א ברודער קריג

ארטיקלען און באטראכטונגען איבער דער חרדי'שער געזעלשאפט און קולטור

א ברודער קריג

הודעהדורך דער געוואגטער יונגעל » דינסטאג אפריל 04, 2017 9:01 pm

האבעך לעצטענס מיטגעהאלטן ביי א שמחה ווי איינע פון די מחותן'ס ברודער איז עפעס נישט געווען ביים חתונה געהעריג. זיך אריינגעשלייכט ביים באדעקן אפגעפיצט ביזן בענטשן און נאך זיין טענצל מיטן כלה זיך אפגעהויקערט פון זאל ניטאמאל געטאנצן מיטן מחותן קוים א פארטריקענטער מז"ט טריקענער ווי ר' צדוק'ס פייגן.. די גורם פון די פייט איז געווען א מחלוקה'לע צווישן די פינעוו ברודער ביים צוטיילן זייער טאטע'נס ירושה, מען האט זיך געאמפערט ווער ס'נעמט די אלטע טלית און ווער ס'נעמט די צוקאליטשטע שוין האלב ראסטיגע בעכער, צום סוף האט מען זיך פארגליכן מער ווייניגער, אבער צווישן זיי און איין ברודער איז דער ריס געבליבן אן קיין לאטע פאר א רפואה.

אזא מעשה האט מיר ארויסגענומען פון די כלים. א כאפטע בנים אין די וואונדלען, זעכציג יעריגע קטנים עטץ! כ'פארשטיי דו קענסט שוין קטנ'ען אין די זיצעדיגע טוילעטס מיט א אפענע טיר אבער קליינע קינדער זענט עטץ נאך... זאג מיר, האסט אמאל אנגעקוקט דיין טאטע ביי די זעכציג, ביסט אים ארויף באזוכן כאטש איינמאל א וואך, אז זיין אלטע קלאאטשן דארפסטו?! האסט אים גערופן ביי די זיבעציג יעדן טאג שמועסן מיט אים? א מכה! ביי זיין אכציג ביזטע געווען פארברענגען מיט אים? און זיין אלטע ראטה/וואלנער בעקיטשע דארפסטע? וואס נאך?
#הייליגע קרעפלעך.

אפט הערט מען פון מענטשן נאך זייער טאטע גייט לעולמו רעדן זיי פון זיין גדלות, ווארעמקייט, איבערגעגעבענקייט, ערליכקייט, אז מ'איז שטארק אין די ספערן האט מען נאך א מעשה מיט א חלום וועגן באצאלן דריי דאלער מי שברך געלט.. [כ'וואונדער זיך שוין לאנג פארוואס פון א עראפלעין זאגסטע נישט א עראפלעין איז מיר געקומען אין חלום...]

ווער רעדט נאך ווען באקומט צו די ירושה חפצים קען אויסברעכן א ברודער קריג וואס קען זיך ציען לענגער ווי די טשיינע וואנט. מ'וועט זיך רייסן און באליידיגן פאר פוסטע לופטיגע שמאטעס, פון וועם? פון איינעם וואס דו האסט נישט אנגעקוקט די לעצטע פערציג יאר. זאג, דריי יאר צוריק האסטע געדארפט זיין געלע טלית אויף וואס דו עקשנ'סט זיך יעצט? הער, חוץ אביסל ברוינקייט און א מילביגע קעלער שמעק איז גארנישט צוגעקומען דעי דריי יאר.

אויב דו שעצט דיין טאטע אז ער קען אפי' אראפקומען אין חלום ש'מיר נישט דיר'נישט, באזוך אים כאטש איינמאל א וואך. רוף אים יעדן טאג צוויי תמידין כסדרן, אויב פעינט ער שוין ביי די אכציג ברענג דו אים אין שול, נישט דער שחור וואס ווייסט קוים וואס הענגט אים.. דער שחור לייגט אים תפילין ווי א קרני פרה צען צוועלעוו כריכות אדער וויפיל ס'פיט... דיין טאטע נאכן אפלעבן א גוט וואויל לעבן ליגט מושפל ומבוזה אויף זיין עלטער אונטער די פערזענליכע אויפזיכט פון א הויכער אבער פלאך טונקעלהויטיגער פארשוין וואס דערלאנגט אים אן ארומגעדרייטע סידור אויפגעמישט צו הדלקת נר חנוכה.. שוין אויף זיין כבוד.

נישט אז איינער וואס געבט יא די גרעסטע רעספעקט פאר זיין טאטע איז נארמאל זיך אויפצו פירן ווי א צאפ, אבער אז דו ביסט פון די ערשטע קאטאגאריע #סטאפ די היפאקרעסי.
באניצער אוואטאר
דער געוואגטער יונגעל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1461
זיך רעגיסטרירט: דינסטאג דעצעמבער 30, 2014 12:43 am
האט שוין געלייקט: 1959 מאל
האט שוין באקומען לייקס: 3817 מאל

Re: א ברודער קריג

הודעהדורך נעגעל וואסער » דינסטאג אפריל 04, 2017 9:28 pm

ביזסט טאקע געווען ביי די חתונה, אבער מסתם נישט ביי די ירושה חלוקה, כ'גלייב אז מ'האט זיך ענדערש געשלאגן אויף די נישט ריקעדיגע נכסים..
אבער עכ"ז לוינט זיך עס נישט, כ'קען א משפחה וואס רייסט זיך ביי די קעפ, איבערן פאטערס הייזער שוין יארן, און זיי ליידן דערפון טאג איין טאג אויס. יעדעס מאל די קינדער אין אייניקלך גייען אין גאס איז דאס אן אפקומעניש אויב חלילה טרעפט מען איינעם פון די אנדערע צד משפחה.

געלט איז טאקע אלעס, אבער משפחה איז פאר אלעס. משפחה איז נאנריפלעיסעבעל!

מיט דעם אלעם, וואלט איך מוותר געווען פאר מיין ברודער א מעלאנא.? מסתם נישט...!
נעגעל וואסער
ידיד ותיק
ידיד ותיק
 
הודעות: 660
זיך רעגיסטרירט: מיטוואך דעצעמבער 30, 2015 10:44 pm
האט שוין געלייקט: 1546 מאל
האט שוין באקומען לייקס: 706 מאל

הודעהדורך שטאפענע קאפעליטש » דינסטאג אפריל 04, 2017 10:51 pm

פיין געלאכט, גוט געזאגט.
אבער וואס טוט מען טאמער די רעדנע איז פון א וואלקען קראצע אין מאנהעטטען אין נאך עפעס א אפיס בנין פון פיהר אין אכציג שטאק מיט אפיסעס אין אזא ש׳מיר ש׳דיר אזא 23 הייזקע אין די הייסע געגענט פון 11211.

ליידער רוב משפחות רייסן זיך ביי די קעפ ווען די טאטע פארמאכט די אויגן אין מיטאמאל עפענט זיך די עקאונט אין ס׳וואלגערן זיך מיליאנען.
פלוצלינג דערמאנט זיך די בכור ווי די טאטע האט עיהם אמא ל געבעהטן טוישן די שלאס פון א בנין, ממילא איז עס זיינע בחזקת חזקה,
די צווייטע ברודער געדענקט אז די טאג וואס די טאטע האט געקלויזט א האטעל אין אהיים געקומען שפעט האט ער זיך פארענטפערט פארן קינד ״די בנין וועט אמאל זיין דיינס, זארג נישט.״

אבער אויף נארישע שמוסענע טליתים קטנים געווענדליך זענען די ברודער בעסטע פריינט
באניצער אוואטאר
שטאפענע קאפעליטש
ידיד השטיבל
ידיד השטיבל
 
הודעות: 252
זיך רעגיסטרירט: מיטוואך אוגוסט 27, 2014 11:45 pm
האט שוין געלייקט: 175 מאל
האט שוין באקומען לייקס: 501 מאל

הודעהדורך דער געוואגטער יונגעל » דינסטאג אפריל 04, 2017 11:18 pm

ווען מען רעדט פון שווערע ירושה געלטער איז שוין די ניסיון א גרויסע. אויך א ווייטאגליכע נושא ווען מען צוקריגט זיך, הגם נישט פון דעם האב איך גערעדט דיירעקט.

איך האב מער גערעדט לאמיר עס אנרופן א געוויסע סארט היפאקריטיע, ווען מענטשן (וואס האבן נישט עפעס מורא'דיג מחשיב געווען בחייו) ווערן כמו פארגעטערט ווען זייער טאטע ווערט נפטר, פילענדיג חשיבות אין יעדער חפץ פון זייער טאטע.
באניצער אוואטאר
דער געוואגטער יונגעל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1461
זיך רעגיסטרירט: דינסטאג דעצעמבער 30, 2014 12:43 am
האט שוין געלייקט: 1959 מאל
האט שוין באקומען לייקס: 3817 מאל

הודעהדורך berlbalaguleh » מיטוואך אפריל 05, 2017 12:16 am

דער געוואגטער יונגל:אזוי ווי נעגל וואסער האט דערמאנט פריער. ר'האט געפרעגט צו יענער, דער קריטיקאנט איז געווען ביי די ירושה חלוקה ווען ס'האטציך געטון איבער די נכסי דלא ניידי. אבער למעשה ביניך מסכים מיט איהם. ווייל די מחלוקה איז נישט דוקא איבער די געלע, פארשימלטע טלית קטנ'ס פונ'ם פארשטארבענעם טאטן. דאס איז נאר די חיצוניות. אבער עכט קריגט מען און מ'רייסט זיך ארום איבער כסף און שוה כסף. איך קען א חשוב'ע משפחה וואו מ'האט געהאלטן אז דער טאטע האט געהאט א פאר רייניש. אנדערש פון וויאזוי ס'שטייט אין זמירות למוצ"ש מיט דעם איש חסיד פאר ער איז געהאלפן געווארן. ווייל דער טאטע האט געלעבט זייער א שפארזאם לעבן. און ער האט געהאט עטליכע מקורות פון הכנסה. אין דיני ממונות איז ער געווען זייער א פונקטליכער מענטש. ווען ער האט גענומען א הלואה האט ער קיינמאל, ממש קיינמאל נישט געשפעטיגט אפילו מיט א טאג. און ער האט אויך געגעבן קליינע סכומים פון זיין פריוואטן גמ"ח. טו מעיק עי לאנג סטארי שארט. ער האט אויך געהאט א גבאי. א האום אטענדאנט, אן עלטערער בחור. פאר ער איז אוועק. הלך לעולמו איז ער אפגעליגן אין שפיטאל בלי הכרה פאר בערך א וואך צייט. אין די צייט ווען די 2 ברודערס זענען געווען אין שפיטאל ביים טאטן איז דער מיטלסטער ברודער וועלכער האט געמאכט יד אחת מיט'ן גבאי, האבן אדורכגענישטערט די דירה און זיי האבן מסתמא געטראפן די מטמוניות. אויך די ליסט פון די חשוב'ע אידן וועלכע האבן גענומען הלוואות פונ'ם טאטן און האבן עס נישט צוריקגעצאלט. ביי די שבעה (דעם לעצטן טאג) האבן זיך די מיטלסטע מיט די יונגסטע ברודער זייער מיאוס צוקריעגט. ווייל דער יונגסטער ברודער האט געטענה'ט---אפשר יושר'דיג-- אז דער מיטלסטער ברודער האט אוועקגעגנב'עט די פאר רייניש. און דער עלטסטער ברודער, וועלנדיג שלום מאכן האט געזאגט אז ער איז מוכן צו געבן א כתב פאר די ברודערס אז ער איז מוותר אויף זיין חלק. אויב מ'וועט עפעס טרעפן. אבער למעשה האט מען גארנישט געטראפן ווייל דער ברודער מיט'ן גבאי האבן שוין פון פריער געמאכט בדיקת חמץ. און א חלוקה דרבנן. ס'האטציך געטון נאך גניבות. אזוי ווי אין א סאך משפחות.ס'געווען א סאך אלבומ'ס מיט אלטע פיקטשערס פון די משפחה. אויך האטציך געטון גניבות מיט ספרים און אנדערע חפצים. דעם טאטנ'ס רבינו תם תפילין, וועלכע ער האט צוגעזאגט פאר איין ברודער איז אויכעט נעלם געווארן אינמיטן די שבעה.

תמצית הדבר. וואו ס'דא מחלוקת אין די משפחה איז עס נישט איבער פכים קטנים. קלייניגקייטן. נאר איבער געלט אדער אנדערע ווערט זאכן. נאר ס'ציעט זיך אריין אין די קליינע זאכן אויך...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14518 מאל
האט שוין באקומען לייקס: 8343 מאל

הודעהדורך בן אדם » מיטוואך אפריל 05, 2017 1:01 am

לכאורה איז די סיבה ווייל יעדער ברודער האלט אז זיי קענען די בעסטע אכטונג געבן אויף די חפצי קודש בכבוד הראוי, און אויך די געלט האלט יעדער אז ביי זיי וועט עס די בעסטע מפרה ומרבה זיין איז ממילא קומט זיך עס זיי מיט רעכט!
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2955
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3072 מאל
האט שוין באקומען לייקס: 1422 מאל

הודעהדורך איך אויך » מיטוואך אפריל 05, 2017 1:12 am

אויף דעם זאגט מען א מליצה 'בדליכא כולי עלמא לא פליגי, כי פליגי בדאיכא'.
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5625
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 7672 מאל
האט שוין באקומען לייקס: 2535 מאל

Re: א ברודער קריג

הודעהדורך קל וחומר » מיטוואך אפריל 05, 2017 1:27 am

חכם עיניו בראשו
ידע קונה שורו

א מענטש וואס ווייסט אז ער גייט נישט לעבן אויף אייביג און ער האט נישט זוכה געווען צו גענוג אויסארבעטן די קינדער'ס מדות מושחתות אז מ'זאל זיך נישט קריגן אויף חיי שעה דורכן מאבד זיין חיי משפחה, מעג האבן די מינדעסטע שכל און צעטיילן זיינע ר"ת גאטקעס בחייו אז ס'זאל בלייבן פאר יעדעם די גרויסע סגולה פון טראגן דעם טאטענ'ס גאטקעס ביים חתונה מאכן אייניקלעך (וואס ווי באקאנט העלפט דאס פאר עצירות, ווי אויך אז מ'זאל נישט קטנ'ען אין די מכנסיים אינמיטן קריאת התורה אין די עלטערע יארן.)
קל וחומר
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1866
זיך רעגיסטרירט: פרייטאג דעצעמבער 04, 2015 4:42 am
האט שוין געלייקט: 2863 מאל
האט שוין באקומען לייקס: 2654 מאל

הודעהדורך ליטוואק פון בודאפעסט » מיטוואך אפריל 05, 2017 5:00 am

בן אדם האט געשריבן:לכאורה איז די סיבה ווייל יעדער ברודער האלט אז זיי קענען די בעסטע אכטונג געבן אויף די חפצי קודש בכבוד הראוי, און אויך די געלט האלט יעדער אז ביי זיי וועט עס די בעסטע מפרה ומרבה זיין איז ממילא קומט זיך עס זיי מיט רעכט!

פאר דעם מעג מען גנב'נען? איך מעג אוועקנעמען פון דעם שכן זיין געלט ווייל איך האב בעסערע​ זאכען צו טוהן דערמיט?

נאך עפעס. קיינער איז נישט חשוד אריינצולייגען א האנט אין יענעמ'ס טאש און ארויסנעמען א פאר דאללאר. מיט וואס איז דא אנדערש אז מ'איז גרייט עובר צו זיין א בפירוש'ע לא תגזול? יעדער עבירה וואס מ'איז עובר האט עפעס א לימוד זכות וואס נאר דער עבריין ווייסט דערפון? איך קלער אז מ'מיינט אז ירושה געלט איז נישט דיינס, ווייל דו האסט דאך נישט געארבעט דערויף. אוודאי איז עס הלכה׳דיגע נארישקייטן, און אפילו ווען איין ברודער איז יד ימינו פון טאטען כל ימיו, און דער טאטע האט איהם געהאט צוגעזאגט א פיינעם פארציע, איז ער נאכאלס א גנב פסול לעדות טאמער ער נעמט א פרוטה אן זיין ברידער'ס צושטימונג. דער סתירה איז אבער, אז דער זעלבע מענטש וועט וויינען און שרייען אז מ'טוט איהם באקריוודען ווייל מ'גיבט איהם נישט אלעס. אנטשולדיגט, אבער די גאנצע געלט איז א מתנה, ניין? דו האסט דאך נישט געארבעט דערפאר, פארוואס האסטו יעצט טענות? ממנ"פ!
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8593
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2999 מאל
האט שוין באקומען לייקס: 8058 מאל

הודעהדורך בן אדם » מיטוואך אפריל 05, 2017 7:10 am

קל וחומר האט געשריבן: (וואס ווי באקאנט העלפט דאס פאר עצירות, ווי אויך אז מ'זאל נישט קטנ'ען אין די מכנסיים אינמיטן קריאת התורה אין די עלטערע יארן.)

ווענדט זיך פאר וועם מ'וויל עס געבן
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2955
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3072 מאל
האט שוין באקומען לייקס: 1422 מאל

הודעהדורך שבת אחים » מיטוואך אפריל 05, 2017 10:57 am

בן אדם האט געשריבן:לכאורה איז די סיבה ווייל יעדער ברודער האלט אז זיי קענען די בעסטע אכטונג געבן אויף די חפצי קודש בכבוד הראוי, און אויך די געלט האלט יעדער אז ביי זיי וועט עס די בעסטע מפרה ומרבה זיין איז ממילא קומט זיך עס זיי מיט רעכט!


ווייל איינער האלט אז ער איז די בעסטע אינוועסטאר פון די פאמילע געט אים נאכנישט קיין שום רעכט און קיין לעגימיטע טענה זיך צוקריגן מיט זיין אייגענע בלוט און פלייש.

די איינציגסטע אמתע זאך וואס א מענטש פארמאגט אויף די וועלט איז זיין אייגענע פאמיליע! פארפאלן פאמיליע איז די מערסטע ווערטפולע זאך פאר א מענטש ווייל זיי וועלן געוונטליך דארט זיין פאר יענעם אין אפילו די שווערסטע צייט און אין די ערגעסטע מצבים, אלזא זיך גיין צוקריגן פאר אפאר נערישע דאללער-ספעציעל ווען סאיז דא גענוג א שיינע פארציע פאר יעדעם און מקען זיך שיינערהייט צוטיילן און סזאל נאך בלייבן פאר יעדעם א שיין בכבודיג שטיקל גייט מען זיך קריגן ווי קליינע קינדער ווייל ער האלט אז ער איז א גרעסערע חכם קומט זיך עס שוין פאר אים- סארא מין נערישע גערעדאכץ איז דאס?? :roll:.
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5904
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4773 מאל
האט שוין באקומען לייקס: 3475 מאל

הודעהדורך תנחום » מיטוואך אפריל 05, 2017 1:37 pm

@געוואגטער, שוין לאנג נישט געלאכט אויף אזא טראגי-קאמישן ארטיקל. די קלוגע טוישן שוין איין די געלע טלית פאר א נייע נאך בחייו דאס האביך אליינס מיטהאלטן אין ביהמ"ד. עפעס א שטיקל לימוד זכות איז דא ביי אונז אז מ'קריגט זיך נאר לאחר מות, ביי די סטראקעס סעקטע קריגט מען זיך שוין בחייו
אינני מסכים למילה מדבריך, אך אהיה מוכן להיהרג על זכותך לומר אותם(וואלטר)
תנחום
ידיד השטיבל
ידיד השטיבל
 
הודעות: 203
זיך רעגיסטרירט: מיטוואך סעפטעמבער 21, 2016 10:42 pm
האט שוין געלייקט: 130 מאל
האט שוין באקומען לייקס: 186 מאל

הודעהדורך berlbalaguleh » מיטוואך אפריל 05, 2017 2:44 pm

ליטוואק פון בודאפעסט: אט דאס איז דער יסוד פון גרויסע וועלט'ס דין תורה'ס. ביי א בארימטע משפחה האט מען זיך געריסן איבער דעם טאטנ'ס ירושה. וואו דער בכור האט געטענה'ט אז ס'קומט איהם נישט נאר פי שניים. נאר א סאך מער. ווייל ער איז געווען יד ימינו פונ'ם טאטן. און ווען די יונגערע ברודערס זענען נאך געווען בחורים האט ער שוין אלס יונגערמאן מיט געארבעט מיט'ן טאטן און געהאלפן אויפבויען די ביזנעס. נאך א מזל. (אינטרעסאנט אז די עשירים האבן אייביג דעם מזל.) אז די דין תורה האט געפסק'נט לטובתו. ווייל אנישט איז ער שוין לאנג נישט דארטן ביי די חסידות. ס'איז געווען אנדערע צדדים ביי די ד"ת אויך. איבער די ספיקות פון איין ברודער/נעפיו וואס זיין ברודערשאפט איז לכאורה געווען מוטל בספק. נאר דאס איז פון די דברים שהצנעה/צניעות יפה להם...! יענער ברודער האטציך לכאורה פראטעקטעד מיט צעטלעך, און כתבים, אידישע ווי ענגלישע אלס זיין א לעגיטימער חלק פון די משפחה און באקומען זיין חלק פון די ירושה...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14518 מאל
האט שוין באקומען לייקס: 8343 מאל

הודעהדורך moshav zekeinim » מיטוואך אפריל 05, 2017 3:12 pm

שבת אחים האט געשריבן:
בן אדם האט געשריבן:לכאורה איז די סיבה ווייל יעדער ברודער האלט אז זיי קענען די בעסטע אכטונג געבן אויף די חפצי קודש בכבוד הראוי, און אויך די געלט האלט יעדער אז ביי זיי וועט עס די בעסטע מפרה ומרבה זיין איז ממילא קומט זיך עס זיי מיט רעכט!


ווייל איינער האלט אז ער איז די בעסטע אינוועסטאר פון די פאמילע געט אים נאכנישט קיין שום רעכט און קיין לעגימיטע טענה זיך צוקריגן מיט זיין אייגענע בלוט און פלייש.

די איינציגסטע אמתע זאך וואס א מענטש פארמאגט אויף די וועלט איז זיין אייגענע פאמיליע! פארפאלן פאמיליע איז די מערסטע ווערטפולע זאך פאר א מענטש ווייל זיי וועלן געוונטליך דארט זיין פאר יענעם אין אפילו די שווערסטע צייט און אין די ערגעסטע מצבים, אלזא זיך גיין צוקריגן פאר אפאר נערישע דאללער-ספעציעל ווען סאיז דא גענוג א שיינע פארציע פאר יעדעם און מקען זיך שיינערהייט צוטיילן און סזאל נאך בלייבן פאר יעדעם א שיין בכבודיג שטיקל גייט מען זיך קריגן ווי קליינע קינדער ווייל ער האלט אז ער איז א גרעסערע חכם קומט זיך עס שוין פאר אים- סארא מין נערישע גערעדאכץ איז דאס?? :roll:.


די פאקט ווייזט אז ע"פ רוב איז א שטייפע משפחה אינסטיטוציע שעדליך, אדער אין בעסערע פעלער א אילוזיע, ווייניג בענעפיטירן פון דעם נאטורליכער בחינם'דיגער קאמיון, אנשטאט צו אינוועסטירן אין א סינטעטישער מער ווירקזאמער קאמיון.
אם בתירוץ אחד מתורצות שתיים או שלוש קושיות, קרוב לומר שהתירוץ אמיתי. וככל שיגדל מספר הקושיות המתורצות באותו תירוץ, כך מתחזקת ההנחה שהתירוץ אמיתי.
(תורת-מנחם עמ' 154 שיחת כ' מנחם-אב תש"י).
moshav zekeinim
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1764
זיך רעגיסטרירט: מיטוואך יאנואר 07, 2015 3:14 pm
האט שוין געלייקט: 1051 מאל
האט שוין באקומען לייקס: 1577 מאל

הודעהדורך אייז קריעם » מיטוואך אפריל 05, 2017 7:13 pm

moshav zekeinim האט געשריבן:
שבת אחים האט געשריבן:
בן אדם האט געשריבן:לכאורה איז די סיבה ווייל יעדער ברודער האלט אז זיי קענען די בעסטע אכטונג געבן אויף די חפצי קודש בכבוד הראוי, און אויך די געלט האלט יעדער אז ביי זיי וועט עס די בעסטע מפרה ומרבה זיין איז ממילא קומט זיך עס זיי מיט רעכט!


ווייל איינער האלט אז ער איז די בעסטע אינוועסטאר פון די פאמילע געט אים נאכנישט קיין שום רעכט און קיין לעגימיטע טענה זיך צוקריגן מיט זיין אייגענע בלוט און פלייש.

די איינציגסטע אמתע זאך וואס א מענטש פארמאגט אויף די וועלט איז זיין אייגענע פאמיליע! פארפאלן פאמיליע איז די מערסטע ווערטפולע זאך פאר א מענטש ווייל זיי וועלן געוונטליך דארט זיין פאר יענעם אין אפילו די שווערסטע צייט און אין די ערגעסטע מצבים, אלזא זיך גיין צוקריגן פאר אפאר נערישע דאללער-ספעציעל ווען סאיז דא גענוג א שיינע פארציע פאר יעדעם און מקען זיך שיינערהייט צוטיילן און סזאל נאך בלייבן פאר יעדעם א שיין בכבודיג שטיקל גייט מען זיך קריגן ווי קליינע קינדער ווייל ער האלט אז ער איז א גרעסערע חכם קומט זיך עס שוין פאר אים- סארא מין נערישע גערעדאכץ איז דאס?? :roll:.


די פאקט ווייזט אז ע"פ רוב איז א שטייפע משפחה אינסטיטוציע שעדליך, אדער אין בעסערע פעלער א אילוזיע, ווייניג בענעפיטירן פון דעם נאטורליכער בחינם'דיגער קאמיון, אנשטאט צו אינוועסטירן אין א סינטעטישער מער ווירקזאמער קאמיון.

וועלכע סינטעטישע קאמיון וועט דיר בארגן טיויזנט דאלער און א נויט אדער אפילו פונעף הינדערט?
זיי זענען דא צו שמוען און פיין פארברענגען אבער משפחה איז עס נישט.
One who does not see G-d everywhere does not see him anywhere
  –The Rebbe of Kotzk
אייז קריעם
ידיד השטיבל
ידיד השטיבל
 
הודעות: 319
זיך רעגיסטרירט: דינסטאג סעפטעמבער 13, 2016 12:47 pm
האט שוין געלייקט: 129 מאל
האט שוין באקומען לייקס: 254 מאל

הודעהדורך moshav zekeinim » מיטוואך אפריל 05, 2017 8:40 pm

חברים איז אין א וועג א סינטעטישער קאמיון. מען קען אינוועסטירן אין חבר'שאפט, עס איז נישט לייכט אבער טאמער ארבעט עס איז עס בעסער און געזונטער ווי משפחה.
משפחה איז א פרימיטיווער פארעם פון א קאמיון וואס קאסט א סך איבעריגע ליידן אז די ביסל בענעפיטן איז יצא שכרו בהפסידו.
http://www.medicalnewstoday.com/releases/149047.php
אם בתירוץ אחד מתורצות שתיים או שלוש קושיות, קרוב לומר שהתירוץ אמיתי. וככל שיגדל מספר הקושיות המתורצות באותו תירוץ, כך מתחזקת ההנחה שהתירוץ אמיתי.
(תורת-מנחם עמ' 154 שיחת כ' מנחם-אב תש"י).
moshav zekeinim
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1764
זיך רעגיסטרירט: מיטוואך יאנואר 07, 2015 3:14 pm
האט שוין געלייקט: 1051 מאל
האט שוין באקומען לייקס: 1577 מאל

הודעהדורך יודישע שרייבער » דאנערשטאג אפריל 06, 2017 1:38 am

moshav zekeinim האט געשריבן:חברים איז אין א וועג א סינטעטישער קאמיון. מען קען אינוועסטירן אין חבר'שאפט, עס איז נישט לייכט אבער טאמער ארבעט עס איז עס בעסער און געזונטער ווי משפחה.
משפחה איז א פרימיטיווער פארעם פון א קאמיון וואס קאסט א סך איבעריגע ליידן אז די ביסל בענעפיטן איז יצא שכרו בהפסידו..

זעט זיך אויס אז די חברים דא רעדן פון נארמאלע מענטשן...
חברים איז זייער א גוטע זאך, און נארמאלע געזונטע מענטשן האבן פון זיך אליינס חברים אן קיין שוועריקייטן (ביי איינעם ארבעט זיך עס אויס מיט בלויז געציילטע גאר נאנטע חברים און ביי א צווייטן איז עס אז ער איז א סאציאלע מענטש וואס טרעפט זיך גוט זיין פלאץ נישט קיין חילוק מיט וועם ער גייט זיך טרעפן).
אבער צו משפחה קומט עס נישט צו, נאר אז מען איז נישט געזונט איז עס גאר שווער, אבער אזעלכע פארשוינען טרעפן געווענטליך חברים אויכעט נישט ואולי איז עס מרומז אין די ווערטער "עס איז נישט לייכט", וד"ל.
We buy things we don't need
with money we don't have
to impress people we don't like
(קרעדיט: @טייערע ברודער)
יודישע שרייבער
מאנשי שלומינו
מאנשי שלומינו
 
הודעות: 105
זיך רעגיסטרירט: דינסטאג סעפטעמבער 08, 2015 4:48 am
האט שוין געלייקט: 71 מאל
האט שוין באקומען לייקס: 112 מאל

הודעהדורך moshav zekeinim » דאנערשטאג אפריל 06, 2017 11:21 am

פארוואס טשעפעסטו מיר?

דו מאכסט חוזק פון מיין זאץ אז חברים מאכן איז שווער ווי כאילו איך רעדט פון סתם חברים, דער גאנצער ויכוח דא איז דאך צו חברים קענען דערגרייכט ווערן אויף א לעוול פון משפחה, אויף דעם זאג איז אז עס איז שווער, דו ווילסט דאך זאגן אז עס איז אוממעגליך.

לאמיך אביסל מרחיב זיין מיין שיטה:

איך זעה נישט קיין שום קדושה אין די אידיאלאגיע פון חיי משפחה, ארבעט עס פראקטיש איז פיין און וואויל אז נישט למשפחתיות מה זה עושה.

חיי משפחה קוקט אויס נאטורליך אבער עס איז היפש סינטעטיש, ביי רוב בעלי חיים איז נישטא אזא זאך ווי חיי משפחה, א סינטעטישער סיסטעם איז טאקע נישט שטענדיג שלעכט, מיר זענען געוואוינט צו רופן טייל סינטעטישע סיסטעמעם "מדרגת אדם", נו, איך מיין אז עס איז שוין צייט צו ריקן מדרגת אדם פאראויס.

אז איך האב דאס מקדים געווען קען איך יעצט צוקומען צום עצם ארגומענט אויפן שפיץ גאפל:

משפחה לדעתי רויבט צו די אפערטוניטי פון א סך א געזונטערער קאמיון סיסטעם, גלייך ווי מלוכה אמאל האט צוגערויבט די אפערטוניטי פון א געזונטער גאווערמענט סיסטעם, און גלייך ווי אלע אמאליגע סיסטעם'ס רעליגיעס ואמונות טפילות האבן צוגערויבט די מעגליכקייט פון בעסערע סיסטעםס פון פארשריט און פון חכמת אמת.

צו עס קען ארבעטן א בעסערער סיסטעם? פארוואס נישט, ביי מלוכה האט מען אויך געזאגט אז נאר מלוכה קען ארבעטן און אז נאר מלוכה האט א טעם, די וועלט איז עס אויסגעוואקסן.

יעצט צום עצם פראבלעם פון חיי משפחה אלס דאמענירנדער קאמיון סיסטעם:

1. נאר איינער וואס קען מאכן קינדער קען זוכה זיין צו א קאמיון.

2. די קאנעקשן אינוואלווד איבעריגע אימאושענס וואס קיינער האט ע"פ רוב קיין טובת הנאה.

3. עס איז א רילעישענשיפ וואס מען קען נישט פטור ווערן אפילו מען וויל.

א קאמיון סיסטעם טאמער איז עס ריכטוג איינגעפעדעמט קען זיין לאין שיעור געזונטער און געשמאקער.

אנשטאט זיך ארויס לאזן זיכן א שידוך זאל זיך דער יוגנט ארויס לאזן זיכן א קאמיון, אין א קאמיון זאל מען זיך שווערן טרייהייט, קוואליטי לאוו זאל מען אריין לייגן די בריאה אנשטאט די סעלפיש כלומר'שטע אהבת הבנים.

פארשטייט זיך אז א קאמיון איז נישט סוף הדרך, עס האט נאך א סך פראבלעמען, אבער דאס דארף זיין די קומענדיגער סטעפ פון די מענטשהייט
אם בתירוץ אחד מתורצות שתיים או שלוש קושיות, קרוב לומר שהתירוץ אמיתי. וככל שיגדל מספר הקושיות המתורצות באותו תירוץ, כך מתחזקת ההנחה שהתירוץ אמיתי.
(תורת-מנחם עמ' 154 שיחת כ' מנחם-אב תש"י).
moshav zekeinim
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1764
זיך רעגיסטרירט: מיטוואך יאנואר 07, 2015 3:14 pm
האט שוין געלייקט: 1051 מאל
האט שוין באקומען לייקס: 1577 מאל

הודעהדורך ליטוואק פון בודאפעסט » דאנערשטאג אפריל 06, 2017 12:52 pm

אז מ'רעדט שוין, זאל דער קאמיון זיין ערגעץ ווי מ'טראגט נישט נאך אסאך דאגות וואס דער געזעלשאפט פאדערט פון מענטשען. 'כמיין, טאמער די נאטורליכע משפחה באציאונגען זענען נאר קייטען צוריק צו האלטען דער מענטשהייט פון דערגרייכען זיין ציל, און זיי לאזען נישט דער זון שיינען אויף די מענטש'ס ווילונגען, איז קליידער אויך די פראבלעם. פארוואס זאל נאר די פנים זוכה זיין צו זע'ען דער זוהן במלא תפארתה און די לענדען מוזען נאר צוריקשפיגלען די (אמאל געווען) ווייס פון די גאטשעס? פארוואס זאל מען נאר ווייזען די הענט פאר א חבר און אלע אנדערע ארגאנען זענען באהאלטען? ט'וואס פאר א רעכט זאל א מענטש טאקע האבען צו פארדעקען זיין גוף פון די גאנצע וועלט? מ'איז אלס א חלק פון די וועלט און די מענטשליכע רעכטען אויף זיין גוף איז נישט מער ווי א צווייטענ'ס רעכטען.

און אז מ'רעדט שוין, פארוואס זאל מען זאגען אז געוויסע חיות מעג מען עסען און געוויסע נישט? אז מ'עסט קיען, זאל מען עסען הינט אויך. און אז מ'עסט בהמות חיות און עופות, זאל מען עסען שלענג, מוריטשקעס, זשאבעס און פלאטערלען אויך. און וואס איז מיט מענטשענ'ס פלייש? אפשר זאל מען אויפעסען דער טאטע מאמע נאך זייער אפלעבען זייער הונדרעט צוואנציג יאר.

איך האב נאך צענדליגע אזעלכע משלים, אבער איך מוז צוריק גייען צום ארבעט.....
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8593
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2999 מאל
האט שוין באקומען לייקס: 8058 מאל

הודעהדורך יודישע שרייבער » דאנערשטאג אפריל 06, 2017 1:51 pm

moshav zekeinim האט געשריבן:פארוואס טשעפעסטו מיר?
@moshav zekeinim, איך האב נישט אינזינען געהאט דיר צו טשעפענען פערזענליך, איך האב פשוט אראפ געשריבן וואס איך האלט, אבער אז דו ביסט געטשעפעט געווארן בעט איך דיר איבער.

moshav zekeinim האט געשריבן:דו מאכסט חוזק פון מיין זאץ אז חברים מאכן איז שווער ווי כאילו איך רעדט פון סתם חברים, דער גאנצער ויכוח דא איז דאך צו חברים קענען דערגרייכט ווערן אויף א לעוול פון משפחה, אויף דעם זאג איז אז עס איז שווער, דו ווילסט דאך זאגן אז עס איז אוממעגליך.
דאס איז בכלל נישט מיין כוונה, אוודאי איז עס מעגליך און איך פערזענליך האב ב"ה חברים וואס איך בין נענטער צו זיי ווי געוויסע פון מיינע קרובים, אבער הלוואי וואלט איך געהאט אזא נאנטע קשר מיט אלע מיינע נאנטע קרובים ווי איך האב מיט מיינע נאנטע חברים.
וואס איך מיין בס"ה ארויסצוברענגען איז אז אויב האסטו א נאנטע ברודער אדער קרוב איז עס בעסער ווי א נאנטע חבר, אבער אויב איז מען נישט נאנט מיט משפחה דארף מען פארשטייט זיך טרעפן חברים און ווייטער אנגיין מיטן לעבן, אבער אז מען שטרענגט זיך שוין אן צו טרעפן חברים וכו' פארוואס זיך נישט אנשטרענגען זיך צו האלטן נאענט מיט די משפחה?

moshav zekeinim האט געשריבן:לאמיך אביסל מרחיב זיין מיין שיטה:
אוי וויי, מיט שיטה זאכן הייב איך מיר נישט אן (איך מיין נישט דיר פערזענליך, איך רעד יעצט בכלליות, ווען איינער האלט עפעס א זאך בשיטה מיינט עס אז ער האלט עס נישט ביים טוישן און ער איז גרייט צו גיין מיטן קאפ אין וואנט אריין דערפאר, אויך ווייס איך אז ווען מען רעדט קעגן די שיטה באקומט מען קלעפ דערפאר, סוי איך האב מורא :o ).
We buy things we don't need
with money we don't have
to impress people we don't like
(קרעדיט: @טייערע ברודער)
יודישע שרייבער
מאנשי שלומינו
מאנשי שלומינו
 
הודעות: 105
זיך רעגיסטרירט: דינסטאג סעפטעמבער 08, 2015 4:48 am
האט שוין געלייקט: 71 מאל
האט שוין באקומען לייקס: 112 מאל

הודעהדורך moshav zekeinim » דאנערשטאג אפריל 06, 2017 2:54 pm

אין הכי נמי אז ווילאנג די משפחה אינסטיטוציע איז דאמענירנד לוינט זיך אפט מאל צו אינוועסטירן מער אין משפחה ווי אין חברים, דאס איז אבער נאר א בדיעבד, ווען וועלט וואלט געווען וועלט וואלט איך געזאגט לאז אפ דער פרימיטיווער בלוט און פלייש קאנעקשן און ערזעץ זיי מיט חברים וחברות בחירת לבך דורך א ברית אהבה.

וועגן טשעפענען, דו האסט נישט סתם געזאגט דיין מהלך, דו האסט מיר פערזענליך געטשעפעט, וואס מיינען די ווערטער: "ואולי איז עס מרומז אין די ווערטער "עס איז נישט לייכט", וד"ל.
אם בתירוץ אחד מתורצות שתיים או שלוש קושיות, קרוב לומר שהתירוץ אמיתי. וככל שיגדל מספר הקושיות המתורצות באותו תירוץ, כך מתחזקת ההנחה שהתירוץ אמיתי.
(תורת-מנחם עמ' 154 שיחת כ' מנחם-אב תש"י).
moshav zekeinim
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1764
זיך רעגיסטרירט: מיטוואך יאנואר 07, 2015 3:14 pm
האט שוין געלייקט: 1051 מאל
האט שוין באקומען לייקס: 1577 מאל

הודעהדורך berlbalaguleh » דאנערשטאג אפריל 06, 2017 3:29 pm

מושב זקנים: ד פרעגסט אפילו נאר רעטאריש אז אויב מ'עסט קוען זאלל מען מעגן עסן הינט אויך. און אפילו מענטשן. דאס איז לויט דיין אפיקורס'ישע אויפפאסונג. דו פרעטענדירסט כאילו ס'איז נישט דא קיין תורה און קיין בורא. אויב דאס איז דער פאל ביסטו גערעכט. דאמאלס קענסטו צוריקגיין וואוינען אין דזשאנגל און קריכן אויף די ביימער צוזאמען מיט די טשימפענזיעס און די גאריללא'ס. דארט איז לית דין ולית דיין. איך וויל אבער לעבן ווי א מענטש. א ציוויליזירטער מענטש וועלכער האט מאראלישע געזעצן. און דאס הייבט זיך אן מיט אמונה בה'. און אין בריאת העולם. און תרי"ג מצוות...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14518 מאל
האט שוין באקומען לייקס: 8343 מאל

הודעהדורך שבת אחים » דאנערשטאג אפריל 06, 2017 7:27 pm

berlbalaguleh האט געשריבן:מושב זקנים: ד פרעגסט אפילו נאר רעטאריש אז אויב מ'עסט קוען זאלל מען מעגן עסן הינט אויך. און אפילו מענטשן. דאס איז לויט דיין אפיקורס'ישע אויפפאסונג. דו פרעטענדירסט כאילו ס'איז נישט דא קיין תורה און קיין בורא. אויב דאס איז דער פאל ביסטו גערעכט. דאמאלס קענסטו צוריקגיין וואוינען אין דזשאנגל און קריכן אויף די ביימער צוזאמען מיט די טשימפענזיעס און די גאריללא'ס. דארט איז לית דין ולית דיין. איך וויל אבער לעבן ווי א מענטש. א ציוויליזירטער מענטש וועלכער האט מאראלישע געזעצן. און דאס הייבט זיך אן מיט אמונה בה'. און אין בריאת העולם. און תרי"ג מצוות...!


ווייל מזעהט טאקע פאר א פאקט אז אלע גלייביגע זענען ממש ציוויליזירטע מענטשען-אין פאקט וואס מעהר גלייביג דער מענטש איז און וואס מעהר אמונה ער האט אלץ מעהר מארליש און ציוויליזירט זענען זיי געווענטליך :roll:. משא״כ די אלע פרייע אידן קריכן ממש אויף ביימער אזויווי גאררילאס, ר׳ בערל נעקסטיים גייסט אין א שפיטאל אין מאנהעטן און דו טרעפסט זיך מיט ד״ר גאלדשטיין, ד״ר שווארץ, ד״ר האראוויץ, ד״ר קליין, זאלסטו וויסן אז ווען זיי ענדיגן זייער שיפט אין שפיטאל גייען זיי צוריק אין זשונגאל און קריכן אויף ביימער.

די גרעסטע ליצונת איז נאך אז ער האלט נאך פאר א פאקט אז מקען נאר זיין ציוויליזירט און מאראליש אויב מגלייבט... בשעת ווען אין פאקט איז אין די היסטאריע פון די וועלט זענען די גלייביגע געוועהן די ווייניגסטע מארליש און ציוויליזירט. און אין נאמען פון רעליגע האט מען געהארגט, גערצחט געפלינדערט און געפייניקט די מערסטע מענטשען אויף די וועלט עד היום הזה!...
If you have selfish ignorant citizens, you’re going to get selfish ignorant leaders. And term-limits ain’t going to do you any good. You’re just going to wind up with a brand new bunch of selfish, ignorant Americans
באניצער אוואטאר
שבת אחים
חבר ותיק
חבר ותיק
 
הודעות: 5904
זיך רעגיסטרירט: דאנערשטאג מאי 08, 2014 9:39 am
געפינט זיך: ביי א פראטעסט קעגן טראמפּ!
האט שוין געלייקט: 4773 מאל
האט שוין באקומען לייקס: 3475 מאל

הודעהדורך berlbalaguleh » פרייטאג אפריל 07, 2017 12:24 am

שבת אחים: און אין נאמען פון אנטי-רעליגיע האבן דיינע גוטע פריינט און אידעאלאגישע ברודער געהרג'ט און גערצח'ט מיט די גרעסטע ברוטאליטעט און אכזיריות. און אויסגעקוילעט מיליאנען אומשולדיגע מענטשן. נישט נאר סטאלין און בעריא וועלכע זענען געווען נאטירליכע רוצחים. נאר דער גאנצער קאמוניסטישער סיסטעם איז געבויעט אויף רציחה און מערדעריי...! א שאד דו ביסט געבוירן א ביסל צו שפעט און דו פונקיצאנירסט ווען דאס קאמוניזם איז שוין אונטערגעגאנגען. דו וואלס דיך מחיה געווען ווען דו לעבסט ווען אין די '20 ער יארן. דו וואלסט זיכער געשטיגן אין ראנג ביי דיינע חברים אין די יעווסקציע (יעוורעיסקי סעקציא)...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14518 מאל
האט שוין באקומען לייקס: 8343 מאל


גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 5 געסט