די אנטי-עירוב עקסטרעמיסטן מאכן א טעות

ארטיקלען און באטראכטונגען איבער דער חרדי'שער געזעלשאפט און קולטור

די אנטי-עירוב עקסטרעמיסטן מאכן א טעות

הודעהדורך העניך » מאנטאג מאי 27, 2019 10:40 pm

זיך געפונענדיג אינעם צוואנציגסטן יאר זייט דער עירוב איז געבויט געווארן אין בארא פארק בשנת תש"ס, קומען אצינד פאר גרויסע פראפאגאנדע קאמפיינס קעגן די עירובין אין וויליאמסבורג און אין בארא פארק. אין וויליאמסבורג פלאנען די אנטי-עירוב עקסטרעמיסטן צו מאכן א מאסן-פראטעסט דעם קומענדיגן שבת אויסצושרייען די "וויי געשריי" קעגן דעם "פסול'ן" עירוב. אין בארא פארק הענגען מאדערן-גראפירטע פלאקאטן אין די גאסן וואס שרייען אז דער עירוב איז נישט געמאכט פאר אידן, "נישט פאר דיר און נישט פאר מיר." (אפשר איז דער בארא פארקער עירוב אויך געמאכט געווארן פאר די ראדני-גוים.)

עס איז נישט קיין סוד אז אין בארא פארק איז דער עירוב א הילכיגער סוקסעס. רוב שטאט פארלאזט זיך אויפ'ן עירוב, צי לכתחילה און אוודאי בדיעבד. אין וויליאמסבורג, ווידעראום, זעט מען ווייניגער מענטשן טראגן מיט'ן עירוב, א דאנק א סוקסעספולן לאנג-יעריגן טעראר קאמפיין צו שיקאנירן סיי פון די וואס באנוצן זיך מיט'ן עירוב און סיי די רבנים וואס האבן גע'פסק'נט אז דער עירוב איז כשר לכתחילה.

איך בין נאך געווען א אינגל ווען די מלחמה האט אויסגעבראכן אין תש"ס. און ווען איך טראכט היינט צוריק שטוין איך ווי אונזער וועלט האט זיך געטוישט אין די לעצטע צוואנציג יאר. די אלע טענות ומענות פון די אנטי-עירוב עקסטרעמיסטן זענען היינט אזוי לאכעדיג און טפשות'דיג אז אפילו די קיצונים וואלטן זיך נישט געוואגט היינט זיי צו זאגן און שרייבן. (כ'רעד נישט פון די לעגיטימע הלכה'דיגע דעבאטעס כדרכה של תורה.)

דאס זעלבע קולטורעל. פאר צוואנציג יאר צוריק איז געווען נארמאל אז א ראש המשפחה, א טאטע, א זיידע, זאל אננעמען א צד קעגן דעם עירוב, און זאל דערקלערן פאר בנים ובני בנים אז "ביי אונז אין דער משפחה טראגט מען נישט." און וויי פאר דער שניר אדער אייניקל וואס וואגט זיך צו טון אנדערש פון דעם זיידנ'ס "פסק". שטעלט אייך פאר היינט, אין שנת תשע"ט, זאל אפיר קומען א הלכה'דיגע קאנטראווערסיע. אוודאי זענען נאך פאראן ראשי משפחות וועלכע זענען דיקטאטארן און פרובירן ארויפצוצווינגען זייערע דעות. אבער דאס וואס איז געווען נארמאל צוואנציג יאר צוריק איז היינט אזוי מאדנע און אפגעפרעגט, אז ס'איז בכלל נישט עולה על הדעת אז ס'וואלט היינט געקענט מצליח זיין אויף א מאסנשטאבליכן פארנעם.

בכלל האט דער אינדיווידועל מיט זיינע דעות כמעט נישט עקזיסטירט צוואנציג יאר צוריק. ס'איז בכלל נישט געווען קיין פלאץ צו זאגן א מיינונג פארקערט פון וואס די צייטונגען האבן באשטימט. אז די פרא-עירוב עסקנים האבן געוואלט לאזן הערן זייערע מיינונגען, האבן זיי זיך געמוזט באנוצן מיט פאשקעווילן... ס'איז נישט געווען קיין שום אנדערער וועג! ס'איז נישט געווען קיין סאשעל מידיע, קיין קאווע שטיבל אדער וואטסעפפ, און מ'האט פשוט דערשטיקט די דעות וואס מ'האט נישט געגליכן.

די אנטי-עירוב עקסטרעמיסטן דארפן זיך פרייען אז זיי האבן נאך אריינגעכאפט זייער מערכה אין דער פרימיטיווער תש"ס, און עס איז שוין אזוי געבליבן ביי פילע אז "מ'טראגט נישט." אויב פאנגען זיי יעצט אן א פרישע מערכה עפענען זיי א קאנע פון ווערעם. אן עירוב-דעבאטע אין תשע"ט מיינט אז יעדער מענטש האט א מיינונג און קען איר לאזן הערן; עס מיינט אז די וואס זענען פרא-עירוב האבן גענוג וועגן אנצוקומען צו אלפים ורבבות און מסביר זיין זייער שטעלונג; עס מיינט אז מענטשן וועלן אין אלגעמיין פאסן זייערע אייגענע באשליסן און וועלן נישט נעמען דיקטאטן פון א דור אדער צוויי צוריק.

א קלוגע סטראטעגיע פאר די עקסטרעמיסטן איז פשוט צו גראבן שטילע וואסערן. גייט אן מיט אייערע אינערליכע בלעטלעך און אסיפה'לעך, און האלט אן וואס איר האט. עפענט נישט די נושא נאכאמאל ביים ציבור - ווייל תשע"ט איז נישט תש"ס.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
העניך
היימישער באניצער
היימישער באניצער
 
הודעות: 409
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 412 מאל
האט שוין באקומען לייקס: 2111 מאל

הודעהדורך כוכב » מאנטאג מאי 27, 2019 11:07 pm

מיינע הרגשים זענען פונקט פארקערט, אמאל, מיט דעם גאנצן טעראר, האט געהערשט א געוויסע קהלישע נארמאלקייט און נישט יעדער סיקריק האט זיך געקענט צופירן די הענט און טון ככל העולה על רוחו. ס'איז טאקע געווען טעראר, מ'האט טאקע געדארפט גיין אין שפאן, ס'האט אבער געארבעט די אנדערע וועג אויך, די שפיגל ברעכערס און צלמים זעערס זענען געווען אונטערדרוקט און קהלות האבן זיך געפירט פראגמאטיש אן קיין קיצוניות. ווען קאשוי האט געוואלט אסר'ן בהמה-פלייש אדער אנדערע סיקריקים א מוסד פאר נישט געזונטע קינדער אין קרית יואל, איז מען געגאנגען בכל התוקף. כ'גיי נישט אריין אין דער דעבאטע צי ס'האט געארבעט אדער נאר געבעקפייערד, כ'ברענג עס פשוט אלס א ביישפיל וויאזוי זאכן האבן געארבעט, אז איינער האט געוואלט אריינ'קטנ'ען אין די זופ האט מען אים שיינערהייט (און נישט שיינערהייט) געוויזן דעם וועג ארויס אז ביטע טו עס נישטא.

אנדערש איז אבער היינט, יעדער צעדרייטער קען אויפבויען א תורה שלימה, קומט אזא וואנזיניגער ווי הרב ראבינאוויטש וואס בחיים חיותו האט איין ווארט נישט געקלעבט מיט'ן צווייטן און א מענטש מלא שטותים און קאנספיראציע טעאריעס און ער שרייבט אונטער די גאנצע חרדישע מעסעדזש איבער די אינטערנעט.

יעדע פרינדזש איידיע האט היינט א ריזיע פאלאושיפ, גארנישט איז נישט צו עקסטרעם אדער משוגע און אלעס דארף געשעצט ווערן, אנטי וואקסינערס זענען אויך א דעה (פאר צוואנציג יאר צוריק וואלט נישט עקזיסטירט אזא זאך ווי אנפילן א זאל צו גיין קעגן די ראט פון א דאקטאר), שומרים קארטלעך וואס ווייזט קארטונס ווי טאטעס טרעטן אן קינדער און אנדערע צעדרייטע איידיעס האט הסכמות פון פופציג רבנים, יעדער משוגענער קען איינפירן סיי וועלכע חומרא, יעדער בעל דמיון קען ברענגען סיי וויפיל טויזנטער מענטשן ער וויל נאר, זאלן פרעסן ביי סיי וועלכע שטיין, יעדער רבילע קען פארשפרייטן סיי וועלכע טפשות און שרייען סיי וועלכע לחש און ווער ס'לאכט איז דער אפיקורס, ואיש כל הישר בעיניו יעשה.

כ'זע נישט אין קיין איין הינזיכט אין חרדיזם ווי מיר זאלן נישט ווערן עקסטרעמער און עקסטרעמער, די שייטלען זענען ווידעראמאל אסור אלס עבודה זרה, אבער דאס מאל איז עס מיט'ן תשע"ט'דיגן קנאק (נארמאלע רבנים שעמען זיך נישט ווען מ'איז דאן אזא הארבע טעמע ווי תקרובת אריינצואווארפן אזעלכע פערדישע ווערטער ווי הנה השייטלען הם ממילא אסור וכו', ווי נעמט א רב ארויסצוגעבן א פסק קעגן די התנהגות פון גאנץ כלל ישראל, וועלכער גדול בישראל פון אמאל וואלט אזוי געטון? בפרט ווען דו גייסט קעגן די מטרה און דו הרגעסט דיין עבודה זרה מעסעדזש, אבער אם אין דעת הבדלה מנין), דער צענזור ווערט ערגער און ערגער, אלעס איז טריפה, טפשות איז אונזער פרישטאג און מיטאג, א שפיל פאר קינדער איז חזיר טריפה, שיר ושבח איז חזיר טריפה, דו טו עפעס און איך וועל שוין אסרן, די טשארידי קאמפיינס זענען שוין טריפה, דו טו עפעס און איך העל שוין הענגען שווארץ און ווייסע צעטליך,

ממילא, איז אזא צייט וואס יראי החטא ימאסו, די רבנים האבן נישט קיין שום שדרה, אלעס קליינע קינדערלעך שוטים, טאנצן נאך קדוש קדוש קדוש נאך יעדע משוגענע מאוומענט, צימערמאן האט א גרעסערע איינפלוס אויף די אלגעמיינע מעסעדזש ווי א מענטש מיט א גראדן שכל, טרעף איך דעם באדן גאר רייף און פאסיג פאר א פרישע פעסטע מערכה קעגן די עירוב, און כ'האלט באמת אז דאס טרייבט די חברה, מיט'ן עסן קומט דער אפעטיט און זיי ווערן אנגעדרייט פון די געשמאקע סיקריקישע נצחונות איינס נאך דער אנדערער, און ווי גרויליג ס'איז געווען בשעתו, האבן מיר היינט פיל בעסערע און שארפערע מיטלען, ארויסווארפן די קינדער פון מוסדות, שרייען חרד"'ק צא טמא, פאבליק און פרייוואט שעמינג, און תמימי לב העלין אנהויבן מאכן פאקסן וואס פעלט טאקע אויס די עירוב, רבנים וועלן נאכטאנצן חד גדיא חד גדיא, והכל על מקומו יבוא בשלום.
כוכב
חבר ותיק
חבר ותיק
 
הודעות: 2425
זיך רעגיסטרירט: מוצ"ש דעצעמבער 07, 2013 7:35 pm
האט שוין געלייקט: 4961 מאל
האט שוין באקומען לייקס: 6788 מאל

הודעהדורך חתם סופר » מאנטאג מאי 27, 2019 11:25 pm

העניך'ל, כ'האב זייער ליב דיין שרייבן, אבער דאס מאל איז כוכב דיר איבערגעשטיגן.
באניצער אוואטאר
חתם סופר
ידיד ותיק
ידיד ותיק
 
הודעות: 692
זיך רעגיסטרירט: דינסטאג יוני 18, 2013 12:43 am
האט שוין געלייקט: 546 מאל
האט שוין באקומען לייקס: 730 מאל

הודעהדורך berlbalaguleh » דינסטאג מאי 28, 2019 12:00 am

כוכב: העניך איז גערעכט מיט די נקודה אז ס'איז היינט ב"ה מער אן אפענע סאסייעטי. סיי מיט אינטערנעט. און סיי מיט די (אידישע) סאשעל מידיא. און די אלע קאפ פארדרייערס און קרומע מוחות און פוסטע ליידיגגייערס וועלכע וויללן כביכול העלפן פאר'ן באשעפער צו פיהרן די וועלט קענען שוין נישט איינרעדן פאר קיינעם אז זיי מיינען לשם שמים. דער עולם לאזט זיך שוין נישט משוגע מאכן אזוי ווי פאר 20 יאר צוריק...!

אמת. דער טעראר וואס מוסדות החינוך דרוקן אויף די עלטערן האטציך ליידער פארשטערקערט. אבער צו דעם וועט אויך בעז"ה קומען א סוף. קיינער קען נישט פאראויסזאגן. אבער ווי ס'זעהט אויס וועט קומען די ישועה דורכדעים וואס ס'וועט זיין א גרעסערער אויסוואל מיט בעסערע קאנדישאנס פון מוסדות החינוך פאר די קינדער. אזוי אז דער טעראר וואס עקזיסטירט היינט וועט אראפגיין. פארקערט. די מוסדות וועללן זיך פארמעסטן ווער ס'געט א בעסער'ן חינוך און בעסערע סערוויס מיט לייכטערע, מער מענטשליכע באדינגונגען פאר די עלטערן.

אמאליגע צייטן. פאר דער אינטערנעט האט עקזיסטירט. און נאך פאר די צייטונג און דער בלאט זענען געבוירן געווארן. און ר' סענדער דייטש זכותו יגון עלינו איז געווען א מושל בכיפה. סיי ער האט געשארט געלט. און סיי ער האט געקענט שרייבן און איינרעדן פאר'ן עולם אלעס אין דער וועלט. און ער האט אויכעט געקענט זיך באנוצן מיט אלערליי פרעכע שקרים און בילבולים און זילזולים אויף ערליכע אידן. און קיינער האט עס נישט געקענט אפלייקענען. משא"כ היינט ווען דער אייבישטער האט געגעבן אזא טייערע מתנה פאר די וועלט ווי דער אינטערנעט און סאשל מידיא האטציך אלעס אויפגעהערט. דער אמת קומט אייביג ארויס...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14519 מאל
האט שוין באקומען לייקס: 8343 מאל

הודעהדורך שמעון וואלף » דינסטאג מאי 28, 2019 12:30 am

ווי האט יענער געזאגט, ווען די רבנים האבן גע'אסר'ט טעלעוויזשן זענען מענטשן געווען באזארגט אז מ'נעמט זיי אוועק די פרייהייט אבער דער אייבירשטער האט אונז נישט פארלאזט, ס'האט געדויערט אפאר יאר און מ'האמיר באקומען אינטערנעט וכל המסתעף
באניצער אוואטאר
שמעון וואלף
חבר ותיק
חבר ותיק
 
הודעות: 2509
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 3917 מאל
האט שוין באקומען לייקס: 2620 מאל

הודעהדורך הדסים » דינסטאג מאי 28, 2019 10:56 am

זאכן גייען ביידע וועגן. פערזענליכע ענינים ווערן ע''פ רוב בעסער, למשל שלום בית און חינוך.

אבער אלגעמיינע פרומקייט ווערט קלאר מער און מער עקסטרעם.
באניצער אוואטאר
הדסים
מאנשי שלומינו
מאנשי שלומינו
 
הודעות: 90
זיך רעגיסטרירט: מיטוואך מאי 01, 2019 1:29 pm
האט שוין געלייקט: 68 מאל
האט שוין באקומען לייקס: 61 מאל

הודעהדורך טראכט א מוניט » דינסטאג מאי 28, 2019 11:41 am

די עירוב פרשה איז געווען פון די ערשטע מערכות וואס די משיגענער יצחק שטערן האט אנגעפירט,
דעמאלס האט ער נאך געקענט אויספירען זאכען און מחייב זיין די גאנצע שטאט.
היינט נאך זיינע צודרייטע מערכות וואלט ער עס נישט געקענט אויספירן.
טראכט א מוניט
א גאסט אין שטיבל
א גאסט אין שטיבל
 
הודעות: 14
זיך רעגיסטרירט: מאנטאג אפריל 30, 2018 9:59 am
האט שוין געלייקט: 9 מאל
האט שוין באקומען לייקס: 11 מאל

הודעהדורך טראכט א מוניט » דינסטאג מאי 28, 2019 12:03 pm

כוכב האט געשריבן:מיינע הרגשים זענען פונקט פארקערט, אמאל, מיט דעם גאנצן טעראר, האט געהערשט א געוויסע קהלישע נארמאלקייט און נישט יעדער סיקריק האט זיך געקענט צופירן די הענט און טון ככל העולה על רוחו. ס'איז טאקע געווען טעראר, מ'האט טאקע געדארפט גיין אין שפאן, ס'האט אבער געארבעט די אנדערע וועג אויך, די שפיגל ברעכערס און צלמים זעערס זענען געווען אונטערדרוקט און קהלות האבן זיך געפירט פראגמאטיש אן קיין קיצוניות. ווען קאשוי האט געוואלט אסר'ן בהמה-פלייש אדער אנדערע סיקריקים א מוסד פאר נישט געזונטע קינדער אין קרית יואל, איז מען געגאנגען בכל התוקף.
די זאכען זענען געווען דירעקטע מערכות קעגען די רבי׳ס, דעי חברה האט מען אונטערדרוקט.
טראכט א מוניט
א גאסט אין שטיבל
א גאסט אין שטיבל
 
הודעות: 14
זיך רעגיסטרירט: מאנטאג אפריל 30, 2018 9:59 am
האט שוין געלייקט: 9 מאל
האט שוין באקומען לייקס: 11 מאל

הודעהדורך לעיקוואד » דינסטאג מאי 28, 2019 2:23 pm

העניך און כוכב רעדן פון צוויי זייטן פון דער זעלבער ערשיינונג, עס האט טאקע מעלות מיט חסרונות, פונקט ווי אלע אנדערע זאכן...
בידינו איז עס צו נוצן צום גוטס און נישט צום שלעכטס.
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3786
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1747 מאל
האט שוין באקומען לייקס: 5790 מאל

הודעהדורך calculator » דינסטאג מאי 28, 2019 4:29 pm

א איד פרעגט מיך לעטצענס פארוואס אין וויליאמסבורג דער וואס האלט אז דער עירוב איז כשר ריפט מען אים שוין א "לינקער" ?
אפשר זאל דער וואס מאכט אויף פאטעיטעס ברכות שהכל אויך הייסען א "לינקער"?
באניצער אוואטאר
calculator
ידיד השטיבל
ידיד השטיבל
 
הודעות: 266
זיך רעגיסטרירט: מאנטאג אפריל 09, 2018 9:04 pm
האט שוין געלייקט: 38 מאל
האט שוין באקומען לייקס: 165 מאל

הודעהדורך קורקלענד » דינסטאג מאי 28, 2019 6:08 pm

לעיקוואד האט געשריבן:העניך און כוכב רעדן פון צוויי זייטן פון דער זעלבער ערשיינונג, עס האט טאקע מעלות מיט חסרונות, פונקט ווי אלע אנדערע זאכן...
בידינו איז עס צו נוצן צום גוטס און נישט צום שלעכטס.

דא אבער רעדט זיך פון א פאל וואו ס'איז בידיהם, זיי ניצן עס און אונז דארפן זיך ספראווען מיט די תוצאות....
באניצער אוואטאר
קורקלענד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1795
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1652 מאל
האט שוין באקומען לייקס: 1007 מאל

הודעהדורך העניך » דינסטאג מאי 28, 2019 10:13 pm

@כוכב, דו שרייבסט מיט א פלאם פייער, און ביסט ליידער הייליג גערעכט. אבער מורינו @לעיקוואד האט מיך ארויסגעכאפט די ווערטער פון מויל.

לעיקוואד האט געשריבן:העניך און כוכב רעדן פון צוויי זייטן פון דער זעלבער ערשיינונג, עס האט טאקע מעלות מיט חסרונות, פונקט ווי אלע אנדערע זאכן...
בידינו איז עס צו נוצן צום גוטס און נישט צום שלעכטס.

טאקע ווייל היינט איז דא מער אינדיווידואליטעט, ערלויבט דאס יחידישע סיקריקים צו לאזן הערן זייערע דעות, און די רבנים ציטערן פאר זיי. הגע בעצמך, אזא פארזעעניש ווי צימערמאן וואלט אין שנות תש"נ אראפגענומען געווארן פון דער מאפע ווי גארנישט. עס זענען געווען גענוג טעראר-טאקטיקן אונטערצוברענגען די אלע ווילדע משוגעים. אבער היות מיר זענען ווי א געזעלשאפט געווארן נארמאלער אין די לעצטע צוואנציג יאר, איז די אמאליגע סארט טעראר געווארן אן אפגעפרעגטע זאך. אויסשיסן צימערמאנ'ס פענסטערס זענען שוין נישט פראקטיש אין תשע"ט. איז דאך פשט אז דער פאקט אז די סיקריקים האבן געהויבן די קעפ איז נאר ווייל יחידים האבן באקומען א כוח.

אוודאי ברענגט דאס ביטערע נאכפאלגן, ווי דו האסט אזוי ווייטאגליך אויסגעשמועסט. אבער עס איז פאראן אן אנדערע זייט. לאמיר טאקע קוקן אויף די שייטלען ווי א ביישפיל. ווען די קאנטראווערסיע איז ערשט אנטשטאנען מיט א קנאפע 15 יאר צוריק, איז די יהדות החרדית געווען אויף דערמיט. פרויען אין וויליאמסבורג און אין בארא פארק האבן זיך אראפגעריסן די שייטלען, און האבן טעגליך טעלעפאנירט רבנים פרעגן דעם לעצטן פסק. היינט, אז עס איז ארויסגעקומען א באמבאסטישער פסק פון אלע רבנים אז ס'איז בכלל נישט שייך קיין צד היתר אויף היומען היער שייטלעך, איז שא-שטיל. עולם כמנהגו נוהג.

על אחת כמה וכמה אז עס זאל היינט זיך צוריק אויפוועקן די עירוב קאנטראווערסיע, איז פשוט'ער פון פשוט אז מי שיש לו מוח בקדקדו און וויל אננעמען דעם צד היתר וועט שטאלץ זאגן אז ער פארלאזט זיך אויף אזעלכע גאונים ווי הגאון רבי פישלע הערשקאוויטש זצ"ל און להבחל"ח הגאון רבי יחזקאל ראטה שליט"א. ס'איז ניטאמאל דא קיין דעבאטע. כ'מיין, ר' יחזקאל איז דיר נישט גענוג גוט? דער אמאליגער מהלך המחשבה אז דער רב וועמענ'ס פסק לויפט נישט נאך די פארגעשריבענע פראטאקאלן איז אויטאמאטיש אפגעפרעגט, עקזיסטירט שוין נישט ביי רוב מנין ובנין פונעם נייעם דור. און ווען א בעיבי-בומער קייט איבער אמאליגע דעמאגאגיע, לאכט יעדער אונטער די וואנצעס.
העניך
היימישער באניצער
היימישער באניצער
 
הודעות: 409
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 412 מאל
האט שוין באקומען לייקס: 2111 מאל

הודעהדורך רביה''ק זי''ע » דינסטאג מאי 28, 2019 10:29 pm

דאס אז ס'דא שוטים וועלכע קויפן אפ די גארבידש וואס שלעכטע מענשטן פארקויפן איז נישט אזוי אונזער דאגה, די שוטים וועלן אייביג טרעפן וועגן זיך צו ענג מאכן און פאראומגליקליכן דאס לעבן. כי ישרים דרכי השם, צדיקים ילכו בה ופושעים יכשלו בה, פאר די שוטים וועלכע זענען מאבד מה שנותנים להם וועט קיינמאל גארנישט העלפן, דעה חסרת מה קנית. כאטש קענען די קלוגע מענשטן אויסנוצן די פרייהייט פון ווארט און גרינגע צוטריט צו אינפארמאציע אויף זיך צו גרינגער באקוועמער און געשמאקער מאכן דאס לעבן.
באניצער אוואטאר
רביה''ק זי''ע
חבר ותיק
חבר ותיק
 
הודעות: 2514
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2421 מאל
האט שוין באקומען לייקס: 1559 מאל

Re: די אנטי-עירוב עקסטרעמיסטן מאכן א טעות

הודעהדורך אונטער חכם » מיטוואך מאי 29, 2019 12:59 am

איך מיין אז דער עולם לעבט דא אביסל אין א באבל, אין וויליאמסבורג (אין קרית יואל מסתמא אויך, איך דריי מיך אין וויליאמסבורג) האלטן זיבעציג פראצענט סאטמארער אידן אז הרב שטיינמאן איז געווען א רעפארמער, און זיבעציג פראצענט זאלונים האלטן אזוי אויף ר' משה שטערנבוך, קען זיין אמאל איז עס געווען מער ווי זיבעציג פראצענט אבער די זאך איז נאכנישט אונטערגעגאנגען.
אונטער חכם
ידיד ותיק
ידיד ותיק
 
הודעות: 622
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 593 מאל
האט שוין באקומען לייקס: 290 מאל

הודעהדורך רביה''ק זי''ע » מיטוואך מאי 29, 2019 4:30 am

@אונטער חכם: עיין כאן למשך שבע דקות, וממנו תקיש לכאן, וגם לעוד הרבה דברים...
באניצער אוואטאר
רביה''ק זי''ע
חבר ותיק
חבר ותיק
 
הודעות: 2514
זיך רעגיסטרירט: דאנערשטאג פעברואר 15, 2018 9:46 pm
האט שוין געלייקט: 2421 מאל
האט שוין באקומען לייקס: 1559 מאל

Re: די אנטי-עירוב עקסטרעמיסטן מאכן א טעות

הודעהדורך אונטער חכם » מיטוואך מאי 29, 2019 10:01 am

ער זאגט גוט, אבער דאס איז אמת אויפן עירוב אויך.

אגב, איך האב קיינמאל נישט געוויסט אז יושע ראקער איז געווען א מחלל שבת, פונעם בוך קען מען זיך נישט פארשטעלן אזאנס.
אונטער חכם
ידיד ותיק
ידיד ותיק
 
הודעות: 622
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 593 מאל
האט שוין באקומען לייקס: 290 מאל

הודעהדורך calculator » מיטוואך מאי 29, 2019 12:41 pm

calculator האט געשריבן:א איד פרעגט מיך לעטצענס פארוואס אין וויליאמסבורג דער וואס האלט אז דער עירוב איז כשר ריפט מען אים שוין א "לינקער" ?
אפשר זאל דער וואס מאכט אויף פאטעיטעס ברכות שהכל אויך הייסען א "לינקער"?



טראכט איך יעצט, די סאטמאריסטן פירן דאך די אידשקייט אין וויליאמסבורג דורכן זיך משתלט זיין אויפן עולם, אויב מען צו ברעכט די שליטה האלטן זיי אז די אידשקייט וועט צופאלן, און מיטן מתקן זיין דעם עירוב שפירן זיי עפעס א שטיקל מרידה במלכותם, וועט דאך אידשקייט אין וויליאמסבורג אינטער גיין, אויב אזוי איז עס יא אן השקפה שאלה, פארשייט מען שוין פארוואס דער וואס מכשיר דעם עירוב ריפט מען א לינקער.
באניצער אוואטאר
calculator
ידיד השטיבל
ידיד השטיבל
 
הודעות: 266
זיך רעגיסטרירט: מאנטאג אפריל 09, 2018 9:04 pm
האט שוין געלייקט: 38 מאל
האט שוין באקומען לייקס: 165 מאל

הודעהדורך berlbalaguleh » מיטוואך מאי 29, 2019 1:22 pm

רביה''ק זי''ע האט געשריבן:@אונטער חכם: עיין כאן למשך שבע דקות, וממנו תקיש לכאן, וגם לעוד הרבה דברים...

רביה"ק זי"ע: דער ראביי דוננער זאגט דאך עפעס אזעלכע באמבעס...!

די מעשה מיט דעם ..."הייליגן"... ליסקער רעבע געדענק איך פון ווען איך בין נארוואס געהאט אנגעקומען קיין ניו יארק. נישט די נישט געשטויגענע מעשה מיט די חתונה אין וואלדארף-אסטאריא. נאר ווען מ'האט איהם ארעסטירט פאר גרענד לארסעני און פראוד...! וכדי בזיון וקצף...! זעהט אויס אז דער בעל אך פרי תבואה ר' הערשעלע מ'ליסקא האט יא געהאט רוח הקודש...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14519 מאל
האט שוין באקומען לייקס: 8343 מאל

הודעהדורך berlbalaguleh » מיטוואך מאי 29, 2019 1:27 pm

calculator האט געשריבן:
calculator האט געשריבן:א איד פרעגט מיך לעטצענס פארוואס אין וויליאמסבורג דער וואס האלט אז דער עירוב איז כשר ריפט מען אים שוין א "לינקער" ?
אפשר זאל דער וואס מאכט אויף פאטעיטעס ברכות שהכל אויך הייסען א "לינקער"?



טראכט איך יעצט, די סאטמאריסטן פירן דאך די אידשקייט אין וויליאמסבורג דורכן זיך משתלט זיין אויפן עולם, אויב מען צו ברעכט די שליטה האלטן זיי אז די אידשקייט וועט צופאלן, און מיטן מתקן זיין דעם עירוב שפירן זיי עפעס א שטיקל מרידה במלכותם, וועט דאך אידשקייט אין וויליאמסבורג אינטער גיין, אויב אזוי איז עס יא אן השקפה שאלה, פארשייט מען שוין פארוואס דער וואס מכשיר דעם עירוב ריפט מען א לינקער.

אויך ווייל דער גאון וצדיק מהרז"ל שליט"א האט געזאגט אין איינס פון זיינע דרשות אז דער עירוב אין וויליאמסבורג איז געמאכט געווארן כדי אונטערצוברענגען דאס אידישקייט...! מסתמא האלט ער אז די גאנצע מסכת עירובין האבן די ארונים און די ציונים אריינגעשמוגלט אין תלמוד בבלי...!

לפי רוב גאונותו האט ער אויכעט מסופק געווען איבער עטליכע אנדערע מסכתות אין ש"ס וועלכע זענען מעגליך אריינגעשמוגלט געווארן דורך די ציונים. די מזרחי'סטן. אזוי ווי מסכת..."כתובות"...ווי דער איד וואלט עס באצייכנט מיט קוואוטעישן מארקס...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13102
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14519 מאל
האט שוין באקומען לייקס: 8343 מאל

הודעהדורך calculator » מיטוואך מאי 29, 2019 7:39 pm

צו די סומכים על העירוב אינעם שטאט וויליאמסבורג. עטס ברויך'ס זיך אנעמען אויפן כבוד פון שלמה המלך און זיך צוזאמנעמען די וואך שבת, בשעת די אידן אשר בקצה המחנה גייען ארויס גיין מחרף זיין אויף די שומרי שבת וואס ווילן נישט מוציא זיין מרשות לרשות אן א עירוב, און מקיים זיין די פסוק וואס די גמרא ברענגט אין מס' שבת דף יד ע"ב חֲכַם, בְּנִי, וְשַׂמַּח לִבִּי, "וְאָשִׁיבָה חֹרְפִי דָבָר".
באניצער אוואטאר
calculator
ידיד השטיבל
ידיד השטיבל
 
הודעות: 266
זיך רעגיסטרירט: מאנטאג אפריל 09, 2018 9:04 pm
האט שוין געלייקט: 38 מאל
האט שוין באקומען לייקס: 165 מאל

הודעהדורך שמעון וואלף » דאנערשטאג מאי 30, 2019 12:49 am

calculator האט געשריבן:צו די סומכים על העירוב אינעם שטאט וויליאמסבורג. עטס ברויך'ס זיך אנעמען אויפן כבוד פון שלמה המלך און זיך צוזאמנעמען די וואך שבת, בשעת די אידן אשר בקצה המחנה גייען ארויס גיין מחרף זיין אויף די שומרי שבת וואס ווילן נישט מוציא זיין מרשות לרשות אן א עירוב, און מקיים זיין די פסוק וואס די גמרא ברענגט אין מס' שבת דף יד ע"ב חֲכַם, בְּנִי, וְשַׂמַּח לִבִּי, "וְאָשִׁיבָה חֹרְפִי דָבָר".

נאר נישט דאס. מר"א האט געמאכט די מיסטעיק ווען ער האט פראבירט ארינטערצורייסן בארקלעיס און דערנאך זענען זיינע חכמי הקהילה ארויסגעקומען מיט די "לא משתתפים" פלאקאטן און דאס האט גאר בעקפייערט אז בארקלעיס איז געווען א סוקסעס למעלה מן המשוער. ביים לעצטן כינוס טהרת הקודש האט מר"א געהאלטן זיינע דברי חכמה (קלוגע זאך בלע"ז) אין בויך און ס'טאקע געווען א מיאוס דורכפאל.
די גאנצע הגנת השבת מעמד שטייט אויף הינקעדיגע פיס און די זלונים זענען נישט אינטערעסירט דערין. פלאקאטן, קונטרסים, רבנים ואדמורי"ם קענען נישט שלעפן אן עולם אהין. די איינציגסטע זאך וואס קען עס ראטעווען איז אז ס'זאל זיין אזעלכע וואס שטעלן זיך ארויס קעגן דעם און דאן וועט מען קענען פראפאגאנגירן אז מ'דארף קומען אין די מאסן זיך אננעמען פאר'ן כבוד פון "רבי'ן זי"ע".
באניצער אוואטאר
שמעון וואלף
חבר ותיק
חבר ותיק
 
הודעות: 2509
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 3917 מאל
האט שוין באקומען לייקס: 2620 מאל

Re: די אנטי-עירוב עקסטרעמיסטן מאכן א טעות

הודעהדורך אונטער חכם » דאנערשטאג מאי 30, 2019 1:17 am

איינער זאגט מיר אז יצחק שטערן האט יעצט גערעדט אין תהילות יואל, האט ער געזאגט אז אזויווי מען זעהט לעצטנס אז מען קען שלעפן אונזער עולם ווי מען וויל וועט מען דא אויך קענען שלעפן דעם עולם.
אונטער חכם
ידיד ותיק
ידיד ותיק
 
הודעות: 622
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 593 מאל
האט שוין באקומען לייקס: 290 מאל

הודעהדורך גאנצל » דאנערשטאג מאי 30, 2019 12:22 pm

שמעון וואלף האט געשריבן:
calculator האט געשריבן:צו די סומכים על העירוב אינעם שטאט וויליאמסבורג. עטס ברויך'ס זיך אנעמען אויפן כבוד פון שלמה המלך און זיך צוזאמנעמען די וואך שבת, בשעת די אידן אשר בקצה המחנה גייען ארויס גיין מחרף זיין אויף די שומרי שבת וואס ווילן נישט מוציא זיין מרשות לרשות אן א עירוב, און מקיים זיין די פסוק וואס די גמרא ברענגט אין מס' שבת דף יד ע"ב חֲכַם, בְּנִי, וְשַׂמַּח לִבִּי, "וְאָשִׁיבָה חֹרְפִי דָבָר".

נאר נישט דאס. מר"א האט געמאכט די מיסטעיק ווען ער האט פראבירט ארינטערצורייסן בארקלעיס און דערנאך זענען זיינע חכמי הקהילה ארויסגעקומען מיט די "לא משתתפים" פלאקאטן און דאס האט גאר בעקפייערט אז בארקלעיס איז געווען א סוקסעס למעלה מן המשוער. ביים לעצטן כינוס טהרת הקודש האט מר"א געהאלטן זיינע דברי חכמה (קלוגע זאך בלע"ז) אין בויך און ס'טאקע געווען א מיאוס דורכפאל.
די גאנצע הגנת השבת מעמד שטייט אויף הינקעדיגע פיס און די זלונים זענען נישט אינטערעסירט דערין. פלאקאטן, קונטרסים, רבנים ואדמורי"ם קענען נישט שלעפן אן עולם אהין. די איינציגסטע זאך וואס קען עס ראטעווען איז אז ס'זאל זיין אזעלכע וואס שטעלן זיך ארויס קעגן דעם און דאן וועט מען קענען פראפאגאנגירן אז מ'דארף קומען אין די מאסן זיך אננעמען פאר'ן כבוד פון "רבי'ן זי"ע".


ד.ה. אז סוקסעס אדער דורכפאל ביי זאלי ווענדט זיך אין מר"א ....נו זאג דו מיר ווער איז רבן של כל בני הסאטמארים......און אויב די סוקסעס פון בארקלעיס קומט זיך אויך פאר מר"א דאן ווי אזוי ווערט דאס אנגערופן א סוקסעס פאר זאלי בכלל ?

אלענפאלס וואס האט מען זיך יעצט אויפגעוועקט מיט די מלחמת העירוב ? מה היום מיומים ?
גאנצל
חבר ותיק
חבר ותיק
 
הודעות: 2884
זיך רעגיסטרירט: דאנערשטאג יולי 11, 2013 1:18 pm
האט שוין געלייקט: 492 מאל
האט שוין באקומען לייקס: 1124 מאל

הודעהדורך calculator » דאנערשטאג מאי 30, 2019 12:38 pm

שמעון וואלף האט געשריבן:נאר נישט דאס. מר"א האט געמאכט די מיסטעיק ווען ער האט פראבירט ארינטערצורייסן בארקלעיס און דערנאך זענען זיינע חכמי הקהילה ארויסגעקומען מיט די "לא משתתפים" פלאקאטן און דאס האט גאר בעקפייערט אז בארקלעיס איז געווען א סוקסעס למעלה מן המשוער. ביים לעצטן כינוס טהרת הקודש האט מר"א געהאלטן זיינע דברי חכמה (קלוגע זאך בלע"ז) אין בויך און ס'טאקע געווען א מיאוס דורכפאל.
די גאנצע הגנת השבת מעמד שטייט אויף הינקעדיגע פיס און די זלונים זענען נישט אינטערעסירט דערין. פלאקאטן, קונטרסים, רבנים ואדמורי"ם קענען נישט שלעפן אן עולם אהין. די איינציגסטע זאך וואס קען עס ראטעווען איז אז ס'זאל זיין אזעלכע וואס שטעלן זיך ארויס קעגן דעם און דאן וועט מען קענען פראפאגאנגירן אז מ'דארף קומען אין די מאסן זיך אננעמען פאר'ן כבוד פון "רבי'ן זי"ע".

אין די ארונישע בלעטל אין וויליאמסבורג איז היינט אויך געווען אדווערטייזט די מרידה אין שלמה המלך, איז ווי קומען די ארונים דא אריין, מיר ווייסן דאך, זיי וואלטן שוין לאנג מתיר געווען דעם עירוב ווען נישט...... נאר לויט @שמעון וואלף שטימט עס פיין.
רעדאגירט געווארן צום לעצט דורך calculator אום דאנערשטאג מאי 30, 2019 1:35 pm, רעדאגירט געווארן איין מאל בסך הכל.
באניצער אוואטאר
calculator
ידיד השטיבל
ידיד השטיבל
 
הודעות: 266
זיך רעגיסטרירט: מאנטאג אפריל 09, 2018 9:04 pm
האט שוין געלייקט: 38 מאל
האט שוין באקומען לייקס: 165 מאל

הודעהדורך שושן פורים » דאנערשטאג מאי 30, 2019 1:34 pm

גאנצל האט געשריבן:
שמעון וואלף האט געשריבן:
calculator האט געשריבן:צו די סומכים על העירוב אינעם שטאט וויליאמסבורג. עטס ברויך'ס זיך אנעמען אויפן כבוד פון שלמה המלך און זיך צוזאמנעמען די וואך שבת, בשעת די אידן אשר בקצה המחנה גייען ארויס גיין מחרף זיין אויף די שומרי שבת וואס ווילן נישט מוציא זיין מרשות לרשות אן א עירוב, און מקיים זיין די פסוק וואס די גמרא ברענגט אין מס' שבת דף יד ע"ב חֲכַם, בְּנִי, וְשַׂמַּח לִבִּי, "וְאָשִׁיבָה חֹרְפִי דָבָר".

נאר נישט דאס. מר"א האט געמאכט די מיסטעיק ווען ער האט פראבירט ארינטערצורייסן בארקלעיס און דערנאך זענען זיינע חכמי הקהילה ארויסגעקומען מיט די "לא משתתפים" פלאקאטן און דאס האט גאר בעקפייערט אז בארקלעיס איז געווען א סוקסעס למעלה מן המשוער. ביים לעצטן כינוס טהרת הקודש האט מר"א געהאלטן זיינע דברי חכמה (קלוגע זאך בלע"ז) אין בויך און ס'טאקע געווען א מיאוס דורכפאל.
די גאנצע הגנת השבת מעמד שטייט אויף הינקעדיגע פיס און די זלונים זענען נישט אינטערעסירט דערין. פלאקאטן, קונטרסים, רבנים ואדמורי"ם קענען נישט שלעפן אן עולם אהין. די איינציגסטע זאך וואס קען עס ראטעווען איז אז ס'זאל זיין אזעלכע וואס שטעלן זיך ארויס קעגן דעם און דאן וועט מען קענען פראפאגאנגירן אז מ'דארף קומען אין די מאסן זיך אננעמען פאר'ן כבוד פון "רבי'ן זי"ע".


ד.ה. אז סוקסעס אדער דורכפאל ביי זאלי ווענדט זיך אין מר"א ....נו זאג דו מיר ווער איז רבן של כל בני הסאטמארים......און אויב די סוקסעס פון בארקלעיס קומט זיך אויך פאר מר"א דאן ווי אזוי ווערט דאס אנגערופן א סוקסעס פאר זאלי בכלל ?

אלענפאלס וואס האט מען זיך יעצט אויפגעוועקט מיט די מלחמת העירוב ? מה היום מיומים ?

אז עמיצער ווייסט וויאזוי זיך צו שפילן מיט די סטאק מארקעט און פארדינט אבאנטש געלט דערפון, וועמענס סוקסעס איז עס, זיינס אדער די מארקעטס?
דער חסיד פארן מאדערן ארטאדאקס איז פונקט ווי דער לב טהור פארן חסיד ודו'ק
באניצער אוואטאר
שושן פורים
ידיד ותיק
ידיד ותיק
 
הודעות: 663
זיך רעגיסטרירט: מאנטאג יולי 08, 2013 12:11 am
האט שוין געלייקט: 493 מאל
האט שוין באקומען לייקס: 807 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 8 געסט