"אבער יענער קען נישט קיין טראפ ענגליש און איז אן עושר אדיר!"

ארטיקלען און באטראכטונגען איבער דער חרדי'שער געזעלשאפט און קולטור

"אבער יענער קען נישט קיין טראפ ענגליש און איז אן עושר אדיר!"

הודעהדורך העניך » דאנערשטאג סעפטעמבער 15, 2016 7:15 pm

עס איז א שיינע זאך צו פארטיידיגן דעם חרדישן לעבנסשטייגער פון די אלע וואס זוכן עס צו באשמוצן אויף יעדן אופן. אבער אמאל באגעגנט מען זיך מיט א סניגור וואס וועט פארטיידיגן בלינדערהייט וואס אימער עס גייט פאר אין דער חרדישער געזעלשאפט אן אפילו טראכטן א רגע אז נישט יעדער מיינט אראפצורייסן און נישט יעדער זוכט צו באשמוצן. אזא איינער קען בכלל נישט פארשטיין אז עס זענען דא פראבלעמען, אז מ'דארף ארויסהייבן די פראבלעמען, און מ'דארף מטכס עצה זיין מיט וואס מ'קען פארבעסערן. עס איז מיט אזעלכע ניטאמאל מעגליך צו פארפירן א שמועס איבער פראבלעמען און אופנים וויאזוי צו פארבעסערן דעם לעבן.

ווען מ'רעדט וועגן עדיוקעישאן, און ווי אוועקרייסן די מעגליכקייט צו שטודירן נעמט אוועק געלעגנהייטן צו פארדינען פרנסה בכבוד, זענען מיר געוואוינט צו הערן פון די בלינדע סניגורים אז "עס זענען דא חסידישע מיליאנערן וואס קענען נישט קיין ווארט ענגליש, און מענטשן מיט דעגריס וואס האבן נישט קיין פרנסה." עס גרילצט אין די אויערן צו הערן אזעלכע נארישע און אומלאגישע רייד. יעדער מיט א שכל'דיגן טראכט פארשטייט אז עס וועלן אייביג זיין מענטשן וואס זענען "אוטלייערס" – וואס שטימען נישט מיט דעם אלגעמיינעם סטאטיסטיק.

א רויכערער פון 100 יאר אלט פרעגט נישט אפ דעם פאקט אז רויכערן איז אין אלגעמיין נישט געזונט, און א מיליאנער וואס קען נישט קיין ענגליש פרעגט נישט אפ דעם פאקט אז ווייניג עדיוקעישאן ברענגט אין אלגעמיין פיל ווייניגער געלעגנהייטן צו פארדינען פרנסה בהרחבה. איט'ס סטאטיסטיקס, סטופיד!

אז מ'קוקט אויף סטאטיסטיק זעט מען אז דער דורכשניטליכער מענטש אן קיין עדיוקעישאן פארדינט היבש ווייניגער ווי דעם דורכשניטליכן מענטש וואס האט יא עדיוקעישאן. און דער דורכשניטליכער מענטש וואס רויכערט נישט לעבט לענגער ווי דעם דורכשניטליכן מענטש וואס רויכערט יא.

אבער מ'האלט אין איין הערן די זעלבע נארישקייט, און עס האט מיך אייביג געוואונדערט פארוואס די פאקטן קענען נישט אריין אין קאפ. דאס איז אבער פארענטפערט געווארן פאר מיר היינט ווען כ'האב געלייענט אין דעם "איד" אז א ווערסיע פון דעם דאזיגן ארגומענט קומט אייגנטליך פון דעם סאטמארער רבי'ן אליין. אט אזוי לייענט מען אין "דער איד" אויף זייט 81 א לענגערער ציטאט פון א דרשה וואס דער סאטמארער רבי ז"ל האט געגעבן ביי א דינער לטובת די סאטמארער ישיבה אין בארא פארק, מוצ"ש פרשת וישלח, תשכ"ו (מיט אויסקלארונגען פון דעם שרייבער הרב מנשה פילאף):

עס איז דא גרעסערע עשירים (פון היימישן ציבור) וואס זיי קענען גארנישט, און זיי האלטן די אנגעשטעלטע (די וואס האבן שטודירט), און זיי (די היימישע) זענען גרעסערע עשירים. אז מען וויל זיך אריינלאזן אין שטודירן זאל מען וויסן אז עס איז געבונדן מיט א שטארקן חסרון אמונה ובטחון. עס איז דא אזויפיל מציאות'ער מען זאל האבן פרנסה און מען זאל ווערן אן עושר אן דעם אויך… עס איז גענוג אז מען קען זייער כתב ולשון, אבער צו וועלן נאך מער פון דעם, איז נישטא וואס צו רעדן.

הגם דער סאטמארער רבי באנוצט זיך מיט דער אויבנדערמאנטער אומלאגישער טענה, אנערקענט ער יא אז "זייער כתב ולשון" איז דייקא יא וויכטיג צו קענען האבן פרנסה. ער טענה'ט אז עס איז א חסרון אין אמונה און בטחון אויב מ'וויל זיך לערנען מער פון דעם, גיין שטודירן, אבער כתב ולשון איז ער אויך מודה אז דאס מוז מען האבן כדי צו האבן א בעסערע מעגליכקייט פאר פרנסה.

אבער וואס איז נוגע שטודירן, מאכט דער רבי ז"ל דעם לאגישן טעות מיט'ן אנווייזן אויף אומשטודירטע עשירים, ווי כאילו דאס באווייזט אז שטודירן איז לאו דווקא א מיטל פאר בעסערער פרנסה - ווען דער פאקט איז אז איינער וואס שטודירט העכערט זיינע שאנסן פילפאכיג פאר א בעסערער פרנסה.

אבער דער פאקט אז דער רבי האט נאר גענוצט דעם אומלאגישן ארגומענט פאר שטודירן, און האט נישט געזאגט אז עס זענען דא מענטשן וואס קענען ניטאמאל "זייער כתב ולשון" און זענען גרויסע עשירים, ווייזט אז ער איז געווען פראקטיש, און האט פארשטאנען אז פרנסה איז וויכטיג, מ'קען נישט גיין מיט'ן קאפ אין וואנט. עס איז יתכן אז ער האט געהאלטן אז הגם שטודירן ברענגט טאקע יא דורכשניטליך א בעסערע פרנסה, איז עס דאך א גרויסע סכנה פאר אידישקייט אז ס'איז כדאי אנצואווייזן אז מ'קען גענוג מצליח זיין אפילו נאר מיט כתב ולשון אן שטודירן.

וואס האט דא פאסירט? ווי מיט כמעט יעדער שיטה פון דעם סאטמארער רבי'ן, זענען די חסידים מיט די יארן געווארן פויבסטליכער פונעם פויבסט, און היינט בארויבט מען די קינדער אפילו פון כתב ולשון פון דער שפת המדינה. אבער די אומלאגישע טענה וואס דער סאטמארער רבי האט גענוצט בלויז אויף שטודירן, ווערט היינט גענוצט פאר ענגליש בכלליות. "מ'דארף גארנישט קענען," זאגן זיי. "ווייל פלוני אלמוני ווייסט ניטאמאל וויאזוי אונטערצושרייבן א טשעק און איז א מולטי-מיליאנער."

דארף מען דא קלאר מאכן אז, א) דער סאטמארער רבי האט קלאר יא געשטיצט אז מ'זאל לערנען כתב ולשון, און מיר ווייסן אז ער האט אוועקגעגעבן איבער צוויי שעה יעדן טאג אז זיינע תלמידים זאלן דאס לערנען יעדן טאג. ב) דער ארגומענט אז עס זענען דא עשירים וואס קענען זענען נישט עדיוקירט, איז נאריש. און אפילו דער סאטמארער רבי האט דאס דערמאנט דארף מען געדענקען אז ער האט נישט פארשטאנען צו סטאטיסטיקס. פאקט בלייבט פאקט אז שטודירן העלפט פאר פרנסה, און טויזנטער היימישע אידן וואלטן געקענט שיין פארדינען ווען זיי גייען ווען לערנען א פאך.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
העניך
היימישער באניצער
היימישער באניצער
 
הודעות: 437
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 437 מאל
האט שוין באקומען לייקס: 2254 מאל

הודעהדורך שטאפענע קאפעליטש » דאנערשטאג סעפטעמבער 15, 2016 8:01 pm

זייער גערעכט, מקען נישט ברענגן קייין ראיה פון דער איין נגיד וואס האט עס געמאכט. סאיז אפי׳ ״נאריש״ צו ברענגן א ראיה פון א געוויסע מענטש.
אז איינער האט געהאט מזל קען מען פון דעים גארנישט ארויס לערנען.

אבער איך האלט אז היות אונזער קאמיוניטי איז אזוי שטארק אפגעזינדען איז שייך דווקא יא צו מאכן א שיין פרנסה אן קיין דיגרי.
אין מיין ראיה דערצי איז טאקע ״סאטיסטיקס״.
פאקט בלייבט פאקט, א אינגערמאן מיט א גלייכע שכל אין די קאפ שטייט עיהם גראד מאכט עס ״געווענדילך״.
ד.מ. אז א מענזמענט קאמפעני אדער א אינשורענס קאמפעני וואלט זייער גערן אריין גענומען א אינגערמאן וואס איז הערשט ארויס פון כולל אלץ א מענעדזער, אין טאמער לערנט ער זיך צו קען ער שנעל קריכן די לייטער.
(ביים גוישע פירמע ווילן זיי זעהן בעטשלערס מיט דיגריס וגו׳ אסטר ביי אונז קענסטו באקומען די שטעלער אן ווייזן אפי א כולל טעסט)
פאקט איז א חסידישע אינגערמאן קען אין האט באקומען שיינע שטעלערס אין גרויסע אידיש פירמערס אן האבן עני דעגרי אדער דיפלאמע.
אין כ״ש א אינגערמאן וואס גייט עפענען א נייע ביזנעס קען ביי אונז מצליח זיין גרויס אן קענען עפעס, ווייל אונזערע קאמיוניטי אפפערט אנדערע זאכן וואס די וועלט קען נישט אפפערן, צו סאיז א גרויסע הלוואה פון א פעטער, קאזין, חבר. אדער סתם די קאנעקשענס וואס פעהלט אויס.

א ראיה צו מיינע ווערטער איז פשוט. מיט דעים וואס אונזער לעבן קאסט פיהר מאל אזויפיהל ווי דע דורכשניטלכע גוי זענען אונז אסאך מער באקוועם פינאנציעל ווי די גוי.
מקען זאגן אז ביי אונז אין יעדער דריטע אינגערמאן well off, ויידער ביי די גוים איז די נומבער זייער ווייט דערפון.

צום שלאס, אונז טוען אפפערן אנדערע מהלכים פאר אונזער אינגערלייט ווי אזוי צו קריכן די לייטער, אין percentage שטיין אונז בעסער.
באניצער אוואטאר
שטאפענע קאפעליטש
ידיד השטיבל
ידיד השטיבל
 
הודעות: 252
זיך רעגיסטרירט: מיטוואך אוגוסט 27, 2014 11:45 pm
האט שוין געלייקט: 175 מאל
האט שוין באקומען לייקס: 502 מאל

הודעהדורך שטאפענע קאפעליטש » דאנערשטאג סעפטעמבער 15, 2016 8:07 pm

טאמער כמעג צו לייגן א הוספה, די וואס האבן עס נישט געמאכט אין אונזער קאמיוניטי אן א דיגרי, וואלטן עס לכאורה נישט געמאכט אינדרויסען פון אונזער קאמיוניטי מיט א דיגרי.
סאיז דא טויזענטע סטודענטען, וואס האבן שיינע דיגריס אין זענען ארבייטלאז
באניצער אוואטאר
שטאפענע קאפעליטש
ידיד השטיבל
ידיד השטיבל
 
הודעות: 252
זיך רעגיסטרירט: מיטוואך אוגוסט 27, 2014 11:45 pm
האט שוין געלייקט: 175 מאל
האט שוין באקומען לייקס: 502 מאל

הודעהדורך ביבער » דאנערשטאג סעפטעמבער 15, 2016 8:21 pm

אה, איינער האט פאקטן מיט סטאטיסטיקס, נו געב אהער.
I may not agree with what you say, but I will defend to the death your right to say it. - Voltaire
באניצער אוואטאר
ביבער
ידיד ותיק
ידיד ותיק
 
הודעות: 731
זיך רעגיסטרירט: דאנערשטאג נאוועמבער 29, 2012 4:12 pm
האט שוין געלייקט: 697 מאל
האט שוין באקומען לייקס: 761 מאל

הודעהדורך ירח בן יומו » דאנערשטאג סעפטעמבער 15, 2016 8:27 pm

אין אונזערע עקאנעמי איז דא א געוואלד מיט דזשאבס וואס האבן נישט קיין שייכות מיט קיין דעגרי, נאר מ'דארף טויגן...

שוין אפגערעדט פון מלומדות, סת"ם, אתרוגים, מצות, כשרות וואס ביי דעם איז די עיקר די יראת שמים און די ידיעת התורה וההלכה און פראקטיק.

אויך די אלע דזאבס ווי סעילס, סטאר'ס, פרינטינג, גרעפיקס, עלעקטריק, בויען, ריעל עסטיעט, וכדומה וואס די דעגרי איז אויך נישט די קובע, די עיקר איז אז מ'לייגט זיך אריין אין די זאך און מ'לערנט זיך אביסל צו די מקצוע און די פראגרעמס, און מ'איז גרייט ארויף צוקריכן דעם לייטער.

אדרבה, וועלכע דזשאבס איז דא א אפהאלט ביי אונז פון קענען אריינגיין מחמת חוסר עדזיקעישן?
באניצער אוואטאר
ירח בן יומו
ידיד ותיק
ידיד ותיק
 
הודעות: 791
זיך רעגיסטרירט: מיטוואך דעצעמבער 03, 2014 12:15 am
האט שוין געלייקט: 870 מאל
האט שוין באקומען לייקס: 687 מאל

Re: "אבער יענער קען נישט קיין טראפ ענגליש און איז אן עושר אד

הודעהדורך שמערל » דאנערשטאג סעפטעמבער 15, 2016 8:34 pm

דיין צווייטע תגובה פארפעלט די גאנצע פוינט, מען רעדט דאך פון א סטאטיסטיק און נישט פון א יוצא מן הכלל. יא עס זענען דא מענטשן מיט א דעגרי וואס זענען ארבייטסלאז, אבער דער סטאטיסטיק איז אז מענטשן וואס האבן א דעגרי זענען פראצענטואל ווייניגער ארבייטסלאז און פארדינען סאך שענער ווי מענטשן אן א דעגרי.

און לגבי דיין ערשטע הערה, יא עס איז אמת אז מיר האבן א סאך אינגעלייט וואס פארדינען שיין אין מענזשען היימישע ביזנעסער, אבער די זענען סך הכל א מיעוט. וואס איז מיט די מענטשן וואס האבן נישט די זשאבס, אזוינע וואס טויגן נישט צו מענעזשען און פירן ביזנעס וואס וואלטן פיין געטויגט צו א פראפעשן ווי פראגרעמינג, טערעפי, לויער, ארכיטעקטשור, ענזשינירונג, ועוד ועוד ועוד, און וואלטן געקענט שיין פארדינען, און ווייל זיי באלאנגען אין אונזער קאמיוניטי ווי מען שטודירט נישט זענען זיי בלוטיגע ארימעלייט, וואס האבן נישט קיין נארמאלע פרנסות?
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1053
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1150 מאל
האט שוין באקומען לייקס: 1258 מאל

הודעהדורך מאטי » דאנערשטאג סעפטעמבער 15, 2016 8:40 pm

ער טענה'ט אז ס'גייט ביינאזאם, די זעלבע force וואס לאזט נישט שטודירן שטעלט צו אלטערנאטיווע זשאבס פאר אונזער געמיינדע. דארף מען וויסן צו ס'איז א נעט לאסס.
My enemy showed me an Olive Branch, upon closer observation it turned out to be covered in Fig Leaves
באניצער אוואטאר
מאטי
חבר ותיק
חבר ותיק
 
הודעות: 2992
זיך רעגיסטרירט: מאנטאג אוגוסט 27, 2012 5:06 pm
האט שוין געלייקט: 3757 מאל
האט שוין באקומען לייקס: 4322 מאל

Re: "אבער יענער קען נישט קיין טראפ ענגליש און איז אן עושר אד

הודעהדורך קל וחומר » דאנערשטאג סעפטעמבער 15, 2016 8:40 pm

דאקטער, לויער, ענדשינער, ספעשעל עד, פסיכולאג, פסיכיאטער, הויכע פאזיציע אין סיי וועלכע (נישט אידישע) ביזנעס.
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1885
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 2916 מאל
האט שוין באקומען לייקס: 2691 מאל

Re: "אבער יענער קען נישט קיין טראפ ענגליש און איז אן עושר אד

הודעהדורך שמערל » דאנערשטאג סעפטעמבער 15, 2016 8:46 pm

מאטי האט געשריבן:ער טענה'ט אז ס'גייט ביינאזאם, די זעלבע force וואס לאזט נישט שטודירן שטעלט צו אלטערנאטיווע זשאבס פאר אונזער געמיינדע. דארף מען וויסן צו ס'איז א נעט לאסס.

נישט געזעהן קיינעם דאס טענה'ן.

Sent from my SM-G935T using Tapatalk
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1053
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1150 מאל
האט שוין באקומען לייקס: 1258 מאל

הודעהדורך ירח בן יומו » דאנערשטאג סעפטעמבער 15, 2016 8:52 pm

קל וחומר האט געשריבן:דאקטער, לויער, ענדשינער, ספעשעל עד, פסיכולאג, פסיכיאטער, הויכע פאזיציע אין סיי וועלכע (נישט אידישע) ביזנעס.

די סיבה פארוואס ביי אונז איז נישט אנגענומען צו וואקסן קיין דאקטערס און לויערס איז לאו דוקא ווייל מיר האבן נישט די עדזיוקעישן צו קענען ארבעטן אין דעם, נאר ווייל מיר ווילן נישט דעם סארט לעבן שטייגער.
וואס מיינט פאר א היימישע יוד צו גיין זיצן אין א קאלעדזש? זיכן מיר טאקע די סארט ארבייט ווי דאקטורים און לויערס וואס פיל מאל גרעניצגט זיך עס אין חילול שבת אדער עוסק זיין אין נישט קיין איידעלע ענינים.
אפילו זאל זיך עפענען א "קאלדעש דרבינו יואל" על טהרת הקודש וואלטן מיר אויך נישט געלאפן צו די סארט דזשאבס.

אדרבה, אקאונטינג יוכיח. וויפיל אקאונעטנס CPA זענען פארהאן ביים היימישען ציבור? דארט איז דא צוגעשטעלט זיך צו לערנען על טהרת הקודש און די ארבייט איז צוגעפאסט פאר א ערליכע יוד און די עולם לויפט אין די מאסן.
באניצער אוואטאר
ירח בן יומו
ידיד ותיק
ידיד ותיק
 
הודעות: 791
זיך רעגיסטרירט: מיטוואך דעצעמבער 03, 2014 12:15 am
האט שוין געלייקט: 870 מאל
האט שוין באקומען לייקס: 687 מאל

הודעהדורך ביבער » דאנערשטאג סעפטעמבער 15, 2016 9:42 pm

ירח בן יומו האט געשריבן:די סיבה פארוואס ביי אונז איז נישט אנגענומען צו וואקסן קיין דאקטערס און לויערס איז לאו דוקא ווייל מיר האבן נישט די עדזיוקעישן צו קענען ארבעטן אין דעם, נאר ווייל מיר ווילן נישט דעם סארט לעבן שטייגער.
וואס מיינט פאר א היימישע יוד צו גיין זיצן אין א קאלעדזש? זיכן מיר טאקע די סארט ארבייט ווי דאקטורים און לויערס וואס פיל מאל גרעניצגט זיך עס אין חילול שבת אדער עוסק זיין אין נישט קיין איידעלע ענינים.
אפילו זאל זיך עפענען א "קאלדעש דרבינו יואל" על טהרת הקודש וואלטן מיר אויך נישט געלאפן צו די סארט דזשאבס.

אדרבה, אקאונטינג יוכיח. וויפיל אקאונעטנס CPA זענען פארהאן ביים היימישען ציבור? דארט איז דא צוגעשטעלט זיך צו לערנען על טהרת הקודש און די ארבייט איז צוגעפאסט פאר א ערליכע יוד און די עולם לויפט אין די מאסן.

שוואכע ראי'. זיך צו לערנען אקאונטינג איז זייער שנעל און ביליג רעלאטיוו צו אנדערע פראפעסיעס, א אינגערמאן קען נאך בדוחק אנהאלטן זיין פרייוועט טוטארינג אדער גראסערי דזשאב און אין דערזייט צולערנען אקאונטינג במשך א 3 יאר (מאקסימום). א דאקטאריי אדער לויער דויערט 7-8 יאר פול טיים. די תירוץ פון חילול שבת אדער נישט איידעלע ענינים איז סתם נאן-סענס. אויב עפעס אינגעלייט טראכטן נישט פון דאקטאריי אדער לויער ווייל זיי ווייסן אז ס'איז אוממעגליך פאר זיי לויט זייער מצב אבער בלי שום ספק אז אויב שטעלט מען עס צו על טהרת הקודש און פאר די חתונה! וואלט מען געהאט פון אלעם ביים היימישן ציבור.
I may not agree with what you say, but I will defend to the death your right to say it. - Voltaire
באניצער אוואטאר
ביבער
ידיד ותיק
ידיד ותיק
 
הודעות: 731
זיך רעגיסטרירט: דאנערשטאג נאוועמבער 29, 2012 4:12 pm
האט שוין געלייקט: 697 מאל
האט שוין באקומען לייקס: 761 מאל

הודעהדורך דער געוואגטער יונגעל » דאנערשטאג סעפטעמבער 15, 2016 9:46 pm

אה שוין לאנג אדורך די צייטן וואס איך פלעג שמערצן דערויף ווען איך בין נאך געווען א שנוק'ל.

הע, שרייבער. דושינסקי, מענדלאוויטש, קעסטענבוים, וחוזר חלילה... שרייבער דושינסקי.. אזש איך בין א צינג ארויסגעשטעקטער.

האללו, אויב געדענק איך גוט ווייזט דו סטאסטיסטיק אז איינס פון יעדער פינעף אין צוואנציג מענטשן אין ניו יארק איז א מיליאנער. איך קום פון א קהילה מיט אריבער דריי טויזענט ראשי משפחה, לויט דעי חשבון וואלט געדארפט זיין אריבער 120 מיליאנערן. ניט אזעי? יא יא מיין פריינד... אפשר צוואנציג.


קענען מיר אנצייגן אז אונז פארמאג מיר איין מיליאנער פאר יעדן פינעף אין צוואנציג יונגעלייט?

#...
באניצער אוואטאר
דער געוואגטער יונגעל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1470
זיך רעגיסטרירט: דינסטאג דעצעמבער 30, 2014 12:43 am
האט שוין געלייקט: 1962 מאל
האט שוין באקומען לייקס: 3837 מאל

הודעהדורך שטאפענע קאפעליטש » דאנערשטאג סעפטעמבער 15, 2016 10:30 pm

דער געוואגטער יונגעל האט געשריבן:אה שוין לאנג אדורך די צייטן וואס איך פלעג שמערצן דערויף ווען איך בין נאך געווען א שנוק'ל.

הע, שרייבער. דושינסקי, מענדלאוויטש, קעסטענבוים, וחוזר חלילה... שרייבער דושינסקי.. אזש איך בין א צינג ארויסגעשטעקטער.

האללו, אויב געדענק איך גוט ווייזט דו סטאסטיסטיק אז איינס פון יעדער פינעף אין צוואנציג מענטשן אין ניו יארק איז א מיליאנער. איך קום פון א קהילה מיט אריבער דריי טויזענט ראשי משפחה, לויט דעי חשבון וואלט געדארפט זיין אריבער 120 מיליאנערן. ניט אזעי? יא יא מיין פריינד... אפשר צוואנציג.


קענען מיר אנצייגן אז אונז פארמאג מיר איין מיליאנער פאר יעדן פינעף אין צוואנציג יונגעלייט?

#...

Wow, סארא שטותים די רעדסט.
די אויבן דערמאנטע נעמען זענען ביליאנערן.
מיליאנערן? דאס מיינט אז מ׳איז ווערד מער ווי א מיליאן טולר? כהאב פאר די נייעס. אסאאאאאך מער ווי 120 מענטשן
באניצער אוואטאר
שטאפענע קאפעליטש
ידיד השטיבל
ידיד השטיבל
 
הודעות: 252
זיך רעגיסטרירט: מיטוואך אוגוסט 27, 2014 11:45 pm
האט שוין געלייקט: 175 מאל
האט שוין באקומען לייקס: 502 מאל

Re: "אבער יענער קען נישט קיין טראפ ענגליש און איז אן עושר אד

הודעהדורך טמיר » דאנערשטאג סעפטעמבער 15, 2016 10:36 pm

יעדער וואס האט א אייגענע הויז אין די סיטי איז א מיליאנער... באלד אין מאנסי אויך
טמיר
ידיד ותיק
ידיד ותיק
 
הודעות: 702
זיך רעגיסטרירט: מיטוואך אקטאבער 21, 2015 4:07 pm
האט שוין געלייקט: 3401 מאל
האט שוין באקומען לייקס: 537 מאל

Re: "אבער יענער קען נישט קיין טראפ ענגליש און איז אן עושר אד

הודעהדורך טמיר » דאנערשטאג סעפטעמבער 15, 2016 10:47 pm

אויף די סטאטיסטיק פון 4 פערסענט קען מען נישט בויען ווייל עס רעכנט אריין מאנהעטן וואס די פון די טייערסטע פלעצער אין די וועלט. צווייטענס, פון די 10 טויזענט ווילי משפחות זענען מסתם יא דא 400 מיליאנערן
טמיר
ידיד ותיק
ידיד ותיק
 
הודעות: 702
זיך רעגיסטרירט: מיטוואך אקטאבער 21, 2015 4:07 pm
האט שוין געלייקט: 3401 מאל
האט שוין באקומען לייקס: 537 מאל

הודעהדורך שטאפענע קאפעליטש » דאנערשטאג סעפטעמבער 15, 2016 10:58 pm

טמיר האט געשריבן:אויף די סטאטיסטיק פון 4 פערסענט קען מען נישט בויען ווייל עס רעכנט אריין מאנהעטן וואס די פון די טייערסטע פלעצער אין די וועלט. צווייטענס, פון די 10 טויזענט ווילי משפחות זענען מסתם יא דא 400 מיליאנערן

מסתמא? זיכער זיכער יא, ביי אונז איז זיכער מער ווי 4 פראצענט מילינערן
באניצער אוואטאר
שטאפענע קאפעליטש
ידיד השטיבל
ידיד השטיבל
 
הודעות: 252
זיך רעגיסטרירט: מיטוואך אוגוסט 27, 2014 11:45 pm
האט שוין געלייקט: 175 מאל
האט שוין באקומען לייקס: 502 מאל

הודעהדורך בן אדם » פרייטאג סעפטעמבער 16, 2016 12:05 am

שטאפענע, קענסט מיר אפשר בארגן אן אלפ'ל פאר א וואך?
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2958
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3074 מאל
האט שוין באקומען לייקס: 1425 מאל

הודעהדורך בן אדם » פרייטאג סעפטעמבער 16, 2016 12:07 am

שטאפענע קאפעליטש האט געשריבן:טאמער כמעג צו לייגן א הוספה, די וואס האבן עס נישט געמאכט אין אונזער קאמיוניטי אן א דיגרי, וואלטן עס לכאורה נישט געמאכט אינדרויסען פון אונזער קאמיוניטי מיט א דיגרי.
סאיז דא טויזענטע סטודענטען, וואס האבן שיינע דיגריס אין זענען ארבייטלאז

IQ
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2958
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3074 מאל
האט שוין באקומען לייקס: 1425 מאל

הודעהדורך בענדזשאמין פרענקלין » פרייטאג סעפטעמבער 16, 2016 1:13 am

שטאפענע קאפעליטש האט געשריבן:א ראיה צו מיינע ווערטער איז פשוט. מיט דעים וואס אונזער לעבן קאסט פיהר מאל אזויפיהל ווי דע דורכשניטלכע גוי זענען אונז אסאך מער באקוועם פינאנציעל ווי די גוי.
מקען זאגן אז ביי אונז אין יעדער דריטע אינגערמאן well off, ויידער ביי די גוים איז די נומבער זייער ווייט דערפון.

וואס האקסטו אין קאפ אריין, נעם אוועק פוד סטעמפס, מעדיקעד, סעקשן אכט, און אלע אנדערע סאציאלע בענעפיטן פאר ארעמעלייט פון אונזער עולם וועט אכציג פראצענט פון וויליאמסבורג, ניינציג פראצענט פון קרית יואל, און הונדערט פראצענט פון ניו סקווער אויסבלוטיגן צום טויט.
חמין במוצאי שבת מלוגמא
באניצער אוואטאר
בענדזשאמין פרענקלין
ידיד ותיק
ידיד ותיק
 
הודעות: 646
זיך רעגיסטרירט: מיטוואך נאוועמבער 14, 2012 11:53 pm
האט שוין געלייקט: 2467 מאל
האט שוין באקומען לייקס: 2768 מאל

הודעהדורך בענדזשאמין פרענקלין » פרייטאג סעפטעמבער 16, 2016 1:21 am

און אז מען רעדט שוין שפיר איך אז כתב ולשון (און א נישט חסידישע לבוש) איז מער וויכטיג ווי א דעגרי. אחינו הליטאים דארצות הברית האבן אויך נישט ע"פ רוב קיין דעגרי אבער רעדן א פליסיגן ענגליש און זען אויס מער אמעריקאנזירט ווי חסידים ולכן האבן זיי אסאך גרעסערע שאנסן צו באקומען העכערע פאזיציעס און אלגעמיינע ביזנעסער און אפילו ביי אונז היימישע אידן.
חמין במוצאי שבת מלוגמא
באניצער אוואטאר
בענדזשאמין פרענקלין
ידיד ותיק
ידיד ותיק
 
הודעות: 646
זיך רעגיסטרירט: מיטוואך נאוועמבער 14, 2012 11:53 pm
האט שוין געלייקט: 2467 מאל
האט שוין באקומען לייקס: 2768 מאל

הודעהדורך דער געוואגטער יונגעל » פרייטאג סעפטעמבער 16, 2016 1:56 am

שטאפענע קאפעליטש האט געשריבן:
דער געוואגטער יונגעל האט געשריבן:אה שוין לאנג אדורך די צייטן וואס איך פלעג שמערצן דערויף ווען איך בין נאך געווען א שנוק'ל.

הע, שרייבער. דושינסקי, מענדלאוויטש, קעסטענבוים, וחוזר חלילה... שרייבער דושינסקי.. אזש איך בין א צינג ארויסגעשטעקטער.

האללו, אויב געדענק איך גוט ווייזט דו סטאסטיסטיק אז איינס פון יעדער פינעף אין צוואנציג מענטשן אין ניו יארק איז א מיליאנער. איך קום פון א קהילה מיט אריבער דריי טויזענט ראשי משפחה, לויט דעי חשבון וואלט געדארפט זיין אריבער 120 מיליאנערן. ניט אזעי? יא יא מיין פריינד... אפשר צוואנציג.


קענען מיר אנצייגן אז אונז פארמאג מיר איין מיליאנער פאר יעדן פינעף אין צוואנציג יונגעלייט?

#...

Wow, סארא שטותים די רעדסט.
די אויבן דערמאנטע נעמען זענען ביליאנערן.
מיליאנערן? דאס מיינט אז מ׳איז ווערד מער ווי א מיליאן טולר? כהאב פאר די נייעס. אסאאאאאך מער ווי 120 מענטשן

וואס האקסטו אין קאפ אריין? דו ווייסט וואס ווערט פאררעכענט אין די 'ספעציפישער' אנקעטע אין די קאטאגאריע 'מיליאנער'? האסט בכלל נאכגעטשעקט דעי סטאטיסטיק? אפי' האבן א דירה הייסט שוין יא א 'ווערד' צו ווערן גערעכענט אינעם פארמעגן? בכלל נישט זיכער. כמה אופנים צו רעכענען.

#סארא_בליציגקייט_דו_שיסט
באניצער אוואטאר
דער געוואגטער יונגעל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1470
זיך רעגיסטרירט: דינסטאג דעצעמבער 30, 2014 12:43 am
האט שוין געלייקט: 1962 מאל
האט שוין באקומען לייקס: 3837 מאל

הודעהדורך שבת אחים » פרייטאג סעפטעמבער 16, 2016 5:12 am

בן אדם האט געשריבן:שטאפענע, קענסט מיר אפשר בארגן אן אלפ'ל פאר א וואך?


דערמאנסט מיך פון יענעם וואס האט געבעטן דעם אייבערשטען, באשעפער פאר דיר איז דאך הונדרעט יאהר פארעכענט ווי איין בליציגע סעקונדע און א מיליאן דאללער איז דאך ביי דיר אזויווי א פעני (לי הכסף והזהב), איז געב מיר א פעני פאר א סעקונדע :רגע:
ר׳ מאטעלע זצ״ל פארציילט:

די זיידע איז אייביג געפארן אויפן באן מיט די דריטע קלאס אפילו סאיז ממש געוועהן צושטופט און סאיז נישט געוועהן קיין פלאץ.

ווען מ׳האט אים געפרעגט פארוואס פארט טאקע די רבי אייביג מיט די דריטע קלאס?
האט ער גענטפערט: ״ווייל סאיז נישטא קיין פערטע קלאס״...
באניצער אוואטאר
שבת אחים
חבר ותיק
חבר ותיק
 
הודעות: 6130
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4830 מאל
האט שוין באקומען לייקס: 3575 מאל

הודעהדורך שטיינער » פרייטאג סעפטעמבער 16, 2016 8:12 am

דער געוואגטער יונגעל האט געשריבן:
שטאפענע
קאפעליטש האט געשריבן:
דער געוואגטער יונגעל האט געשריבן:אה שוין לאנג אדורך די צייטן וואס איך פלעג שמערצן דערויף ווען איך בין נאך געווען א שנוק'ל.

הע, שרייבער. דושינסקי, מענדלאוויטש, קעסטענבוים, וחוזר חלילה... שרייבער דושינסקי.. אזש איך בין א צינג ארויסגעשטעקטער.

האללו, אויב געדענק איך גוט ווייזט דו סטאסטיסטיק אז איינס פון יעדער פינעף אין צוואנציג מענטשן אין ניו יארק איז א מיליאנער. איך קום פון א קהילה מיט אריבער דריי טויזענט ראשי משפחה, לויט דעי חשבון וואלט געדארפט זיין אריבער 120 מיליאנערן. ניט אזעי? יא יא מיין פריינד... אפשר צוואנציג.


קענען מיר אנצייגן אז אונז פארמאג מיר איין מיליאנער פאר יעדן פינעף אין צוואנציג יונגעלייט?

#...

Wow, סארא שטותים די רעדסט.
די אויבן דערמאנטע נעמען זענען ביליאנערן.
מיליאנערן? דאס מיינט אז מ׳איז ווערד מער ווי א מיליאן טולר? כהאב פאר די נייעס. אסאאאאאך מער ווי 120 מענטשן

וואס האקסטו אין קאפ אריין? דו ווייסט וואס ווערט פאררעכענט אין די 'ספעציפישער' אנקעטע אין די קאטאגאריע 'מיליאנער'? האסט בכלל נאכגעטשעקט דעי סטאטיסטיק? אפי' האבן א דירה הייסט שוין יא א 'ווערד' צו ווערן גערעכענט אינעם פארמעגן? בכלל נישט זיכער. כמה אופנים צו רעכענען.

#סארא_בליציגקייט_דו_שיסט


זיכער איז דא, אפילו אן די דירות חשבון, פארקערט קענסטו זאגן, אפילו איינער האט א מיליון, אן א דירה איזעס גארנישט
שטיינער
מאנשי שלומינו
מאנשי שלומינו
 
הודעות: 36
זיך רעגיסטרירט: דינסטאג אקטאבער 27, 2015 6:24 pm
האט שוין געלייקט: 24 מאל
האט שוין באקומען לייקס: 21 מאל

הודעהדורך יהושע חיים » פרייטאג סעפטעמבער 16, 2016 9:08 am

עס איז אזא בלאף אז אינז זענען ארים
א גוי וואס מאכט איבער פיפציג טויזנט דאללער אויף די ביכער הייסט א פארמעגליכע מענטש
א איד וואס מאכט פיפציג טויזנט דאללער אויף די ביכער דארף מען גיין נאך געלט פאר עהם (עכ"פ ווען ער מאכט חתונה זיכער)

לאזט ענק אלע אפ פון די עדזיקעשאן נאר הייבטס אהן ארבעטן אויף אינזער סטאדארט וואס איז צודרייט הויך און עס איז א מוז
איך זאג נישט אז מען דארף נישט קיין עזדיקעשאן אבער איך האלט נישט אז עס איז אזא פראבלעים צוגלייכענדיג צו די פראבלעם פון אונזער פיינענטשל לייף סטייל
יהושע חיים
ידיד ותיק
ידיד ותיק
 
הודעות: 913
זיך רעגיסטרירט: זונטאג אוגוסט 26, 2012 8:56 pm
האט שוין געלייקט: 51 מאל
האט שוין באקומען לייקס: 476 מאל

הודעהדורך דער דאס » פרייטאג סעפטעמבער 16, 2016 11:18 am

שבת אחים האט געשריבן:
בן אדם האט געשריבן:שטאפענע, קענסט מיר אפשר בארגן אן אלפ'ל פאר א וואך?


דערמאנסט מיך פון יענעם וואס האט געבעטן דעם אייבערשטען, באשעפער פאר דיר איז דאך הונדרעט יאהר פארעכענט ווי איין בליציגע סעקונדע און א מיליאן דאללער איז דאך ביי דיר אזויווי א פעני (לי הכסף והזהב), איז געב מיר א פעני פאר א סעקונדע :רגע:


און מ'האט אים גע'ענפערט, ווארט איין מינוט..
דער דאס
ידיד השטיבל
ידיד השטיבל
 
הודעות: 284
זיך רעגיסטרירט: פרייטאג יולי 15, 2016 12:41 am
האט שוין געלייקט: 499 מאל
האט שוין באקומען לייקס: 553 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 4 געסט