גייט אונזער געמיינדע זיך עפעס אויסלערנען פון דעם קריזיס?

ארטיקלען און באטראכטונגען איבער דער חרדי'שער געזעלשאפט און קולטור

גייט אונזער געמיינדע זיך עפעס אויסלערנען פון דעם קריזיס?

הודעהדורך ראובן » דינסטאג אפריל 21, 2020 1:10 pm

פיל (אבער נישט גענוג) איז שוין געשריבן געווארן אויף דער דורכגעפאלענער פירערשאפט פון אונזערע א.ג. פירער דורכאויס דעם יעצטיגן קאראנא קריזיס. די שאלה איז, גייען די פירער זיך עפעס אויסלערנען פון דעם? גייט אונזער געמיינדע זיך קלאפן על חטא און פארשטיין וויאזוי מיר דארפן זיך באגיין מיט אזא קריזיס אין דער צוקונפט?

טייל פון אונז האלטן אז די פאקטן זענען אזוי קלאר, די עווידענס איז רעקארדירט און דאקומענטירט, אז מ'קען נישט לייקענען שמש בצהריים. זיי רעדן זיך איין אז איינמאל דער קריזיס וועט דורכגיין וועט זיך אנפאנגען א קאלעקטיווער חשבון הנפש.

זיסע חלומות, מיין פריינט. נישט נאר וואס רוב פונעם ציבור ווייסט נישט אז די רבנים האבן געלאכט פונעם קריזיס ווען דער מצב איז שוין געווען קלאר, נאר א גרויס חלק פונעם ציבור ווייסט ניטאמאל אז ס'איז באמת דא א קריזיס. און די וואס פארשטייען יא, כאפן נישט אז עס זענען פאראן צענדליגער חסידישע אידן וועלכע ליגט יעצט 6 פיס אונטער דער ערד, נאר ווייל די רבי'ס האבן נישט גענומען ערנסט די אינפארמאציע וואס איז שוין געווען גלוי וידוע לכל. מ'רעדט נישט דא פון א סקאנדאל ווי א רבי'ס שיק-אינגלעך האבן אונטערגעצונדן א קימפעטארין היים ברענגנדיג פאטענציאל פאר פאטאליטעטן, נאר פון עפעס וואס איז 300 מאל אזוי סקאנדאליעז. די רבי'ס אליין, לא על ידי מלאך ולא על ידי שליח, האבן געמאכט פאטאלע און לייכטזיניגע באשליסן וואס האבן פאקטיש און למעשה אומגעברענגט מענטשן.

ווען מ'רעדט יעצט, זעקס וואכן אריין אינעם קריזיס, צו מענטשן, זעט מען אז רוב האבן פארלוירן דעם חשבון פון צייט. מ'געדענקט נישט ווער עס האט געזאגט וואס, ווען, און מ'האט שוין פארגעסן ווער עס האט געטון וואס, וואו. און דאס איז יעצט, ווען עס שטארבן נאך מענטשן צוליב אונזער דורכגעפאלענער פירערשאפט. שטעלט אייך פאר איינמאל דאס וועט דורכגיין, מיט דער הילף פון די פראפאגאנדע צייטונגען און אויסגאבעס, וועט רוב עולם גולם זיין פולקאם איבערצייגט אז די מנהיגים זענען געווען אינגאנצן אין קאנטראל, און יעדער וואס האט איבערגעלעבט מיט גאנצע ביינער האט צו פארדאנקען זייער פירערשאפט.

*
מענטשן וואונדערן זיך אויף די וואס האבן אפן בתי מדרשים וואו מתפללים זענען געווארן אנגעשטעקט און האבן פארלאזט דעם עולם. "וויאזוי קענען זיי ווייטער האלטן דעם ביהמ"ד אפן?" פרעגן זיי. "זעען זיי נישט וואס געשעט א דאנק זייער אפענעם ביהמ"ד?" מענטשן שפעקולירן צי רבי'ס האבן חרטה אויף זייערע פורים טישן, זעענדיג היינט אז זיי האבן גע'הרג'עט מענטשן אין א צייט וואס זיי האבן שוין געדארפט וויסן אז דאס גייט ברענגען קרבנות. דער ענטפער איז אז ניין. נישט נאר וואס זיי זעען נישט איין, נאר דאס אז זייערע החלטות קאסט טויטע מאכט זיי נאך שטערקער גלייבן אין כל מיני קאנספיראציעס צו באפעסטיגן זייער גלויבן.

דאס איז א כלל וואס מ'זעט אין מלחמות. א פרעזידענט צב"ש גייט אריין אין א מלחמה, און נאך א יאר זענען 2,000 סאלדאטן טויט. עס איז שוין קלאר אז די מלחמה האט גארנישט אויפגעטון, אבער דער פרעזידענט איז פסיכאלאגיש געבונדן צו זיין דילעמא: אויב צי איך יעצט ארויס מיינע טרופן, בין איך מיט דעם מודה אז די 2,000 סאלדאטן זענען געשטארבן פאר גארנישט. זיי האבן פארלוירן זייערע לעבנס אן קיין שום סיבה. דער פרעזידענט קען זיך נישט ערלויבן זיין מוח דאס צו טראכטן, און ער קען נישט ברענגען דאס לאנד צו טראכטן אזוי. איבערצייגט ער זיך אליין אז די מלחמה האט יא א ציל, און נאך סאלדאטן שטארבן. ווי מער סאלדאטן שטארבן אלס גרעסער ווערט דער פראבלעם מודה צו זיין אז זיי זענען געשטארבן פאר גארנישט, און אלס גרעסער ווערט דער דראנג אנצוהאלטן מיט'ן קריג און אזוי פארלירן נאך קרבנות.

לענינינו איז דאס זעלבע. די וואס האבן גע'הרג'עט מענטשן א דאנק זייערע מעשים זעען נישט איין אז זיי זענען נישט געווען גערעכט ווייל זיי ווילן נישט מודה זיין אז מענטשן זענען געשטארבן א דאנק זיי. פארקערט, דאס מאכט זיי נאך מער אריינקריכן אין זייער פינסטערער לאך פון קאנספיראטארישער טראכט, און דאס ברענגט נאך מער קרבנות.

דאס ברענגט מער קרבנות יעצט, צוליב דעם וואס די רבנים האבן נישט גע'אסר'ט מנינים און מקוה, און דאס וועט ווייטער ברענגען קרבנות אינעם עתיד, ווען די רבנים וועלן ווייטער גלייבן אז זיי מאכן ריכטיגע באשלוסן.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2628
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3574 מאל
האט שוין באקומען לייקס: 10342 מאל

הודעהדורך אישתישבי » דינסטאג אפריל 21, 2020 1:20 pm

אלע וואס לייענען דא זענען זיך מקבל, מיר גייען נישט מער, אמממ וואס?
א קונץ צו זיין אליהו הנביא? א קונץ צו זיין איש תשבי!
אישתישבי
חבר ותיק
חבר ותיק
 
הודעות: 2678
זיך רעגיסטרירט: מיטוואך מערץ 09, 2016 12:19 am
האט שוין געלייקט: 103 מאל
האט שוין באקומען לייקס: 1409 מאל

הודעהדורך יואליש » דינסטאג אפריל 21, 2020 1:25 pm

ראובן האט געשריבן:דאס איז א כלל וואס מ'זעט אין מלחמות. א פרעזידענט צב"ש גייט אריין אין א מלחמה, און נאך א יאר זענען 2,000 סאלדאטן טויט. עס איז שוין קלאר אז די מלחמה האט גארנישט אויפגעטון, אבער דער פרעזידענט איז פסיכאלאגיש געבונדן צו זיין דילעמא: אויב צי איך יעצט ארויס מיינע טרופן, בין איך מיט דעם מודה אז די 2,000 סאלדאטן זענען געשטארבן פאר גארנישט. זיי האבן פארלוירן זייערע לעבנס אן קיין שום סיבה. דער פרעזידענט קען זיך נישט ערלויבן זיין מוח דאס צו טראכטן, און ער קען נישט ברענגען דאס לאנד צו טראכטן אזוי. איבערצייגט ער זיך אליין אז די מלחמה האט יא א ציל, און נאך סאלדאטן שטארבן. ווי מער סאלדאטן שטארבן אלס גרעסער ווערט דער פראבלעם מודה צו זיין אז זיי זענען געשטארבן פאר גארנישט, און אלס גרעסער ווערט דער דראנג אנצוהאלטן מיט'ן קריג און אזוי פארלירן נאך קרבנות.

לענינינו איז דאס זעלבע. די וואס האבן גע'הרג'עט מענטשן א דאנק זייערע מעשים זעען נישט איין אז זיי זענען נישט געווען גערעכט ווייל זיי ווילן נישט מודה זיין אז מענטשן זענען געשטארבן א דאנק זיי. פארקערט, דאס מאכט זיי נאך מער אריינקריכן אין זייער פינסטערער לאך פון קאנספיראטארישער טראכט, און דאס ברענגט נאך מער קרבנות.

דאס ברענגט מער קרבנות יעצט, צוליב דעם וואס די רבנים האבן נישט גע'אסר'ט מנינים און מקוה, און דאס וועט ווייטער ברענגען קרבנות אינעם עתיד, ווען די רבנים וועלן ווייטער גלייבן אז זיי מאכן ריכטיגע באשלוסן.


In economics it's called the Sunk Cost fallacy.

"One reason why people may, wish to throw good money after bad is that to stop investing would constitute an admission that the prior money was wasted."

https://en.m.wikipedia.org/wiki/Sunk_cost?wprov=sfla1
באניצער אוואטאר
יואליש
חבר ותיק
חבר ותיק
 
הודעות: 2526
זיך רעגיסטרירט: זונטאג אפריל 22, 2012 7:36 pm
האט שוין געלייקט: 1600 מאל
האט שוין באקומען לייקס: 3920 מאל

הודעהדורך אישתישבי » דינסטאג אפריל 21, 2020 1:30 pm

הגם לדעתי איז דאס נישט נוגע אהער, ווייל די וואס האלטען אפען זענען בכלל נישט אפעקטירט אז מענטשן זענען געשטארבן, זיי זענען בדרך כלל גאר גלויביגע, וואס האלטען אז ווען איינער שטארבט האט אים דער אויבערשטער געהרגעט נישט ער און נישט קאראנא.
א קונץ צו זיין אליהו הנביא? א קונץ צו זיין איש תשבי!
אישתישבי
חבר ותיק
חבר ותיק
 
הודעות: 2678
זיך רעגיסטרירט: מיטוואך מערץ 09, 2016 12:19 am
האט שוין געלייקט: 103 מאל
האט שוין באקומען לייקס: 1409 מאל

Re: גייט אונזער געמיינדע זיך עפעס אויסלערנען פון דעם קריזיס?

הודעהדורך מי אני » דינסטאג אפריל 21, 2020 1:32 pm

איז גייט דאס נאך צוזאמען מיט׳ן באקאנטן בּעקפייר עפעקט אויך.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 1710
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 7242 מאל
האט שוין באקומען לייקס: 1253 מאל

Re: גייט אונזער געמיינדע זיך עפעס אויסלערנען פון דעם קריזיס?

הודעהדורך אונטער חכם » דינסטאג אפריל 21, 2020 1:35 pm

וואס טוט זיך מיט קאומא , דעבלאזיא, זיי גייען יא צאלן א פרייז?
אונטער חכם
ידיד ותיק
ידיד ותיק
 
הודעות: 811
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 621 מאל
האט שוין באקומען לייקס: 397 מאל

הודעהדורך ראובן » דינסטאג אפריל 21, 2020 1:40 pm

אונטער חכם האט געשריבן:וואס טוט זיך מיט קאומא , דעבלאזיא, זיי גייען יא צאלן א פרייז?

לכאורה. טראמפ נישט.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2628
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3574 מאל
האט שוין באקומען לייקס: 10342 מאל

הודעהדורך איסר האטלקי » דינסטאג אפריל 21, 2020 1:44 pm

די זעלבע שטרוי אין זעקס אשכולות. איינער רעדט פון עבר, איינער פון הוה, און יעצט פון עתיד.

איינער האט נאך אן איידיע פון אן אשכול אויף דעם נושא? דרינגענד געזוכט. גוט באצאלט.
איסר האטלקי
חבר ותיק
חבר ותיק
 
הודעות: 2263
זיך רעגיסטרירט: מאנטאג מאי 23, 2016 2:00 am
געפינט זיך: צווישן קאסוב אין וויזניץ
האט שוין געלייקט: 1151 מאל
האט שוין באקומען לייקס: 1441 מאל

הודעהדורך במדבר » דינסטאג אפריל 21, 2020 2:20 pm

גערעכט ראובן! עס וועט נישט זיין א קאלעקטיווער חשבון הנפש, אבער א טויש! א טויש איז שוין אין פלאץ, בעצם חרדי'זים אלס א ''קולטור'' עקזיסטירט
אדערווייל נישט.(''קולטור'' vs אמונת טפילות וואס האט זיך נאר פארברייטערט)

די עקזיסטענץ פון חרדי'זים איז אנגעוואנדן אין טומל און אין הו-הא (''עס איז יו''ט אינדערוואכן'') איר דם התמצית איז די אייביגע ווירבלרייען, ''מקוה-קאווע-שחרית-חברים -פארברענגן-מנחה-חברותא-שמיסן-מעריב-''יא איך קים שוין א'היים'',-זאג! כע! דיינס מאכט דיר אויך אזוי נערוועז?!-שמיסען-וואס נאך?-נו! דעס האב איך שוין געהערט-נו! לאמיר עפס לערנען-11 39 pm-טייערקייט די ווייסט ווילאנג איך ווארט אויף דיך?!''.

לעבן זאל דער ווידערשטאנד!
רעדאגירט געווארן צום לעצט דורך במדבר אום מיטוואך אפריל 22, 2020 10:46 am, רעדאגירט געווארן איין מאל בסך הכל.
הלוואי ויתמזגו מזרח ומערב.
באניצער אוואטאר
במדבר
ידיד השטיבל
ידיד השטיבל
 
הודעות: 258
זיך רעגיסטרירט: דאנערשטאג אפריל 02, 2020 12:58 pm
האט שוין געלייקט: 671 מאל
האט שוין באקומען לייקס: 376 מאל

הודעהדורך ליטוואק פון בודאפעסט » דינסטאג אפריל 21, 2020 6:21 pm

איסר האטלקי האט געשריבן:די זעלבע שטרוי אין זעקס אשכולות. איינער רעדט פון עבר, איינער פון הוה, און יעצט פון עתיד.

איינער האט נאך אן איידיע פון אן אשכול אויף דעם נושא? דרינגענד געזוכט. גוט באצאלט.

ביסט גערעכט, מיר דארפן נאר שמועסן וועגן די געוואלדיגע קריזיס וואס נעמט ארום די אידישע פאלק, מיר דארפן דרינגנד זוכען א לעזונג פאר יד לעבענסוויכטיגע פראבלעם פון די פרייז פון טשיז סנעקס.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

הודעהדורך real fake news » דינסטאג אפריל 21, 2020 6:39 pm

און די חילוק צווישן א רבי און א פרעזידענט איז,
ביי די פרעזידענט ווען ער פירט אזא מלחמה דרייעט זיך די לאנד איבער מיט פראטעסטן וכו׳ און ער באקומט קאפוויי ווי אימער.
ווידעראום ביי רביס איז שא שטיל קיינער וואגט זיך נישט צו רעדן א ווארט און אזוי קען ער ווייטער אנגיין רואיג אהנדעם וואס עפעס זאל גורם זיין ער זאל טוישן זיין מיינונג.
I know, I know. We are Your chosen people. But, once in a while, can't You choose someone else? - Reb Tevye
real fake news
ידיד השטיבל
ידיד השטיבל
 
הודעות: 185
זיך רעגיסטרירט: פרייטאג אקטאבער 25, 2019 10:40 am
האט שוין געלייקט: 70 מאל
האט שוין באקומען לייקס: 94 מאל

הודעהדורך איך אויך » דינסטאג אפריל 21, 2020 7:13 pm

איך האלט גראדע יא אז ר''א שיקן זיינע בחורים אונטערצינדן א קימפעטורן היים פיהל מיט מאמעס און פיצלעך (אינמיטן די נאכט גאר!) איז טויזענט מאל ערגער ווי סיי וועלכע רב-רבי שריט די טעג. איך בין זיכער אז אין הונדערט יאר ארום וועט עס קיינער נישט קענען גלייבן אז אזאנס איז פארגעקומען אין די ווירליכקייט, און מען וועט עס פארציילן צוזאמען מיט אנדערע אומגלויבליכע קאנספיראציע טעאריעס.

אבער מיר לעבן אין א דעמאקראטיע און ראובן מעג חולק זיין.
Follow The Money ׁׂ(מרן Deep Throat ז''ל)
באניצער אוואטאר
איך אויך
חבר ותיק
חבר ותיק
 
הודעות: 5787
זיך רעגיסטרירט: דינסטאג אפריל 10, 2012 3:27 pm
האט שוין געלייקט: 8073 מאל
האט שוין באקומען לייקס: 2637 מאל

הודעהדורך ראובן » דינסטאג אפריל 21, 2020 7:24 pm

כ'בין מסכים אז אונטערצינדן א קימפעטארין-היים פארלאנגט מער רשעות. כ'רעד אבער פון דעם עפעקט אויף למעשה, וואס איז דא אסאך ערגער און פארלאנגט אז מ'זאל רעדן ליארעמען.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2628
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3574 מאל
האט שוין באקומען לייקס: 10342 מאל

Re: גייט אונזער געמיינדע זיך עפעס אויסלערנען פון דעם קריזיס?

הודעהדורך אונטער חכם » דינסטאג אפריל 21, 2020 10:27 pm

ראובן האט געשריבן:
אונטער חכם האט געשריבן:וואס טוט זיך מיט קאומא , דעבלאזיא, זיי גייען יא צאלן א פרייז?

לכאורה. טראמפ נישט.
איך האב בכוונה נישט געשריבן טראמפ, אין מביאין ראי' מן השוטים, אבער דערווייל זעהט נישט אויס אז קאומא וועט יא צאלן א פרייז, אפשר דעבלאזיא ווייל אים האט מען שוין ממילא פיינט.
אונטער חכם
ידיד ותיק
ידיד ותיק
 
הודעות: 811
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 621 מאל
האט שוין באקומען לייקס: 397 מאל

הודעהדורך בענדזשאמין פרענקלין » דינסטאג אפריל 21, 2020 11:44 pm

וואס איז די שאלה? אודאי גייט מען זיך אויסלערנען עפעס! נישט ממש די געמיינדע ,נאר די רביס און רבנים. מען גייט זיך אויסלערנען אז די רבי'ס און רבנים קענען מאכן\קאקען אויפן ציבור מיט כזיתים, ואין איש שם אל לב, און נאכן קריזיס וועלן אלע פארענטשס זיין מלא וגדוש מיט בשר ודגים וכל מטעמים, כאילו לא היה.
חמין במוצאי שבת מלוגמא
באניצער אוואטאר
בענדזשאמין פרענקלין
שריפטשטעלער
שריפטשטעלער
 
הודעות: 672
זיך רעגיסטרירט: מיטוואך נאוועמבער 14, 2012 11:53 pm
האט שוין געלייקט: 2528 מאל
האט שוין באקומען לייקס: 2947 מאל

הודעהדורך berlbalaguleh » מיטוואך אפריל 22, 2020 12:00 am

איך אויך האט געשריבן:איך האלט גראדע יא אז ר''א שיקן זיינע בחורים אונטערצינדן א קימפעטורן היים פיהל מיט מאמעס און פיצלעך (אינמיטן די נאכט גאר!) איז טויזענט מאל ערגער ווי סיי וועלכע רב-רבי שריט די טעג. איך בין זיכער אז אין הונדערט יאר ארום וועט עס קיינער נישט קענען גלייבן אז אזאנס איז פארגעקומען אין די ווירליכקייט, און מען וועט עס פארציילן צוזאמען מיט אנדערע אומגלויבליכע קאנספיראציע טעאריעס.

אבער מיר לעבן אין א דעמאקראטיע און ראובן מעג חולק זיין.

איך אויך: אבער דעם קאנטעקסט וויאזוי ס'האטציך אנגעהויבן. אויב ס'איז בכלל געווען. אז די רבי האט געשיקט די בחורים אונטערצינדן. וועט מען נישט געדענקען. אפילו היינט שמועסן זיי (די בני יואל און זייערע סימפאטיקערס) נישט פון דעם. זיי זענען נעבעך די אומשולדיגע שעפעלעך. זיי זענען געזיצן ביי די גמרא. און די רבי, וועם זיי האבן גערודפ'ט און נאכגעשריגן מיט די ערגסטע בזיונות האט געשיקט די בחורים אז זיי זאללן אונטערצינדן...!

ביי אונז אידן איז פארהאן אזא מושג ווי ..."קאזאק הנגזל"...ס'איז נאכמער ווי סתם א..."וויקטים מענטאליטי"...מיט וואס די ניגגערס באנוצן זיך צו בארעכטיגן אלע זייערע מעשי רציחה וגזילה. איך בין דאך א ..."וויקטים"...! דאס איז דער ..."קאזאק הנגזל"... אט דער קאזאק וואס האט אנגעמאכט די אלע פאגראמען מיט די באגלייט ערשיינונגען פון רציחה וכו'. ער איז נעבעך דער בא'עוולה'טער און באגזל'טער...!

(דאס פרעג איך נאר רעטאריש. ווייל הדברים ידועים ומפורסמים.). ווער האט אנגעהויבן די אפענע מלחמה אקעגן דעם דאמאלס'דיגן רב הצעיר אין מאנראו. אויב נישט יאסל וואלדמאן וסייעתו. און דאס איז נישט געווען סתם חילוקי דיעות. נאר זיי האבן געהאט איין ציעל.אז ר' אהרן זאלל מוזן רעזיגנירן זיין פאזיציע. און אנטלויפן...! נו, בשעת א מלחמת חורמה קוקט מען נישט אויף אזעלכע קלייניגקייטן ווי שניידן רעדלעך און אויסזעצן שויבן. זיי האבן אויסגערופן א מלחמת חורמה אויף ר' אהרן און זיין טאטן, דער ברך משה. און זיי האבן ב"ה פארלוירן די מלחמה. דארפן זיי זיך אראפזעצן און זיין שטילל. זיי דארפן זיך פרייען אז מ'לאזט זיי נאך וואוינען אין שטעטל. ווייל ביי סיי וועלכן אנדערע חסידות וואלט מען זיי פאריאגט פונ'ם שטעטל...! איז טאקע די איינציגסטע זאך וואס זיי קענען טון איז וויינען ווי אומשולדיגע וויקטים'ס...!
באניצער אוואטאר
berlbalaguleh
שריפטשטעלער
שריפטשטעלער
 
הודעות: 14039
זיך רעגיסטרירט: דינסטאג יולי 17, 2012 12:57 pm
האט שוין געלייקט: 16145 מאל
האט שוין באקומען לייקס: 9141 מאל

הודעהדורך שמעון וואלף » מיטוואך אפריל 22, 2020 12:02 am

@ראובן,
איך מיין די לייגסט צופיל שולד אויף די רבי'ס. קיינער האט זיי נישט מקבל געווען אלץ מנהיגים צוליב זייער קוואליפיקאציעס. א פרעזידענט ווען ער קאמפיינט דארף ער קאנווינסן די וויילער אז ער פארשטייט וויאזוי צו פירן דאס לאנד בשעה מלחמה אדער אנדערע קריזיס. א רבי דארף בסה"כ געבוירן ווערן ביים ריכטיגן טאטע און ער קוואליפייד. פארוואס זאל ער דארפן אפגיבן דין וחשבון ווען ער מאכט א מיסטעיק? האט ער דען אמאל געזאגט אז ער פארשטייט צו מעדיקעל סייענס? איי ער שפילט די געים ווי ער ווייסט וואס טיט זיך אין הימל און דא האט ער נישט פארגעזעהן אז מ'דארף זיך היטן? קיין פראבלעם, מ'וועט ווארפן די שולד אויף די פרויען אז זיי גייען נישט מיט שפיצלעך.
באניצער אוואטאר
שמעון וואלף
חבר ותיק
חבר ותיק
 
הודעות: 2649
זיך רעגיסטרירט: זונטאג דעצעמבער 14, 2014 2:33 pm
געפינט זיך: אין דרום
האט שוין געלייקט: 4175 מאל
האט שוין באקומען לייקס: 2744 מאל

Re: גייט אונזער געמיינדע זיך עפעס אויסלערנען פון דעם קריזיס?

הודעהדורך אונטער חכם » מיטוואך אפריל 22, 2020 12:43 am

אזוי ווי עטליכע האבן שוין ארויסגעברענגט , מען קען דא ערנסט מיינען אז די אלע שרייבערס דא זענען מענטשן וואס האבן אלע יארן בלויז געליינט דער איד און דער בלאט, אדער המודיע און יתד, און זיי האבן באמת געמיינט ביז יעצט אז מיר האבן ערנסטע מנהיגים, פלוצלינג האבן זיי זיך אויפגעוועקט, אוי, אונזערע מנהיגים האבן געפעילט.
ר' איד, איך ווייס נישט אונטער וועלכן שטיין איר זענט געשלאפן, אבער מיר האבן נישט קיין מנהיגים, און עס גייט שוין אן אזוי יארן לאנג, קען זיין אמאל איז געווען, איך ווייס נישט, קען זיין אין אר''י איז דא עפעס, איך ווייס אויך נישט, דער ציבור דא אין אמעריקע האט נישט קיין מנהיגים, די רביס זענען דא אלס ריפלעיסמענט פאר ספארטס, און די רבנים זענען דא צו פסק'ענען שאלות, אין בעסערן פאל, טייל האבן נאך קוואליפיקאציעס, זיי האבן עפעס צו פארקויפן אין תורה אדער אין אידישקייט, טייל זענען אויך גוטע עסקנים, זיי שאפן געלט פאר אידן, זיי העלפן ארויס אידן אין אנדערע פראבלעמען, אבער מנהיגים האבן מיר נישט, ווילסט מיר זאלן יא האבן? איך וויל אויך.

אויף למעשה מוזן מיר זיך נאר באגנוגענען מיט די זעלבע לידערס וואס יעדער האט, מיטן גאווערנאר און מיטן מעיאר, ווען די גוים שרייען אז ביי אונז איז די וויירוס מער פארשפרייט, דארפן מיר זיך נישט פארענטפערן מיט טויזנט תירוצים, מיר דארפן צוריקשרייען, מיסטער גאווערנאר, מיסטער מעיאר, וואס האסטו געטועהן זיכער צו מאכן אז דער מעסעדזש קומט אן צו די חסידים, מיר זענען סיטיזענס פון ניו יארק און די גאווערמענט איז אחראי אויף אונז פונקט ווי אויף יעדעם איינעם.
אונטער חכם
ידיד ותיק
ידיד ותיק
 
הודעות: 811
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 621 מאל
האט שוין באקומען לייקס: 397 מאל

הודעהדורך ליטוואק פון בודאפעסט » מיטוואך אפריל 22, 2020 4:38 am

איך האב געוואלט שרייבן די אשכול אויף א שטיקל אנדערע נוסח, אבער יעצט וועל איך עס שוין דא אריין לייגן.

אקעי, קיינער איז נישט שולדיג אין די מיתות פון דער קאראנא, מיר האבען פשוט נישט קיין מנהיגים, מ'האט זיך טועה געווען. אויף בענטשן און מסדר זיין קידושין זענען זיי גוט, אבער הנהגה קענען זיי נישט, און זיי זענען נישט שולדיג אין דעם פונקט ווי איך בין נישט שולדיג אז איך קען נישט זינגן.

אויב אזוי, דארף מען גענצליך איבערקוקן אונזער סאסייעטי. אזויפיל זאכען זענען געבויט אויף יסודות וואס מיר האבען נישט איבערגעקוקט, ווער ווייסט וואס דארט טוט זיך? למשל, כשרות פון מאכלים. קיינער פון אונז הייבט נישט אן צו וויסען וואס טוט זיך דארט, נישט די מציאות און נישט די הלכה. די רבנים המכשירים זענען עפ"י רוב נישט קיין וועלטס תלמידי חכמים, און מיר פארלאזען אז עס איז דא עפעס א דרך הפסק וויאזוי זיי טון וואס זיי טון. די סיסטעם פון שחט'ן איז שוין אויסגעטראטען די לעצטע פופציג יאר, און מסתמא אונטער די שטרענגע אויג פון די רבנים. אדער נישט. אדער האט דער נירבאטור געטון כל ימיו ככל העולה על רוחו, ומי יאמר לו מה תעשה ומה תפעל, און קיין שום ת"ח האט נישט דורכגעקוקט דער ענין, פארלאזענדיג אויף אנדערע. אויף וואס פארלאזען מיר זיך?

(ומן הנותן ענין צו דערמאנען א מעשה. א געוויסע איד, וואס זיין נאמען איז מיר ארויס געפלויגען פון קאפ אויפ'ן מינוט, האט אנגעהויבען לערנען די סוגיות פון טומאת כהנים. זייענדיג א כהן, האט ער נאכגעפארשט וואס טוט זיך אויף פליגעס, און עס איז אים שווארץ געווארען פאר די אויגען. מ'האלט אין איין ליפערן מתים קיין ארץ ישראל, און א כהן מעג נישט מיטרייזן אויף די פליגעס. איז ער ארום געגאנגען ביי די רבנים צו הערן וואס דא טוט זיך, ונתברר אז דער ראש הליפערערס ז"ל האט געהאט עפעס א פלאן מיט א פותח טפח. האט דער איד געפרעגט ביי די רבנים און אלע האבען געזאגט פה אחד אז די היתר איז א מגדל הפורח באויר (עקסקיוז דע פאן) און אין לה על מה שיסמוך, און זיי האבען געהאט אזוי געזאגט צום ראש הליפערערס בשעתו. יענער האט ליאמירט, עכ"פ אין לעיקוואד, און כהנים ווייסען היינט אז זיי קענען אויף גארנישט פארלאזן, און מ'מוז מאכען א סטאפ אווער אין א שטאט אין יוראפ וואס האט נישט צופיל אידען, אנדערש וועלן זיי כמעט זיכער עובר זיין אויף א לאו אין תורה. הייסט'ס דער וועלט האט פארלאזט אז מסתמא טוט מען כדין, און דערווייל לא מיניה ולא מקצתיה.)

דער ענין פון מציצה בפה. איך האב נישט קיין אייגענע מיינונג אין דעם, אבער לאמיר אריין טראכטן. די רעגירונג ווייסט אוודאי גארנישט וואס טוט זיך, זיי ווייסען נישט פון דער אריז"ל, פון די געוואלדיגע ענין פון מציצה. בסדר. זאג נאר, ווער האט דיר געזאגט אז דאס איז יא בסדר? פון וואנעט ווייסטו אז די מעדיצינישע מיינונג פון די מוצצים מומחים איז ריכטיג? נעמסט אן אז מסתמא האט 'דער עולם' דאס דורכגעטון. ווער האט עס געטון? ווער האט עס געפארשט? וועלכע בעל אחריות האט עס דורכגעטון? נישט קיין צייטונג שרייבער צו פ.ר. מומחה וואס האט ערגעץ געטראפן א שטודיע און געבויט אויף דעם. אפשר איז עס טאקע נישט קיין סכנה, איך ווייס נישט. איך זאג נאר אז זיך פארלאזן אויף 'דער עולם' איז נישט אין פלאטץ.

באופן כללי זענען מיר מסכים צו דער חינוך וואס מיר גיבן פאר די קינדער, ווייל למעשה ארבעט אזוי די סיסטעם. איך האב גערעדט מיט מיין קינדערס מנהל מיט טענות אויף די סיסטעם, און ער האט צוגעלייגט אסאך טענות צו מיינס, אבער "למעשה, געלונגט עס. גיי אריין אין ב.מ.ג. און קוק די יונגעלייט הארעווען אין לערנען". הייסט'ס all's well that ends well. עס וועט זיך אויסארבעטן. און יעצט זעט מען אז אלס איז גארנישט, אין כאן שיטה אין כאן מהלך אין כאן חינוך. די דרך הלימוד אין ישיבות קטנות איז נישט געמאכט געווארן דורך איינער וואס האט עס דורכגעטראכט, די דרך המוסר איז נישט געבויט אויף עפעס, דער 'שיטת הישיבות' איז נישט עפעס א מסורה איש מפי פיש ביז איך ווייס ווי. זאכען פאסירן פון זיך אליינס. (איך רעד פון מיין ציבור, ווייל דאס ווייס איך גוט, און דארט מוטשע איך זיך. אין אנדערע קהלות איז די פראבלעם מער די לימודי חול וכדו').

און אזוי איז אין אלע ענייני הלכה, פון אזא מעשה דארף מען ווערן א גרעסערע מחמיר, נישט קיין קל. יא, אלע אין ווסמב"ג דאווענען שבת און יו"ט נאך זמן תפלה. מיינסט אז דאס איז אויסגעארבעט? איינער האט עס דורכגעלערנט און אזוי איז ער ארויס געקומען להלכה ולמעשה? א פייג! עס איז געווארען פון זיך אליינס. טאמער דו זעסט היינט די חרבן, מוזטו זיך זעצן מיט א גמרא טור שו"ע, און זיך אויסלערנען וואס יא און וואס נישט, 'דער עולם' איז גארנישט ווערט, לא לחומרא ולא לקולא.

דער עירוב אין ברוקלין איז גוט, נאר קנאים האבען עפעס קעגן דעם'. יא? אזוי? האסט עס באקוקט? דו מיינס טאקע אז עס שטייט אזוי גוט יעדער וואך, דער עירוב חצירות מיט די שיתופי מבואות איז אינדערארדנונג? ועור זאגט דיר? וואס פארא מסתמא האסטו בשעה אז דא זעסטו פאר די אויגן אז קיינער קימערט זיך נישט מיט גארנישט?

וכהנה וכהנה, מיר לעבן אין יעדער ריר מיט'ן זיך פארלאזען אויף די וועלט, די גאס, די סיסטעם. א מענטש שטארבט יונג, און דער סיסטעם האט שוין א קרן פאר די אלמנה מיט די יתומים. אדער נישט. אמאל האבען זיי און אמאל האבען זיי נישט. איך ווייס נישט די מציאות, איך זאג נאר אז זיך פארלאזן מעג מען אויף גארנישט.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

Re: גייט אונזער געמיינדע זיך עפעס אויסלערנען פון דעם קריזיס?

הודעהדורך אונטער חכם » מיטוואך אפריל 22, 2020 7:41 am

הייסטעס דו ביסט טאקע אויך פון די וואס זענען ערשט יעצט געוואויר געווארן אז עס איז נישטא קיין מנהיגים?
אונטער חכם
ידיד ותיק
ידיד ותיק
 
הודעות: 811
זיך רעגיסטרירט: דאנערשטאג מערץ 02, 2017 5:42 pm
האט שוין געלייקט: 621 מאל
האט שוין באקומען לייקס: 397 מאל

הודעהדורך ליטוואק פון בודאפעסט » מיטוואך אפריל 22, 2020 7:59 am

דאס ווארט 'געאוויר' באדייט אסאך זאכען. מ'קען עס זאגען, מ'קען עס טראכטן און מ'קען עס פארשען. ארויס נעמן די מסקנות איז גאר אן אנדערן שטאפל.

וואס זאגסטו אויף מיין משלים? טראגסט אין גאס אין א שטאטישע עירוב ווי דו ווייסט נישט דער בודק און דער רב המכשיר פערזענליך אז ער פסקנ'ט ריכטיג? עסטו פון די שחיטות פון די קאמאפניס? דו לאזט דער מוהל מוצצ'ן דיין קינדער? דיין קינדער גיין אין חדר\סקול מיט יעדעם?

איי, דו האסט דאך געוואוסט אז קיינער פירט נישט די רעדל, און עס איז נישט דא אויף וועמן זיך צו פארלאזן? הייסט'ס ביסט נאך נישט 'געואוויר' געווארן.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9607
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9100 מאל

הודעהדורך במדבר » מיטוואך אפריל 22, 2020 11:19 am

איך בעט ענק! ביטע! פאר אינזערע פאלקס אינטערעסן, נעמטס ארויס די רבנים, פון ענקער ''מיינד סעט''. די טויש דארף קימען פון אינטן, ''אין מלך בלי עם''. יא אינז ווייסען אלע אז די קאפ פינעם פיש שטינקט, אבער דאס איז נאר ווייל מיר האבען זיי ארויסגענימען פון וואסער.

ווי איך האב פריער אנגעצייכנט די טויש האט שוין פאסירט.

במדבר האט געשריבן:גערעכט ראובן! עס וועט נישט זיין א קאלעקטיווער חשבון הנפש, אבער א טויש! א טויש איז שוין אין פלאץ, בעצם חרדי'זים אלס א ''קולטור'' עקזיסטירט
אדערווייל נישט.(''קולטור'' vs אמונת טפילות וואס האט זיך נאר פארברייטערט)

די עקזיסטענץ פון חרדי'זים איז אנגעוואנדן אין טומל און אין הו-הא (''עס איז יו''ט אינדערוואכן'') איר דם התמצית איז די אייביגע ווירבלרייען, ''מקוה-קאווע-שחרית-חברים -פארברענגן-מנחה-חברותא-שמיסן-מעריב-''יא איך קים שוין א'היים'',-זאג! כע! דיינס מאכט דיר אויך אזוי נערוועז?!-שמיסען-וואס נאך?-נו! דעס האב איך שוין געהערט-נו! לאמיר עפס לערנען-11 39 pm-טייערקייט די ווייסט ווילאנג איך ווארט אויף דיך?!''.

לעבן זאל דער ווידערשטאנד!


נאר מ'דארף זיכער מאכען אז די צאפעלדיגע קערפער שטייט נישט נישט אויף לתחיה, אריינצולייגן נאך פלאקען אין די זינקענדע שיף, למען עתיד דורותינו.

איי רבנים! וואס האסטו געזאגט?! רבנים :lol: :lol: :lol:



א יונגער מענטש וואס גלייבט נאך אין א טויש.
הלוואי ויתמזגו מזרח ומערב.
באניצער אוואטאר
במדבר
ידיד השטיבל
ידיד השטיבל
 
הודעות: 258
זיך רעגיסטרירט: דאנערשטאג אפריל 02, 2020 12:58 pm
האט שוין געלייקט: 671 מאל
האט שוין באקומען לייקס: 376 מאל

הודעהדורך אישתישבי » מיטוואך אפריל 22, 2020 12:10 pm

נאר צולייגן איין ווארט צו וואס ליטוואק האט געשריבן, דער טעלעפאן ישיבות האט געוויזן דער מערסטער דער פעלער פין דער ישיבה קטנה סיסטעם, קינדער קענען נאך אויסהערן דער רבי א שעה א האלב אויף דער טעלעפאן און זיך איינרעדן אז זיי האבן עפעס געהאט חדר, אבער די בחורים אין ישיבה לכל הפחות האלב פין די בחורים הערען נישט אויס ווען זיי זענען אין ישיבה, און זיי שטופען דער טאג דורך אריינגיין צום שיעור אביסעל טוילעט און אביסעל קאווע, יעצט מיט דער טעלעפאן האבן דער העלפט גארנישט. מען ברויך זיך אויסלערנען פין דער גויאישער סיסטעם פין היי סקול וויאזוי עס ארבעט מיט א קורצע שיעור חזרה און טעסט, אהן דער סטופיט בולשיט וואס גייט פאר אין אונזערע ישיבות.
א קונץ צו זיין אליהו הנביא? א קונץ צו זיין איש תשבי!
אישתישבי
חבר ותיק
חבר ותיק
 
הודעות: 2678
זיך רעגיסטרירט: מיטוואך מערץ 09, 2016 12:19 am
האט שוין געלייקט: 103 מאל
האט שוין באקומען לייקס: 1409 מאל

הודעהדורך מאך זיכער » מיטוואך אפריל 22, 2020 4:41 pm

די גאנצע זאך פון באשולדיגן רבי'ס איז אביסל לעכעריג אבער עס איז באגרינדעט, איך וועל זיך פרובירן צו מסביר זיין אביסל מער קלאר.

עס איז נישט קיין חילוק וויאזוי מיר האבן אנגעקוקט די רבי'ס ביז היינט, דער פאקט אז זיי פארהוילן זיך אינגאנצן אין אזא צייט ווייזט אז עס הערשט א לייכטזיניגקייט ביי די חסידים פונקט אזוי.

די נקודה וואס א רבי דארף קענען איז פראווענען מופתים און קוויטלעך, ער מוז זיין א קדוש וטהור און א דערהויבענער מענטש, איינער וואס האט נישט די קוואליפיקאציעס איז שוין נישט קיין רבי, נאר וואס דען? מענטשן האבן ליב צו געהערן צו א פלאץ, ווייל דאס מאכט זיי שפירן ווי זיי זענען עפעס א מציאות, א בחינה ווי אין די אלגעמיינע וועלט גלייבט מען גאר שטארק אין סעלעבראטי'ס, דעריבער ווערן די היינטיגע רבי'ס נישט אנגערופן רבי'ס, נאר אין בעסטן פאל קאמיוניטי פירער, און א קאמיוניטי פירער מוז קענען פירן, דאס הייסט ער מוז קענען שטעלן מיינונגען און ווייזן וואס צו טון, אויב איינער וואס שטייט בראש פון א קהילה קען נישט קיין מופתים און נישט קיין תורה און אויך נישט פירן, דען פארוואס שטייט ער בראש?

א רבי וואס קען נישט טון די מינימום אויף דער אייגענער האנט, אדער א רבי וואס ווערט געפירט דורך אן עסטעבלישמענט איז נישט קיין רבי, און זיינע חסידים זענען נישט קיין חסידים, זיי זענען בלינדע צאן לטבח פאר די וועלכע פירן דעם רבי'ן זעלבסט.

פארוואס זענען נישט חיים שלמה פישער אדער משה גבאי צו יצחק שטערן די טיש פירער? ס'האט דאך נישט קיין האפט און קיין זין צו דינען איינער וואס קען ניטאמאל לערנען אליין...

און די אלע רבי'לעך וואס פארמאגן נישט קיין עסטעבלישמענט, זיי זענען די וועלכע פרובירן יא צו טון זאכן אליען, אבער זיי האבן נישט קיין עכטע פאלאוערשיפ, א שטייגער ווי די גאר פרומע עקסטרעמיסטישע רבנים ווי מאיר יודל טענענבוים פון טשאטה מיט ר' משה בער בעק, אדער די גאר לינקע ליבעראלן ווי מוטה און משה יענקל האראוויץ, די פאר אויבנדערמאנטע זענען פיל מער קוואליפיצירט צו זיין רבי'ס אבער זיי זענען נישט וויבאלד זיי גייען נישט אין שטראם פון די עסטעבלישט וועג פון פירן א קהילה.

און אפילו אויב זיי זענען יא מצליח גרויס צו ווערן, ווערן זיי חרוב, ווי למשל ר' מיילעך בידערמאן וואס פלעגט זיין א שטארקע גוטזאגער אבער מיט די צייט האט ער געקריגן גבאים און משרתים און יעצט ווייסט מען שוין נישט וואס זייערע שטעלונגען זענען, ר' מיכל לעבאוויטש האט אלע קוואליפיקאציעס צו זיין א מנהיג אבער ער איז אויך א פארגאנגענהייט, ר' יצחק לעבאוויטש וואס זאגט יא קלאר זיינע מיינונגען שטייט אין וואודרידזש און דרשנ'ט פאר דריי אידן בעת די אחים ט"ב שרייען יעדן חוה"מ זאכן וואס זייערע שטוב מענטשן האבן זיי געהייסן זאגן.

דא וועט האפנטליך קומען א טויש נאכן וויירוס, אז דער עולם וועט אנהויבן זוכן קוואליפיצירטע מנהיגים וואס זאלן זיי פירן און זיי וועלן נישט ווילן מער זיין סתם שייך צו א קאמיוניטי מיט בלינדע רעגולאציעס, און די פרומע וועלן גיין צו די פרומע און די מער אויפגעקלערטע וועלן גיין צו די אויפגעקלערטע.
אני אדם משום מקום, שמחפש לו רק סיבה לחיות.
באניצער אוואטאר
מאך זיכער
היימישער באניצער
היימישער באניצער
 
הודעות: 533
זיך רעגיסטרירט: מיטוואך אוגוסט 09, 2017 9:47 pm
געפינט זיך: ששש... משה זוך מיר.
האט שוין געלייקט: 314 מאל
האט שוין באקומען לייקס: 594 מאל

הודעהדורך איסר האטלקי » מיטוואך אפריל 22, 2020 7:02 pm

ר' מיכל לעבאוויטש, ר' יצחק לעבאוויטש, און מסתמא אויך העלבראנץ, ניין?

און אגב, משה יענקל האראוויץ איז געגאנגען צו א חתונה מיט קאראנע, און אנגעשטעקט דארט אנדערע.
איסר האטלקי
חבר ותיק
חבר ותיק
 
הודעות: 2263
זיך רעגיסטרירט: מאנטאג מאי 23, 2016 2:00 am
געפינט זיך: צווישן קאסוב אין וויזניץ
האט שוין געלייקט: 1151 מאל
האט שוין באקומען לייקס: 1441 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: Google [Bot] און 3 געסט