אן אפענעם בריוו צו לאנגזאם און פעלדמאן

[עקפערימענטירער]

אין דער צייט וואס די קינדער זענען כלוא בבית, און די מוסדות שמידן זיי צו צו די טעלעפאן אפאראטן עטליכע שעה א טאג אן די מעגליכקייט צו קענען זען און אינטערעקטן מיט זייערע מלמדים און מחנכים, האט "ר' ישעי'לע'ס קאך" באוויזן דאס אומגלויבליכע, צו מאכן א לייוו שאו פאר טויזענטער חסידישע קינדער און זיי האלטען אינטערטעינד פאר עטליכע שעה אין א צי.

אין די ערשטע מינוטן פון דעם שאו האט מען געקענט זעהן וויפיל עס האבן מיטגעהאלטן, און עס האט געהאלטן אין איין וואקסען, ביז זיי האבן אוועקגענומען די מעגליכקייט צו זעהן דעם נומער. פאר זיי האבן עס אוועקגענומען האט מען געקענט זעהן אז עס האבן מיטגעהאלטען די קאלאסאלע סכום פון 2,900 דעווייסעס! נעמענדיג אין באטראכט אז ס'האט געקאסט 20 דאללער מיטצוהאלטען, איז גאנץ זיכער אז מיט כמעט יעדע דעווייס האבן מיטגעהאלטען א גאנצע משפחה. דאס מיינט אז ס'איז נישט אונטערגעשאצט צו זאגן אז בלויז אין די ערשטע מינוטן זענען שוין געווען צעהן טויזענט חסידישע אידן אויף די אנליין שאו!! און דער נומער איז גאנץ זיכער געוואקסן העכער.

דאס ווייזט דעם פשוט'ן אמת אז די היימישע חסידישע אידענטום לעכעצט פאר אידישע און ערליכע ענטערטעינמענט אויף דעם אינטערנעט און אז ס'איז דא די ציבור וואס איז אפען פאר דעם – אפילו די מוסדות מאכן זיך כאילו ס'עקזיסטירט נישט.

אבער דאס שטרייכט נאך מער אונטער די ערענסטקייט מיט וואס מ'דארף נעמען אזא שאו, און ווי מ'דארף זיין חכמים וואס זענען נזהר אין די ווערטער, סיי נישט צו פארדארבן די קינדער ח"ו, און סיי נישט צו מאכן א חילול ה'.

אבער נעכטען איז פארגעקומען א שרעקליכע מכשול וואס טאר נישט פארשוויגען ווערן. ווי ס'איז ליידער איינגעווארצעלט ביי טייל פון אונז, האט מען אין זיך א שרעקליכע שנאה צו יעדע מענטש שלא מעמינו. יא, די זעלבע אידן וואס ווערן אויפגעשוידערט ווען א גוי זאגט עפעס נעגאטיוו וועגן אונז, קענען רעדן די מושחת'דיגסטע ווערטער קעגן אלע גוים, צומאל מיט שלעכטיקייט און רשעות ממש.

איך האב דאס דעמאנסטרירט אין מיין ארטיקל אינעם פאריגן וועקער אינעם ארטיקל "יעקב שונא לעשו", אז די זעלבע ווערטער וואס אונז זאגן אויף גוים, אויב אן אנטיסעמיט וואלט דאס געזאגט אויף א איד, וואלטן מיר געווארן שרעקליך אויפגעשוידערט. און מיט רעכט.

אוודאי וואלטן מיר געווארן אויפגעשוידערט אויב מיר זעען א קליפ פון א גוי, ווי ער זאגט אז ער קען באשטיין אז קאראנא זאל בלייבן אויף די וועלט אויב נאר די אידן באקומען עס, און ענדיגט צו מיט א "ברכה": "איך ווינטש יעדן איד, שטארב שטארב שטארב" ר"ל.
נאר אין אונזער פאל איז געווען פארקערט, ווען לאנגזאם האט געזאגט "איך ווינטש יעדן גוי, שטארב שטארב שטארב" ר"ל.

פון ווי נעמט זיך די רשעות צו טראכטן אזעלכע זאכן, און נאך דערצו דאס זאגן אויף א פראגראם פאר טויזענטער און אפשר צענדליגער טויזענטער אידן? שוין אפגערעדט פון דעם שרעקליכן חילול ה' וואס דאס קען ברענגען.

פעלדמאן, לאנגזאם, היתכן??

כ'קען ענק נישט אינגאנצן באשולדיגן, ווייל אפשר זענט עטץ קרבנות שנשבו, אויפוואקסנדיג מיט צייטונגען וואס רעדן א ענדליכע שפראך און מלמדים אין חדר וואס האבן פיינט 99 פראצענט מענטשן פון די וועלט וואס האבן זיי קיינמאל נישט קיין שלעכטס געטוהן.

איך האב גארנישט קעגן שעלטן שונאי ישראל, נאציס, און אנטיסעמיטן, אבער וואס ווילסטו פון די גאנצע וועלט? וואס האט דיך אן ארעמער גוי אין אפריקע געטוהן? וואס האט דיך דיין קלינינג לעידי געטוהן? וואס האט דיך דיין גראסערי דעליווערי בוי געטוהן? וואס האט דיך דיין דאקטאר געטוהן? און אויב גלייכסטו טראמפ, וואס האט ער דיר שלעכטס געטוהן?

דער אנטיסעמיט דארף נאר אנווייזן אויף דיין שנאה, און זיין שנאה איז בארעכטיגט. פארוואס זאל א אידן-פיינט נישט פיינט האבן א איד ווען די שרייסט אפן אז די ווינטשסט יעדן מענטש וואס איז נישט א איד זאל שטארבן פון קאראנע??

לשבחם פון די ארגאניזירער דארף מען זאגן אז זיי האבן געכאפט אז דאס איז געוועהן גאר א מיאוס'ע זאך, און האבן עס אראפגענומען פון די רעקארדינג. אבער פעלדמאן און לאנגזאם, היתכן??

די קליפ קען מען זעהן אויף די טעלעגראם טשענעל פונעם וועקער, דא.


אחינו בני ישראל, דריקט אויס אייער פארדאמונג אויף אזעלכע ווערטער. אויב אייערע קינדער האבן געזעהן די שענדליכע דיבורים, זייט זיי מחנך אז לא זו הדרך, מיר זענען אן עם הנבחר ווייל מיר זענען גוט און הייליג, און מיר דארפען נישט דערנידערן און שעלטן אלע אנדערע מענטשן פון די וועלט זיך צו הייבן. מיר ניצן נישט די טאקטיקן פון ראסיסטן און אנטיסעמיטן כדי זיך צו בויען. מיר האבן א תורה הק' און מיר זענען שטאלץ מיט ווער מיר זענען!!

[cictim]

האדמו"ר מצאנז: אין זה פלא כלל… הגויים באמריקה אינם פחותים ברשעותם מהגויים בשאר מדינות… מרן אאדמו"ר זי"ע לא היה יכול לשאת זאת שאומרים שה"אמריקאנער גויים" הם יותר טובים… כולם אנטישמיים ומפעם לפעם זה מבצבץ ועולה. "עשו שונא ליעקב" נאמר על כל הגויים. זהו מחסדי ה' שיהודים גרים שם קצת במנוחה ושלוה, השי"ת יעזור הלאה. בכל מצב ובכל מקום אנו בגדר "עם לבדד ישכון".

http://www.kolhazman.co.il/335646

[פאליטיקאנט]

די קליפ קען מען זעהן אויף די טעלעגראם טשענעל פונעם וועקער, דא.

שיין ארויסגעברענגט דיין פוינט, אבער ביטע נעם אראפ די קליפ ווייל דאס קען נאך ארומפארן בין העמים.
פונקט ווי אלע וואס האבן פארשריגן די מינינים און געפאוסט אויף סאציאלע מידיא.....

זיי האבן דאס נישט געדארפט זאגן און "אונז" דארפן זיכער מאכן עס געשעט נישט נאכאמאל, אבער אז דאס זאל ארומפארן קען גורם זיין צו דאס וואס מיר פרובירן צו פארמיידן.....

האדמו"ר מצאנז: אין זה פלא כלל… הגויים באמריקה אינם פחותים ברשעותם מהגויים בשאר מדינות… מרן אאדמו"ר זי"ע לא היה יכול לשאת זאת שאומרים שה"אמריקאנער גויים" הם יותר טובים… כולם אנטישמיים ומפעם לפעם זה מבצבץ ועולה. "עשו שונא ליעקב" נאמר על כל הגויים. זהו מחסדי ה' שיהודים גרים שם קצת במנוחה ושלוה, השי"ת יעזור הלאה. בכל מצב ובכל מקום אנו בגדר "עם לבדד ישכון".

http://www.kolhazman.co.il/335646

וואס האט דאס מיט'ן ענין?

[cictim]

ער האט כסדר גערעדט פון די שנאה אויף גוים

[פאליטיקאנט]

איך זע פארקערט, אז ער האט געזאגט מען זאל זיך נישט איינרעדן אז די אמעריקאנע גוים זענען בעסער פון אנדערע גוים, נאר אלע האבן אונז פיינט.
נישט אזוי?

[cictim]

וואס ברענגט ער ארויס דערמיט - זיך רעכענען מיט גוים ווי נארמאלע מענטשען אדער נישט?
בכלל פלעגט ער רעדן אסאך איבער די צוגאנג צו גוים אין דער אמאליגע היים, ווי מ'פלעגט זאגן "א איד שלאפט א גוי פאפט" וכו'
עיין הפעמון איבער די בריוו פון לאבין צו הרב דייטש וואס ער פארציילט סך הכל ווי קלויזענבורגער רב פלעגט רעדן אויף גוים, און ווי קען מען פארגעסן וואס זיין זון האט געשריגן אויף די פייער דיפארטמענט ערב פסח אפאר יאר צוריק...

[אמת וצדק]

א דאנק אייך @עקספערימענטירער פארן מעורר זיין דעם ציבור איבער דעם קליפ, איך בין זיכער אז אייער ווערטער וועלן האבן אן השפעה צום גוטן.

און בנוגע וואס הרב @cictim צייכענט אן וואס קלויזענבורגער רב ז״ל פלעגט זאגן, קומט נישט אהער. קלויזענבורגער רב האט געזאגט אז לדעתו זענען די אמעריקאנער גויים בעצם די זעלבע אנטיסעמיטען ווי די אייראפעישע גויים, נאר וואס דען, זיי ווייזען עס ברוך השם כמעט נישט ארויס, נו ווי קומט דאס אהער?
און אפי׳ אז צדיקים און חסידישע אידן פלעגן צומאל מאכן ווערטלעך און אפי׳ רעדן שארפע דיבורים אויפן גוי׳ס חשבון, ווי די צייכענטס צו לדוגמה: אז דער איד שלאפט אבער דער גוי פאפט. האט מען דאס געטוהן כדי זיך מרחק צו זיין פונעם גוי, אבער צו זאגן פאר אלע גוים You should die die die, ווי איז געהערט געווארן אזא זאך?? זענען זיי נישט יצירותיו של הקב״ה? חביב אדם שנברא בצלם אלקים, גייט ארויף אויפן גוי! נאר אונז האבן א חיבה יתירה.


Sent from my iPhone using Tapatalk

[cictim]

שוין וועט מען מוזן אפיר זוכען איינע פון זיינע דרשות אויף די ענין להסר ספק.

[בת קול]

איך וויל ארויס ברענגען לשבח די וויץ וואס זיי האבן געמאכט:
"אז מען האט 6 קינדער וויל מען נישט האבן מער..."
עס נעמט גאטס צו מאכן אזא וויץ אין פארנט פון אזא ריזן אידישן אודיענץ.
כה לחי!

[אישתישבי]

א גוי מיינט מען א רשע. א גוטער גוי איז נישט בכלל.

אבער ביסט גערעכט, ער וואלט געקענט זאגן איך ווינטש פאר יעדעס רשע, אופס, עס וואלט אבער נישט געגראמט, איך ווינטש פאר יעדעס שלעכטע גוי וואלט געוועהן אקסעפטיבעל לכאורה, הגם מען לעבט שוין היינט אין א העכערער דור, וואס ווינטשן טויט אפילו אויף שונאים איז נישט עטיש.

[פליישיג]

הלכה בידוע שעשו שונא ליעקב.

טאמער איז עס אזוי, דאן מוז מען זיך פירן הלכה'דיג, ניין?

[וואלווי]

הלכה בידוע שעשו שונא ליעקב.

טאמער איז עס אזוי, דאן מוז מען זיך פירן הלכה'דיג, ניין?

ניין.

חוץ אז די רעדסט פון די וואס האלטן אז ס'איז א "מצוה" יענעם צו באגרבן...

[פליישיג]

הלכה בידוע שעשו שונא ליעקב.

טאמער איז עס אזוי, דאן מוז מען זיך פירן הלכה'דיג, ניין?

ניין.

חוץ אז די רעדסט פון די וואס האלטן אז ס'איז א "מצוה" יענעם צו באגרבן...

פארוואס מעג מען אפטרעטן פון דער הלכה און עובר זיין דערויף?

[רביה''ק זי''ע]

מ'האט עס נישט אנגענומען.

[עוקר הרים]

א דאנק אייך @עקספערימענטירער פארן מעורר זיין דעם ציבור איבער דעם קליפ, איך בין זיכער אז אייער ווערטער וועלן האבן אן השפעה צום גוטן.

און בנוגע וואס הרב @cictim צייכענט אן וואס קלויזענבורגער רב ז״ל פלעגט זאגן, קומט נישט אהער. קלויזענבורגער רב האט געזאגט אז לדעתו זענען די אמעריקאנער גויים בעצם די זעלבע אנטיסעמיטען ווי די אייראפעישע גויים, נאר וואס דען, זיי ווייזען עס ברוך השם כמעט נישט ארויס, נו ווי קומט דאס אהער?
און אפי׳ אז צדיקים און חסידישע אידן פלעגן צומאל מאכן ווערטלעך און אפי׳ רעדן שארפע דיבורים אויפן גוי׳ס חשבון, ווי די צייכענטס צו לדוגמה: אז דער איד שלאפט אבער דער גוי פאפט. האט מען דאס געטוהן כדי זיך מרחק צו זיין פונעם גוי, אבער צו זאגן פאר אלע גוים You should die die die, ווי איז געהערט געווארן אזא זאך?? זענען זיי נישט יצירותיו של הקב״ה? חביב אדם שנברא בצלם אלקים, גייט ארויף אויפן גוי! נאר אונז האבן א חיבה יתירה.


Sent from my iPhone using Tapatalk

ווען די רמב"ם האט געשריבען עכו"ם מורידין ולא מעלין דהיינו אויב מען זעהט א גוי שטארבען זאל מען עם לאזען שטארבען האט ער נישט געוויסט פון חביב אדם שנברא בצלם?? איך זאג נישט אז איך פארשטיי עס נאר דאס איז געווען די ציגאנג ביי יודען צו גוים אלע דורות.....

Sent from my SM-A105F using Tapatalk

[פליישיג]

מ'האט עס נישט אנגענומען.

מקור?

[עוקר הרים]

הלכה בידוע שעשו שונא ליעקב.

טאמער איז עס אזוי, דאן מוז מען זיך פירן הלכה'דיג, ניין?

די ווייסט וואס מיינט עשו?? איך גלייב נישט עס מיינט אלע גוים ווייל עס איז פשוט נישט אמת....

Sent from my SM-A105F using Tapatalk

[רביה''ק זי''ע]

מ'האט עס נישט אנגענומען.

מקור?

שולחן ערוך

[פליישיג]

מ'האט עס נישט אנגענומען.

מקור?

שולחן ערוך

ווי פונקטליך?

[מי אני]

לכאורה מיינט מען די גמרא אין סוף הניזקין (גיטין סא.), וע"ש בעין משפט על אתר (ועיין כאן).

[רביה''ק זי''ע]

יא, אונז זענען מחיוב ע"פ הלכה למשה מסיני פיינט צו האבן גוים ווייל קלויזענבורגע רב האט זיך זייער שארף אויסגעדריקט קעגן די גוים, אבער די גוים זענען פונקט אזוי מחויב אונז פיינט צו האבן ווייל מארטין לותר האט זיך זייער שארף אויסגעדרוקט קעגן די אידן. אידן און גוים מוזן זיך פיינט האבן איינס דעם צווייטן ווייל אזוי פלעגט מען אלץ טון, אויך מוז מען פארן מיט פערד און וועגענער, נישט גיין וואלענע רעקלעך (חסידים האבן שטארק מקפיד געווען נישט צו אנטון וואלענע קליידער) און פאליעסטער בעקישעס (פאליעסטער איז א מאדערנע ערפינדונג) פאר דעם זעלבן סיבה, פארפאלן. איין זאך איז אבער זיכער, דאס אז די נאציס האבן געהארגעט אידן איז נישט קיין שום סיבה זיי פיינט צו האבן, פארקערט, א גוי וואס איז גוט צו דיר איז דאך עובר אויף דעם הארבן הלכה למשה מסיני און דו דארפסט איהם הערשט פיינט האבן.

[רביה''ק זי''ע]

מ'האט עס נישט אנגענומען.

מקור?

שולחן ערוך

ווי פונקטליך?

די זעלבע פלאץ וואו ס'שטייט אז מ'האט נישט אנגענומען שמן עכו"ם.

[עוקר הרים]

הלכה בידוע שעשו שונא ליעקב.

טאמער איז עס אזוי, דאן מוז מען זיך פירן הלכה'דיג, ניין?

און עפעס וואס איז געוועהן בידוע טויזענט יאר צוריק מיינט נישט אז היינט איז עס נאך אויך די זעלבע מציאות....

[רביה''ק זי''ע]

כ'על דיר מגלה זיין א סוד אבער נאר אויב דו זאגסט מיר צו אז דו וועסט פאר קיינעם נישט פארציילן, די גאנצע מאמר חז"ל איז נישט געשטויגן און נישט געפלויגן. אונז ווייסן דאך אז ס'נאר דא זיבן מצוות וואס די גוים זענען מחויב, און בכלל, פארוואס זאל דער באשעפער מחייב זיין א גוי פיינט צו האבן א איד? ס'האט דאך נישט קיין הענט און קיין פיס. נאר וואס דען, און דא ליגט די סוד וואס דו טארסט קיינעם נישט פארציילן. 1) די ספרי רעדט בכלל נישט פון גוים און אידן, מ'רעדט פון די צווילינג ברידער יעקב און עשו, יא, יענער מיט די ווייסע סטראקעס און די פיר הונדערט באגלייטער. 2) הלכה אין די לשון הגמרא מיינט א זאך וואס איז מקובל. יעצט איז שוין אלס פארשטענדליך, די ספרי זאגט אזוי: הלכה - ס'איז מקובל, שעשו שונא ליעקב - אז עשו האט פיינט געהאט דעם אלטן זיידן יעקב.

[עוקר הרים]

קיינער האט נישט געזאגט אז עס איז א מצוה אדער א חיוב, נאר די ראשונים האבען עס אראפגעברענגט צו זאגן אז דאס איז דעמאלס געוועהן די פאקט אז רוב גוים האבען פיינט געהאט די יודען...