מזל טוב, בארא פארק! (פרייער געווינס)

ארטיקלען און באטראכטונגען איבער דער חרדי'שער געזעלשאפט און קולטור

מזל טוב, בארא פארק! (פרייער געווינס)

הודעהדורך ראובן » דינסטאג סעפטעמבער 13, 2016 10:42 pm

כ'האב לכתחילה געקלערט צו שרייבן "מזל טוב חסידישע פרויען", אבער נאכדעם האב איך זיך געכאפט אז דאס איז אייגנטליך א שמחה פאר מענער אויך. די היינטיגע געווינס פון דער חסידישער פרוי רחי פרייער פאר סיוויל קאורט ריכטער צעברעכט דעם גלאזענעם דאך וואס איז דא ביי חסידישע אידן, געבויעט דורך צענדליגער יארן פון לעכערליכע און טעות'דיגע געזעלשאפטליכע פרינציפן, צו שטערן חסידישע פרויען אנצוקומען צו קאריערעס און זיך צו בויען לויט די טאלאנטן און אייגנשאפטן.

די דיסקרימינאציע קעגן פרויען איז נישט נאר א שאדן פאר פרויען. גאנצע 50% פון חסידישע אידן איז פרויען. מיט'ן אוועקרייסן פון פרויען די מעגליכקייט צו שטייגן, צו אנקומען צו פירערשאפט פאזיציעס, נעמען מיר אוועק 50 פראצענט פון דעם קאלעקטיוון חסידישן אינטעליגענץ, טאלאנט און אייפער. יעדער פארלירט, יעדער האט שאדן.

דער היינטיגער געווינס פון פרוי פרייער ווייזט אז מיט אמביציע, טאלאנט און קוראזש קען מען אנקומען ווייט – און אפילו צעברעכן געזעלשאפטליכע דעכער.

ווען עס איז לעצטנס געווען אין די נייעס איבער חסידישע יונגעלייט אין בארא פארק וואס האבן געעפנט א פירמע צו פראדוצירן שווים-קליידער פאר דער אלגעמיינער גאס, האב איך אנגעוויזן אז טייל פון אונז לעבן אין א פחד וואס איז טיילווייז איבערגעטריבן און אומזיסט. מ'דארף לאו דווקא אנטלויפן פון דעם חרדיש לעבן צו קענען מצליח זיין אין זאכן וואס ווערן געזען ביי אונז מאדנע אדער אפילו אפגעפרעגט.

אז מ'האט די חוצפה און קוראזש צו גיין ווייטער און טון וואס איז ריכטיג, אן שפירן ווי מ'דארף זיך פארענטפערן פאר איינעם, קען מען אנקומען פיל ווייטער ווי מ'רעכנט זיך. און עס איז אפילו יתכן אז נאכ'ן דורכשוויצן דעם פראצעדור זאל מען גאר באקומען חיזוק און שטיצע פון די זעלבע פון וועמען מ'האט לכתחילה געציטערט.

כ'זאג נישט אז עס איז גרינג און אז מ'קען נישט דורכפאלן. עס איז שווער, און מ'קען ביטער דורכפאלן. אבער אז מ'גארטלט זיך אן מיט אינערליכער שטארקייט, מיט גבורה אין הארץ און אין מוח, זענען פאראן גרויסע שאנסן פאר הצלחה אפילו אין דער חרדישער געזעלשאפט. מיר דארפן זיך אויסלערנען אז טייל פון אונזערע פחדים זענען איבערגעטריבן, ווי רוזוועלט האט געזאגט, "the only thing we have to fear is fear itself."


נ.ב. דאס איז נישט קיין אינדארסירונג פאר פרייער'ס קאדידאטור און פאזיציע. איך ווייס גאר ווייניג וועגן איר, און איך ווייס בכלל נישט וואס אירע פאליסיס זענען. כ'רעד נאר פון דעם היסטארישן דורכברוך אז א חסידישע פרוי האט באוויזן דאס אומגלויבליכע צו געווינען א חשוב'ע פאזיציע ווי א ריכטער פאר דעם היימישן ציבור.
דער דעדליין פאר'ן קומענדיגן וועקער איז מאנטאג פרשת ויצא, ב' כסלו - ולמספרם, נאוועמבער 20. ווארט נישט אויפ'ן לעצטן מינוט!
באניצער אוואטאר
ראובן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1914
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2428 מאל
האט שוין באקומען לייקס: 7776 מאל

הודעהדורך berlbalaguleh » דינסטאג סעפטעמבער 13, 2016 11:54 pm

ראובן: ווען אין דעם שכינות'דיגן שטעטל, מאנטריאל האט א טאלאנטירטע און גוט קוואליפיצירטע ערליכע אידישע פרוי, מס. מינדי פאללאק ארויסגעשטעלט איהר קאנדידאטור פאר סיטי קאונסיל רעפרעזענטאטיוו פון די היימישע אידישע געגנט, האבן די געוויינליכע פאררוקטע גרופעס וועלכע לעבן א פאררוקט און פארדרייטע פארמאט פון אידישקייט און זייערע פיהרערס אויפגעהויבן א ויצעקו עד לב השמים. ס'האט שוין געהאלטן בייי ראיאטן, וואס די גרופע אנארכיסטן האבן אנגעפיהרט. ביז די פאליציי האט זיך אריינגעמישט און געהאלטן ביי ארעסטירן זייערע פיהרערס.

די האפענונג מיט מס. פאללאק אלס רעפרעזענטאטיוו איז געווען אז זי וועט אויף אן עפעקטיוון וועג באקעמפן דאס אנטיסעמיטיזם אין די שטאט רעגירונג און אויך ביי א גרויסן טייל פון די לאקאלע גוי'אישע באפעלקערונג. זי איז געווארן געשטיצט דורך א גוי'אישע פארטיי מיט זייער פיהרער, וועלכע האבן געהאט גרויסע האפענונגען אריינצוקומען אין סיטי האלל.

איינס פון איהרע הויפט קוואליפיקאציעס איז, אז זי רעדט זייער גוט די פראנצויזישע שפראך. ווער ס'קען דעם פאליטישן מצב אין קוויבעק/מאנטריאל ווייסט וואספארא חשיבות דאס געט צו פאר א קאנדידאט. ספעציעל א אידישן קאנדידאט וועלכע רעדט א פליסיגן פראנצויזיש. דאס מאכט אויף כמעט אלע רעגירונגס טירן. זי איז געווען אויף אינטערוויוס ביי כמעט אלע ראדיא און טעלעוויזיע סטאנציעס און ביי די רעדאקציעס פון כמעט אלע טעגליכע פראנצויזישע צייטונגען.

איינס פון איהרע געוואלדיגע אויפטוען איז, אז זי האט אפגעדינגען א האלל וואו אלע עטנישע מעמבערס פון די פארשידענע גרופעס וועלכע וואוינען אין די געגנט קענען קומען און זיך אדורכרעדן. ווייל די אידן האבן אין די לעצטע עטליכע יאר זייער שטארק געליטן פון פארשידענע באגרעניצונגען וועלכע זענען געקומען אלס רעזולטאט פון פאליטישן אנטיסעמיטיזם, מיט'ן תירוץ אז ס'שטערט פאר די נישט אידישע שכנים. ווי למשל דער געזעץ וועלכער לאזט א סוכה (אפילו אויף די אייגענע פראפערטי) נישט שטיין לענגער פון 10 טעג.דאס מיינט אז מ'קען נישט אויפבויען א סוכה נאר א טאג פאר ערב יום טוב. און באלד נאך יו"ט מוז עס צונומען ווערן. אויב נישט, באקומט מען שווערע געלט שטראפן. דאס דינט אויך ווי א פאליטישער קלאב. וואו די פאליטישנס קומען און האלטן דרשות פאר די איינוואוינערס. די מיטינגס האבן שוין זייער א סאך אויפגעטוען אויפ'ן געביט פון שלום און רואיגקייט. די אינטרעסאנטע זאך איז, אז איינע פון די הויפט מיטארבעטארינס פון מס. פאללאק איז א פאלעסטינער פרוי וועלכע וואוינט אויך אין די געגנט.

און טראץ די אלע גרויסע און וויכטיגע אויפטוען וועלכע זענען לטובת אלע אידן פון די געגנט, האבן די גרופעס אנגעהויבן א העץ קאמפיין אקעגן איהר.

איז טאקע א וואונדער אז די זעלבע גרופעס האבן זיך נישט אקעיגנגעשטעלט מרס. רחל פרייער אין איהר קאנדידאטור אלס סיוויל קאורט דזשאדזש...!
באניצער אוואטאר
berlbalaguleh
חבר הכבוד
חבר הכבוד
 
הודעות: 10300
זיך רעגיסטרירט: דינסטאג יולי 17, 2012 12:57 pm
האט שוין געלייקט: 11338 מאל
האט שוין באקומען לייקס: 6459 מאל

הודעהדורך דער דאס » מיטוואך סעפטעמבער 14, 2016 1:02 am

ראובן האט געשריבן:

נ.ב. דאס איז נישט קיין אינדארסירונג פאר פרייער'ס קאדידאטור און פאזיציע. איך ווייס גאר ווייניג וועגן איר, און איך ווייס בכלל נישט וואס אירע פאליסיס זענען. כ'רעד נאר פון דעם היסטארישן דורכברוך אז א חסידישע פרוי האט באוויזן דאס אומגלויבליכע צו געווינען א חשוב'ע פאזיציע ווי א ריכטער פאר דעם היימישן ציבור.


ווי ווייט איך ווייס, זענען אירע פאליסיס צו טוהן און אויפטוהן און העלפן מענטשן אין נויט..

יא ס'קומט א גרויסע מזל טוב פאר תושבי בארא פארק בפרט, און פאר כלל ישראל בכלל, די געווינס איז גרויס..

זאל איר השי"ת גיבן כח צו קענען ווייטער אנגיין.
דער דאס
ידיד השטיבל
ידיד השטיבל
 
הודעות: 175
זיך רעגיסטרירט: פרייטאג יולי 15, 2016 12:41 am
האט שוין געלייקט: 492 מאל
האט שוין באקומען לייקס: 366 מאל

הודעהדורך מר. קלונימוס » מיטוואך סעפטעמבער 14, 2016 1:15 am

כל כבודה בת מלך פנימה

(תהילים מה, יד)
איך רעד צום וואנט קוקט אויס
מר. קלונימוס
מאנשי שלומינו
מאנשי שלומינו
 
הודעות: 44
זיך רעגיסטרירט: מיטוואך פעברואר 17, 2016 4:45 pm
האט שוין געלייקט: 17 מאל
האט שוין באקומען לייקס: 53 מאל

הודעהדורך בן אדם » מיטוואך סעפטעמבער 14, 2016 1:20 am

נו, וואס מיינט פנימה?
באניצער אוואטאר
בן אדם
חבר ותיק
חבר ותיק
 
הודעות: 2800
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 2842 מאל
האט שוין באקומען לייקס: 1325 מאל

הודעהדורך יאסל ראקאווער » מיטוואך סעפטעמבער 14, 2016 7:40 am

אן אינטערעסאנטע ערשיינונג אויף פעיסבוק ווען די ק.מ.ח. ארגון האט ארויס געשטעלט א כולל געלט stipend פאר חרידישע יונגעלייט וואס ווילן זיך לערן דאקטאריי. די חרידישע פרויען אויף פעיסבוק רעדן זיך אפ פארוואס מ'האט זיי פארגעסן.

https://m.facebook.com/story.php?story_ ... 1696081164
הנח לו ליוסל, איך בין נישט קיין נביא, איך בין נישט די משנה ברורה. מיינע ווערטער איז נישט געמאסטן!

פארטייטש מיך נישט, און ליין נישט צווישען די שורות
יאסל ראקאווער
ידיד השטיבל
ידיד השטיבל
 
הודעות: 185
זיך רעגיסטרירט: זונטאג סעפטעמבער 15, 2013 2:30 pm
האט שוין געלייקט: 121 מאל
האט שוין באקומען לייקס: 299 מאל

הודעהדורך שושן פורים » מיטוואך סעפטעמבער 14, 2016 10:18 am

מר. קלונימוס האט געשריבן:כל כבודה בת מלך פנימה

(תהילים מה, יד)

די אפיציעלע תירוץ פון די פרומע חברי כנסת איז אז "מען דארף אויפטון פון אינעווייניג" טא אפשר איז דאס דער פשוטע פשט אז כל כבודה פון א בת מלך איז ווען זי קומט אן "פנימה".

וכו' וגו' ודפח"ח ודוק וטישטעך
דער חסיד פארן מאדערן ארטאדאקס איז פונקט ווי דער לב טהור פארן חסיד ודו'ק
באניצער אוואטאר
שושן פורים
היימישער באניצער
היימישער באניצער
 
הודעות: 424
זיך רעגיסטרירט: מאנטאג יולי 08, 2013 12:11 am
האט שוין געלייקט: 364 מאל
האט שוין באקומען לייקס: 495 מאל

הודעהדורך אברך משי » מיטוואך סעפטעמבער 14, 2016 10:19 am

אין ממנין נשים לא למלך ולא לדיין ולא לשופט ולא לשוטר
כמבואר בש"ס, ברמב"ם, ובשאר פוסקים.

נישט אומזיסט האט די תורה אזוי אוועקגעשטעלט. ס'טוט ווי ס'הארץ צו זען ווי ווייט אונז זעממער שוין געווארן אזוי היינטיג און דעמאקראטיש געשטימט אז אונזערע אייגענע אויגן זענען אזוי שטארק פארבלענדעט און מ'האממער פארלוירן ס'לעצטע ביסל תורהדיגע געפיל. ס'האט גארנישט צוטון מיט קנאות און נישט מיט פאנאטישקייט, עפ"י השקפת התורה באלאנגט נישט א פרוי אין קיין שום פאבליק פאזיציע, סיי מצד עניני צניעות און כל כבודה כנ"ל, אויך ווייל א מאמע דארף זיין א מאמע און א ווייב דארף זיין א ווייב (איך קענן נישט מרת פרייערס שלום בית צושטאנד, אבער אזויפיל קען איך יא זאגן, א רחמנות אויף איר מאן), זי האט א פליכט צו דינען איר מאן. און לויט כמה וכמה ראשונים איז א פרוי פטור פון מצות עשה שהזמן גרמא נאר פאר דעם ווייל זי דארף אייביג זיין 'עוועיליבל' פאר איר מאן לעשות רצונו. אין חכמה לנשים כי אם בפלך, א פרוי איז בעצם געבויט און געבילדעט צו קאכן און באקן און שטריקן סוועטערס און גארטלעך, און אף על פי וואס די היינטיגע מציאות פרובירט מיט אלע כוחות צו ווייזן פארקערט, איז עס נישט ריכטיג לאמיתה של דבר, ס'איז בערך ווי די מעשה מיט די קעץ פון ר' יונתן איבשיץ וואס מ'האט זיי געוואלט טרעינען אבער ביז זיי האבן געזען דער ערשטער מייזעלע אריבערלויפן. א פרוי האט געוויסע כאראקטעריסטישע פונדאמענט וואס מ'קען נישט טוישן און ס'ליגט טיף אין די DNA, און נישט אומזינסט האט גאט ב"ה זיי געשטעלט אין זייער מקום המיוחד להם און קובע געווען גבולות ברורים ווי אהין זיי געהערן, אפגעזען דיסקרימינאציע און אנדערע היינטיגע נעמען.

ווער ס'וויל זיך דינגען איז מכובד.
אוי געוואלד! די שווערסטע זאך מסביר צו זיין פאר א שוטה, אז ער איז א שוטה!
אברך משי
ידיד השטיבל
ידיד השטיבל
 
הודעות: 193
זיך רעגיסטרירט: מאנטאג מאי 16, 2016 2:29 pm
האט שוין געלייקט: 165 מאל
האט שוין באקומען לייקס: 194 מאל

Re: מזל טוב, בארא פארק! (פרייער געווינס)

הודעהדורך גראף » מיטוואך סעפטעמבער 14, 2016 10:38 am

כלל ישראל האט שוין געהאט פרויען אין גאר הויכע פאזיציעס . קיינער האט זיך נישט אפגערעדט ווען זיי האבן געהאלפען אידן. און לגבי פרויען מוזן בלייבן אינדערהיים זאלסטו מיר מוחל זיין אבער די אלע שרייערס זאלן גיין ארבייטען און שיקן די ווייב שאפינג! אונזערע צדיקים לויפען אין כולל און די ווייב שלאקט אוועק פאר אפאר דאללער. קאט די קרעפ. ווען די ''מאדע'' האט זיך געטוישט אז די מאן חתמ'ט און די ווייב ארבעט איז דער פנימה עפעס שטיל געווארען סך הכל איז עס יעצט די נעקסט סטעפ.
גראף
היימישער באניצער
היימישער באניצער
 
הודעות: 538
זיך רעגיסטרירט: זונטאג אפריל 06, 2014 4:10 am
געפינט זיך: אויפן גיט אין דער אלטע הײם
האט שוין געלייקט: 371 מאל
האט שוין באקומען לייקס: 273 מאל

הודעהדורך רויטע וואנצעס » מיטוואך סעפטעמבער 14, 2016 10:39 am

ביסט אקעי מיט פרויען זאלן זיין טיטשערס? דאס איז אויך א רעלאטיוו נייע ערשיינונג.
אהבה איז מיין רעליגיע, שנאה איז מיין שונא, שלום איז מיין חבר און שמחה איז מיין ציל.
באניצער אוואטאר
רויטע וואנצעס
חבר ותיק
חבר ותיק
 
הודעות: 4752
זיך רעגיסטרירט: דאנערשטאג יוני 27, 2013 1:17 pm
געפינט זיך: אין א לאוו רילעישינשיפ מיט גאט און מיט די מענטשהייט.
האט שוין געלייקט: 9412 מאל
האט שוין באקומען לייקס: 9127 מאל

הודעהדורך אברך משי » מיטוואך סעפטעמבער 14, 2016 10:44 am

.
רעדאגירט געווארן צום לעצט דורך אברך משי אום מיטוואך סעפטעמבער 14, 2016 1:06 pm, רעדאגירט געווארן איין מאל בסך הכל.
אוי געוואלד! די שווערסטע זאך מסביר צו זיין פאר א שוטה, אז ער איז א שוטה!
אברך משי
ידיד השטיבל
ידיד השטיבל
 
הודעות: 193
זיך רעגיסטרירט: מאנטאג מאי 16, 2016 2:29 pm
האט שוין געלייקט: 165 מאל
האט שוין באקומען לייקס: 194 מאל

הודעהדורך ריכטיג » מיטוואך סעפטעמבער 14, 2016 11:51 am

גראף האט געשריבן:כלל ישראל האט שוין געהאט פרויען אין גאר הויכע פאזיציעס . .

ווען?
ס'אינטערסירט דא איינער בכלל? ניין ? או קעי ביי. (קרעדיט:@גראף)
באניצער אוואטאר
ריכטיג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1906
זיך רעגיסטרירט: דאנערשטאג יאנואר 31, 2013 7:11 pm
האט שוין געלייקט: 1541 מאל
האט שוין באקומען לייקס: 1447 מאל

הודעהדורך קאמענטירער » מיטוואך סעפטעמבער 14, 2016 11:52 am

ריכטיג האט געשריבן:
גראף האט געשריבן:כלל ישראל האט שוין געהאט פרויען אין גאר הויכע פאזיציעס . .

ווען?

מרים, דבורה, וכדו'
...
באניצער אוואטאר
קאמענטירער
ידיד ותיק
ידיד ותיק
 
הודעות: 761
זיך רעגיסטרירט: דאנערשטאג מערץ 21, 2013 5:06 am
געפינט זיך: אין די ווירטואלע וועלט
האט שוין געלייקט: 329 מאל
האט שוין באקומען לייקס: 690 מאל

הודעהדורך ריכטיג » מיטוואך סעפטעמבער 14, 2016 11:59 am

נבואה איז א רוחניות'דיגע מדריגה, נישט קיין "פאזיציע" ווי מנהיגות.
ס'אינטערסירט דא איינער בכלל? ניין ? או קעי ביי. (קרעדיט:@גראף)
באניצער אוואטאר
ריכטיג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1906
זיך רעגיסטרירט: דאנערשטאג יאנואר 31, 2013 7:11 pm
האט שוין געלייקט: 1541 מאל
האט שוין באקומען לייקס: 1447 מאל

הודעהדורך קאמענטירער » מיטוואך סעפטעמבער 14, 2016 12:01 pm

אויב מנהיגות מוז מען זאגען אז ער מיינט גאלדע מאיר...
...
באניצער אוואטאר
קאמענטירער
ידיד ותיק
ידיד ותיק
 
הודעות: 761
זיך רעגיסטרירט: דאנערשטאג מערץ 21, 2013 5:06 am
געפינט זיך: אין די ווירטואלע וועלט
האט שוין געלייקט: 329 מאל
האט שוין באקומען לייקס: 690 מאל

Re: מזל טוב, בארא פארק! (פרייער געווינס)

הודעהדורך גראף » מיטוואך סעפטעמבער 14, 2016 12:39 pm

קאמענטירער האט געשריבן:
ריכטיג האט געשריבן:
גראף האט געשריבן:כלל ישראל האט שוין געהאט פרויען אין גאר הויכע פאזיציעס . .

ווען?

מרים, דבורה, וכדו'

אסתר המלכה
ערענסט ס'איז טאקע קיינמאל נישט געווען קיין פרויען וואס זענען אנגעקומען ערגעץ די לעצטע צוויי טויזענט יאר? אולי 'גאר הויכע'' איז טאקע ראנג אבער מאך עס נישט ווי עס איז קיינמאל נישט געשעהן.
גראף
היימישער באניצער
היימישער באניצער
 
הודעות: 538
זיך רעגיסטרירט: זונטאג אפריל 06, 2014 4:10 am
געפינט זיך: אויפן גיט אין דער אלטע הײם
האט שוין געלייקט: 371 מאל
האט שוין באקומען לייקס: 273 מאל

הודעהדורך קאצקע ציקער » מיטוואך סעפטעמבער 14, 2016 12:54 pm

איך פארשטיי נישט - א פרינסעבל אין סקול מעגן זיי זיין?!
באניצער אוואטאר
קאצקע ציקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1056
זיך רעגיסטרירט: פרייטאג אפריל 06, 2012 1:46 am
האט שוין געלייקט: 754 מאל
האט שוין באקומען לייקס: 614 מאל

הודעהדורך יעקב מענטש » מיטוואך סעפטעמבער 14, 2016 12:57 pm

קאצקע ציקער האט געשריבן:איך פארשטיי נישט - א פרינסעבל אין סקול מעגן זיי זיין?!

און א רב אין שוהל טארן זיי נישט זיין ?
יעקב מענטש
ידיד ותיק
ידיד ותיק
 
הודעות: 669
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 662 מאל
האט שוין באקומען לייקס: 633 מאל

Re: מזל טוב, בארא פארק! (פרייער געווינס)

הודעהדורך ליטוואק פון בודאפעסט » מיטוואך סעפטעמבער 14, 2016 12:57 pm

אין די לעצטע פאר טויזענט יאר זענען מענער נישט צו ווייט אנגעקומען....

ס'איז מעגליך אז רוחי פרייער טוט נישט ריכטיג. אבער דער שמחה איז נאכאלס אין פלאץ. אז א מיידעל זעט אז זי קען אויך טראכטען, זי קען אויך האבען א מיינונג, זי קען אויך ווערען א מומחה אין א נושא, איהר קאפ איז נישט קיין קלייניקייט, די זענען נישט נעגאטיווע ערשיינונגען. פונקט דאס אז זי טרעפט איהר הצלחה אינדערויסען קען זיין א פראבלעם.
נישט אז איך גיב נאך די נקודה, נאר ברוח לשיטתך.

ווען מ'צינד אמאל אן א ראדיא און מ'הערט שמועסערייען איבער געוויסע נושאים, און מ'ברענגט ארויף גאסט מומחים, איז עס א פחד וויפיהל געראטענע פרויען די וועלט פארמאגט. איך גלייב נישט אז איין פרוי ביי אונז קען אזוי קלאר ארויס האבען א זאך. עכ"פ נישט וואס איך האב געטראפען (און איך בין דאך א ליטוואק). אפילו קלוגע ביי פרומע אידען האבען נישט די דרייסטקייט און וויסענשאפטען צו זאגען אזעלכע קלארער מיינונגען. פארוואס? ט'זענען מיר דומער ווי זיי אלע? נאר אונז האדעווען נישט די פרויען אין אן אופן רז זייער קעפ זאל זיך עפענען. דאס טוט איינצוימען זייער לעבען, אבער דאס טוט אויך פאראורזאכען א.ט.ד. ביי פרויען וואס טרעפען זייער קעפ ליידיג.

און לגבי דער 'כל כבודה', דאס איז קיין שום שייכות נישט. אין לעיקוואוד ארבעטען רוב ווייבער און זיי באהערשען נישט די מענער, זיי זוכען צו דינען די משפחה כפי יכולתם. קיין עצמיות'דיגע שינוי איז נישט געווארען אין די ווייבער וואס ארבעטען. און היסטאריש האבען ווייבער אלס גע'ארבעט, די מארק איז אלס נאר ווייבער געווען. נאר אין רייכער מדינות און שטיבער זענען די ווייבער געווען באשעפטיגט טאג און נאכט מיט קינדער"ס שיך און באגאבו'ס. נארמאלע ווייבער האבען ביטער שווער גע'ארבעט, הן אין שטוב הן אינדערויסען.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 6133
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2262 מאל
האט שוין באקומען לייקס: 5796 מאל

הודעהדורך berlbalaguleh » מיטוואך סעפטעמבער 14, 2016 1:01 pm

אברך משי: נאר אויב ס'איז אזוי ווי דו זאגסט...וועללן צוויי פארשוינען (מלשון פרשנדתא) נחום און שאולזון האבן געניג סחורה צו מאכן קרעשן זייערע וועבסייטס...!
באניצער אוואטאר
berlbalaguleh
חבר הכבוד
חבר הכבוד
 
הודעות: 10300
זיך רעגיסטרירט: דינסטאג יולי 17, 2012 12:57 pm
האט שוין געלייקט: 11338 מאל
האט שוין באקומען לייקס: 6459 מאל

הודעהדורך אברך משי » מיטוואך סעפטעמבער 14, 2016 1:12 pm

ס'טאקע געווען א גוט ווארט, אבער כ'האב (אויך) געמיינט צו זאגן אז ווען וועלט איז געווען וועלט (אדער ווען וועלט וואלט געווען וועלט) וואלטן מענער אויך געדארפט זיין די טיטשערס און פרינציפעלס אפילו פאר מיידלעך. נאר ס'איז א שוואכקייט פון אונזער דור ווי אלעס איז אזוי אפגעטיילט און אפגעהאקט מענער פון פרויען, טאקע צוליב די פראבלעמען וואס מ'האממער בזמן הזה און מ'ווילמיר זיך נישט טרעפן אויף די האטליינס און וועבזייטלעך...

אבער לאמתה של דבר קומט אז די מענער זאלן זיין די אויסלערנער'ס און משפיעים פאר אנדערע און נישט די פרויען. לדעתי הרטושה ליגט היבש אביסל חורבן אין די פאקט אז פרויען זענען טיטשערס, ווען אין זייער אסאך ענינים האבן זיי נישט קיין אנונג בחייכון וביומיכון וואס זיי רעדן, זיי גרייטן זיך א שטיקל שיעור אבי צו קענען פארלערנען פאר די תלמידות בשעת זיי זענען ווייט פון אויסגעבויעט יסודות'דיג און קענען נישט געבן קיין ריכטיגע תשובות און מהלכים אין שווערע פראגן (עכ"פ אין אידישקייט זאכן, השקפה, תורה, וה"ה בהרבה מילי דעלמא וואס זיי זענען נישט דיזיינד דאס צו קענען ריכטיג אנכאפן).
אוי געוואלד! די שווערסטע זאך מסביר צו זיין פאר א שוטה, אז ער איז א שוטה!
אברך משי
ידיד השטיבל
ידיד השטיבל
 
הודעות: 193
זיך רעגיסטרירט: מאנטאג מאי 16, 2016 2:29 pm
האט שוין געלייקט: 165 מאל
האט שוין באקומען לייקס: 194 מאל

הודעהדורך berlbalaguleh » מיטוואך סעפטעמבער 14, 2016 1:30 pm

אברך משי: לאמיר די מסביר זיין לויט ווי איך זעה דעם מצב. ביי אונז אין די חסיד'ישע קאמיוניטי איז פארהאן 2 קעגנגעזעצטע טרענדס. ס'זענען פארהאן נארמאלע, פראגרעסיווע מענטשן וועלכע ווילן, אלס ערליכע אידן, מיטהאלטן מיט די פארשריט וואס די וועלט מאכט. דארט פאסט אריין דער פאקט וואס פרויען גייען אנגעטון נארמאל און סטייליש. און זיי דרייוון קארס און פיהרן אן מיט ביזנעס און ווערן דאקטוירים און אדוואקאטן. און אויך, ריכטערינס. און אלעס פארט אויף א גלאטן וועג.
נאכדעם איז פארהאן די קרומע קעפ און ליידיגייערס וועלכע טייטשן אויס די גאנצע תורה מיט די הלכה אויף א קרומע, פארדרייטע וועג. אין אלץ און אלעמען זעען זיי עבירות און ירידת הדורות און מכשולים און פירצות אקעיגן וואס מ'דארף מוחה זיין. און זיי זענען זייער גאנץ לעבן פארנומען מיט מחאות און פראטעסטן און טעראריסטישע, אנארכיסטישע אקציעס. צו זאלל דאס זיין אינטערנעט, סעללפאונס, סמארטפאונס און בכלל ..."טעכנעלאגיע"... ווי זיי רופן עס אן בלשונם המשובש. אנשטאטס זיין פראדוקטיוו, און לערנען גמרא/תוס' און פארלייגן זיך אויף הלכה, מברר צו זיין שמעתא אליבא דהילכתא אזוי ווי די אמאליגע גדולי הרבנים ווי דער דברי חיים, שינאווער רב, לבושי מרדכי, מהרש"ג ועוד ועוד, האבן געטון. זענען זיי פארנומען זייער גאנץ לעבן מיט פוסטקייט. שטותים והבלים. און פיהרן נייע מערכות א יעדן שני וחמישי. און ווארפן פאשקווילן, פארשטייצעך.
אט די חברה פון די 2'טע קאטעגאריע וואלטן געקענט באשטיין אז מ'זאלל פארמאכן אלע מיידל סקולס און בתי חינוך לבנות. און די מיידלעך און פרויען זאללן צוריק ווערן אזוי ווי קוען. אינגאנצן אומוויסנד. סיי אין אידישקייט און סיי אין וועלטליכע ידיעות. זייער ארבעט זאלל באשטיין נאר פון באקן חלות און פיינע קאקאוש קעיק פאר'ן מאן און טשענדזשן די באמאכטע דייפערס פון די יערליכע בעיביס...!
באניצער אוואטאר
berlbalaguleh
חבר הכבוד
חבר הכבוד
 
הודעות: 10300
זיך רעגיסטרירט: דינסטאג יולי 17, 2012 12:57 pm
האט שוין געלייקט: 11338 מאל
האט שוין באקומען לייקס: 6459 מאל

Re: מזל טוב, בארא פארק! (פרייער געווינס)

הודעהדורך טרויבן88 » מיטוואך סעפטעמבער 14, 2016 1:55 pm

berlbalaguleh האט געשריבן:אברך משי: לאמיר די מסביר זיין לויט ווי איך זעה דעם מצב. ביי אונז אין די חסיד'ישע קאמיוניטי איז פארהאן 2 קעגנגעזעצטע טרענדס. ס'זענען פארהאן נארמאלע, פראגרעסיווע מענטשן וועלכע ווילן, אלס ערליכע אידן, מיטהאלטן מיט די פארשריט וואס די וועלט מאכט. דארט פאסט אריין דער פאקט וואס פרויען גייען אנגעטון נארמאל און סטייליש. און זיי דרייוון קארס און פיהרן אן מיט ביזנעס און ווערן דאקטוירים און אדוואקאטן. און אויך, ריכטערינס. און אלעס פארט אויף א גלאטן וועג.
נאכדעם איז פארהאן די קרומע קעפ און ליידיגייערס וועלכע טייטשן אויס די גאנצע תורה מיט די הלכה אויף א קרומע, פארדרייטע וועג. אין אלץ און אלעמען זעען זיי עבירות און ירידת הדורות און מכשולים און פירצות אקעיגן וואס מ'דארף מוחה זיין. און זיי זענען זייער גאנץ לעבן פארנומען מיט מחאות און פראטעסטן און טעראריסטישע, אנארכיסטישע אקציעס. צו זאלל דאס זיין אינטערנעט, סעללפאונס, סמארטפאונס און בכלל ..."טעכנעלאגיע"... ווי זיי רופן עס אן בלשונם המשובש. אנשטאטס זיין פראדוקטיוו, און לערנען גמרא/תוס' און פארלייגן זיך אויף הלכה, מברר צו זיין שמעתא אליבא דהילכתא אזוי ווי די אמאליגע גדולי הרבנים ווי דער דברי חיים, שינאווער רב, לבושי מרדכי, מהרש"ג ועוד ועוד, האבן געטון. זענען זיי פארנומען זייער גאנץ לעבן מיט פוסטקייט. שטותים והבלים. און פיהרן נייע מערכות א יעדן שני וחמישי. און ווארפן פאשקווילן, פארשטייצעך.
אט די חברה פון די 2'טע קאטעגאריע וואלטן געקענט באשטיין אז מ'זאלל פארמאכן אלע מיידל סקולס און בתי חינוך לבנות. און די מיידלעך און פרויען זאללן צוריק ווערן אזוי ווי קוען. אינגאנצן אומוויסנד. סיי אין אידישקייט און סיי אין וועלטליכע ידיעות. זייער ארבעט זאלל באשטיין נאר פון באקן חלות און פיינע קאקאוש קעיק פאר'ן מאן און טשענדזשן די באמאכטע דייפערס פון די יערליכע בעיביס...!

יעדעס ווארט איז ווי פראטיען פאר מיין קערפער
פארוואס איז דראגס אסור? ווייל מען האט עס אמאל געאסר'ט... אזוי זענען נעבעך ציפול פון אונזערע מנהגים
טרויבן88
היימישער באניצער
היימישער באניצער
 
הודעות: 555
זיך רעגיסטרירט: פרייטאג נאוועמבער 13, 2015 2:15 pm
האט שוין געלייקט: 191 מאל
האט שוין באקומען לייקס: 336 מאל

הודעהדורך שמעקעדיג » מיטוואך סעפטעמבער 14, 2016 1:57 pm

berlbalaguleh האט געשריבן:אט די חברה פון די 2'טע קאטעגאריע וואלטן געקענט באשטיין אז מ'זאלל פארמאכן אלע מיידל סקולס און בתי חינוך לבנות.

און די מיידלעך און פרויען זאללן צוריק ווערן אזוי ווי קוען. אינגאנצן אומוויסנד.

זייער ארבעט זאלל באשטיין נאר פון באקן חלות און פיינע קאקאוש קעיק פאר'ן מאן און טשענדזשן די באמאכטע דייפערס פון די יערליכע בעיביס...!


:!: :!: :!:
וירח ה' את ריח הניחוח
באניצער אוואטאר
שמעקעדיג
חבר הכבוד
חבר הכבוד
 
הודעות: 14504
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 16557 מאל
האט שוין באקומען לייקס: 17062 מאל

הודעהדורך ראשעקאל » מיטוואך סעפטעמבער 14, 2016 4:28 pm

משפחת פרייער מיט די אלע משרתים ויוצר משרתיו פייערען די גרויסע שמחה.

https://www.youtube.com/watch?v=V5iNM0i ... e=youtu.be

(גאראנטירט צו קאסטען א שמייכעל...)
וואס פארט איבער די גאנצע וועלט אבער בלייבט אין איין ווינקעל?
א פאוסטעזש סטעמפ!!
באניצער אוואטאר
ראשעקאל
חבר ותיק
חבר ותיק
 
הודעות: 6078
זיך רעגיסטרירט: דאנערשטאג פעברואר 23, 2012 11:12 pm
האט שוין געלייקט: 7953 מאל
האט שוין באקומען לייקס: 5285 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און איין גאסט