די סקווערער ל"ג-בעומר הדלקה אויף א טרעקל

[העניך]

אין סקווערער שטעטל גרייט מען זיך צום גרויסן יו"ט ל"ג בעומר וואס גייט פארקומען דעם קומענדיגן דינסטאג. צוליב דעם יעצטיגן מצב פארשטייט דאך יעדער אז מ'קען נישט מאכן א מאסן-הדלקה, ווי עס איז מנהג סקווער, און פשוט נישט מקיים זיין א מנהג איז אוודאי נישט שייך, כידוע די גרויסע קפידה אין סקווער אנצוהאלטן אלע מנהגים, איז מען אויפגעקומען אז דער רבי וועט פראווען די הדלקה מיט א מנין מצומצם, און דערנאך וועט די הדלקה ארומפארן אויף א טרעקל אין שטעטל.

ווארשיינליך וועט זיין א סקעדזשועל ווען גענוי די הדלקה וועט אנקומען צו יעדער גאס, און די דארטיגע איינוואוינער וועלן קענען טאנצן בר יוחאי ארום דער הדלקה.

מ'קען זיך פארשטעלן וויפיל כוחות און שעפערישקייט עס איז אריינגעגאנגען מסדר צו זיין א הדלקה אויף א טרעקל, און אוודאי איז דאס פארשטענדליך ווייל מ'רעדט פון אזא גרויסן פראבלעם ווי א מנהג הדלקה וואס איז דאך בכלל נישט שייך אויפצוגעבן.

די קאמישע זאך אבער איז אז אין סקווער איז קיינמאל נישט פארגעקומען א הדלקה, און דער פריערדיגער רבי האט בכלל נישט געטון אזא זאך. דער היינטיגער רבי, וועמענ'ס מהלך אין עבודת ה' איז אז ער רירט זיך נישט קיין זיז כלשהו פון זיין טאטן, האט אליין מחדש געווען דעם מנהג הדלקה.

אבער וויאזוי איז מען מחדש א נייעם מנהג, ווען דער מושג פון מחדש זיין נייע מנהגים איז אין סקווער ממש ס'ארגסטע? איז דער רבי אויפגעקומען מיט א פארטל. אין יאר תשע"ו האט ער געמאלדן אז מ'גייט מאכן א צוזאמענקום אום ל"ג בעומר צו מעורר זיין אויף "נסיונות הדור" פון טעכנאלאגיע, און דערצו וועט מען צושטעלן א הדלקה. מ'האט עס געמאכט כאילו אן איינמאליגע זאך צו מעורר זיין אויף אן ענין.

איינמאל די הדלקה איז שוין אריין אינעם סיסטעם, קען מען עס שוין טון נאכאמאל, און איינמאל מ'טוט עס נאכאמאל ווערט עס שוין א יערליכער מנהג. און היי-יאר, בלויז פיר נאך דער ערשטער הדלקה אין סקווער, מוז מען שוין ערפינדן א טרעקל וואס פירט ארום די הדלקה אין שטעטל, ווייל אנדערש קען א ל"ג בעומר נישט זיין...

אז נעקסטע יאר וועט דער לאקאלער סופערווייזער נישט לאזן מאכן א הדלקה, וועט דאס זיין נאך א מציצה בפה פרשה. ס'טייטש, מ'לאזט אונז נישט האלטן אידישקייט!

מאנכע מיינען צומאל אז עס נעמט הונדערטער יארן, אדער כאטש צענדליגער יארן, ביז א מנהג ווערט א חק ולא יעבור. סקווער לערנט אונז אז א גענצליך נייער מנהג דארף נישט מער ווי פיר יאר ביז ס'ווערט א חלק פון אידישקייט.

[כוכב]

ממש געטראכט די זעלבע מחשבה.

[מיימון]

זייער ריכטיג אויפגעמערקט, דאס אבסורד שרייט ביז'ן הימל. אויף מצוות דאורייתא און הלכות אין שולחן ערוך מאכט מען נישט אזא עסק ווי נארישע מנהגים וואס האבן נישט קיין שום פשט. פארוואס פארט נישט ארום א טראק צו ליינען אין די תורה אויף יעדע גאס, מ'קען עפעס אויסארבעטן עפ''י הלכה אויב מ'וויל. דאס איז סתם אזא לאנגווייליגע מצוה איז נישט אינטערעסאנט צו מאכן א עסק אבער הדלקה איז דאך שוין גאר מיסטיש, מיט ר' שמעונ'ען (האלא דו האסט געקענט דעם ר' שמעונ'ען אפשר? וואטש פאר דו רעדסט אזוי), קבלה, פייער, דאס איז א גאר דראמאטישע פאסירונג וואס מען קען זיך נישט ערלויבן צו איבערהיפן. הגם לדעתי איז דער עפעקט פון א קליינעם פייער אויף א טראק בכלל נישט דומה און טוט גאר אוועקמאכן דעם עיקר מעכטיגקייט פון דעם מעמד הגדול, נאר אולי האבן זיי מורא מ'וועט זיך צוגעוואוינען צו א יאר אן די מיסטישע עפעקטן וועט זיך שוין נישט לוינען.

די זעלבע טענה קען מען האבן אויף די מאדנע ביימער טרעקלעך צו מאכן די ברכה ווען עס איז א שטארקע חשש ברכה לבטלה ביים זען די נעבעכדיגע איינגעדארטע אויסגעריסענע ביימעלעך אויפ'ן זיץ פון א טראק. פרומע אידן האבן באלד געוואלט שרייען אויף דעם אפיקורס וואס רעדסטו דא פון שיינקייט אזא נידריגע זאך, שקר החן והבל היופי, נאר די ווערטער זענען זיי געבליבן שטעקן אויפן צונג זיך כאפנדיג אז מען זאגט בריות טובות ואילנות טובות ליהנות בהם בני אדם.

אין אוצר החכמה האט איינער פארגעשלאגן ארומצופארן מיט א עלעפאנט און א מאלפע און א כושי וגיחור צו קענען מאכן אויף יעדן באזונדער די הייליגע ברכה פון משנה הבריות. אנדערע האבן געטראכט ארופצולייגן ר' חיים אויפן טראק צו מאכן די ברכה פון שחלק מחכמתו. אפשר קען מען ארויפלייגן א מקוה אויפן טראק און יעדן אנשפריצן? דער משוגעת פאר פאטענטן מיט מקוה עד כדי כך ביז אויסנוצן קריטישע שתדלנות כדי איינצושטעלן א האלב כשר'ע מקוה אין תפיסה איז מורא'דיג מאדנע נעמענדיג אין באטראכט אז קיינמאל אין אידישע הלכה און היסטאריע געפינען מיר נישט אז עס זאל זיין אזא זאך ווי גיין אין מקוה יעדן טאג עד שבאו החסידים. ניטאמאל א בעל קרי דארף עפ''י הלכה גיין און רוב גדולי ישראל זענען נישט געגאנגען אפילו דעמאלטס.

נאר אזויווי דער מנהגים געלויף ווערט גאר שנעל פארוואנדלט אין עיקרי היהדות מוז מען פארנאטירן בעוד מועד אז דער הייליגער ווערדאנער רבי זי''ע וואס איז לעצטנס אוועק איז אין די יעצטיגע טעג פון אייר תש''פ א אומבאקאנטער מענטש פון וועם גאר ווייניג האבן בכלל אמאל געהערט. פון באשרייבונגען אין די צייטונגען זעט אויס אז ער איז אויפן וועג צו ווערן א גרויסער בעל מופת אויפן שטייגער פונעם ריבניצער (וואס בחייו האבן אויך גאר ווייניג געהערט פון אים און אין זיין שטוב האבן זיך געדרייט בלויז מאדנע פארשוינען און בעלי דמיון וואס האבן געזען מופתים אין יעדן שטויבל אויפן וואנט), דעריבער ווען מען וועט מאכן די פרעס מאלצייטן און טראקס פארן קערעסטירער און דעם ווערדאנער זאל מען וויסן אז יעצט איז דאס נאכנישט געווען.

[במדבר]

אבער וויאזוי איז מען מחדש א נייעם מנהג, ווען דער מושג פון מחדש זיין נייע מנהגים איז אין סקווער ממש ס'ארגסטע? איז דער רבי אויפגעקומען מיט א פארטל. אין יאר תשע"ו האט ער געמאלדן אז מ'גייט מאכן א צוזאמענקום אום ל"ג בעומר צו מעורר זיין אויף "נסיונות הדור" פון טעכנאלאגיע, און דערצו וועט מען צושטעלן א הדלקה. מ'האט עס געמאכט כאילו אן איינמאליגע זאך צו מעורר זיין אויף אן ענין.

תיקן טעות! די ערשטע מאל וואס די רעבע האט איינגעפירט אן ''הדלקה'' איז געווען תשע''א, און טאקע ווייל איינער האט משנה געווען די מנהג.

שפעטער האט ער איינגעטוישט פון מענטשן: צו ''האלץ, שמן זית און קאטען''....ווי זאגט מען שפך חמתו על ....

https://en.wikipedia.org/wiki/New_Square_arson_attack

[היכי דמי]

וואס טוט זיך מיט אנדערע הויפן? נאך איינער מאכט אן הדלקה? דאך דא גרויסע הדלקות יעדע יאר ווי מאנרא, ווערצקי, סטאלין, ניקלושבורג וכדומה.

[שקד]

טאקע א עוולה

[שיטה מקובצת]

דברים של טעם. כבר מלתי אמורה אז "ל"ג בעומר כאראקטערעזירט אידישקייט פון המון עם", וכן הענין כאן.

איך מיין אז א וויכטיגע נקודה וואס מ'דארף דא ארויסלערנען איז אז רבנים זענען באמת נישט געבינדן צו די פרינציפן וואס זיי פארקויפן, ווייל ווען עס קומט זיי גוט אויס, האבן זיי וועגן זיך ארויסצודרייען דערפון. דער זעלבער סקווירא רבי האט כמעט פארברענט א מענטש ווייל ער האט געמאכט א באזונדערע מנין. לאז די פארברענען אין די זייט א מינוט, די עצם "קפידה" אז ס'זאל נישט זיין נאך מנינים איז דאך געבויט אויף "טאטן". און עד היום הזה איז מען גרייט צו הרג'ענען מענטשן פאר דעם. פארשטייט זיך, אז אויב סקווירא רבי וואלט געוואלט וואלט ער געקענט זיך א עצה געבן מיט'ן "טאטנ'ס" קפידה און טרעפן א וועג ס'זאל יא מעגן זיין נאך מנינים, פונקט ווי ער האט געטראפן א טריק פאר הדלקות. וכן לכל ענין וענין, וואס מ'פארלאנגט פון די חסידים זיך צו פירן א וועג ווייל אזוי איז מקובל, אבער דעמאלטס פאלט נישט ביי אז מ'קען טרעפן "לופהאולס" ווי אזוי איינצופירן נייע מנהגים.

די זעלבע ביים רבי'ן פון סאטמאר הדר בקר"י וואס האט אמאל געהאלטען א פייערדיגע דרשה קעגן מאכן הדלקות ל"ג בעומר, אז מ'האט דאס נישט געזעהן ביי די פריערדיגע. איך האב נישט קיין טענות אז ער האט געטוישט זיין מיינונג. יעדער מעג טוישן א מיינונג, אבער מ'זעהט נישט זיין גרייטקייט צו טוישן מיינוננגען און מחדש זיין ביי עפעס וואס איז נישט נוגע אים, נאר זיינע חסידים. מ'האט טאקע אויך נישט געזעהן ביי פריערדיגע אינטערנעט לצורך חינוך, אבער אז קינדער האבן נישט קיין חדר פאר פיר חדשים און א צי אפשר קען מען טרעפן א וועג צו מאכן ווידיא שיעורים מיט סקייפ. דעמאלטס זענען נישט דא קיין געטוישטע מיינונגען, און דעמאלטס זענען נישט דא קיין מהלכים ווי אזוי מ'זאל מעגן אפילו ס'איז א סתירה צו וואס מ'האט געזאגט פריער.

כ'האב אמאל געהערט פון מו"ר הגה"ח רבי אביגדור מיללער זצוק"ל אויף די דברי חז"ל הידועים (הובא ברש"י פר' שופטים) "לא תסור מן התורה אשר יגידו לך ימין ושמאל - אפילו אומר לך על ימין שהוא שמאל ועל שמאל שהוא ימין". האט ער זיך געשטעלט פארוואס שטייט א וא"ו המוסיף ביי "ועל שמאל" לכאורה וואלט געדארפט שטיין "או על שמאל שהוא ימין"? נאר דער תירוץ איז אז אויב א רב'ס מהלך איז אייביג אנשטאטס רעכטס זאגט ער לינקס, אייביג איז עס אין די דירעקשאן פון לינקס, אדער א אנדערע רב וואס אייביג איז עס לינקס טוישט ער צו רעכטס, אזא רב טאר מען נישט גלייבן, ווייל מ'זעהט אז ער האט א אגענדע ווי אזוי ער וויל דרייען די תורה. מ'דארף נאר אננעמען די ווערטער פון א רב וואס אמאל איז עס פון רעכטס אויף לינקס, און אמאל איז עס פון לינקס אויף רעכטס.

לענינינו, ווען מ'זעהט א די פסקים פון רבנים און זייערע שינויים זענען אייביג אין די דירעקשאן פון זיי צו בענעפיטירן, און קיינמאל נישט צו בענעפיטירן די פשוט'ע מענטשען, ווייסט מען אז זיי זענען נאר דא פאר זיך. מ'וואלט געקענט אננעמען זייערע געטוישטע מיינונגען אויב אויך פאר אונז טרעפן זיי וועגן ווי אזוי צו משנה זיין.

[שקד]

אפשר זאל מען נוצן די עצה וואס איז איינגעפירט דא אין שטיבל שוין ממש ווי א 'מנהג'. צו שרייבן א 'אפענע' בריוו, און מעורר זיין...
ס'דאך בדוק ומנוסה אז ס'העלפט שטארק!

[ליטוואק פון בודאפעסט]

איך האב געזאגט פאר איינעם אז עס קומט מעגליך פאר אזא פייער טראק, און עס איז א ריזיגע סכנה פאר כלל ישראל.

שטעל דיר פאר, די קינדער זענען געזעסן אין שטוב מיט די עלטערן צוויי מאנאטן , גענוצט זייער טלפון אגאנצע טאג, און געשטאנען אויף זייער קעפ. איין שיינעם נאכמטאג קומט א טראק מיט א גרויסע פייער, האסט נישט די תאווה עובר צו זיין אויף 'ומזרעך לא תתן להעביר למלך'? מ'טאר נישט לייגן מענטשן אין אזא נסיון!

[הדסים]

די שמועס דערמאנט מיר פון אן עפיזאד פון חדר. אינעם באס אויפן וועג צום יערליכען טריפ, האט מיין רבי נישט געהאט בעסער וואס צו טון, נאר פארשעמען די קינד וואס פלעגט קומען אסאך שפעט, היינט ביסטו נישט פארשלאפן? היינט האסטו יא געקענט קומען אין צייט?

און איך זיץ און וואונדער מיר, אויב ווילסטו נוצן די טריפ פאר א משל, פרעג אים מארגן וואס מען קען טון אז ער זאל קענען אויפשטיין יעדן טאג. וואס ווילסטו פון אים היינט? דו ווילסט ער זאל יא אויפשטיין שפעט אין די טאג פון א טריפ?

[שקד]

איך האב געזאגט פאר איינעם אז עס קומט מעגליך פאר אזא פייער טראק, און עס איז א ריזיגע סכנה פאר כלל ישראל.

שטעל דיר פאר, די קינדער זענען געזעסן אין שטוב מיט די עלטערן צוויי מאנאטן , גענוצט זייער טלפון אגאנצע טאג, און געשטאנען אויף זייער קעפ. איין שיינעם נאכמטאג קומט א טראק מיט א גרויסע פייער, האסט נישט די תאווה עובר צו זיין אויף 'ומזרעך לא תתן להעביר למלך'? מ'טאר נישט לייגן מענטשן אין אזא נסיון!

דאס וואלט מיר שוין נישט איינגעפאלן...
ס'נישט אזוי ווייט די השגה, ווי די וואונדער וואס ברענגט צו דעם השגה. אפשר גאר א איבערפלוס פון שנאת .... ל....

[berlbalaguleh]

רבותיי: א יעדער מעורר האט האט דא ארויפגעברענגט עטליכע וויכטיגע נקודות.איינער פון די מעוררים האט ארויפגעברענגט א נקודה אז מ'וואלט געקענט (ספעציעל אין די צייטן פון קאראנא וויירוס) אריינברענגען א טראק מיט אן עלעפאנט, א מאנקי און א שחור. כדי מזכה צו זיין דעם עולם מיט די טייערע ברכה פון משנה הבריות.

לאמיר נאר באטראכטן וואס די מציאות איז. די גויים האבן אלערליי ענטערטעינמענט דורך ספארטס. (וואס בחסדי השם איז דאס זייער עבודה זרה. און זיי זענען נישט ביזי מיט די אידן. וואס אין אונגארן און פוילן איז שנאת ישראל געווען זייער ענטערטעינמענט.). בעיסבאלל. בעסקעטבאלל, פוטבאלל און האקעי. וואס אין די איצטיגע עת צרה מוז מען זיי צושטעללן א כמו פון די אלע שפיעללן. אבער אונז אידן האבן דאך גארנישט. קיין שום ענטערטעינמענט. אפילו סעללפאונס און אינטערנעט איז דאך אסור ביי אונז. און כש"כ די אנדערע זאכן. האמיר נאך איין זאך צו וואס די אזוי-גערופענע רבנים זענען נאכנישט אנגעקומען. פארקערט. ס'איז נאך בקום ועשה.איז אז מ'זוכטציך ארויס אויסערגעוויינליכע מצוות. אזוי ווי פדיון פטר חמור. און כש"כ א מצווה וואס האט דעם פאטענציאל צו פארגרעסערן דעם העיליגן רעבינ'ס כבוד. אזוי ווי די הדלקה פון ל"ג בעומר. אפגעזעהן פון דעם פאקט אז די רעבע האלטציך אין איין פאררופן אויפ'ן טאאטן (מיט א חטף קמץ). הני מילי . דארט וואו ס'לוינטציך איהם. איי זיין טאאטע האט קעינמאל נישט געמאכט קעין הדלקות...?! סאו? ער העיבט אן מיט א תירוץ. אז ס'איז אן אסיפה לכבוד אינטערנעט און טעכנאלאגיע, רח"ל. און דער מנהג איז שוין נשרש געווארן. ממילא קענמען שוין נישט מוותר זיין אויפדעים...!

נאר דער טרענד פון מזכה זיין אידן מיט מאדנע און זעלטענע מצוות האטציך ערשט אנגעהויבן. ס'וועט נאך איינעם איינפאללן ארומצופארן מיט א טראק וואס וועט ווייזן ווי א איד עסט קרעפליך אום הושענא רבה אדער פורים. אדער א טראק וואס מ'זעהט ווי א איד שמייסט הושענות. אדער א טראק וואו מ'שלאגט כפרות. און א יעדער קענזיך משתתף זיין פאר א פאר דאללער...!

[שמעקעדיג]

לענינינו, ווען מ'זעהט א די פסקים פון רבנים און זייערע שינויים זענען אייביג אין די דירעקשאן פון זיי צו בענעפיטירן, און קיינמאל נישט צו בענעפיטירן די פשוט'ע מענטשען, ווייסט מען אז זיי זענען נאר דא פאר זיך. מ'וואלט געקענט אננעמען זייערע געטוישטע מיינונגען אויב אויך פאר אונז טרעפן זיי וועגן ווי אזוי צו משנה זיין.

סתם נייגעריג, פארוואס קען נישט זיין אז די הדלקות זענען יא געמאכט צו בענעפיטירן די פשוטע מענטשן, דעם המון עם? לויט ווי ס'קוקט מיר אויס, האט דער עולם גאנץ שטארק הנאה דערפון.

[שקד]

רבותיי: א יעדער מעורר האט האט דא ארויפגעברענגט עטליכע וויכטיגע נקודות.איינער פון די מעוררים האט ארויפגעברענגט א נקודה אז מ'וואלט געקענט (ספעציעל אין די צייטן פון קאראנא וויירוס) אריינברענגען א טראק מיט אן עלעפאנט, א מאנקי און א שחור. כדי מזכה צו זיין דעם עולם מיט די טייערע ברכה פון משנה הבריות.

לאמיר נאר באטראכטן וואס די מציאות איז. די גויים האבן אלערליי ענטערטעינמענט דורך ספארטס. (וואס בחסדי השם איז דאס זייער עבודה זרה. און זיי זענען נישט ביזי מיט די אידן. וואס אין אונגארן און פוילן איז שנאת ישראל געווען זייער ענטערטעינמענט.). בעיסבאלל. בעסקעטבאלל, פוטבאלל און האקעי. וואס אין די איצטיגע עת צרה מוז מען זיי צושטעללן א כמו פון די אלע שפיעללן. אבער אונז אידן האבן דאך גארנישט. קיין שום ענטערטעינמענט. אפילו סעללפאונס און אינטערנעט איז דאך אסור ביי אונז. און כש"כ די אנדערע זאכן. האמיר נאך איין זאך צו וואס די אזוי-גערופענע רבנים זענען נאכנישט אנגעקומען. פארקערט. ס'איז נאך בקום ועשה.איז אז מ'זוכטציך ארויס אויסערגעוויינליכע מצוות. אזוי ווי פדיון פטר חמור. און כש"כ א מצווה וואס האט דעם פאטענציאל צו פארגרעסערן דעם העיליגן רעבינ'ס כבוד. אזוי ווי די הדלקה פון ל"ג בעומר. אפגעזעהן פון דעם פאקט אז די רעבע האלטציך אין איין פאררופן אויפ'ן טאאטן (מיט א חטף קמץ). הני מילי . דארט וואו ס'לוינטציך איהם. איי זיין טאאטע האט קעינמאל נישט געמאכט קעין הדלקות...?! סאו? ער העיבט אן מיט א תירוץ. אז ס'איז אן אסיפה לכבוד אינטערנעט און טעכנאלאגיע, רח"ל. און דער מנהג איז שוין נשרש געווארן. ממילא קענמען שוין נישט מוותר זיין אויפדעים...!

נאר דער טרענד פון מזכה זיין אידן מיט מאדנע און זעלטענע מצוות האטציך ערשט אנגעהויבן. ס'וועט נאך איינעם איינפאללן ארומצופארן מיט א טראק וואס וועט ווייזן ווי א איד עסט קרעפליך אום הושענא רבה אדער פורים. אדער א טראק וואס מ'זעהט ווי א איד שמייסט הושענות. אדער א טראק וואו מ'שלאגט כפרות. און א יעדער קענזיך משתתף זיין פאר א פאר דאללער...!

די עבירה איז גרויס... מ'דארף פארארבעטן מעשים דאס אפצושטעלן. ס'שטעלט דאך אלץ און אלעמען אין א סכנה.

[פאליטיקאנט]

@שקד איך מיין דו האסט עס אנגענומען כאילו מ'האט שטארקע טענות דערויף.

ניין ס'קען זיין זייער שיין, מ'ברענגט פשוט ארויס אז געוויסע זאכן זענען געווארן ביי אונז א גרויסע מצווה אויף וואס מ'וועט זיך שטעלן מער ווי עיקרי הדת.

זאכן וועלכע פילן געשמאק אפי' א רוחניותדיגער געשמאק וועט האבן זכות קדימה (שוין צוואנציג יאר נישט פארפאסט קיין מקוה...... איי יעצט איז רצון השם אנדערש? זיין געפיל צום מצוה איז געווארן זיין מצוה... קענסט עס אנרופן הרגל נעשה טבע, אדער מצות אנשים מלומדה)

און בכלל דא קען מען אויסטייטשן (לאו מוכרח בכלל) אז דאס קומט אנצוהאלטן די קשר צום רועה נאמן.......

[שקד]

ס'קוקט אויס ווי זיי גייען ארומפירן א טרעקל אין גאנץ ברוקלין, און שפעטער אין אלע פינעף באראויס, און טאמער ס'נישט גענוג, עס לאזן אויסרויכערן אויף טיימס סקווער.
סך הכל איז דאס א זאך וואס פאסירט אין א שטעטל, וואס ווילן דאס, און לעבן זיך באשיידן אנע מישן א טאפ וואס עולם גולם טוט יעדע רגע אין ווילי און אין ווייסעך ווי.
אבער פונקט ווי דע-בלאזירער האט געכאפט דעם יוד אנע הרחקות צווישן א שטאט פון עוולות, האט מען געפאקט דעם סקווערן זיין א היפאקריט... ער מאכט זיך א פייער, העי! דו האסט געזאגט, און יעצט טוסטו... העי... מעגסט נישט... אה... ביסט חוזק! הע הע... חוזק אין די לענג, ס'אפילו נישט א מנהג. ביסט פאני, יעדער לאכט פון דיך, האסט קיינמאל נישט געמאכט א פייער, און מיט א חטף קמץ מָאכסטו א פעיִער... נייעס אין די וועלט, סקווער מאכט א פייער אויף א טראק!

[berlbalaguleh]

שקד: אבער מצד שני. פון די צווייטע זייט פון די מטבע דארף מען עס ארויסהייבן לשבח. אז די רעבע איז מזכה דעם עולם מיט א תזכורת פון א מיצוועה. או.קעי. א העיליגע מינהעג. און אין די זעלבע צייט האט שוין דער עוילעם א הנאה אויך. אויך ווייזט דאס אז די רעבע שליט"עה איז מחזק דעם עוילעם איינצוהאלטן די תקנות פון די ממשלה. נישט אזוי ווי אנדערע רעבעס ומנהיגי ישראל. (ניין. נישט מדינת ישראל, ח"ו. הס מלהזכיר.) וועלכע זאגן גארנישט אדער דרייען מיט די צונג...!

[מיימון]

איינער שיקט אין אישי אז אין סקווער האט מען אויסגערופן קריאת התורה מיט א גרויסן הויכהילכער, שוין געזונטערהייט, כ'ווייס נישט פארוואס ער זאגט עס נישט דא. הגם מיט א מייק י''א אז מ'איז נישט יוצא, אפשר זאל מען גאר אויסרופן די הדלקה אויך מיטן מייק און דער רבי וועט טאנצן ביי זיך אין צימער ארום א אנגעצינדענעם מעטש, דאס קען מען לויט רוב דיעות יוצא זיין מיט א מייק לכאורה.

נאר באמת גערעדט איז דאך דאס א גאר געוואונטשענע זאך, מ'מעג דאס בכלל איינפירן, אזויווי חז''ל האבן געטוישט אנשטאט דער עולם זאל ארומגיין צו די אבלים גייען די אבלים אריבער די שורה. דער נייער גערער רבי האביך געליינט אין מאמענט אנשטאט דער עולם זאל ארומגיין זאגן גוט שבת גייט ער ארום זאגן דעם עולם גוט שבת. דאס איז דאך בעצם א געוואלדיגע חידוש אין טירחא דציבורא און א טריט צו דעמאקראטיע, איז אפשר זאל דער הייליגער רבי דאס איינפירן א גאנץ יאר, אנשטאט יעדער זאל קומען קוקן וויאזוי דער רבי עסט זופ וועט מען ארומפירן דעם רבי'ן אויף א טראק וירכיבוהו ברחוב העיר און יעדער וועט ארויסקומען קוקן פון די פארטשעס וויאזוי דער רבי עסט.

שמעקעדיג איז זייער ברוגז אויף די נעגאטיוויטי, איים סארי, דאס געשעעט ווען דו ביזסט נישט דא אזוי לאנג. נאר דו זאגסט דער עולם האט הנאה, אבער זיי האבן דאך הנאה אויך פון א פלעי און א קאנצערט, נאר די בעלי הפלעי האבן נישט געהאט קיין שכל צו מכבד זיין דעם רבי'ן צו עקטן ממילא עסן זיי גאל. ווען דער רבי וואלט דאס אנגעצונדן וואלט שוין געווען א טראק.

[היכי דמי]

איך גיי נישט אריינגיין אין די מנהג/מצוה/מסורה/ שמועס צו איז יא אויסגעהאלטן, צו עס איז ליצנות גאר אא״וו.

איין זאך קוק איך ארויף אויף דעם געדאנק: אין א צייט וואס איך גיי זיצן אין מיין צוקוועטשטע דירה אין ברוקלין, פרובירן צו זיך האלטן בשמחה אין א זמן וואס יעדע יאר גיי איך ארויס מיט די קינדער טאנצן ביי פייערדיגע הדלקות וואס מען שטעלט דא צו, גייט סקווירא צושטעלן ענטערטעימענט פאר זייער חברה. עס קומט זיך זיי קרעדיט פאר׳ן זיצן און ברעכן קאפ אויף א מהלך, און אויפקומען מיט אזא אינטערעסאנטע און קאמישע געדאנק ווי א ״פייער טראק״ אבי די חסידים, בחורים און קינדער זאלן פילן אז עס איז ל״ג בעומר היינט.

אונז וועלן זיך פרובירן מחזק צו זיין מיט די האטליין דרשות וואס מיין קהילה שטעלט צו, אדער וואטשן לייוו פראגראמען אויף די געוועב, וואס רעלאוד זיך יעדע פאר מינוט צוליב די שוואכע סערוויס.

[רביה''ק זי''ע]

די שאלה איז נאר וויאזוי האט מען געפילט אז ס'איז ל"ג בעומר מיט פינעף יאר צוריק?

[berlbalaguleh]

מיימון: ס'איז נאר דא איין פראבלעם. שבת טאר מען נישט פארן מיט א וואגן. וואס איז אנ'אנדער רשות. ועוד. און סטארטן דעם טראק. אפשר דורך רעמאוט קאנטראל און סאטעלייט איז מותר. ווייל אונז (ווער? איך!) פסק'ע מיר אז..."אין תחומין למעלה מעשרה"... אויב ס'איז דא אזא הלכה איז דאך גוט. ווען נישט האביך עס היינט אויפגעמאכט...!

ס'איז דא נאך א פראבלעים. היינט אז מ'דארף קומען צום רעבע'ס טיש. און זיינע כלבים טוען דאס ענפארסן. ווייל ס'איז דאך ידוע אז אויב איינער קומט נישט צום רעבע'ס טיש פאר 2 וואכן קומט דער עולם צו איהם אהיים פאר א באזוך. ווייל זיי (דעם רעבינ'ס כלבים)טענה'ן אז אויב איינער קומט נישט צום טיש איד ער דאך נישט געזונט, ל"ע צו פיזיש אדער גייסטיג. מילא איין וואך איז מען איהם בטובם הגדול מוחל. אבער 2 וואכן רצופים. איז ער דאך צודרייט, ל"ע. קומט מען איהם מבקר חולה זיין. מיינער א קרוב האט עובר געווען א גרעסערע עבירה. ער איז געפארן אויף א שבת צו א צווייטן רבי'ן, רחמנא ליצלן מהאי דעתא. אויף קיין שום אידיש קינד געזאגט. איז דעם קומענדיגן שבת איז מען געקומען און מ'האט אפגעשטאט א וויזיט ביי איהם. בערך א דרייסיג אידן האבן זיך געטרייט אריינצושטופן ביי איהם אין דירה. איך האלט דער עולם איז גערעכט געווען. ס'קען נישט זיין נאר אז ער איז חסר דיעה ל"ע. פארן צו א צווייטן רעבי'ן. די פראבלעים איז אז ער איז א איד אן עקשן. און ער האטציך ארויסגעשמוגלט פון העיליגן שטעיטל. שטייצעך אז ער האט באקומען די ריכטיגע באהאנדלונג. דער סוף פון די מעשה איז אז ער האטציך ארויסגעראטעוועט פון שטעעטעלע מיט גאנצע בעינער ב"ה...!

[בת קול]

עס ווייזט אז זיינע חסידים האבן אויסגעפירט.

מען בעט זיך איין גענוג מאל, ביז מען געבט איין.

[שקד]

למה הדבר דומה; ווי איך גיי אריין צו איינעמס גארטן, און שפאציר ביז'ן בעק גארטן אויך, און כ'זע דארט ווי יענער זיץ אויף א פלושענעם בענקל מיט שטריימל און ווייסע זאקן, אנע גאטשעס און אנע אונטערהעמד...
כ'רעדט נישט יעצט צו ס'נארמאל, און כ'רעדט נישט יעצט צו כ'האב דיר געגעבן רשות צו קוקן, און כ'רעדט נישט צו ס'אויסגעהאלטן צו פארציילן פאר יעדן אינדרויסן.
איך רעדט פשוט די פאקט, די מציאות הדברים!

אויב וואלט יענער דאס געטון ברבים, דאס הייסט אין רשות הרבים, אין צענטער פון בעדפארט עווניו וכדומה, נו! כ'הער...
ביי זיך אין שטעטל טוען געוויסע יודען מיט זייער רבי דאס און יענס, און ס'טוט נישט וויי קיינעם, נאר עטליכע האבן גענומען א קליפ ווי מ'גרייט דאס צו, און די כולנו חכמים האבן דאס גענומען אויפ'ן נייעס באלעמער.
אויסער צו זאגן אז ס'שטונקט פון קנאה, אדער עפעס ווי טפשות פה, פראביר איך נאך מלמד זכות זיין און טראכטן, פארוואס דאס זאל ווערן אויסגעשמירט מיט נעגעטיוועטי אויף עטליכע בלעטער.

[ליטוואק פון בודאפעסט]

אינטרעסאנט, דער פקחות גילט דאך אין דער בורשטינע אשכול אויך. פארוואס האסאו עס דארט נישט געשריבען? ווי אויך אין פיל אנדערע אשכולות.

[לך לך]

ווידיאו - ערשטע הילף ביים אויספראבירן א פייער אויף א טראק וואס וועט ווארשיינליך ארומפארן אין שטעטל דעם ל"ג בעומר.