א געזעלשאפט פון פראדוקטן אנשטאט אינדיווידועלן

ארטיקלען און באטראכטונגען איבער דער חרדי'שער געזעלשאפט און קולטור

א געזעלשאפט פון פראדוקטן אנשטאט אינדיווידועלן

הודעהדורך איש עברי » מיטוואך מאי 06, 2020 1:07 pm

״די כלים האבן אים נעבעך אראפגעפירט צום שאול תחתית״ האט דער אומגליקליכער פאטער געיאמערט ביים ארון פון זיין אומגעקומענער קינד. דאס קינד איז אומגעקומען אין יונגן עלטער פון 20 יאר הארט נאכ׳ן העלפן א צווייטן מיט זיין קאר. זיינע חברים געדענקן אים אלס ״א שטיק הארץ און דער בעסטער חבר וואס מען קען זיך וואונטשן״, אבער דער פאטער זעט אים אלס עמיציר וועלכער איז געווען אין די טיפענישן פון שאול תחתית.

עס איז א אומבאשרייבליכע טראגעדיע, איך קען נישט - און איך וויל נישט - פארשטיין וואס לויפט אריבער ביי א טאטן אין קאפ ווען ער גייט אריבער אזא גרויליגע טראגעדיע, און איך בין נישט אויסן אים צו דן זיין, איך קען אפילו נישט אריינגיין אין זיין פערזענליכע איבערלעבענישן, און מיר ווייסן אז ״אין אדם נתפס על צערו״.

אבער אין וועלכע וועלט קוקט א טאטע אויף זיין יונג קינד און זעט אים אלס א דורכפאל, א פארדארבן עפל, א פראדוקט פונעם שטן? אין וועלכע וועלט שטייט א טאטע ביים ארון פון זיין קינד און רייסט אראפ זיין אייגענע בלוט און פלייש? א זאך וואס גייט קעגן יעדע נארמאלע מענטשליכע אינסטינקט.

א מענטש איז נישט קיין פלעשל מילך און קען נישט פארדארבן ווערן, ער איז נישט קיין שעפעלע און קען נישט אראפקריכן פון וועג. דאס קינד געהערט נישט צום טאטן, ער איז אן אויטאנאמישער יחיד, א חלק אלוקי ממעל וואס האט די רעכט און די חיוב צו פירן זיין לעבן לויט ווי דער רבוש״ע האט אים געגעבן שכל און וויאזוי זיינע נטיות הלב פירן אים.

אבער ליידער לעבן מיר אין א געזעלשאפט וואס האט אויפגעשטעלט א ״סיסטעם״ וואו יעדער מוז אריינפאסן ווי אין א סדום בעטל, די וועלט ארום אונז טוישט זיך מיט א בליץ שנעלקייט, אבער די וועלכע שטייען אין שפיץ פונעם ׳פאנזי פיראמידע׳ וואס רופט זיך דאס יהדות החרדית זענען פארעקשנ׳ט צום אזוי-גערופענעם ׳חדש אסור מן התורה׳ דאקטארין, און אינעם נאמען פון דעם האלב-געבאקענעם ווערטל האלט מען אן אן אומפונקציאנירדע סיסטעם פון וועלכע עס פאלט קרבנות טעגליך.

אין א וועלט פון אויסטערלישע פארשריט אינעם געביט פון חינוך און פארשטאנד צום יוגנט האלטן מיר אן חדרים וואו עס זיצן די סאמע אונטערשטע פונעם סאציאלן שטייסל און פארוויסטעוועט די קינדער מיט לאנגווייליגע לימודים און געבן איבער די טויזנט-יעריגע מסורה פון משפטים הויזן. אונזערע חדרים זענען אינסטיטוציעס פון ׳טשיילד אביוז׳ אין יעדן הינזיכט.

די קינדער וואס קומען ארויס פון די חדרים האבן פארדזשאוועטע מוחות און צוקריצטע נפשות, זיי גייען ארויס אין א וועלט וועלכע זיי קענען נישט און האבן נישט באקומען די מינדעסטע יסודות וויאזוי מען ספראוועט זיך דערמיט, און זיי ווערן פארביטערט און מאראליש-קאמפראמיזירט ווען זיי פרובירן צו מאכן א דאלער, אבער אנשטאט קוקן אויפ׳ן סיסטעם וואס האט זיי אזוי מיאוס פארראטן זענען זיי שוין נעבעך אליין פארכאפט אין א צירקל פון דיספונקציע, א ענדלאזע שדים-טאנץ פון באשולדיגן די גאנצע וועלט אין זייערע פראבלעמען, אבער חס ושלום נישט כאפן א בליק אינעם קאלעקטיוון שפיגל און פרעגן ׳בשל מי הרע הזאת׳.

און דער תוצאה איז אז מיר לעבן אין א געזעלשאפט פון פראדוקטן, יעדער איינער איז א פראדוקט פונעם סיסטעם, א געזונטע קאלעקטיוו איז פרא-אקטיוו, זי קוקט זיך אין שפיגל, זי קאכט זיך אין זעלבסט-קריטיק, זי וויל זיך פארבעסערן, אבער אין א קאלעקטיוו פון פראדוקטן האבן מיר מיטאמאל דעם יכולת פון ׳אינראספעקטיווע קריטיק׳ -- מיר זענען בארויבט נישט נאר פון די רעכט צו זאגן אונזער מיינונג, מיר האבן אפילו נישט דעם ווערטער-בוך צו אויסדרוקן ווי ווייט מיר זענען פארקראכן פון נארמאלקייט און ציוויליזאציע.

אט אזוי האבן מיר אויפגעשטעלט א קולטור פון קרבנות, און אנשטאט זיך צו קוקן אין שפיגל און זוכן קאסנטרוקטיווע מיטלן צו פארריכטן אונזערע פראבלעמען זוכן מיר אויסערליכע פיינט צו בארעכטיגן אונזער עקזיסטענץ, אמאל זענען עס די שרעקעדיגע גויים, אמאל זענען עס פלאסטישע סמארטפאונ׳ס, און אמאל זענען דאס גאר די דאקטוירים אין שפיטעלער וואס רצח׳נן אונז, אבער קיינמאל איז עס נישט אונזער אחריות אלס א ציבור.

מיר זענען א קולטור וואו די וועלכע זאגן אז מיר דארפן זיך מער היטן אויפ׳ן לעבן זענען סעלף-העיטינג אידן, אבער די וועלכע מאכן רציחה-מניינים אין טונקעלע בעיסמענטס זענען די העלדן, די וועלכע פירן מערכות קעגן די סמארטפאונס זענען די ׳יראי ה׳ וחושבי שמו׳ אבער די וועלכע זענען נהנה מיגיע כפיהם און זוכן צו מאכן א כשר׳ן דאלער זענען די מחבלים בכרם ה׳ צבא-ות.

לאמיר צוריקגיין צום אומגליקליכן פאטער, איך בין זיכער אז ער איז א גוטער איד, איך בין זיכער אז ער איז א טאטע וואס וואלט זיך אוועקגעגעבן דאס לעבן פאר זיינע קינדער, אבער ליידער איז ער בלויז א פראדוקט, א פראדוקט פון א רשעות׳דיגע און אכזריות׳דיגע סיסטעם וועלכע זעט בלויז דעם קאלעקטיוו און האט אויפגעבויט א ׳תורה שלמה׳ בלויז צו פרעזערווירן א וואקלדיגע און אבסורדאלע סיסטעם וועלכע האט נישט קיין זכות קיום.

דער פאטער האט נישט די געקריגן די מינימום מעגליכקייט צו קוקן אויפ׳ן לעבן מיט א געזונטן און נארמאלן בליק, צו ליב האבן זיין זון אזוי ווי א טאטע עלעפאנט אדער טאטע מאלפע האט ליב די אייגענע בלוט און פלייש, ער האט נישט די עמאציאנאלע שטארקייט צו אקצעפטירן די פאקט אז וואס האט געארבעט פאר אים ארבעט נישט פאר זיין קינד, אבער אנשטאט צו נעמען פאראנטווארטליכקייט און אחריות.

אט אזוי האט מען אים פאר׳סמ׳ט די מח מיט האס און אידיאטישע איינרעדענישן אז עס איז דער סמארטפאון, שלעכטע חברים, אלעס אין די וועלט איז שולדיג, אבער די געדאנק אז זיין קינד איז א מענטש פאר זיך אליין וואס קען מאכן אייגענע באשלוס און קען גיין אויף זיין אייגענעם וועג און פירן א באדייטפולן לעבן, דאס איז אים צו שווער צו אראפשלונגען, ווייל דאס ציווארפט דעם גאנצן פיראמידע פון אנגעוויזנקייט אויף וואס אונזער לעבנסשטייגער איז געבויט.
רעדאגירט געווארן צום לעצט דורך איש עברי אום מיטוואך מאי 06, 2020 4:00 pm, רעדאגירט געווארן 2 מאל בסך הכל.
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך רביה''ק זי''ע » מיטוואך מאי 06, 2020 1:20 pm

איך וויל נאר פארשטיין, וויאזוי קען מען זאגן אויף א מענטש אז די סמארטפאון האט איהם געמאכט אפפארן פון אידישן וועג ווען כדי זיך איינצוהאנדלען א סמארטפאון דארף מען שוין זיין אפגעפארן פון פריער? וועלכע ערליכע איד (לשיטתם) האט א סמארטפאון? ס'נישט אז די כלים פירן אראפ פון וועג, פארקערט, נאכדעם וואס מ'פארט אפ אביסל האנדלט מען זיך איין א סמארטפאון. פארשטייט זיך אז איינמאל מ'האט שוין דעם סמארטפאון איז שוין גרינגער אפצופארן אויב מ'וויל זייער שטארק, אבער די ערשטע גורם איז דאס אפפארן, די סמארטפאון איז נאר א תוצאה.
רעדאגירט געווארן צום לעצט דורך רביה''ק זי''ע אום מיטוואך מאי 06, 2020 3:06 pm, רעדאגירט געווארן איין מאל בסך הכל.
פון די "סיסטעם" קען מען אנטלויפן, פונעם אויבערשטן פעלט נישט אויס צו אנטלויפן.
באניצער אוואטאר
רביה''ק זי''ע
חבר ותיק
חבר ותיק
 
הודעות: 3714
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3574 מאל
האט שוין באקומען לייקס: 2881 מאל

Re: א געזעלשאפט פון פראדוקטן אנשטאט אינדיווידועלן

הודעהדורך מי אני » מיטוואך מאי 06, 2020 1:21 pm

ומה נעים (אויב קען מען אפילו דא זאגן ״נעים״ :( ) אז מ׳פארגלייכט דאס אז חרדים האלטן אז די קינדער זענען אזוי ווי מילך וואס קען ״פארדארבן גיין״, ווייל ווי באקאנט איז איינע פון די שטארקע עטישע טענות קעגן מילך פראדוקציע אז מ׳האלט אין איין פאָרספוּלי אימפּרעגנעיטן די קיען כדי זיי זאלן פראדוצירן די מילך. ואידך פירושא...

יענץ געלעכטער. :(
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 1656
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 7134 מאל
האט שוין באקומען לייקס: 1225 מאל

הודעהדורך איש עברי » מיטוואך מאי 06, 2020 1:23 pm

רביה''ק זי''ע האט געשריבן:איך וויל נאר פארשטיין, וויאזוי קען מען זאגן אויף א מענטש אז ער די סמארטפאון האט איהם געמאכט אפפארן פון אידישן וועג ווען כדי זיך איינצוהאנדלען א סמארטפאון דארף מען שוין זיין אפגעפארן? ס'נישט אז די כלים פירן אראפ פון וועג, פארקערט, נאכדעם וואס מ'פארט אפ אביסל האנדלט מען זיך איין א סמארטפאון. פארשטייט זיך אז איינמאל מ'האט שוין דעם סמארטפאון העלפט עס צו מ'זאל ווייטער אפפארן, אבער די ערשטע גורם איז דאס אפפארן, די סמארטפאון איז נאר א תוצאה.


איך אקצעפירט נישט די טערמינאלאגיע פון ״אפגעפארן״ --- וואס מיינט דאס אפגעפארן? אפגעפארן פון וואנעט?
דער גאנצער מערכה קעגן סמארטפאונס איז א צווייפלהאפטיגער פרואוו צו אנהאלטן א קראנקער סיסטעם דורך אפשליסן צוטריט צו אינפארמאציע, גארנישט אנדערש ווי די פינסטערע רעזשימען אין נארט קארעא אדער טורקמעניסטאן. נאר ביי אונז איז דאס נישט מתוך רשעות נאר פון א קאלעקטיווע פארלוירנקייט און אומבאהאלפנקייט זיך צו ספראווען מיט די וועלט אינדרויסן פון אונזערע ווענט.
עס זענען דא אזעלכע וואס בטבע זענען זיי נייגעריג און פאר די זעלבע סיבה פארוואס זיי פאלגן נישט דעם נארישן געזעץ קעגן סמארטפאונס צווייפלן זיי אין אנדערע אנגענומענע טיפשות׳ן, א שטייגער ווי דער אבסורדער לבוש וועלכע מיר טראגן, און אזוי ארום ווערט ער געשטעמפלט אלס אן ״אפגעפארענער״...
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך אברך משי » מיטוואך מאי 06, 2020 1:30 pm

איש עברי האט געשריבן:
אין וועלכע וועלט קוקט א טאטע אויף זיין יונג קינד און זעט אים אלס א דורכפאל, א פארדארבן עפל, א פראדוקט פונעם שטן? אין וועלכע וועלט שטייט א טאטע ביים ארון פון זיין קינד און רייסט אראפ זיין אייגענע בלוט און פלייש? א זאך גייט קעגן יעדע נארמאלע מענטשליכע אינסטינקט.

די געדאנק אז זיין קינד איז א מענטש פאר זיך אליין וואס קען מאכן אייגענע באשלוס און קען גיין אויף זיין אייגענעם וועג און פירן א באדייטפולן לעבן, דאס איז אים צו שווער צו אראפשלונגען



ענינא דיומא: וּבַת אִישׁ כֹּהֵן כִּי תֵחֵל לִזְנוֹת אֶת אָבִיהָ הִיא מְחַלֶּלֶת בָּאֵשׁ תִּשָּׂרֵף:
בכל אדם יש דבר יקר שאינו נמצא בשום אדם אחר! (רבי פנחס מקוריץ זי"ע)
אברך משי
ידיד השטיבל
ידיד השטיבל
 
הודעות: 325
זיך רעגיסטרירט: מאנטאג מאי 16, 2016 2:29 pm
געפינט זיך: נישט ווייט
האט שוין געלייקט: 271 מאל
האט שוין באקומען לייקס: 420 מאל

הודעהדורך איש עברי » מיטוואך מאי 06, 2020 1:38 pm

אברך משי האט געשריבן:
איש עברי האט געשריבן:
אין וועלכע וועלט קוקט א טאטע אויף זיין יונג קינד און זעט אים אלס א דורכפאל, א פארדארבן עפל, א פראדוקט פונעם שטן? אין וועלכע וועלט שטייט א טאטע ביים ארון פון זיין קינד און רייסט אראפ זיין אייגענע בלוט און פלייש? א זאך גייט קעגן יעדע נארמאלע מענטשליכע אינסטינקט.

די געדאנק אז זיין קינד איז א מענטש פאר זיך אליין וואס קען מאכן אייגענע באשלוס און קען גיין אויף זיין אייגענעם וועג און פירן א באדייטפולן לעבן, דאס איז אים צו שווער צו אראפשלונגען



ענינא דיומא: וּבַת אִישׁ כֹּהֵן כִּי תֵחֵל לִזְנוֹת אֶת אָבִיהָ הִיא מְחַלֶּלֶת בָּאֵשׁ תִּשָּׂרֵף:


יא יא, לאמיר ציטירן פסוקים׳לעך און לאז די קרבנות פאלן און די בלוט זיך גיסן
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך רביה''ק זי''ע » מיטוואך מאי 06, 2020 1:43 pm

אברך משי האט געשריבן:ענינא דיומא: וּבַת אִישׁ כֹּהֵן כִּי תֵחֵל לִזְנוֹת אֶת אָבִיהָ הִיא מְחַלֶּלֶת בָּאֵשׁ תִּשָּׂרֵף:

איך קען גראדע א בת כהן וואס איז מזנה פון צייט צו צייט, ווילסט קומען מיט מיר איר כאפן red-handed, איר מתרה זיין, גיין עדות זאגן אין בית דין, און איר אנטרינקען מיט ברענעדיגע בליי?
פון די "סיסטעם" קען מען אנטלויפן, פונעם אויבערשטן פעלט נישט אויס צו אנטלויפן.
באניצער אוואטאר
רביה''ק זי''ע
חבר ותיק
חבר ותיק
 
הודעות: 3714
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3574 מאל
האט שוין באקומען לייקס: 2881 מאל

הודעהדורך אברך משי » מיטוואך מאי 06, 2020 1:48 pm

האלא האלא @איש עברי@ בארואיגט אייך אביסל, איך מיין גארנישט פערזענליך און איך רעד נישט פון וואס איך האלט בנוגע די נושא. אבער קומען פרעגן שאלות ווי א תם "אין וועלכע וועלט???" ס'געפונט זיך אזא רעיון פון א קינד וואס איז מחוייב צו גיין אין פיסטריט פון עלטערן, און קען נישט באשלוסן קיין אייגענע באשלוסן בנוגע וועלכע לייף-סטייל צו פירן, וויל איך אייך רעפערירן צו א וואונדערליכער און גייסטליכער לערן-ביך איבערגעגבען דורך דער וועלטס בארימטער מחבר הג"ר משה-בן-עמרם וואס דארט ווערט שוין אזא ענין ערווענט.

יעצט, זיך מתווכח זיין וואס גייט אריין אין מסורה און וואס נישט, אדער אויב סמארטפוין כלפי א פרומער מענטש האט שייכות מיט בת-איש-כהן-כי-תחל-לזנות, דעיס איז שוין א דבר המסור ללב, און יעדער איינער וועט אוודאי וועלן פארטייטשטן ווי-אזוי ער פארשטייט, און אויב האסטו שכל וועסט אליינס פארשטיין אז מ'קען דרייען אלע מינע וועגן און קיינער האט נישט קיין הוכחה חותכת לכאן או לכאן.

אבער כבר הי' לעולמים אזא וועלט ווי א קינד מוז שפאנען אין זיינע עלטערנס שפאן, און אויב נישט דארף ער באשטראפט ווערן זייער הארב, למרות אז זיין טאטע האט א הארץ פון פלייש און פיטער, והבן.
בכל אדם יש דבר יקר שאינו נמצא בשום אדם אחר! (רבי פנחס מקוריץ זי"ע)
אברך משי
ידיד השטיבל
ידיד השטיבל
 
הודעות: 325
זיך רעגיסטרירט: מאנטאג מאי 16, 2016 2:29 pm
געפינט זיך: נישט ווייט
האט שוין געלייקט: 271 מאל
האט שוין באקומען לייקס: 420 מאל

הודעהדורך איש עברי » מיטוואך מאי 06, 2020 1:56 pm

אברך משי האט געשריבן:האלא האלא @איש עברי@ בארואיגט אייך אביסל, איך מיין גארנישט פערזענליך און איך רעד נישט פון וואס איך האלט בנוגע די נושא. אבער קומען פרעגן שאלות ווי א תם "אין וועלכע וועלט???" ס'געפונט זיך אזא רעיון פון א קינד וואס איז מחוייב צו גיין אין פיסטריט פון עלטערן, און קען נישט באשלוסן קיין אייגענע באשלוסן בנוגע וועלכע לייף-סטייל צו פירן, וויל איך אייך רעפערירן צו א וואונדערליכער און גייסטליכער לערן-ביך איבערגעגבען דורך דער וועלטס בארימטער מחבר הג"ר משה-בן-עמרם וואס דארט ווערט שוין אזא ענין ערווענט.

יעצט, זיך מתווכח זיין וואס גייט אריין אין מסורה און וואס נישט, אדער אויב סמארטפוין כלפי א פרומער מענטש האט שייכות מיט בת-איש-כהן-כי-תחל-לזנות, דעיס איז שוין א דבר המסור ללב, און יעדער איינער וועט אוודאי וועלן פארטייטשטן ווי-אזוי ער פארשטייט, און אויב האסטו שכל וועסט אליינס פארשטיין אז מ'קען דרייען אלע מינע וועגן און קיינער האט נישט קיין הוכחה חותכת לכאן או לכאן.

אבער כבר הי' לעולמים אזא וועלט ווי א קינד מוז שפאנען אין זיינע עלטערנס שפאן, און אויב נישט דארף ער באשטראפט ווערן זייער הארב, למרות אז זיין טאטע האט א הארץ פון פלייש און פיטער, והבן.


אונזער לעבנסשטייער האט מיט משה-בן-עמרם בערך וואס באבוב האט מיט מארטין לוטער קינג.
עס איז א סאציאלע סטרוקטור וואס איז פארפוילט און מען הענגט זיך אן אין פסוקים אויף צו פארענטפערן אלעס.
דער חרד׳ישער אידעאלאגיע האט נישט קיין בעלות אויף די תורה, זיי זענען מיטאמאל דער רוב פון תורה-טרייע אידן.
דער תורה געהערט צום מענשט, עס איז א מאפע וואס צייגט אונז דער וועג, א תורת חיים וועלכע ברויך אונז אינפארמירן וויאזוי צו לעבן אין א וועלט און פירן א געזונטע לעבנסשטייגער.
אויב ווילסטו זיך פירן ווי דער ווערטערליכער אפטייטש פון די תורה ברויכסטו זיך אנשליסן אין די קראים סעקטע וואשיינליך, ווייל לעצטע מאל איך האב געקוקט האבן מיר שוין אויפגעהערט אויסשטעכן אן אויג פאר אן אויג און פארשטיינערן בן סורר ומורה׳ס.
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

הודעהדורך אברך משי » מיטוואך מאי 06, 2020 2:01 pm

נאך מער פון דעם, די סיבה פארוואס א טאטע עלעפאנט און טאטע מאלפע האבן ליב די אייגענע בלוט און פלייש בלי-שום-יוצא-מן-הכלל איז טאקע ווייל ער איז א בהמה. יא ס'איז אינסטינקנט, אבער איך זע דא דאס פארקערטע, איך זע עס אלס א גבורה פון מענטשליכע שכל צו קענען איבערקומען אינסטינקנט. ומותר האדם מן הבהמה אין! דער טאטע שרייט "אין!" איך אקצעפטיר נישט מיין קינד'ס התנהגות. דער טאטע וואס האט עם געהאדעוועט אלע יארן, געשוויצט עם צו העלפן מיט וואס ער האט געקענט, געווען אויף פון דאגה גאנצעטע נעכט, זיך מוסר נפש געווען פאר זיין קינד מער פון סיי וועלכער אנדערע מענטש אין די וועלט, ועם-כל-זה האט ער די שטארקייט צו זאגן ברבים אז ליידער ליידער האט זיין זוהן גענומען א שלעכטע דריי מחמת דאס אין יענץ.

גיי איין מינוט ארויס פון דיין (און מיין) הנחה-קדומה אז ער איז א פאנאטישער אידל וואס איז אריבער שטיפת-המוח, און אויב ער איז גערעכט אדער נישט, קוק אויף די הערליכע קאליר וואס איך זע אין דעם בילד, א מין גבורה-על-אנושית וואס ביי קיין שום אנדערע יצור טרעפט מען נישט. און יא, א מענטש האט רעכט צו האלטן וואס ער וויל. איך גלייב באמונה אז אויב דער טאטע וואלט געוואוינט אין א הייל ביז היינט און קיינמאל נישט געהערט ראבינאוויטשעס דרשות, וואלט ער אויך געהאלטן אז זיין זון איז פארקראכן.

חומר למחשבה.
בכל אדם יש דבר יקר שאינו נמצא בשום אדם אחר! (רבי פנחס מקוריץ זי"ע)
אברך משי
ידיד השטיבל
ידיד השטיבל
 
הודעות: 325
זיך רעגיסטרירט: מאנטאג מאי 16, 2016 2:29 pm
געפינט זיך: נישט ווייט
האט שוין געלייקט: 271 מאל
האט שוין באקומען לייקס: 420 מאל

הודעהדורך רביה''ק זי''ע » מיטוואך מאי 06, 2020 2:03 pm

איך זעה נישט וואו דו זעהסט דא מענטשליכע שכל איבערקומען בהמישע אינסטינקטן, וואס איך זעה איז איין בהמישע אינסטינקט איבערקומען אן אנדערן אינסטינקט.
פון די "סיסטעם" קען מען אנטלויפן, פונעם אויבערשטן פעלט נישט אויס צו אנטלויפן.
באניצער אוואטאר
רביה''ק זי''ע
חבר ותיק
חבר ותיק
 
הודעות: 3714
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3574 מאל
האט שוין באקומען לייקס: 2881 מאל

הודעהדורך איש עברי » מיטוואך מאי 06, 2020 2:06 pm

אברך משי האט געשריבן:נאך מער פון דעם, די סיבה פארוואס א טאטע עלעפאנט און טאטע מאלפע האבן ליב די אייגענע בלוט און פלייש בלי-שום-יוצא-מן-הכלל איז טאקע ווייל ער איז א בהמה. יא ס'איז אינסטינקנט, אבער איך זע דא דאס פארקערטע, איך זע עס אלס א גבורה פון מענטשליכע שכל צו קענען איבערקומען אינסטינקנט. ומותר האדם מן הבהמה אין! דער טאטע שרייט "אין!" איך אקצעפטיר נישט מיין קינד'ס התנהגות. דער טאטע וואס האט עם געהאדעוועט אלע יארן, געשוויצט עם צו העלפן מיט וואס ער האט געקענט, געווען אויף פון דאגה גאנצעטע נעכט, זיך מוסר נפש געווען פאר זיין קינד מער פון סיי וועלכער אנדערע מענטש אין די וועלט, ועם-כל-זה האט ער די שטארקייט צו זאגן ברבים אז ליידער ליידער האט זיין זוהן גענומען א שלעכטע דריי מחמת דאס אין יענץ.

גיי איין מינוט ארויס פון דיין (און מיין) הנחה-קדומה אז ער איז א פאנאטישער אידל וואס איז אריבער שטיפת-המוח, און אויב ער איז גערעכט אדער נישט, קוק אויף די הערליכע קאליר וואס איך זע אין דעם בילד, א מין גבורה-על-אנושית וואס ביי קיין שום אנדערע יצור טרעפט מען נישט. און יא, א מענטש האט רעכט צו האלטן וואס ער וויל. איך גלייב באמונה אז אויב דער טאטע וואלט געוואוינט אין א הייל ביז היינט און קיינמאל נישט געהערט ראבינאוויטשעס דרשות, וואלט ער אויך געהאלטן אז זיין זון איז פארקראכן.

חומר למחשבה.


דו האסט די זעלבע התפעלות פון אייסיס זעלבסמערדער וועלכע זענען זיך מתגבר אויך אויפ׳ן יצר צו לעבן און רייסן זיך אויף על קידוש ה׳?
די קומסט מיט אן הנחה קדומה אז מאראל מיט אינסטיניקט גייען נישט אינאיינעם, לויט דעם ווי מער אכזריות׳דיג א מענטש איז פאר זיינע אידעאלן הרי זה משובח, דאס רופט זיך ׳פונדעמאנטאליזם׳ -- היסטאריע האט געצייגט אז ווען אידעאלאגיע ערזעצט אינסטינקטיווע מענטשליכקייט פירט דאס צו א חורבן. הרב קוק שמועסט אסאך איבער דעם אז די אינסטיניקטן פונעם מענטש איז אויך רצון ה׳ און וואס דער שכל הישר זאגט אז עס איז ריכטיג איז פונקט ווי עפעס וואס שטייט אין די תורה, ווי מיר זעען אין די גמרא ׳למה לי קרא, סברא היא׳ (מאי חזית דדמא דהאי סומקא מהאי)
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

Re: א געזעלשאפט פון פראדוקטן אנשטאט אינדיווידועלן

הודעהדורך זעקעל » מיטוואך מאי 06, 2020 2:16 pm

רביה''ק זי''ע האט געשריבן:
אברך משי האט געשריבן:ענינא דיומא: וּבַת אִישׁ כֹּהֵן כִּי תֵחֵל לִזְנוֹת אֶת אָבִיהָ הִיא מְחַלֶּלֶת בָּאֵשׁ תִּשָּׂרֵף:

איך קען גראדע א בת כהן וואס איז מזנה פון צייט צו צייט, ווילסט קומען מיט מיר איר כאפן red-handed, איר מתרה זיין, גיין עדות זאגן אין בית דין, און איר אנטרינקען מיט ברענעדיגע בליי?


און אז איר בויך וועט נישט פלאצען, אין די וויץ וועט זיך נישט אויסארבעטן, וועט מען זאגן אז דער פאטער׳ס משפחה האט געפעלשט די כהונה, אין זיי זענען קיינמאל קיין מיוחסים ניט געוועזען, אוואו זיי האבן זיך לכתחילה געהאט אנגעגעבן,
באניצער אוואטאר
זעקעל
מאנשי שלומינו
מאנשי שלומינו
 
הודעות: 148
זיך רעגיסטרירט: פרייטאג יאנואר 17, 2020 5:44 am
האט שוין געלייקט: 140 מאל
האט שוין באקומען לייקס: 60 מאל

הודעהדורך לעיקוואד » מיטוואך מאי 06, 2020 2:21 pm

כ'הייב נישט אן צו פארשטיין וואס גייט דא פאר, חוץ אויב עס פעלט מיר דא דעטאלן, דער נפטר זעהט מיר אויס צו האבען געווען גאר א בא'חנ'טער חסידישער בחור, מיט שיינע לאנגע פאות, בכלל נישט אפגעפארען צו וואס. אדרבה ער איז לכאורה א מוסטער אז מען קען ארבעטן און האבן א סמארטפאון און צומאל אפילו גיין מיט א טי שירט לפי הענין וכו' און דאך בלייבען א ערליכער חסידישער בחור א שומר תורה ומצוות. עס זענען ב"ה דא אסאך בחורים אזויווי עם.
I have a dream
Martin Luther King ~
באניצער אוואטאר
לעיקוואד
שריפטשטעלער
שריפטשטעלער
 
הודעות: 3895
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1785 מאל
האט שוין באקומען לייקס: 6146 מאל

הודעהדורך איש עברי » מיטוואך מאי 06, 2020 2:26 pm

לעיקוואד האט געשריבן:כ'הייב נישט אן צו פארשטיין וואס גייט דא פאר, חוץ אויב עס פעלט מיר דא דעטאלן, דער נפטר זעהט מיר אויס צו האבען געווען גאר א בא'חנ'טער חסידישער בחור, מיט שיינע לאנגע פאות, בכלל נישט אפגעפארען צו וואס. אדרבה ער איז לכאורה א מוסטער אז מען קען ארבעטן און האבן א סמארטפאון און צומאל אפילו גיין מיט א טי שירט לפי הענין וכו' און דאך בלייבען א ערליכער חסידישער בחור א שומר תורה ומצוות. עס זענען ב"ה דא אסאך בחורים אזויווי עם.


ער האט ווארשיינליך נישט געלערט אין קיין ישיבה און דער פאטער האט נישט געזען פון אים די קאנווענציאנעלע נחת וואס מען אים פראגראמירט. אבער צוליב כבוד החיים והמתים לאמיר נישט צופיל ארומרעדן איבער זיי פערזענליך, איך האב עס געוואלט נוצן אלס דיסקוסיע איבער א ברייטערער פראבלעם
באניצער אוואטאר
איש עברי
ידיד ותיק
ידיד ותיק
 
הודעות: 796
זיך רעגיסטרירט: מיטוואך יאנואר 01, 2014 7:41 pm
האט שוין געלייקט: 1133 מאל
האט שוין באקומען לייקס: 1871 מאל

Re: א געזעלשאפט פון פראדוקטן אנשטאט אינדיווידועלן

הודעהדורך זעקעל » מיטוואך מאי 06, 2020 2:26 pm

אברך משי האט געשריבן:נאך מער פון דעם, די סיבה פארוואס א טאטע עלעפאנט און טאטע מאלפע האבן ליב די אייגענע בלוט און פלייש בלי-שום-יוצא-מן-הכלל איז טאקע ווייל ער איז א בהמה. יא ס'איז אינסטינקנט, אבער איך זע דא דאס פארקערטע, איך זע עס אלס א גבורה פון מענטשליכע שכל צו קענען איבערקומען אינסטינקנט. ומותר האדם מן הבהמה אין! דער טאטע שרייט "אין!" איך אקצעפטיר נישט מיין קינד'ס התנהגות. דער טאטע וואס האט עם געהאדעוועט אלע יארן, געשוויצט עם צו העלפן מיט וואס ער האט געקענט, געווען אויף פון דאגה גאנצעטע נעכט, זיך מוסר נפש געווען פאר זיין קינד מער פון סיי וועלכער אנדערע מענטש אין די וועלט, ועם-כל-זה האט ער די שטארקייט צו זאגן ברבים אז ליידער ליידער האט זיין זוהן גענומען א שלעכטע דריי מחמת דאס אין יענץ.

גיי איין מינוט ארויס פון דיין (און מיין) הנחה-קדומה אז ער איז א פאנאטישער אידל וואס איז אריבער שטיפת-המוח, און אויב ער איז גערעכט אדער נישט, קוק אויף די הערליכע קאליר וואס איך זע אין דעם בילד, א מין גבורה-על-אנושית וואס ביי קיין שום אנדערע יצור טרעפט מען נישט. און יא, א מענטש האט רעכט צו האלטן וואס ער וויל. איך גלייב באמונה אז אויב דער טאטע וואלט געוואוינט אין א הייל ביז היינט און קיינמאל נישט געהערט ראבינאוויטשעס דרשות, וואלט ער אויך געהאלטן אז זיין זון איז פארקראכן.

חומר למחשבה.


לשיטתך איז א מערדער גאר א super hero ווייל ער קומט איבער זיין אינסטינקט פון humanity ????,
אפרא לפומך !!! דו ביסט א disgrace פאר די מענטשהייט, אין דיין געדאנקען גאנג איז א בושה אין פילייכט א סכנה פארן קיום פון שכליות
באניצער אוואטאר
זעקעל
מאנשי שלומינו
מאנשי שלומינו
 
הודעות: 148
זיך רעגיסטרירט: פרייטאג יאנואר 17, 2020 5:44 am
האט שוין געלייקט: 140 מאל
האט שוין באקומען לייקס: 60 מאל

Re: א געזעלשאפט פון פראדוקטן אנשטאט אינדיווידועלן

הודעהדורך עוקר הרים » מיטוואך מאי 06, 2020 2:27 pm

רביה''ק זי''ע האט געשריבן:איך וויל נאר פארשטיין, וויאזוי קען מען זאגן אויף א מענטש אז די סמארטפאון האט איהם געמאכט אפפארן פון אידישן וועג ווען כדי זיך איינצוהאנדלען א סמארטפאון דארף מען שוין זיין אפגעפארן פון פריער? וועלכע ערליכע איד (לשיטתם) האט א סמארטפאון? ס'נישט אז די כלים פירן אראפ פון וועג, פארקערט, נאכדעם וואס מ'פארט אפ אביסל האנדלט מען זיך איין א סמארטפאון. פארשטייט זיך אז איינמאל מ'האט שוין דעם סמארטפאון העלפט עס צו מ'זאל ווייטער אפפארן, אבער די ערשטע גורם איז דאס אפפארן, די סמארטפאון איז נאר א תוצאה.
איינער וואס איז נישט אזא תם און ווען זיינע רביס זאגען עם א סמארטפון איז טמא גלייבט ער זיי נישט איז נאכנישט אפגעפארען ער איז פשוט בטבע איינער וואס questioned יעדע זאך וואס ער הערט....

Sent from my SM-A105F using Tapatalk
באניצער אוואטאר
עוקר הרים
מאנשי שלומינו
מאנשי שלומינו
 
הודעות: 130
זיך רעגיסטרירט: זונטאג אפריל 26, 2020 3:49 am
האט שוין געלייקט: 164 מאל
האט שוין באקומען לייקס: 40 מאל

הודעהדורך מאך זיכער » מיטוואך מאי 06, 2020 2:31 pm

דער נפטר איז געווען זייער א וואוילער חסידישער בחור, אבער ער איז געקומען פון קרית קאשוי וואו א טי-שיורט גייט צוזאמען מיט זנות, אבער נישט ווי איש עברי האט געזאגט אז דער פאטער איז א פאנאטישער פערד, דער טאטע האט זיך ארויסגעצויגן פון קאשוי דירעקט צו העלפן זיין זון, ער האט געמופט קיין מאנסי וועגן די קינד וואס איז יעצט אוועק, ער האט נישט געשריגן ביי די לוי' אז די כלים האבן אים אוועקגעלייגט, ער האט געזאגט אז זיינע חברים זאלן אווקווארפן סמארטפפאונס לזכותו.

ער איז זייר א פרימיטיווער מענטש דעריבער האט ער נישט געקענט זיך געהעריג געזעגענען אן פאדערן עפעס פון די חברים, אבער חלילה דא צו פוינטן פינגערס אויף אים אזנער האט זיך נישט גוט אויפגעפירט ביים באגרעבעניש פון זיין זון.
אני אדם משום מקום, שמחפש לו רק סיבה לחיות.
באניצער אוואטאר
מאך זיכער
היימישער באניצער
היימישער באניצער
 
הודעות: 523
זיך רעגיסטרירט: מיטוואך אוגוסט 09, 2017 9:47 pm
געפינט זיך: ששש... משה זוך מיר.
האט שוין געלייקט: 309 מאל
האט שוין באקומען לייקס: 578 מאל

הודעהדורך רביה''ק זי''ע » מיטוואך מאי 06, 2020 2:31 pm

עוקר הרים האט געשריבן:איינער וואס איז נישט אזא תם און ווען זיינע רביס זאגען עם א סמארטפון איז טמא גלייבט ער זיי נישט איז נאכנישט אפגעפארען ער איז פשוט בטבע איינער וואס questioned יעדע זאך וואס ער הערט....

נע, די אלע questions זענען נאר תירוצים. :lol:
פון די "סיסטעם" קען מען אנטלויפן, פונעם אויבערשטן פעלט נישט אויס צו אנטלויפן.
באניצער אוואטאר
רביה''ק זי''ע
חבר ותיק
חבר ותיק
 
הודעות: 3714
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3574 מאל
האט שוין באקומען לייקס: 2881 מאל

הודעהדורך מאך זיכער » מיטוואך מאי 06, 2020 2:32 pm

איש עברי האט געשריבן:
לעיקוואד האט געשריבן:כ'הייב נישט אן צו פארשטיין וואס גייט דא פאר, חוץ אויב עס פעלט מיר דא דעטאלן, דער נפטר זעהט מיר אויס צו האבען געווען גאר א בא'חנ'טער חסידישער בחור, מיט שיינע לאנגע פאות, בכלל נישט אפגעפארען צו וואס. אדרבה ער איז לכאורה א מוסטער אז מען קען ארבעטן און האבן א סמארטפאון און צומאל אפילו גיין מיט א טי שירט לפי הענין וכו' און דאך בלייבען א ערליכער חסידישער בחור א שומר תורה ומצוות. עס זענען ב"ה דא אסאך בחורים אזויווי עם.


ער האט ווארשיינליך נישט געלערט אין קיין ישיבה און דער פאטער האט נישט געזען פון אים די קאנווענציאנעלע נחת וואס מען אים פראגראמירט. אבער צוליב כבוד החיים והמתים לאמיר נישט צופיל ארומרעדן איבער זיי פערזענליך, איך האב עס געוואלט נוצן אלס דיסקוסיע איבער א ברייטערער פראבלעם

דאס איז פארשטענדליך אבער די משל איז נישט ריכטיג אין די פאל.

די נקודה פון דיין ארטיקל איז הונדערט פראצענט אויסצולעקן יעדעס ווארט.
אני אדם משום מקום, שמחפש לו רק סיבה לחיות.
באניצער אוואטאר
מאך זיכער
היימישער באניצער
היימישער באניצער
 
הודעות: 523
זיך רעגיסטרירט: מיטוואך אוגוסט 09, 2017 9:47 pm
געפינט זיך: ששש... משה זוך מיר.
האט שוין געלייקט: 309 מאל
האט שוין באקומען לייקס: 578 מאל

הודעהדורך לעיקוואד » מיטוואך מאי 06, 2020 2:34 pm

.
I have a dream
Martin Luther King ~
באניצער אוואטאר
לעיקוואד
שריפטשטעלער
שריפטשטעלער
 
הודעות: 3895
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1785 מאל
האט שוין באקומען לייקס: 6146 מאל

Re: א געזעלשאפט פון פראדוקטן אנשטאט אינדיווידועלן

הודעהדורך מי אני » מיטוואך מאי 06, 2020 3:10 pm

הגם די ארטיקל און סאָבּסיקווענט שמועס דא רירט אן אין דעם, איז אולי יתכן לומר אז אפילו אויב נעמט מען נישט א סארט מאראלישע ריעליזם מהלך וכדומה (בתוך רעליגיע), קען מען דאס נאך אלס אפשר שטעלן אויף א שטיקל קאָנטיניוּאָם. דהיינו, אז ווי מער ס׳דא (פשוט און פראסט) א קאנסענסוס פון ראציאנאלע מענטשן אז די געפירעכץ איז מסודר און ריכטיג בתוך/אין די פּאראמעטערס וואס מען איז דן דערויף, אלס מער האפט האט דאס אז דאס איז ריכטיג. וההיפך בהיפך, ווי ווייניגער א געפירעכץ האט די קאנסענסוס, אלס אומריכטיגער איז זי.

יעצט, מ׳קען דאס צושטעלן לענינינו. דהיינו, אפילו אויב נעמט מען די פּאראמעטערס צו זיין א ״חסיד׳ישער איד״, איז גלייב איך גאר שטארק יתכן צו טענה׳ן אז די ראציאנאלע קאנסענסוס פון וואס איז ״ריכטיג״ אין דעם איז אסאך ברייטער פון וואס מ׳שטעלט אראפ און מ׳פארפירט אויף. וק״ו וכ״ש אויב זענען די פּאראמעטערס אליין אויך ברייטער [״ארטאדאקסישער איד״ וכדומה].
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 1656
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 7134 מאל
האט שוין באקומען לייקס: 1225 מאל

Re: א געזעלשאפט פון פראדוקטן אנשטאט אינדיווידועלן

הודעהדורך זעקעל » מיטוואך מאי 06, 2020 3:10 pm

מאך זיכער האט געשריבן:דער נפטר איז געווען זייער א וואוילער חסידישער בחור, אבער ער איז געקומען פון קרית קאשוי וואו א טי-שיורט גייט צוזאמען מיט זנות, אבער נישט ווי איש עברי האט געזאגט אז דער פאטער איז א פאנאטישער פערד, דער טאטע האט זיך ארויסגעצויגן פון קאשוי דירעקט צו העלפן זיין זון, ער האט געמופט קיין מאנסי וועגן די קינד וואס איז יעצט אוועק, ער האט נישט געשריגן ביי די לוי' אז די כלים האבן אים אוועקגעלייגט, ער האט געזאגט אז זיינע חברים זאלן אווקווארפן סמארטפפאונס לזכותו.

ער איז זייר א פרימיטיווער מענטש דעריבער האט ער נישט געקענט זיך געהעריג געזעגענען אן פאדערן עפעס פון די חברים, אבער חלילה דא צו פוינטן פינגערס אויף אים אזנער האט זיך נישט גוט אויפגעפירט ביים באגרעבעניש פון זיין זון.


I Totally disagree with you so do the others
ביי א לוויה פון די אייגן בלוט אין פלייש, איז נישטא קיין שום מקום, צו דערמאנען עפעס וואס נאר אפי׳ נראה לעיניים א גנאי פארן נפטר, כ״ש וכ״ש מבזה זיין די נפטר מיט אזעלכע פרעכע בזיונות, נישט קיין חילוק וואס די מאטיוו איז
באניצער אוואטאר
זעקעל
מאנשי שלומינו
מאנשי שלומינו
 
הודעות: 148
זיך רעגיסטרירט: פרייטאג יאנואר 17, 2020 5:44 am
האט שוין געלייקט: 140 מאל
האט שוין באקומען לייקס: 60 מאל

הודעהדורך פרייוויליג » מיטוואך מאי 06, 2020 3:13 pm

אברך משי האט געשריבן:נאך מער פון דעם, די סיבה פארוואס א טאטע עלעפאנט און טאטע מאלפע האבן ליב די אייגענע בלוט און פלייש בלי-שום-יוצא-מן-הכלל איז טאקע ווייל ער איז א בהמה. יא ס'איז אינסטינקנט, אבער איך זע דא דאס פארקערטע, איך זע עס אלס א גבורה פון מענטשליכע שכל צו קענען איבערקומען אינסטינקנט. ומותר האדם מן הבהמה אין! דער טאטע שרייט "אין!" איך אקצעפטיר נישט מיין קינד'ס התנהגות. דער טאטע וואס האט עם געהאדעוועט אלע יארן, געשוויצט עם צו העלפן מיט וואס ער האט געקענט, געווען אויף פון דאגה גאנצעטע נעכט, זיך מוסר נפש געווען פאר זיין קינד מער פון סיי וועלכער אנדערע מענטש אין די וועלט, ועם-כל-זה האט ער די שטארקייט צו זאגן ברבים אז ליידער ליידער האט זיין זוהן גענומען א שלעכטע דריי מחמת דאס אין יענץ.

גיי איין מינוט ארויס פון דיין (און מיין) הנחה-קדומה אז ער איז א פאנאטישער אידל וואס איז אריבער שטיפת-המוח, און אויב ער איז גערעכט אדער נישט, קוק אויף די הערליכע קאליר וואס איך זע אין דעם בילד, א מין גבורה-על-אנושית וואס ביי קיין שום אנדערע יצור טרעפט מען נישט. און יא, א מענטש האט רעכט צו האלטן וואס ער וויל. איך גלייב באמונה אז אויב דער טאטע וואלט געוואוינט אין א הייל ביז היינט און קיינמאל נישט געהערט ראבינאוויטשעס דרשות, וואלט ער אויך געהאלטן אז זיין זון איז פארקראכן.

חומר למחשבה.

איך האלט נישט אז אברך משי גלייבט וואס ער האט געשריבן, ער זוכט דא זיך צו אינטערהאלטן, נו מסכים, אבער איך גיי נישט נעמען דעם bait.

איבער דעם עצם מעשה, אפגעזען וואס דער פאטער האט געזאגט זעט מען אזא סארט מושג ביי אונז, אז "זבולן האט אוועקגעגליטשט וויבאלד ער האט געליינט א בוך", "אשר איז פארדארבן געווארן וויבאלד ער האט געהאט צוטריט צו אינטערנעט", "גד איז קאליע געווארן צוליב חברים" - דאס עצם געדאנק פון באשולדיגן א מענטש אין זיין פאלן אדער זיך אויפהייבן צוליב געוויסע פעילות, איז פארפוילט און פארדארבן. דו רויבסט צו דעם מענטשנס קאגנישען פון אליין פאסן באשליסן, אליין זיך צו איוואלווען, האבן אייגענע מיינונוגען, האבן אן אייגענעם שיטה. אויב עפעס געשעט מיטן מענטש "מוז דאס נישט האבן פאסירט צוליב עפעס א פעילה", עס איז 98% דעם מענטשנס אייגענעם מוח, און ער נוצט 2% דעם בוך זיך צו העלפן אנטוויקלען, ער נוצט 2% דעם אינטערנעט זיך אויסצושארפן זיינע ידיעות.

דאס הייסט אזוי, וואס געשעט ווען שמעון וואקסט אויף אין א בונקער און ווערט פארדארבן, וועמען וואלט דער פאטער געקענט בלעימען? זיך אליין. קיינער האט אים נישט חרוב געמאכט, נאר אלס נאטור אויס האט ער אנדערע אינסטינקטן. קומט אויס אז עס פאסירט צוויי זאכן ווען מענטשן באשולדיגן אנדערע פעילות בנוגע דעם קינד'ס התנהגות, איינס: עס איז נישט מיין שולד, נאר דער אינטערנעט. און צוויי, נישט נאר איז עס איז דעם אינטערנעט'ס שולד, נאר עס איז עפעס וואס איז נפרד פונעם קינד לחלוטין, דאס הייסט, אז דאס קינד אנעם אינטערנעט איז א פרי-פראגרעמט מאשין פון געבורט אויס, און די רגע דו לייגסט אים צו צום אינטערנעט טוישט ער זיך לחלוטין.
באניצער אוואטאר
פרייוויליג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1626
זיך רעגיסטרירט: מיטוואך דעצעמבער 10, 2014 5:44 pm
האט שוין געלייקט: 1399 מאל
האט שוין באקומען לייקס: 2034 מאל

הודעהדורך ליטוואק פון בודאפעסט » מיטוואך מאי 06, 2020 3:31 pm

אברך משי האט געשריבן:
איש עברי האט געשריבן:
אין וועלכע וועלט קוקט א טאטע אויף זיין יונג קינד און זעט אים אלס א דורכפאל, א פארדארבן עפל, א פראדוקט פונעם שטן? אין וועלכע וועלט שטייט א טאטע ביים ארון פון זיין קינד און רייסט אראפ זיין אייגענע בלוט און פלייש? א זאך גייט קעגן יעדע נארמאלע מענטשליכע אינסטינקט.

די געדאנק אז זיין קינד איז א מענטש פאר זיך אליין וואס קען מאכן אייגענע באשלוס און קען גיין אויף זיין אייגענעם וועג און פירן א באדייטפולן לעבן, דאס איז אים צו שווער צו אראפשלונגען



ענינא דיומא: וּבַת אִישׁ כֹּהֵן כִּי תֵחֵל לִזְנוֹת אֶת אָבִיהָ הִיא מְחַלֶּלֶת בָּאֵשׁ תִּשָּׂרֵף:

איך האב מיר געזוכט די טייטש פון די פסוק, און געטראפען אויף Sefaria.org דאס
וּבַת֙ אִ֣ישׁ כֹּהֵ֔ן כִּ֥י תֵחֵ֖ל לִזְנ֑וֹת אֶת־אָבִ֙יהָ֙ הִ֣יא מְחַלֶּ֔לֶת בָּאֵ֖שׁ תִּשָּׂרֵֽף׃ (ס)

When the daughter of a priest defiles herself through harlotry, it is her father whom she defiles; she shall be put to the fire.


דערנאך האב איך געזוכט אין די בית יהודה חומש, און דאס געטראפן
אוצר החכמה_148980.jpg


דערנאך האב איך געזוכט אן אנדערע גמרא און דאס געטראפן

משנה מגילה כה, א האט געשריבן:האומר ומזרעך לא תתן להעביר למולך לא תתן לאעברא בארמיותא משתקין אותו בנזיפה


און אויף דעם זאגט רש"י
האומר ומזרעך לא תתן להעביר למולך - לא תבא על הנכרית ותוליד בן לעבודה זרה:
משתקין אותו בנזיפה - שעוקר הכתוב ממשמעו שהוא עבודת חוק לאמוריים להעביר בניהן לאש, ונותן כרת לבא על הנכרית, ומחייב חטאת על השוגג ומיתת בית דין על המזיד בהתראה:


אלזא, מ'דארף זיך שטארק היטן ווען מ'זאגט אז ובת איש כהן כי תחל לזנות האט דער מידנעסטער שייכות מיט א בחור וואס קויפט א סמארטפאון.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9092 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט