ידם שפכו את הדם הזה: אונזערע שרעקליכע קאראנא-מגיפה ציפערן

ארטיקלען און באטראכטונגען איבער דער חרדי'שער געזעלשאפט און קולטור

ידם שפכו את הדם הזה: אונזערע שרעקליכע קאראנא-מגיפה ציפערן

הודעהדורך ראובן » דינסטאג מאי 19, 2020 5:03 pm

עס איז שוין כמה פעמים אויפגעברענגט געווארן די ביטערע וויי-געשריי וואס איז פארגעקומען אין די 11 שווארצע טעג פון י"ג אדר ביז כ"ג אדר, ולמספרם מערץ 9 ביז מערץ 19, ווען געפארפולע באשלוסן זענען געמאכט געווארן דורך די עומדים בראש וואס האבן ליידער מעגליך געקאסט נפשות יקרות מישראל.

עס איז שוין צייט אנצופאנגען מאכן א חשבון צי דער סכום קרבנות וואס די מגיפה האט אונז געקאסט איז טאקע העכער ווי די אלגעמיינע ניו-יארקער ציפערן, אדער צי דער אויבערשטער האט רחמנות געהאט, און טראץ דער שרעקליכער אומ'אחריות פון רבנים און מנהיגים האבן מיר נישט געליטן מער ווי אנדערע.

ווי עס ווייסט יעדער האט די קאראנא מגיפה בעיקר אומגעברענגט עלטערע מענטשן פון 60 און עלטער. אינגערע האבן אויך געליטן, אבער די ערגסטע פארלוסטן זענען פארגעקומען ביי די זקנים. אויב זאל מען קוקן אויף וויפיל נפטרים עס זענען געווען אין א היימישן אידישן געגנט אלס א פראצענט פון דער גאנצער אידישער באפעלקערונג, וועט עס צייגן א בילד פון ווייניג קרבנות. און די סיבה איז פשוט: חסידישע אידן זענען קע"ה א פרוכטבאר פאלק, און די איבערוויגנדע מערהייט פון דער באפעלקערונג באשטייט פון יונגע מענטשן וועלכע האבן פיל ווייניגער געליטן פון דער מגיפה. צום ביישפיל, אין דער צייט וואס אין אמעריקע אין אלגעמיין איז פופציג פראצענט פון דער פאפולאציע אונטער 38 יאר אלט, האט קרית יואל א פאפולאציע וואס פופציג פראצענט איז אונטער 13! און דאס איז די אינגסטע פלאץ אין אמעריקע.

כדי צו באקומען א ריכטיגן בילד וואס עס האט זיך אפגעשפילט דארפן מיר קוקן בלויז אויף די עלטערע מענטשן, און זען וויפיל פון זיי עס זענען נעבעך אומגעקומען, און וויאזוי דאס פארגלייכט זיך צו דער אלגעמיינער ראטע פון ניו-יארקער איינוואוינער.

אוודאי וואלט דאס בעסטע געווען צו קוקן אויף די גרעסטע חסידישע מעטראפאלינען אין ניו-יארק, בארא פארק אין וויליאמסבורג, אבער דא עקא עס איז גאר שווער, אדער כמעט אוממעגליך, צו באקומען גענוי ציפערן וואס רעפלעקטירן דווקא די חסידישע איינוואוינער און נישט די ארומיגע איינוואוינער. געוויסע קלערן אז עס זענען פאראן "אידישע זיפקאודס", ווי 11211 אין וויליאמסבורג און 11219 אין בארא פארק, אבער ווען מ'קוקט אויף דער מאפע, זעט מען אז פאקטיש איז נישטא קיין איין זיפקאוד וואס איז גענצליך אינעם אידישן געגנט.

פאלגנד האבן מיר אויסגעשטעלט א זיפקאוד מאפע, און ארויפגעלייגט די עירובין פון וויליאמסבורג און בארא פארק, וואס גיט אונז אן אנדייטונג אויף די אידישע געגנטער, וויאזוי זיי שטעלן זיך אויס אויף די זיפקאודס. דאס ווייזט אונז די שוועריגקייט פון ציען מסקנות פון ציפערן וועלכע ווערן ארויסגעגעבן אויף זיפקאודס.
map.jpg



היות עס איז שווער צו באקומען גענוי ציפערן פאר בארא פארק און וויליאמסבורג, וועלן מיר מאכן דעם חשבון פאר קרית יואל, וואו דער צענזוס זאגט אונז וויפיל מענטשן עס וואוינען דארטן, און וויפיל פון יעדער יארגאנג-גרופע. אזוי אויך ווייסן מיר אז אלע איינוואוינער זענען חסידישע אידן. מיר האבן דא גענוצט די בעסטע ציפערן לויט אונזערע מעגליכקייטן. אויב איינער קען ברענגען בעסערע ציפערן וואס העלפן ווארפן מער ליכט אויף דער נושא, איז דאס אוודאי וועלקאם.

צו מאכן די חשבונות, זענען מיר געהאלפן געווארן דורך ידידינו היקר @יידל, אזוי אויך איז די מאפע דא אויבן מעשי ידיו להתפאר.

טראץ דעם וואס די אמעריקאנער רעגירונג ציילט די באפעלקערונג בלויז איינמאל אין צען יאר, גיט זי ארויס כסדר'דיגע שאצונגען באזירט אויף נאטירליכע וואוקס און היסטארישע ציפערן. די לעצטיגע נומערן וואס מיר האבן זענען פונעם "American Community Survey" פון 2018. לויט די צענזוס ציפערן, (זע דא) וואוינען אין קרית יואל צווישן 23,317 און 23,755 מענטשן. פון זיי זענען צווישן 555 און 849 העכער די זעכציג. צו פארגרינגערן אויפן חשבון וועלן מיר פשוט נוצן דעם מיטלסטן נומער, וואס איז 702.

וויפיל פון די ארום זיבן הונדערט עלטערע אידן וואלטן ווען ל"ע געדארפט אומקומען פון קאראנא-ווירוס לויט דער אלגעמיינער ניו-יארק ראטע? לאמיר קוקן אויף ניו יארק'ס אלגעמיינער ראטע און זען וואס דאס וואלט ווען געדארפט באדייטן פאר קרית יואל. לויטן זעלבן צענזוס סורוועי, וואוינען אין ניו יארק סטעיט ארום 4,281,416 מענטשן העכער די ששים. די סטעיט באריכטעט קאוויד פאטאליטעטן לויטן יארגאנג (זע דא), און אז מ'רעכנט צוזאם אלע פאטאליטעטן איז דא א סך הכל פון 19,324 טויטע אין די יארגענג פון זעכציג און העכער. א שנעלער חשבון דערציילט אונז אז די טויט-ראטע אין ניו יארק פאר מענטשן פון זעכציג יאר אלט און העכער איז געווען 0.45% פראצענט, אדער צו נוצן די שטאט'ס וועג פון דאס אויסדרוקן: 451.35 פער 100 טויזענט מענטשן. אדער אין אידיש גערעדט, 1 פון יעדער 221.5 מענטשן העכער זעכציג איז געשטארבן פון קאוויד-19 אין ניו יארק.

אויב וואלטן די פאטאליטעטן אין קרית יואל געווען לויט דער זעלבער ראטע, וואלטן מיר ווען פארלוירן ארום דריי נפשות העכער די זעכציג. אפילו אז מ'זאל אננעמען אז קרית יואל פארמאגט 850 אידן העכער די זעכציג, וואלטן מיר לויט דער ניו יארקער ראטע פארלוירן נישט מער ווי פיר נפשות.

וויפיל האבן מיר פארלוירן למעשה? לויט א ליסטע וואס איז פארעפנטליכע געווארן אין אייוועלט, זענען אין קרית יואל אומגעקומען פון קאראנא-ווירוס ל"ע פופצן מענטשן פון 60 און העכער. דאס מיינט אז אנשטאט א ראטע פון 0.45%, האט קרית יואל פארלוירן מענטשן אין דעם יארגאנג אויף א ראטע פון 2.13%. דאס איז באלד פינף מאל אזויפיל ווי דער אלגעמיינער ניו יארקער ראטע! אנשטאט איינער פון יעדע 221 מענטשן, איז אין קרית יואל נפטר געווארן איינער פון יעדע 48 מענטשן.

וואלט ווען גאנץ ניו יארק נאכגעפאלגט די ראטע פון קרית יואל, וואלטן אין ניו יארק געשטארבן אן אסטראנאמישער ציפער פון איבער 91 טויזנט מענטשן העכער די זעכציג.

אנשטאט קרית יואל זאל באגראבן 4 מענטשן פונעם קאראנא-ווירוס, האט זי באגראבן 15, רחמנא ליצלן. 11 מענטשן וואס זענען שוין נישט בין החיים וואלטן מעגליך געווען יעצט געזונט און פריש, ווען נישט אונזער לייכטזיניגקייט.

אויב קענען מיר אננעמען אז די זעלבע לייכטזיניגקייט וואס איז פארגעקומען אין קרית יואל -- ווי פורים טישן און די 11 טעג פון אפלאכן פון די דאקטוירים רעקאמענדאציעס -- זענען אויך פארגעקומען אין די אנדערע אידישע געגנטער, און אז דאס האט געהאט דעם זעלבן עפעקט, איז מעגליך אז די לכל-הפחות 522 היימישע נפטרים וואס די מגיפה האט אונז געקאסט איז אויך פינף מאל מער ווי דער אלגעמיינער ראטע, וואס דאס מיינט אז מיר וואלטן מעגליך געקענט פארמיידן דעם טויט פון פיר הונדערט נפשות יקרות מישראל, אויב וואלטן מיר גענומען ערנסט די רעקאמענדאציעס פון מומחים.

וועלן מיר פארשווייגן דאס פארגאסן בלוט? וועלן מיר דערשטיקן דעם צער מיט פארשרייען יעדן חוץ די וואס האבן געהאט דעם גרעסטן אחריות אין אזויפיל היימישע טויטע? וועלן מיר פארלאנגען דין וחשבון?
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2528
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3304 מאל
האט שוין באקומען לייקס: 10021 מאל

הודעהדורך קאך_לעפל » דינסטאג מאי 19, 2020 5:19 pm

זייער שיין. און א ישר כוח.

עס עגבערט מיר נאר, פארוואס דארף איינער שולדיג זיין? ס'מאכט זיך ס'זאל זיך נישט מאכן בייזע ווינטן, שווערע פייערן און יא! אויך עמפעדעמיעס! ס'איז אן אקט פון ג-ט, און ס'איז גארנישט דא וואס מ'האט געקענט טאן. ס'איז זייער גרינג היינט צו זיין א חכם, ווען מ'פארמאגט די דאטא און אינפארמאציע, וואס מ'האט נאך דאן אין יענע צופארענע טעג נישט פארמאגט. כינע האט געהאלט די וועלט אין די טינקל. לאמיר לעבן פאזעטיוו און אביאקטיוו. כ'פארשטיי ס'איז שווער, ווארים ווען מענטשן ליידן גלייכט מען צו צייגן די פינגער אויף עמיצער וואס איז אנגעבליך שולדיג... ס'איז ליידער געווען אן אונטערגאנג, און דאס איז די ענדע....
רעדאגירט געווארן צום לעצט דורך קאך_לעפל אום דינסטאג מאי 19, 2020 5:41 pm, רעדאגירט געווארן איין מאל בסך הכל.
קאך_לעפל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1860
זיך רעגיסטרירט: מאנטאג דעצעמבער 10, 2012 12:16 pm
האט שוין געלייקט: 203 מאל
האט שוין באקומען לייקס: 2113 מאל

הודעהדורך רימון » דינסטאג מאי 19, 2020 5:20 pm

דאס איז אומגעלויבליך.
מ'קען צולייגן א סברא אז דאס לעבנס קוואליטעט אין קרית יואל איז עטוואס מער לופטיגער און אויסגעשפרייט, ווי אויך איז נישטא אזויפיל חינגאות און צערעמאניעס ביינאכט וואו זיך צוזאמקומען און ס'איז מסתבר אז אין וויליאמסבורג און בארא פארק זאל די ווירוס זיך האבן צעשפרייט פיל ווילדער און שנעלער.
רימון
ידיד השטיבל
ידיד השטיבל
 
הודעות: 252
זיך רעגיסטרירט: דינסטאג אקטאבער 21, 2014 9:12 pm
האט שוין געלייקט: 1101 מאל
האט שוין באקומען לייקס: 697 מאל

Re: ידם שפכו את הדם הזה: אונזערע שרעקליכע קאראנא-מגיפה ציפער

הודעהדורך מי אני » דינסטאג מאי 19, 2020 5:38 pm

און טאמער נעמט מען נאך אן אז היידאקסיקלאראקווין העלפט דאס רעדוצירן, איז דאס נאך א שטערקערע באווייז אויף לייכטזיניגקייט, וויבאלד ביי זיי האט מען דאס לכאורה מער פּרעסקרייבּט און דאך איז די ראטע העכער.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 1186
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 6097 מאל
האט שוין באקומען לייקס: 864 מאל

הודעהדורך ליפא » דינסטאג מאי 19, 2020 5:40 pm

נישט דא קיין 15 קאראנא טויט פעלער אין קרית יואל אין די העכער 60 יארן.
טראמפ 2020! טראמפ 2024! טראמפ 2028!
באניצער אוואטאר
ליפא
חבר ותיק
חבר ותיק
 
הודעות: 2097
זיך רעגיסטרירט: דינסטאג יוני 23, 2015 4:09 am
האט שוין געלייקט: 2115 מאל
האט שוין באקומען לייקס: 1836 מאל

הודעהדורך במדבר » דינסטאג מאי 19, 2020 5:46 pm

@ראובן יישר כח האסט מיר פארגרינגערט די ארבייט,איך בין שוין מיד געווארען פון וויכוחים.

אבער פאר די וואס נימערן זענען זיי שווער...האב איך א חידה...

טאמער זאג איך אייך אז איך האב פארלוירן אין די קאראונע פענדעמיק : א קאזין אינטער די פערציג, איך האב געהאט צוויי פעטערס אין א קריטישע צושטאנד און שפיטאל, מיין ליבער מאמע, און מיין טייערע שוואגער, האבן ביידע געדארפט צוקימען צו מעדעצינישע באהאנדלונג, און אלע מיינע געשוויסטער זענן געווארן אנגעשטעקט מיט דעים.

וואספארע שיך גיי איך ... []עקוי, אדער []נייקי ???
א אינטעלעקט גלייכט זיין איינזאמעקייט, ווי א מעזאכיסט דערנידערונג.
באניצער אוואטאר
במדבר
ידיד השטיבל
ידיד השטיבל
 
הודעות: 178
זיך רעגיסטרירט: דאנערשטאג אפריל 02, 2020 12:58 pm
האט שוין געלייקט: 452 מאל
האט שוין באקומען לייקס: 236 מאל

הודעהדורך ראובן » דינסטאג מאי 19, 2020 6:00 pm

ליפא האט געשריבן:נישט דא קיין 15 קאראנא טויט פעלער אין קרית יואל אין די העכער 60 יארן.

אפילו אויב זאל מען נאר רעכענען די 8 טויטע פון 60+ וואס דער אייוועלט-שרייבער האט באשטעטיגט אלס קאראנא-פאטאליטעטן איז עס אויך א טויט-ראטע פון 1.1%, וואס איז מער ווי טאפלט ווי דער אלגעמיינער ראטע.

בכלל איז איראניש ווי מ'שרייט שוין 5 וואכן אז "יעדער האט עס שוין געהאט" אבער פלוצים ווען עס קומט צו נפטרים איז מען קארג, און ס'איז שווער אנצונעמען אז דער קענסער און הארץ פאציענט איז למעשה נפטר געווארן פון דער מגיפה וואס זיי האבן דאך אויך ווארשיינליך געהאט.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2528
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3304 מאל
האט שוין באקומען לייקס: 10021 מאל

Re: ידם שפכו את הדם הזה: אונזערע שרעקליכע קאראנא-מגיפה ציפער

הודעהדורך פאליטיקאנט » דינסטאג מאי 19, 2020 6:08 pm

ראובן האט געשריבן:אנשטאט קרית יואל זאל באגראבן 4 מענטשן פונעם קאראנא-ווירוס, האט זי באגראבן 15, רחמנא ליצלן. 11 מענטשן וואס זענען שוין נישט בין החיים וואלטן מעגליך געווען יעצט געזונט און פריש, ווען נישט אונזער לייכטזיניגקייט.


ס'איז שווער צו ציען סטאטיסטישע מסקנות פון אזוינע קליינע ציפערן (נישט אין די הונדערטע אדער טויזענטע) אבער איך קען צולייגן אז שמועסנדיג מיט די גויטע און אנדער אין די ספאנישע קאמיוניטי האט קיינער נישט געהאט צו דערציילן איבער א קרוב וועלכע איז געשטארבן, וואס ליידער ביי אונז איז נישט שייך צו זאגן (קען זיין זיי האבן פשוט נישט אזויפיל עלטערע).



קאך_לעפל האט געשריבן:
זייער שיין. און א ישר כוח.

עס עגבערט מיר נאר, פארוואס דארף איינער שולדיג זיין? ס'מאכט זיך ס'זאל זיך נישט מאכן בייזע ווינטן, שווערע פייערן און יא! אויך עמפעדעמיעס! ס'איז אן אקט פון ג-ט, און ס'איז גארנישט דא וואס מ'האט געקענט טאן. ס'איז זייער גרינג היינט צו זיין א חכם, ווען מ'פארמאגט די דאטא און אינפארמאציע, וואס מ'האט נאך דאן אין יענע צופארענע טעג נישט פארמאגט. כינע האט געהאלט די וועלט אין די טינקל. לאמיר לעבן פאזעטיוו און אביאקטיוו. כ'פארשטיי ס'איז שווער, ווארים ווען מענטשן ליידן גלייכט מען צו צייגן די פינגער אויף עמיצער וואס איז אנגעבליך שולדיג... ס'איז ליידער געווען אן אונטערגאנג, און דאס איז די ענדע....


מ'האט שוין דאן יא געהאט אינפארמאציע סיי פון כינע און נאכמער פון איטאליע, און מנהיגים, אלס..... מנהיגים, וואלטן זיך געדארפט שטארק נאכפרעגן ביי די וואס ווייסן די סארט זאכן (חוץ פון די איבערגעקייטע טענה אז געוויסע רבי'ס האבן זיך אליין יא באשיצט).
די בעסטע און שנעלסטע בראוזער מיט אן אריינגעבויטע עד בלאקירער!
https://brave.com
באניצער אוואטאר
פאליטיקאנט
ידיד השטיבל
ידיד השטיבל
 
הודעות: 300
זיך רעגיסטרירט: פרייטאג יאנואר 19, 2018 5:53 pm
האט שוין געלייקט: 116 מאל
האט שוין באקומען לייקס: 283 מאל

הודעהדורך פליישיג » דינסטאג מאי 19, 2020 6:42 pm

While we're at it וואלט איך געוואלט עפענטליך זיך שטארק באדאנקען בשם כל ישראל אונזער @ראובן פאר'ן אויפמערקזאם מאכן דעם עולם נאך איידער די רבנים און נאך איידער אונזערע שטאטישע טאטעס איבער דעם גרויסע סכנה וואס איז שפעטער טאקע אנגעקומען.

עס שטייט מיר נאך פאר די אויגן, דער מראה ווי ראובן האט ווי אימער עס איז געזען געווארן א ילוד אשה, איז ער צוגעלאפן און מסביר געווען די סכנה וואס קומט. ער האט זיך אריינגעזעצט אין זיין הויז און נישט ארויס פון דארט פון ראש חודש אדר ביז כ'ווייס ווען...

טו מיר א טובה ראובן, נישט דו, נישט איך, און רובא דרובא מענטשן, כולל אונזערע פירער און אדווייזערס האבן באגריפן די סכנה וואס עס הערשט.

טאמער פילסטו אז דער אשכולות מאכן דיר פילן בעסער, דאן קענסטו גיין מאכן א קאווער סטארי אויף די נעקסטע וועקער, (וואס כידוע איז שוין זייט וועלט איז וועלט, איז אזא גוטע אויסגאבע נישט געווען) און קענסט אפירזוכן א מגולח וואס רעדט אידיש, און לאז מסביר זיין די שרעקליכע סכנה פון אונזערע מנהיגים.
ווילט איר וואקסן אין תורה ויראת שמים?
האנדלט אייך שיעורים פון כבוד הגה''צ הרב מאיר צוויבעל שליט''א

כדאי הוא רבי מאיר לסמוך עליו
פליישיג
מאנשי שלומינו
מאנשי שלומינו
 
הודעות: 64
זיך רעגיסטרירט: דינסטאג יולי 17, 2018 7:11 pm
האט שוין געלייקט: 3 מאל
האט שוין באקומען לייקס: 26 מאל

הודעהדורך פליישיג » דינסטאג מאי 19, 2020 6:44 pm

פאליטיקאנט האט געשריבן:
ראובן האט געשריבן:אנשטאט קרית יואל זאל באגראבן 4 מענטשן פונעם קאראנא-ווירוס, האט זי באגראבן 15, רחמנא ליצלן. 11 מענטשן וואס זענען שוין נישט בין החיים וואלטן מעגליך געווען יעצט געזונט און פריש, ווען נישט אונזער לייכטזיניגקייט.


ס'איז שווער צו ציען סטאטיסטישע מסקנות פון אזוינע קליינע ציפערן (נישט אין די הונדערטע אדער טויזענטע) אבער איך קען צולייגן אז שמועסנדיג מיט די גויטע און אנדער אין די ספאנישע קאמיוניטי האט קיינער נישט געהאט צו דערציילן איבער א קרוב וועלכע איז געשטארבן, וואס ליידער ביי אונז איז נישט שייך צו זאגן (קען זיין זיי האבן פשוט נישט אזויפיל עלטערע).



קאך_לעפל האט געשריבן:
זייער שיין. און א ישר כוח.

עס עגבערט מיר נאר, פארוואס דארף איינער שולדיג זיין? ס'מאכט זיך ס'זאל זיך נישט מאכן בייזע ווינטן, שווערע פייערן און יא! אויך עמפעדעמיעס! ס'איז אן אקט פון ג-ט, און ס'איז גארנישט דא וואס מ'האט געקענט טאן. ס'איז זייער גרינג היינט צו זיין א חכם, ווען מ'פארמאגט די דאטא און אינפארמאציע, וואס מ'האט נאך דאן אין יענע צופארענע טעג נישט פארמאגט. כינע האט געהאלט די וועלט אין די טינקל. לאמיר לעבן פאזעטיוו און אביאקטיוו. כ'פארשטיי ס'איז שווער, ווארים ווען מענטשן ליידן גלייכט מען צו צייגן די פינגער אויף עמיצער וואס איז אנגעבליך שולדיג... ס'איז ליידער געווען אן אונטערגאנג, און דאס איז די ענדע....


מ'האט שוין דאן יא געהאט אינפארמאציע סיי פון כינע און נאכמער פון איטאליע, און מנהיגים, אלס..... מנהיגים, וואלטן זיך געדארפט שטארק נאכפרעגן ביי די וואס ווייסן די סארט זאכן (חוץ פון די איבערגעקייטע טענה אז געוויסע רבי'ס האבן זיך אליין יא באשיצט).


יא, מען האט געוואוסט און געהערט, אבער קיינער האט עס נישט באגריפן.
אפילו דא אויף קאווע שטיבל האט מען כמעט נישט גערעדט דערוועגן.
ווילט איר וואקסן אין תורה ויראת שמים?
האנדלט אייך שיעורים פון כבוד הגה''צ הרב מאיר צוויבעל שליט''א

כדאי הוא רבי מאיר לסמוך עליו
פליישיג
מאנשי שלומינו
מאנשי שלומינו
 
הודעות: 64
זיך רעגיסטרירט: דינסטאג יולי 17, 2018 7:11 pm
האט שוין געלייקט: 3 מאל
האט שוין באקומען לייקס: 26 מאל

הודעהדורך במדבר » דינסטאג מאי 19, 2020 7:05 pm

ווילט איר וואקסן אין תורה ויראת שמים?
האנדלט אייך שיעורים פון כבוד הגה''צ הרב מאיר צוויבעל שליט''א

כדאי הוא רבי מאיר לסמוך עליו


איך בעט אייך טייערע ערעב @פליישיג: האנדעלט אייך איין חזו"א שיעורים; פון לעבער, מייערן און צוויבל, מאכטס דערויף סמיכה, און זייט זוכה צו וואקסן אין... תורת איי-וועלט ויראת "כלבים".

------

מ'גייט אייך נישט דא צענזורירען, מיר שעצן די פרייהייט פון ''אייער'' אויסדריק, ביטע שעצט עס אויכעט!
רעדאגירט געווארן צום לעצט דורך במדבר אום מיטוואך מאי 20, 2020 6:56 am, רעדאגירט געווארן איין מאל בסך הכל.
א אינטעלעקט גלייכט זיין איינזאמעקייט, ווי א מעזאכיסט דערנידערונג.
באניצער אוואטאר
במדבר
ידיד השטיבל
ידיד השטיבל
 
הודעות: 178
זיך רעגיסטרירט: דאנערשטאג אפריל 02, 2020 12:58 pm
האט שוין געלייקט: 452 מאל
האט שוין באקומען לייקס: 236 מאל

הודעהדורך פליישיג » דינסטאג מאי 19, 2020 7:08 pm

במדבר האט געשריבן:איך בעט אייך טייערע ערעב @פליישיג: האנדעלט אייך איין חזו"א שיעורים; פון לעבער, מייערן און צוויבל, מאכטס דערויף סמיכה, און זייט זוכה צו... תורת איי-וועלט ויראת "כלבים".

------

מ'גייט אייך נישט דא צענזורירען, מיר שעצן די פרייהייט פון אייער אויסדריק, ביטע שעצט עס אויכעט!


היוצא מזה, האסט נישט געטראפן עפעס זאכליך, האסטו געדארפט קראכן א וויץ.
לחיים
ווילט איר וואקסן אין תורה ויראת שמים?
האנדלט אייך שיעורים פון כבוד הגה''צ הרב מאיר צוויבעל שליט''א

כדאי הוא רבי מאיר לסמוך עליו
פליישיג
מאנשי שלומינו
מאנשי שלומינו
 
הודעות: 64
זיך רעגיסטרירט: דינסטאג יולי 17, 2018 7:11 pm
האט שוין געלייקט: 3 מאל
האט שוין באקומען לייקס: 26 מאל

הודעהדורך אישתישבי » דינסטאג מאי 19, 2020 7:48 pm

טאמער געדענק איך גוט האט ראובן שטארק קריטיקירט דער רב פין באבוב 48 פאר פירען טיש פורים. לויט ווי איך הער איז אין באבוב 48 קען מען ציילען אויף איין האנט אלע וואס זענען געשטארבן אין דער מגיפה.

זעהט אויס אז עס האט נישט מיט דעם אזוי ווייט.
ותאמרנה הבנות, הכי קראת שמו ספייקי, ויספקני זה פעמיים, באחוריים.
מקור
אישתישבי
חבר ותיק
חבר ותיק
 
הודעות: 2298
זיך רעגיסטרירט: מיטוואך מערץ 09, 2016 12:19 am
האט שוין געלייקט: 86 מאל
האט שוין באקומען לייקס: 1202 מאל

Re: ידם שפכו את הדם הזה: אונזערע שרעקליכע קאראנא-מגיפה ציפער

הודעהדורך פאליטיקאנט » דינסטאג מאי 19, 2020 7:51 pm

פליישיג האט געשריבן:While we're at it וואלט איך געוואלט עפענטליך זיך שטארק באדאנקען בשם כל ישראל אונזער @ראובן פאר'ן אויפמערקזאם מאכן דעם עולם נאך איידער די רבנים און נאך איידער אונזערע שטאטישע טאטעס איבער דעם גרויסע סכנה וואס איז שפעטער טאקע אנגעקומען.

עס שטייט מיר נאך פאר די אויגן, דער מראה ווי ראובן האט ווי אימער עס איז געזען געווארן א ילוד אשה, איז ער צוגעלאפן און מסביר געווען די סכנה וואס קומט. ער האט זיך אריינגעזעצט אין זיין הויז און נישט ארויס פון דארט פון ראש חודש אדר ביז כ'ווייס ווען...

טו מיר א טובה ראובן, נישט דו, נישט איך, און רובא דרובא מענטשן, כולל אונזערע פירער און אדווייזערס האבן באגריפן די סכנה וואס עס הערשט.

טאמער פילסטו אז דער אשכולות מאכן דיר פילן בעסער, דאן קענסטו גיין מאכן א קאווער סטארי אויף די נעקסטע וועקער, (וואס כידוע איז שוין זייט וועלט איז וועלט, איז אזא גוטע אויסגאבע נישט געווען) און קענסט אפירזוכן א מגולח וואס רעדט אידיש, און לאז מסביר זיין די שרעקליכע סכנה פון אונזערע מנהיגים.


ווילסט זאגן אז קיינער האט עס נישט פאראויס געזען? איך בין זיך חולק אויף דעם (צו קלארשטעלן אונז רעד מיר פורים צייט) אבער נניח אז קיינער האט נישט פארשטאנען.
אלס מנהיגים פון גרויסע עדות וואס זארגן זיך פאר זייערע געמיינדעס וואלטן 'זיי' נישט יא געדארפט וויסן?
פארוואס האבן געוויסע רבי'ס ווי באבוב 48 און סקווירא זיך אליין יא דערוואטערט פונעם עולם?


קאוד: וועל אויס אלע
נישט דו, נישט איך, און רובא דרובא מענטשן, כולל אונזערע פירער און אדווייזערס האבן באגריפן די סכנה וואס עס הערשט. .

אויב האבן זיי דאס נישט פאראויס געזען מיט וואס זענען זיי פירערס און אדווייזערס? טאקע דאס איז די קשיא? וואס זענען זיי מער פון מיך און דיך?

אגב א שיינע פראצענט האט עס יא פאראויס געזען (כאטש נישט אויף אזא שטארקע מצב) און זיך צוגעגרייט, מיין מאמע האט אריינגערופן מיין ברודער א וואך פאר פורים ווען רוב גבולות זענען נאך געווען אפן. מיין זיידע האט זיך איינגעשפארט נאך פאר פורים און אז זיי האבן פארשטאנען וואלן די פירערס געמעגט פארשטיין.

און דאס איז אלס אויף פורים....

וואס איז מיט די קומענדיגע וואך??
דאן האט שוין יעדער געוויסט! און דאך איז אלס פארבליבן אפן. (בעלזא האט צוויי ישיבה קטנות אין בארא פארק אין איין ישיבה איז א מגיד שיעור מיט צען תלמידים געווארן געטעסט פאזיטיוו עס האט גענומען נאך צוויי טעג ביז מען האט פארשפארט די צווייטע ישיבה! איי ס'איז איין קהילה, די זעלבע בתי מדרשים, אסאך האבן קינדער אין ביידע ישיבות)?!!

די ווילסט פארענטפערן, דאן איז דא א לאנגע וועג צו גיין.
די בעסטע און שנעלסטע בראוזער מיט אן אריינגעבויטע עד בלאקירער!
https://brave.com
באניצער אוואטאר
פאליטיקאנט
ידיד השטיבל
ידיד השטיבל
 
הודעות: 300
זיך רעגיסטרירט: פרייטאג יאנואר 19, 2018 5:53 pm
האט שוין געלייקט: 116 מאל
האט שוין באקומען לייקס: 283 מאל

Re: ידם שפכו את הדם הזה: אונזערע שרעקליכע קאראנא-מגיפה ציפער

הודעהדורך פאליטיקאנט » דינסטאג מאי 19, 2020 7:55 pm

אישתישבי האט געשריבן:טאמער געדענק איך גוט האט ראובן שטארק קריטיקירט דער רב פין באבוב 48 פאר פירען טיש פורים. לויט ווי איך הער איז אין באבוב 48 קען מען ציילען אויף איין האנט אלע וואס זענען געשטארבן אין דער מגיפה.

זעהט אויס אז עס האט נישט מיט דעם אזוי ווייט.
דאס אז ס'איז למעשה נישט געווען אזויפיל פאטאליטעטן מיינט נישט אז זיי האבן געטון ריכטיגע שריט.
דאס פירן טיש איז זיכער געווען שטארק אומ'אחריות'דיג און היפאקריטיש.
די בעסטע און שנעלסטע בראוזער מיט אן אריינגעבויטע עד בלאקירער!
https://brave.com
באניצער אוואטאר
פאליטיקאנט
ידיד השטיבל
ידיד השטיבל
 
הודעות: 300
זיך רעגיסטרירט: פרייטאג יאנואר 19, 2018 5:53 pm
האט שוין געלייקט: 116 מאל
האט שוין באקומען לייקס: 283 מאל

הודעהדורך ראובן » דינסטאג מאי 19, 2020 7:59 pm

ביטע לאזן דעם אשכול אויף די פאקטישע אנאליזן און ציפערן.

די שאלה וואס מ'האט געקענט און געדארפט וויסן אום פורים, האב איך געשריבן דא:
וואס האבן מיר שוין געוואוסט וועגן קאראנא אום פורים תש"פ?
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2528
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3304 מאל
האט שוין באקומען לייקס: 10021 מאל

הודעהדורך ראובן » דינסטאג מאי 19, 2020 8:02 pm

אישתישבי האט געשריבן:טאמער געדענק איך גוט האט ראובן שטארק קריטיקירט דער רב פין באבוב 48 פאר פירען טיש פורים. לויט ווי איך הער איז אין באבוב 48 קען מען ציילען אויף איין האנט אלע וואס זענען געשטארבן אין דער מגיפה.

זעהט אויס אז עס האט נישט מיט דעם אזוי ווייט.

ציילן אויף איין האנט איז נישט ווייניג. לויט די ציפערן פון ניו יארק, זענען געשטארבן 5 מענטשן צווישן יעדע 1,107 מענטשן פון 60 און העכער. קהילת באבוב האט פיל ווייניגער פון דעם.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2528
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3304 מאל
האט שוין באקומען לייקס: 10021 מאל

הודעהדורך בת קול » דינסטאג מאי 19, 2020 8:07 pm

פאליטיקאנט האט געשריבן:
אישתישבי האט געשריבן:טאמער געדענק איך גוט האט ראובן שטארק קריטיקירט דער רב פין באבוב 48 פאר פירען טיש פורים. לויט ווי איך הער איז אין באבוב 48 קען מען ציילען אויף איין האנט אלע וואס זענען געשטארבן אין דער מגיפה.

זעהט אויס אז עס האט נישט מיט דעם אזוי ווייט.
דאס אז ס'איז למעשה נישט געווען אזויפיל פאטאליטעטן מיינט נישט אז זיי האבן געטון ריכטיגע שריט.
דאס פירן טיש איז זיכער געווען שטארק אומ'אחריות'דיג און היפאקריטיש.



ס'זענען זיכער געווען נפטרים וואס האבן עס געכאפט פון זייערע באבובע שכנים.
Voices of the demons
באניצער אוואטאר
בת קול
היימישער באניצער
היימישער באניצער
 
הודעות: 576
זיך רעגיסטרירט: מיטוואך נאוועמבער 18, 2015 3:34 pm
געפינט זיך: שטענדיג דא
האט שוין געלייקט: 845 מאל
האט שוין באקומען לייקס: 776 מאל

Re: ידם שפכו את הדם הזה: אונזערע שרעקליכע קאראנא-מגיפה ציפער

הודעהדורך מי אני » דינסטאג מאי 19, 2020 8:12 pm

פליישיג האט געשריבן:While we're at it וואלט איך געוואלט עפענטליך זיך שטארק באדאנקען בשם כל ישראל אונזער @ראובן פאר'ן אויפמערקזאם מאכן דעם עולם נאך איידער די רבנים און נאך איידער אונזערע שטאטישע טאטעס איבער דעם גרויסע סכנה וואס איז שפעטער טאקע אנגעקומען.

עס שטייט מיר נאך פאר די אויגן, דער מראה ווי ראובן האט ווי אימער עס איז געזען געווארן א ילוד אשה, איז ער צוגעלאפן און מסביר געווען די סכנה וואס קומט. ער האט זיך אריינגעזעצט אין זיין הויז און נישט ארויס פון דארט פון ראש חודש אדר ביז כ'ווייס ווען...

טו מיר א טובה ראובן, נישט דו, נישט איך, און רובא דרובא מענטשן, כולל אונזערע פירער און אדווייזערס האבן באגריפן די סכנה וואס עס הערשט.

טאמער פילסטו אז דער אשכולות מאכן דיר פילן בעסער, דאן קענסטו גיין מאכן א קאווער סטארי אויף די נעקסטע וועקער, (וואס כידוע איז שוין זייט וועלט איז וועלט, איז אזא גוטע אויסגאבע נישט געווען) און קענסט אפירזוכן א מגולח וואס רעדט אידיש, און לאז מסביר זיין די שרעקליכע סכנה פון אונזערע מנהיגים.
וואס @ראובן, אדער עני יחיד, האט געטוהן אדער נישט געטוהן איז לגמרי אירעלעווענט צום שמועס דא, און איז אין בעסטן פאל אן עד האמינעם אטאקע. דא רעדט מען פון די מנהיגים, וואס ביי זיי דארף זיך ״די בּאָק צו סטאַפּן״. דעריבער, אויב ווילסטו פארטיידיגן די פירערשאפט קענסטו טאקע דן זיין צו זיי האבן געטוהן גענוי די זעלבע ווי די אלגעמיינע פירערשאפט צו בעסער צו ערגער.

יעצט, @ראובן און אנדערע האבן שוין אין אנדערע אשכולות פארגעשטעלט זייערע טענות איבער ווי אזוי די פארנאכלעסיגקייט פון די מנהיגים איז צוגעגאנגען ביי די קריזיס, און ווי אזוי דאס איז געווען שוואכער ווי ביי די פירערשאפט דערביי אין די אלגעמיינע וועלט. יעצט, אפגעזעהן פון זיין עצם זיין גערעכט אין דעם, איז אבער דא אין די אשכול ברענגט @ראובן א סמך לדבריו מכח די נומערן/ראטע/פּראָפּאָרציע וואס מ׳זעהט ביי אונזער געמיינדע מער ווי לעומת ביי די אלגעמיינע וועלט. איז ממילא טאמער ווילסטו ענטפערן זאכליך דא, דעמאלטס ווייז אויף וועלכע וועריעבּל/פאקטאר @ראובן האט פארזעהן וכדומה בנוגע די נומערישע אנאליז דוקא.

ובסתם, הגם ס׳באלאנגט נישט ממש דא וככל הנ״ל, אז דו דערמאנסט עס שוין יא, וועסטו אבער לכאורה מוזן מודה זיין אז אפילו אויב נעמט מען דאס אן צו זאגן אז אונזער פירערשאפט האט געטוהן/איז געווען די זעלבע ווי ביי די אלגעמיינע וועלט, האקט דאס אבער זיכער אונטער דעם געדאנק אז זיי האבן א ספעציעלן מיסטישע סייעתא דשמיא אין זייער פירערשאפט. די פונקט [א קריטיִק אויף די מיסטישע גלויבונג אין זיי] ליגט גראדע יא אין @ראובן׳ס ווערטער דא.

אגב, טאמער טרעפסטו א בעסערע, מער אינטעלעקטואלע, און מער האנעסט אויסגאבע געאייגענט פאר א חרדי׳שער אויפגעצויגענע ארטאדאקסישע איד, פּליז פּליז פּליז לא׳מיך וויסן, ולמצוה גדולה יחשב.

___

אה! @ראובן זאגט שוין ענליך.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 1186
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 6097 מאל
האט שוין באקומען לייקס: 864 מאל

הודעהדורך ליפא » דינסטאג מאי 19, 2020 8:13 pm

ראובן האט געשריבן:ביטע לאזן דעם אשכול אויף די פאקטישע אנאליזן און ציפערן.

די אשכול האט מיט 'פאקטן' גארנישט איינגעלייגט. דו האסט אן אגענדע מיט א מסקנא וואו דו ווילסט צוקומען...
די פאקטן און ציפערן זענען 8 קאראנא פעלער, און, אגב, צוויי דערפון וואס זענען שוין געליגן קראנק אין שפיטאל און באקומען קאראנא דארט אין שפיטאל! האלט'ן מיר ביי זעקס. נו גארנישט עפעס וואס פארלאנגט אזא שרעקעדיגע העדליין מיט פאלש באזירטע קריטיק אויף דעיע אלט מאדישע פרומע צוריקגעשטאטענע אידן...

אויב וואלסטו באמת געקערט פאר פאקטן וואלסטו יעצט אויסגעמעקט דעם אשכול.

מ'קען אפשר שתדל'ן ביי די הנהלה אז די לייקס זאלן יא בלייבן אויפן קאנטע.
טראמפ 2020! טראמפ 2024! טראמפ 2028!
באניצער אוואטאר
ליפא
חבר ותיק
חבר ותיק
 
הודעות: 2097
זיך רעגיסטרירט: דינסטאג יוני 23, 2015 4:09 am
האט שוין געלייקט: 2115 מאל
האט שוין באקומען לייקס: 1836 מאל

הודעהדורך ליטוואק פון בודאפעסט » דינסטאג מאי 19, 2020 8:31 pm

ביים ליינן א חלק פון די תגובות, ווערט מיר זייער נערוועז. ווען עס קומט צו אזא טרוקענע זאך ווי ציפערן און נומערן, פארוואס קען מען נישט שרייבן איידעל אן אטאקירן? טאמער דו האלטסט אז די נועמרן זענען אנדערש, שרייב וואס דו האסט צו זאגען. ווי קומט די אטאקעס?

דעמאלס האב איך געזען @ליפא'ס אונטערשריפט און פארשטאנען.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
חבר ותיק
חבר ותיק
 
הודעות: 9136
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3153 מאל
האט שוין באקומען לייקס: 8599 מאל

הודעהדורך ליפא » דינסטאג מאי 19, 2020 8:35 pm

ווייל דער פותח האשכול אטאקירט נישט דא א גאנצע עדה אידן (על לא עוול) שוין צום וויפילטן מאל...
טראמפ 2020! טראמפ 2024! טראמפ 2028!
באניצער אוואטאר
ליפא
חבר ותיק
חבר ותיק
 
הודעות: 2097
זיך רעגיסטרירט: דינסטאג יוני 23, 2015 4:09 am
האט שוין געלייקט: 2115 מאל
האט שוין באקומען לייקס: 1836 מאל

הודעהדורך יואליש » דינסטאג מאי 19, 2020 8:48 pm

I think using the statewide population as the denominator dilutes the ratio arbitrarily. Not all NY areas saw equal outbreaks. Populated areas like NYC metro area should be analyzed independent of, say, the Adirondack.
באניצער אוואטאר
יואליש
חבר ותיק
חבר ותיק
 
הודעות: 2517
זיך רעגיסטרירט: זונטאג אפריל 22, 2012 7:36 pm
האט שוין געלייקט: 1586 מאל
האט שוין באקומען לייקס: 3899 מאל

הודעהדורך פארוואס? » דינסטאג מאי 19, 2020 8:54 pm

יואליש האט געשריבן:I think using the statewide population as the denominator dilutes the ratio arbitrarily. Not all NY areas saw equal outbreaks. Populated areas like NYC metro area should be analyzed independent of, say, the Adirondack.


100 פראצענט, איך האב אויך אזוי געטראכט.
אסור ליראת שמים שתדחק את המוסר הטבעי של האדם, כי אז אינה עוד יראת שמים טהורה.
סימן ליראת שמים טהורה הוא כשהמוסר הטבעי, הנטוע בטבע הישר של האדם, הולך ועולה על פיה במעלות יותר גבוהות ממה שהוא עומד מבלעדה.

~ אורות ישראל להגראי"ה קוק
פארוואס?
שריפטשטעלער
שריפטשטעלער
 
הודעות: 890
זיך רעגיסטרירט: פרייטאג יאנואר 31, 2014 12:28 pm
האט שוין געלייקט: 1473 מאל
האט שוין באקומען לייקס: 1717 מאל

Re: ידם שפכו את הדם הזה: אונזערע שרעקליכע קאראנא-מגיפה ציפער

הודעהדורך נעגעל וואסער » דינסטאג מאי 19, 2020 8:56 pm

איך גלייך זייער @ראובן'ס ישרות. אסאך גרינגער וואלט געווען צו זיך פארלייגן אויף וומבס"ג און בארא פארק ווי פון אויבנאויף זענען די ציפערן אסאך ארגער פערצענטואל ווי פון קרית יואל, די מתים ליסטע דארט איז דאך שרעקליך. עכ"ז האט ער זיך אנגעשטרענגט צו ברענגן קלארע ציפערן פון א "קליינעם" צאל נפטרים. דאס ווייזט אויפריכטיקייט און אן אמת'ע רצון פון דערגיין פונקטליך וואס דא איז געשען.
נעגעל וואסער
ידיד ותיק
ידיד ותיק
 
הודעות: 703
זיך רעגיסטרירט: מיטוואך דעצעמבער 30, 2015 10:44 pm
האט שוין געלייקט: 1686 מאל
האט שוין באקומען לייקס: 742 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט