פאליטישע דעבאטע צווישן די אלטערנאטיווע יוניווערסן

ארטיקלען און באטראכטונגען איבער דער חרדי'שער געזעלשאפט און קולטור

פאליטישע דעבאטע צווישן די אלטערנאטיווע יוניווערסן

הודעהדורך ראובן » דאנערשטאג סעפטעמבער 03, 2020 9:08 am

אין מיין אשכול אלטערנאטיווע געזעלשאפטליכע יוניווערסן האבן געוויסע טייערע חברים געוואלט דעבאטירן די הנחות אויף וואס דער ארטיקל איז געבויט, אבער אין שם מקומם. געוויסע האלטן אז איך גלייב ליבעראלע קאנספיראציע טעאריעס, בשעת איך האלט אז זיי גלייבן טראמפיסטישע קאנספיראציע טעאריעס. אנשטאט מ'זאל דאס דעבאטירן אויף א פלאץ וואו עס באלאנגט נישט, לאמיר עס דא אויסשמועסן.

@אישתישבי, דו זאגסט אז איך באשולדיג מאנכע מיט גלייבן קאנספיראציע טעאריעס. כ'האב דערמאנט איין אזא טעאריע אין מיין ארטיקל: "אבאמא און ביל געיטס האבן געוואוסט ווייל זיי אליין האבן געמאכט דעם ווירוס צוזאמען מיט כינע!" איז דאס א קאנספיראציע טעאריע לדעתך? איך גלייב א קאנספיראציע טעאריע אויב איך האלט אז דאס איז א קאנספיראציע טעאריע?
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2624
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3566 מאל
האט שוין באקומען לייקס: 10320 מאל

הודעהדורך אישתישבי » דאנערשטאג סעפטעמבער 03, 2020 10:55 am

א קונץ צו זיין אליהו הנביא? א קונץ צו זיין איש תשבי!
אישתישבי
חבר ותיק
חבר ותיק
 
הודעות: 2651
זיך רעגיסטרירט: מיטוואך מערץ 09, 2016 12:19 am
האט שוין געלייקט: 102 מאל
האט שוין באקומען לייקס: 1391 מאל

הודעהדורך ראובן » דאנערשטאג סעפטעמבער 03, 2020 6:28 pm

אישתישבי האט געשריבן:http://www.kaveshtiebel.com/viewtopic.php?p=458217#p458217


אישתישבי האט געשריבן:
ראובן האט געשריבן:
אישתישבי האט געשריבן:

כ'בין נישט זיכער פון וועלכע קאנספיראציעס דו רעדסט


אנטשולדיגט? די קאנספיראציעס וואס די רעדסט.
ניין, "דו" קומט יא מיט א וא"ו.


ר' ראובן

איך זעה אז די ווילסט דעבאטירן מיט ליצנות מאכן פין ספעלינג.

נאו פראבלעם, טרעפט אייך א צווייטער.

זייט מיט געזונט.

גראדע וואלט עס געוועהן א פארגעניגען ווען די וואלסט נישט פראבירט צו זיין א ווייז גיי.

יעצט אויב איך גלייב אז דער "ווייז גיי" איז דער וואס רעדט שלא מן הענין נאכדעם וואס כ'האב שוין עטליכע מאל געבעטן אז ס'איז נישט דאס פלאץ, גלייב איך אין א קאנספיראציע טעאריע?
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2624
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3566 מאל
האט שוין באקומען לייקס: 10320 מאל

הודעהדורך קורקלענד » דאנערשטאג סעפטעמבער 03, 2020 6:44 pm

לאמיר אנהויבן הייפּאטעטיש

אויב ביל געיטס איז בשיטה לטובת א קלענערע פאפולאציע איבער די וועלט? אויב האט זיין 'צדקה' קאסע אינוועסטירט ביליאנען אין מעטאדען וויאזוי צו טוישן די וועלט אז די עולם זאל אויפהערן פראדוצירן?

אויב ביל געיטס איז אינוועסטירט אין וואקסינאציעס? אויב ביל געיטס וויל ניצן וואקסינאציעס אלס א אונטערטיר צו אנטשיידן אנדערע פראבלעמען זיינע?

אויב האט ער בייזוויליגע פלענער? קען ער דאס באהאלטן?

פארוואס פארשווייגט מען אנטיוואקסערס ווי איידער זיי צו דעבאטירן און אפּפרעגן?
באניצער אוואטאר
קורקלענד
חבר ותיק
חבר ותיק
 
הודעות: 2264
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1928 מאל
האט שוין באקומען לייקס: 1378 מאל

הודעהדורך ראובן » דאנערשטאג סעפטעמבער 03, 2020 7:12 pm

קורקלענד האט געשריבן:לאמיר אנהויבן הייפּאטעטיש

אויב ביל געיטס איז בשיטה לטובת א קלענערע פאפולאציע איבער די וועלט? אויב האט זיין 'צדקה' קאסע אינוועסטירט ביליאנען אין מעטאדען וויאזוי צו טוישן די וועלט אז די עולם זאל אויפהערן פראדוצירן?

כ'בין נישט אויסגעקאכט אין דער נושא, אבער לאמיך זאגן וויאזוי איך פארשטיי עס. גרויסע פאפולאציעס איז א פראבלעם בעיקר אין דריטע וועלט לענדער וואו ס'איז נישטא קיין צוטריט צו פאמיליע פלאנירונג, געזונטהייט און עדיוקעישאן. ביל געיטס האלט אז אויב זאל מען סטאביליזירן די לענדער, דאס הייסט געזונטהייט זאל זיין שטערקער און קינדער זאלן ווייניגער שטארבן, וועט דאס העלפן סטאביליזירן פאפולאציע וואוקס. מ'וועט האבן ווייניגער קינדער א דאנק א מער פרעדיקטעבל געזונטן אויסקוק פאר'ן לעבן.

אויב ביל געיטס איז אינוועסטירט אין וואקסינאציעס? אויב ביל געיטס וויל ניצן וואקסינאציעס אלס א אונטערטיר צו אנטשיידן אנדערע פראבלעמען זיינע?

ביל געיטס זאגט קלאר וואס ער טוט. כ'פארשטיי נישט וואס דו מיינסט מיט אן אונטערטיר.

אויב האט ער בייזוויליגע פלענער? קען ער דאס באהאלטן?

כ'ווייס נישט.

פארוואס פארשווייגט מען אנטיוואקסערס ווי איידער זיי צו דעבאטירן און אפּפרעגן?

עס זענען דא הונדערטער וועבסייטס און ביכער אפצופרעגן אנטיוואקסערס. וואו פארשווייגט מען זיי?
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2624
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3566 מאל
האט שוין באקומען לייקס: 10320 מאל

הודעהדורך ליטוואק פון בודאפעסט » דאנערשטאג סעפטעמבער 03, 2020 7:23 pm

מר קורקלאנד פירט נישט אויס. לויט דיין קשיא'ס, גלויבסטו טאקע אז עס איז דא א שטארקע מעגליכקייט אז ביל געיטס האט פאבריצירט דער וויירוס אויף צו קענען אויסהרגנ'ן א גרויסע חלק פון די פאפולאציע פון די וועלט? דאס איז טאקע דיין שטעלונג, אדער דו פראבירסט נאר אויף אונז?

ווייל אויב יא, איז עס זייער נאריש מצדו. 'כמיין, וואס העלפט עס ווען א מיליאן מענטשן פארלירן זייער לעבן? וויפיל געלט פארדינט מען? מער ווי מ'האט דערלייגט דורך פארמאכן די וועלטס עקאנאמיא פאר מאנאטן לאנג? מצדו, האט זיך עס בכלל געלוינט? ער איז נישט גענוג קלוג דאס צו וויסן פאראויס?
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9092 מאל

Re: פאליטישע דעבאטע צווישן די אלטערנאטיווע יוניווערסן

הודעהדורך פאליטיקאנט » דאנערשטאג סעפטעמבער 03, 2020 9:01 pm

ליטוואק פון בודאפעסט האט געשריבן:מר קורקלאנד פירט נישט אויס. לויט דיין קשיא'ס, גלויבסטו טאקע אז עס איז דא א שטארקע מעגליכקייט אז ביל געיטס האט פאבריצירט דער וויירוס אויף צו קענען אויסהרגנ'ן א גרויסע חלק פון די פאפולאציע פון די וועלט? דאס איז טאקע דיין שטעלונג, אדער דו פראבירסט נאר אויף אונז?

ווייל אויב יא, איז עס זייער נאריש מצדו. 'כמיין, וואס העלפט עס ווען א מיליאן מענטשן פארלירן זייער לעבן? וויפיל געלט פארדינט מען? מער ווי מ'האט דערלייגט דורך פארמאכן די וועלטס עקאנאמיא פאר מאנאטן לאנג? מצדו, האט זיך עס בכלל געלוינט? ער איז נישט גענוג קלוג דאס צו וויסן פאראויס?
פארוואס קען נישט זיין?
ער האט דאך פארדינט שיין פון די וויירוס, קען גאר זיין ער האט זיך גוט אנגעגרייט און אויסגעשטעלט זיין קאמפעני צו וואקסן פונעם וויירוס.....
באניצער אוואטאר
פאליטיקאנט
ידיד ותיק
ידיד ותיק
 
הודעות: 798
זיך רעגיסטרירט: פרייטאג יאנואר 19, 2018 5:53 pm
האט שוין געלייקט: 385 מאל
האט שוין באקומען לייקס: 787 מאל

הודעהדורך ליטוואק פון בודאפעסט » דאנערשטאג סעפטעמבער 03, 2020 9:17 pm

נאכאמאל, ער האט עס געטון פאר געלט? אדער להקטין האנושיות? מ'דארף מיט האלטן די קאנספיראציעס.

וועגן די אלע קאנספיראציעס פארשטיי איך נישט נאך עפעס. מ'גלויבט אז ביל געיטס טוט אזעלכע זאכן ווייל ער וויל און ער קען, יא? נו נו, אויב אזוי אפשר איז טראמפ אין די זעלבע פרשה. ער וויל שפילן מיט דער מענטשהייט, און ער שפילט מיט דיר כאילו ער טוט עפעס פאר'ן לאנד. וויאזוי קענסטו וויסן אז עס איז נישט דאס? ווייל ער רעדט דיר איין אז ער איז א רעכטע? הייסט'ס ער פארשטייט בעסער וויאזוי צו שפילן מיט דיר, און געיטס פארשטייט בעסער וויאזוי צו שפילן מיט די לינקע? זה הכל? פארוואס גלויבט מען דער קאנספיראסי און נישט דער? אויף ביידע איז דא פונקט אזעלכע גוטע באווייזונגן, ניין?
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9092 מאל

הודעהדורך יעקב מעקסוועל » דאנערשטאג סעפטעמבער 03, 2020 11:00 pm

אויב איינער זאגט ביל געיטס וויל הארגענען מענטשן, וויל איך נישט אריינגיין אין די וויכוח בכלל. נישט ווייל איך האב שטארקע ראיות אויף איין וועג אדער די אנדערע, עס איז פשוט מיין בחירה נישט אריינצוגיין אין אזא שמועס...

אבער מיט די פאלגענדע נקודה בין איך יא מסכים.

קורקלענד האט געשריבן:פארוואס פארשווייגט מען אנטיוואקסערס ווי איידער זיי צו דעבאטירן און אפּפרעגן?


די מציאות איז, די תירוצים וואס מען ענטפערט אויף די טענות פון די אנטי-וואקסערס איז זייער נישט צום ענין. פארוואס לייגט די דעפארטמענט אף העלט אריין עדס אז מען דארף וויכטיג וואקסינירן, אבער לייגט נישט אריין אביסל כח צו שרייבן פשוט'ע פאקטן און ציפערן וואס די אלגעמיינע עולם זאל פארשטיין?

די מענטשן וואס ווילן דווקא וויסן די עמקות הענין וועלן טרעפן די אינפארמאציע. די הייסע אנטי-וואקסערס וועלן נישט טוישן זייער מיינונג נישט קיין חילוק וואס, (קלאסישע קאגניטיוו דיסאנענס). אבער עס ליגט די אחריות אויף די מעדיקעל עסטעבלישמענט צו מסביר זיין פאר די אלגעמיינע ציבור, אזעלכע מענטשן וואס האבן נישט דורכגעטון די נושא, זיי הערן סברות פון די אנטי-וואקסערס, און זיי דארפן הערן די טרוקענע פאקטן צו קענען האבן א פשוט'ע מיינונג.
Thoroughly conscious ignorance, is the prelude to every real advance in science - James Clerk Maxwell
באניצער אוואטאר
יעקב מעקסוועל
מאנשי שלומינו
מאנשי שלומינו
 
הודעות: 38
זיך רעגיסטרירט: זונטאג יוני 07, 2020 12:30 pm
האט שוין געלייקט: 42 מאל
האט שוין באקומען לייקס: 77 מאל

Re: פאליטישע דעבאטע צווישן די אלטערנאטיווע יוניווערסן

הודעהדורך פאליטיקאנט » דאנערשטאג סעפטעמבער 03, 2020 11:31 pm

ליטוואק פון בודאפעסט האט געשריבן:נאכאמאל, ער האט עס געטון פאר געלט? אדער להקטין האנושיות? מ'דארף מיט האלטן די קאנספיראציעס.


ער האט עס געטון וועגן ער זוכט צו פארמיידן אווערפאפולעישן. דאס אז דו פרעגסט אז וויאזוי קען זיין ער האט נישט אין אכט גענומען די עקאנאמיע, נא אויף דעם איז פשוט אז ץ ער האט געמאכט די חשבון אז ער פערזענליך גייט יא אסאך פארדינען דערפון (װעל הוה) ממילא גייט עם נישט אן די אלגעמיינע עקאנאמיע ווילאנג די פאפולאציע ווערט רעדוצירט.
באניצער אוואטאר
פאליטיקאנט
ידיד ותיק
ידיד ותיק
 
הודעות: 798
זיך רעגיסטרירט: פרייטאג יאנואר 19, 2018 5:53 pm
האט שוין געלייקט: 385 מאל
האט שוין באקומען לייקס: 787 מאל

הודעהדורך קורקלענד » פרייטאג סעפטעמבער 04, 2020 12:05 am

ליטוואק פון בודאפעסט האט געשריבן:מר קורקלאנד פירט נישט אויס. לויט דיין קשיא'ס, גלויבסטו טאקע אז עס איז דא א שטארקע מעגליכקייט אז ביל געיטס האט פאבריצירט דער וויירוס אויף צו קענען אויסהרגנ'ן א גרויסע חלק פון די פאפולאציע פון די וועלט? דאס איז טאקע דיין שטעלונג, אדער דו פראבירסט נאר אויף אונז?

ווייל אויב יא, איז עס זייער נאריש מצדו. 'כמיין, וואס העלפט עס ווען א מיליאן מענטשן פארלירן זייער לעבן? וויפיל געלט פארדינט מען? מער ווי מ'האט דערלייגט דורך פארמאכן די וועלטס עקאנאמיא פאר מאנאטן לאנג? מצדו, האט זיך עס בכלל געלוינט? ער איז נישט גענוג קלוג דאס צו וויסן פאראויס?

איך 'גלויב' גארנישט. איך האלט נישט אז ביל געיטס האט פאבריצירט די ווירוס, און אויך האלט איך נישט אז ער האט עס נישט געטוהן. וואס יא, איך האלט אז די קשיות וואס ס'דא זענען שאלות וואס ס'זענען ווערד אריינצוקוקן דערין.

מיין פאזיציע אויף ביל געיטס איז ווי פאלגנד. איך קען איהם נישט פון זיין פילאנטראפישע פערספעקטיוו. נאר פון זיין ביזנעס פערספעקטיוו. פון יענע זייט האב איך איהם גוט אדורך געטוהן. דער מענטש אין ביזנעס האט נישט געהאט קיין שום ווירדן אדער טראסט און קיינמאל נישט געהאנדלט ערליך! טאָ ציוואס זאל איך טראכטן אז דא וויל ער פונקט זיין הילפבאר?

וואס מ'האט פארדינט? די פארשוינען וואס זענען מערסטנס געשלאגן געווארן מיט די ווירוס זענען אט יענע סארט וואס זענען א פאראזיטישע סארט פאר ציוויליזאציע. מערסטנס אלטע, קראנקע, ארעמע וכו'. נישט אויסצוהאלטן די חברה האט איינגעשפארט גאר אסאך.

דאס וואס די וועלט האט דערלייגט פון די עקאנאמישע צוזאמענברוך מאכט פאר ביל געיטס נישט קיין נפק''מ, ווארים ער איז גאר געווארן רייכער.
באניצער אוואטאר
קורקלענד
חבר ותיק
חבר ותיק
 
הודעות: 2264
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1928 מאל
האט שוין באקומען לייקס: 1378 מאל

הודעהדורך ליטוואק פון בודאפעסט » פרייטאג סעפטעמבער 04, 2020 7:06 am

יעקב מעקסוועל האט געשריבן:
די מענטשן וואס ווילן דווקא וויסן די עמקות הענין וועלן טרעפן די אינפארמאציע. די הייסע אנטי-וואקסערס וועלן נישט טוישן זייער מיינונג נישט קיין חילוק וואס, (קלאסישע קאגניטיוו דיסאנענס). אבער עס ליגט די אחריות אויף די מעדיקעל עסטעבלישמענט צו מסביר זיין פאר די אלגעמיינע ציבור, אזעלכע מענטשן וואס האבן נישט דורכגעטון די נושא, זיי הערן סברות פון די אנטי-וואקסערס, און זיי דארפן הערן די טרוקענע פאקטן צו קענען האבן א פשוט'ע מיינונג.

אט דאס איז געווען ראובן'ס פאוינט אין די ערשטע אשכול, אז די צוויי לאגערן רעדן נישט איינער צו די אנדערע, יעדער רעדט נאר זיין שפראך. איך האב פראבירט ביי עטליכע דאקטוירים אין לעיקוואד אז זיי זאלן ארויס געבן אינפארמאציע פאר'ן ציבור וואס טוט אריין נעמן אין חשבון די סקעפטיקער, אבער זיי קענען דאס נישט טון, זיי קענן זיך נישט ארויס טון פון זייער שטעלונג צו קענען רעדן א צווייטענס שפראך, וכן להיפך.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9092 מאל

הודעהדורך ליב צו וויסן » פרייטאג סעפטעמבער 04, 2020 8:35 am

קורקלענד האט געשריבן:
ליטוואק פון בודאפעסט האט געשריבן:מר קורקלאנד פירט נישט אויס. לויט דיין קשיא'ס, גלויבסטו טאקע אז עס איז דא א שטארקע מעגליכקייט אז ביל געיטס האט פאבריצירט דער וויירוס אויף צו קענען אויסהרגנ'ן א גרויסע חלק פון די פאפולאציע פון די וועלט? דאס איז טאקע דיין שטעלונג, אדער דו פראבירסט נאר אויף אונז?

ווייל אויב יא, איז עס זייער נאריש מצדו. 'כמיין, וואס העלפט עס ווען א מיליאן מענטשן פארלירן זייער לעבן? וויפיל געלט פארדינט מען? מער ווי מ'האט דערלייגט דורך פארמאכן די וועלטס עקאנאמיא פאר מאנאטן לאנג? מצדו, האט זיך עס בכלל געלוינט? ער איז נישט גענוג קלוג דאס צו וויסן פאראויס?

איך 'גלויב' גארנישט. איך האלט נישט אז ביל געיטס האט פאבריצירט די ווירוס, און אויך האלט איך נישט אז ער האט עס נישט געטוהן. וואס יא, איך האלט אז די קשיות וואס ס'דא זענען שאלות וואס ס'זענען ווערד אריינצוקוקן דערין.

מיין פאזיציע אויף ביל געיטס איז ווי פאלגנד. איך קען איהם נישט פון זיין פילאנטראפישע פערספעקטיוו. נאר פון זיין ביזנעס פערספעקטיוו. פון יענע זייט האב איך איהם גוט אדורך געטוהן. דער מענטש אין ביזנעס האט נישט געהאט קיין שום ווירדן אדער טראסט און קיינמאל נישט געהאנדלט ערליך! טאָ ציוואס זאל איך טראכטן אז דא וויל ער פונקט זיין הילפבאר?

וואס מ'האט פארדינט? די פארשוינען וואס זענען מערסטנס געשלאגן געווארן מיט די ווירוס זענען אט יענע סארט וואס זענען א פאראזיטישע סארט פאר ציוויליזאציע. מערסטנס אלטע, קראנקע, ארעמע וכו'. נישט אויסצוהאלטן די חברה האט איינגעשפארט גאר אסאך.

דאס וואס די וועלט האט דערלייגט פון די עקאנאמישע צוזאמענברוך מאכט פאר ביל געיטס נישט קיין נפק''מ, ווארים ער איז גאר געווארן רייכער.


קום אריין קלארער.. וואס זענען די ראיות אז ער האט דאס פראדוצירט?

זאגן אז עפעס "איז" ווייל "ס'מאכט סענס" איז ווייט פון גענוג..
מיליאנען זאכן "מאכן סענס" אבער זענען למעשה נישט אמת..
ס'מאכט סענס אז איך בין יעצט אין בהמ"ד, אינדערהיים, אין ארבעט, און גראדע בין איך אין קיין איינס דערפון.
ס'קען זיין "ס'מאכט סענס" אז ביל געיטס זאל האבן געמאכט אזא וויירוס.. ס'איז אבער פארהאנען נאך הונדערטער וועגן וויאזוי אזא וויירוס "וואלט געקענט" ווערן...
און גראדע דאס אז ס'איז געווארן דורך א "נאסע" מארקעט אין כינע "מאכט אויך סענס"...

און אצינד צום גאר קריטישן נקודה..
איינס פון די גרעסטע פראבלעמען פון די קאנספיראציע, און מערערע אנדערע קאנספיראציעס, איז אז זיי איגנארירן גאר קריטישע נאטורליכע עלעמענטן פון די מענטשהייט, נעמליך, די תאוה צו כבוד.. און די נאטורליכע "אום" צוזאמען ארבעט פון מערערע מענטשן..
יעדע איליגעל זאך וואס טוט ב'עוולען מיליאנען מענטשן און מערערע מענטשן האבן געברויכט זיין פארמישט דאס אויסצופירן, "מאכט נישט קיין סענס" אז קיינער פון זיי זאל נישט ארויסקומען מיט א באמבע און מודיע זיין וואס דא קומט פאר (ד.ה. מען דארף קודם עסטעבלישן א לעגיטימע סברה פארוואס קיינער פון זיי האט נישט געקענט ארויסקומען און פארציילן) און אז יעדער האט אזוי שיין צוזאמען געארבעט אז ס'האט נישט געליעקט בטעות (מען דארף עסטעבלישן א גענוג שטארקע סברה וויאזוי דאס האט נישט פאסירט)

אין אנדערע ווערטער..
אלעס קען זיין.. אבער די גראדע סברא מאכט רוב מאל "מער סענס"..
ליב צו וויסן
היימישער באניצער
היימישער באניצער
 
הודעות: 378
זיך רעגיסטרירט: זונטאג דעצעמבער 08, 2019 8:02 pm
האט שוין געלייקט: 792 מאל
האט שוין באקומען לייקס: 230 מאל

הודעהדורך חתם סופר » פרייטאג סעפטעמבער 04, 2020 8:54 am

יעקב מעקסוועל האט געשריבן:אויב איינער זאגט ביל געיטס וויל הארגענען מענטשן, וויל איך נישט אריינגיין אין די וויכוח בכלל. נישט ווייל איך האב שטארקע ראיות אויף איין וועג אדער די אנדערע, עס איז פשוט מיין בחירה נישט אריינצוגיין אין אזא שמועס...

אבער מיט די פאלגענדע נקודה בין איך יא מסכים.

קורקלענד האט געשריבן:פארוואס פארשווייגט מען אנטיוואקסערס ווי איידער זיי צו דעבאטירן און אפּפרעגן?


די מציאות איז, די תירוצים וואס מען ענטפערט אויף די טענות פון די אנטי-וואקסערס איז זייער נישט צום ענין. פארוואס לייגט די דעפארטמענט אף העלט אריין עדס אז מען דארף וויכטיג וואקסינירן, אבער לייגט נישט אריין אביסל כח צו שרייבן פשוט'ע פאקטן און ציפערן וואס די אלגעמיינע עולם זאל פארשטיין?

די מענטשן וואס ווילן דווקא וויסן די עמקות הענין וועלן טרעפן די אינפארמאציע. די הייסע אנטי-וואקסערס וועלן נישט טוישן זייער מיינונג נישט קיין חילוק וואס, (קלאסישע קאגניטיוו דיסאנענס). אבער עס ליגט די אחריות אויף די מעדיקעל עסטעבלישמענט צו מסביר זיין פאר די אלגעמיינע ציבור, אזעלכע מענטשן וואס האבן נישט דורכגעטון די נושא, זיי הערן סברות פון די אנטי-וואקסערס, און זיי דארפן הערן די טרוקענע פאקטן צו קענען האבן א פשוט'ע מיינונג.

https://gothamist.com/news/how-orthodox ... -community
באניצער אוואטאר
חתם סופר
שריפטשטעלער
שריפטשטעלער
 
הודעות: 995
זיך רעגיסטרירט: דינסטאג יוני 18, 2013 12:43 am
האט שוין געלייקט: 843 מאל
האט שוין באקומען לייקס: 1021 מאל

הודעהדורך קורקלענד » פרייטאג סעפטעמבער 04, 2020 9:38 am

חתם סופר האט געשריבן:
יעקב מעקסוועל האט געשריבן:אויב איינער זאגט ביל געיטס וויל הארגענען מענטשן, וויל איך נישט אריינגיין אין די וויכוח בכלל. נישט ווייל איך האב שטארקע ראיות אויף איין וועג אדער די אנדערע, עס איז פשוט מיין בחירה נישט אריינצוגיין אין אזא שמועס...

אבער מיט די פאלגענדע נקודה בין איך יא מסכים.

קורקלענד האט געשריבן:פארוואס פארשווייגט מען אנטיוואקסערס ווי איידער זיי צו דעבאטירן און אפּפרעגן?


די מציאות איז, די תירוצים וואס מען ענטפערט אויף די טענות פון די אנטי-וואקסערס איז זייער נישט צום ענין. פארוואס לייגט די דעפארטמענט אף העלט אריין עדס אז מען דארף וויכטיג וואקסינירן, אבער לייגט נישט אריין אביסל כח צו שרייבן פשוט'ע פאקטן און ציפערן וואס די אלגעמיינע עולם זאל פארשטיין?

די מענטשן וואס ווילן דווקא וויסן די עמקות הענין וועלן טרעפן די אינפארמאציע. די הייסע אנטי-וואקסערס וועלן נישט טוישן זייער מיינונג נישט קיין חילוק וואס, (קלאסישע קאגניטיוו דיסאנענס). אבער עס ליגט די אחריות אויף די מעדיקעל עסטעבלישמענט צו מסביר זיין פאר די אלגעמיינע ציבור, אזעלכע מענטשן וואס האבן נישט דורכגעטון די נושא, זיי הערן סברות פון די אנטי-וואקסערס, און זיי דארפן הערן די טרוקענע פאקטן צו קענען האבן א פשוט'ע מיינונג.

https://gothamist.com/news/how-orthodox ... -community

וואו קען מען זעהן זייער ביכל? בּד''וו וואס זענען די נוירסעס עקספערטיזן אין וואקסינען? איך בין גראדע נישט אויסגעקאכט אין די וואקסין נושא, אבער די דאקטוירים וואס איך האב געפרעגט אין א אףף די רעקאָרד שמועס זענען זיי אויך נישט קלאר אין די אויפריכטיקייט, ספעציעל די פלו שׁאַט. ווען ס'קומט צו פארענטפערן די טשיקען פּאַקס שׁאַט איז אויך נישט קלאר ציוואס מ'דארף עס ארויפצווינגן.

דערנאל איז דא די אנדערע שאלות וויאזוי איינער וואס נעמט נישט קיין שׁאַטס שטעלט איין ס'לעבן פאר די וואס נעמען עס סייוויסיי...
באניצער אוואטאר
קורקלענד
חבר ותיק
חבר ותיק
 
הודעות: 2264
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1928 מאל
האט שוין באקומען לייקס: 1378 מאל

הודעהדורך שמערל » פרייטאג סעפטעמבער 04, 2020 9:54 am

אויב וואלט ווען געווען אמת אז די אנטי וועקסערס זענען נישט קיין קאנספיראטירער, און ווילן בלויז וויסן די פאקטן, וואלט ווען זיי בלויז געברויכט אינטערעסירן איין שאלה. איז דא עווידענס אז וואקסינען זענען שעדליך אדער נישט? יעדער דאקטאר אדער נורס אדער סיי וועלכע מענטש וואס איז האט גענוג א עקספערטיז וויאזוי צו ליינען פאקטן, וועט דאס דיר קענען ענטפערן. די אלע אנדערע שאלות דיינע זענען דאך אירעלעווענט, אויב איז א וואקסן נישט שעדליך, פארוואס פונקטליך באדערט דיר אז דיין קינד וועט נישט האבן קיין טשיקען פאקס?
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1110
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1213 מאל
האט שוין באקומען לייקס: 1353 מאל

הודעהדורך חתם סופר » פרייטאג סעפטעמבער 04, 2020 10:02 am

קורקלענד האט געשריבן:וואו קען מען זעהן זייער ביכל?

https://www1.nyc.gov/assets/doh/downloa ... ice-of-pie
באניצער אוואטאר
חתם סופר
שריפטשטעלער
שריפטשטעלער
 
הודעות: 995
זיך רעגיסטרירט: דינסטאג יוני 18, 2013 12:43 am
האט שוין געלייקט: 843 מאל
האט שוין באקומען לייקס: 1021 מאל

הודעהדורך שמערל » פרייטאג סעפטעמבער 04, 2020 10:06 am

קורקלענד האט געשריבן:לאמיר אנהויבן הייפּאטעטיש

אויב ביל געיטס איז בשיטה לטובת א קלענערע פאפולאציע איבער די וועלט? אויב האט זיין 'צדקה' קאסע אינוועסטירט ביליאנען אין מעטאדען וויאזוי צו טוישן די וועלט אז די עולם זאל אויפהערן פראדוצירן?

אויב ביל געיטס איז אינוועסטירט אין וואקסינאציעס? אויב ביל געיטס וויל ניצן וואקסינאציעס אלס א אונטערטיר צו אנטשיידן אנדערע פראבלעמען זיינע?

אויב האט ער בייזוויליגע פלענער? קען ער דאס באהאלטן?

פארוואס פארשווייגט מען אנטיוואקסערס ווי איידער זיי צו דעבאטירן און אפּפרעגן?


אפילו אויב זאל ביל געיטס זיין א גלגול פון היטלער בכבודו ובעצמו, און אפען רופן צו די מארד פון אלע אינטער ראסע מענטשן, איז עס נאכאלס א ווילדע קאנספיראציע אנצוקלעבן אין אים א ווירוס אין די ווייטע כינע.

געווענליך, ווען מיר באצייכענען עפעס אלס א קאנספיראציע, מיינט עס נישט אז עס איז שקר, עס מיינט אז עס איז נישטא קיין שום ראיה פארוואס עס זאל זיין מער אמת ווי א אנדערע פיל פשוטערע סיבה.
ווען מיר באצייכענען איינעם אלס א קאנספיראציע גלויבער, מיינען מיר איינער וואס וועט געווענליך זיין מער צוגעצויגן צו גלייבן אין א טעאריע וואס איז מער פאנטאסטיש, ווי איידער אננעמען די פשוטערע טעאריע וואס איז מער עולה על השכל. דאס אז געוויסע מענטשן זענען מער נוטה צו גלייבן אין ווילדע טעאריעס אן קיין שום האפט, וועט באטראכט דורך די וואס גלייבן אין די פשוטערע מער געווענליכע סיבות, ווי אומראציאנאל, און ווי א פסיכישע פראבלעם.
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1110
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1213 מאל
האט שוין באקומען לייקס: 1353 מאל

הודעהדורך קורקלענד » פרייטאג סעפטעמבער 04, 2020 10:10 am

שמערל האט געשריבן:אויב וואלט ווען געווען אמת אז די אנטי וועקסערס זענען נישט קיין קאנספיראטירער, און ווילן בלויז וויסן די פאקטן, וואלט ווען זיי בלויז געברויכט אינטערעסירן איין שאלה. איז דא עווידענס אז וואקסינען זענען שעדליך אדער נישט? יעדער דאקטאר אדער נורס אדער סיי וועלכע מענטש וואס איז האט גענוג א עקספערטיז וויאזוי צו ליינען פאקטן, וועט דאס דיר קענען ענטפערן. די אלע אנדערע שאלות דיינע זענען דאך אירעלעווענט, אויב איז א וואקסן נישט שעדליך, פארוואס פונקטליך באדערט דיר אז דיין קינד וועט נישט האבן קיין טשיקען פאקס?

ס'איז כסדר אין די נייעס יעדע מאנטיק און דאנערשטאג אז דע אדער יענע מעדיצין וואס מ'האט אונז פארקויפט אז ס'איז נישט שעדליך איז אין אמת'ן יא שטארק שעדליך און געווענליך קומט עס הערשט ארויס נאך לאנגע יארן.

געווען אמאל א מענטל העלטה מעדיצין פון דזשאנסאן און דזשאנסאן וואס מ'האט געגעבן פאר קינדער. און יארן שפעטער ווען די קינדערלעך זענען מתבוגר געווארן זענען ארויסגעוואקסן דדים פון די זכרים! און שפעטער האט זיך ארויסגעשטעלט אז דזשאנסאן און דזשאנסאן האט זייער פיין געוויסט בעוד מועד דערפון און טראץ דאס האבן זיי עס באהאלטן! ס'איז 'כמעט' נישט בארעכטיגט ארויפצווינגן עפעס אויף א צווייטן און שרייען אז ס'איז נישט רעלעוואנט איז פשוט איגנאראנט. ס'קען געדויערן 'צענדליגע' יארן ביז מ'ווערט געוואויר אויב וואקסינען פאראורזאכן קענסער. רויכערן און אסבּעסטאס האט אויך געדויערט צענדליגע יארן ביז מ'האט עס קלאר געמאכט. און אויב איינער וויל נישט טאר מען איהם נישט צווינגן.
באניצער אוואטאר
קורקלענד
חבר ותיק
חבר ותיק
 
הודעות: 2264
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1928 מאל
האט שוין באקומען לייקס: 1378 מאל

הודעהדורך שמערל » פרייטאג סעפטעמבער 04, 2020 10:20 am

דו פראבירסט מיר מסביר צו זיין פארוואס דו האלטסט אז וואקסינען "קענען" זיין שעדליך. וואס אויף דעם האב איך דיר שוין געזאגט אז יעדע קאנספיראציע "קען" זיין אמת, אבער לעת עתה איז נישט קיין שום ראציאנאלע סיבה פארוואס אזוי צו גלייבן.
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1110
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1213 מאל
האט שוין באקומען לייקס: 1353 מאל

הודעהדורך שמערל » פרייטאג סעפטעמבער 04, 2020 10:41 am

די מעשה וויאזוי מען האט מען האט גערופן זשאנסאן ענד זשאנסאן אין געריכט וועגן די Risperdal מעדיצין, איז נישט קיין ראיה אז וואקסינען "זענען" שעדליך, עס איז אויב עפעס א ראיה אז מעדיצינען "קענען" זיין שעדליך וואס אויף דעם איז דאך לית מאן דפליג.

אבער אויף דעם טאקע האבן מיר אויפגעשטעלט א גאנצע רעגירונגס ארגעניזאציע וואס טוהט טאקע די ארבעט פון נאכגיין די פארבריצירער און זיכער מאכן אז אלע מעדיצינען זענען נישט שעדליך צו נעמען. אין אונזער פאל ווי עס האט זיך ארויסגעשטעלט א שטיקל סייד עפעקט ביי געוויסע אז די וואס האבן עס גענומען האבן באקומען גרעסערע דדים "בשעתן" זיין אויף די פיל (שלא כדבריך אז עס האט גענומען יארן ארויסצוקומען). האט טאקע די רעגירונג געקלאגט די פירמע זשאנסאן ענד זשאנסאן אין געריכט, און זיי האבן באצאלט א קנס פון 2 ביליאן דאלאר פארדעם. פאר מיר איז דאס א ראיה אז די סיסטעם איז ווירקזאם און פירמעס זענען זייער פארזיכטיג נישט ארויסצוגעבן שעדליכע מעדיצינען, און מען הערט טאקע כמעט נישט אזוינע מעשיות. (שלא כדבריך אז עס פאסירט כסדר).

דאס איז ביי סתם מעדיצינען, וואס ווי נישט ווי קומט מען כסדר אויף מיט נייע מעדיצינען און עס קען זיך אלס אריינווארפן א סייד עפעקט וואס קיינער האט נישט פאראויס באמערקט. וואקסינען אויף די אנדערע הענט, ווי די זעלבע אינגרידענטס ווערט באנוצט און געפארשט מיט אומצאליקע שטודיעס פאר לאנגע יארן, און קיינע פון די אינגרידענטס זענען נישט אויפגעקומען צו זיין שעדליך, איז אודאי און אודאי נישטא קיין שום ראציאנאלע סיבה פארוואס חושש צו זיין אז ס'איז יא שעדליך.
רעדאגירט געווארן צום לעצט דורך שמערל אום פרייטאג סעפטעמבער 04, 2020 10:55 am, רעדאגירט געווארן איין מאל בסך הכל.
שמערל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1110
זיך רעגיסטרירט: מאנטאג מאי 27, 2013 7:05 pm
האט שוין געלייקט: 1213 מאל
האט שוין באקומען לייקס: 1353 מאל

הודעהדורך ליטוואק פון בודאפעסט » פרייטאג סעפטעמבער 04, 2020 10:49 am

געוויסע חולים נעמן געוויסע מעדיצינער, און עס מאכט זיך אז מ'כאפט אז דאס איז פארבונדן מיט שעדליכקייטן. פשוט פון שכל, א וואקסין וואס יעדער אין לאנד נעמט, און נישט נאר אין לאנד נאר אין דער וועלט, וואלט מען פיל שנעלער געכאפט די פראבלעמן דערפון. דאס צו פארשווייגן וואלט גענומן א כח וואס קיינער אין דער וועלט האט נישט. ווען מיליאנער מענטשן ווייסן פון עפעס, ווער האט גענוג געלט זיי אלע צו פארשווייגן?
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9092 מאל

הודעהדורך קורקלענד » פרייטאג סעפטעמבער 04, 2020 11:12 am

שמערל האט געשריבן:דו פראבירסט מיר מסביר צו זיין פארוואס דו האלטסט אז וואקסינען "קענען" זיין שעדליך. וואס אויף דעם האב איך דיר שוין געזאגט אז יעדע קאנספיראציע "קען" זיין אמת, אבער לעת עתה איז נישט קיין שום ראציאנאלע סיבה פארוואס אזוי צו גלייבן.

וויבאלד זיי 'קענען' זיין שעדליך איז שוין גענוג אז מ'זאל נישט מעגן ארויפצווינגן וואקסינאציעס אויף ווער ס'וויל נישט און די אחריות איז אויף די וואס צווינגן עס ארויף אויפציווייזן אז ס'קען אינגאנצן נישט זיין שעדליך. אז נישט איז נישט ריכטיג עס ארויפצווינגן אויף אנדערע.
באניצער אוואטאר
קורקלענד
חבר ותיק
חבר ותיק
 
הודעות: 2264
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1928 מאל
האט שוין באקומען לייקס: 1378 מאל

הודעהדורך ליטוואק פון בודאפעסט » פרייטאג סעפטעמבער 04, 2020 11:16 am

קלאר ארויס געשריבן!

דא האט מען די צויי וועלטן.

וואקסינס 'קענען' זיין שעדליך, וואס טוט מען דא?

צד א - מ'פארשט ווייטער, מ'זוכט און מ'קוקט אויף יעדער וואס האט עס גענומן צו זען וואס און ווען, און דערנאך ווייסט מען מער און מער. טאמער עס קומט אויס אז עס איז טאקע שעדליך, נעמט מען עס אראפ פון די מארק, און מ'מעג עס שוין נישט געבן. טאמער עס ווערט נתברר אז עס איז נישט שעדליך, איז דאך אוודאי גוט.

צד ב - אז עס 'קען' זיין שעדליך, איז עס שוין א פארלעצונג פון פרייהייט, און דער עיקר איז, נישט צווינגן יענעם צו נעמן.

גיי רעד איין זייט צום אנדערע.
The greatest obstacle to discovery is not ignorance--it is the illusion of knowledge.
(Daniel J. Boorstin) דא
באניצער אוואטאר
ליטוואק פון בודאפעסט
שריפטשטעלער
שריפטשטעלער
 
הודעות: 9606
זיך רעגיסטרירט: מיטוואך דעצעמבער 19, 2012 7:51 pm
האט שוין געלייקט: 3280 מאל
האט שוין באקומען לייקס: 9092 מאל

הודעהדורך קורקלענד » פרייטאג סעפטעמבער 04, 2020 11:21 am

ליטוואק פון בודאפעסט האט געשריבן:געוויסע חולים נעמן געוויסע מעדיצינער, און עס מאכט זיך אז מ'כאפט אז דאס איז פארבונדן מיט שעדליכקייטן. פשוט פון שכל, א וואקסין וואס יעדער אין לאנד נעמט, און נישט נאר אין לאנד נאר אין דער וועלט, וואלט מען פיל שנעלער געכאפט די פראבלעמן דערפון. דאס צו פארשווייגן וואלט גענומן א כח וואס קיינער אין דער וועלט האט נישט. ווען מיליאנער מענטשן ווייסן פון עפעס, ווער האט גענוג געלט זיי אלע צו פארשווייגן?

די שאלה איז וואספארא פראבלעמען זיי פאראורזאכן און ווילאנג ס'דויערט ס'זאל ארויפקומען און ווי שעדליך ס'איז, און ס'מערסט וויכטיג צו מען קען איבערווייזן אז דאס איז טאקע וואס איז שולדיק. ס'איז אסאך מער קאמפליצירט ווי ס'זאגט זיך און ווייט פון פשוט.

נעם אזא מעדיצין ווי זענטעק, וואס איז געווען פולקאם 'סעיף' און פארזיכערט פאר פּיצי איפענטן, דאקטוירים האבן עס געפיטערט ווי קענדיס פאר ניי געבוירן קינדער. און פלוצלינג בּום! ס'ברענגט קענסער! און אראפ פון די פאליצעס.

וויפיל יאר האט געדויערט געוואויר צו ווערן אז קארסינעדזשענס קענען פאראורזאכן קענסער? און דערנאך ביז מ'האט עס ערפינדן אויף זענטעק? איך האב פאר צוויי יאר צוריק געהאט א קליין קינד מיט ריפלאקס, איך האב געפרעגט דעם דאקטאר פיר מאל זיכער נישטא קיין פראבלעם, און ער האט מיט קאנפידענץ געזאגט ניין! און צוויי חדשים שפעטער.....

ס'זעלבע האט מען געזאגט אויף זאפרעו, ביז, מ'איז געוואויר געווארן, טאקע שאדט נישט פאר רוב אבער פאר געוויסע קען עס זיין זייער שעדליך וכו'
באניצער אוואטאר
קורקלענד
חבר ותיק
חבר ותיק
 
הודעות: 2264
זיך רעגיסטרירט: מיטוואך דעצעמבער 31, 2014 3:28 pm
האט שוין געלייקט: 1928 מאל
האט שוין באקומען לייקס: 1378 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 3 געסט