיין דיסרעספעקט, אבער איך מיין אז כ'האב פיין מסביר געווען.

הודעהפורסם: מאנטאג אוגוסט 15, 2016 9:46 pm
דורך שלום על ישראל
איינער פרעגט מיך אין אישי וויאזוי איז מעגליך אז די אידען זענען געווען מער ציווילעזירט קודם מתן תורה ווי לאחר. איך פארשטיי נישט די פראגע.

ווענדט זיך אויף וועליכער תקופה מ'באציט זיך. שמעון ולוי זענען געווען קודם מתן תורה.

אויב רעדט מען לאחר ירידת מצרים, וויאזוי ווייסט מען וואספארא איידעלע מענטשן מיר זענען קודם מתן תורה? מיר זענען נארוואס באפרייט געווארן און די זעלבס-זיכערקייט איז געווען אין דער ערד. קיין לאנד, גאנץ פארמעגן אויף אייזלען. מיט וואס זענען מיר געווען בעסער?

וואס זענען געווען אונזערע נסיונות? בסך הכל האבן מיר געדארפט זיין פאלגזאם און קאאפערירן מיט משה רבינו.

הודעהפורסם: מאנטאג אוגוסט 15, 2016 10:08 pm
דורך בן אדם
ישראל עזין שבאומות. וידוע הסיפור עם ריש לקיש ור' יוחנן וכו'

הודעהפורסם: דינסטאג אוגוסט 16, 2016 1:19 am
דורך moshav zekeinim
שלום על ישראל, הייסט עס אז פארגעשריטנקייט פון די בני יפת איז געווען נויטיג ארויס צו ברענגען די שיינקייט פון די מתן תורה אידן.

הודעהפורסם: דינסטאג אוגוסט 16, 2016 1:36 am
דורך berlbalaguleh
moshav zekeinim האט געשריבן:דיין הסבר מאכט מיר צומישט כלפי דאס חשיבות פונעם אידישן פאלק מיט זיין רעליגיע, מצד אחד זעה איך אידישקייט באשאפט דאס איידלסטער פאלק, אבער מצד שני זעה איך אז וואס ווייטער פון מתן תורה, דער מקור פון זיין אידישקייט, אלס בעסער איז ער. זאל דער רבי מיר אויסקלארן ושלום על ישראל

מושב זקנים: אני הקטן, וועלל נעמען דעם שטעקן, און רשות דיר צו ענטפערן.לשיטתך ה--- וואס דו האלטסט אז די אידן זענען געווען ווילדע בארבארן און גארנישט בעסער פון די פרימיטיווע שבטים וועלכע האבן געוואוינט אין מיטל מזרח. אבער נאך קבלת התורה ביסטו דאך אויך מודה (בבחינת ..."ומלאך --יענה אמן בעל כורחו"...) אז די אידן האבן אנגעהויבן צו ווערן מער ציוויליזירט און איידעלער.און דער פראצעס האט גענימען א לאנגע צייט. קבלת התורה איז געווען דער אנהויב. און דאס ציהט זיך נאך ביז היינט. ס'איז דא נאך וואס צו זאגן איבער דעם ענין, אבער די אידישע רבנים (די פרושים) האבן געזאגט אין זייערע שריפטן וועלכע רופן זיך..."די עטיקעט פון אונזערע פאטערס"...אז (צומאל) איז בעסער אז מ'שווייגט. (עכט האט דאס געזאגט א גריכישער פילאזאף. נאר זיי האבן עס איבערגעזאגט אן געבן קרעדיט...)... :lol: :roll:

הודעהפורסם: דינסטאג אוגוסט 16, 2016 10:18 am
דורך שושן פורים
שש משזר האט געשריבן:
moshav zekeinim האט געשריבן:שטעלט זיך דא מיין פראגע, ווען אין די היסטאריע האט דאס פסירט אז די אידן שומרי שבת זענען אזוי אויסגעאיידלט געווארן, אז רציחה און גזילה און אנדערע אוממאראלישקייטן איז געווארן בבל יראה ובל ימצא צווישן אידן שומרי שבת?

דאס האט פאסירט איינמאל מ'איז פטור געווארן פון אזעלכע אנשיקענישן ווי מושב זקנים.

#דער-אידיאט-איז-שוין-ווייטער-דא.


הרב שש, במחילת כבודך איז דאס א שטיקל היסטאריע וועלכע ברויכט ווערן אויסגעשמועסט, אויב קענט איר נישט דערליידן מושב, און לאמיר זאגן אז מיט רעכט דאן גיי ארויס פון דעם אשכול און קוק עס נישט אן.

למען השם אפשר הערט מען שוין אויף מיט די נאנסענס נעים קאלינג

הודעהפורסם: דינסטאג אוגוסט 16, 2016 11:09 am
דורך moshav zekeinim
אדער קען איך זאגן אז לעולם זענען די אידן מיסודם שטענדיג געווען לויטער ריין, נאר די גוים ארום וועלעכע זענען גאר שטארק פארזינקען געווען אין אוממאראלישקייט האבן קאליע געמאכט די ידן. און היינט ווען די ארומיגע גוים האבן זיך אויסגעבעסערט מאכן זיי שוין נישט אזוי שטארק קאליע די אידן.

הודעהפורסם: דינסטאג אוגוסט 16, 2016 1:08 pm
דורך שלום על ישראל
moshav zekeinim האט געשריבן:אדער קען איך זאגן אז לעולם זענען די אידן מיסודם שטענדיג געווען לויטער ריין, נאר די גוים ארום וועלעכע זענען גאר שטארק פארזינקען געווען אין אוממאראלישקייט האבן קאליע געמאכט די ידן. און היינט ווען די ארומיגע גוים האבן זיך אויסגעבעסערט מאכן זיי שוין נישט אזוי שטארק קאליע די אידן.

דאס האב איך געזאגט, מער ווייניגער:
שלום על ישראל האט געשריבן:למען הנושא, איז דער כלל ישראל לכאורה אלץ געווען איידעלער ווי דער אלגעמיינער גוי, אפילו אין אונזערע ארגסטע צייטן. די וועלט האלט שוין אהן א שטראך (streak) פון זיך אויסמענטשלען פאר א לענגערע צייט (אפשר זינט די אנהויב), און בעת די וועלט האט זיך מער ציווילעזירט, האבן זיך די אידן נאכמער אויסגעאיידלט. ווי די שפריכווארט זאגט "וויאזוי עס גוי'איש'ט זיך, אזוי אידיש'ט זיך." כנלפענ"ד.

הודעהפורסם: דינסטאג אוגוסט 16, 2016 4:54 pm
דורך שש משזר
שושן פורים האט געשריבן:
שש משזר האט געשריבן:
moshav zekeinim האט געשריבן:שטעלט זיך דא מיין פראגע, ווען אין די היסטאריע האט דאס פסירט אז די אידן שומרי שבת זענען אזוי אויסגעאיידלט געווארן, אז רציחה און גזילה און אנדערע אוממאראלישקייטן איז געווארן בבל יראה ובל ימצא צווישן אידן שומרי שבת?

דאס האט פאסירט איינמאל מ'איז פטור געווארן פון אזעלכע אנשיקענישן ווי מושב זקנים.

#דער-אידיאט-איז-שוין-ווייטער-דא.


הרב שש, במחילת כבודך איז דאס א שטיקל היסטאריע וועלכע ברויכט ווערן אויסגעשמועסט, אויב קענט איר נישט דערליידן מושב, און לאמיר זאגן אז מיט רעכט דאן גיי ארויס פון דעם אשכול און קוק עס נישט אן.

למען השם אפשר הערט מען שוין אויף מיט די נאנסענס נעים קאלינג

שושן פורים, דא איז נישט פורים און נישט שושן פורים. דא פירט מען א שמועס ווי א נארמאלע מענטש. אויב איין ספעציפישער ניק צייכנט זיך אלץ אויס אין איין הינזיכט, פון האקן און חוזק מאכן פון אידן אדער אידישקייט, דאן רעד איך צו אים זיין שפראך, פון האקן און חוזק מאכן.

שטיקלעך היסטאריע וואס ברויכן ווערן אויסגעשמועסט, ברויכן ווערן אדורכגעטון דורך די וואס טוען אין היסטאריע, אדער וואס ווילן כאטש אדורכטון היסטאריע. דער וואס נוצט היסטאריע נאר אלס שטעקן נאכאמאל צו האקן אויף אידישקייט, זוכט דאך נישט די היסטאריע נאר די האקן. דערפאר רעד איך צו אים בדרך האקעריי.

אויב 95 פראצענט פון ק"ש דערליידן נישט מושב, דארפן זיי נישט אלע ארויסגיין פון אשכול, נאר פארשיקן דעם פותח האשכול און דערשטיקן זיין בויך וויי.