איך וויל מיך גט'ן

[כפתור]

דער @ערליכעראיד האט געלאזט דעם עולם געשפאנט.
אזויפיל איז זיכער אז ער האט אנגערירט א רויע נערוו, און ער איז מסתם נישט דער איינציגסטער וואס דרייט זיך ארום מיט אזעלעכע מחשבות.
ער האט געבעטן הילף, אבער נישט געלאזט צופיל אינפארמאציע איבער זיין מצב. דער עולם טענה'ט זיך צי ער זאל ווארטן ביז ער מאכט חתונה אלע קינדער, דערווייל ווייסט מען נישט צו ער האט בכלל קינדער.
ר' ערליכער, קומט אריין קלאר. ביי אונדז איז נישט קיין חילוק אויב איר האט שוין געטוישט אדער איר ווילט טוישן

[רביה''ק זי''ע]

זיגמונד פרויד פלעגט טענה׳ן אז די אלע ענינים פון מאראל/ווירדן/וועליוס זענען סתם מייסעלעך וואס מיר פארציילן פאר זיך אליינס צו פארדעקן אונזערע שוואכקייטן און פחדים/פאביעס, אמאל פלעג איך לאכן פון איהם פאר׳ן רעדן אזעלכע נארישקייטן, ווי א טאג ס׳גייט פארביי אלץ מער זעה איך איין ווי גערעכט ער איז געווען. צ.ב. א מענטש איז אומצופרידן אין די חיי נישואין זיינע אבער ער האט נישט די קוראזש זיך צו גט׳ן, אנשטאט פילן שלעכט אז ער האט נישט די קוראזש צו טוהן וואס איז גוט פאר איהם פארציילט ער א מעשה אז ער מיינט די וואוילזיין פון זיינע קינדער גאר. ווי אויך איז דא אמאל איינער וואס האט נישט ליעב ווען מענטשן גט׳ן זיך מיט קינדער ווייל ער פארכט זיך אז אויב די קינדער וועלן אויפוואקסן אן א דאפלטע השגחה וועלן זיי אויפוואקסן אביסעלע צו אויפגעקלערט, איז אנשטאט מודה זיין צו זיך אז ער האט א פאביע פון קינדער וואס וואקסן אויף מיט א לויזע השגחה פארציילט ער זיך א שיינע מעשה פון וועליוס און אז קינדער ״דארפן״ א ״נארמאלע״ שטוב.

[די קעניג פין אמעריקע]

נישט די ערשטע זאך פון פרויד וואס איז ממש זינלאז!

[זופ מיט מאנדלען]

איך ווייס נישט צו אלע ענינים פון מאראל זענען נאר צו פארדעקן עפעס, אבער עס איז זיכער אז רוב מאל ווען א מענטש רעדט פון מאראל איז עס נישט דער גאנצער פראבלעם זיינער.

[די קעניג פין אמעריקע]

זאלס מיר שטארק מוחל זיין. וואס דו שרייבסט האט נישט קיין הענט און קיין פיס.
דו האלסט אז עס איז אויסגעהאלטן צו איינמייערען קינדער און דערנאך זיי לאזן הפקר מיט די מאמע ווייל מען וויל זיך גיין הנאה האבן אין א אנגדערע לייוו סטייל??? אויב יא האב איך גענדיגט די שמיעס מיט דיר!
און אויב האלסטו נישט אזוי דאן וואס דרייסטו א קאפ מיט די נערישע תגובות???

[זופ מיט מאנדלען]

איך האב בסך הכל רעאגירט אויף דעם וואס די האסט באטיטלט דאס וואס רביה"ק האט געברענגט פון פרויד אלס זינלאז, איך ווייס נישט ווי די זעסט דא איך זאל זאגן אז ער מעג איבערלאזן זיין ווייב און קינדער.

[רביה''ק זי''ע]

דו האלסט אז עס איז אויסגעהאלטן צו איינמייערען קינדער און דערנאך זיי לאזן הפקר מיט די מאמע ווייל מען וויל זיך גיין הנאה האבן אין א אנגדערע לייוו סטייל????

ווער האט גערעדט פון הפקר? כ׳מיין אז דו זאלסט רעדעפינירן ״הפקר״ ווייל איך זעה נישט וואו ס׳קומט אהער.

[די קעניג פין אמעריקע]

די וועלטס שטייגער איז אז א קינד האט א טאטע מיט א מאמע. און אז א טאטע פאקט פעק און לאזט די קינדער אליינס מיט דו מאמע, איז די ווארט הפקר זייער פאסיג.

[רביה''ק זי''ע]

יא, די שאלה איז יעצט צו דו האסט אמאל מיטגעהאלטן א נארמאלע דיווארס אויך.

[א חסיד פון ווילנא]

פאר א סיבה שטייט אין די תורה א מצוה פון גט׳ן
עת לקרב ועת לרחק
אמאל איז א מצוה זיך צו גט׳ן און מ׳ קען נישט קוקן אויף די קינדער, עס איז זייער ווייטאגלעך אבער עס איז נישט דא קיין ברירה נאר בוחר זיין הרע במיעוטו

Sent from my LM-X210CM using Tapatalk

[דעת]

לאמיר זאגן די טאטע וויל גיין איין לייפסטייל און, לויט ווי רוב עולם זאגט דא, זאל ער גיין. נעבעך וואס איז ער שולדיג אז ער האט געהאט די אלע קינדער, ער קען נישט אייביג קוקן אויף דעם. פארפאלן, ער מעג טון וואס ער האט צו טון און שוין.

וואס טוט מען אבער אויב די ווייב דיסיידט אויך אז זי וויל אן אנדערע לייפסטייל און עס איז אנדערש ווי די לייפסטייל וואס דער טאטע וויל?
דארף זי יעצט בליין מיט ערציען די קינדער? לויט רוב דא, איז די ענטפער ניין!

נעבעך, זי האט אויך נישט געהאט קיין בחירה. זי מעג דאך זיכער אויך אנטלויפן און האבן א פרישע טשענס. ניין?

נו, וואס טוט מען מיט די קינדער???!!

באבע זיידע לעבן שוין נישט אדער האבן אויך דיסיידעד צו גיין א דיפרענט לייף סטייל.

א בית יתומים. אקעי.
אבער וואס טוט מען אויב די מענטש פון די בית יתומים האט אויך דיסיידעד צו גיין א דיפרענט לייף סטייל?

[די קעניג פין אמעריקע]

פאר א סיבה שטייט אין די תורה א מצוה פון גט׳ן
עת לקרב ועת לרחק
אמאל איז א מצוה זיך צו גט׳ן און מ׳ קען נישט קוקן אויף די קינדער, עס איז זייער ווייטאגלעך אבער עס איז נישט דא קיין ברירה נאר בוחר זיין הרע במיעוטו

Sent from my LM-X210CM using Tapatalk

מאכט יעצט ממש ׳סענס׳

די סיבה פארוואס מ׳גייט דא אויפמעסן די קינדער לעבן איז?......
ווייל ער וויל גיין הנאה האבן אין א צווייטע לעבנסשטייגער...!

הערליך! דאס הייסט מענטשליך?

אין מיינע אויגן איז אזא איינער מער א הינט ווי א מענטש.

[די קעניג פין אמעריקע]

בכל אופן הרב ערליכע איד ס׳איז נישט רעלעוואנט זיך צו טענהנען מיט די עולם דא.
נאר איין זאך פאר די טיסט אזא זאך הער אויס רעבעצין לארע אויף אפאר טעג און דערנאך זיי מחליט.
דארפסט סוסקרייבן אויף Sirius xm נישט טייער אויף די ערשטע 3 חדשים.
זי איז טשאנאל 111. הער און מאך א informed decision נישט עפעס וואס אויפן טויט בעטל וועסטו זיך נישט קענען מוחל זיין.
איך קען נישט מער מגיב זיין אויף די אשכול דא ווייל ס׳רייסט מיר ממש דאס הארץ אויף טייל תגובות דא.
ולה׳ הישועה.

[בת קול]

לאמיר זאגן די טאטע וויל גיין איין לייפסטייל און, לויט ווי רוב עולם זאגט דא, זאל ער גיין. נעבעך וואס איז ער שולדיג אז ער האט געהאט די אלע קינדער, ער קען נישט אייביג קוקן אויף דעם. פארפאלן, ער מעג טון וואס ער האט צו טון און שוין.

וואס טוט מען אבער אויב די ווייב דיסיידט אויך אז זי וויל אן אנדערע לייפסטייל און עס איז אנדערש ווי די לייפסטייל וואס דער טאטע וויל?
דארף זי יעצט בליין מיט ערציען די קינדער? לויט רוב דא, איז די ענטפער ניין!

נעבעך, זי האט אויך נישט געהאט קיין בחירה. זי מעג דאך זיכער אויך אנטלויפן און האבן א פרישע טשענס. ניין?

נו, וואס טוט מען מיט די קינדער???!!

באבע זיידע לעבן שוין נישט אדער האבן אויך דיסיידעד צו גיין א דיפרענט לייף סטייל.

א בית יתומים. אקעי.
אבער וואס טוט מען אויב די מענטש פון די בית יתומים האט אויך דיסיידעד צו גיין א דיפרענט לייף סטייל?

פארוואס מיינט טרעפן א נייע לייף סטייל איבערלאזן די קינדער?
האב איך דא עפעס פארזעהן? סך הכול וויל ער א גט. די קינדער וועלן האבן 2 רוהיגע שטיבער אנשטאט איין שטוב פיל מיט צומישעניש.

[ערליכער איד]

יישר כח פאר אלע מגיבים

איך מיין ארויס צוברענגן, אז אסאך וואס דרייען זיך דא ארום, אדער אפי׳ וואס דרייען זיך נישט דא ארום, זענען אין דעי זעלבע מצב, נישט צופרידן מיטן ווייב, מיט זיין גאנצע ארום. זיין לבוש,ארבעט,די ווייבס אנגעטועכס,האט צוטיען מיטן טאטען,מאמען, שווער, שוויגער, איז די שאלה וואס זאל ער טיען לפי האמת,
פארוואס 45 פראצענט פון גוים, אפי׳ מיט קינדער גט׳ן זיך. איז אונזער סיסטעם אויסגעשטעלט אקעגן זיך גט׳ן. מוסדות, שידוכים, וכו׳

[שמחהלע קאפשטיק]

א גוט מארגען @ערליכער איד,
דער עולם האט שוין געווארט אויף דיר.

[זופ מיט מאנדלען]

א מין סומאטוכע....

ווייסט אז די האסט כמעט גורם געווען פאר @די קעניג פון אמעריקע א הארץ אטאקע....

[אישתישבי]

יישר כח פאר אלע מגיבים

איך מיין ארויס צוברענגן, אז אסאך וואס דרייען זיך דא ארום, אדער אפי׳ וואס דרייען זיך נישט דא ארום, זענען אין דעי זעלבע מצב, נישט צופרידן מיטן ווייב, מיט זיין גאנצע ארום. זיין לבוש,ארבעט,די ווייבס אנגעטועכס,האט צוטיען מיטן טאטען,מאמען, שווער, שוויגער, איז די שאלה וואס זאל ער טיען לפי האמת,
פארוואס 45 פראצענט פון גוים, אפי׳ מיט קינדער גט׳ן זיך. איז אונזער סיסטעם אויסגעשטעלט אקעגן זיך גט׳ן. מוסדות, שידוכים, וכו׳

ברוך השם די ווילסט נאר רעדן וועגן גט'ן, אבער די אליין ווילסט דיך נישט גט'ן, אפשר ווילסטו נאר יענער זאל זיך קענען גט'ן? וואס גייט דיר אהן אז יענער איז חתונה געהאט?

[רביה''ק זי''ע]

כ׳מיין אז ער איז שוין גע׳גט ער וויל נאר נישט זיין דער איינציגסטער, misery loves company.

[mevakesh]

יישר כח פאר אלע מגיבים

איך מיין ארויס צוברענגן, אז אסאך וואס דרייען זיך דא ארום, אדער אפי׳ וואס דרייען זיך נישט דא ארום, זענען אין דעי זעלבע מצב, נישט צופרידן מיטן ווייב, מיט זיין גאנצע ארום. זיין לבוש,ארבעט,די ווייבס אנגעטועכס,האט צוטיען מיטן טאטען,מאמען, שווער, שוויגער, איז די שאלה וואס זאל ער טיען לפי האמת,
פארוואס 45 פראצענט פון גוים, אפי׳ מיט קינדער גט׳ן זיך. איז אונזער סיסטעם אויסגעשטעלט אקעגן זיך גט׳ן. מוסדות, שידוכים, וכו׳

די ערשטע זאך איז ווען מען איז נישט צופרידן מיט די ווייב קינדער אדער ארום דארף מען זיך פרעגן, איז דער פראבלעם מיט מיר אדער מיט'ן ארום? זייער אסאך מאל איז דער פראבלעם מיטן מענטש אליין און גט'ן גייט נישט באמת העלפן נאר לינדערן דעם ווייטאג אויפ'ן מינוט. און דאס געוואויר צו ווערן איז געווענליך נישט קיין גרינגע ארבעט, עס פאדערט אסאך ארבעט און אויפריכטיגקייט און געווענליך דארף מען הילף פון מענטשן פון אינדרויסן דאס צו דערגיין.

יעצט אונז אידן חוץ פון דעם וואס מען לייגט גאר א שטארקע דגוש אויף קדושת הבית ארבעט מען אויף שלימות אז דער מענטש זאל זיך אויסארבייטן די מדות ווי ווייט מעגליך און דאס איז דער ציהל, און נישט אז זאכן זאלן זיין באקוועם. ממילא וועט מען ארבייטן גאר שטארק אריינצוקוקן אין זיך און זעהן ווי מען קען זיך פארבעסערן צו גרינגער מאכן די רילעשאנשיפ מיט ארומיגע.

פארשטייט זיך אז אסאך מאל איז די ריכטיגע זאך זיך צו גט'ן און דאס איז וואס מען דארף טוהן, אבער דאס איז ווען מען האט באמת אריינגעלייגט ארבעט אין זיך און עס איז קלאר אז דאס איז דער פראבלעם.

פארשטייט זיך אויך אז מיר האבן גאר אסאך פרעשור פון ארומיגע וויאזוי מען קוקט עס אהן וואס וואלט געווען בעסער אז עס איז נישט דא, אבער ווי אויסגעשמועסט איז דא א שטארקע סברה אז גט'ן זאל נישט זיין די אפציע אזוי אפט ווי עס קען זיך דאכטן.

[גרעפיקסער]

יישר כח פאר אלע מגיבים

איך מיין ארויס צוברענגן, אז אסאך וואס דרייען זיך דא ארום, אדער אפי׳ וואס דרייען זיך נישט דא ארום, זענען אין דעי זעלבע מצב, נישט צופרידן מיטן ווייב, מיט זיין גאנצע ארום. זיין לבוש,ארבעט,די ווייבס אנגעטועכס,האט צוטיען מיטן טאטען,מאמען, שווער, שוויגער, איז די שאלה וואס זאל ער טיען לפי האמת,
פארוואס 45 פראצענט פון גוים, אפי׳ מיט קינדער גט׳ן זיך. איז אונזער סיסטעם אויסגעשטעלט אקעגן זיך גט׳ן. מוסדות, שידוכים, וכו׳

קוקט מיר אויס אז דער גאנצער אשכול איז געפארן אביסל אראפ פון די רעלסן.

ווי איך פארשטיי, איז דער נקודה פונעם פותח האשכול נישט דן צו זיין ׳ווען׳ און ׳אויב׳ ס׳איז ריכטיג זיך צו גט׳ן... די זאך דא איז אז ווען מ׳האלט שוין נאכ׳ן אפוועגן אלע צדדים און מ׳מאכט אפ אז מ׳דארף יא נעמען דעם שריט און דעריבער מאכט מען אפ דאס וואס דער קעפל פון דעם אשכול לויטעט { יא, קוק ארויף }, איז יעצט אחרי ככלות הכל שטאלפערט מען זיך אן אין א ערענסטן פראבלעם עס אויסצופירן...

דער נאמען פון דעם פראבלעם איז אונזער אלעמען באקאנטן... נו, פיר אויס...?












׳סיסטעם׳!



יא. ליידער, ליידער איז דא פיהל וואס וואלטן קלאר געדארפט טון דעם שריט און האלטן זיך אפ דערפון מחמת זייטיגע סיבות, וואס ברויך אדרעסירט ווערן...

[קאך_לעפל]

ערווארט נישט גארנישט וועסטו נישט אנטוישט ווערן, האט עמיצער פריער דא פריער זאכליך ערווענט.

געווען איז עס חמישה עשר בשבט, רבינו הקדוש מסאטמאר זי''ע האט דאן געוויילט אין פלארידע, ווי עס איז די שטייגער פון צדיקים. דער רבי האט דאן דארט געפירט דאס פירות טיש וואו עס האבן זיך באטייליגט א טייל פון די ארטיגע וואקאציאנערן, און דער רבי האט געטיילט שיריים פון די פירות פאר די אנוועזענע. איז געווען דארט א חתן וואס האט אין יענע טעג זיך געגרייט צו גיין אונטער די חופה, און ער געבעטן אז די רבי זאל אים געבן א באזונדערע פרוכט פאר זיין כלה נאה וחסודה. דער רבי האט זיך פארקלערט פאר א וויילע און דאן רופט ער זיך אן ניין! מיט דאס וואס דו האסט, זאלסטו דיך טיילן מיט דיין ווייב! די אנוועזענע האבן זיך שטארק צושמייכלט פון די טיפע שלום בית לעקציע וואס דער רבי האט אזוי אינאיינוועגס געשאנקן פארן חתן עטליכע טעג איידער זיין חתונה.

דער צדיק און דאקטאר רבי אברהם יושע טווערסקי ז''ל וואס איז אקארשט נפטר געווארן, איז אמאל געלאדענט געווארן אויפצוטרעטן ביי א מער-מאדערערנע פארזאמלונג אין די שטאט טינעק - ניו זשערסי. האט עמיצער אים דארט געפרעגט צו זיין פאטער דער מילוואקי רבי, רבי יעקב ישראל ז''ל, האט געגליכענט זיין ווייב, האט אים דער דאקטאר גענטפערט אז יא! און ער האט באלד צוגעלייגט, נישט מיט קיין האליוואד-סארט ליבע וועלכע איז באשיינפערליך נישט קיין ליבע.
ער האט דאס באלד עקלערט מיט א געשיכטע פונעם הייליגן קאצקער זי''ע.
דער קאצקער האט אמאל געזען עמיצן עסן א זאפטיג שטיקל סעלמאן פיש איינגעטינקן אין גוטע פארגליווערטע קאטשאניו, פרעגט ער אים דער קאצקער, זאג נאר פארוואס עסטו די פיש? ענטפערט יענער ווייל איך גלייך די פיש! פרעגט אים דער קאצקער יעדעם וועם די גלייכסט עסטו אזוי אויף? דו עסט דאס פיש בלויז ווייל דו גלייכסט דיך זעלבסט! ווען דו גלייכסט ווען דאס פיש וואלט נאך דאס פיש ווען געשווימען אין די טיפענישם פון ים.

גלייכן מיר טאקע אונזער ווייבער? אדער גלייכן מיר בלויז זיך זעלבסט? טיילן מיר זיך מיט אונזער ווייבער מיט אלעם וואס מיר פארמאגן? נישט בלויז מאטריאלע אייגענטום נאר אויך אונזער זעלן? ניין! ווייל מיר ליבן זיי בלויז לויט די האליוואד סטיל! דערפאר ערווארטן מיר, און ווען מיר באקומען נישט וואס "מיר" ווילן, קומט אן אויסבראך: איך וויל מיך גט'ן...
אויף דעם האט דער רבי דער ב''מ זי''ע געפרעגט, און ווער וויל דען נישט?

[קאך_לעפל]

.

[בענדזשאמין פרענקלין]

ערווארט נישט גארנישט וועסטו נישט אנטוישט ווערן, האט עמיצער פריער דא פריער זאכליך ערווענט.

געווען איז עס חמישה עשר בשבט, רבינו הקדוש מסאטמאר זי''ע האט דאן געוויילט אין פלארידע, ווי עס איז די שטייגער פון צדיקים. דער רבי האט דאן דארט געפירט דאס פירות טיש וואו עס האבן זיך באטייליגט א טייל פון די ארטיגע וואקאציאנערן, און דער רבי האט געטיילט שיריים פון די פירות פאר די אנוועזענע. איז געווען דארט א חתן וואס האט אין יענע טעג זיך געגרייט צו גיין אונטער די חופה, און ער געבעטן אז די רבי זאל אים געבן א באזונדערע פרוכט פאר זיין כלה נאה וחסודה. דער רבי האט זיך פארקלערט פאר א וויילע און דאן רופט ער זיך אן ניין! מיט דאס וואס דו האסט, זאלסטו דיך טיילן מיט דיין ווייב! די אנוועזענע האבן זיך שטארק צושמייכלט פון די טיפע שלום בית לעקציע וואס דער רבי האט אזוי אינאיינוועגס געשאנקן פארן חתן עטליכע טעג איידער זיין חתונה.

דער צדיק און דאקטאר רבי אברהם יושע טווערסקי ז''ל וואס איז אקארשט נפטר געווארן, איז אמאל געלאדענט געווארן אויפצוטרעטן ביי א מער-מאדערערנע פארזאמלונג אין די שטאט טינעק - ניו זשערסי. האט עמיצער אים דארט געפרעגט צו זיין פאטער דער מילוואקי רבי, רבי יעקב ישראל ז''ל, האט געגליכענט זיין ווייב, האט אים דער דאקטאר גענטפערט אז יא! און ער האט באלד צוגעלייגט, נישט מיט קיין האליוואד-סארט ליבע וועלכע איז באשיינפערליך נישט קיין ליבע.
ער האט דאס באלד עקלערט מיט א געשיכטע פונעם הייליגן קאצקער זי''ע.
דער קאצקער האט אמאל געזען עמיצן עסן א זאפטיג שטיקל סעלמאן פיש איינגעטינקן אין גוטע פארגליווערטע קאטשאניו, פרעגט ער אים דער קאצקער, זאג נאר פארוואס עסטו די פיש? ענטפערט יענער ווייל איך גלייך די פיש! פרעגט אים דער קאצקער יעדעם וועם די גלייכסט עסטו אזוי אויף? דו עסט דאס פיש בלויז ווייל דו גלייכסט דיך זעלבסט! ווען דו גלייכסט ווען דאס פיש וואלט נאך דאס פיש ווען געשווימען אין די טיפענישם פון ים.

גלייכן מיר טאקע אונזער ווייבער? אדער גלייכן מיר בלויז זיך זעלבסט? טיילן מיר זיך מיט אונזער ווייבער מיט אלעם וואס מיר פארמאגן? נישט בלויז מאטריאלע אייגענטום נאר אויך אונזער זעלן? ניין! ווייל מיר ליבן זיי בלויז לויט די האליוואד סטיל! דערפאר ערווארטן מיר, און ווען מיר באקומען נישט וואס "מיר" ווילן, קומט אן אויסבראך: איך וויל מיך גט'ן...
אויף דעם האט דער רבי דער ב''מ זי''ע געפרעגט, און ווער וויל דען נישט?

או יאמר אז איז נישטא אזא מציאות אז א מענטש זאל טוען אזאך נישט פאר זעלבסט ליבע און פלעזשואר, נאר וואס דען מען ברויך צילן אויף די העכסטע זיך מעגליך, ווער ספארשטייט פארשטייט.

[מי אני]

פסיכאלאגישע עגאָאיזם. ואולי איז דאס א רמז אינעם געדאנק פון והיו לבשר "אחד"; זי זאל ווערן א חלק ממש פונעם "זיך".