אונז זענען פראים, שומרים ווי זענט עטץ?

[אישתישבי]

לעצטענס איז דא אסאך קריטיק אויף שומרים, הלמאי מען האט זיי געזען זיך שלאגן מיט בחורים ביי ר' יחזקאל ראטה'ס לוי', ועוד.

היינט ביי שרפת חמץ, ווען איך בין דארט געוועהן האבן געפלאצט צוויי באטלעך וואס מענטשן האבן אריינגעווארפן, און א יונגעל איז צומזיק'ט געווארען, און מען האט גערופן הצלה.

די פייער דעפארטמענט איז געקומען און פארלאשן די פייער.

אמאהל וואלט שייך געוועהן צו טענה'ן, אונז זענען איידעלע מענטשן, אונז דארפען נישט קיין פאליס, מיט דער מיעוט פראבלעמען וואס איז האבן קענען מיר זיך אליין און עצה געבען.

היינט אבער, איז ליידער דער מציאות, אז א מיעוט דמינכר ביי אונז, זענען פשוט פראים, אומערצויגענע, אהן קיין וויסענשאפט בכלל צו פארשטיין cause-and-effect , סתם איינגרעדטע מענטשען אהן א חינוך פין דעת, ווען עפעס געשעהט דארף מען זאגען תפילה.

דער יונגל וואס איז ל"ע ניזוק געווארן, איז פריער געשטאנען ביים פייער אין אריין געווארפן ענגליש בוקס. בעיני ראיתי.

ח"ו, עס קומט אין נישט קיין עונש, אבער דער יונגל וואס ווארפט אריין ביכער און דער שוטה וואס ווארפט אריין באטלעך אין פייער, איז א תוצאה פין דער פרא אדם'קייט וואס קומט פין נישט האבן קיין גוטע חינוך, א חינוך פין מענטשליכקייט,א חינוך פין פארשטיין אז עס איז דא נאך איינער אויף דער וועלט, א חינוך פין פארשטיין אז עס דא זאכען וואס זענען א סכנה חוץ עסן פיש און פלייש צוזאמען.

פאררעכטען אונזער חינוך איז לכאורה נישט מעגליך, עס גייט אין די קדושה אריין, און די רבי'ס זענען קאנווינסט אז דורך לערנען מיט די קינדער און בחורים עפעס אנדערש חוץ פין צוויי בלאט גמרא מיט תוספותַ א זמן, איז א עצה פין די סטרא אחרא.


איז דער עצה, אונז דארפען היימישע פאליס, עס זאלען שטיין שומרים און יעדער איינער אדורך קוקען זיין בעג, וואס ווארפסט די דא אריין?

איז לעת עתה, קומט א פארדאמונג אויף אלע שומרים האקערס, ווייל ענק מאכען שוואך די שומרים, האבן זיי נישט די מוט צו מאכען סדר ביי די פייערס.