אנשטאט קינדער-ענקזייעטי, לאמיר ווערן ערוואקסענע

ארטיקלען און באטראכטונגען איבער דער חרדי'שער געזעלשאפט און קולטור

אנשטאט קינדער-ענקזייעטי, לאמיר ווערן ערוואקסענע

הודעהדורך העניך » דינסטאג אקטאבער 05, 2021 11:14 pm

אונזער מהלך אין חינוך איז געבויט אז מ'דארף באהאלטן פון קינדער גאר אסאך אינפארמאציע. אנגעפאנגען פון חתונה-געהאטן לעבן, און געגאנגען ווייטער צו פאקטן פון היסטאריע, און אפילו שיטות אין אידישקייט. א קעיס קען געמאכט ווערן אז די זאכן זענען טאקע נישט כדאי פאר א קינד צו וויסן, און ווען ער וועט עלטער ווערן וועט ער שוין באקומען די אלע זאכן. מ'קען דעבאטירן צי דער מהלך דארף זיין אז מיר זאלן אקטיוו באהאלטן, אבער דאס איז א דעבאטע פון א חינוכ'דיגער פערספעקטיוו.

איך וויל מיך אפשטעלן אויף א זייטיגע נקודה וואס איז א תוצאה פון דעם מהלך. וויבאלד מיר האבן מחליט געווען אז אונזער מהלך אין חינוך איז צו באהאלטן אינפארמאציע פון קינדער, איז געווארן אז ס'איז נישט גענוג אז מ'לערנט נישט מיט די קינדער די זאכן און מ'פארמיידט צו רעדן פון זיי, נאר עס האט זיך אנטוויקלט ביי אונז א פחד אז "אפשר קען א קינד עס געוואויר ווערן." אנשטאט א פּאַסיווע באשלוס נישט צו געבן אינפארמאציע, איז געווארן אַן אנגסט און א מלחמה צוריקצוהאלטן פון סיי וואספארא מעגליכקייט צו געבן אינפארמאציע. און די מלחמה איז איבער די יארן געווארן נאר שטערקער און שטערקער.

די דאזיגע צוגאנג, די מלחמה קעגן אינפארמאציע פאר קינדער, איז אויך עפעס וואס מיר קענען דעבאטירן, און מיין הנחה דא איז אז ס'איז בעצם נישט קיין שלעכטע זאך. אפשר איז דאס ריכטיג. אבער ווי געזאגט איז מיין נקודה נאר אויף א תוצאה וואס קומט ארויס פון דעם.

מיט די יארן איז די ענזייעטי אז "אפשר" קען א קינד געוואויר ווערן געווארן הארבער און שטערקער און ס'האט אנגעהויבן אנרירן יעדן אספעקט פון אונזער לעבן. יעדעס צעטל, ביכל, אויסגאבע, מוז געשריבן ווערן אויף אן אופן וואס זאל שטימען מיט וואס מיר קענען באשטיין אז א קינד זאל דאס וויסן. אפילו אויב א מאגאזין וואס איז מיועד פאר ערוואקסענע זאל זיך וואגן צו שרייבן עפעס וואס איז לויט איינעם נישט פאסיג פאר א כתה ז' אינגל, הערט מען גלייך דעם ניגון, "מיין קינד דארף דאס לייענען?!"

צוביסלעך האט עס איבערגענומען דעם גאנצן חינוך סיסטעם פון גרויס ביז קליין. אז א רב גיט א שיעור פרקי אבות אדער שלש-סעודות תורה, טאר ער נישט זאגן עפעס וואס איז נישט הונדערט פראצענט קינדער-פרענדלי. די גאנצע צייט הויערט די אנגסט אז א קינד זאל חלילה נישט הערן עפעס א ווארט וואס ער דארף נישט וויסן.

און כ'רעד נישט דא פון דקות'דיגע ענינים שבין איש לאשתו, נאר אפילו פון אידישקייט. יעדע שיטה אין אידישקייט און פירוש התורה וואס נויגט אפ פון די תמימות'דיגע בילדער פון מרת אקער ע"ה קען נישט געזאגט ווערן ברבים. "צו וואס דארף מיין קינד הערן אז לויט דעם אבן עזרא איז רבקה געווען היבש עלטער פון דריי יאר ווען אליעזר האט איר געטראפן?!"

אפילו ווען א רב וויל מעורר זיין אויף אן ענין דארף עס געזאגט ווערן קינדער-פרענדלי. דאס הייסט מ'רעדט צו ערוואקסענע מענטשן, מיט ערוואקסענע פראבלעמען און אישוס, און יעדעס ווארט ווערט געמאסטן און געוואויגן אז אויב א קינד הערט עס זאל עס זיין בסדר. דאס זעלבע ווען מ'רעדט פון אידישער היסטאריע, סיפורי צדיקים, ווערט אלעס דערציילט אויף א וועג אז ס'זאל זיין שוה לכל נפשו של ילד, אז אויב א קינד הערט עס זאל עס חלילה נישט אומווארפן דעם ריזיגן מויער וואס מיר האבן אויפגעבויעט צו באהאלטן פון דעם קינד א ברעקל אינפארמאציע.

וואס איז די תוצאה? מיר וואקסן אויף ווי קינדער מיט גרויסע בערד. מ'רעדט צו אונז ווי צו קינדער; דער קוואליטעט פון די דרשות איז ווי ס'פּאַסט פאר קינדער; דער תוכן איז קינדעריש; אונזער ליטעראטור איז נישט מאַטשור און ערוואקסן; אונזערע פראבלעמען ווערן באטראכט מיט קינדערישע אויגן-גלעזער; און איבער אלעם איז אונזער יהדות א קינדערגארטן-אידישקייט, וואס איז קיינמאל נישט געווארן אפּדעיטעד אריינצונעמען אין זיך די ברייטקייט פון דער תורה און אונזערע גדולי ישראל פון אלע דורות. אידן מיט אור-אייניקלעך זענען נאך סטאָק אין א אידישקייט וואס מאלט זיך אויס מיט מרת אקער'ס בילדערלעך.

דער מהלך פון צוריקהאלטן אינפארמאציע פון קינדער איז מעגליך ריכטיג. אבער דער אנגסט וואס דאס האט געשאפן אין אונז, שניידט פון אונז ארויס די ערוואקסענע נשמה. מיר בויען אונזער לעבן און אונזער תורה ווי קליינע קינדערלעך, און יעדער וואס זיין נפש רייסט אים צו עפעס העכער און טיפער שפּירט זיך ווי א כתה ט' אינגל אין כתה א'. מיר דארפן זיך אויסקורירן פון דער ענקזייעטי, און לאזן לויפן. מ'דארף נישט אזויפיל מורא האבן. מיר קענען ווייטער פרובירן צו באהאלטן פון קינדער, אבער רוב זאכן פון וואס מיר האבן אזוי מורא איז נישט עק וועלט אז א קלוג קינד כאפט עס אויף אין אן ארטיקל אדער א דרשה פון א מחנך.

לאמיר זיך ערלויבן אויפצואוואקסן. לאמיר רעדן ווי ערוואקסענע; לאמיר דיעלן מיט אונזערע אישוס ווי ערוואקסענע. לאמיר רעדן וועגן פראבלעמען ביי יחידים, משפחות, און געמיינדעס, ווי ערוואקסענע מענטשן דארפן רעדן. לאמיר לאזן אונזער אידישקייט אנגעפילט ווערן מיט די רייכע און ברייטע אוצרות פון גדולי ישראל; לאמיר שרייבן אין אונזערע אויסגאבעס מיט ערנסטקייט, אפנקייט און ערוואקסנקייט. לאמיר זיין ערליכע ערוואקסענע אידן.
רעדאגירט געווארן צום לעצט דורך העניך אום דינסטאג אקטאבער 05, 2021 11:22 pm, רעדאגירט געווארן איין מאל בסך הכל.
האט איר הנאה געהאט פון מיין ארטיקל? גיט א 'לייק' און שיקט א לינק צו אייערע פריינט. אבער בשום אופן נישט קאפירן דעם גאנצן ארטיקל און שיקן ווייטער - אדם אוסר את שלו.
באניצער אוואטאר
העניך
שריפטשטעלער
שריפטשטעלער
 
הודעות: 807
זיך רעגיסטרירט: מאנטאג יאנואר 25, 2016 6:54 pm
האט שוין געלייקט: 949 מאל
האט שוין באקומען לייקס: 3590 מאל

הודעהדורך רביה''ק זי''ע » דינסטאג אקטאבער 05, 2021 11:22 pm

פאריאר ל״ג בעומר האב איך גערעדט מיט איינעם צו דעם טאג איז די יארצייט פון רשב״י צו נישט, כ׳האב איהם געוויזן ווי דער חיד״א שרייבט אז נישט, וכו׳. האט ער מיר געפרעגט, און אז ס׳נישט די יארצייט פון רשב״י איז וואס? ס׳מאכט נישט באמת אויס צו ס׳איז טאקע זיין יארצייט צו נישט. יענער איז נישט אזא שארפער האב איך צוגעשאקלט מיט׳ן קאפ ווי א לעמעלע און זיך געגאנגען ווייטער, אבער כ׳האב איהם געוואלט צוריקפרעגן אויב ס׳איז טאקע נישט קיין חילוק צו ס׳איז רשב״י׳ס יארצייט צו נישט וואס גייט דיר אזוי שטארק אן צו רעדן דערפון? לאמיר ארומגיין אויסשרייען פאר אלעמען אז היינט איז נישט די יארצייט פון רשב״י, ס׳דאך נישט משנה סיוויי. :lol:
@עדיאל - "Behind every great man there's a miserable woman"
קאוועשטיבל #למעשה: וויאזוי זיך ארויסצוזעהן פונעם "סיסטעם".
אלע מיינע ארטיקלען פון קאוועשטיבל.
באניצער אוואטאר
רביה''ק זי''ע
חבר ותיק
חבר ותיק
 
הודעות: 4850
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 4720 מאל
האט שוין באקומען לייקס: 4673 מאל

הודעהדורך לייבל שטילער » דינסטאג אקטאבער 05, 2021 11:36 pm

כ'ווייס נישט צו ס'איז ר' שמעון'ס יארצייט, אבער 45 אנדערע יארצייטן איז זיכער יא.
''מעיד אני עלי שמים וארץ, בין ישראל בין גוי, בין איש בין אשה, בין עבד בין שפחה, הכל לפי המעשה שעושה, כך רוח הקדש שורה עליו". (תנא דבי אליהו רבא, פרק ט')
באניצער אוואטאר
לייבל שטילער
ידיד השטיבל
ידיד השטיבל
 
הודעות: 220
זיך רעגיסטרירט: דינסטאג אפריל 19, 2016 5:33 pm
האט שוין געלייקט: 228 מאל
האט שוין באקומען לייקס: 308 מאל

הודעהדורך מי אני » דינסטאג אקטאבער 05, 2021 11:36 pm

דאס איז לענ״ד א דירעקטע תוצאה צום מהלך ווי אזוי אונזער געזעלשאפט גייט צו מעיקרא צו צענזור. והיינו, כאמור קען מען טאקע פארטיידיגן דאס עצם געדאנק פון צענזורירן אינפארמאציע, אבער די פראבלעם איז אז חרדיזם האט נישט דערצו קיין שום עקזיט-סטראטעגיע. מיינענדיג, אז אין אלגעמיין איבער די (סעקולארע) וועלט ווען מען צענזורירט אינפארמאציע פון איינער וואס איז נאך נישט גענוג רייף במוחו און אין זיין אנטוויקלונג, א קינד, ווייסט מען (און גאר האפט מען) אז ברבות הימים ווען ער וועט ווערן מער אנטוויקלט וועט ער געוואור ווערן דערפון, און אזוי צוביסלעך בהדרגה וכדומה וועט ער דאס וויסן און ווי אזוי זיך צו באגיין דערמיט וכדומה. משא״כ אין אונזער געזעלשאפט האפט מען מעיקרא ״ומי יתן״ אז דער אינדיווידואל וועט טאקע בעצם קיינמאל נישט געוואור ווערן דערפון כל ימי חייו (חוץ ביי בּעיסיק בּעיסיק אישות). איז דעריבער קען מען טענה׳ן אז מ׳בלייבט אלס מיט די ענקזייעטי אז עס זאל בלייבן ״קינדער-פרענדלי״ ווייל בעצם האפט מען דאך אז די אינדיווידואלן פון די געזעלשאפט וועלן לגבי די אינפארמאציע טאקע בלייבן לעולם ווי קינדער.
"איך בין אפילו נישט זיכער אז איך עקזיסטיר, ווי אזוי קען איך זיין זיכער אז...?" - יאיר
"אלס וואס איך ווייס איז אז איך ווייס גארנישט (אחוץ דעם עצם פאקט)" - סקראטוס
און אפילו אין דעם בין איך אויך נישט זיכער
באניצער אוואטאר
מי אני
שריפטשטעלער
שריפטשטעלער
 
הודעות: 2751
זיך רעגיסטרירט: פרייטאג אקטאבער 05, 2018 4:32 pm
האט שוין געלייקט: 9469 מאל
האט שוין באקומען לייקס: 2200 מאל

Re: אנשטאט קינדער-ענקזייעטי, לאמיר ווערן ערוואקסענע

הודעהדורך תוהו ובוהו » דינסטאג אקטאבער 05, 2021 11:37 pm

דערמאן איך מיך אז אלס קינד ארום די 12, האט ר' יוסף חיים גרינוואלד געשמועס מיט מיין טאטן, און פארציילט פארשידענע מעשיות, ווען אינמיטן פארציילט ער אז א איד איז געקומען צו הרה''ק ??? (פיל אריין וועם דו ווילסט) מיט א הזכרה, - און דא גיט ער מיר אזא דעק צו מיין פנים מיט זיין האנט און ער בורטשעט ארויס אונטער די נאז ווי ער זאל ווען רעדן פון מטטרון אליינס -, "א מקשה לילד..''
תוהו ובוהו
ידיד השטיבל
ידיד השטיבל
 
הודעות: 341
זיך רעגיסטרירט: זונטאג נאוועמבער 01, 2020 9:08 pm
האט שוין געלייקט: 222 מאל
האט שוין באקומען לייקס: 520 מאל

הודעהדורך לייבל שטילער » דינסטאג אקטאבער 05, 2021 11:49 pm

קול במשר אדרעסירט טראגעדיגע פרויען אלץ ''מענטשן אין ספעציעלע אומשטענדן'' לקיים דברי העניך. אנדערע זענען מקיל צו זאגן ''מעוברת'' אבער די ווארט טראג'עדיג אדער שוואנגערן פארנט פון (קינדער און) [ערוואקסענע] איז אסור לכל הדעות.
כ'געדענק, כ'בין אלץ בחור געפארן אויף אן ערעפלאן און איך בין געזיצען ביי די aisle נעבן מיך איז געזיצן א גוי'שע פארפאלק, פאר'ן זיך הייבן האט זיך מיין שכן, דער מאן, פארענטפערט אז זיין ווייב איז טראגעדיג און זי גייט אפט דארפן ארויסגיין. דאס איז געווען די ערשטע מאל אין מיין לעבן איינער האט גערעדט צו מיר גראד וועגן דעם.
''מעיד אני עלי שמים וארץ, בין ישראל בין גוי, בין איש בין אשה, בין עבד בין שפחה, הכל לפי המעשה שעושה, כך רוח הקדש שורה עליו". (תנא דבי אליהו רבא, פרק ט')
באניצער אוואטאר
לייבל שטילער
ידיד השטיבל
ידיד השטיבל
 
הודעות: 220
זיך רעגיסטרירט: דינסטאג אפריל 19, 2016 5:33 pm
האט שוין געלייקט: 228 מאל
האט שוין באקומען לייקס: 308 מאל

הודעהדורך מפיל קינד » מיטוואך אקטאבער 06, 2021 12:45 am

אלס קינד האט מיין טאטע אמאל נאכגעזאגט שבת ביים סעודה א חתם סופר אין פר' בראשית, אויף די קללה פון חוה, בעצב תלדי בנים וכו'. פארוואס ס'שטייט קודם די חבלי לידה פאר די 9 חדשים. בקיצור, נאכדעם האט ער עס געוויזן אינעווייניג פאר מיר און מיין שוואגער.

מיין שוואגער איז געווען דעמאלטס א שנה ראשונה אינגערמאן, ער האט אוועקגעדרייט דעם חתם סופר מיט שרעק איך זאל חלילה נישט נכשל ווערן מיט ראיות אסורות און זען עדאלט סחורה.

איך האב אים גראדע דעמאלטס פארשטאנען, ווייל די פסוקים זענען מיר פארשטענדליך געווארן צום ערשטן מאל... ווער ווייסט אויב איך וואלט היינט שענער אויסגעקוקט ווען נישט דעם חטא הידוע וואס כ'האב דעמאלטס געזינדיגט...
מפיל קינד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1007
זיך רעגיסטרירט: דינסטאג סעפטעמבער 05, 2017 1:08 am
האט שוין געלייקט: 728 מאל
האט שוין באקומען לייקס: 981 מאל

הודעהדורך עובדיה » מיטוואך אקטאבער 06, 2021 1:09 am

ר' פנחס גלויבער האט נעכטן ארויפגעלייגט א שמועס אויף קול מבשר, ווי ער ברענגט ארויס אז די היינטיגע סייענטיסטן אפילו זיי האלטן אז דער וועלט שטייט שוין לענגער ווי אונזער מנין שנות העולם, זענען זיי מודה אז דער וועלט איז מחודש, און נישט קדמון ווי זיי האבן געהאלטן אלא יארן. פארשטייט זיך אז די שמועס איז שוין לאנג נישט דארט...

אויף אייוועלט שרייבט איינער אזוי
די בראשית "משהו מער" איז נארוואס ארויף און שוין אראפ..

ער טאר נישט זאגן אז סייענס איז שוין היינט מודה אז דער עולם איז נישט קיין קדמון? כפארשטיי סאיז גרעיע טערעטאריע אבער פארט, איז דען דעם סייענטיסט'ס דעה בכלל עפעס ווערד אויב איז עס נישט 100% אין איינקלאנג מיט חז"ל? אוואדע נישט!!

סאיז פלעין אינטערעסאנט צו זעהן וויאזוי זיי קומען צו צו מסקנות וואס מיר ווייסן שוין פון לאנג
עובדיה
מאנשי שלומינו
מאנשי שלומינו
 
הודעות: 55
זיך רעגיסטרירט: מיטוואך פעברואר 24, 2021 1:52 am
האט שוין געלייקט: 67 מאל
האט שוין באקומען לייקס: 64 מאל

הודעהדורך כוכב » מיטוואך אקטאבער 06, 2021 3:28 pm

מורא'דיג!
כוכב
שריפטשטעלער
שריפטשטעלער
 
הודעות: 2590
זיך רעגיסטרירט: מוצ"ש דעצעמבער 07, 2013 7:35 pm
האט שוין געלייקט: 5555 מאל
האט שוין באקומען לייקס: 7503 מאל

הודעהדורך בְּתוֹךְ עַמִּי » מיטוואך אקטאבער 06, 2021 4:44 pm

איינע פון די געפערליכע תוצאות ביי מיר איז אז איך ווייס נישט וויזוי פארשטיין צו געבן מיינע קינדער די גענעטישע/פיזיקעל שייכות וואס איך האב מיט זיי... די קאנעקשאן וואס זיי האבן מיט מיין ווייב ווייסן זיי גאנץ מעגליך :? אבער וואספארא שייכות האב איך מיטן שטוב :?:

אולי איז דאס דער סיבה פונעם ׳חוצפא יסגא׳ דור - אז מ׳גיבט נישט די קינדער בעיסיק נאלעדזש און זיי מיינען אז זיי זענען אראפגעפאלן מיטן רעגן אדער געוואקסן אויף א בוים פארוואס און פאר וועם זאלן זיי דרך ארץ האבן??
בְּתוֹךְ עַמִּי
מאנשי שלומינו
מאנשי שלומינו
 
הודעות: 99
זיך רעגיסטרירט: זונטאג מאי 16, 2021 11:45 am
האט שוין געלייקט: 11 מאל
האט שוין באקומען לייקס: 70 מאל

הודעהדורך שמחהלע קאפשטיק » מיטוואך אקטאבער 06, 2021 4:52 pm

בְּתוֹךְ עַמִּי האט געשריבן:איינע פון די געפערליכע תוצאות ביי מיר איז אז איך ווייס נישט וויזוי פארשטיין צו געבן מיינע קינדער די גענעטישע/פיזיקעל שייכות וואס איך האב מיט זיי... די קאנעקשאן וואס זיי האבן מיט מיין ווייב ווייסן זיי גאנץ מעגליך :? אבער וואספארא שייכות האב איך מיטן שטוב :?:

אולי איז דאס דער סיבה פונעם ׳חוצפא יסגא׳ דור - אז מ׳גיבט נישט די קינדער בעיסיק נאלעדזש און זיי מיינען אז זיי זענען אראפגעפאלן מיטן רעגן אדער געוואקסן אויף א בוים פארוואס און פאר וועם זאלן זיי דרך ארץ האבן??

דאס איז טאקע די טייטש פון דער פסוק "וראה בנים לבניך שלום על ישראל" - אז ווען דאס קינד איז שוין אליינס א טאטע דעמאלטס פארשטייט ער שוין דעם קשר צו זיין אייגענעם טאטע. און זאכן שטעלן
זיך אויפ’ן פלאץ צווישען אב ובנו..
שמחהלע קאפשטיק
היימישער באניצער
היימישער באניצער
 
הודעות: 419
זיך רעגיסטרירט: פרייטאג מאי 11, 2018 12:46 pm
האט שוין געלייקט: 422 מאל
האט שוין באקומען לייקס: 363 מאל

הודעהדורך בְּתוֹךְ עַמִּי » מיטוואך אקטאבער 06, 2021 9:03 pm

שמחהלע קאפשטיק האט געשריבן:
בְּתוֹךְ עַמִּי האט געשריבן:איינע פון די געפערליכע תוצאות ביי מיר איז אז איך ווייס נישט וויזוי פארשטיין צו געבן מיינע קינדער די גענעטישע/פיזיקעל שייכות וואס איך האב מיט זיי... די קאנעקשאן וואס זיי האבן מיט מיין ווייב ווייסן זיי גאנץ מעגליך :? אבער וואספארא שייכות האב איך מיטן שטוב :?:

אולי איז דאס דער סיבה פונעם ׳חוצפא יסגא׳ דור - אז מ׳גיבט נישט די קינדער בעיסיק נאלעדזש און זיי מיינען אז זיי זענען אראפגעפאלן מיטן רעגן אדער געוואקסן אויף א בוים פארוואס און פאר וועם זאלן זיי דרך ארץ האבן??

דאס איז טאקע די טייטש פון דער פסוק "וראה בנים לבניך שלום על ישראל" - אז ווען דאס קינד איז שוין אליינס א טאטע דעמאלטס פארשטייט ער שוין דעם קשר צו זיין אייגענעם טאטע. און זאכן שטעלן
זיך אויפ’ן פלאץ צווישען אב ובנו..

באמת א שיינער טייטש... אגב; האבעך ח״ו נישט געמיינט ארויסצוברענגן אויף למעשה אז ס׳נישט ריכטיג דאס באהאלטן וכו׳ כ׳האב פשוט ארויסגעברענגט מיינע געפילן...

איצטער פאלט מיר ביי גאר א פארקערטע בחינה ווייל כידוע אין חסידות אז אמונה איז העכער פון ידיעה, איז ווען א קינד ׳פארשטייט׳ וויאזוי דאס איז זיין טאטע איזעס א קשר פון קאלטע טריקענע שכל משא״כ ווען ס׳איז בפנימיות ההרגש איזעס א טיפער שטערקערע קשר...

עיין לקוטי תורה פרשת צו ופרשת אמור
בְּתוֹךְ עַמִּי
מאנשי שלומינו
מאנשי שלומינו
 
הודעות: 99
זיך רעגיסטרירט: זונטאג מאי 16, 2021 11:45 am
האט שוין געלייקט: 11 מאל
האט שוין באקומען לייקס: 70 מאל

הודעהדורך תרמב » דאנערשטאג אקטאבער 07, 2021 5:54 pm

איך דערמאן זיך יעצט אז איך האב געהאט א ראש ישיבה וואס האט פארציילט א מעשה און בתוך הדברים האט ער פארציילט אז יענע פרוי איז פארשוואנגערט געווארן, איך האב זיך דעמאלטס אויסגעלערנט א נייע פאני ווארט.......
תרמב
שריפטשטעלער
שריפטשטעלער
 
הודעות: 789
זיך רעגיסטרירט: מיטוואך יולי 29, 2020 9:28 am
האט שוין געלייקט: 2967 מאל
האט שוין באקומען לייקס: 835 מאל

הודעהדורך רביה''ק זי''ע » פרייטאג אקטאבער 08, 2021 2:25 am

מפיל קינד האט געשריבן:אלס קינד האט מיין טאטע אמאל נאכגעזאגט שבת ביים סעודה א חתם סופר אין פר' בראשית, אויף די קללה פון חוה, בעצב תלדי בנים וכו'. פארוואס ס'שטייט קודם די חבלי לידה פאר די 9 חדשים. בקיצור, נאכדעם האט ער עס געוויזן אינעווייניג פאר מיר און מיין שוואגער.

מיין שוואגער איז געווען דעמאלטס א שנה ראשונה אינגערמאן, ער האט אוועקגעדרייט דעם חתם סופר מיט שרעק איך זאל חלילה נישט נכשל ווערן מיט ראיות אסורות און זען עדאלט סחורה.

דאס איז שוין מער די עגא פון די פרישע אינגעלייטלעך וואס פילן זיך על גג העולם אז זיי זענען "in the know" ווי מ׳זאגט.

@בתוך עמי: אז דיינע קינדער ווייסן כאטש די שייכות וואס זייער מאמע האט מיט זיי שטייסטו שוין גאנץ גוט, אנדערע ווייסן דאס אויך נישט. :lol:
@עדיאל - "Behind every great man there's a miserable woman"
קאוועשטיבל #למעשה: וויאזוי זיך ארויסצוזעהן פונעם "סיסטעם".
אלע מיינע ארטיקלען פון קאוועשטיבל.
באניצער אוואטאר
רביה''ק זי''ע
חבר ותיק
חבר ותיק
 
הודעות: 4850
זיך רעגיסטרירט: דאנערשטאג פעברואר 15, 2018 9:46 pm
געפינט זיך: אין קוויטל-שטוב
האט שוין געלייקט: 4720 מאל
האט שוין באקומען לייקס: 4673 מאל


גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 5 געסט