אפשר פארקערט?

[כרפס]

אינעם סעזאן פון איבערדרייעניש, יעצט איז עס די קאראנע היסטארישע היסטעריע, זענען דא אזויפיל צעפראסקעטע מחשבות, און מענטשן שפירן צומאל אז זיי גייען אראפ פון זינען, און גייען מיט'ן קאפ אין וואנט אריין.
אבער פונקט דעמאלטס איז דא אזעלכע - אפשר נישט קיין סאך, אבער אפאר פראצענט פונעם מענטשהייט - וואס זאגן; אפשר פארקערט?
כ'רעדט נישט פון די פאזיטיווע קוקערס, ניין, כ'רעדט פון יענע וואס זענען אלע נעכט פון יאר עלענד און אנגעזעצט, זיי זאגן, יעצט איז די וועלט בא'טראפעצט? ס'רעגענט אויפ'ן גאס? יעצט טאנץ איך פאר פרייד.
ווען ס'שוין דא ווער ס'זאל זיפצן קען איך לאכן...
ס'יענס געלעכטער, אבער זייט וויסענד ס'דא א היבשע פראצענט אזעלכע ברואים אין אונזער קוגל.
יעדער ציטערט אז מ'גייט ווערן קראנק, שטארבן, פארלירן, אנזעצן, פונקט דעמאלטס טראכטן די שטענדיגע אנזעצער, פרנסה פארלירער, כראניש קראנקער, יעצט וויינט יעדער? יעצט זאל יעדער שפירן וואס איך שפיר יומם ולילה.
ממילא, טאמער זעט איר איינעם טאנצן אויפ'ן גאס, זייט נישט אזוי זיכער אז ער איז מלא ביטחון.. אפשר יא, אפשר פארקערט..