OTD מיט ברסלב

ארטיקלען און באטראכטונגען איבער דער חרדי'שער געזעלשאפט און קולטור

OTD מיט ברסלב

הודעהדורך ווייל אזוי » דאנערשטאג דעצעמבער 22, 2016 12:08 am

די אשכול איז געווען אויף אייוועלט דורך די ניק "חסדי אבות" אבער אזוי ווי דארט האבן נישט די אשכול'ס קיין קיום ברענג איך עס דא, אזוי ווי ס'געווען דארט.
עס איז שוין געווען דא אן אשכול מלא איבער ברסלב, וואס מען האט ב"ה פארשפארט צוליב פארשידענע אורזאכן (נישט דאס ערשטער מאל...), ידידנו הרב ר' "וויל וועלן" האט שוין געעפנט דערנאך א פרישן אשכול מיטן נאמען "תורת מוהר"ן לעובדה ולמעשה", מיטן פארזיכערונג אז די קריטיקירער וועלן זיך נישט אריינמישן דא, אבער דער דאזיגער אשכול האט ליידער נישט זוכה געווען צו צופיל אויפמערקזאמקייט, ווייניג ציפיות און דעריבער אויך ווייניג קאמענטארן, היינט קען מען איר געפינען פון אונטן (אומפארשפארטערהייט).

אצינד וויל איך אויפמערקן אן ענין, איך וויל אבער נישט אז דער אשכול זאל געפינען איר ארט מיט די פריעדיגע אשכולות. דעריבער איז נישט ראטזאם דן צו זיין שיטת ברסלב בכלליות, נאר וואס עס איז נוגע צו דער הערה וואס מיר ברענגען אצינד ארויף (און אויב די הנהלה זעט נישט דעם אשכול מיט א גוט אויג, זאלן זיי דאס תיכף פארשפארן).

עס איז באקאנט אז אין פוילן איז געווען טויזנטע ברסלב'ע חסידים, וועלכע זענען געגאנגען בתורתו של רבינו מוהר"ן מברסלב זיע"א. די אלע זענען נעבעך אומגעקומען אין די גאז-קאמערן בימי הזעם און עס איז פון זיי כמעט נישט איבערגעבליבן. עס איז אינטערעסאנט צו באמערקן אז איידערן ערשטן וועלט-קריג איז כמעט נישט געווען קיין ברסלב'ע חסידים אין פוילין. דאס אויפוואכונג צו תורת ברסלב אין פוילין האט זיך אנגעהויבן הערשט נאכן ערשטן קריג, וואס דעמאלס האט ברסלב געשלאגן טיפע ווארצלען אין פוילין, אויף די לענג און אויף די ברייט.

מען דארף באטאנען, אז דער מצב היהדות אין פוילין נאכן ערשטן קריג, איז געווען זייער אפגעשוואכט. דער ערשטער קריג האט איבערגעלאזט א שווערן חורבן און אפעקט אויף כלל-ישראל און די פירות האט זיך ליידער אנגעזען גאר שטארק נאכן ערשטן וועלט-קריג, די פרייע ווינטן האבן אוועקגעריסן מסלתה ומשמנה פון יהדות החרדית, רח"ל. דווקא אין יענע פינסטערע תקופה האט דער אור פון ברסלב אריינגעשיינט אין אידישע הערצער אין פוילין און ברסלב איז שטארק אויפגעוואכט געווארן איבעראל.

אקאראט די זעלבע פאסירט בימינו אלה:
עס איז היינט א תקופה וואס איז נאכנישט געווען זינט דעם צווייטן קריג - עת אשר הרג ה' ולא חמל על שארית ישראל. די OTD באוועגונג האט זיך מיט חוצפה געהויבן דעם קאפ, עס פאלן ליידער אוועק פיל היימישע קינדער פון היימישע שטיבער, ה"י היל"ת, עס קומט ממש צום וויינען ווען מען באטראכט זיך וואס עס קומט דא פאר אין די יעצטיגע טעג - זאל שוין דער רבוש"ע אפשטילן די מגיפה אויף כלל-ישראל.

אבער וואס עס איז העכסט אינטערעסאנט איז, אז דווקא אין די יעצטיגע תקופה פארשטארקט זיך די השפעה פון ברסלב אויף א גאר שטארקער פארנעם, אויף א פארנעם וואס מען האט נאכנישט געזען איר'ס גלייכן אין די פריעדיגע דורות. עס איז שוין היינט נישט קיין בושה צו זיין א ברסלב'ער און אפשר אפילו פארקערט. פילע יונגע בחורי חמד און אברכי משי פארמאגן א צימאון לדבר השם און קלעבן זיך מיט דארשט לדרכו של רבינו הננמ"ח, און די תופעה ווערט אלס שטארקער און גרעסער.

עס פרעגט זיך דעריבער די שאלה: איז OTD פארבינדן מיט ברסלב? - איז די תופעה פון א רוחניות'דיגע מגיפה, א סיבה און גורם פארוואס חסידות ברסלב הויבט זיך אזוי שטארק אויף? - אויב יא, וואס איז די סיבה?

על פי רוחניות קען מען דערויף ממליץ זיין, אז דער באשעפער באשאפט שטענדיג די רפואה פאר די מכה און גרייט אן דעם פתרון פאר דעם פראבלעם. ברסלב איז דאס וואס ראטעוועט טויזנטע אידן פון באר שחת און דווקא דעמאלס וואס די סיטרא אחרא איז גובר, איז די קדושה אויך גובר פון די אנדערע זייט, ארויסצוהעלפן מיט די מלחמה.

אבער פארט לאזט זיך דעבאטירן, וואס עס איז דער דרך-הטבע אין די תופעה, פארוואס ווען אימער רוחניות באקומט א ירידה, באקומט חסידות ברסלב אן עליה?

וואס איז דער פשט דערפון?
ווייל אזוי
ידיד השטיבל
ידיד השטיבל
 
הודעות: 210
זיך רעגיסטרירט: מאנטאג פעברואר 08, 2016 10:34 pm
האט שוין געלייקט: 215 מאל
האט שוין באקומען לייקס: 196 מאל

Re: OTD מיט ברסלב

הודעהדורך א איד » דאנערשטאג דעצעמבער 22, 2016 2:27 am

הייסט עס אז נעקסט איז א נייע האלאקאוסט?
מאך נישט קאליע די מעשה מיט אמת'ע פאקטן - אבער פונעם אמת וועל איך זיך בשום אופן נישט בייגן.
באניצער אוואטאר
א איד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1219
זיך רעגיסטרירט: מיטוואך אפריל 25, 2012 1:25 pm
געפינט זיך: אויפן אנדערן זייט סמבטיון
האט שוין געלייקט: 585 מאל
האט שוין באקומען לייקס: 727 מאל

הודעהדורך שבת אחים » דאנערשטאג דעצעמבער 22, 2016 3:01 am

אינטערסאנט ער זאגט אז דער אייבישטער ברענגט די רפואה פאר די מכה, איז פארוואס איז לעצטענס נתרבה געווארן ספסלי אט״ד?. די מכה אין די פאלל זענען די רבנים מיט די בארבארישע ׳סיסטעם׳ וואס זיי האבן איינגעשטעלט.

אין אנדערע ווערטער זאגט ער, ענק ווילן נישט זיין קיין אמתע חסידישע פרומע אידן זייטס כאטש ברעסלאווער צי חבדסקער, מ׳מוז דאך נישט אינגאנצן אפלאזן אידישקייט, מ׳קען מאכן א פשרה און זיין א ברעסלאווער...
ס׳געפעלט מיר ווי דער נער שרייבט ״סאיז שוין היינט נישט קיין בושה צוזיין א ברעסלאווער״, און ווען איז עס יא געוועהן א בושה? פארוואס דארף מען זיך מעהר שעמען צוזיין א ברעסלאווער ווי א סאטמערער, סקווירער אדער א בעלזער? וואס א מין נאאיווע נערישע גערעדאכץ איז דאס??? אנדערש וואלט איך געזאגט אז סאיז א בושה אז מ׳רעדט זיך איין אז מ׳האלט זיך העכער ,חשובער, סופיריאו״ר פון א צווייטן און דער שוטה וגס רוח רעדט זיך איין אז זיין טעפלע כריין ווי ער איז אריינגעקראכן איז די בעסטע.
!!!NOBODY DOES "FAKE NEWS" BETTER THAN ME!!! BELIEVE ME

...Build a wall around Trump, I'll pay for it
באניצער אוואטאר
שבת אחים
חבר ותיק
חבר ותיק
 
הודעות: 3354
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 3485 מאל
האט שוין באקומען לייקס: 2099 מאל

הודעהדורך אישתישבי » דאנערשטאג דעצעמבער 22, 2016 9:07 am

כ'מיין אז ער זאגט אז ברסלב טוט אדרעסירן די פראבלעמען וואס זענען גורם מענטשן צו ווערן א.ט.ד.

און א וועג זענען זיי סיסטעם האקערס, אבער לולא דמיסתפינא וואלט יאך געזאגט, אז עס איז דער זעלבע שוויגער נאר אנדערש געשלייט.
אישתישבי
ידיד השטיבל
ידיד השטיבל
 
הודעות: 289
זיך רעגיסטרירט: מיטוואך מערץ 09, 2016 12:19 am
האט שוין געלייקט: 12 מאל
האט שוין באקומען לייקס: 157 מאל

הודעהדורך מיש-נייעס » דאנערשטאג דעצעמבער 22, 2016 8:17 pm

די ארטיקל איז א אומ-אינטרעסאנטער טאפיק איך האלט אז עס גייט האבן דאס זעלבע אריכות ימים ווי אין אייוועלט
נאכדעם וועט עס בלייבן א פארשעמט אשכול
א שאד געווען צו ברענגען אזא ארומע טעמא אינ'ן רייכן קאווע שטיבל
ענדערש פון מישן נייעס, מיש א משניות, זאג א פרק נאך א פרק, איי דו פארשטייסט נישט, און צו נייעס פארשטייטו יא...?
מיש-נייעס
ידיד השטיבל
ידיד השטיבל
 
הודעות: 206
זיך רעגיסטרירט: מיטוואך אפריל 06, 2016 7:07 pm
האט שוין געלייקט: 213 מאל
האט שוין באקומען לייקס: 83 מאל

הודעהדורך מיש-נייעס » דאנערשטאג דעצעמבער 22, 2016 8:19 pm

שבת אחים האט געשריבן:
אין אנדערע ווערטער זאגט ער, ענק ווילן נישט זיין קיין אמתע חסידישע פרומע אידן זייטס כאטש ברעסלאווער צי חבדסקער, מ׳מוז דאך נישט אינגאנצן אפלאזן אידישקייט, מ׳קען מאכן א פשרה און זיין א ברעסלאווער...
ס׳געפעלט מיר ווי דער נער שרייבט ״סאיז שוין היינט נישט קיין בושה צוזיין א ברעסלאווער״, און ווען איז עס יא געוועהן א בושה? פארוואס דארף מען זיך מעהר שעמען צוזיין א ברעסלאווער ווי א סאטמערער, סקווירער אדער א בעלזער? וואס א מין נאאיווע נערישע גערעדאכץ איז דאס??? אנדערש וואלט איך געזאגט אז סאיז א בושה אז מ׳רעדט זיך איין אז מ׳האלט זיך העכער ,חשובער, סופיריאו״ר פון א צווייטן און דער שוטה וגס רוח רעדט זיך איין אז זיין טעפלע כריין ווי ער איז אריינגעקראכן איז די בעסטע.


האסט א קשיא אויף א שוטה אייועלט שרייבער
אז ער שרייבט אין אייוולעט איז שוין גענוג סיבה איהם צו באצייכענען אלס שוטה, דאס וואס ער שרייבט איז כ"ויהודה ועוד לקרא"
ענדערש פון מישן נייעס, מיש א משניות, זאג א פרק נאך א פרק, איי דו פארשטייסט נישט, און צו נייעס פארשטייטו יא...?
מיש-נייעס
ידיד השטיבל
ידיד השטיבל
 
הודעות: 206
זיך רעגיסטרירט: מיטוואך אפריל 06, 2016 7:07 pm
האט שוין געלייקט: 213 מאל
האט שוין באקומען לייקס: 83 מאל


גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט