אלעס איבער פיאות הראש

ארטיקלען און באטראכטונגען איבער דער חרדי'שער געזעלשאפט און קולטור
רעאגיר
באניצער אוואטאר
שמעון וואלף
חבר ותיק
חבר ותיק
הודעות: 3537
זיך רעגיסטרירט: זונטאג דעצעמבער 14, 2014 1:33 pm
געפינט זיך: אין דרום
האט שוין געלייקט: 5778 מאל
האט שוין באקומען לייקס: 3924 מאל

אלעס איבער פיאות הראש

שליחה דורך שמעון וואלף »

לא תקיפו פאת ראשכם - דאס איז פון די ערשטע מצוות, טאמער נישט די סאמע ערשטע מצוה, וואס מ'לערנט אויס קליינע קינדער. די חלק ההלכה איז שוין מבואר אין שו"ע ונו"כ וספרי שו"ת,ומשם תדרשנו. די פראקטישע חלק דערפון וועט מען קענען אויסשמועסן אין דיזען אשכול.

זענען דא מאדערנע און אזוי אויך אין ליבאוויטש וואס האבן בכלל נישט קיין פיאות. די וואס האבן אבער יא, וואס טיט מען דערמיט?

נהרא נהרא פשטא, פארהאן כמה וכמה מנהגים בזה און יעדער איז ענטייטעלט צו טשוזען וואס איז אים צום הארצן. איך וועל דא ברענגען א ליסטע, ואין מוקדם ומאוחר.

1. מ'לאזט עס אראפהענגען צעפלאטשעט, אדער געקרייזעלט

2. מ'קניפט עס אויבן ווי ס'וואקסט. מאנכע שטעקן אריין דעם קניפ אזוי די בארד קנאבל און אנדערע לאזן די קניפ הענגן צו די זייט אדער האלט זיך עס מיט די גלעזער (סקווירא)

3. מ'דרייט עס ארום די אויער (וויזניץ, בעלז). דאס איז אויך געווען פאפיולער אין סאטמאר ביי די סענז סטריט זשענערעישן.

4. מ'קניפט צאם ביידע פיאות העכערן קאפ און מ'שטעקט עס אינטערן קאפל (גור). פארדעם דארף מען אבער האבן א גרויס קאפל.

5. מ'דרייט עס צאם און מ'באהאלט עס אינטערן אויער.

6. לאנגע געקרייזעלטע פיאות אינטערן אויער

7. מ'שנייט עס קורץ - א צוויי-דריי אינטשעס און מ'לייגט עס אינטערן אויער

8. כנ"ל נומבער 7 נאר מ'לאזט אבער הארעלעך וואס זיין כאילו אראפגעפאלן פון די אויער (בריסק)

מי כעמך ישראל!

דער אשכול פארמאגט 3 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר