די אמת וועגן די קאמף פאר עדיוקעישען אין ישיבות

ארטיקלען און באטראכטונגען איבער דער חרדי'שער געזעלשאפט און קולטור

הודעהדורך רביה''ק זי''ע » דאנערשטאג יאנואר 10, 2019 10:04 am

וויסענשאפט האט גארנישט מיט גויאישקייט צוטון, אדרבה, חכמה איידלט אויס א מענטש, קוק אן אזא איד ווי אלבערט איינשטיין, ער האט גארנישט געהאט און גארנישט געדארפט. פון די אנדערע זייט קוק אן א טיפישע חסידישע אינגערמאן, נישט דא נאך אזעלכע פארגויאישטע און מגושמדיגע מענושן אויפ'ן כדור הארץ. כל שאינו לא במקרא ולא במשנה ולא בדרך ארץ, אינו מן הישוב. הלואי זאל מען לערנען אביסל וויסנשאפט מיט זיי, וועלן זיי כאטש זיין האלב נארמאלע מענטשן.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2696
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2535 מאל
האט שוין באקומען לייקס: 1719 מאל

הודעהדורך Buddy » דאנערשטאג יאנואר 10, 2019 1:17 pm

ווילאנג די וויכוח איבער לימודי חול איז אקטיוו ווייסן מיר אז די אידישע פינק פלאקערט נאך!

ווען א מענטש אדער גרופע פארזיכערט זיך מיט איין זייט איז דארט א דורכפאל.

לאז די איפאקסי עפעקט ברענען און פלאטערן!

יחי הפאראדאקס והסתירה של "רובן עשו כרשב"י ולא עלתה בידם" יחי!
Buddy
היימישער באניצער
היימישער באניצער
 
הודעות: 499
זיך רעגיסטרירט: מאנטאג יוני 18, 2018 8:24 am
האט שוין געלייקט: 27 מאל
האט שוין באקומען לייקס: 114 מאל

הודעהדורך תורה ומדע » דאנערשטאג יאנואר 10, 2019 1:26 pm

בין כך ובין כך. די מציאות הדברים אינעם היינטיגען עקאנאמישער מצב איז אז מען מוז האבען א היי סקול דיפלאמע צו קענען גיין לערנען אן אומנות אין קאללעדש. אן אומנות מפרנס צו זיין א שטוב איז דאס דרך המלך עפ״י חז״ל. מען קען ניט אסרן מניעת הריון, רעכענין הויכע שכר לימוד, און ניט פראווידען אן אויסגעטראטענעם וועג פאר דעם דארכשניטליכער פארפאלק זיך מפרנס זיין בכבוד ובהיתר. יעדער אינגערמאן וועלכער איז א בינוני ולמעלה קען זיך לערנען דאקטאריי, לעגאלע סטודיעס - אדוואקאט, ביזנס אקקאוטינג, ארכיטעקטור, טעראפיע, וכו׳. סאיז א שאנדע און א חילול השם אז א אינגערמאן א בעל כשרון קומט ארויס נאך דריי יאהר אין כולל און איז ניט מער ווערט ווי 30 דאללער א שעה.
קבל את האמת ממי שאמרו (רמבם ה' קידוש החודש)
באניצער אוואטאר
תורה ומדע
ידיד ותיק
ידיד ותיק
 
הודעות: 825
זיך רעגיסטרירט: זונטאג מאי 15, 2016 10:55 am
געפינט זיך: מידוועסט
האט שוין געלייקט: 488 מאל
האט שוין באקומען לייקס: 569 מאל

Re: די אמת וועגן די קאמף פאר עדיוקעישען אין ישיבות

הודעהדורך ליטוואק פון בודאפעסט » דאנערשטאג יאנואר 10, 2019 3:08 pm

לאמיר זען די היסטאריא וועגן דעם. אלע יארען, האט זיך פארשאפט אידישע פאראיינן אין ביזנעס. געוויסע געשעפטן האבען באלאנגט פאר אידען, אדער בכפייה צוליעב די רעגירונג, אדער צוליעב דעם אז איין איד האט געברענגט א צווייטן און האנדלעריי האט זיך געטון אין מקוה און קאוועשטיבעל. היינט צוטאגס, חזר׳ט זיך איבערנדי זעלבע זאך. צו בכפיה צו ברצון, ארבעטן א ריזיגע צאל מענטשן אין די עמעזאן ביזנעס. איינער ברענגט א צווייטן, די דריטע סערווירט די ערשטע צוויי מיט פארשידענע ערליי סערוויסעס. און דאס איז א ריזיגע פערצענט פון די אינקאם פון די יונגערע דור.

וכן הוא ביי נערסינג האומס, מארטדגעדזש׳ס, קאנסטראקשען (אין לעיקוואד), קאמערשעל ריעל עסטעיט אין די 51 שטאטן (ווי אימערממ׳גייט, טרעפט מען היימישע אידען׳ס הענט), ועוד.

און זיי דינגען אלס ארבעטארערס אידען וכו׳.

צווישען די אידען שאפט זיך א נאנטשאפט וואס ברענגט ביזנעס. פונקט ווי פארצייטענס, אזוי אויך היינט. נאר נישט מיט בריווען אויף אידיש, נאר מיט וואטסעפפ.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8697
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3035 מאל
האט שוין באקומען לייקס: 8156 מאל

הודעהדורך יעקב מענטש » דאנערשטאג יאנואר 10, 2019 3:32 pm

תורה ומדע האט געשריבן:בין כך ובין כך. די מציאות הדברים אינעם היינטיגען עקאנאמישער מצב איז אז מען מוז האבען א היי סקול דיפלאמע צו קענען גיין לערנען אן אומנות אין קאללעדש. אן אומנות מפרנס צו זיין א שטוב איז דאס דרך המלך עפ״י חז״ל. מען קען ניט אסרן מניעת הריון, רעכענין הויכע שכר לימוד, און ניט פראווידען אן אויסגעטראטענעם וועג פאר דעם דארכשניטליכער פארפאלק זיך מפרנס זיין בכבוד ובהיתר. יעדער אינגערמאן וועלכער איז א בינוני ולמעלה קען זיך לערנען דאקטאריי, לעגאלע סטודיעס - אדוואקאט, ביזנס אקקאוטינג, ארכיטעקטור, טעראפיע, וכו׳. סאיז א שאנדע און א חילול השם אז א אינגערמאן א בעל כשרון קומט ארויס נאך דריי יאהר אין כולל און איז ניט מער ווערט ווי 30 דאללער א שעה.

אן נאכאמאל איבערקייען די פאנטאזיעס אז זיך לערנען דאקטאריי (10-12 יאר קאלעדזש מיט אסטראנאמישע חובות) איז עקאנאמיש אויסגעהאלטן.

וואונדערט מיר פון ווי די נעמסט דיין הנחה אז לערנען אין כולל דארף צו מאכן רייכער? רובא דרובא סוקסעספולע לומדים אין אונזער היסטאריע, ראשי ישיבות, רבנים, און תלמידי חכמים בכל דור ודור האבן קוים געהאט דעם טאג איבערצוקומען!
אויך א שאנדע?
יעקב מענטש
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1020
זיך רעגיסטרירט: דינסטאג אפריל 28, 2015 5:40 pm
האט שוין געלייקט: 881 מאל
האט שוין באקומען לייקס: 868 מאל

הודעהדורך גדליה » דאנערשטאג יאנואר 10, 2019 4:29 pm

ליטוואק, כ'האב נישט קיין כח זיך צו טענה'ן ווייטער אויף יעדע זאך, אבער די היסטאריע וואס איר פארציילט איז ממש נישט ריכטיג. צו פרעגען א קשיא פארוואס די פני יהושע האט נישט פארגעלערענט לימודי חול און ברענגען פין דעם א ראיה... כ'מיין סיריעסלי. אדער ווייטער מיט דיין היסטארישע אנאליז וועגען פרנסה, כ'פארשטיי נישט וואס איר ווילט. אמאליגע צייטען איז נישט געווען טעכנאלאיגע האט מען געארבעט מיט טראדיצינעלע מיטלען אין געפעדלט און פארקויפט, דארט ווי די יודן האבען געקענט האבען זיי געטוהן כל טצדקי שבעולם צו פארדינען געלד, מ'האט זיך געלערנט פאכן וכדו', ביז היינט אין ירושלים קענסטו זעהן חשובע יודן תלמיד חכמים וואס זענען געלערענט אין זייער פאך. וכו' וכו'
די נייע מהלך פון ר' אהרן קאטלער פון "נאר תורה" אט דאס איז א ריזיגע גרויסע חידוש, ווייל קיינמאל האט נישט עקזיסטירט אזוי זאך, ווער ס'האט געוואלט לערנען איז געגאנגען לערנען, אין דאס איז געוען א מיעוט. די איבריגע האבען געטוהן נארמאלע זאכען כדרך כל הארץ, איינער האט געפאשעט קיען איינער האט געהאקט האלץ א צווייטער איז געווען א גאלדשמידט א פערטער איז געווען א לערער. אויב רעדט מען פין חידושים אין כלל ישראל איז דעי מהלך פון גאנץ כלל ישראל כולו תורה עפעס א גאר מאדנע נייע באשעפעניש, וואס איז נאך אזא חידוש ווי לערנען אביסעל ענגליש אין מאטעמאטיק.
בכלל די גאנצע היינטיגע תלמוד תורה האט דאך אמאל נישט עקזיסטירט, איז וואס איז בכלל שייך געווען צו לערנען לימודי חול אפיציעל אין די חדרים? אין ישיבה האט זיך יעדער בחור געקענט לערנען און ליינען וואס זיין הארטץ האט באגערט (עי' ערך וואלאזשין). אבער די ישבה איז בכלל נישט געווען געשטעלט אלץ א מאסן עדיוקעשיען פאבריק, אזוי ווי היינטיגע צייטען נאר פאר ערוואקסענער בחורים וואס נפשם חשקה בתורה.
וחוץ מזה, איז דווקא געווען א גישה חיובית כלפי אלע מיני חכמות העולם, ווי מ'האט שוין באשריבען אין וועקער באריכות, אז חכמי ישראל האבען זיך באצויגען מיט אהדה והערכה פאר דברי חכמה, ס'איז נאר א לעצטיגע זאך פון נאך די קריג, ווען א גייסט פון בערות האט ארומגענומען גאנץ יהדות החרדית אין וואס מער נאריש און קינדעריש אלץ מער יודיש איז מען. ס'איז א סילוף פון יהדות און א סילוף פון היסטוריה. ואסתגר בזה.
"וואס וועל איך טוהן אז מ׳וועט איין שיינעם טאג געוואר ווערן אז איך בין נישט קיין אמתע רבי?"
- אהבת ישראל מוויזניץ
גדליה
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1043
זיך רעגיסטרירט: דאנערשטאג יאנואר 18, 2018 4:34 pm
האט שוין געלייקט: 611 מאל
האט שוין באקומען לייקס: 1632 מאל

הודעהדורך רביה''ק זי''ע » דאנערשטאג יאנואר 10, 2019 5:06 pm

איך פארשטיי זייער גוט ר' ליטוואק'ס טענה, און בעצם האלט איך אויך אזויווי איהם. א ישיבה איז געמאכט אך ורק זיך אנצוזאפן מיט תורה ויראת שמים, און גארנישט מער. שטעל זיך פאר ווען איינער קומט אריין אין א הינדו אשראם, און טענהט אז מ'קען נישט זיצן אין מעדיטעטן א גאנצן טאג, מ'דארף לערנען מאטעמאטיקס אויך... יעדער פארשטייט אליינס אז ער רעדט נישט צום זאך, אן אשראם איז פשוט נישט געמאכט דערפאר. א ישיבה איז געמאכט פאר תורה, אן אשראם איז געמאכט פאר מעדיטאציע, און א יוניווערזיטעט איז געמאכט פאר וויסנשאפט. ווער ס'וויל לערנען מאטעמאטיקס קען זיך עני טיים אויפהייבן פון שטענדער און גיין אין קאלעדש, אבער וואס האט דאס מיט א ישיבה צוטאן?

נאר וואס דען. דאס איז אלץ געזאגט געווארן אויף א ישיבה וואס איז טאקע געשטעלט אויף צו לערנען, די פני יהושע האט טאקע נישט פארגעלערנט קיין פיזיקס ביי זיך אין ישיבה, אבער ער האט אויך נישט צוגעשטעלט קיין דארמיטארי און קיין נאכטמאל. די פני יהושע'ס ישיבה איז טאקע געווען געשטעלט אויף צו לערנען, און דארט זענען נאר געקומען בחורים וואס האבן געוואלט טאקע לערנען. די אנדערע זענען געגאנגען שטודירן, אדער געגאנגען ביי די דרייצן יאר העלפן דעם טאטן מאכן שיך. די היינטיגע תלמוד תורהס האבן אבער גארנישט מיט תורה צוטון, ווען יא וואלט מען נישט געווען פארנומען אגאנצע יאר זינגען אלף בית און פרשה סאנגס אין כתה א', און לערנען א פרק משניות אין כתה ג'. אונז שיקן די קינדער אין חדר, פאר די זעלבע סיבה וואס די גוים שיקן זייערע קינדער אין פאבליק סקול. אזויווי אונז האבן נישט קיין כח/צייט/געדולד/נערוון זיך אפצוגעבן מיט די קינדער, שיקט מען זיי צו א בעיביסיטער זאל זיך אפגעבן מיט זיי. גראדע אלץ אידן האבן אונז א גרינגערע ארבעט ווי די גוים, זיי דארפן זיך מוטשען טרעפן מיט וואס אדורכצושטופן דעם טאג, אונז דארפן נישט מער ווי עפענען א גמרא און זיך נעמען פארלערנען. די פראבלעם איז נאר אז אין פאבליק סקול לערנט מען כאטש אלערליי נושאים, א קינד וואס האט נישט קיין געשמאק אין היסטאריע קען זיך טרעפן א געשמאק אין ארכיעלאגיע. ביי אונז אבער דארפן די קינדער אפשימלען יאר נאך יאר, און ביז מ'זעט זיך ארויס פון די חדר/ישיבה/כולל סיסטעם איז מען שוין א טאטע פון צוויי קינדער, רחיים בצוארו ויעסק בחכמה? בלייבט מען איבער אן אנאלפאבעט שלא קרא ולא שנה ולא עסק בדרך ארץ, און די איינציגסטע זאך וואס בלייבט איבער צו טון מיטן לעבן איז משריץ זיין ילדים אן קיים שום חשבון, לעבן ווי א פאראזיט אויפן שטייער-צאלער'ס חשבון, און די ראד דרייט זיך ווייטער און ווייטער עד ביאת גואל צדק.
רעדאגירט געווארן צום לעצט דורך רביה''ק זי''ע אום דאנערשטאג יאנואר 10, 2019 5:23 pm, רעדאגירט געווארן 2 מאל בסך הכל.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2696
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2535 מאל
האט שוין באקומען לייקס: 1719 מאל

הודעהדורך תורה ומדע » דאנערשטאג יאנואר 10, 2019 5:08 pm

יעקב מענטש האט געשריבן:
תורה ומדע האט געשריבן:בין כך ובין כך. די מציאות הדברים אינעם היינטיגען עקאנאמישער מצב איז אז מען מוז האבען א היי סקול דיפלאמע צו קענען גיין לערנען אן אומנות אין קאללעדש. אן אומנות מפרנס צו זיין א שטוב איז דאס דרך המלך עפ״י חז״ל. מען קען ניט אסרן מניעת הריון, רעכענין הויכע שכר לימוד, און ניט פראווידען אן אויסגעטראטענעם וועג פאר דעם דארכשניטליכער פארפאלק זיך מפרנס זיין בכבוד ובהיתר. יעדער אינגערמאן וועלכער איז א בינוני ולמעלה קען זיך לערנען דאקטאריי, לעגאלע סטודיעס - אדוואקאט, ביזנס אקקאוטינג, ארכיטעקטור, טעראפיע, וכו׳. סאיז א שאנדע און א חילול השם אז א אינגערמאן א בעל כשרון קומט ארויס נאך דריי יאהר אין כולל און איז ניט מער ווערט ווי 30 דאללער א שעה.

אן נאכאמאל איבערקייען די פאנטאזיעס אז זיך לערנען דאקטאריי (10-12 יאר קאלעדזש מיט אסטראנאמישע חובות) איז עקאנאמיש אויסגעהאלטן.

וואונדערט מיר פון ווי די נעמסט דיין הנחה אז לערנען אין כולל דארף צו מאכן רייכער? רובא דרובא סוקסעספולע לומדים אין אונזער היסטאריע, ראשי ישיבות, רבנים, און תלמידי חכמים בכל דור ודור האבן קוים געהאט דעם טאג איבערצוקומען!
אויך א שאנדע?

א פראפעססיע איז א לוינענדיגער פרנסה וועלכער שפייזט דעם מענש מיט פרנסת הגוף, און אויך מיט א געפיעל אז ער העלפט דאס מענשהייט און נוצט זיין ג-ט געגעבענער כשרון ליישוב העולם. אפילו עס נעמט צייט און כח איז עס דער דרך ארוכה וקצרה אשר יבור לו האדם. האנדל און וואנדל איז אויך גוט פאר מאנכע, בפרט פאר די וועלכער זענען סוחר׳יש בטבעם. אבער די בעלי כשרון ובעלי יצירה דארפן האבען אנדערע אפציעס.
קבל את האמת ממי שאמרו (רמבם ה' קידוש החודש)
באניצער אוואטאר
תורה ומדע
ידיד ותיק
ידיד ותיק
 
הודעות: 825
זיך רעגיסטרירט: זונטאג מאי 15, 2016 10:55 am
געפינט זיך: מידוועסט
האט שוין געלייקט: 488 מאל
האט שוין באקומען לייקס: 569 מאל

Re: די אמת וועגן די קאמף פאר עדיוקעישען אין ישיבות

הודעהדורך ליטוואק פון בודאפעסט » דאנערשטאג יאנואר 10, 2019 6:58 pm

גדליה, האסט אריין געברענגט נייע מושגים אין דער שמועס. איך האב נישט דערמאנט דאס נישט גיין ארבעטן. אוודאי דארף מען גיין ארבעטן. נישט אויף דעם רעד איך, און נישט אויף דעם האט הרב אהרן קוטלר גערעדט.

די חילוק צווישען די חינוך פון א קינד און בחור מיט בלויז תורה, אדער תורה מיט אנדערע זאכן, זענען הימל און ערד. דאס איז די גאנצע וואס איך טענה. און וועגן דעם האט דער פנ"י נישט געהאלטן כשיטת כולל הו"ד וממשיכי דרכם אין מיטל מזרח, צוזאמען מיט די אייניקלאך פון דער רבי צאץ, אז ארבעטן איז א געמיינע זאך. אבער דער לערנן וואס מ׳לערנט יא, זאל זיין ריין.

וכבר מלתי אמורה אין א צווייטע אשכול, אז מ׳האט געגנב׳ט די נאמן ישיבה און געלייגט אויף יעדען אנטשטאלט וואס האלט אין זיך ווארמע קערפערס אין די יונגע יארגאנג, זכרים נקבות און אלס אינצווישען.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8697
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3035 מאל
האט שוין באקומען לייקס: 8156 מאל

הודעהדורך רביה''ק זי''ע » דאנערשטאג יאנואר 10, 2019 8:43 pm

ליטוואק פון בודאפעסט האט געשריבן:מיין חינוך איז אלס געווען אז לימודי חול זענען א טפל, עפעס א זייטיגע זאך, פונקט ווי ווישען די נאז און פוצען די ציין.און כדי מצליח צו זיין אין לערנען, וואס דאס מיינט צוצוקומען צום שפיץ פון פסקנ׳ן א הלכה פון די סוגיא, מוז מען דערין ליגען בכל נימי הנפש, עס קען נישט זיין צוזאמען מיט אנדערע שטרעבונגן.

זאל עס זיין פונקט ווי ווישן די נאז און פוצן די ציין, כאטש ביזטו מסכים אז ס'איז א וויכטיגע זאך.

גראדע יעצט פארשטיי איך שוין פארוואס איך האב נאכנישט קיין שטעלע, אפשר אז איך וואלט קיינמאל נישט געווישט די נאז און געפיצט די ציין וואלט עפעס געווארן פון מיר. פון היינט און ווייטער וועל איך אנזאגן מיינע קינדער בשום אופן זיך נישט צו ווישן די נאז, תורה גייט נישט מיט אנדערע זאכן.

אויך פארשטיי איך שוין אויך פארוואס די רמב"ם איז פיל מיט סתירות...
באניצער אוואטאר
רביה''ק זי''ע
חבר ותיק
חבר ותיק
 
הודעות: 2696
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2535 מאל
האט שוין באקומען לייקס: 1719 מאל

הודעהדורך רביה''ק זי''ע » דאנערשטאג יאנואר 10, 2019 9:13 pm

יעקב מענטש האט געשריבן:אן נאכאמאל איבערקייען די פאנטאזיעס אז זיך לערנען דאקטאריי (10-12 יאר קאלעדזש מיט אסטראנאמישע חובות) איז עקאנאמיש אויסגעהאלטן.

כ'האב נישט געוואוסט אז אלע דאקטורים זענען אזעלכע נארנים.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2696
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2535 מאל
האט שוין באקומען לייקס: 1719 מאל

הודעהדורך גדליה » דאנערשטאג יאנואר 10, 2019 9:57 pm

רביה''ק זי''ע האט געשריבן:
יעקב מענטש האט געשריבן:אן נאכאמאל איבערקייען די פאנטאזיעס אז זיך לערנען דאקטאריי (10-12 יאר קאלעדזש מיט אסטראנאמישע חובות) איז עקאנאמיש אויסגעהאלטן.

כ'האב נישט געוואוסט אז אלע דאקטורים זענען אזעלכע נארנים.

דאס איז ווייל זיי לערנען נישט גמרא במילא האבען זיי זיך קיינמאל נישט געלערנט קריטיקעל טינקינג
"וואס וועל איך טוהן אז מ׳וועט איין שיינעם טאג געוואר ווערן אז איך בין נישט קיין אמתע רבי?"
- אהבת ישראל מוויזניץ
גדליה
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1043
זיך רעגיסטרירט: דאנערשטאג יאנואר 18, 2018 4:34 pm
האט שוין געלייקט: 611 מאל
האט שוין באקומען לייקס: 1632 מאל

הודעהדורך רביה''ק זי''ע » דאנערשטאג יאנואר 10, 2019 10:11 pm

Alternative universe without a doubt
באניצער אוואטאר
רביה''ק זי''ע
חבר ותיק
חבר ותיק
 
הודעות: 2696
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2535 מאל
האט שוין באקומען לייקס: 1719 מאל

הודעהדורך גדליה » דאנערשטאג יאנואר 10, 2019 10:16 pm

ליטוואק פון בודאפעסט האט געשריבן:גדליה, האסט אריין געברענגט נייע מושגים אין דער שמועס. איך האב נישט דערמאנט דאס נישט גיין ארבעטן. אוודאי דארף מען גיין ארבעטן. נישט אויף דעם רעד איך, און נישט אויף דעם האט הרב אהרן קוטלר גערעדט.


Sent from my LG-K373 using Tapatalk

אקעי, איינמאל מיר האבען אוועקגעשטעלט אז רוב מענטשען דארפען ארבעטען (אייגענטליך דארפען אלע מענטשען ארבעטען אפילו תלמידי חכמים), איז דאך עפעס א פליאה עצומה אז אונזערע ישיבות און חדרים זענען נישט געאייגענט פאר רוב קינדער אין בחורים זיי צוצוגרייטען פאר'ן לעבען.
איהר זאגט אז א ישיבה ברויך זיין כולו קודש. פיין דעמאלטץ זאל מען פארמאכען אלע ישיבות, שיקען די קינדער אין פאבליק סקול, אין די מיעוט שבמיעוט וואס איז געאייגענט צו זיין פון די עשרה בטלנים לעולם ועד, פאר זיי זאל מען עפענען א ספעציעלע ישיבה ווי זיי גייען לערנען תלמוד בבלי דרייצן שעה א מעת לעת.
ס'האט נישט קיין הענט אין קיין פיס צו מחנך זיין א גאנצע דור אין 2018 על אדמת אמעריקא אויף די מאדעל פון די פני יהושע'ס ישיבה פון דרייסיג בחוריםלעך אין די זיבעצנטע יאר הונדערט אין פראנקפורט.
"וואס וועל איך טוהן אז מ׳וועט איין שיינעם טאג געוואר ווערן אז איך בין נישט קיין אמתע רבי?"
- אהבת ישראל מוויזניץ
גדליה
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1043
זיך רעגיסטרירט: דאנערשטאג יאנואר 18, 2018 4:34 pm
האט שוין געלייקט: 611 מאל
האט שוין באקומען לייקס: 1632 מאל

Re: די אמת וועגן די קאמף פאר עדיוקעישען אין ישיבות

הודעהדורך ליטוואק פון בודאפעסט » דאנערשטאג יאנואר 10, 2019 10:37 pm

גאר א קליינע פערצענט פון כלל ישראל גייט אין ישיבות, אפילו היינט.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8697
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3035 מאל
האט שוין באקומען לייקס: 8156 מאל

הודעהדורך יתרו » פרייטאג יאנואר 11, 2019 1:04 am

ליטוואק פון בודאפעסט האט געשריבן:גאר א קליינע פערצענט פון כלל ישראל גייט אין ישיבות, אפילו היינט.

Sent from my LG-K373 using Tapatalk

פאסט נישט פאר דיר ליטוואק צו נוצען די אלטע אויסגעדראשענע טענה אז מיר זענען א קליינע פראצענט פון כלל ישראל. מיר האבן נישט קיין שייכות מיט דעס וואס איינשטיין איז א איד און דאס אז און מאדרען ארטדאקס לערנט מען אין קאלעטזש. די פאקט איז אז הונדערט פראצענט פון אונז חרדים לערנט מען א פייג (עכ"פ הונדערט פראצענט חסידים) און מען קען נישט אויסשטעלן א קולטור מיט א סיסטעם ווי הונדערט פראצענט פון זיי גייען זיצען אין לערנען און האבן נישט קיין אנדערע אפציעס. וקצרתי ווייל איך פארלאז מיך אויך דיר אז די וועסט פארשטיין דיין טעות, ביסט דאך א ליטוואק...
לייק מיך יא לייק מיך נישט, כהאדיר עניוועי אין דר'ערד.
יתרו
ידיד ותיק
ידיד ותיק
 
הודעות: 746
זיך רעגיסטרירט: זונטאג דעצעמבער 09, 2012 11:32 pm
האט שוין געלייקט: 442 מאל
האט שוין באקומען לייקס: 653 מאל

הודעהדורך יתרו » פרייטאג יאנואר 11, 2019 1:10 am

ליטוואק איך האב זיך דערמאנט אז בען פרענקלין האט אמאל געשריבען דא אין שטיבעל בנושא זה, קוק די לעצטע פאר פאראגראפען ווי ער באפאסט זיך מיט דעם שקר

בענדזשאמין פרענקלין האט געשריבן:
און די חרדישע פרעסע ווערט כסדר פארענטפערט די טענה פון די פרייע אז חרדים ארבעטן נישט און נעמען נישט קיין פאראנווארטלעכקייט, מיט כל מיני לעכערליכע תירוצים, הצד השוה שבהן ס'איז סך הכל פּעפּער ספרעי תירוצים, אזאנס וואס פארבלענד די אויגן פאר א פאר מינוט, ביז מען כאפט ווי דער ספין איז.
כ'וועל אנכאפן דא צוויי וואס איך געדענק יעצט אויפן מינוט, איינס איז פון הרב זמיר כהן בעל מחבר, המהפך און פון די גרויסע בעלי משפיעים און די תשובה מאוומענט, אויך פון די ראשי המדברים אויפן ערוץ הידברות, די צווייטע איז פון הרב משה גרעליק עדיטאר פון משפחה מאגאזין און פון די גרויסע הוגי דעות אין ארץ ישראל.

הרב כהן זאגט אז אכטציג פראצענט חרדים ארבעטן יא זיי זענען מנהלים, משגיחים, מלמדים, מגידי שיעורים, רבנים, דיינים, שוחטים, בודקים, בעלי מכשירים, שמשים, מקווה אידן, בעלי דרשנים, וכו'.

די אפּפרעג אויף זיין ענטפער איז ווי פאלגענד: דאס אלעס איז גוטע סערוויס אבער קיין פראדוקציע איז עס נישט, בכלל איז א סערוויס עקאנעמיע זייער א שוואכע עקאנעמיע, אבער א סערוויס געמיינדע וואס סערווירט נישט פאר א פראדוקציע געמיינדע נאר פאר די אייגענע קהילה איז קיין סערוויס עקאנעמיע אויך נישט, און איין ווארט ס'איז נישט קיין בחינה פון 'אין הקומץ משביע את הארי' ס'בכלל נישטא קיין קומץ. [פאר מער הסברים עיין במשפט הבא].

אויך הרב גרעליק טענה'ט ענדליך, ער לייגט אבער צו א ספין ער טענה'ט אז די חרדים און לומדי תורה זענען נישט ערגער ווי די צייטונגס שרייבער און די מידיע פערזענליכקייטן, זיי די צייטונגס שרייבער געבן אויך גאר נישט צו צו די ישראלישע עקאנאמיע, זיי פראדוצירן גארנישט אויסער ארטיקלן, נאר וואדען יעדע ציוויליזירטע מדינה ברויך צייטונגס שרייבער, הוא הדין, זאגט משה גירעליק. ברויך א אידישע מדינה האבן אויך לומדי תורה ס'איז נאך אזא סערוויס ווי שרייבן צייטונג ארטיקלען.

ווער עס האט געליינט מיין פריערדיגע הודעה ווייסט אליין וואספארא שטותים און הבלים ער רעדט, מיין איינציגע לימוד זכות אויף אים איז אז ער אליין גלייבט נישט וואס ער זאגט, און עפעס אנדערש... מעג ער נישט זאגן.

ואפרש את שיחתי, ס'איז בכלל נישט קיין פארגלייך ? משום שתי סיבות;
קודם כל דא רעדט מען פון א גאנצע פאלק וואס האלט שוין כמעט ביי א מיליאן מענטשן און גייט זיך דאפלען און טריפלען בקרוב ממש, און אזויווי יעדער פארשטייט אז מען קען נישט האבן א מיליאן צו צוויי מיליאן צייטונגס שרייבער, קען מען נישט האבן א מיליאן אדער צוויי מיליאן לומדי תורה, אז מען ציהט אויף א גאנצער פאלק וואס קען נישט גארנישט אויסער מאכן אביסל סערוויס דורך השגחה און לוויית איז מען גוט אויף צרות, בפרט אז דער דאזיגער חלק פאלק גייט בקרוב זיין די רוב אין דער מדינה.

צווייטנס, [און דאס איז אן ענטפער אויף הרב כהן'ס מהלך אויך] די צייטונגס שרייבער שטעלן צו סערוויס פאר פראדוצירער, זיי שטעלן צו סערוויס פאר ארבעטער וואס ארבעטן אין אגרי קולטור און פראדוצירן פירות און ירקות, זיי שטעלן צו סערוויס פאר ערפינדער וואס ארבעטן אין 'אינטעל' און ערפינדן די לעצטע היי ספּיד פּראסעסערס, זיי שטעלן צו סערוויס פאר סייענטיסטן וואס מאכן די לעצטע דורכברוכן אינעם פעלד פון מעדעצין וכו', וואס און אויסטויש פאר זייער פראדוקציע קויפן זיי א צייטונג, און ווי יעדער פארשטייט אז אין יעדע עקאנאמיע מוז זיין א געוויסע פראצענט סערווירערס פראוויידערס, אבער פארשטייט זיך וואס ווייניגער פון דעם אלץ בעסער פארן עקאנאמיע. משא"כ א מיליאן חרדים שטעלן כמעט גארנישט צו פארן פראדוקציע געמיינדע זיי סערווירן סך הכל אנדערע סערווירער.
לייק מיך יא לייק מיך נישט, כהאדיר עניוועי אין דר'ערד.
יתרו
ידיד ותיק
ידיד ותיק
 
הודעות: 746
זיך רעגיסטרירט: זונטאג דעצעמבער 09, 2012 11:32 pm
האט שוין געלייקט: 442 מאל
האט שוין באקומען לייקס: 653 מאל

הודעהדורך יתרו » פרייטאג יאנואר 11, 2019 1:16 am

יעצט זעה איך אז כדי צו פארשטיין די תגובה ברויך מען ליינען קודם זיין ערשטע תגובה אשר על כן וועל איך דאס מעתיק זייך לתועלת העיון
בענדזשאמין פרענקלין האט געשריבן:
קודם א הקדמה קטנה: ליינט נישט דעם ארטיקל בין גברא לגברא, און אויך נישט בחפזון, ליינט עס במתינות מתחלתו ועד סופו, אפילו אנפאנג זעט דער ארטיקל אויס קאמיש איז עס אבער טויט ערנסט, ס'איז 'דברים גדולים נשנו כאן'.

און יעצט צום ענין:
איך וויל אדרעסירן א פרישע הצעה וואס איז ערווענט געווארן אין איינע פון די אידישע אויסגאבעס, א נייע געדאנק ווי אזוי זיך צו ספראווען מיט די גזירות גיוס, הגם די הצעה איז אזוי אבסורד, אז עס פארדינט אפילו נישט קיין אנאליז און אפּ-ענטפער, וויל איך עס יא אדרעסירן, וועגן צוויי סיבות איינס: ווייל סוף כל סוף זענען דא מענטשן וואס קענען דאס נאכזאגן מיט א פשטות אן א בלינק מיט א אויג, צווייטענס, וזה העיקר: דאס וועט זיין א שטיקל הקדמה צום קומענדיגן ארטיקל 'דער אלטערנאטיוו'.


די פרישע הצעה איז נתחדש און געדריקט געווארו אש שחורה על גבי אש לבנה אינעם איינציגן אומאפהענגיגע אידישע ארגאן 'דער איד', אין דעם רעספעקטירטע אפטיילונג 'פון דא און דארט', יענער, א גרויסער חכם, וואס שרייבט מער פון דארט ווי פון דא, רעדט איבער די מעגליכקייטן וואס די חרדישע אידנטום האבן אין באזיס זיך צו ספראווען מיט די גזירת גיוס, צווישן אנדערע דערמאנט ער דארט א פלאן אז חרדישע אידן זאלן פארלאנגען פון מדינת ישראל אויטאנאמיע. און פטור אן עסק.

איר הערט ברידער טייערע, אויטאנאמיע, נישט מער און נישט ווייניגער אויטאנאמיע!!

לאמיר דאס אביסל צו לייגן אויף קליין געלט וואס דאס מיינט אויטאנאמיע, און וואס אזא פארלאנג באדייט, און פארוואס אזא געדאנק איז אזוי לעכערליך און טפשות'דיג אזש עס פאסט ניטאמאל פארן פורים אפטיילונג פון דער איד 'פון דא און דארט' .

אויטאנאמיע מיינט אין אנדערע ווערטער, אז חרדים זאלן האבן אן אייגענע ווירטשאפט, אזא סעמי אייגענע לאנד, אלע הוצאות אלע הכנסות אלע שטייערן גייען צום נייעם געשאפענעם אויטאנאמיע לאנד, און מען זאגט צו מדינת ישראל שלום ולא להתראות.

און דעמאלטס וועט זיין א עולם התיקון!!
אדער אפשר א מדבר שממה.

כדי מ'זאל פארשטיין וואספארא עולם התיקון ס'וועט דעמאלטס זיין, וועלן מיר פרובירן עס מסביר זיין אויף קליין געלט.

שטעלט'ס ענק פאר מדינת ישראל נעמט אן דעם פארשלאג, זיי געבן אהין פאר די חרדים א שטיקל לאנד, אבער נישט אין מדינת ישראל נאר אין א צווייטן קאנטינענט, א שיינעם פרוכטבארן שטח, ערגעץ אינעם אפריקאנעם דזשאנגל, מען צאלט אלע חרדים 'א איין וועג טיקעט' און מ'זאגט זיי 'יוא-אר-אהן-יואר-אוין'. כ'מיין אז א פעדער איז צו ארעם צו באשרייבן ווי אזוי עס וועט דארט אויסזעהן נאך א צוויי דריי יאר.

אין איין ווארט: מיר וועלן נישט אויסזעהן קיין סאך אנדערש ווי די צוריקגעבליבענע אפריקאנע שבטים וואס דרייען זיך דארט, איך רעד פון די שבטים וואס גייען נאך מיט די אור-אלטע צירונג פונעם שטיין עפאכע, דריי רינגלעך אריינגעבויערט אינעם אויבערשטן ליפּ, און צוויי גרויסע עלעפאנט ציינער קינסטלעך אריינגעשטעקט אינעם אויער לאך אלץ אן ערזאץ פון די היינטיגע אויערינגלעך, א אפגעהויבלטע בּאַמבּאָ דורכגעלעכערט פון איין באק צום צווייטן, די מקומות המכוסים זענען באדעקט מיט קליידער געמאכט פון פייגן בלעטער און צווייגעלעך אזוי ווי אדם הראשון הארט נאכן זינדיגען.

קיין הייזער וועלן מיר, חרדים, נישט קענען בויען פשוט ווייל מיר האבן נישט קיין אינזשענירן, און אפילו עס וועט זיך מאכן א בעל תשובה דארט וואס האט אין זיינע עבירות יארן געלערנט אביסל פון די חכמה היוונית, האלטן מיר נאך אויך נאך נישט אין ערגעץ ווייל מיר האבן נישט די מינדעסטע ידיעה ווי אזוי צו פארקנעטן ליים, ווי אזוי אויסהאקן א ציגל, ווי אזוי אויסשעפן אייזן פון דער ערד, צולאזן אייזן, גליען און פארמירן אייזן און שטאנגען, א קיצור מ'קען אויסרעכענען בערך הונדערט פאכן וואס מען דארף אלץ קענען צו קענען פראדוצירן כלים און סחורה אויף צו בויען א פשוטע הויז.

אלזא וועלן מיר גיין וואוינען אין די היילן, מען וועט טרעפן הויכע בערג, אויסזוכן א נקרת צור, זיך באזעצן דארט און לעבן אזוי ווי מען האט געלעבט פאר פיר טויזענט יאר צוריק.

פאנגט זיך אן די שאלה וכי תאמרו מה נאכל?

איז אזוי, פון ירוקת און פירות קען מען פארגעסן ווייל אויף דעם דארף מען אויך קענען מער ווי פופצן מלאכות, ווייל נישט נאר גרינע דאלערס וואקסן נישט אויפן בוים נאר פירות און ירקות וואקסט אויך נישט - אז מען ווייסט נישט ווי אזוי צו פלאנצן, אז מען ווייסט נישט ווי אזוי צו זייען און אקערן וואקסט נישט קיין שושנים נאר חוחים. און אז די עסקנים וועלן ארלעדיגן אן אקער אייזן און א אפאר אקסן איז מען נאך אלץ נישט קיין געהאלפענער ווייל אפילו עס וואקסט שוין, דארף מען וויסן ווי אזוי זיך צו באגיין דערמיט בשעת'ן וואקסן, וועלכע כעמיקאלן צו שפריצן אקעגן ווערים, וועלעכע שלעכטע גראזן אויסצורייסן, און ווי אזוי אוועק צולייגן פון ווינטער אויפן זומער, און די אלע זאכן גייען אריין אין ללמדו אומנות וואס מיר האבן שוין פון לאנג פארלוירן די מסורה אויף דעם צוזאמען מיטן תכלת.

העט מען גיין אויף א פלייש דיעטע, מ'וועט זיך מוזן ארויסלאזן אויפן יאגד און גיין פאנגען חיות, הערשן און זשיראפן, איי פון ווי וועט מען האבן א פייל אין בויגן, א גוטע קשיא, אפשר וועט מען מאכן נעצן פון שטריק, ווי אזוי מאכט מען שטריק? שוין הער אויף משוגע מאכן, אפשר וועט מען כאפן דעם הערש מיט די בלויזע הענט, מוועט עס שעכטן מיטן שוחט אדער מילה מעסער, דאס האבן מיר לרחצה [איינמאל דאס מילה מעסערל וועט אנפאנגען ראסטן ווייס איך נישט וואס מ'וועט דעמאלטס טוען, אפשר וועט מען מהלען מיט א א שארפע שטיין אזוי ווי ציפורה ווען די שלאנג האט איר געוואלט איינשלינגען.

ווי אזוי קאכט מען אפ דעם הערש? קיין כירות קען מען נישט בויען און א תנור אוודאי נישט, ניטאמאל א כופח, ווייל די פני שבת בילדער משניות קומט נישט מיט קיין אינסטראקשענס, בלית ברירה וועט מען עסן בישרא דגמרי, דאס הייסט קוילן-פלייש, אבער דער עולם וועט שוין זיין אזוי הונגעריג אז מען וועט עס אראפשלינגען נאך פאר עס האט צייט צו ווערן כמאכל בן דרוסאי.

מ'קען אינדעם דעם מאריך זיין אזוי לאנג עד שיעלה עמוד השחר, נאר פארוואס מאכן מער קאלעמוטנע אויפן הארץ ווי מען דארף, דער קלוגער כאפט שוין אזוי, און דער נאר... ליינט דאס ממילא נישט.

די נקודה איז אז די שאנסן איבערצולעבן אזא מצב מער ווי פינף יאר איז נענטער צו נול, מענטשן וועלן שטארבן און די מאסן פון הונגער און מחלות און וועם די הונגער און מחלות וועט איבערלאזן וועט די ווינטער-פרעסט און די זומער-היץ צו ענדיגן, ממש אזוי ווי די תוכחה ח"ו היל"ת.

מיט אזא וואוינוג און נערונג, וועט בערך איינס פון פינף קינדער איבערלעבן די מחלות און קרענק וואס בוזשעוועט דארט ווי די ארבה אין מצרים. און די שארית הפליטה וועלן אויך נישט לעקן קיין האניג, ביי די זעקס אין דרייסיג וועט מען שוין נישט האבן קיין איין ציין, אזוי אז פון קייען מצה ביי כורך וועט מען קענען פארגעסן, איינער וואס וועט דערלעבן די פערציג וועט הייסן א זקן ובא בשנים.

אויפן בעסטן אופן וועל די מער פעסט געבויטע, די מיט אן איבערפלוס פון געזונטע גענעס זיך אדאפטירן צום זשאנגעל לעבן, זיי וועלן אויסקוקן ווי נאך איינע פון די צענדליגע שבטים דארט ענליך צו די רויטע בני משה אדער די שווארצע בני גד.


יא יא, אזוי זעהט אויס א קולטור וואס האט ארויס גערופן א מלחמה קעגן וויסענשאפט, א מלחמה קעגן טעכנעלאגיע, א מלחמה קעגן עקאנאמיע, א מלחמה קעגן יעדע זאך וואס מאכט אונזער לאנד, אונזער געזונט, אונזער לעבנס שטייגער אנדערש ווי די אפריקאנע זשאנגעלס.


דאס אז מיר לעבן אויסגעמישט צווישן ציוויליזירטע מענטשן, און א פארגעשריטענע סאסייעטי ברענגט אונז אריין אין א אילוזיע, אז מען קען באמת האבן פון ביידע, מען קען בלייבן מיט אביסל סייענס פון פינף טויזענט יאר צוריק, און מען קען הנאה האבן פון א לעבנס שטייגער פון שנת אלפיים ושלש עשרה. אבער די מציאות קראכט אין פנים, ס'גייט נישט צוזאמען.

די איינציגסטע סיבה פארוואס היינט צוטאגס זעהען מיר אויס אנדערש ווי די אפריקאנע שבטים איז ווייל מיר לעבן צווישן ציוויליזירטע מענטשן, און יא! מיר לעבן מער ווייניגער אויף זייער חשבון.

רבותי, מיר זענען אפריקאנע שבטים וואס דרייען זיך צווישן ציוויליזירטע מענטשן, מיר זענען אומוויסענדע עטיאפיאנער וואס לעבן אויף די גענאדע פון געלערנטע, און אז דאס האט געקענט אנגיין פאר פופציג יאר אדער פאר הונדעטט יאר מיינט נישט אז עס איז א דבר של קיימא, רבותי די צייט וואס מלאכתינו נעשית ע"י אחרים האלט זיך ביים ענדיגן און יפה שעה אחת קודם.

ס'איז דא א פשוטע עקאנאמיע קאנצפעט וואס כמעט יעדע בר בי רב און היי סקול סטודענט פארשטייט דאס, און ביי אונז קען זיין קלוגע אידן מיט לאנגע ווייסע בערד (צו אן בערד) וואס די דאזיגע דבר פשוט גייט זיי נישט אריין אין קאפּ, איך רעד פון קלוגע אידן, ראשי קהילה, עסקנים, קהילה פארטרעטער, עדיטאריעל שרייבער, צייטונג שרייבער וכו',

די קאנצעפט איז וואס טייטש "געלט", געלט טייטש נישט שטרות, געלט טייטש ארבעט, געלט טייטש פראדוקציע, די 'בענזשאמין פרענקלין שטרות' איז סך הכל א שטר מוסכם, א וואלוטע וואס געמיינדעס, לענדער און אינדיווידואלן פארטוישן זייער פראדוקציע, און יעדנ'ס וואלוטע ווענדט זיך און לויט דעם קראפט פון זייער עקאנאמיע.

אמאליגע צייטן האט יעדע געמיינדע, יעדע לאנד, געמוזט פראדוצירן אלעס אליין, פון אלף ביז תיו, אשל מלא, פון זאקן אנצוטאן ביז פרוכט צו עסן, מיט די יארן איז די וועלט געווארן מער פארגעשריטן האט מען אנגעפאנגען אימפארטירן און עקספארטירן פון איין לאנד צום צווייטן איז די גאנצע וועלט געווארן ווי איין גרויסע אינטערנאציאנאלע געמיינדע, ממילא דארף נישט יעדע לאנד פראדוצירן אלעס אליינס, אבער יעדע לאנד דארף פראדוצירן גענוג סחורה וואס זאל ווערד זיין די שוויות פון אלע זייערע הצטרכות פון אלף ביז תיו, אז נישט זענען זיי אין א דעפעציט!!.

היינט איז שוין אזוי אז יעדע לאנד האט זיך זיין עקספערטיז וואס ער פראדוצירט, אזוי דארף די וועלט געמיינדע אנקומען צו אים, למשל יאפאן פראדוצירט טעכנאלאגיע קאמפיוטערס און קארס, ווידעראום רוסלאנד פראדוצירט וואפן און אויל, די אראבישע גאלף לענדער וואס האבן נישט אסאך צו פארקויפן האבן זיי ברכת ישמעאל וכו', מדינת ישראל איז שטארק אין טעכנעלאגיע אגרי-קולטור וכו' די אונטערשטע שורה איז אבער ווי אויבן דערמאנט אז יעדע לאנד דארף פראדוצירן גענוג סחורה וואס זאל ווערט זיין די שוויות פון אלע זייערע הצטרכות'ן פון אלף ביז תיו, אז נישט זענען זיי אין א דעפעציט.

ולכן דייטשלאנד וואס איז א העכסט געבילדעטע לאנד שטעלט צו פון בי עם דאבעליואס און באש מיקסערס, ביז טעלעפאנס און מערצעדיס, זענען איינס פון די גרעסטע עקאנאמיע וועלטס מאכטן, האיטי מאידך גיסא וואס פארמאגט גארנישט אויסער א מאסע אומגעבילדעטע מענטשן א באנדע אנאלפאבעטן און פארקויפן נישט גארנישט אויסער מאסע ארבעטער וואס זענען גרייט צו קלויבן קאקאו באנדלעך איז זייער עקאנאמיע גוט אין דער ערד, ולכן זענען דא דארט מגיפות לרוב, און מיליאנען קינדער וואלטן שוין לאנג געשטארבן פאר הונגער ווען נישט אמעריקע און די יו ען מישט זיך אריין און דערהאלט זיי ביים לעבן מיט א טעלער רייז און גלזעל וואסער.

יעצט לאמיר צוריק גיין צו אונז חרדים: וואס איז אונזער פראדוקציע אויסער קינדער?

וואס פראדוצירן מיר אויסער קניפן ציצית, וועבן גארטלעך און פלעכטן הבדלה לעכט, גארנישט, און נאכאמאל גארנישט. אין איין ווארט, אונזער פראדוקציע דעקט נישט אונזערע הוצאות. אונזערע הוצאות איז אזוי ווי יעדע ציוויליזירטע פאלק (און אפשר נאך מער) און אונזער פראדוקציע איז עשרת מונים מתחתיו.

די תירוץ מיט וואס די חרדישע ישראלישע פרעסע פארטעמפט די מוחות פון די מאסן, איז אז מיר צאלן די מערסטע מע"מ (שטייער) ווייל מיר קויפן די מערסטע עסן, פאר אונזערע קינדער געבענטשע פאמיליעס, און ווען מען קויפט עסן צאלט מען צען פראצענט מע"מ, ממילא ביישטייערן מיר די מערסטע פאר די מדינה.

רבותי דאס איז א פאלנע קאפ פארדריי. ווייל אויב איז עס אמת הא גופא קשיא, פון ווי נעמען מיר די געלט צו קויפן עסן, נאכאמאל פאר ווער ס'האט נישט פארשטאנען ביז איצט, געלט קען נישט קומען און קומט נישט נאר דורך פראדוקציע וואס עס ווערט איינגעטוישט פאר וואלוטע (געלט) פון וועמענס פראדוקציע קומט אונזער געלט? נישט פון אונזערס ווייל מיר פראדוצירן זילטש.

ווי אזוי באצאלן מיר פאר עסן?
ווי אזוי באצאלן מיר פאר דאקטוירים?
ווי אזוי באצאלן מיר פאר פאליציי און פייער לעשער?
ווי אזוי באצאלן מיר פאר לעקטער און געז?
ווי אזוי באצלן מיר פאר אלע סערוויס פונעם לאנד פאר די ראודס, סייד וואוקס, אינפאסטראקטור באסעס, לופט פעלדער, וכו' וכו', איך רעד שוין נישט פון מיליטער משמר הגבול מוסד און שב"כ.

מיט וועמענס פראדוקציע? נישט מיט אונזערס ווייל מיר פראדוצירן גארנישט.

אויב איר האט נאך קווענקעלנישן און צאנקענישן איבער דאס וואס איר האט נארוואס געלייענט, ליינט דעם קומענדיגן הודעה.
לייק מיך יא לייק מיך נישט, כהאדיר עניוועי אין דר'ערד.
יתרו
ידיד ותיק
ידיד ותיק
 
הודעות: 746
זיך רעגיסטרירט: זונטאג דעצעמבער 09, 2012 11:32 pm
האט שוין געלייקט: 442 מאל
האט שוין באקומען לייקס: 653 מאל

הודעהדורך רביה''ק זי''ע » פרייטאג יאנואר 11, 2019 2:15 am

יתרו האט געשריבן:
ליטוואק פון בודאפעסט האט געשריבן:גאר א קליינע פערצענט פון כלל ישראל גייט אין ישיבות, אפילו היינט.

פאסט נישט פאר דיר ליטוואק צו נוצען די אלטע אויסגעדראשענע טענה אז מיר זענען א קליינע פראצענט פון כלל ישראל. מיר האבן נישט קיין שייכות מיט דעס וואס איינשטיין איז א איד און דאס אז און מאדרען ארטדאקס לערנט מען אין קאלעטזש. די פאקט איז אז הונדערט פראצענט פון אונז חרדים לערנט מען א פייג (עכ"פ הונדערט פראצענט חסידים) און מען קען נישט אויסשטעלן א קולטור מיט א סיסטעם ווי הונדערט פראצענט פון זיי גייען זיצען אין לערנען און האבן נישט קיין אנדערע אפציעס.

איך זע אז דו האסט נישט ריכטיג פארשטאנען ליטוואק'ס ווערטער, וועל איך דיר געבן צו פארשטיין. ליטוואק טענה'ט אזוי:
ליטוואק פון בודאפעסט האט געשריבן:מ׳האט געגנב׳ט די נאמען ישיבה און געלייגט אויף יעדען אנטשטאלט וואס האלט אין זיך ווארמע קערפערס אין די יונגע יארגאנג, זכרים נקבות און אלס אינצווישען.
אין אנדערע ווערטער, ווען ער זאגט אז רוב כלל ישראל גייט נישט אין ישיבות מיינט ער נישט די מאדערנע, ער מיינט טאקע די דאזיגע אידן וואס גייען מיט ווייסע אונטערוועש און שווארצע אויבערוועש. ליטוואק האט נישט קיין שום פראבלעם, אז אנשטאט ציילן די שעות ביז זיי ווערן באפרייט פון די אנשטאלטן, אדער זוכן א פלאץ וואו צו רייכערן (אויפ'ן בעסטן פאל) וואו דער משגיח זאל זיי נישט טרעפן, זאלן אונזערע קינדער לערנען אביסל גראמאטיק. ער וויל נאר איין זאך, לאז ארויס די ישיבות פון די גאנצע זאך. א ישיבה איז געמאכט צו לערנען תורה, נישט סייענס.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2696
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2535 מאל
האט שוין באקומען לייקס: 1719 מאל

Re: די אמת וועגן די קאמף פאר עדיוקעישען אין ישיבות

הודעהדורך אונטער חכם » פרייטאג יאנואר 11, 2019 3:57 am

יתרו האט געשריבן:יעצט זעה איך אז כדי צו פארשטיין די תגובה ברויך מען ליינען קודם זיין ערשטע תגובה אשר על כן וועל איך דאס מעתיק זייך לתועלת העיון
בענדזשאמין פרענקלין האט געשריבן:
קודם א הקדמה קטנה: ליינט נישט דעם ארטיקל בין גברא לגברא, און אויך נישט בחפזון, ליינט עס במתינות מתחלתו ועד סופו, אפילו אנפאנג זעט דער ארטיקל אויס קאמיש איז עס אבער טויט ערנסט, ס'איז 'דברים גדולים נשנו כאן'.

און יעצט צום ענין:
איך וויל אדרעסירן א פרישע הצעה וואס איז ערווענט געווארן אין איינע פון די אידישע אויסגאבעס, א נייע געדאנק ווי אזוי זיך צו ספראווען מיט די גזירות גיוס, הגם די הצעה איז אזוי אבסורד, אז עס פארדינט אפילו נישט קיין אנאליז און אפּ-ענטפער, וויל איך עס יא אדרעסירן, וועגן צוויי סיבות איינס: ווייל סוף כל סוף זענען דא מענטשן וואס קענען דאס נאכזאגן מיט א פשטות אן א בלינק מיט א אויג, צווייטענס, וזה העיקר: דאס וועט זיין א שטיקל הקדמה צום קומענדיגן ארטיקל 'דער אלטערנאטיוו'.


די פרישע הצעה איז נתחדש און געדריקט געווארו אש שחורה על גבי אש לבנה אינעם איינציגן אומאפהענגיגע אידישע ארגאן 'דער איד', אין דעם רעספעקטירטע אפטיילונג 'פון דא און דארט', יענער, א גרויסער חכם, וואס שרייבט מער פון דארט ווי פון דא, רעדט איבער די מעגליכקייטן וואס די חרדישע אידנטום האבן אין באזיס זיך צו ספראווען מיט די גזירת גיוס, צווישן אנדערע דערמאנט ער דארט א פלאן אז חרדישע אידן זאלן פארלאנגען פון מדינת ישראל אויטאנאמיע. און פטור אן עסק.

איר הערט ברידער טייערע, אויטאנאמיע, נישט מער און נישט ווייניגער אויטאנאמיע!!

לאמיר דאס אביסל צו לייגן אויף קליין געלט וואס דאס מיינט אויטאנאמיע, און וואס אזא פארלאנג באדייט, און פארוואס אזא געדאנק איז אזוי לעכערליך און טפשות'דיג אזש עס פאסט ניטאמאל פארן פורים אפטיילונג פון דער איד 'פון דא און דארט' .

אויטאנאמיע מיינט אין אנדערע ווערטער, אז חרדים זאלן האבן אן אייגענע ווירטשאפט, אזא סעמי אייגענע לאנד, אלע הוצאות אלע הכנסות אלע שטייערן גייען צום נייעם געשאפענעם אויטאנאמיע לאנד, און מען זאגט צו מדינת ישראל שלום ולא להתראות.

און דעמאלטס וועט זיין א עולם התיקון!!
אדער אפשר א מדבר שממה.

כדי מ'זאל פארשטיין וואספארא עולם התיקון ס'וועט דעמאלטס זיין, וועלן מיר פרובירן עס מסביר זיין אויף קליין געלט.

שטעלט'ס ענק פאר מדינת ישראל נעמט אן דעם פארשלאג, זיי געבן אהין פאר די חרדים א שטיקל לאנד, אבער נישט אין מדינת ישראל נאר אין א צווייטן קאנטינענט, א שיינעם פרוכטבארן שטח, ערגעץ אינעם אפריקאנעם דזשאנגל, מען צאלט אלע חרדים 'א איין וועג טיקעט' און מ'זאגט זיי 'יוא-אר-אהן-יואר-אוין'. כ'מיין אז א פעדער איז צו ארעם צו באשרייבן ווי אזוי עס וועט דארט אויסזעהן נאך א צוויי דריי יאר.

אין איין ווארט: מיר וועלן נישט אויסזעהן קיין סאך אנדערש ווי די צוריקגעבליבענע אפריקאנע שבטים וואס דרייען זיך דארט, איך רעד פון די שבטים וואס גייען נאך מיט די אור-אלטע צירונג פונעם שטיין עפאכע, דריי רינגלעך אריינגעבויערט אינעם אויבערשטן ליפּ, און צוויי גרויסע עלעפאנט ציינער קינסטלעך אריינגעשטעקט אינעם אויער לאך אלץ אן ערזאץ פון די היינטיגע אויערינגלעך, א אפגעהויבלטע בּאַמבּאָ דורכגעלעכערט פון איין באק צום צווייטן, די מקומות המכוסים זענען באדעקט מיט קליידער געמאכט פון פייגן בלעטער און צווייגעלעך אזוי ווי אדם הראשון הארט נאכן זינדיגען.

קיין הייזער וועלן מיר, חרדים, נישט קענען בויען פשוט ווייל מיר האבן נישט קיין אינזשענירן, און אפילו עס וועט זיך מאכן א בעל תשובה דארט וואס האט אין זיינע עבירות יארן געלערנט אביסל פון די חכמה היוונית, האלטן מיר נאך אויך נאך נישט אין ערגעץ ווייל מיר האבן נישט די מינדעסטע ידיעה ווי אזוי צו פארקנעטן ליים, ווי אזוי אויסהאקן א ציגל, ווי אזוי אויסשעפן אייזן פון דער ערד, צולאזן אייזן, גליען און פארמירן אייזן און שטאנגען, א קיצור מ'קען אויסרעכענען בערך הונדערט פאכן וואס מען דארף אלץ קענען צו קענען פראדוצירן כלים און סחורה אויף צו בויען א פשוטע הויז.

אלזא וועלן מיר גיין וואוינען אין די היילן, מען וועט טרעפן הויכע בערג, אויסזוכן א נקרת צור, זיך באזעצן דארט און לעבן אזוי ווי מען האט געלעבט פאר פיר טויזענט יאר צוריק.

פאנגט זיך אן די שאלה וכי תאמרו מה נאכל?

איז אזוי, פון ירוקת און פירות קען מען פארגעסן ווייל אויף דעם דארף מען אויך קענען מער ווי פופצן מלאכות, ווייל נישט נאר גרינע דאלערס וואקסן נישט אויפן בוים נאר פירות און ירקות וואקסט אויך נישט - אז מען ווייסט נישט ווי אזוי צו פלאנצן, אז מען ווייסט נישט ווי אזוי צו זייען און אקערן וואקסט נישט קיין שושנים נאר חוחים. און אז די עסקנים וועלן ארלעדיגן אן אקער אייזן און א אפאר אקסן איז מען נאך אלץ נישט קיין געהאלפענער ווייל אפילו עס וואקסט שוין, דארף מען וויסן ווי אזוי זיך צו באגיין דערמיט בשעת'ן וואקסן, וועלכע כעמיקאלן צו שפריצן אקעגן ווערים, וועלעכע שלעכטע גראזן אויסצורייסן, און ווי אזוי אוועק צולייגן פון ווינטער אויפן זומער, און די אלע זאכן גייען אריין אין ללמדו אומנות וואס מיר האבן שוין פון לאנג פארלוירן די מסורה אויף דעם צוזאמען מיטן תכלת.

העט מען גיין אויף א פלייש דיעטע, מ'וועט זיך מוזן ארויסלאזן אויפן יאגד און גיין פאנגען חיות, הערשן און זשיראפן, איי פון ווי וועט מען האבן א פייל אין בויגן, א גוטע קשיא, אפשר וועט מען מאכן נעצן פון שטריק, ווי אזוי מאכט מען שטריק? שוין הער אויף משוגע מאכן, אפשר וועט מען כאפן דעם הערש מיט די בלויזע הענט, מוועט עס שעכטן מיטן שוחט אדער מילה מעסער, דאס האבן מיר לרחצה [איינמאל דאס מילה מעסערל וועט אנפאנגען ראסטן ווייס איך נישט וואס מ'וועט דעמאלטס טוען, אפשר וועט מען מהלען מיט א א שארפע שטיין אזוי ווי ציפורה ווען די שלאנג האט איר געוואלט איינשלינגען.

ווי אזוי קאכט מען אפ דעם הערש? קיין כירות קען מען נישט בויען און א תנור אוודאי נישט, ניטאמאל א כופח, ווייל די פני שבת בילדער משניות קומט נישט מיט קיין אינסטראקשענס, בלית ברירה וועט מען עסן בישרא דגמרי, דאס הייסט קוילן-פלייש, אבער דער עולם וועט שוין זיין אזוי הונגעריג אז מען וועט עס אראפשלינגען נאך פאר עס האט צייט צו ווערן כמאכל בן דרוסאי.

מ'קען אינדעם דעם מאריך זיין אזוי לאנג עד שיעלה עמוד השחר, נאר פארוואס מאכן מער קאלעמוטנע אויפן הארץ ווי מען דארף, דער קלוגער כאפט שוין אזוי, און דער נאר... ליינט דאס ממילא נישט.

די נקודה איז אז די שאנסן איבערצולעבן אזא מצב מער ווי פינף יאר איז נענטער צו נול, מענטשן וועלן שטארבן און די מאסן פון הונגער און מחלות און וועם די הונגער און מחלות וועט איבערלאזן וועט די ווינטער-פרעסט און די זומער-היץ צו ענדיגן, ממש אזוי ווי די תוכחה ח"ו היל"ת.

מיט אזא וואוינוג און נערונג, וועט בערך איינס פון פינף קינדער איבערלעבן די מחלות און קרענק וואס בוזשעוועט דארט ווי די ארבה אין מצרים. און די שארית הפליטה וועלן אויך נישט לעקן קיין האניג, ביי די זעקס אין דרייסיג וועט מען שוין נישט האבן קיין איין ציין, אזוי אז פון קייען מצה ביי כורך וועט מען קענען פארגעסן, איינער וואס וועט דערלעבן די פערציג וועט הייסן א זקן ובא בשנים.

אויפן בעסטן אופן וועל די מער פעסט געבויטע, די מיט אן איבערפלוס פון געזונטע גענעס זיך אדאפטירן צום זשאנגעל לעבן, זיי וועלן אויסקוקן ווי נאך איינע פון די צענדליגע שבטים דארט ענליך צו די רויטע בני משה אדער די שווארצע בני גד.


יא יא, אזוי זעהט אויס א קולטור וואס האט ארויס גערופן א מלחמה קעגן וויסענשאפט, א מלחמה קעגן טעכנעלאגיע, א מלחמה קעגן עקאנאמיע, א מלחמה קעגן יעדע זאך וואס מאכט אונזער לאנד, אונזער געזונט, אונזער לעבנס שטייגער אנדערש ווי די אפריקאנע זשאנגעלס.


דאס אז מיר לעבן אויסגעמישט צווישן ציוויליזירטע מענטשן, און א פארגעשריטענע סאסייעטי ברענגט אונז אריין אין א אילוזיע, אז מען קען באמת האבן פון ביידע, מען קען בלייבן מיט אביסל סייענס פון פינף טויזענט יאר צוריק, און מען קען הנאה האבן פון א לעבנס שטייגער פון שנת אלפיים ושלש עשרה. אבער די מציאות קראכט אין פנים, ס'גייט נישט צוזאמען.

די איינציגסטע סיבה פארוואס היינט צוטאגס זעהען מיר אויס אנדערש ווי די אפריקאנע שבטים איז ווייל מיר לעבן צווישן ציוויליזירטע מענטשן, און יא! מיר לעבן מער ווייניגער אויף זייער חשבון.

רבותי, מיר זענען אפריקאנע שבטים וואס דרייען זיך צווישן ציוויליזירטע מענטשן, מיר זענען אומוויסענדע עטיאפיאנער וואס לעבן אויף די גענאדע פון געלערנטע, און אז דאס האט געקענט אנגיין פאר פופציג יאר אדער פאר הונדעטט יאר מיינט נישט אז עס איז א דבר של קיימא, רבותי די צייט וואס מלאכתינו נעשית ע"י אחרים האלט זיך ביים ענדיגן און יפה שעה אחת קודם.

ס'איז דא א פשוטע עקאנאמיע קאנצפעט וואס כמעט יעדע בר בי רב און היי סקול סטודענט פארשטייט דאס, און ביי אונז קען זיין קלוגע אידן מיט לאנגע ווייסע בערד (צו אן בערד) וואס די דאזיגע דבר פשוט גייט זיי נישט אריין אין קאפּ, איך רעד פון קלוגע אידן, ראשי קהילה, עסקנים, קהילה פארטרעטער, עדיטאריעל שרייבער, צייטונג שרייבער וכו',

די קאנצעפט איז וואס טייטש "געלט", געלט טייטש נישט שטרות, געלט טייטש ארבעט, געלט טייטש פראדוקציע, די 'בענזשאמין פרענקלין שטרות' איז סך הכל א שטר מוסכם, א וואלוטע וואס געמיינדעס, לענדער און אינדיווידואלן פארטוישן זייער פראדוקציע, און יעדנ'ס וואלוטע ווענדט זיך און לויט דעם קראפט פון זייער עקאנאמיע.

אמאליגע צייטן האט יעדע געמיינדע, יעדע לאנד, געמוזט פראדוצירן אלעס אליין, פון אלף ביז תיו, אשל מלא, פון זאקן אנצוטאן ביז פרוכט צו עסן, מיט די יארן איז די וועלט געווארן מער פארגעשריטן האט מען אנגעפאנגען אימפארטירן און עקספארטירן פון איין לאנד צום צווייטן איז די גאנצע וועלט געווארן ווי איין גרויסע אינטערנאציאנאלע געמיינדע, ממילא דארף נישט יעדע לאנד פראדוצירן אלעס אליינס, אבער יעדע לאנד דארף פראדוצירן גענוג סחורה וואס זאל ווערד זיין די שוויות פון אלע זייערע הצטרכות פון אלף ביז תיו, אז נישט זענען זיי אין א דעפעציט!!.

היינט איז שוין אזוי אז יעדע לאנד האט זיך זיין עקספערטיז וואס ער פראדוצירט, אזוי דארף די וועלט געמיינדע אנקומען צו אים, למשל יאפאן פראדוצירט טעכנאלאגיע קאמפיוטערס און קארס, ווידעראום רוסלאנד פראדוצירט וואפן און אויל, די אראבישע גאלף לענדער וואס האבן נישט אסאך צו פארקויפן האבן זיי ברכת ישמעאל וכו', מדינת ישראל איז שטארק אין טעכנעלאגיע אגרי-קולטור וכו' די אונטערשטע שורה איז אבער ווי אויבן דערמאנט אז יעדע לאנד דארף פראדוצירן גענוג סחורה וואס זאל ווערט זיין די שוויות פון אלע זייערע הצטרכות'ן פון אלף ביז תיו, אז נישט זענען זיי אין א דעפעציט.

ולכן דייטשלאנד וואס איז א העכסט געבילדעטע לאנד שטעלט צו פון בי עם דאבעליואס און באש מיקסערס, ביז טעלעפאנס און מערצעדיס, זענען איינס פון די גרעסטע עקאנאמיע וועלטס מאכטן, האיטי מאידך גיסא וואס פארמאגט גארנישט אויסער א מאסע אומגעבילדעטע מענטשן א באנדע אנאלפאבעטן און פארקויפן נישט גארנישט אויסער מאסע ארבעטער וואס זענען גרייט צו קלויבן קאקאו באנדלעך איז זייער עקאנאמיע גוט אין דער ערד, ולכן זענען דא דארט מגיפות לרוב, און מיליאנען קינדער וואלטן שוין לאנג געשטארבן פאר הונגער ווען נישט אמעריקע און די יו ען מישט זיך אריין און דערהאלט זיי ביים לעבן מיט א טעלער רייז און גלזעל וואסער.

יעצט לאמיר צוריק גיין צו אונז חרדים: וואס איז אונזער פראדוקציע אויסער קינדער?

וואס פראדוצירן מיר אויסער קניפן ציצית, וועבן גארטלעך און פלעכטן הבדלה לעכט, גארנישט, און נאכאמאל גארנישט. אין איין ווארט, אונזער פראדוקציע דעקט נישט אונזערע הוצאות. אונזערע הוצאות איז אזוי ווי יעדע ציוויליזירטע פאלק (און אפשר נאך מער) און אונזער פראדוקציע איז עשרת מונים מתחתיו.

די תירוץ מיט וואס די חרדישע ישראלישע פרעסע פארטעמפט די מוחות פון די מאסן, איז אז מיר צאלן די מערסטע מע"מ (שטייער) ווייל מיר קויפן די מערסטע עסן, פאר אונזערע קינדער געבענטשע פאמיליעס, און ווען מען קויפט עסן צאלט מען צען פראצענט מע"מ, ממילא ביישטייערן מיר די מערסטע פאר די מדינה.

רבותי דאס איז א פאלנע קאפ פארדריי. ווייל אויב איז עס אמת הא גופא קשיא, פון ווי נעמען מיר די געלט צו קויפן עסן, נאכאמאל פאר ווער ס'האט נישט פארשטאנען ביז איצט, געלט קען נישט קומען און קומט נישט נאר דורך פראדוקציע וואס עס ווערט איינגעטוישט פאר וואלוטע (געלט) פון וועמענס פראדוקציע קומט אונזער געלט? נישט פון אונזערס ווייל מיר פראדוצירן זילטש.

ווי אזוי באצאלן מיר פאר עסן?
ווי אזוי באצאלן מיר פאר דאקטוירים?
ווי אזוי באצאלן מיר פאר פאליציי און פייער לעשער?
ווי אזוי באצאלן מיר פאר לעקטער און געז?
ווי אזוי באצלן מיר פאר אלע סערוויס פונעם לאנד פאר די ראודס, סייד וואוקס, אינפאסטראקטור באסעס, לופט פעלדער, וכו' וכו', איך רעד שוין נישט פון מיליטער משמר הגבול מוסד און שב"כ.

מיט וועמענס פראדוקציע? נישט מיט אונזערס ווייל מיר פראדוצירן גארנישט.

אויב איר האט נאך קווענקעלנישן און צאנקענישן איבער דאס וואס איר האט נארוואס געלייענט, ליינט דעם קומענדיגן הודעה.
די גאנצע טעאריע דא שטימט אינגאנצן נישט, רובא דרובא מענטשן אין אמעריקע קענען נישט קיין אינזשענירונג און נישט קיין פעלד ארבעט, יעדער קען זיך זיין פאך פונקט ווי הונדערטער אידן קענען שניידעריי און שוסטעריי , קאנסטראקשן און פלאמבינג.
אויב די זאך איז אז מען מוז האבן א פראצענט פראפעסיאנאלן אויב וועט זיין אן אויטאנאמיע אין ארץ ישראל וועט מען דאס האבן
(איך רעד נאר פון די נקודה, פארשטייט זיך עס זענען דא נאך אסאך פראבלעמען וואס אזא אויטאנאמיע וועט אויסשטיין, ובעיקר מאסיווע קארופציע וואס דאס וועט טאקע אונטערברענגען די עקאנאמיע)
אונטער חכם
ידיד ותיק
ידיד ותיק
 
הודעות: 636
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 597 מאל
האט שוין באקומען לייקס: 297 מאל

הודעהדורך יתרו » פרייטאג יאנואר 11, 2019 11:56 am

רביה''ק זי''ע האט געשריבן:
יתרו האט געשריבן:
ליטוואק פון בודאפעסט האט געשריבן:גאר א קליינע פערצענט פון כלל ישראל גייט אין ישיבות, אפילו היינט.

פאסט נישט פאר דיר ליטוואק צו נוצען די אלטע אויסגעדראשענע טענה אז מיר זענען א קליינע פראצענט פון כלל ישראל. מיר האבן נישט קיין שייכות מיט דעס וואס איינשטיין איז א איד און דאס אז און מאדרען ארטדאקס לערנט מען אין קאלעטזש. די פאקט איז אז הונדערט פראצענט פון אונז חרדים לערנט מען א פייג (עכ"פ הונדערט פראצענט חסידים) און מען קען נישט אויסשטעלן א קולטור מיט א סיסטעם ווי הונדערט פראצענט פון זיי גייען זיצען אין לערנען און האבן נישט קיין אנדערע אפציעס.

איך זע אז דו האסט נישט ריכטיג פארשטאנען ליטוואק'ס ווערטער, וועל איך דיר געבן צו פארשטיין. ליטוואק טענה'ט אזוי:
ליטוואק פון בודאפעסט האט געשריבן:מ׳האט געגנב׳ט די נאמען ישיבה און געלייגט אויף יעדען אנטשטאלט וואס האלט אין זיך ווארמע קערפערס אין די יונגע יארגאנג, זכרים נקבות און אלס אינצווישען.
אין אנדערע ווערטער, ווען ער זאגט אז רוב כלל ישראל גייט נישט אין ישיבות מיינט ער נישט די מאדערנע, ער מיינט טאקע די דאזיגע אידן וואס גייען מיט ווייסע אונטערוועש און שווארצע אויבערוועש. ליטוואק האט נישט קיין שום פראבלעם, אז אנשטאט ציילן די שעות ביז זיי ווערן באפרייט פון די אנשטאלטן, אדער זוכן א פלאץ וואו צו רייכערן (אויפ'ן בעסטן פאל) וואו דער משגיח זאל זיי נישט טרעפן, זאלן אונזערע קינדער לערנען אביסל גראמאטיק. ער וויל נאר איין זאך, לאז ארויס די ישיבות פון די גאנצע זאך. א ישיבה איז געמאכט צו לערנען תורה, נישט סייענס.

איך האב מיר באצויגען צו ליטוואקס ענטפער צו גדלי', כאילו אונזער סיסטעם איז נארמאל ווייל נאר א קליינע פראצענט גייט אין ישיבה. אז ליטוואק איז מודה אז אונזער סיסטעם איז א חרבן ווייל מיר שטעלן נישט צו קיין לימודי חול און אונזער "אזוי גערופענע" ישיבות (נישט די צווי דריי ליטווישע ישיבות וואס קומט נאך ליטוואקס סטאנדארטן) זענען מיר אויף איין פעדזש.
לייק מיך יא לייק מיך נישט, כהאדיר עניוועי אין דר'ערד.
יתרו
ידיד ותיק
ידיד ותיק
 
הודעות: 746
זיך רעגיסטרירט: זונטאג דעצעמבער 09, 2012 11:32 pm
האט שוין געלייקט: 442 מאל
האט שוין באקומען לייקס: 653 מאל

Re: די אמת וועגן די קאמף פאר עדיוקעישען אין ישיבות

הודעהדורך ליטוואק פון בודאפעסט » פרייטאג יאנואר 11, 2019 12:40 pm

איך באצי זיך בעיקר צו איין נקודה, די היסטארישע. היסטאריש האט מען נישט געלערנט צו געשעצט לימודי חול, באופן כללי. די ארטיקלען אין דער וועקער האבען נישט געצייגט פארקערט, וכדברי באשכול ההיא.

וואס צוטון היינט, איז גאר אן אנדערן שמועס. איז די היסטאריא אונז מחייב? ווי אנדערש זענן די היינטיגע אומשטענדן? וואס זענען די אומגעוואונטשענע אויסקומפן פון א גרויסע טויש אין די חינוך? וואס איז די מינימאלסטע טויש וואס מ׳קען מאכען? די אלע דארף מען אויסשמועסן, און איך קום נישט מיט קיין ענדגילטיגע לעזונג.

די ווערטער פון בען פראנקלין, ווי שיין און געשמאק עס איז געווען צו ליינען, זענען געבויט אויף א הנחה מיט וואס איך שטים נישט. די גרויסע פקחות, ווייטע בליק און אחריות׳דיגע שפראך פון דער שרייבער פון דער באקאנטע ׳דער פאץ׳ אויסגאבע שיינט פון יעדער ווארט זיינער, און בפרט זיין פלאן פון אוטונאמיע. נאר צו אונז האט עס נישט. מ׳וועט קיינמאל נישט קענן מאכען א גענצליכע אייגענארטיגע ווערטשאפט, דער אויבישטער האט באשאפען א גאנצע וועלט צו באדינען די אידען. ווען משיח קומט, וועלן די ארכיטעטקטן און דאקטוירים און דזשאניטארס זיין גוים, בשעת אז אידען וועלן זיך פארען מיט די גאר וויכטיגע ארבעט פון עבודת ה׳. עס איז בכלל נישט וויכטיג אוועק צו שטעלן א תשובה צו די פראבלעם פון היימישע פארמערס און גענעטישע פארשערס.

די ענטפערס פון איזראעלי צייטונג שרייבערס זענען נישט ווערט קיין שפיי, און די סיסטעם אין א"י איז (עכ"פ פון דער ווייטענס. דער אמת ווייסען מיר נישט) אביסל איבערגעטריבן. די שאלה איז נאר, וואס קען מען טון היינט אז עס זאל זיך נישט גענצליך צופאלן? דאהי אין אמעריקא, ווי לאנג טערמיניגע כולל איז נחלת הפרט, דארף מען די תיקון די אנדערע וועג. אז מ׳זאל מער לערנן, נישט ווייניגער.

Sent from my LG-K373 using Tapatalk
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 8697
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3035 מאל
האט שוין באקומען לייקס: 8156 מאל

הודעהדורך רביה''ק זי''ע » פרייטאג יאנואר 11, 2019 1:03 pm

ליטוואק פון בודאפעסט האט געשריבן:איך באצי זיך בעיקר צו איין נקודה, די היסטארישע. היסטאריש האט מען נישט געלערנט צו געשעצט לימודי חול, באופן כללי.

כ'האב נישט געואוסט אז דער בלאט קומט אן קיין בודאפעסט אויך...

ערנסט גערעדט איז נישט מעגליך צו מאכן א כלל אין דעם, ס'געווען וואס האבן יא געשעצט וויסנשאפט, און ס'געווען וואס האבן נישט. לבקשתך וועל איך נישט דערמאנען די פאקט אז א גרויסע טייל ראשונים האבן קלאר יא געשעצט וויסנשאפט, ווייל אונז האבן אנדערע גדולים און לאו מפיהם אנו חיים. אבער אפילו אין די לעצטע הונדערט-און-פופציג יאר, זענען אויך געווען איבערגעונג גדולים וואס האבן געטון אין דעם. מ'האט שוין דערמאנט דא דעם גר"א, די גרויסע תלמידים פונעם וואלאז'ינע ישיבה, ואטו כרוכלא...
באניצער אוואטאר
רביה''ק זי''ע
חבר ותיק
חבר ותיק
 
הודעות: 2696
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2535 מאל
האט שוין באקומען לייקס: 1719 מאל

הודעהדורך קאך_לעפל » פרייטאג יאנואר 11, 2019 1:11 pm

רביה''ק זי''ע האט געשריבן:
ליטוואק פון בודאפעסט האט געשריבן:איך באצי זיך בעיקר צו איין נקודה, די היסטארישע. היסטאריש האט מען נישט געלערנט צו געשעצט לימודי חול, באופן כללי.

כ'האב נישט געואוסט אז דער בלאט קומט אן קיין בודאפעסט אויך...

ערנסט גערעדט איז נישט מעגליך צו מאכן א כלל אין דעם, ס'געווען וואס האבן יא געשעצט וויסנשאפט, און ס'געווען וואס האבן נישט. לבקשתך וועל איך נישט דערמאנען די פאקט אז א גרויסע טייל ראשונים האבן קלאר יא געשעצט וויסנשאפט, ווייל אונז האבן אנדערע גדולים און לאו מפיהם אנו חיים. אבער אפילו אין די לעצטע הונדערט-און-פופציג יאר, זענען אויך געווען איבערגעונג גדולים וואס האבן געטון אין דעם. מ'האט שוין דערמאנט דא דעם גר"א, די גרויסע תלמידים פונעם וואלאז'ינע ישיבה, ואטו כרוכלא...


הפלא ופלא... אויב עמיצער האלט אדער ווייסט אנדערש פון די צוויי אנגעבליכע ווילן-זיין-משכילים / בדחנים מר' ראבהאק און מר' גדלה, ווערט באלד באשולדיגט מיט בלאט אנגעלייענטקייט...
און די ליטוואק גיבט נישט אויף יעדע ענפער וואס אימער ס'זאל בלויז זיין, איז ארגאזאם פאר די צוויי קלאונס...
קאך_לעפל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1682
זיך רעגיסטרירט: מאנטאג דעצעמבער 10, 2012 12:16 pm
האט שוין געלייקט: 159 מאל
האט שוין באקומען לייקס: 1840 מאל

הודעהדורך רביה''ק זי''ע » פרייטאג יאנואר 11, 2019 1:25 pm

קאך_לעפל האט געשריבן:הפלא ופלא... אויב עמיצער האלט אדער ווייסט אנדערש פון די צוויי אנגעבליכע ווילן-זיין-משכילים / בדחנים מר' ראבהאק און מר' גדלה, ווערט באלד באשולדיגט מיט בלאט אנגעלייענטקייט...

די פאקט איז, אז איך האב נאך קיינמאל נישט געליינט די בלאט (אויסער די בילדער) און דו יא. ר' משה האט געזאגט, אז ער האט א ריינע דעת תורה, ווייל ער האט קיינמאל נישט געליינט קיין צייטונג, ומכלל הן אתה שומע לאו.

היסטאריע לערנט מען פונעם גוגל הדור, נישט פונעם בלאט. ווען איך זאג נאך א היסטארישע פאקט פון וויקיפעדיע און דו זאגסט פארקערט, און פון דיין לשון זעט אויס ווי דו ציטירסט ווארט ביי ווארט פונעם בלאט, איז די איינציגסטע זאך וואס איך קען טראכטן אז דו נעמסט עס טאקע פונעם בלאט. אדרבה, ברענג אהער דיינע מקורות, וירא הקהל וישפוט.
רעדאגירט געווארן צום לעצט דורך רביה''ק זי''ע אום פרייטאג יאנואר 11, 2019 2:51 pm, רעדאגירט געווארן איין מאל בסך הכל.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2696
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2535 מאל
האט שוין באקומען לייקס: 1719 מאל

פריערדיגענעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 6 געסט