"הרגשה של שקר וזיוף" שטופט אוועק 400 חרדים א יאר

ארטיקלען און באטראכטונגען איבער דער חרדי'שער געזעלשאפט און קולטור

"הרגשה של שקר וזיוף" שטופט אוועק 400 חרדים א יאר

הודעהדורך ראובן » דאנערשטאג מאי 10, 2018 5:06 pm

ביי יעדער דעבאטע וואס איז נוגע חרדישע אידן איז מען געוואוינט צו מאכן סטעיטמענטס באזירט אויף דער אייגענער ערפארונג. און די סיבה איז ווייל עס זענען נישט דא קיין פראפעסיאנעלע סטאטיסטיקס וואס זאלן געבן א קלארן אביעקטיוון בילד. אלזא, זאגט יעדער דעם אייגנס לויט דער אייגענער אגענדע, און זעלטן פרובירט דער אדער יענער צו באזירן א מיינונג אויף די פאקטן אויף וויפיל ס'איז מעגליך צוזאמענצוקלויבן די פאקטן.

די נושא פון חרדישע מענטשן וואס גייען אוועק פונעם דרך אויף וועלכן זיי זענען אויפגעצויגן געווארן איז א הייסע אין די לעצטע יארן. די סיבה איז סיי ווייל די פענאמען ווערט גרעסער און גרעסער, און סיי ווייל ס'איז היינט אן אפענע וועלט, און די ידיעות איבער אזעלכע פאסירונגען ווערן שנעלער פארשפרייט.

אבער פארוואס גייען קינדער און ערוואקסענע אוועק פון דעם חרדישן דרך? דא קומט יעדער אריין מיט זיין אגענדע. דער תירוץ מיט וועלכן מיר זענען אלע באקאנט איז אינטערנעט און סמארטפאונס. פארוואס קענען מיר דעם תירוץ? ווייל דאס איז וואס אונזערע רבנים און עסקנים האלטן אין איין פרעדיגן. אבער למעשה, ווען מ'מאכט א סטאטיסטיק, קומען די פאקטן פיל קלארער ארויס, און עס פארענטפערט אויך פארוואס די רבנים וויל ענדערש אז מ'זאל מיינען אז פליפ-פאונס זענען די ישועה.

"ידיעות אחרונות" האט געמאכט א שטודיע איבער דער נושא, און קומט ארויס מיט א לענגערן ארטיקל איבער דער גאנצער פענאמען פון יציאה בשאלה.

דער ארטיקל קומט ערשט מארגן ארויס, אבער דערווייל האט מיין אויג געכאפט דעם פאלגנדן גראפיק:
1(5).jpg


לויט דעם "ידיעות" האלט עס שוין היינט אז ארום 1,000 חרדים זענען יוצא בשאלה אין א יאר. עס שטעלט זיך ארויס אז מאלעסטעישאן איז די סיבה פאר בלויז 15 פראצענט פון יוצאים, שאלות באמונה נאך 15 פראצענט, א רצון פאר פרייהייט איז שוין א גרויסער ציבור פון 30 פראצענט, ווידער דער גרעסטער טייל, 40 פראצענט -- 400 יוצאים א יאר, איז א געפיל אז מ'ווערט אוועקגעשטופט פון דער חרדישער געזעלשאפט, און א געפיל פון שקר און פאלשקייט.

לכאורה דארף מען ווארטן אויף דעם גאנצן רעפארט פאר מ'קען מאכן מסקנות, אבער ווי עס קוקט מיר אויס איז דער גרעסטער שטופ צו פארלאזן דעם חרדישן דרך דאס זען חרדישקייט ווי שקר און היפאקריטסטווע. דאס זען מנהיגים וואס פארלאנגען כל מיני הקרבות פון זייערע חסידים, אבער זיי אליין לעבן ווי מלכים און שלאגן זיך מיט זייערע קעגנער. דאס נעמט אויך אריין אז אזעלכע יוצאים שפירן ווי זיי זענען נישט געווען אנגענומען, מ'האט זיך געווארפן מיט זיי, מ'האט נישט אנערקענט אז זיי זענען לאו דווקא א קאפיע פון זייער טאטן אדער ברודער, מ'האט זיי נישט געגעבן די פרייהייט צו זיין ערליכע אידן וויאזוי זיי זענען, וויאזוי דער אויבערשטער האט זיי באשאפן.

נו אוודאי וועלן אט די זעלבע מנהיגים דאס קיינמאל נישט אנערקענען. פאר זיי איז דער איינציגסטער וועג צו טאפלען זייערע קרומע וועגן, און נאך מער צו רודפ'ן פשוטי עם אויף דאס און אויף יענץ. און זיי ווילן דאך אויך נישט אז איר זאלט לייענען דעם דאזיגן רעפארט, און געוואויר ווערן עפעס וואס איז באזירט אויף פאקטן דורך האבן צוטריט צום אינטערנעט.

פארוואס זאג איך דאס אייך? נישט סתם אז איר זאלט וויסן. נאר ווייל אויב אידישקייט איז אייך טייער, אויב ווילט איר אז אייערע קינדער זאלן האבן א פלאץ אין אונזער געזעלשאפט אפילו אויב זיי זענען ווייניגער קלוג אדער מער קלוג פון דעם דורכשניט, דארפט איר וויסן דעם אמת איבער וואס פירט אוועק אונזערע קינדער. איר דארפן רעדן צו יעדן וואס וויל נאר הערן, און זאגן דעם אמת. אפשר וועלן מיר כאטש קענען ראטעווען די אייגענע קינדער, דורך מאכן דעם אייגענעם שטוב א תיבת נח קעגן היפאקריטסטווע, שקר און אומטאלעראנץ.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2411
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2984 מאל
האט שוין באקומען לייקס: 9440 מאל

הודעהדורך ליפא » דאנערשטאג מאי 10, 2018 5:24 pm

וויאזוי ווענד דאס אפ סמארטפונס/אינטערנעט
טראמפ! טראמפ! טראמפ!
באניצער אוואטאר
ליפא
חבר ותיק
חבר ותיק
 
הודעות: 2058
זיך רעגיסטרירט: דינסטאג יוני 23, 2015 4:09 am
האט שוין געלייקט: 1936 מאל
האט שוין באקומען לייקס: 1802 מאל

הודעהדורך ראובן » דאנערשטאג מאי 10, 2018 5:33 pm

ס'ווענדט נישט אפ. ס'ווייזט נאר אז דער פאקוס איז אויף די ראָנג פלעצער.
עורו ישנים משנתכם!
באניצער אוואטאר
ראובן
חבר ותיק
חבר ותיק
 
הודעות: 2411
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 2984 מאל
האט שוין באקומען לייקס: 9440 מאל

הודעהדורך ליטוואק פון בודאפעסט » דאנערשטאג מאי 10, 2018 5:42 pm

יעדער וואס האט צוטוהן מיט חינוך, אדער אייגענע אדער יענעמ'ס, ווייסט אז דאס איז אן אפטע ערשיינונג ביי קינדער, ווען מ'כאפט זיי מיט עפעס וואס זיי האבען נישט געטארט טוהן, זוכען זיי צו כאפען א צווייטען ביים זעלבען עבירה. "יענער האט אויך געטוהן" "דער מנהל זאגט ליגענט, ער איז א ליגענער". פארוואס טוהן זיי אזוי? וואס האט עס מיט זיי? טאמער זיי זענען שולדיגט, וואס מאכט עס אויס אז א צווייטע האט אויך אזוי געטוהן, אדער אז דער מנהל איז א ליגענער? איך ווייס נישט פונקט, אבער עכ"פ אזא תירוץ עגזיסטירט. דער קינד וועט צייגען אויף א היפאקריטיסווע פון יענעם זיך ריינצווואשען פון זיין אייגענעם שולד. דאס איז א מענטשליכע נטיה. צוליעב דעם אויך, ווען איינער זאגט יענעם מוסר, זוכט יענעם צו ווייזען אז דער מוסר זאגער איז גארנישט אזא צדיק. ווייל דאס איז איהם אן אויסרייד, פאר עפעס אן אומלאגישע סבה.

איך ווייס נישט וויאזוי די שטודיע איז אריבער, אבער איך וואלט שטארק חושד געווען אזא שטודיע. א מענטש וואס זוכט א לייכטערע לעבען, ער וויל אויפהערען זיך מוטשען אין די תורה געצעלט. דער מענטש האט עגליך ווייניג חברים וואס האלטע איהם צוריק און ער פיהלט נישט באקוועם אין זיין יעצטיגע חרדישע לעבען. אבער וואס זאל ער טוהן? ער איז פארבונדען מיט די אייזענע קייטען פון זיין געוויסען. ער מוז פארשטילען זיין געוויסען איידער ער גייט ארויס. (געדענקטס אז אין א"י איז עס, אין א געוויסע זינען, פיהל לייכטער אוועק צו גייען פון אידישקייט, ווייל נאך אלעם איז ער נישט אזוי פרעמג צום פרייער איד ווי מיר זיינען צום אמעריקאנער גוי. קודם קען ער שוין די שפראך, ווי אויך האבען זיי א ברודערשאפט געבויט אויף א פאראייניגטע אפשטאם.) ווען אונזערע בחור וויל אוועק גייען פון תורה, מוז ער האבען אן אויסרייד. דאס זיך פארלייגען אויף די 'שקר וזיוף' דארף לאו דוקא זיין אמת. דאס איז מעגליך נישט אנדערש ווי א קינד וואס זוכט זיך צו פארטיידיגען. עס דארף בכלל נישט האבען צוטוהן מיט די אמת'ער סבה.

און באופן כללי וויל איך זאגען אויף די שטודיעס, אז עס איז שווער צו גלויבען וואס זיי זאגען. ווען איינער קלינגט דיר אין שטוב און פרעגט דיר "פאר וועמען ווילט איהר וואוטען; דער אלטע גנב שקרן היללערי, צו דער געלונגענער דאנאלד טראמפ?" דעמאלס ווייסטו גוט אז מ'קען זיך נישט פארלאזען אויף אזא שטודיע. ווען מ'פרעגט א מענטש "פארוואס ביסטו ארויס פון אידישקייט? צוליעב מאלעסטעישען וכו' צו 'הרגשת שקר וזיוף'?" ווער האט מחליט געווען אויף דער מושג פון 'הרגשת שקר וזיוף'? דער פרעגער, צו דער וואס איז געפרעגט געווארען?
לכאורה זענען שטודיעס אויף מענטשענ'ס געפיהלען און די טרייבונגען וואס האבען איהם געשטופט אונטער צו נעמען עפעס א שריט גאנץ ווייניג באגלויבט. מענטשען ווייסען אפט אליינס נישט.
רעדאגירט געווארן צום לעצט דורך ליטוואק פון בודאפעסט אום זונטאג מאי 13, 2018 2:45 pm, רעדאגירט געווארן איין מאל בסך הכל.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8590
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2998 מאל
האט שוין באקומען לייקס: 8058 מאל

הודעהדורך אישתישבי » דאנערשטאג מאי 10, 2018 5:48 pm

ראובן,
לויט דער שטודיע איז עס טאקע יא סמארטפאנס און אינטערנעט, וויאזוי ווייסט איינער אז עס איז שקר וזיוף אויב נישט פין דער אינטערנעט???
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1754
זיך רעגיסטרירט: מיטוואך מערץ 09, 2016 12:19 am
האט שוין געלייקט: 74 מאל
האט שוין באקומען לייקס: 937 מאל

הודעהדורך לעיקוואד » דאנערשטאג מאי 10, 2018 5:55 pm

אויב נאר 1000 פאלן אוועק יעדעס יאר שטיין מיר זייער גוט. דאס איז אפשר איין פראצענט.
בכלל, א מענטש האט בחירה, און עס וועט אלעמאל זיין א פראצענט וואס וועט מחליט זיין נישט צו זיין פרום.
אמת'דיג און נישט היפאקריטיש דארף מען זיין פאר די וואס בלייבען, נישט פאר די וואס גיין אוועק.
אויב וועט מען מאכן אזא סטאטיסטיק אין בית מדרש וועלן די נומערן מסתמא זיין צווישען דרייסיג און פופציג פראצענט וואס זענען אנטוישט אין די 'שקר וזיוף.
דאס איז אסאך מער נוגע.

ד.א. אויב איך פארשטיי ריכטיג איז דער שטודיע פון 'יוצאים לשינוי'/משה שנפלד און ידיעות פארציילט נאר דערוועגן. דאס איז נישט קיין אומפארטייישע צד..
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3786
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1747 מאל
האט שוין באקומען לייקס: 5785 מאל

Re: "הרגשה של שקר וזיוף" שטופט אוועק 400 חרדים א יאר

הודעהדורך ליטוואק פון בודאפעסט » דאנערשטאג מאי 10, 2018 6:21 pm

און ווען זיי זענען נישט אנטוישט, איז עס נישט קיין פראבלעם? מ׳דארף זיין אמת׳דיג ווייל עס איז אמת. אפאר שלא לשמהס אויפ׳ן וועג העלפט צו.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8590
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2998 מאל
האט שוין באקומען לייקס: 8058 מאל

הודעהדורך בן אדם » דאנערשטאג מאי 10, 2018 6:27 pm

ליטוואק פון בודאפעסט האט געשריבן:
און באופן כללי וויל איך זאגען אויף די שטודיעס, אז עס איז שווער צו גלויבען וואס זיי זאגען. ווען איינער קלינגט דיר אין שטוב און פרעגט דיר "פאר וועמען ווילט איהר וואוטען; דער אלטע גנב שקרן היללערי, צו דער געלונגענער דאנאלד טראמפ?" דעמאלס ווייסטו גוט אז מ'קען זיך נישט פארלאזען אויף אזא שטודיע. ווען מ'פרעגט א מענטש "פארוואס ביסטו ארויס פון אידישקייט? צוליעב מאלעסטעישען וכו' צו 'הרגשת שקר וזיוף'?" ווען האט מחליט געווען אויף קער מושג פון 'הרגשת שקר וזיוף'? דער פרעגער, צו דער וואס איז געפרעגט געווארען?
לכאורה זענען שטודיעס אויף מענטשענ'ס געפיהלען און די טרייבונגען וואס האבען איהם געשטופט אונטער צו נעמען עפעס א שריט גאנץ ווייניג באגלויבט. מענטשען ווייסען אפט אליינס נישט.

מ'דארף טאקע מער ווי איין שטודיע.
לעיקוואד האט געשריבן:בכלל, א מענטש האט בחירה, און עס וועט אלעמאל זיין א פראצענט וואס וועט מחליט זיין נישט צו זיין פרום.

דאס איז אפשר גוט פאר די 30% 'רצון לחופש'... (דאס איז מסתם געווען איינע פון די שאלות, אבער ס'מיינט נישט אז דא האט זיך עס אנגעפאנגען.
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2955
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3072 מאל
האט שוין באקומען לייקס: 1422 מאל

הודעהדורך תורה ומדע » דאנערשטאג מאי 10, 2018 6:35 pm

מען דארף א בעסערער און קלארער דעפיניציע פון ״הרגשה של שקר וזיוף״. וואס גענוי מיינט דאס. היפאקראטיע פון נישט זיין ערליך? סאיז מיר מאדנע אז דאס זאל זיין שייך ביי 40% פונעם ציבור הפורקים. ווי איז דען דא אזא מאס פון שקר? לימוד התורה און לומדות איז דאך געבויעט אויף אמתדיגקייט. אללע ספרים זענען געבויעט אויף שארפען מידת האמת. אז סדא שקר דא אין דארט פרעגט דאס טאקע גאר שטארק אפ דעם אינדיווידועל אדער דעם ספיציפישער חבורה אבער אינגאנצען פורק עול זיין וועגן דעם? וצ״ע.
קבל את האמת ממי שאמרו (רמבם ה' קידוש החודש)
באניצער אוואטאר
תורה ומדע
ידיד ותיק
ידיד ותיק
 
הודעות: 816
זיך רעגיסטרירט: זונטאג מאי 15, 2016 10:55 am
געפינט זיך: מידוועסט
האט שוין געלייקט: 480 מאל
האט שוין באקומען לייקס: 564 מאל

הודעהדורך בן אדם » דאנערשטאג מאי 10, 2018 6:39 pm

נו, טאקע נישט די לומדים זענען די יוצא בשאלה, אבער די וואס מאכן יוצא צו זיין בשאלה זענען אויך נישט קיין לומדים, אדער דבוק אין די תוה"ק.
Someone's stupid
באניצער אוואטאר
בן אדם
חבר ותיק
חבר ותיק
 
הודעות: 2955
זיך רעגיסטרירט: מיטוואך אפריל 01, 2015 12:02 am
געפינט זיך: At the gym
האט שוין געלייקט: 3072 מאל
האט שוין באקומען לייקס: 1422 מאל

הודעהדורך תורה ומדע » דאנערשטאג מאי 10, 2018 7:01 pm

נו איז ווי קען זיין אזא גרויסע פראצענט זאל זיך באציען אויף היפאקראטיע?
קבל את האמת ממי שאמרו (רמבם ה' קידוש החודש)
באניצער אוואטאר
תורה ומדע
ידיד ותיק
ידיד ותיק
 
הודעות: 816
זיך רעגיסטרירט: זונטאג מאי 15, 2016 10:55 am
געפינט זיך: מידוועסט
האט שוין געלייקט: 480 מאל
האט שוין באקומען לייקס: 564 מאל

הודעהדורך רביה''ק זי''ע » דאנערשטאג מאי 10, 2018 7:59 pm

שקר וזיוף לויט ווי איך פארשטיי מיינט אז מ'פארקויפט גארבידש בשם אידישקייט. יעך זאג, אז 'הרגשת שקר וזיוף' און 'רצון לחופש' זענען די זעלבע זאך. ווען מ'זעהט איין אז רוב פון אונזערע מצוות און מוגבלות זענען געבויט אויף הוילע לופט, אוודאי וויל מען זיך באפרייען דערפון. איך טענה שוין פונלאנג אז דאס פארקויפן שטותים מיט לאקשן בשם אידישקייט איז דער עיקר פראבלעם פון די חרדישע סיסטעם.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2509
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2411 מאל
האט שוין באקומען לייקס: 1556 מאל

הודעהדורך איך אויך » דאנערשטאג מאי 10, 2018 8:12 pm

ראובן, נאך דיין טשאוס צו געבן א פראמינענטן ארט פארען קרעפפי 'פראפעססער' הילמאן און דיין איננעביליטי בשום פנים ואופן מודה צו זיין בטעותך, בין איך כלל נישט סורפרייזד אז דער העכסט אנטי-סעמיטישער ידיעות/וויינעט טראגט ביי דיר א האפט ווען עס איז נוגע סיי וואס צו חרדים וחרדיזם.
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5622
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 7670 מאל
האט שוין באקומען לייקס: 2533 מאל

הודעהדורך שמעון וואלף » דאנערשטאג מאי 10, 2018 8:20 pm

ליטוואק פון בודאפעסט האט געשריבן:יעדער וואס האט צוטוהן מיט חינוך, אדער אייגענע אדער יענעמ'ס, ווייסט אז דאס איז אן אפטע ערשיינונג ביי קינדער, ווען מ'כאפט זיי מיט עפעס וואס זיי האבען נישט געטארט טוהן, זוכען זיי צו כאפען א צווייטען ביים זעלבען עבירה. "יענער האט אויך געטוהן" "דער מנהל זאגט ליגענט, ער איז א ליגענער". פארוואס טוהן זיי אזוי? וואס האט עס מיט זיי? טאמער זיי זענען שולדיגט, וואס מאכט עס אויס אז א צווייטע האט אויך אזוי געטוהן, אדער אז דער מנהל איז א ליגענער? איך ווייס נישט פונקט, אבער עכ"פ אזא תירוץ עגזיסטירט. דער קינד וועט צייגען אויף א היפאקריטיסווע פון יענעם זיך ריינצווואשען פון זיין אייגענעם שולד. דאס איז א מענטשליכע נטיה. צוליעב דעם אויך, ווען איינער זאגט יענעם מוסר, זוכט יענעם צו ווייזען אז דער מוסר זאגער איז גארנישט אזא צדיק. ווייל דאס איז איהם אן אויסרייד, פאר עפעס אן אומלאגישע סבה.

איך ווייס נישט וויאזוי די שטודיע איז אריבער, אבער איך וואלט שטארק חושד געווען אזא שטודיע. א מענטש וואס זוכט א לייכטערע לעבען, ער וויל אויפהערען זיך מוטשען אין די תורה געצעלט. דער מענטש האט עגליך ווייניג חברים וואס האלטע איהם צוריק און ער פיהלט נישט באקוועם אין זיין יעצטיגע חרדישע לעבען. אבער וואס זאל ער טוהן? ער איז פארבונדען מיט די אייזענע קייטען פון זיין געוויסען. ער מוז פארשטילען זיין געוויסען איידער ער גייט ארויס. (געדענקטס אז אין א"י איז עס, אין א געוויסע זינען, פיהל לייכטער אוועק צו גייען פון אידישקייט, ווייל נאך אלעם איז ער נישט אזוי פרעמג צום פרייער איד ווי מיר זיינען צום אמעריקאנער גוי. קודם קען ער שוין די שפראך, ווי אויך האבען זיי א ברודערשאפט געבויט אויף א פאראייניגטע אפשטאם.) ווען אונזערע בחור וויל אוועק גייען פון תורה, מוז ער האבען אן אויסרייד. דאס זיך פארלייגען אויף די 'שקר וזיוף' דארף לאו דוקא זיין אמת. דאס איז מעגליך נישט אנדערש ווי א קינד וואס זוכט זיך צו פארטיידיגען. עס דארף בכלל נישט האבען צוטוהן מיט די אמת'ער סבה.

און באופן כללי וויל איך זאגען אויף די שטודיעס, אז עס איז שווער צו גלויבען וואס זיי זאגען. ווען איינער קלינגט דיר אין שטוב און פרעגט דיר "פאר וועמען ווילט איהר וואוטען; דער אלטע גנב שקרן היללערי, צו דער געלונגענער דאנאלד טראמפ?" דעמאלס ווייסטו גוט אז מ'קען זיך נישט פארלאזען אויף אזא שטודיע. ווען מ'פרעגט א מענטש "פארוואס ביסטו ארויס פון אידישקייט? צוליעב מאלעסטעישען וכו' צו 'הרגשת שקר וזיוף'?" ווען האט מחליט געווען אויף קער מושג פון 'הרגשת שקר וזיוף'? דער פרעגער, צו דער וואס איז געפרעגט געווארען?
לכאורה זענען שטודיעס אויף מענטשענ'ס געפיהלען און די טרייבונגען וואס האבען איהם געשטופט אונטער צו נעמען עפעס א שריט גאנץ ווייניג באגלויבט. מענטשען ווייסען אפט אליינס נישט.

ווען זיי קומען אויף מיט עפעס א מאדנע עקסקיוז ביסטי גערעכט אבער דאס אז מ'פארקויפט א אידישקייט מלא קשיות וסתירות ווייסן מיר אליין אן די שטודיע און ס'איז זיכער אמת
באניצער אוואטאר
שמעון וואלף
חבר ותיק
חבר ותיק
 
הודעות: 2506
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 3915 מאל
האט שוין באקומען לייקס: 2619 מאל

הודעהדורך berlbalaguleh » דאנערשטאג מאי 10, 2018 8:26 pm

ראובן: ייש"כ. איך ווייס נישט וואס די אנדערע מגיבים האבן דא געשריבן. אבער לפענ"ד איז איינס פון די הויפט סיבות פארוואס די חרד'ישע קינדער פארלאזן דעם דרך, ווייל זיי האבן נישט קיין פעסטן באסיס אין אמונה. וואס קומט דורך לערנען אידישע היסטאריע. און געבן צו פארשטיין אין דעם קאנטעקסט פארוואס אונז זענען מקיים מצוות און לערנען תורה. אבער אין דעם יעצטיגן מצב, וואו איך האלט (אלס קאנספיראציע) אז די גדולי ומנהיגי האומה האבן באשלאסן אז ס'איז בעסער צו האלטן דעם יונגן דור אומ-וויסנד אין אידישע און וועלטליכע היסטאריע. אזוי ארום וועט מען זיי קענען בעסער מאניפולירן. און זיי וועללן אלעס פאלגן בלינדערהייט. ווייל זיי האבן דאך נישט די כלים צו טראכטן און פארשטיין. דאס האט אבער א חיסרון. ווייל דאמאלס טוען זיי אלעס כמעשה קוף בעלמא. און זיי שפירן נישט קיין טעם אין א שבת. א יום טוב. פארוואס אונז האלטן פסח. פארוואס אונז האלטן סוכות..יא. דער פסוק זאגט טאקע ..."כי בסוכות הושבתי את בני ישראל בהוציאי אותם מארץ מצרים"... דאס איז נישט גענוג. מ'דארף עס מפרש זיין און ערקלערן. און לערנען די אידישע היסטאריע. און אויב די יונגע דור האט נישט קיין באסיס און זיי פיהלן נישט קיין טעם אין קיום המצוות. און נאכדערצו זעהען זיי די היפאקריטישקייט פן די רבנים ומנהיגים. דאס איז א שטארקער מאטיוו פאר זיי צו פארלאזן דעם דרך. און פרובירן א צווייטן, מער לאגישן און גרינגערן וועג...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14517 מאל
האט שוין באקומען לייקס: 8343 מאל

Re: "הרגשה של שקר וזיוף" שטופט אוועק 400 חרדים א יאר

הודעהדורך ליטוואק פון בודאפעסט » דאנערשטאג מאי 10, 2018 9:29 pm

ראובן האט אין אנהייב געווידמעט די אשכול פאר הארטע באווייזונגען, נישט יעדער מיט זיין השערות און אגענדעס. אסאך האבען געפיהלען על דא ועל הא, דא רעדט מען פון הארט באוויזענע פאקטען.

און דעתי אמורה כבר אז די שטודיע איז לאו דוקא גענצליך אין פלאטץ.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8590
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2998 מאל
האט שוין באקומען לייקס: 8058 מאל

הודעהדורך הקטן » דאנערשטאג מאי 10, 2018 10:16 pm

ראובן האט געשריבן:עס זענען נישט דא קיין פראפעסיאנעלע סטאטיסטיקס וואס זאלן געבן א קלארן אביעקטיוון בילד. אלזא, זאגט יעדער דעם אייגנס לויט דער אייגענער אגענדע
I want atheism to be true and am made uneasy by the fact that some of the most intelligent and well-informed people I know are religious believers

Thomas Nagel
הקטן
חבר ותיק
חבר ותיק
 
הודעות: 2300
זיך רעגיסטרירט: דינסטאג מאי 15, 2012 7:30 pm
האט שוין געלייקט: 1790 מאל
האט שוין באקומען לייקס: 1028 מאל

הודעהדורך קומזיץ » זונטאג מאי 13, 2018 12:37 am

די קעפל פונ'ם אשכול איז נישט אקוראט , און די 40% איז דא נאך א נקודה "דחייה מהחברה" וואס לדעתי איז די עיקר סיבה דא , דאס וואס א מענטש שפירט אז די הנהגה איז פאלש איז נישט גענוג א לאגישע סיבה צו אפלאזן תומ"צ , דא און שטיבל איז מען אויך נישט צופרידן פון די פאלשקייט און וואס טוט מען? מ'שרייט זיך אויס און מ'בלייבט ערליך אדער מ'זיכט א מנהיג משפיע וואס די ווייסט אז ער איז יא א איש אמת ,
בדרך כלל ווילאנג א מענטש איז אנגענומען אין זיין סביבה און לעבט בשלום מיט די משפחה חברים וכד' איז עם שווער צו טוישן זיין לעבנ'ס שטייגער און פארלירען אלעס , אז שפירט מ'איז נישט אקסעפטירט ביי די סביבה און מ'פארשטייט נישט זיין ספיקות אין אמונה אדער און זיין מנהיג הייבט מען זיך אן צו שפירען אליין און מ'האט שוין נישט וואס צו פארלירן און ס'הייבט או צו ג'יין א ג'אנג , וואס א טאטע קען טוהן איז מאכן די קינד שפירן באקוועם וויאזוי ער איז און אפילו מ'האט נישט אייביג ריכטיגע תשובה אויף זיין ספיקות הער עם אויס זייער אסאך מאל דארף נישט א קינד מער ווי דעם , מיט זיין פארנומען צו אוועקמאכן מנהיגים וכד' וועט נישט קיין סאך העלפן פארן קינד זיך שפירן זיכער מיט זיין יודישקייט ספעציעל אויב ער באלאנגט און א קהילה און לערנט ביי זיי וועט עם עס מער צומישן , חוץ אויב די ווילסט אפלאזן די קהילה מוסד וכד'.
קומזיץ
ידיד השטיבל
ידיד השטיבל
 
הודעות: 276
זיך רעגיסטרירט: זונטאג סעפטעמבער 18, 2016 9:17 pm
האט שוין געלייקט: 469 מאל
האט שוין באקומען לייקס: 325 מאל

Re: "הרגשה של שקר וזיוף" שטופט אוועק 400 חרדים א יאר

הודעהדורך קפה נמס » זונטאג מאי 13, 2018 5:07 am

ראובן,

די פערציג פראצענט וואס זיי רעדן פון האט גארנישט מיט די אינערליכע שקרים פון אונזערע מנהיגים, נאר ווייל זיי האבן מ'כלומר'שט אויפגעדעקט אז מ'האט זיי איינגערעדט 'שקר' אז די חרדי'שע קאמיוניטי איז מער ספעציעל און חשוב'ער ווי אנדערע קאמיוניטיס. קוק אין זייערע אייגענע ווערטער:

" 40% מהנשאלים סיפרו כי הסיבה לעזיבתם היא תחושת דחייה ופער הולך וגדל בין הסיפורים שעליהם חונכו על חברת מופת, לבין מציאות שמלמדת שמדובר במגזר ככל המגזרים".

דאס ברענג איך נאר לדבריך. באמת אריין איז זייער לעכערליך צו בויען עפעס אויף א שטודיע פון די "ארגעניזאציע" "יוצאים לשינוי" וואס זייער אגענדע איז פשוט, און זייער באגלייבטקייט איז נישט ווערט צו אנרופן אפי' 'שוואך'.

נאר וואס יא, אז דו האסט שוין יא אפגעקויפט די 'ידיעות' ארטיקל, וויאזוי האסטו נישט באמערקט נאך א דעמאגראפישע טשארט וואס ווייזט אז ווי מער אפן חרדים זענען צו די וועלט פאלן מער אוועק.
בילד

און אז מ'רעדט שוין פון "פראפעסיאנאלע סטאטיסטיקס" וואס ראובן לעכצט אזוי צו זעהן ביי אונז, דארף מען טאקע זעהן צו די נאמבערס שטימען.

די ארטיקל טענה'ט אן 'הערכה' אז למעלה מאלף חרדים זענען יוצאים בשאלה אין א יאר, עס ברענגט אויף דעם ארויף א לינק פאר א ראי' פון א צווייטע 'ידיעות' ארטיקל וואו מ'זעהט נישט קיין שום נאמבערס דערמאנט. אבער לו יהא אז עס איז אמת, און מ'רעכנט טאקע אריין אזעלכע 'חרדים' ווי מיתר גולדין וואס איז פון די הויפט רעדנער דארט צווישן די או.טי.די'ס.

דארף מען נאר צוזאמרעכענען די 3-5 פראצענט פון די פארמאכטע חסידויות און די 10 פראצענט פון די מער אפענע און די 20 פראצענט פון די גאר אפענע ווי חב"ד און ברסלב. לאמיר זאגן אן עווערעדזש פון צוועלף דרייצן פראצענט פאלט אוועק לדבריהם יערליך. איז ווי קומט טויזנט חרדים קרוב צו דעם, די יאר האבן ישיבה בחורים אליינס ארויסגענומען 43,000 דיחויים אלץ 'בני ישיבות', און דאס איז נאר פון די עידזש וואס מ'דארף זיך מגייס זיין, נאר זכרים, און נאר די וואס האבן ארויסגענומען א דיחוי. צא ולמד ווען דו דאפלסט עס ביי נקבות, און דו רעכנסט צו אלע זקנים ונערים וואלט דאך געדארפט אויסקומען צענדליגע טויזנטער "יוצאים בשאלה" לויט זייערע פראצענטן...אתמהה.
באניצער אוואטאר
קפה נמס
ידיד השטיבל
ידיד השטיבל
 
הודעות: 253
זיך רעגיסטרירט: זונטאג מאי 04, 2014 3:28 am
האט שוין געלייקט: 261 מאל
האט שוין באקומען לייקס: 343 מאל

Re: "הרגשה של שקר וזיוף" שטופט אוועק 400 חרדים א יאר

הודעהדורך ליטוואק פון בודאפעסט » זונטאג מאי 13, 2018 6:35 am

נאך א נקודה למחשבה.

טאמער איינער האלט אז א חלק פון די סבה פאר׳ן אפלאזען די תורה איז צוליעב דעם אז מ׳ווייסט לכתחילה נישט די יסודות אויף וואס מ׳לעבט און דינט, איז דאס אפגעפרעגט דורך אזא שטודיע?
איך זאג אז ניין, ווייל טאמער דער בחור׳ל וואלט געהאט אן אינערליכע יסוד אויף וואס זיין אידישקייט איז געבויט, וואלט איהם די זיוף און שקר נישט אזוי אנגעגאנגען. פארוואס דארף יענעמ׳ס שקר איהם טוישען? נאר ווייל זיין גאנצע אידישקייט איז לכתחילה נאר צוליעב יענעם. ווען מ׳איז מערער אויף יענעם, איז מען טאקע מערער אויף זיין יסוד אין אידישקייט. ווען מ׳נעמט ארויס יענעם אלס די יסוד, קען מען גיכער דערהייבען די זיוף.

איך זאג נישט אזוי בוודאי, נאר אז שטודיעס קענען נישט רעפלעקטירען די גאנצע האקעלקייט פון די מענטשליכע ערפארונג.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8590
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 2998 מאל
האט שוין באקומען לייקס: 8058 מאל

הודעהדורך Gimpel » זונטאג מאי 13, 2018 9:30 am

עס ווערט געברענגט אין די תולדות שרידי אש ער פלעגט חזרן א ווערט פין ר נתן צבי פינקל לא חרבה ירושלים אלא על שהעמידו דבריהם על דברי תורה זיי פלעגן דעקן זייערע זאכן מיט תורה צביעות און שקר משתמש זיין מיט תורה צ'י פארענטערן אייגענע נגיעות איז מחריב הכל
Gimpel
ידיד השטיבל
ידיד השטיבל
 
הודעות: 157
זיך רעגיסטרירט: דאנערשטאג יולי 06, 2017 4:40 am
האט שוין געלייקט: 0 מאל
האט שוין באקומען לייקס: 21 מאל

Re: "הרגשה של שקר וזיוף" שטופט אוועק 400 חרדים א יאר

הודעהדורך טרויבן88 » זונטאג מאי 13, 2018 10:20 am

קפה נמס האט געשריבן:ראובן,

די פערציג פראצענט וואס זיי רעדן פון האט גארנישט מיט די אינערליכע שקרים פון אונזערע מנהיגים, נאר ווייל זיי האבן מ'כלומר'שט אויפגעדעקט אז מ'האט זיי איינגערעדט 'שקר' אז די חרדי'שע קאמיוניטי איז מער ספעציעל און חשוב'ער ווי אנדערע קאמיוניטיס. קוק אין זייערע אייגענע ווערטער:

" 40% מהנשאלים סיפרו כי הסיבה לעזיבתם היא תחושת דחייה ופער הולך וגדל בין הסיפורים שעליהם חונכו על חברת מופת, לבין מציאות שמלמדת שמדובר במגזר ככל המגזרים".

דאס ברענג איך נאר לדבריך. באמת אריין איז זייער לעכערליך צו בויען עפעס אויף א שטודיע פון די "ארגעניזאציע" "יוצאים לשינוי" וואס זייער אגענדע איז פשוט, און זייער באגלייבטקייט איז נישט ווערט צו אנרופן אפי' 'שוואך'.

נאר וואס יא, אז דו האסט שוין יא אפגעקויפט די 'ידיעות' ארטיקל, וויאזוי האסטו נישט באמערקט נאך א דעמאגראפישע טשארט וואס ווייזט אז ווי מער אפן חרדים זענען צו די וועלט פאלן מער אוועק.
בילד

און אז מ'רעדט שוין פון "פראפעסיאנאלע סטאטיסטיקס" וואס ראובן לעכצט אזוי צו זעהן ביי אונז, דארף מען טאקע זעהן צו די נאמבערס שטימען.

די ארטיקל טענה'ט אן 'הערכה' אז למעלה מאלף חרדים זענען יוצאים בשאלה אין א יאר, עס ברענגט אויף דעם ארויף א לינק פאר א ראי' פון א צווייטע 'ידיעות' ארטיקל וואו מ'זעהט נישט קיין שום נאמבערס דערמאנט. אבער לו יהא אז עס איז אמת, און מ'רעכנט טאקע אריין אזעלכע 'חרדים' ווי מיתר גולדין וואס איז פון די הויפט רעדנער דארט צווישן די או.טי.די'ס.

דארף מען נאר צוזאמרעכענען די 3-5 פראצענט פון די פארמאכטע חסידויות און די 10 פראצענט פון די מער אפענע און די 20 פראצענט פון די גאר אפענע ווי חב"ד און ברסלב. לאמיר זאגן אן עווערעדזש פון צוועלף דרייצן פראצענט פאלט אוועק לדבריהם יערליך. איז ווי קומט טויזנט חרדים קרוב צו דעם, די יאר האבן ישיבה בחורים אליינס ארויסגענומען 43,000 דיחויים אלץ 'בני ישיבות', און דאס איז נאר פון די עידזש וואס מ'דארף זיך מגייס זיין, נאר זכרים, און נאר די וואס האבן ארויסגענומען א דיחוי. צא ולמד ווען דו דאפלסט עס ביי נקבות, און דו רעכנסט צו אלע זקנים ונערים וואלט דאך געדארפט אויסקומען צענדליגע טויזנטער "יוצאים בשאלה" לויט זייערע פראצענטן...אתמהה.
גוט, אבער די תחושה פון שקר איז גרעסער ביי מאדערנע און מזרחי וכו' אפילו עס איז אן אנדערע שקר איז עס פאר די יוגנט פיל מער גרויליג, אזוי ווי איך אליינס האב שוין גערעדט צי אסאך פון די חברה
פארוואס איז דראגס אסור? ווייל מען האט עס אמאל געאסר'ט... אזוי זענען נעבעך ציפול פון אונזערע מנהגים
טרויבן88
ידיד ותיק
ידיד ותיק
 
הודעות: 797
זיך רעגיסטרירט: פרייטאג נאוועמבער 13, 2015 2:15 pm
האט שוין געלייקט: 362 מאל
האט שוין באקומען לייקס: 586 מאל

הודעהדורך אישתישבי » זונטאג מאי 13, 2018 1:09 pm

איך מיין אז די מאכסט א שטיקעל טשולענט, זיי זאגען אז טויזענט פאלט אוועק א יאר, און אלעס צוזאמען איז דערווייל אוועק געפאלען צוועלעף דרייצען פראצענט, נישט א יאר, כלומר אז די רעכענסט אז עס איז דא בערך הונדרעט טויזענט בחורים און מיידלעך חרדים, פאלען אוועק טויזענט א יאר, וואס דאס איז איין פראצענט (אפילו ווייניגער, ווייל דער טויזענט איז דאך נישט בלויז בחורים), ממילא איז נאך דרייצען יאר דרייצען טויזענט, וואס דאס איז דער פראצענט וואס זיי זאגען. ווייל אלעס צוזאמען איז אוועק געפאלען אזוי פיל.

לדעתי זענען די נומבערס מוגזם, למשל פין מיין קלאס וואס איך ווייס אלע וואס זענען אוועקגעפאלען, איז נישט אוועק געפאלען קיין צוועלעף דרייצען פראצענט. מען רעדט א גרויסע נאמבער.

און דער אמת איז אז מען קען נישט זאגען קיין סטאטיסטיקס אויף דעם, ווייל יעדעס יאר איז אנדרעש, היינט קלערט דער זיך אהן, מארגען יענער, און פאר די נעקסטער דריי חדשים קיינער נישט.

לגבי דער הרגשה פין שקר וזיוף, איז דא אין דער בוך פין שלום דין א שמועס וועגען דעם, אז אסאך האבען אים געפרעגט, לויט זיינע פראבלעמען און תאוות וואלט ער געקענט זיין א מאדערנע ארטעדאקסישער איד, איז פארוואס ווייל ער האט איינגעזעהן דער סקווירא בלאף האט ער געמוזט ווערען גענצליך פריי? און ער ענטפערט דארט כדרכו אז עס גייט נישט אזוי וכו'. און דער פשוטער תירוץ איז אז מען קען נישט טוישען דער לעבענסשטייגער, מען בלייבט וואס מען איז, ווען איינער ווערט אויס שומר תומ"צ ווערט ער נישט א פרייער איד, ער בלייבט א אנגעפארענער חרדי. פונקט אזוי ווי עס איז שווער צו טושען חסידות'ן און ווערען ביי די פינף און צוואנציג א חסיד פין בעלזא, ווען ביז היינט איז מען געוועהן א סאטמערע. און צוליב קשיות אויף די שיטה, וועט א סאטמערע נישט ווערען א בעלזא, אפילו ער וועט עובר זיין און גיין צום כותל.
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1754
זיך רעגיסטרירט: מיטוואך מערץ 09, 2016 12:19 am
האט שוין געלייקט: 74 מאל
האט שוין באקומען לייקס: 937 מאל

הודעהדורך אברך משי » זונטאג מאי 13, 2018 1:35 pm

ראובן האט געשריבן:לכאורה דארף מען ווארטן אויף דעם גאנצן רעפארט פאר מ'קען מאכן מסקנות, אבער ווי עס קוקט מיר אויס איז דער גרעסטער שטופ צו פארלאזן דעם חרדישן דרך דאס זען חרדישקייט ווי שקר און היפאקריטסטווע. דאס זען מנהיגים וואס פארלאנגען כל מיני הקרבות פון זייערע חסידים, אבער זיי אליין לעבן ווי מלכים און שלאגן זיך מיט זייערע קעגנער. דאס נעמט אויך אריין אז אזעלכע יוצאים שפירן ווי זיי זענען נישט געווען אנגענומען, מ'האט זיך געווארפן מיט זיי, מ'האט נישט אנערקענט אז זיי זענען לאו דווקא א קאפיע פון זייער טאטן אדער ברודער, מ'האט זיי נישט געגעבן די פרייהייט צו זיין ערליכע אידן וויאזוי זיי זענען, וויאזוי דער אויבערשטער האט זיי באשאפן.


אלעס פיין און וואויל, און כ'בין מסכים צו דיינע עיקרי הדברים, און וואס ס'דארף א תיקון באנאונז דאס ווייססמער אלע זייער גוט.
אבער לאממיר נישט פארגעסן א וויכטיגע פרט אז א גרויסע טייל (און מן הסתם רובא דרובא) פון זייערע יוצאים בשאלה מיט וועם די ידיעות אחרונות איז געקומען אין קאנטאקט זענען קינדער פון בעלי תשובות, שובו בנים סארט שטיבער, אזאנאעכע "גיורא בשמי שמיא" וואס האבן קיינמאל נישט געהאט קיין געזונטע באלאנס, נישט אין שטוב, נישט אין די משפחה, נישט אין ישיבה, און נישט אין זייער קהלה. מענטשן וואס זייערע עלטערן האבן זיך געוואקלט און געמיינט אז זיי האבן געפונען גאלדענע גליקן ווען זיי האבן זעך אנגעטשעפעט אין א חרד'ישע סביבה, און שפעטער געווען אנגעגעסען מיט ביטערניש אז מ'איז זיי נישט גענוג מקרב וכדומה. די סארט נישט באזאצנע מענטשן שפירן גאר שנעל ווי גאנץ חרדיזם איז איין שטיק שקר וזיוף וכו' וכו'

אבער אוואדי איז נאכאלץ גילטיג דיין צווייטע האלב, און ס'קען אונז אלע צונוץ קומען אין חינוך הבנים:
ראובן האט געשריבן:פארוואס זאג איך דאס אייך? נישט סתם אז איר זאלט וויסן. נאר ווייל אויב אידישקייט איז אייך טייער, אויב ווילט איר אז אייערע קינדער זאלן האבן א פלאץ אין אונזער געזעלשאפט אפילו אויב זיי זענען ווייניגער קלוג אדער מער קלוג פון דעם דורכשניט, דארפט איר וויסן דעם אמת איבער וואס פירט אוועק אונזערע קינדער. איר דארפן רעדן צו יעדן וואס וויל נאר הערן, און זאגן דעם אמת. אפשר וועלן מיר כאטש קענען ראטעווען די אייגענע קינדער, דורך מאכן דעם אייגענעם שטוב א תיבת נח קעגן היפאקריטסטווע, שקר און אומטאלעראנץ.
בכל אדם יש דבר יקר שאינו נמצא בשום אדם אחר! (רבי פנחס מקוריץ זי"ע)
אברך משי
ידיד השטיבל
ידיד השטיבל
 
הודעות: 290
זיך רעגיסטרירט: מאנטאג מאי 16, 2016 2:29 pm
געפינט זיך: נישט ווייט
האט שוין געלייקט: 245 מאל
האט שוין באקומען לייקס: 359 מאל

הודעהדורך Gimpel » זונטאג מאי 13, 2018 1:53 pm

שייט עס האט אנגעפאנגן די enlightment השכלה בלעז זענען אוועקגאפאלן אסאך עס איז געווארן גרויסע נסיונות ווער עס מיינט אז מען קען גרינג האבן ערליכע קינדר איז זיך טועה
Gimpel
ידיד השטיבל
ידיד השטיבל
 
הודעות: 157
זיך רעגיסטרירט: דאנערשטאג יולי 06, 2017 4:40 am
האט שוין געלייקט: 0 מאל
האט שוין באקומען לייקס: 21 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: Billy, Google [Bot] און 5 געסט