מרת לאנדא, מיר זענען מיט דיר!

ארטיקלען און באטראכטונגען איבער דער חרדי'שער געזעלשאפט און קולטור
רעאגיר
באניצער אוואטאר
העניך
שריפטשטעלער
שריפטשטעלער
הודעות: 941
זיך רעגיסטרירט: מאנטאג יאנואר 25, 2016 5:54 pm
האט שוין געלייקט: 1242 מאל
האט שוין באקומען לייקס: 4534 מאל

מרת לאנדא, מיר זענען מיט דיר!

שליחה דורך העניך »

אין די מינוטן האט עליסאן דזשאסעפס געענדיגט א לייוו אינטערוויו מיט א חסידישע פרוי מרת פייגא לאה לאנדא, איבער אירע באציאונגען מיט אירע קינדער וועלכע זענען אוועק פונעם פרומען לעבנסשטייגער. כ'וויל בעטן יעדן וואס האט 50 מינוט זאל אויסהערן דעם הייליגן שמועס.

עס איז אומגלויבליך דאס קוראזש פון א חסידישע פרוי ארויסצוקומען ברבים און דערקלערן אז זי האט ליב אירע קינדער, אפגעזען פון דעם וועג וואס זיי האבן געקליבן פאר זיך, און אז זי באטראכט זיי נישט ווי קיין דורכפעלער. זי רעדט וועגן א ליבליכע אידישקייט וואס פארשטייט אז נישט יעדנ'ס תכונות הנפש זענען די זעלבע.

זי האט מסביר געווען אז נאכ'ן קריג האט מען געוואלט צוריקבויען אידישקייט, און אלס רעזולטאט האט מען עס געמאכט גאר שטרענג, פשוט פאר סורווייוועל. אבער עס איז צייט זיך אומצוקוקן און זען אז עס זענען דא נאך וועגן וויאזוי אנצוקוקן די תורה.

איך קען נאר זאגן פאר מרת לאנדא, כה לחי! דו ביסט א סעמפל וויאזוי א אידישע טאכטער דארף אויסזען. שטארק, קאנפידענט, נפשיות'דיג געזונט, קוראזשפול, און מיט א תורה וואס ברענגט ליבשאפט, נישט שנאה.

מרת לאנדא, מיר זענען מיט דיר!
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.

דער אשכול פארמאגט 49 תגובות

איר דארפט זיין א רעגיסטרירטער מעמבער און איינגעשריבן צו זען די תגובות.


רעגיסטרירן איינשרייבן
 
רעאגיר