שולן יא, אבער פארוואס די פרעכהייט?

ארטיקלען און באטראכטונגען איבער דער חרדי'שער געזעלשאפט און קולטור

שולן יא, אבער פארוואס די פרעכהייט?

הודעהדורך ראובן » זונטאג יוני 14, 2020 8:45 pm

אמעריקע פאנגט זיך צוביסלעך אן צו עפענען, נאכדעם וואס די ציפערן פון קאוויד-ליידנדע זענען שוין דראסטיש געפאלן. עס זענען נאך פאראן גרויסע חילוקי דעות ווי שנעל מ'דארף עפענען און וויפיל ריזיקע מ'דארף נעמען צוריקצושטעלן דעם לעבן אויף די רעלסן, אבער כו"ע מודי אז דער מצב איז שוין יעצט נישט אזוי שעדליך ווי אמאל, און מ'דארף נעמען שריט צוריקצוגיין צום געווענליכן סדר.

אבער וויפיל ריזיקעס קען מען נעמען? וואס מעג מען זיך שוין ערלויבן צו טון? עס פארשטייט יעדער אז וויבאלד די ריזיקע איז שוין יעצט אזוי קליין, מעג מען זיך שוין ערלויבן צו טון זאכן וואס זענען גאר וויכטיג פאר'ן לעבן. פרנסות דארפן זיין אפן, אפשר דארף מען טרעפן א וועג צו עפענען ישיבות, שולן און געבעט-הייזער דארפן זיין צוטריטליך – די אלע זענען זאכן וואס פארלאנגען זיך פשוט צו קענען אנגיין מיט'ן לעבן, און ווען די ריזיקע איז שוין אזוי שטארק פארקלענערט ברויכן מיר ערלויבן אט די אלע וויכטיגע אקטיוויטעטן. די בענעפיטן זענען גאר וויכטיג, און די ריזיקעס זענען קליין.

נאך אלעם נעמען מיר דאך ריזיקעס אויף אלעם אין לעבן. פארן מיט א קאר איז א ריזיקע, אדער אפילו בלויז אריבערגיין די גאס. אבער מ'פארשטיין אז די בענעפיטן זענען מער ווי די ריזיקעס.

אבער וואלט איינער געזאגט אז איינער וואס איז עלטער און קרענקליך זאל זיך יעצט דרייען אין די גאסן? אוודאי נישט. אפילו אין שטעט און לענדער וואו מ'עפנט שוין אויף למחצה לשליש ולרביע רעקאמענדירט מען שטארק אז די וואס האבן הינטערליגנדע געזונט-פראבלעמען זאלן פרובירן זיך נישט צו דרייען אין פובליק. אפילו ביי אונז אין דער חסידישער געמיינדע איז אויך יעדער מודה אז די וואס די ריזיקע איז ביי זיי שטערקער זאלן זיך מער היטן. כ'האב געפרעגט רבנים וואס האבן אפן זייערע שולן, מנהלים וואס האבן אפן זייערע מוסדות, בעלי-בתים וואס האבן אפענע געשעפטן – אלע האבן פה אחד געזאגט אז איינער וואס האט הינטערליגנדע געזונט-פראבלעמען זאל זיך מער היטן. די מגיפה איז טאקע כמעט אינגאנצן אוועק, אבער ס'איז נאך דא א מקום לחשוש פאר די וואס די ריזיקע איז זייער הויך.

וויל איך דעריבער פארשטיין: איך בין מודה אז ווען די ריזיקע איז נידריג מוזן מיר צוריקדרייען די אלע דראסטישע שינויים פון אונזער לעבן. מיר קענען נישט אלעס פאראליזירן ווען מ'זעט שוין די ליכטיגקייט ביי דער ענדע פונעם טונעל. אבער אז כו"ע מודי אז ס'איז נאך דא א מקום לחשוש, אז יעדער פארשטייט אז ס'איז נאך נישט אינגאנצן פארריבער, אז א חלוש ווי סקולענער רבי זיצט נאך הינטער א גלאז, וואס איז פשט פון דעם ווילדן פריקת עול פון אלע פארהיטונגען וועלכע ווערן נאך רעקאמענדירט און פארלאנגט דורך עקספערטן?

כ'פארשטיי אז דיין געשעפט איז אפן: דער פרייז פון דערשטיקן די פרנסה פאר לאנגע חדשים איז צו גרויס צו באצאלן פאר א קליינער ריזיקע.

כ'פארשטיי אז דיין חדר איז אפן: מאמעס זאלן אראפגיין פון זינען דורך קינדער וואס גייען אראפ פון זינען איז צו א גרויסער פרייז צו באצאלן פאר א קליינער ריזיקע.

כ'פארשטיי אז דיין ביהמ"ד איז אפן: מ'קען מוותר זיין אויף מנין ווען די ריזיקע איז גרויס, אבער ווען ס'איז קליין איז דאס צו א גרויסער פרייז צו באצאלן פאר'ן לאנגן טערמין.

אבער למען ה', קען מיר איינער מסביר זיין פארוואס ווען עס קומט צו זאכן וואס זענען נישט אזוי שווער און נישט אזא גרויסע הקרבה דארף מען אזוי פרעך זיך אויסלאכן פון יעדע זהירות וואס פארלאנגט זיך?

אויב יעדער עפידעמיאלאג אין דער וועלט זאגט אז עס איז נישט קיין גוטע צייט צו געבן די האנט פאר א צווייטן, פארוואס אין דער וועלט דארפן מען זיך געבן די הענט ביי קידושים און שמחות? וואס קאסט אביסעלע צו נזהר זיין? וואס קאסט צו האבן אביסל ערנסטקייט און געדענקען אז אפילו דער מצב איז שוין ב"ה בעסער דארף מען נאך נזהר זיין?

אז מיר האלטן אז די ניו-יארקער פאליטיקאנטן זענען צו שטרענג, און פאר אונז זענען זייערע פארלאנגען צו א הויכן פרייז צו באצאלן, פארשטיי איך אז מ'מאכט אויף ישיבות במחתרת און מ'עפנט געשעפטן. אבער ווען האדמו"ר רז"ל מסאטמאר האט חתונה געמאכט אן אייניקל צוויי וואכן צוריק איז נאך נישט געווען קיין איין מדינה אויף דער וועלט וואס האט ערלויבט צו מאכן אזא צוזאמענקום! אויפ'ן גאנצן כדור הארץ איז נישט געווען קיין איין מדינה וואס האט געלאזט אריינקוועטשן טויזנטער מענטשן אין א שטוב, צוזאמענגעשטופט און אן קיין מאסקעס.

וואס איז פשט אז יעדע מדינה אין דער וועלט פארשטייט אז מ'דארף זיך זארגן פאר די וואס זענען וואלנערעבל, אבער דער סאטמארער רבי קען פשוט נישט מאכן א חתונה בהצנע לכת? וואס איז פשט אז אויב מאכט ער שוין יא א חתונה, איז ער נישט צופרידן מיט דעם, נאר דארף ווידעראמאל אנפאקן זיין ביהמ"ד עד אפס מקום כדי צו פראווען א שבע ברכות? ממש מ'קען נישט אן דעם? ס'איז צו א גרויסער פרייז צו באצאלן?

דאס זעלבע זיין ברודער, דער רבי פון קרית יואל, און זיין שוועסטער-קינד פון ביהמ"ד שערי ציון דבאבוב – ממש ס'איז אוממעגליך צו מאכן א לחיים בצניעות ביי זיך אין שטוב? מ'קען פשוט נישט אנגיין מיט'ן לעבן אן אנפאקן דעם ביהמ"ד עד אפס מקום און נאך דערצו יעדן פערזענליך געבן די האנט?

דאס איז שוין אפגערעדט פונעם שרעקליכן חילול ה' וואס די אלע בילדער ברענגען, און די ביטערע תוצאות וואס דאס קען האבן אויף אונז. און דאס איז שוין אפגערעדט פון דאס גסות רוח צו פראווען א שמחה כאילו לא היה ווען די גאנצע וועלט איז בצער און איז געצווינגען ממעט צו זיין מיט יעדער שמחה און אסיפה ציבורית. כ'רעד דא פון פשוט נושא בעול זיין ווען מ'איז אין א צרה, ווען עס איז נאך פאראן א שטיקל ריזיקע, נישט צו טון זאכן וואס פעלן נישט אויס. געשעפטן פעלן אויס, א מסגרת פאר קינדער פעלט אויס, אבער א מאסן-חתונה? פארוואס?!

אוודאי וועלן די חסידים שוטים גלייך לויפן און אנווייזן אויף די מאסן פראטעסטן וועלכע זענען פארגעקומען איבער די גאסן אין די לעצטע וואכן. אבער זיי וועלן זיך פארהוילן פונעם פאקט אז די פראטעסטן זענען פארגעקומען אין דער גאס, און אז רוב באטייליגטע פון די פרידליכע פראטעסטן זענען געגאנגען מאסקעס. ועוד, והוא העיקר: די פראטעסטן זענען טאקע אויך נישט ריכטיג – און ווערן נאר געטון דורך טייל פון די זעלבע ליבעראלן וועמען זיי רייסן אראפ פאר אלדאס בייזן. אז מיר רייסן אראפ די ליבעראלע מחמירים, וויאזוי נעמען מיר נאכדעם די נישט ריכטיגע זאכן וואס זיי טוען, און טוען דאס זעלבע אבער נאך מיט א שמיץ אריבער?

דאס אלעס וואלט געווען גילטיג ווען די אלע רבי'ס וואלטן זיך אויף הונדערט פראצענט צוגעשטעלט צו די רעקאמענדאציעס פון אנפאנג אן. ליידער האבן זיי דאס אבער נישט געטון, און זיי האבן בלוט אויף זייערע הענט. דארפן זיי זיין פון דער גאנצער וועלט די ערגסטע פארלעצער פון די יעצטיגע זיכערהייטס מאסנאמען און רעגולאציעס? וואו איז זייער ענוה, זייער תשובת המשקל? פון וואנעט נעמט זיך די פרעכהייט אזוי צו לאכן אויף די מינדעסטע רעגולאציעס וועלכע זענען נישט מער ווי אביסל אומבאקוועם?

אז איר פארשטייט די טענה און איר אידענטיפיצירט מיט מיין ווייטאג, רופט אייך אן. זאגטס א ווארט פאר אייערע חברים, ווייזט אז איר האט די איידלקייט צו זיין א טייל פון דער צרה וואס האט באטראפן די וועלט. ווען אין אונזער מדינה ווערט מען נאך אנגעשטעקט, ווען צווישן אונז שטארבן נאך אנגעשטעקטע, ווען אונזערע ברידער און שוועסטער מיט שוואכע גופים ציטערן נאך צו גיין אין די גאסן, דארפן מיר נאך טון וואס אימער מיר קענען, אויב ס'איז נישט קיין ערנסטן שטער אין אונזער לעבן. מיר מוזן נישט געבן די האנט פאר א בעל שמחה, מיר מעגן נאך גיין א מאסקע, און אלעס וואס מיר טוען, לעגאל צי אומלעגאל, דארף זיין בלויז מינימאל, מיט א צניעות און הצנע לכת.

*

"בזמן שהצבור שרוי בצער אל יאמר אדם אלך לביתי ואוכל ואשתה ושלום עליך נפשי, ואם עושה כן עליו הכתוב אומר 'והנה ששון ושמחה הרוג בקר ושחוט צאן אכול בשר ושתות יין אכול ושתו כי מחר נמות'... וכל המצער עצמו עם הצבור זוכה ורואה בנחמת צבור." (תענית י"א ע"א)
באניצער אוואטאר
ראובן
שריפטשטעלער
שריפטשטעלער
 
הודעות: 2615
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3555 מאל
האט שוין באקומען לייקס: 10259 מאל

הודעהדורך קורקלענד » זונטאג יוני 14, 2020 8:56 pm

יעדער איינער פארשטייט שוין די ריזיקע, און יעדער איז פארארדענט צו מאכן אייגענע באשלוסן. א וואך צוויי צוריק איז עפעס געווען א קול קורא פון איבער צוועלף הונדערט דאקטוירים וואס האבן געזאגט אז פראטעסטן איז דוחה. אויב אזוי קען שוין רעליגיע אויך דוחה זיין פאר די וואס האלטן רעליגיע פאר וויכטיג.

אזויווי די עפידעמיאלגיסט האט פארשטאנען אז באזוכער אין אלטע היימען קענען אנשטעקן אבער קראנקע אנגעשטעקטע קענען נישט. און אז ביי די און דזשי דרייען זיך קאוויד אין די אין די אנצוגן אויף די פאליצעס, אבער אויף די אנצוגן אין טארגעט נישט. און אזויווי זיי האבן געוויסט אז פובליק טראנספארטאציע אפאראטן ווי באנען און אוטובאסן קענען אויך נישט אנשטעקן וכו'וכו'. דריי א צווייטן די קאפ.
באניצער אוואטאר
קורקלענד
חבר ותיק
חבר ותיק
 
הודעות: 2248
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1916 מאל
האט שוין באקומען לייקס: 1365 מאל

הודעהדורך מהיכי תיתי » זונטאג יוני 14, 2020 9:11 pm

לדעתי, מיט יעדן טאג וואס די גאווערנער גייט מיט זיין קאפ אין דופן עקומה און מאכט רעגולאציעס וואס קלעבן צום שכל ווי א נאסע שניי צום סיידוואלק איז עס גורם א געפערליכע זלזול ביי יעדעם מיט דזשעלי אין קאפ.

פארוואס זאל איך איהם גלייבן אז איך זאל גיין מיט א מאסקע אויב א מינוט שפעטער דעקלערט ער אז אווערנייט קעמפס מוזן זיין געשלאסען בו בזמן וואס עס נישט פארהאן צו געפינען פרישע קעיסעס אינעם היימישע געגענטער? וואס פונקטליך זיין אגענדע איז ווייס איך נישט. אבער פאר אז איינעם ווי מיר וואס איך האלט ער איז טויט פאריקט פאר זיינע פאליסיס היינט און נעכטן, לא פלגינן דיבוריה און ער איז נישט נאמן בעניני קאוויד 19.

והנראה לפענ"ד כתבתי.
מהיכי תיתי
מאנשי שלומינו
מאנשי שלומינו
 
הודעות: 64
זיך רעגיסטרירט: דינסטאג יוני 02, 2020 6:48 pm
האט שוין געלייקט: 35 מאל
האט שוין באקומען לייקס: 58 מאל

Re: שולן יא, אבער פארוואס די פרעכהייט?

הודעהדורך נעגעל וואסער » זונטאג יוני 14, 2020 9:18 pm

@ראובן, שטארקע רייד.
מילא די פרעכהייט, דאס קען איך נאך אפשר אראפשלינגן, אבער למען ה', זיי פארשטייען ניטאמאל ווען איינער איז יא מער נזהר! איך בין אויך ארויס פון מיין מייזן לאז, וואו איך בין געווען זייער באקוועם די לעצטע פאר חדשים, איך פריי מיך צו גיין אין בית המדרש, קומט מיר אנטקעגן אפאר ידידים מיט אויסגעשטרעקטע ארעמעס צו מקבל פנים זיין. ווען איך האב זיי שיינערהייט צוריק געוויזן אז איך געב נישט קיין הענט, בין איך געווארן דאס גענאר פון היכל..
שפעטער, שמועסנדיג מיט זיי, האב איך געהערט אזאנע מאדנע סברות פארוואס מען מעג זיך יעצט מישן, פארוואס מען האט זיך אייביג געמעגט מישן, פארוואס די גאנצע סאושעל דיסטענסינג איז א שטיק ליצנות, מיט כל מיני סברות שונות ומשונות.
צודען בין איך טאקע ארויס געקומען זיך צו דרייען צווישן אזאנע מאדנע ברואים??
איך קלער פון מאכן א שארפן יו טורן, צוריק צו מיין הייל, און צו מיינע חברים אויף סאושעל מידיע, און זייטס מיר אלע געזונט!
נעגעל וואסער
ידיד ותיק
ידיד ותיק
 
הודעות: 706
זיך רעגיסטרירט: מיטוואך דעצעמבער 30, 2015 10:44 pm
האט שוין געלייקט: 1724 מאל
האט שוין באקומען לייקס: 752 מאל

הודעהדורך קורקלענד » זונטאג יוני 14, 2020 9:35 pm

אפשר טאקע האט איר פארגעסן אז ווען מ'דרייט זיך ציווישן מענטשן איז מען עליל אמאל צו הערן זאכן וואס מען איז נישט איינשטימיג מיט. און צומאל קען מען זיך אויך איינהערן און איינזען אז מעגליך יענער רעדט יא צו דער זאך. אדער אמאלקען מען יענעם אויספרעגן און טוישן יענעם'ס מיינדסעט. סתם טראכטן אז מ'איז גערעכט און זיך באהאלטן אין א מייזל לאך/סעיף זאון אויס מורה אז מ'וועט געוואויר ווערן אז מ'איז שטארק נישט גערעכט איז באמת נישט קיין מהלך. אבער מה נעשה מיט איינער וואס האט זיך אריינגעטרינקען זיינע אייגענע פאנטאזיעס פון זיין איינזאם און איינגעשפארט אין א ווידערקול טשעמבור פאר עטליכע חדשים בקשר מיט נאך אפאר וואס האבן ליעב צו געניסן פונעם זעלבן געטראנק....
באניצער אוואטאר
קורקלענד
חבר ותיק
חבר ותיק
 
הודעות: 2248
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1916 מאל
האט שוין באקומען לייקס: 1365 מאל

הודעהדורך ראובן » זונטאג יוני 14, 2020 9:37 pm

מהיכי תיתי האט געשריבן:לדעתי, מיט יעדן טאג וואס די גאווערנער גייט מיט זיין קאפ אין דופן עקומה און מאכט רעגולאציעס וואס קלעבן צום שכל ווי א נאסע שניי צום סיידוואלק איז עס גורם א געפערליכע זלזול ביי יעדעם מיט דזשעלי אין קאפ.

פארוואס זאל איך איהם גלייבן אז איך זאל גיין מיט א מאסקע אויב א מינוט שפעטער דעקלערט ער אז אווערנייט קעמפס מוזן זיין געשלאסען בו בזמן וואס עס נישט פארהאן צו געפינען פרישע קעיסעס אינעם היימישע געגענטער? וואס פונקטליך זיין אגענדע איז ווייס איך נישט. אבער פאר אז איינעם ווי מיר וואס איך האלט ער איז טויט פאריקט פאר זיינע פאליסיס היינט און נעכטן, לא פלגינן דיבוריה און ער איז נישט נאמן בעניני קאוויד 19.

והנראה לפענ"ד כתבתי.



קורקלענד האט געשריבן:יעדער איינער פארשטייט שוין די ריזיקע, און יעדער איז פארארדענט צו מאכן אייגענע באשלוסן. א וואך צוויי צוריק איז עפעס געווען א קול קורא פון איבער צוועלף הונדערט דאקטוירים וואס האבן געזאגט אז פראטעסטן איז דוחה. אויב אזוי קען שוין רעליגיע אויך דוחה זיין פאר די וואס האלטן רעליגיע פאר וויכטיג.

אזויווי די עפידעמיאלגיסט האט פארשטאנען אז באזוכער אין אלטע היימען קענען אנשטעקן אבער קראנקע אנגעשטעקטע קענען נישט. און אז ביי די און דזשי דרייען זיך קאוויד אין די אין די אנצוגן אויף די פאליצעס, אבער אויף די אנצוגן אין טארגעט נישט. און אזויווי זיי האבן געוויסט אז פובליק טראנספארטאציע אפאראטן ווי באנען און אוטובאסן קענען אויך נישט אנשטעקן וכו'וכו'.

כ'רעד נישט פון די אלע לאקאלע פרטים וואו דו קענסט האבן די דאזיגע טענות. כ'רעד פון די זאכן וואס כו"ע מודי אז זיי העלפן פארקלענערן די סכנה, ווי נישט מאכן גרעסערע פארזאמלונגען, און נישט געבן די האנט. דאס זענען זאכן וואס האט גארנישט מיט דעמאקראטן און רעפובליקאנער, קאומא אדער טראמפ, ניו יארק און אינדיאנא, אמעריקע אדער רוסלאנד. נאר דאס איז אוניווערסאל, אין אלע שטאטן אין אמעריקע און אין אלע מדינות איבער דער וועלט איז מען מקפיד אויף דעם, און בשעת האדמו"ר רז"ל האט געמאכט די חתונה איז נישט געווען קיין איין מדינה אויף דער וועלט וואו אזא גרויסע פארזאמלונג אן קיין שום מאסנאמען איז געווען מותר.

מעכטיגע רבישע חתונות האט גארנישט מיט רעליגיע, און געבן די האנט אויך נישט. דאס זענען סתם שוואוילטאג און געוואוינהייטן וואס אויב האט מען אביסל איידלקייט איז מען גרייט מוותר צו זיין אויף דעם אין אזא צייט.

קורקלענד האט געשריבן: דריי א צווייטן די קאפ.

אז דו פילסט קאפ-געדרייט קענסטו זיך גערן ארויסזען פון דעם אשכול.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2615
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3555 מאל
האט שוין באקומען לייקס: 10259 מאל

הודעהדורך מהיכי תיתי » זונטאג יוני 14, 2020 9:45 pm

די עקסטרעמע צוגאנג, וואס לויט רוב מנין ובנין פונעם סאסייעטי איז זינלאז איז גורם אז מען איז כופר בעיקר אין אלע רעגולאציעס און עקספלענאציעס.

די זלזול וואס דערוילעם האט אויפן העלט דעפארטמענט קומט צוליב די נארישע גיין קאפ אין וואנט פונעם דעפארטמענט. און ווי יענער האט געזאגט "קודם מאך איך איהם אויס מענטש און נאכדעם בארעד איך איהם", די עולם מאכט אוועק די העלט דעפארטמענט אין די מאסען.
מהיכי תיתי
מאנשי שלומינו
מאנשי שלומינו
 
הודעות: 64
זיך רעגיסטרירט: דינסטאג יוני 02, 2020 6:48 pm
האט שוין געלייקט: 35 מאל
האט שוין באקומען לייקס: 58 מאל

הודעהדורך ראובן » זונטאג יוני 14, 2020 9:46 pm

אויף עולם-גולם האב איך נישט קיין טענות. מיין שאלה איז אויף די מנהיגים -- זיי ברויכן דאך יא צו האבן שכל, איינזעעניש, און פארשטאנד. בפרט נאכדעם וואס זייער אויפפירונג אנפאנג פון דער מגיפה האט שוין געקאסט קרבנות.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2615
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3555 מאל
האט שוין באקומען לייקס: 10259 מאל

הודעהדורך קורקלענד » זונטאג יוני 14, 2020 9:48 pm

שוין וואכן לאנג וואס ס'גייט ביי אונז אן און דערווייל האט עס גארנישט געשאט. מיימאַנעדיס איז שוין ליידיגער ווי ליידיג פאר כמעט צוויי חדשים. בדרך הטבע לויט די נביאי הבעל וואלטן מיר שוין געדארפט האלטן נאך די פערטע כאוואליע... אבער ממש גארנישט? צייגט עס דען נישט עפעס?
באניצער אוואטאר
קורקלענד
חבר ותיק
חבר ותיק
 
הודעות: 2248
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1916 מאל
האט שוין באקומען לייקס: 1365 מאל

הודעהדורך קורקלענד » זונטאג יוני 14, 2020 9:51 pm

ראובן האט געשריבן:אויף עולם-גולם האב איך נישט קיין טענות. מיין שאלה איז אויף די מנהיגים -- זיי ברויכן דאך יא צו האבן שכל, איינזעעניש, און פארשטאנד. בפרט נאכדעם וואס זייער אויפפירונג אנפאנג פון דער מגיפה האט שוין געקאסט קרבנות.

ביז איצט האט איר נישט געהאט קיין שאלות? מיין שאלה איז נישט פארוואס טוהן זיי גארנישט דאהי. מיין שאלה איז וואו זענען זיי? וואס האבן זיי בכלל צו זאגן בנוגע קאוויד? זיי זענען נישט צום געפינען בכלל! טא, וויאזוי קען מען פארהאלטן איינער וואס איז נישט בנמצא?
באניצער אוואטאר
קורקלענד
חבר ותיק
חבר ותיק
 
הודעות: 2248
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1916 מאל
האט שוין באקומען לייקס: 1365 מאל

הודעהדורך ראובן » זונטאג יוני 14, 2020 9:53 pm

קורקלענד האט געשריבן:שוין וואכן לאנג וואס ס'גייט ביי אונז אן און דערווייל האט עס גארנישט געשאט. מיימאַנעדיס איז שוין ליידיגער ווי ליידיג פאר כמעט צוויי חדשים. בדרך הטבע לויט די נביאי הבעל וואלטן מיר שוין געדארפט האלטן נאך די פערטע כאוואליע... אבער ממש גארנישט? צייגט עס דען נישט עפעס?

אוודאי צייגט עס אז דאס ערגסטע איז פארריבער. אויף דעם ארויף עפענען מיר די געשעפטן און די מוסדות. אבער ניין, מ'האלט נאך נישט ביי זערא ווען אין אונזער מדינה זענען נאך פאראן ערטער וואו די מגיפה בוזשעוועט מיט'ן פולן אימפעט, און ווען מענטשן מיט וואלנערביליטיעס איבעראל פרובירן זיך צו היטן.

ווען דו זאגסט אז דו גלייכסט נישט קאומא'ס פאליסיס קען איך דיר פארשטיין. אבער ווען דו ביסט קליגער פון יעדן דאקטאר און יעדן רעגירונג-באאמטע פון דעם גאנצן כדור הארץ ביסטו א שוטה.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2615
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3555 מאל
האט שוין באקומען לייקס: 10259 מאל

הודעהדורך קורקלענד » זונטאג יוני 14, 2020 9:58 pm

ראובן האט געשריבן:כ'רעד נישט פון די אלע לאקאלע פרטים וואו דו קענסט האבן די דאזיגע טענות. כ'רעד פון די זאכן וואס כו"ע מודי אז זיי העלפן פארקלענערן די סכנה, ווי נישט מאכן גרעסערע פארזאמלונגען, און נישט געבן די האנט. דאס זענען זאכן וואס האט גארנישט מיט דעמאקראטן און רעפובליקאנער, קאומא אדער טראמפ, ניו יארק און אינדיאנא, אמעריקע אדער רוסלאנד. נאר דאס איז אוניווערסאל, אין אלע שטאטן אין אמעריקע און אין אלע מדינות איבער דער וועלט איז מען מקפיד אויף דעם, און בשעת האדמו"ר רז"ל האט געמאכט די חתונה איז נישט געווען קיין איין מדינה אויף דער וועלט וואו אזא גרויסע פארזאמלונג אן קיין שום מאסנאמען איז געווען מותר.

אויף וועלכע וועלט לעבט איר? האט איר נישט מיטגעהאלטן די מערסטנס פרידליכע מאסן פראטעסטן וואס זענען לעצטנס פארגעקומען אינערהאלב רוב אמעריקאנער שטעט? ס'איז געווען פיל מער באטייליגטע ווי אלע חסידישע צוזאמענקומען אינאיינעם!

און ווארט נאר ביז א וואך צוויי ווען אונזער געטרייע געשעצטער פרעזידענט הויבט פריש אן זיינע גרויסע קאמפיין ראליס. פאר דער נעקסטע ראלע זענען דא איבער אכט הונדערט טויזנט איינגעשריבענע! און זיי האבן אלע גע'חתם'ט די לעבן! יר''ה.
באניצער אוואטאר
קורקלענד
חבר ותיק
חבר ותיק
 
הודעות: 2248
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1916 מאל
האט שוין באקומען לייקס: 1365 מאל

הודעהדורך ראובן » זונטאג יוני 14, 2020 10:05 pm

אה, הייסט האסט ניטאמאל געלייענט מיין ארטיקל. נעקסט קעיס.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2615
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3555 מאל
האט שוין באקומען לייקס: 10259 מאל

הודעהדורך mevakesh » זונטאג יוני 14, 2020 10:07 pm

@ראובן איך האלט מיט דיר אז מען וואלט געדארפט זיך היטן מער און דער פאונט וואס דו ברענגסט ארויס אז מען טרייבט ליצנות פון ווער עס היט זיך יא שטערט מיר אויך גאר שטארק. איך און מיינע קינדער זענען נישט ארויס פון דערהיים פאר צוויי וואכן בשעת איך האב מיר נישט גוט געפיהלט פאר פסח אבער איך בין נישט באקוועם צו רעדן דערפון און שוהל ווייל מען קוקט עס אהן גאר מאדנע. איך האב באקומען עטליכע קאמאנטארן פארן בלייבען אינדערהיים און גיין מיט א מאסק און דאס איז געווען בשעת מען האט געהערט יעדן טאג צענדליגע טויטע . דעם שבת בין איך געשטאנען ביי א שמועס ווי איינער האט געפרעגט א יונגערמאן צו ער איז געבליבען אינדערהיים און יענער האט געענטפערט אז נאך ער האט זיך נישט גוט געפיהלט איז ער געווען איינגעשפארט פאר צוויי וואכן און הגם קיינער האט נישט חוזק געמאכט איז עס קלאר געווען אינעם שמועס אז דאס איז מאדנע

אבער לגבי וויאזוי מען גייט זיך אום די לעצטע פאר וואכן נאך די וויירוס איז פאראיבער קען מען פארשטיין. די גויאישע גאס פארשטייט נישט באמת וואס עס מיינט פאר אן היימישע משפחה צו זיין פארשפארט און דער היים. א מיטלגארטיגע משפחה און וויליאמסבורג האט אכט קינדער אויפן פיפטע שטאק מיט דריי און האלב שלאפצימערן אהן פלאץ צו שפילן. עס איז נישטא אזא זאך צו האבן טעג אהן חדר לפחות ביי די יונגלעך. די זעלבע מיט מנין , גערעכט ווען עס איז סכנות נפשות טאר מען נישט דאווענען מיט מנין אבער פאר אן היימישער יונגערמאן נישט צו גיין און שוהל דאווענען איז פונקט אזוי וויכטיג ווי ביי די אלגעמיינע גאס צו מאכן איבינגען

ממילא ווען די רעגירונג זאגט אז מען דארף בלייבען אינדערהיים און זיי אדרעסירן נישט די זארגען פון אונזער געמיינדע און נאכדערצו ווען עס איז דא פראטעסטן וואס איז אויך נישט אינגאנצען לויט די פארשריפטן (אפילו מען היט זיך מער ווי אין שוהל) און דער מאיאר ענטפערט אז די פראטעסטן איז פיהל וויכטיגער (וואס איך בין מסכים אז עס איז וויכטיג אזוי ווי איך האב שוין געשריבען אין אן אנדער אשכול) פיהלט אבער די מערהייט פונעם היימישער עולם אז מען פארשטייט אונז נישט און מען רעכענט זיך נישט מיט אונזער געברויכען און מען מאכט זיך נישט וויסענדיג בכלל פון די רעגולאציאס
דאס איז חוץ פון דעם אז ביי די היימישע עולם אין וויליאמסבורג איז דער וויירוס שוין אזוי שטארק געווען פארשפרייט אז עס איז ממש נישט דא קיין חשש אז מענטשן וועלן נאך ווערן אנגעשטעקט (אנדערש ווי אין די אלגעמיינע גאס)
נאכאמאל איך בארעכטיג נישט דעם attitude אבער איך פארשטיי גאנץ גוט פון וואס עס קומט מענטשן פיהלן אז מען פארשטייט אונז נישט און מען רעכנט זיך נישט מיט אונזער געזעלשאפט ממילא גייט מען מיטן לעבן כאילו אלעס איז שוין צוריק צו נארמאל און לדעתי וואלטן די אינסטאנצן געקענט מאכן א בעסערע ארבייט מיט outreach און מיטארבייט מיט אונזער און אנדערע פארשידענארטיגע געמיינדעס
באניצער אוואטאר
mevakesh
ידיד ותיק
ידיד ותיק
 
הודעות: 932
זיך רעגיסטרירט: מיטוואך אוגוסט 12, 2015 12:11 pm
האט שוין געלייקט: 804 מאל
האט שוין באקומען לייקס: 882 מאל

הודעהדורך קורקלענד » זונטאג יוני 14, 2020 10:15 pm

ראובן האט געשריבן:אה, הייסט האסט ניטאמאל געלייענט מיין ארטיקל. נעקסט קעיס.

שטייט דארט אז איינער וואס וויל פארגלייכן איז א שוטה.... נו אין דער פאל בין איך צופרידן צו זיין דער דערוועלטע שוטה. ווייל דערווייל איז עס אויף אייך אויפציווייזן אז ס'קען נאך שאטן. מיין פערזענליכע חשבון איז אז די שאנסן אויף די מינוט זענען זייער קליין, פיל קלענער ווי פורים, און אויב פורים האט די רעגירונג געזאגט אז ס'קען נישט שאטן דאן קען עס יעצט שוין זיכער נישט שאטן. ב''ה איך בין געזונט אין יונג. ממילא פיל איך נישט ווי איך דארף די מאסק וכו' און איך דריי זיך געהעריג. איך וואש גראדע די הענט זייער זייער אפט און דאס איז עס. ווי יונג איך בין אבער וויל איך עס נאכאלץ נישט דעריבער אוףין דער מינוט וואס איך הער סיי וועלכע אויפשטייג וועל איך ווידער זיך באהאלטן, אבער ביז אהין איז לדעתי נישט דא וואס חושש צו זיין. והראי' ס'איז טויט שטיל! די שפיטאל איז גענצליך ליידיג!

דער וואס איז עלטער אדער איז מער אויסגעשטעלט צו קאנסעקווענצן זאל זיך טאקע בעסער היטן.
באניצער אוואטאר
קורקלענד
חבר ותיק
חבר ותיק
 
הודעות: 2248
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1916 מאל
האט שוין באקומען לייקס: 1365 מאל

Re: שולן יא, אבער פארוואס די פרעכהייט?

הודעהדורך ראובן » זונטאג יוני 14, 2020 11:39 pm

mevakesh האט געשריבן:@ראובן איך האלט מיט דיר אז מען וואלט געדארפט זיך היטן מער און דער פאונט וואס דו ברענגסט ארויס אז מען טרייבט ליצנות פון ווער עס היט זיך יא שטערט מיר אויך גאר שטארק. איך און מיינע קינדער זענען נישט ארויס פון דערהיים פאר צוויי וואכן בשעת איך האב מיר נישט גוט געפיהלט פאר פסח אבער איך בין נישט באקוועם צו רעדן דערפון און שוהל ווייל מען קוקט עס אהן גאר מאדנע. איך האב באקומען עטליכע קאמאנטארן פארן בלייבען אינדערהיים און גיין מיט א מאסק און דאס איז געווען בשעת מען האט געהערט יעדן טאג צענדליגע טויטע . דעם שבת בין איך געשטאנען ביי א שמועס ווי איינער האט געפרעגט א יונגערמאן צו ער איז געבליבען אינדערהיים און יענער האט געענטפערט אז נאך ער האט זיך נישט גוט געפיהלט איז ער געווען איינגעשפארט פאר צוויי וואכן און הגם קיינער האט נישט חוזק געמאכט איז עס קלאר געווען אינעם שמועס אז דאס איז מאדנע

אבער לגבי וויאזוי מען גייט זיך אום די לעצטע פאר וואכן נאך די וויירוס איז פאראיבער קען מען פארשטיין. די גויאישע גאס פארשטייט נישט באמת וואס עס מיינט פאר אן היימישע משפחה צו זיין פארשפארט און דער היים. א מיטלגארטיגע משפחה און וויליאמסבורג האט אכט קינדער אויפן פיפטע שטאק מיט דריי און האלב שלאפצימערן אהן פלאץ צו שפילן. עס איז נישטא אזא זאך צו האבן טעג אהן חדר לפחות ביי די יונגלעך. די זעלבע מיט מנין , גערעכט ווען עס איז סכנות נפשות טאר מען נישט דאווענען מיט מנין אבער פאר אן היימישער יונגערמאן נישט צו גיין און שוהל דאווענען איז פונקט אזוי וויכטיג ווי ביי די אלגעמיינע גאס צו מאכן איבינגען

ממילא ווען די רעגירונג זאגט אז מען דארף בלייבען אינדערהיים און זיי אדרעסירן נישט די זארגען פון אונזער געמיינדע און נאכדערצו ווען עס איז דא פראטעסטן וואס איז אויך נישט אינגאנצען לויט די פארשריפטן (אפילו מען היט זיך מער ווי אין שוהל) און דער מאיאר ענטפערט אז די פראטעסטן איז פיהל וויכטיגער (וואס איך בין מסכים אז עס איז וויכטיג אזוי ווי איך האב שוין געשריבען אין אן אנדער אשכול) פיהלט אבער די מערהייט פונעם היימישער עולם אז מען פארשטייט אונז נישט און מען רעכענט זיך נישט מיט אונזער געברויכען און מען מאכט זיך נישט וויסענדיג בכלל פון די רעגולאציאס
דאס איז חוץ פון דעם אז ביי די היימישע עולם אין וויליאמסבורג איז דער וויירוס שוין אזוי שטארק געווען פארשפרייט אז עס איז ממש נישט דא קיין חשש אז מענטשן וועלן נאך ווערן אנגעשטעקט (אנדערש ווי אין די אלגעמיינע גאס)
נאכאמאל איך בארעכטיג נישט דעם attitude אבער איך פארשטיי גאנץ גוט פון וואס עס קומט מענטשן פיהלן אז מען פארשטייט אונז נישט און מען רעכנט זיך נישט מיט אונזער געזעלשאפט ממילא גייט מען מיטן לעבן כאילו אלעס איז שוין צוריק צו נארמאל און לדעתי וואלטן די אינסטאנצן געקענט מאכן א בעסערע ארבייט מיט outreach און מיטארבייט מיט אונזער און אנדערע פארשידענארטיגע געמיינדעס
דו זאגסט גוט ווען מ'רעדט פון עולם-גולם וואס ווען עס קומט צו א גלאבאלער צרה, זענען זיי פארנומען טריצן מיט דעבלאזיא. איך רעד נישט פון נישט גיין אין שול אדער שטרענגע סאשעל דיסטענסינג, וואס דארטן קען מען טענה'ן אז דעבלאזיא איז שטרענגער ווי אנדערע. כ'רעד פון בעיסיק זיכערהייט, ווי מ'פירט זיך אין אלע עקן פון דער וועלט אין די יעצטיגע טעג, אפילו וואו עס זענען דא פונקט אזוי ווייניג קעיסעס ווי אין וויליאמסבורג. קיין ערגעץ פארזאמלט מען זיך נישט אן קיין שום געזונטהייט מאסנאמען; איבעראל טראגט מען כאטש א שטיקל אחריות עכ"פ ביי קלייניגקייטן וואס שטערן נישט אזוי אינעם לעבן.

מיין שאלה איז אויף א מנהיג ישראל: ווי נעמסטו די חוצפה צו פייפן אויף דער גאנצער וועלט -- נישט אויף דעבלאזיא און קאומא, נאר טאקע אויף דעם גאנצן כדור הארץ -- און דו שטעלסט דיך פרעכערהייט מאכן א חתונה כאילו מיר זענען יעצט אין פרידנס צייטן? ביסטו נישט מודה אז ס'איז עכ"פ כדאי נישט צו געבן דעם האנט אין אזא צייט? טא, פארוואס קען מען דאס נישט אנהאלטן? וועלכער נאַר שטופט דיך דווקא צו פייפן דערויף און יא געבן דעם האנט?
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2615
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3555 מאל
האט שוין באקומען לייקס: 10259 מאל

הודעהדורך מפיל קינד » זונטאג יוני 14, 2020 11:39 pm

ראובן האט געשריבן:אויף עולם-גולם האב איך נישט קיין טענות. מיין שאלה איז אויף די מנהיגים -- זיי ברויכן דאך יא צו האבן שכל, איינזעעניש, און פארשטאנד. בפרט נאכדעם וואס זייער אויפפירונג אנפאנג פון דער מגיפה האט שוין געקאסט קרבנות.

מ'האט טאקע געזען באשיינפערליך ווי זייער אויפפירונג האט אוועקגעלייגט מענטשן. ווי למשל לעצטע וואך אינמיטן די חתונה האבן זיך 30 אידן אוועקגעלייגט.

וועלכער מנהיג האט פארמיטן די קרבנות? באבוב 45 איז געווען פון די ערשטע צו פארמאכן, שבת זכר האט ער שוין נישט געטיילט קיין שיריים. און ביי אים זענען געפאלן די מערסטע קרבנות.

די מגיפה איז געווען פון הימל, קיין שום תחבילות האט נישט געהאלפן. דאס איז געקומען פון הימל און מען האט גענוי קאנטראלירט פונקטליך וואו עס זאל גיין און צו וועמען עס זאל אנקומען.

איך האב גראדע יא געטון די מאקסימום השתדלות. איך האב שוין נישט געגעבן קיין האנט און נישט געגאנגען אין מקוה זייט שבת זכר, אבער וואס יענער האט געטון איז זיין אייגן אחריות. יעדער האט זיך זיינע נסיונות פאר איינעם איז עס זיך היטן פון קאראנע און פאר א צווייטן זיך צו פארשליסן דאס פיסק און אויפהערן באשמיצן כלל ישראל.

די פראטעסטן בארעכטיגן גארנישט, אבער עס ווייזט אז פאר יעדעם איז וויכטיג עפעס אנדערש. ביז היינט האט מען געשריגן און געטייטלט מיטן פינגער אויפן נארמאלער גוי אז ער שטעלט זיך צו, דאס איז שוין אויך נישטא. פארן גוי איז וויכטיגער צו באוויינען א ראסע, פאר מיר איז וויכטיגער צו זיין פרייליך און זיין שטאלץ מיט מיין רעליגיע און מיינע אידישע ברידער.
מפיל קינד
היימישער באניצער
היימישער באניצער
 
הודעות: 352
זיך רעגיסטרירט: דינסטאג סעפטעמבער 05, 2017 1:08 am
האט שוין געלייקט: 215 מאל
האט שוין באקומען לייקס: 280 מאל

הודעהדורך ליפא » זונטאג יוני 14, 2020 11:43 pm

מפיל קינד האט געשריבן:יעדער האט זיך זיינע נסיונות פאר איינעם איז עס זיך היטן פון קאראנע און פאר א צווייטן זיך צו פארשליסן דאס פיסק און אויפהערן באשמיצן כלל ישראל.

:דאבללייק: :דאבללייק: :דאבללייק: :דאבללייק: :דאבללייק: :דאבללייק:
טראמפ 2020! טראמפ 2024! טראמפ 2028!
באניצער אוואטאר
ליפא
חבר ותיק
חבר ותיק
 
הודעות: 2116
זיך רעגיסטרירט: דינסטאג יוני 23, 2015 4:09 am
האט שוין געלייקט: 2271 מאל
האט שוין באקומען לייקס: 1843 מאל

הודעהדורך בת קול » זונטאג יוני 14, 2020 11:58 pm

איך טראכט אז אפשר קומט דאס צוליב די זעלבע סיבה, פארוואס מען האט עס אזוי שפעט אנגענומען ערנסט.

די עולם איז פשוט אזוי פארגלייבט אין טראמפ, און ווילאנג ער האט עס נישט אנגענומען ערנסט, האט מען ביי אונז געלאכט.
יעצט אז טראמפ איז פארנומען מיט עפענען אלעס, און טראגט נאך אלץ נישט קיין מאסק, טוט דער עולם דאס זעלביגע.
Voices of the demons
באניצער אוואטאר
בת קול
שריפטשטעלער
שריפטשטעלער
 
הודעות: 654
זיך רעגיסטרירט: מיטוואך נאוועמבער 18, 2015 3:34 pm
געפינט זיך: שטענדיג דא
האט שוין געלייקט: 943 מאל
האט שוין באקומען לייקס: 868 מאל

Re: שולן יא, אבער פארוואס די פרעכהייט?

הודעהדורך אריה » מאנטאג יוני 15, 2020 12:05 am

ראובן, איך בין מסכים מיט כמעט יעדעס ווארט, אחוץ דיין אילוזיע אז יעדער פארשטייט אז עלטערע און קראנקע מענטשן זאלן זיך נאכאלץ היטן, דאס איז שוין אויך א פארגאנגענהייט.
איך פיר זיך נישט לויט די רעגולאציעס פאר די זעלבע סיבה פארוואס איך בין נישט מקפיד בקלה כבחמורה, עס איז נישט גרינג. אבער אין די ארבעט צווישן גויים, פראביר איך יא צוגיין מיט א מאסקע, הגם די אידן ארום לאכן. און אויך געב איך נישט די האנט פשוט צו מאכן א זכר צו די סייענטיסטן וועמען מיר האבן פארגעסן.
באניצער אוואטאר
אריה
מאנשי שלומינו
מאנשי שלומינו
 
הודעות: 51
זיך רעגיסטרירט: דינסטאג נאוועמבער 12, 2019 12:02 am
האט שוין געלייקט: 42 מאל
האט שוין באקומען לייקס: 44 מאל

הודעהדורך קורקלענד » מאנטאג יוני 15, 2020 12:08 am

אז מ'קען ווידער אנהענגען די שולד אויף טראמפּ איז דאך גוט. אפשר טראכט טראמפ נישט קיין מאסק ווייל די וועלט'ס גרעסטע פענדעמיאלאגיסט המכונה דר' פאוטשי האט חדשים לאנג געשריגן אז די סייענס צייגט ס'העלפט נישט קיין מאסק. און נאר שפעטער האט ער אפגעמאכט אז סייענס צייגט אז מ'דארף יא. אצינד איז טראמפּ אין א ריזיגע דילעמע וואס איז די סייענס?
באניצער אוואטאר
קורקלענד
חבר ותיק
חבר ותיק
 
הודעות: 2248
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1916 מאל
האט שוין באקומען לייקס: 1365 מאל

Re: שולן יא, אבער פארוואס די פרעכהייט?

הודעהדורך אריה » מאנטאג יוני 15, 2020 12:18 am

קורקלענד האט געשריבן:אז מ'קען ווידער אנהענגען די שולד אויף טראמפּ איז דאך גוט. אפשר טראכט טראמפ נישט קיין מאסק ווייל די וועלט'ס גרעסטע פענדעמיאלאגיסט המכונה דר' פאוטשי האט חדשים לאנג געשריגן אז די סייענס צייגט ס'העלפט נישט קיין מאסק. און נאר שפעטער האט ער אפגעמאכט אז סייענס צייגט אז מ'דארף יא. אצינד איז טראמפּ אין א ריזיגע דילעמע וואס איז די סייענס?
כ'וועל מסתם גארנישט אויפטוען, אבער מ'דארף טון נישט אויפטוען.
פאוטשי האט געזאגט בשעתו (נישט קיין פונקטליכע קוואוט) יעצט אויף די מינוט, לפי המצב, ברויך מען נאכנישט טראגן א מאסקע, נאר ווער ס'איז קראנק אדער העלט קעיר ארבעטער, עכ"ל. אזוי ווי היינט איז נישט די זעלבע מצב ווי דעמאלסט, און היינט איז אנגענומען אז יעדער ברויך זיך רעכענען מיט דעם אז אפשר איז ער אנגעשטעקט און אומ-סימפטאמיש, דעריבער איז יא כדאי צו טראגן א מאסקע. והכל על מקומו יבוא בשלום.
באניצער אוואטאר
אריה
מאנשי שלומינו
מאנשי שלומינו
 
הודעות: 51
זיך רעגיסטרירט: דינסטאג נאוועמבער 12, 2019 12:02 am
האט שוין געלייקט: 42 מאל
האט שוין באקומען לייקס: 44 מאל

הודעהדורך קורקלענד » מאנטאג יוני 15, 2020 1:15 am

אריה האט געשריבן:
קורקלענד האט געשריבן:אז מ'קען ווידער אנהענגען די שולד אויף טראמפּ איז דאך גוט. אפשר טראכט טראמפ נישט קיין מאסק ווייל די וועלט'ס גרעסטע פענדעמיאלאגיסט המכונה דר' פאוטשי האט חדשים לאנג געשריגן אז די סייענס צייגט ס'העלפט נישט קיין מאסק. און נאר שפעטער האט ער אפגעמאכט אז סייענס צייגט אז מ'דארף יא. אצינד איז טראמפּ אין א ריזיגע דילעמע וואס איז די סייענס?
כ'וועל מסתם גארנישט אויפטוען, אבער מ'דארף טון נישט אויפטוען.
פאוטשי האט געזאגט בשעתו (נישט קיין פונקטליכע קוואוט) יעצט אויף די מינוט, לפי המצב, ברויך מען נאכנישט טראגן א מאסקע, נאר ווער ס'איז קראנק אדער העלט קעיר ארבעטער, עכ"ל. אזוי ווי היינט איז נישט די זעלבע מצב ווי דעמאלסט, און היינט איז אנגענומען אז יעדער ברויך זיך רעכענען מיט דעם אז אפשר איז ער אנגעשטעקט און אומ-סימפטאמיש, דעריבער איז יא כדאי צו טראגן א מאסקע. והכל על מקומו יבוא בשלום.

איך געדענק הערן פון איהם אז א מאסקע ארבעט נישט (אדער אזויווי זיי זאגן אין זייער שפראך, נישט דא קיין עווידענס אז ס'העלפט) און דעריבער זאל מען עס לאזן פאר די העלטה-קעיר ארבייטער און חולים. גארנישט געזאגט לפי המצב. עכ''פ ווי ווייט איך געדענק.
באניצער אוואטאר
קורקלענד
חבר ותיק
חבר ותיק
 
הודעות: 2248
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1916 מאל
האט שוין באקומען לייקס: 1365 מאל

הודעהדורך אריה » מאנטאג יוני 15, 2020 1:19 am

אויב מאסקעס העלפן נישט דאן פארוואס זאלן די העלט קעיר ארבעטער און אנגעשטעקטע יא גיין דערמיט?
באניצער אוואטאר
אריה
מאנשי שלומינו
מאנשי שלומינו
 
הודעות: 51
זיך רעגיסטרירט: דינסטאג נאוועמבער 12, 2019 12:02 am
האט שוין געלייקט: 42 מאל
האט שוין באקומען לייקס: 44 מאל

הודעהדורך קורקלענד » מאנטאג יוני 15, 2020 1:19 am

דאס דארפסטו זיי פרעגן.
באניצער אוואטאר
קורקלענד
חבר ותיק
חבר ותיק
 
הודעות: 2248
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1916 מאל
האט שוין באקומען לייקס: 1365 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: Google [Bot], רביה''ק זי''ע און 3 געסט