"יא, ווייל דו ביסט סעלף העיטינג!"

ארטיקלען און באטראכטונגען איבער דער חרדי'שער געזעלשאפט און קולטור

"יא, ווייל דו ביסט סעלף העיטינג!"

הודעהדורך העניך » דאנערשטאג יוני 04, 2020 9:17 pm

יעדער וואס האט נאר אמאל אויפגעהויבן א שטימע ארויסצוהייבן אן ענין וואס איז צריך תיקון אין אונזער געזעלשאפט, איז שוין פארשריגן געווארן אז ער איז א "סעלף העיטינג" איד. כלומר, א איד וועלכער האט זיך זעלבסט פיינט; א איד וועלכער האט פיינט אידישקייט און/אדער דאס אידישע פאלק.

אין אנדערע ווערטער, העסטו ווען געווען א זעלבסט-ליבנדער איד וואלטסטו דאך אוודאי נישט קריטיקירט, נאר וואלטסט געזען אז ס'איז גוט ווי עס איז. עס מוז זיין אז דו האסט פיינט דיינע אידישע ברידער, און אפילו זיך אליין.

אין מיין ערפארונג קומט דאס געווענליך פון מענטשן וואס קענען זיך פשוט נישט ספראווען מיט דער רעאליטעט אז אן אומרעכט קומט פאר ביי אונז, און דעריבער איז זיי גרינג צו ווארפן דעם "סעלף העיט" עפיטעטאן צו פרובירן יענעם שטיל צו מאכן. מיין פראגע צו זיי איז, איז ירמיהו הנביא געווען א סעלף העיטינג דזשו? איז דער סאטמארער רבי געווען א סעלף העיטינג דזשו? וואס טוט זיך מיט ר' אלחנן וואסערמאן?

אין פאליטישן לעבן, זענען אבאמא אדער טראמפ סעלף העיטינג אמעריקאנער ווען זיי שרייען אז דער מצב טויג נישט אין לאנד און שלאגן פאר וואס מ'דארף טון עס צו טוישן?

ווען יעדע צייטונג אין דער וועלט האט ארטיקלען וואס רעפלעקטירן אויף דעם יעצטיגן מצב און פרעגט: "וואס האבן מיר נישט ריכטיג געטון, און וואס קענען מיר טון בעסער?" – זענען די אלע צייטונגען סעלף העיטינג?

Can.jpg

זענען די ארויסגעבער פונעם "נעשאנעל פאוסט", פון די גרעסטע קאנאדישע צייטונגען, "סעלף העיטינג קאנאדער"?


אז מ'עפנט די פילע בלעטער פון אונזערע אויסגאבעס זענען זיי נאר פול מיט קאנגראטולאציעס ווי געוואלדיג מיר זענען. פאר א רפואה קען מען נישט טרעפן זעלבסט-קריטיק, אביסל אריינקוקן אין זיך אליין און בודק זיין די מעשים. אפילו אין אזא תקופה ווי יעצט, נאכדעם וואס מיר האבן פארלוירן הודערטער טייערע אידן צו א מגיפה, טרעפט מען נישט קיין ווארט וועגן אונזערע טעותים.

און אז איינער גייט אינדרויסן פון די ראמען פון די צייטונגען, צי ס'איז אויף אינעם ביהמ"ד'ס קאווע שטיבל, צי ס'איז אינעם ווירטואלן קאווע שטיבל, און וואגט זיך צו סופלעמענטירן דעם שמועס מיט דאס וואס פעלט – ווערט ער באצייכנט ווי א "סעלף העיטער".

געדענקט איר דעם קינד אין חדר וואס מ'האט נישט געקענט רעדן צו אים? וויפיל דער מלמד אדער מנהל האט נאר פרובירט מסביר צו זיין אז לא זו הדרך איז ער געווארן באליידיגט, געווארפן א טאנטרום, און געשריגן, "יא, ווייל דו האסט מיך פיינט!" אט אזוי פירן זיך אויף די וואס קענען נישט הערן א ווארט מוסר אויף אונזערע אויפפירונגען.

יא, ווייל דו האסט אונז פיינט.

יא, ווייל דו ביסט סעלף העיטינג.

*
ווען איינער זאגט עפעס וואס דו ווילסט נישט הערן, איז ער נישט קיין סעלף העיטער. ער האט פיינט א געוויסע אויפפירונג וואס דו האסט נישט פיינט. נו, זאל דיר וואויל באקומען. דו קענסט גערן פארטיידיגן די אויפפירונג, דו קענסט עס גערן דעבאטירן, אבער מ'מעג הערן קריטיק. ניין, מ'דארף הערן קריטיק. אויב איז עס נישט אין די בלעטער פון די צייטונגען זאל עס כאטש זיין פון דעם מויל פון דיין חבר, אדער פון דער פענע פון דעם קאווע שטיבל שרייבער. דו מוזסט נישט מסכים זיין מיט'ן קריטיק, אבער דו מוזסט מודה זיין אז עס מוז זיין א מעגליכקייט צו קריטיקירן, און אז דער וואס קריטיקירט קען דאס מיינען ערנסט אפילו אויב דו ביסט נישט מסכים מיט אים.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
באניצער אוואטאר
העניך
שריפטשטעלער
שריפטשטעלער
 
הודעות: 520
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 596 מאל
האט שוין באקומען לייקס: 2614 מאל

הודעהדורך קומזיץ » דאנערשטאג יוני 04, 2020 9:48 pm

עס איזה אמת אז עס איז וויכטיג צו הערן קריטיק און א מענטש איז אויסגעשטעלט אין זיין לעבן צו מאכן טעותים ,
אבער ביי אידען ווערט מען געפירט דורך רבנים וגדולי ישראל ,
און עס קען נישט ווערן אז יעדער וואס האט א פעדער אין האנט אדער אקטיוו אויף סאשיעל מידיא זאל באשמיצן יעדעם איינעם וואס ער טראכט אז יענער האט נישט גיט געטוהן אין א געוויסע ענין,
און בדרך כלל ווען מ'ריפט איינעם א סעלף העיטינג איד ,איז עס ווען ער אטאקירט די "סיסטעם" ווען ער זעהט א פראבלעם מיט דעם ,
עס איז זיכער דא אסאך פראבלעמען מיט די "סיסטעם"
אבער אונז זעמער אלע א חלק פון דעם און יעדער איינער האט מעלות און חסרונות , איז וואס אטאקירסטע די גאנצע סיסטעם וועגן די זעסט א פראבלעם מיט דעם ,
און בפרט ווען מען טוט עס ברבים וואס דעמאלטס ווייזט עס אז די האלטס דיך קליגער און בעסער ווי די פשוטע סיסטעם יודן ,
ברדך כלל ווען איינער רעספעקטירט די מעלות און גיטע חלקים פון אונז און ער זאגט די קריטיק אויף די ריכטיגע וועג און די ריכטיגע פלאטץ וועלן רוב מענטשן עם פארשטיין
קומזיץ
ידיד השטיבל
ידיד השטיבל
 
הודעות: 282
זיך רעגיסטרירט: זונטאג סעפטעמבער 18, 2016 9:17 pm
האט שוין געלייקט: 519 מאל
האט שוין באקומען לייקס: 334 מאל

Re:

הודעהדורך מי אני » דאנערשטאג יוני 04, 2020 9:56 pm

מ׳קען זאגן אז דאס געדאנק, אין אלגעמיין, פון ״סעלף-העיטינג״ ביים קריטיקירן גייט זיך ווענדן אין ווי ווייט די פאלעמישקייט און ווי ווייט אן אונטערליגענדע סאבּדזשעקטיוויטי ליגט אונטער דאס קריטיק. אויב זענען די צוויי הויך קען דאס צופירן אז עמאשענס [״שנאה״ אין די קאנטעקסט] קומען אריין אינעם קריטיק/ארגומענט און טוהן לייגן דאס ארגומענט און קריטיק, הגם זיי קענען זיין ריכטיג, אונטער א שאטן (ובכלל אונטערמינעווען דאס לאגיק פונעם ארגומענט).

יעצט, מ׳קען אפשר קלערן אז א(ן אפשר באדייטענדע) טייל פון די וואס קריטיקירן אונזער געזעלשאפט קומען פון מענטשן וואס די געזעלשאפט האט זיי אומריכטיג באקריוודעט. דאס טוהט, ווי נישט, צומאל לייגן זייערע טענות, הגם זיי זענען אפשר ריכטיגע, אונטער דאס פריער-דערמאנטע שאטן. דאס קען האבן אן אפעקט אז אפילו ווען איינער (פון אינעווייניג) גיבט אביעקטיווע קריטיק וואס איז נישט אונטער דעם שאטן, באטראכט מען אים ווי ער איז יא אונטער דעם שאטן.

וואס מ׳דארף זיך אויסלערנען איז סיי צו קענען דן זיין ווען די קריטיק ווערט געגעבן אביעקטיוולי, ווי אויך אז אפילו ווען/אויב עס איז טאקע יא פאלעמיש און סאביעקטיוו צו דאך קענען ארויסנעמען די אמת׳ע פונקטן אין וואס יענער טענה׳ט און דאס אויסהערן אויף זיך צו פארבעסערן, הגם ער קען טאקע זיין סעלף-העיטינג (תוכו אכל וקליפתו זרק, כדי לקבל את האמת ממי שאמרו).
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז"... - יאיר דא
באניצער אוואטאר
מי אני
שריפטשטעלער
שריפטשטעלער
 
הודעות: 1523
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 6826 מאל
האט שוין באקומען לייקס: 1126 מאל

הודעהדורך הקטן » פרייטאג יוני 05, 2020 11:29 am

קומזיץ האט געשריבן:... ביי אידען ווערט מען געפירט דורך רבנים וגדולי ישראל ,
און עס קען נישט ווערן אז יעדער וואס האט א פעדער אין האנט אדער אקטיוו אויף סאשיעל מידיא זאל באשמיצן יעדעם איינעם וואס ער טראכט אז יענער האט נישט גיט געטוהן אין א געוויסע ענין,
און בדרך כלל ווען מ'ריפט איינעם א סעלף העיטינג איד ,איז עס ווען ער אטאקירט די "סיסטעם" ווען ער זעהט א פראבלעם מיט דעם ,

איך זעה נישט פארוואס איינער מיט א גוטע פעדער, און דבריו נשמעים, זאל נישט אויסנוצען זיין טאלאנט אויף מעורר זיין אויף עפעס וואס איז צריך תיקון.
און נישט א יעדער וואס איז מעורר איז "סעלף-העטינג" און אפילו ווען ער איז מעורר אויף די "סיסטעם" אין general - קען ער דאס מיינען ערנסט.

פון די אנדערע זייט איז דא גענוג און נאך וואס זענען טאקע יא "סעלף העטינג", פונקט ווי ס'דא סעלף-העטינג שווארצע אדער סעלף-העטינג ווייסע וכדו'.

געווענליך וועלן זיי פעינטען א גאנצע גרופ מיט איין בראש און נוצען טערמס ווי למשל יעדער וואס האט נאר אמאל
אדער אלע ווייסע, זענען ראסיסטען.
הקטן
חבר ותיק
חבר ותיק
 
הודעות: 2590
זיך רעגיסטרירט: דינסטאג מאי 15, 2012 7:30 pm
האט שוין געלייקט: 2004 מאל
האט שוין באקומען לייקס: 1160 מאל

הודעהדורך תנחום » פרייטאג יוני 05, 2020 11:54 am

קריטיק איז א גוטע זאך ווען עס איז מיט א מאס. מ'דארף הערן קריטיק אבער קיינער האט עס נישט ליב צו הערן און מיט רעכט. קאווע שטיבל איז די איינציגסטע ווינקל פאר א היימישער צו שרייבן קריטיק און יעדער קומט אהער אראפצולאדענען זיין פארציע קריטיק אויפן סיסטעם. עס קומט אויס אז יעדע צווייטע אשכול דא אין שטיבל איז קריטיק און דאס איז שוין אביסל נערווירענד און איבערגעטריבן. ניתי ספר ונחזי, וויפיהל אשכולות האסטו שוין געעפענט דא וואס איז נישט קיין קריטיק?
אינני מסכים למילה מדבריך, אך אהיה מוכן להיהרג על זכותך לומר אותם(וואלטר)
תנחום
ידיד השטיבל
ידיד השטיבל
 
הודעות: 230
זיך רעגיסטרירט: מיטוואך סעפטעמבער 21, 2016 10:42 pm
האט שוין געלייקט: 153 מאל
האט שוין באקומען לייקס: 213 מאל

הודעהדורך העניך » פרייטאג יוני 05, 2020 12:04 pm

תנחום האט געשריבן:ניתי ספר ונחזי, וויפיהל אשכולות האסטו שוין געעפענט דא וואס איז נישט קיין קריטיק?

רוב פאזיטיווע נקודות וואס איז דא צו קאמענטירן ווערן שוין געמאכט יעדע וואך אין די טויזנטער בלעטער פון דער איד, דער בלאט, די צייטונג, מאמענט, המודיע, יתד נאמן, עונג שבת, אייוועלט, די הודערטער פראפאגאנדע טוויטער אקאונטס, קול מבשר וכו' וכו' -- וואס איז מיר אינטערעסאנט איבערצוקייען די זעלבע זאכן? אז איך נעם די מי צו שרייבן וועט עס זיין ווען כ'האב צו זאגן עפעס אייגנארטיג, און רוב אייגנארטיגע נקודות וועלן נאטירליך זיין נקודות וואו מיר דארפן זיך פארבעסערן.
באניצער אוואטאר
העניך
שריפטשטעלער
שריפטשטעלער
 
הודעות: 520
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 596 מאל
האט שוין באקומען לייקס: 2614 מאל

הודעהדורך הקטן » פרייטאג יוני 05, 2020 12:32 pm

און די נקדוה איז?
די נקידה איז!
ס'איז נישט דא אזא זאך וואו א "סעלף העיטינג" איד!!

האב איך דיך גוט פארשטאנען?
I want atheism to be true and am made uneasy by the fact that some of the most intelligent and well-informed people I know are religious believers

Thomas Nagel
הקטן
חבר ותיק
חבר ותיק
 
הודעות: 2590
זיך רעגיסטרירט: דינסטאג מאי 15, 2012 7:30 pm
האט שוין געלייקט: 2004 מאל
האט שוין באקומען לייקס: 1160 מאל

Re: "יא, ווייל דו ביסט סעלף העיטינג!"

הודעהדורך יהודי פשוט » פרייטאג יוני 05, 2020 1:44 pm

ס'איז דא איינער וואס "קריטיקירט אמאל" עפעס אינעם סיסטעם, אזא איינעם וועט כמעט יעדער זיין גרייט אויסצוהערן...

דערנאך איז דא איינער וואס "קריטיקירט אלעמאל" אלעס וואס האט מיט אידן און אידישקייט, קיינמאל הערט מען נישט פון אים א פאזיטיווע ווארט, נאך איידער ער הערט בכלל פון וואס די רעדע איז, אויב האט עס מיט חרדי'שע אידן איז ער דערקעגן, יא! ער איז סעלף העיטינג! און קיינער איז נישט אינטערעסירט צו הערן וואס ער האט צוזאגן!

אמת די היימישע צייטונגען שטעלן נאר אהער די פאזיטיווע זייט, און וועלן קיינמאל נישט ברענגן קיין קריטיק אויף אונז, אבער - לעומת זה - קאווע שטיבל, וועט כמעט אלעמאל ברענגן נאר קריטיק, און אויב איינער וועט פרובירן זיך אנצונעמען וועט ער שנעל צומאלן ווערן דורך די חברים דא...

איז ממילא איז אלעס עקסטרעים, דער איד, בלאט, איי-וועלט וכדו' איז עקסטרעים אויף איין זייט, און קאווע שטיבל איז עקסטרעים אויף די אנדערע זייט. נו, אויב שוין זיין עקסטרעים איז דאך בעסער עקסטרעים פאזיטיוו און שטאלץ מיט אונז, ווי איידער עקסטרעים נעגאטיוו און שעלטן אלעס וואס האט מיט חרדי'שע אידן
איך בין א נער און איך גלייב!!!
באניצער אוואטאר
יהודי פשוט
ידיד ותיק
ידיד ותיק
 
הודעות: 646
זיך רעגיסטרירט: דינסטאג דעצעמבער 30, 2014 10:00 pm
האט שוין געלייקט: 407 מאל
האט שוין באקומען לייקס: 394 מאל

הודעהדורך מפיל קינד » פרייטאג יוני 05, 2020 1:53 pm

העניך האט געשריבן:
תנחום האט געשריבן:ניתי ספר ונחזי, וויפיהל אשכולות האסטו שוין געעפענט דא וואס איז נישט קיין קריטיק?

רוב פאזיטיווע נקודות וואס איז דא צו קאמענטירן ווערן שוין געמאכט יעדע וואך אין די טויזנטער בלעטער פון דער איד, דער בלאט, די צייטונג, מאמענט, המודיע, יתד נאמן, עונג שבת, אייוועלט, די הודערטער פראפאגאנדע טוויטער אקאונטס, קול מבשר וכו' וכו' -- וואס איז מיר אינטערעסאנט איבערצוקייען די זעלבע זאכן? אז איך נעם די מי צו שרייבן וועט עס זיין ווען כ'האב צו זאגן עפעס אייגנארטיג, און רוב אייגנארטיגע נקודות וועלן נאטירליך זיין נקודות וואו מיר דארפן זיך פארבעסערן.

עס זענען פארהאן גענוג פאזיטיווע שטריכן וואס ווערן ארויסגעלאזט. און דו ווייסט אויך דעם אמת אז ווען איינער גייט עפענען א פאזיטיווער אשכול גייט ער אראפגעריסן ווערן אז עס איז נישט ריכטיג וואס ער שרייבט.

דארפסט נאכאלץ דאנקן דעם רבוש"ע פארן אייך שענקן די נעגאטיווע ברילן. נישט יעדער פארמאגט אזא הויכע נומער.
מפיל קינד
ידיד השטיבל
ידיד השטיבל
 
הודעות: 317
זיך רעגיסטרירט: דינסטאג סעפטעמבער 05, 2017 1:08 am
האט שוין געלייקט: 192 מאל
האט שוין באקומען לייקס: 237 מאל

הודעהדורך מאך זיכער » פרייטאג יוני 05, 2020 2:00 pm

אבער שוין ווייטער איז מען פארפארן פון די נקודת האשכול צו אן אטאקע אויף העניך'ס נעגאטיוויטעט.

למעשה איז העניך גערעכט אדער נישט? דארפן די היימישע צייטונגען זיך זעלבסט קריטיקירן אדער איז טאקע נישטא אויף וואס זיך צו רעגן?
אני אדם משום מקום, שמחפש לו רק סיבה לחיות.
באניצער אוואטאר
מאך זיכער
היימישער באניצער
היימישער באניצער
 
הודעות: 502
זיך רעגיסטרירט: מיטוואך אוגוסט 09, 2017 9:47 pm
געפינט זיך: ששש... משה זוך מיר.
האט שוין געלייקט: 302 מאל
האט שוין באקומען לייקס: 561 מאל

הודעהדורך berlbalaguleh » פרייטאג יוני 05, 2020 2:34 pm

יהודי פשוט האט געשריבן:ס'איז דא איינער וואס "קריטיקירט אמאל" עפעס אינעם סיסטעם, אזא איינעם וועט כמעט יעדער זיין גרייט אויסצוהערן...

דערנאך איז דא איינער וואס "קריטיקירט אלעמאל" אלעס וואס האט מיט אידן און אידישקייט, קיינמאל הערט מען נישט פון אים א פאזיטיווע ווארט, נאך איידער ער הערט בכלל פון וואס די רעדע איז, אויב האט עס מיט חרדי'שע אידן איז ער דערקעגן, יא! ער איז סעלף העיטינג! און קיינער איז נישט אינטערעסירט צו הערן וואס ער האט צוזאגן!

אמת די היימישע צייטונגען שטעלן נאר אהער די פאזיטיווע זייט, און וועלן קיינמאל נישט ברענגן קיין קריטיק אויף אונז, אבער - לעומת זה - קאווע שטיבל, וועט כמעט אלעמאל ברענגן נאר קריטיק, און אויב איינער וועט פרובירן זיך אנצונעמען וועט ער שנעל צומאלן ווערן דורך די חברים דא...

איז ממילא איז אלעס עקסטרעים, דער איד, בלאט, איי-וועלט וכדו' איז עקסטרעים אויף איין זייט, און קאווע שטיבל איז עקסטרעים אויף די אנדערע זייט. נו, אויב שוין זיין עקסטרעים איז דאך בעסער עקסטרעים פאזיטיוו און שטאלץ מיט אונז, ווי איידער עקסטרעים נעגאטיוו און שעלטן אלעס וואס האט מיט חרדי'שע אידן

יהודי פשוט: אנטשולדיג. דו ביסט נישט גערעכט. (שוין קריטיק.). ווייל ס'איז דא מערערע אשכולות דא אויף קאווע שטיבל וועלכע ברענגען ארויס די פאזיטיווע זייט פון דעם גאנצן היימישן הלוך ילך...!
באניצער אוואטאר
berlbalaguleh
חבר הכבוד
חבר הכבוד
 
הודעות: 13933
זיך רעגיסטרירט: דינסטאג יולי 17, 2012 12:57 pm
האט שוין געלייקט: 15961 מאל
האט שוין באקומען לייקס: 9033 מאל

הודעהדורך ליפא » פרייטאג יוני 05, 2020 2:42 pm

berlbalaguleh האט געשריבן:
יהודי פשוט האט געשריבן:ס'איז דא איינער וואס "קריטיקירט אמאל" עפעס אינעם סיסטעם, אזא איינעם וועט כמעט יעדער זיין גרייט אויסצוהערן...

דערנאך איז דא איינער וואס "קריטיקירט אלעמאל" אלעס וואס האט מיט אידן און אידישקייט, קיינמאל הערט מען נישט פון אים א פאזיטיווע ווארט, נאך איידער ער הערט בכלל פון וואס די רעדע איז, אויב האט עס מיט חרדי'שע אידן איז ער דערקעגן, יא! ער איז סעלף העיטינג! און קיינער איז נישט אינטערעסירט צו הערן וואס ער האט צוזאגן!

אמת די היימישע צייטונגען שטעלן נאר אהער די פאזיטיווע זייט, און וועלן קיינמאל נישט ברענגן קיין קריטיק אויף אונז, אבער - לעומת זה - קאווע שטיבל, וועט כמעט אלעמאל ברענגן נאר קריטיק, און אויב איינער וועט פרובירן זיך אנצונעמען וועט ער שנעל צומאלן ווערן דורך די חברים דא...

איז ממילא איז אלעס עקסטרעים, דער איד, בלאט, איי-וועלט וכדו' איז עקסטרעים אויף איין זייט, און קאווע שטיבל איז עקסטרעים אויף די אנדערע זייט. נו, אויב שוין זיין עקסטרעים איז דאך בעסער עקסטרעים פאזיטיוו און שטאלץ מיט אונז, ווי איידער עקסטרעים נעגאטיוו און שעלטן אלעס וואס האט מיט חרדי'שע אידן

יהודי פשוט: אנטשולדיג. דו ביסט נישט גערעכט. (שוין קריטיק.). ווייל ס'איז דא מערערע אשכולות דא אויף קאווע שטיבל וועלכע ברענגען ארויס די פאזיטיווע זייט פון דעם גאנצן היימישן הלוך ילך...!

נו, מ'וועט טאקע דערהערן קריטיק פון יענע ניק'ס.
טראמפ 2020! טראמפ 2024! טראמפ 2028!
באניצער אוואטאר
ליפא
חבר ותיק
חבר ותיק
 
הודעות: 2114
זיך רעגיסטרירט: דינסטאג יוני 23, 2015 4:09 am
האט שוין געלייקט: 2231 מאל
האט שוין באקומען לייקס: 1842 מאל

הודעהדורך לייבל שטילער » פרייטאג יוני 05, 2020 2:50 pm

בערל: זיי ווערן בטל בשישים. זשאסט לעטס בי האנעסט.
באניצער אוואטאר
לייבל שטילער
מאנשי שלומינו
מאנשי שלומינו
 
הודעות: 147
זיך רעגיסטרירט: דינסטאג אפריל 19, 2016 5:33 pm
האט שוין געלייקט: 166 מאל
האט שוין באקומען לייקס: 213 מאל

הודעהדורך העניך » פרייטאג יוני 05, 2020 3:02 pm

יהודי פשוט האט געשריבן:
קאווע שטיבל, וועט כמעט אלעמאל ברענגן נאר קריטיק,

דו ביסט אין קאווע שטיבל פונקט ווי איך בין, און לכאורה דארפן דיינע 629 פאזיטיווע הודעות וואס דו האסט שוין דא געשריבן דערטרענקען מיינע 489.

יהודי פשוט האט געשריבן:און אויב איינער וועט פרובירן זיך אנצונעמען וועט ער שנעל צומאלן ווערן דורך די חברים דא...

ווייל דו קענסט נישט טאלערירן א צווייטע מיינונג. קוק נאר אין דעם אשכול גופא האבן נאר 3 רעאגירט פאזיטיוו צו מיין ארטיקל, און 8 זענען נישט מסכים מיט מיר. שטערט עס מיך? אוודאי נישט! איך וועלקאם א דעבאטע. דערפאר לויפן אזעלכע ווי דו קיין אייוועלט צו שרייבן זייערע "פאזיטיווע" נקודות, ווייל דארטן וועט מען נישט לאזן העניך ברענגען אן אנדערע זייט.
באניצער אוואטאר
העניך
שריפטשטעלער
שריפטשטעלער
 
הודעות: 520
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 596 מאל
האט שוין באקומען לייקס: 2614 מאל

הודעהדורך ליטוואק פון בודאפעסט » פרייטאג יוני 05, 2020 3:57 pm

קאוועשטיבעל איז נישט אליינס, מענטשן קוקן אין פיל ערטער, און דא איז עס קריטיק, ערגעץ אנדערש, לויב, און ערגעץ אנדערש, סתם שטותים.

למעשה, די סימן פון א געזונטע געזעלשאפט איז ווען עס קען נעמן קריטיק. ווען מ'פארכט פון קריטיק, און יעדער אינערליכע וואס זאגט קריטיק ווערט שוין א דערויסענדיגע, איז עס א סימן אז עס איז נאך נישט זיכער מיט זיך.דאס קען מען נישט שטופן, דאס איז אן אינערליכע פראצעס, און דער חרדישע סיסטעם, מיט איר זעלבסט-לויב, איז נאך נישט דארט.

הרב @קומזיץ האלט אז נאר גדולי ישראל מעגן זאגן קריטיק. פיין און וואויל. און דער וואס האלט נישט אזוי איז א סעלף העיטינג דזשאו, אדער סתם האט ער נישט ווי דיר?
סתם אזוי, ווייסטו אליינס אז די גדולי ישראל האבן מענטשן וואס קומען צו זיי מיט פרצות און פראבלעמן, זיי טרעפן עס נישט אליינס. ממילא קומט דאך אלס פון פלעינער מענטשן, נישט גדולי ישראל.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3279 מאל
האט שוין באקומען לייקס: 9076 מאל

הודעהדורך גדליה » פרייטאג יוני 05, 2020 4:07 pm

כגלייב קיינער האט נישט קיין ספק אז העניך האט פיינט די חרדישע קאמיוניטי/סיסטעם אין ער וואלט מסכים געווען סזאל היינט צאמפאלן. דאס מיינט אבער נישט אז ער איז א סעלף העיטער, ער האט נישט זיך פיינט, ער האט פיינט זיין קאמיוניטי.
"וואס וועל איך טוהן אז מ׳וועט איין שיינעם טאג געוואר ווערן אז איך בין נישט קיין אמתע רבי?"
- אהבת ישראל מוויזניץ
גדליה
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1093
זיך רעגיסטרירט: דאנערשטאג יאנואר 18, 2018 4:34 pm
האט שוין געלייקט: 630 מאל
האט שוין באקומען לייקס: 1795 מאל

הודעהדורך רביה''ק זי''ע » פרייטאג יוני 05, 2020 4:40 pm

ס'איז קלאר אז איינער וואס קריטיקירט איינעם איז עס נאר ווייל ער האט יענעם פיינט, למשל ווען מיין רבי אין חדר האט מיך קריטיקירט פאר'ן זיין א מחוצף האב איך שוין דעמאלטס געוואוסט אז איך דארף מיך נישט צוטון מאכן ווייל ער זאגט עס נאר ווייל ער האט מיך פיינט. אויך ווען מיין שוויגער קריטיקירט איר טאכטער פאר'ן דרייוון ווייסן אונז אלע איר צו לאכן אין פנים ווייל ס'איז אלץ בלויז פיינטשאפט.

די פשט איז נישט ווייל ווען דו וואלסט מיך ליב געהאט וואלסטו געקענט פארקוקן די חסרונות, ווייל אויב דאס וואלט געווען פשט וואלט באמת די פיינטשאפט באמת נישט אויסגעמאכט, למאי נ"מ צו ס'קומט פון ליבע צו פיינשאפט, די קריטיק דארף נאכאלץ ווערן גענומען ערנסט. נאר פשט איז טיפער, ווען ראובן האט ליב שמעון צ.ב. ווערט שמעון אויטאמאטיש ריין פון חסרונות, און טאקע דערפאר ווען ראובן קריטיקירט שמעון קען שמעון צוריק'טענה'ן "ווייל דו האסט מיך פיינט", כלומר, ווייל דו האסט מיך פיינט דערפאר האב איך די פראבלעם, ווייל ווען ראובן וואלט איהם ליב געהאט וואלט ער נישט געקענט האבן קיין חסרונות, ופשוט הוא.
באניצער אוואטאר
רביה''ק זי''ע
חבר ותיק
חבר ותיק
 
הודעות: 3573
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 3473 מאל
האט שוין באקומען לייקס: 2713 מאל

הודעהדורך קומזיץ » פרייטאג יוני 05, 2020 6:39 pm

עס איז צוויי נקודות זיך צו זיך באציען דא,
אוודאי אויב איינער האט קריקיט אדער געדאנקען צו פארבעסערן אונזער געמיינדע איז עס וויכטיג און געזינט צו זאגן ,
אבער די טאן געבער און די וואס מאכן די החלטות דארפן זיין רבנים וגדולי ישראל ,
איז איינער וויל זאגן קריטיק קען ער עס טוהן אויף די ריכטיגע וועג אן ברענגען א resistance צו דעם אז ער גייט צו די ריכטיגע מענטשען ,
אז די שפירסט אז די רעדסט צו גראדע ווענט אפשר זיך דיך א רב וואס די שפירסט באקוועם מיט זיין מהלך ,
אז יעדער וואס האט עפעס צו זאגן אויף איינעם וועט זיך נעמען קריטיקירן און זאגען מיינונגען און מען דארף זיך רעכענען מיט דעם , וועט ווערן א תהו ובהו ,
און וועט ברענגען צו מחלוקת און סתם אראפרייסן איינער די אנדערע אן קיין שום תועלת

די אנדערע נקודה איז פארוואס מען ריפט איינעם סעלף העיטינג, אזוי ווי אנדערע האבן שוין געזאגט אויב די קריטיק איז ריכטיג דעמאלטס איז נישט קיין נפק"מ ווער עס זאגט עס
קבל את האמת ממי שאמרו ,
אבער ווען איינער זעהט עפעס א פראבלעם און ער מאכט אוועק די גאנצע סיסטעם ,
און אויכעט ווען מען הערט עס כסדר פון איינעם,
ווייזט זיך אויס אז ער האט א פראבלעם און קען נישט דילדען די גאנצע סיסטעם (געמיינדע) און מ'ריפט עם סעלף העיטינג ,
איך זאג נישט אז עס איז גערעכט , נאך אלעס זיץ איך אויך דא אויף קאווע שטיבעל אפילו איך ווייס עס איז פול מיט קריטיק
אבער זייער אסאך מאל איז דא א סיבה פארוואס מען פארשרייט איינעם אלטץ סעלף העיטינג
אוודאי איז דא עקסטרעמיטען וואס אלעס אנדערש פון זיין איז סעלף העיטינג
אבער מרעדט און אלגעמיין וועלן מענטשן נישט יעדעם פארריפן
נאר אויב ער רעדט אויף א אופן ווי דרויסענדיגער
קומזיץ
ידיד השטיבל
ידיד השטיבל
 
הודעות: 282
זיך רעגיסטרירט: זונטאג סעפטעמבער 18, 2016 9:17 pm
האט שוין געלייקט: 519 מאל
האט שוין באקומען לייקס: 334 מאל

הודעהדורך berlbalaguleh » מוצ"ש יוני 06, 2020 11:06 pm

קומזיץ: אין אנדערע ווערטער. אויב א מענטש זעהט איין בכלליות די מעלות פון אונזער געמיינדע. נאר ער טרעפט געוויסע נקודות אין וואס מ'קען זיך פארבעסערן. דאס נעמט אן א יעדער נארמאלער מענטש. אבער ווען איינער קומט אריין אויטאמאטיש און קריטיקירט א יעדע זאך וואס דער עולם אדער א טייל פון עולם טוט, איז א סימן אז עפעס טויג נישט ביי איהם אליינס. ער האט עפעס א שוואכקייט אדער א קאמפלעקס. און ער פראדזשעקט עס אויפ'ן כלל....!
באניצער אוואטאר
berlbalaguleh
חבר הכבוד
חבר הכבוד
 
הודעות: 13933
זיך רעגיסטרירט: דינסטאג יולי 17, 2012 12:57 pm
האט שוין געלייקט: 15961 מאל
האט שוין באקומען לייקס: 9033 מאל

הודעהדורך פאליטיקאנט » זונטאג יוני 07, 2020 1:03 am

פון די אשכול טייערע שווארצע ברידער.....

שמעי' האט געשריבן:מ'זעט יעצט אז ס'דא גאר אסאך סעלף העיטינג און א.ט.ד. ניגעס אויף דעי מארקעט.
אויב דו גייסט אדורך גיהנום, גיי ווייטער.

-טשורטשיל
באניצער אוואטאר
פאליטיקאנט
ידיד ותיק
ידיד ותיק
 
הודעות: 630
זיך רעגיסטרירט: פרייטאג יאנואר 19, 2018 5:53 pm
האט שוין געלייקט: 308 מאל
האט שוין באקומען לייקס: 614 מאל

הודעהדורך שמעקעדיג » זונטאג יוני 07, 2020 1:58 am

עפעס דערמאנט מיך דער אשכול פון א אלטע תגובה מיינס...

viewtopic.php?f=4&t=6771
וירח ה' את ריח הניחוח
באניצער אוואטאר
שמעקעדיג
שריפטשטעלער
שריפטשטעלער
 
הודעות: 15234
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 18047 מאל
האט שוין באקומען לייקס: 18413 מאל

הודעהדורך העניך » מיטוואך יולי 01, 2020 1:58 pm

"משפחה" מאגאזין אין ארץ ישראל עקספלארירט די שוואכקייט פון חרדים בנוגע זיך צושטעלן צו די פארארדענונגען זיך צו היטן פון קאראנא. כה לחי!
בייגעלייגטע פיילס
Eb2u3whXYAYTX7t.jpeg
באניצער אוואטאר
העניך
שריפטשטעלער
שריפטשטעלער
 
הודעות: 520
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 596 מאל
האט שוין באקומען לייקס: 2614 מאל

הודעהדורך מפיל קינד » מיטוואך יולי 01, 2020 2:24 pm

די משפחה רעדט פון אן עקסטרעמע פאל פון א ישיבה וואו תלמידים האבן געצייגט פאקטישע סימפטאמען און די ראשי ישיבות האבן געמאכט א שווייג, געהייסן די בחורים נישט אויסזאגן פאר קיינעם אז זיי האבן קאראנע מחשש ביטול תורה ווייל די ישיבה גייט זיך דארפן צומאכן.
מפיל קינד
ידיד השטיבל
ידיד השטיבל
 
הודעות: 317
זיך רעגיסטרירט: דינסטאג סעפטעמבער 05, 2017 1:08 am
האט שוין געלייקט: 192 מאל
האט שוין באקומען לייקס: 237 מאל


גיי צוריק געזעלשאפט

ווער איז יעצט דא?

באניצער וואס לייענען דעם פארום: AhrefsBot [Bot] און 5 געסט