ווי אזוי גייט איר זיך באציען צו מיר?

ארטיקלען און באטראכטונגען איבער דער חרדי'שער געזעלשאפט און קולטור

ווי אזוי גייט איר זיך באציען צו מיר?

הודעהדורך שיטה מקובצת » זונטאג אוגוסט 19, 2012 3:28 am

דאס מאל האב איך א געזעלשאפטליכע שאלה. און מיין שאלה איז נישט געוואנדען צו "אויפגעקלערטע" למיניהם. איך דירעקטיר מיין פראגע צו די קהילה פירער, צו די רבנים.

די מעשה איז אזוי. איך בין אויפגעוואקסן ווי א חסידישער איד, איך בין זייער צופרידן פון מיין לעבן. מיינע קינדער און אייניקלעך געבן מיר ב"ה פיל נחת. אבער די לעצטע צעהן יאר (בערך) באהאלט איך אין מיר א גרויסע סוד. קוים וואס איך האב עס דערציילט פאר מיין ווייב ביז עטליכע יאר צוריק. 

די זאך איז אז איך בין געקומען צו א מסקנא אז די אלע חסידישע מעשיות פון צדיקים זענען ב-ע-ל-א-נ-י! עס שטייט נישט אין די י"ג עקרים אז מ'מוז גלייבן אין חסידות, און איך גלייב טאקע מער נישט אין חסידות. דער בעל שם טוב איז ביי מיר בכלל נישט קיין ארטיקעל. אויב די מימרות וואס מ'זאגט נאך פון אים זענען אמת (איך האלט אז נישט) איז ער געוועהן אדער א שקרן אדער משוגע. 

אלנספאלס, דערווייל האב איך דאס קיינמאל נישט איבערגעזאגט פאר קיינעם. מיינע אייניקלעך דערציילן אונז איבער מעשיות פון צדיקים און איך הער אויס און שאקעל צו מיט'ן קאפ, און אמאל זאג איך אפילו "פשיהאאא!!"

איך האב שוין נישט קיין געדולד צו באהאלטען וואס איך האלט. עטץ וועטס אלע מודה זיין אז עס איז נישט דא קיין חיוב צו גלייבן אין חסידישע מעשיות, אדער אז דער בעש"ט האט געהאט רוח הקודש. עס איז נישט פון די י"ג עקרים. יעצט וואס גייט געשעהן אז איך זאג פאר מיינע קינדער און אייניקלעך אז די מעשיות זענען נישט אמת. גייען ענק זאגן פאר זיי אז זיי זאלן מער נישט קומען מיר באזוכן? גייען ענק ארויסווארפן מיין בחור'ל פון ישיבה? גייען ענק מיך ארויסווארפען פון ביהמ"ד?

מוז איך דאס טאקע ווייטער האלטען פאר א סוד? אויב יא, פארוואס?
דו גלייבסט אין דיינע עלטערן, וועגן דעם גלייבסטו אין באשעפער.
איך גלייב אין באשעפער, וועגן דעם גלייב איך מיינע עלטערן.

--שיטה מקובצת
שיטה מקובצת
היימישער באניצער
היימישער באניצער
 
הודעות: 558
זיך רעגיסטרירט: דאנערשטאג מאי 10, 2012 9:03 am
האט שוין געלייקט: 503 מאל
האט שוין באקומען לייקס: 1349 מאל

הודעהדורך נולד מאוחר » זונטאג אוגוסט 19, 2012 3:31 am

למשל וועלכע מעשה אויב איז דאס אמת איז ער געווען משוגע?
דרך אגב די פרעגסט דיין שאלה צי רבנים, וואס פאלט דיר ביי אז זיי ליינען קאווע שטיבל?
נולד מאוחר
חבר ותיק
חבר ותיק
 
הודעות: 3819
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4787 מאל
האט שוין באקומען לייקס: 1901 מאל

הודעהדורך חאצקל » זונטאג אוגוסט 19, 2012 4:09 am

אין אונזער געזעלשאפט וואו תורת הבעש"ט איז איינס מיט תורת משה, זענט איר אן אפיקורס אז איר גלייבט נישט אין בעש"ט!
חאצקל
ידיד ותיק
ידיד ותיק
 
הודעות: 726
זיך רעגיסטרירט: מאנטאג יולי 30, 2012 11:01 pm
האט שוין געלייקט: 656 מאל
האט שוין באקומען לייקס: 210 מאל

הודעהדורך randy_couture » זונטאג אוגוסט 19, 2012 10:21 am

So you basically asking us how we would think of you. U really want our opinion in this matter?
Or is this just for a little att?

I mean come on don't be stupid. Let me ask you do you believe that Washington has freed the US from the british? if so why? Who said he even existed?

Do you believe in any other think that isn't in the 13 ani mamins? Or everything is lies?

History is not always running on prove it runs on biography of people.

So if u want my opinion. I would u that ur just stupid and need a little attention.
randy_couture
מאנשי שלומינו
מאנשי שלומינו
 
הודעות: 74
זיך רעגיסטרירט: מיטוואך מערץ 07, 2012 2:59 pm
האט שוין געלייקט: 60 מאל
האט שוין באקומען לייקס: 15 מאל

הודעהדורך שיטה מקובצת » זונטאג אוגוסט 19, 2012 10:44 am

איינער וואס גלייבט אז וואשינגטאן האט באפרייט אמעריקא פון די בריטישע מוז אטאמאטיש גלייבן אז דער בעש"ט איז געפלויגן מיט קפיצת הדרך און אז אחיה השילוני איז געוועהן זיין רבי?!
לאמיר זיך נישט טענה'ן דא פארוואס איך גלייב עס יא אדער נישט, איך פרעג א פשוט'ע שאלה. למעשה גלייב איך נישט אין חסידות, (ווילסט זאגן וועגן איך דארף אטענטשאן - פיין, יעדער האט זיינע שוואכקייטן), איך וויל וויסן וואס גייט געשעהן אויב איך דערקלער עס אפען.
דו גלייבסט אין דיינע עלטערן, וועגן דעם גלייבסטו אין באשעפער.
איך גלייב אין באשעפער, וועגן דעם גלייב איך מיינע עלטערן.

--שיטה מקובצת
שיטה מקובצת
היימישער באניצער
היימישער באניצער
 
הודעות: 558
זיך רעגיסטרירט: דאנערשטאג מאי 10, 2012 9:03 am
האט שוין געלייקט: 503 מאל
האט שוין באקומען לייקס: 1349 מאל

הודעהדורך לאדיך אפ » זונטאג אוגוסט 19, 2012 10:46 am

יא, וואס חאצקל זאגט איז אמת, און אויב ווייסטו וואס איז גוט פאר דיר האלט עס פאר א סוד, ווייל ס'נישט קיין גרויסע חילוק לייקענען די תורה אדער לייקענען חסידות
באניצער אוואטאר
לאדיך אפ
ידיד ותיק
ידיד ותיק
 
הודעות: 660
זיך רעגיסטרירט: מיטוואך מערץ 14, 2012 10:49 pm
האט שוין געלייקט: 299 מאל
האט שוין באקומען לייקס: 247 מאל

הודעהדורך שיטה מקובצת » זונטאג אוגוסט 19, 2012 10:48 am

לאדיך אפ האט געשריבן:יא, וואס חאצקל זאגט איז אמת, און אויב ווייסטו וואס איז גוט פאר דיר האלט עס פאר א סוד, ווייל ס'נישט קיין גרויסע חילוק לייקענען די תורה אדער לייקענען חסידות

אויף וועלכע סמך? ווי אזוי גייט עס מיר א "עסקן" מסביר זיין?!
דו גלייבסט אין דיינע עלטערן, וועגן דעם גלייבסטו אין באשעפער.
איך גלייב אין באשעפער, וועגן דעם גלייב איך מיינע עלטערן.

--שיטה מקובצת
שיטה מקובצת
היימישער באניצער
היימישער באניצער
 
הודעות: 558
זיך רעגיסטרירט: דאנערשטאג מאי 10, 2012 9:03 am
האט שוין געלייקט: 503 מאל
האט שוין באקומען לייקס: 1349 מאל

הודעהדורך לאדיך אפ » זונטאג אוגוסט 19, 2012 10:50 am

פארוואס פאלט דיר איין אז אן עסקן דארף דיך עס מסביר זיין? מ'זאגט אז דו ביזט געפערליך אויפגעקלערט, אנגעליינט, לאכסט אפ פון אלעס וואס איז הייליג ביי אונז, ביזט א לץ, א קאלטער יונג, א קל שבקלים.
באניצער אוואטאר
לאדיך אפ
ידיד ותיק
ידיד ותיק
 
הודעות: 660
זיך רעגיסטרירט: מיטוואך מערץ 14, 2012 10:49 pm
האט שוין געלייקט: 299 מאל
האט שוין באקומען לייקס: 247 מאל

הודעהדורך קרעקער » זונטאג אוגוסט 19, 2012 10:51 am

דער רבי זכרונו לברכה האט אויך אזוי געהאלטען אז אלע מעשיות זענען נישט אמת
ער האט אבער געזאגט אז מדארף גלייבען אז סקען זיין אמת אויף די צדיקים
"וואויל איז צו די אויגען וואס האבען געזעהן אויגן וואס האבען געזעהן קאווע שטיבל..." (רביה"ק פר' נשא ת"ש-כ"ח)
קרעקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1104
זיך רעגיסטרירט: זונטאג מערץ 04, 2012 10:54 am
האט שוין געלייקט: 181 מאל
האט שוין באקומען לייקס: 547 מאל

הודעהדורך מורינו הרב » זונטאג אוגוסט 19, 2012 10:56 am

שיטה טייערער: איך וועל דיר ענטפערן מיט א קורצע מעשה'לע, און דערפון וועסטו שוין אלעס פארשטיין.

א איד איז אמאל געקומען צום מיטעלער ליובאוויטשער רבי און האט זיך אויפגעטאן פאר אים אז ער איז אן אפיקורס - ער גלויבט אין גארנישט. פרעגט אים דער רבי "ש"ס קענסטו שוין?"
"עה, איך גלויב דאך נישט דערין" ענטפערט דער איד.
"כאטש תנ"ך, האסטו שוין כאטש דורכגעטאן?"
"אויך נישט, איך גלויב דאך קוים אין גאט."
"דעמאלס" ענטפערט דער רבי, "ביסטו נישט קיין אפיקורס, ביסט דאך א פשוט'ער עם-הארץ. דו ווייסט נישט וואס אידישקייט מיינט און דו לייקנסט עס שוין. מילא ווען דו ביסט א תלמוד-חכם און דו לייקנסט עס, מילא, אבער דו ווייסט דאך אפילו נישט. דאן ביסטו א בלויזע עם-הארץ."

לענינו:
ווי עס שיינט מיר ביסטו אויפגעוואקסן אינעם סאטמארן היימישן לאגער(אדער ענדליך דערצו). האסט זיך קיינמאל נישט אריינגעלייגט צו וויסן וואס חסידות הייסט, וואס איז די לעהערע און וואס האבן די חסידי'שע רבי'ס בכלל געוואלט. דו קענסט ניטאמאל זיין קיין לייקענער אין חסידות.

מילא איבער חסידי'שע מעשיות, כבר צווחו על זה חסידי קמאה אז רוב רובם פון די מעשיות זענען אויפגעטראכטע (אויסער אויפן בעל-שם-טוב וואס חסידים האבן געזאגט אז אפילו אויב איז עס נישט געווען אמת, וואלט עס געקענט זיין אמת, אבער דאס איז א נושא פאר זיך, און לאמיר נישט פארקריכן פונעם ארגינעלן נושא.), אבער די מעשיות זענען נישט די עיקר, דער עיקר איז די לעהערע, וואס חסידות פארקויפט און וואס זי וויל אויפטון, און דאס איז זייער א טיפע נושא. הערשט נאך וואס דו וועסט זיך אריינלייגן דערין, וועסטו קענען לייקענען אדער מודה זיין.

איימסארי.
מורינו הרב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1125
זיך רעגיסטרירט: זונטאג אוגוסט 05, 2012 4:48 pm
האט שוין געלייקט: 188 מאל
האט שוין באקומען לייקס: 553 מאל

הודעהדורך קול דודי » זונטאג אוגוסט 19, 2012 11:22 am

שיטה, איז דאס א rhetorical question? ס׳שיינט אז די ווייסט דעם ענטפער אויף דיין שאלה. ווי האט איינער אמאל געזאגט: ״מילא איך ווייס די גלייבסט נישט און באשעפער, אבער און רבי׳ן זי״ע גלייבסטו שוין אויך נישט??? וויי געוואלד, ביזטעך שוין אינגאנצן א פארדארבענער!״
I post, therefore I am
קול דודי
ידיד השטיבל
ידיד השטיבל
 
הודעות: 317
זיך רעגיסטרירט: מאנטאג מערץ 26, 2012 2:27 pm
האט שוין געלייקט: 84 מאל
האט שוין באקומען לייקס: 414 מאל

הודעהדורך קול דודי » זונטאג אוגוסט 19, 2012 11:26 am

אה, איך פארשטיי שוין. דער עיקר ווילסטו א תירוץ אויפ׳ן ״פארוואס?״ נו, דאס האט שוין sociology פארענטפערט פון לאנג. ודו״ק כי קצרתי.
I post, therefore I am
קול דודי
ידיד השטיבל
ידיד השטיבל
 
הודעות: 317
זיך רעגיסטרירט: מאנטאג מערץ 26, 2012 2:27 pm
האט שוין געלייקט: 84 מאל
האט שוין באקומען לייקס: 414 מאל

הודעהדורך שמעקעדיג » זונטאג אוגוסט 19, 2012 11:38 am

לפענ"ד, א מענטש וואס גלייבט נישט וואס זיינע עלטערן און אור עלטערן און רבי'ס פאר אסאך דורות האבן אונז פארציילט, זאכן וואס זיי האבן אליינס מיטגעהאלטן, און איז איבערגעגאנגען מדור לדור איש מפי איש, אשר שמענו ונדעם ואבותינו ספרו לנו, איז שוין אין גאר א נידריגן מצב.
ווי אזוי מענטשן, היינטיגע קליינע קלאץ-קעפ, קענען זיך האלטן קלוגער און פארשטענדליכער פון די פריערדיגע דורות וועלכע האבן אויפגעשטעלט דורות פון אידישקייט און מ'האט איינגעזעהן זייער קלוגשאפט און שטארקייט, איז אינגאנצן בעיאנד מי.

איך זאג נישט מ'דארף גלייבן אלעס, און ווי קרעקער האט שוין געשריבן (בערך) אז סאטמאר רבי האט אויך נישט געגלייבט אין יעדע מעשה'לע, אבער לכה"פ געהאלטן אז עס קען זיין אמת, און אז די צדיקים הקודמים האבן געהאט איבערנאטורליכע כוחות פון הימל. אבער געוואלד, דו גלייבסט דאך דאס אויך נישט.

וואס איז נעקסט סטעפ? מארגן וועסטו מער נישט גלייבן אז משה רבינו איז ארויף געגאנגען אין הימל לעבעדיגערהייט?

איך וויל נישט אריינגיין אין א שמועס, איך וויל נישט ווערן אפגעקילט, אבער דו דארפסט אריינטראכטן ביז ווען האסטו יא געגלייבט דערין, און וואס האט דיר געמאכט אויפהערן גלייבן? דארט ערגעץ ליגט דער הונט באגראבן. זיי נישט קיין אויבער-חכם און האלט זיך נישט קלוגער פון דיינע עלטערן און זיידעס. ס'וועט דיר קיין שום גוטס נישט ברענגען.

און טאמער וועסטו דאס זאגן ברבים, איז בלי שום ספק אז דו וועסט ווערן ארויסגעשפיגן פון איבעראל. איז ביטע האלט עס באגראבן טיף אין הארצן, און הייב אן לערנען ספרים בענין "אמונת צדיקים".

איימסארי אויב כ'בין צו שארף, אבער ההכרח לא יגונה.
וירח ה' את ריח הניחוח
באניצער אוואטאר
שמעקעדיג
שריפטשטעלער
שריפטשטעלער
 
הודעות: 15313
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 18165 מאל
האט שוין באקומען לייקס: 18559 מאל

הודעהדורך זר זהב » זונטאג אוגוסט 19, 2012 11:44 am

איך גיי מיר באציען צו דיר אקוראט די זעלבע ווי ביז יעצט.
איך גיי מיר נישט רוקן אויף די אנדערע זייט גאס ווען שיטה מקובצת גייט מיר אקעגן קומען.
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4214 מאל

הודעהדורך נולד מאוחר » זונטאג אוגוסט 19, 2012 11:48 am

מורינו הרב האט געשריבן:שיטה טייערער: איך וועל דיר ענטפערן מיט א קורצע מעשה'לע, און דערפון וועסטו שוין אלעס פארשטיין.

א איד איז אמאל געקומען צום מיטעלער ליובאוויטשער רבי און האט זיך אויפגעטאן פאר אים אז ער איז אן אפיקורס - ער גלויבט אין גארנישט. פרעגט אים דער רבי "ש"ס קענסטו שוין?"
"עה, איך גלויב דאך נישט דערין" ענטפערט דער איד.
"כאטש תנ"ך, האסטו שוין כאטש דורכגעטאן?"
"אויך נישט, איך גלויב דאך קוים אין גאט."
"דעמאלס" ענטפערט דער רבי, "ביסטו נישט קיין אפיקורס, ביסט דאך א פשוט'ער עם-הארץ. דו ווייסט נישט וואס אידישקייט מיינט און דו לייקנסט עס שוין. מילא ווען דו ביסט א תלמוד-חכם און דו לייקנסט עס, מילא, אבער דו ווייסט דאך אפילו נישט. דאן ביסטו א בלויזע עם-הארץ."

לענינו:
ווי עס שיינט מיר ביסטו אויפגעוואקסן אינעם סאטמארן היימישן לאגער(אדער ענדליך דערצו). האסט זיך קיינמאל נישט אריינגעלייגט צו וויסן וואס חסידות הייסט, וואס איז די לעהערע און וואס האבן די חסידי'שע רבי'ס בכלל געוואלט. דו קענסט ניטאמאל זיין קיין לייקענער אין חסידות.

מילא איבער חסידי'שע מעשיות, כבר צווחו על זה חסידי קמאה אז רוב רובם פון די מעשיות זענען אויפגעטראכטע (אויסער אויפן בעל-שם-טוב וואס חסידים האבן געזאגט אז אפילו אויב איז עס נישט געווען אמת, וואלט עס געקענט זיין אמת, אבער דאס איז א נושא פאר זיך, און לאמיר נישט פארקריכן פונעם ארגינעלן נושא.), אבער די מעשיות זענען נישט די עיקר, דער עיקר איז די לעהערע, וואס חסידות פארקויפט און וואס זי וויל אויפטון, און דאס איז זייער א טיפע נושא. הערשט נאך וואס דו וועסט זיך אריינלייגן דערין, וועסטו קענען לייקענען אדער מודה זיין.

איימסארי.


סקוקט אויס א שיטה רעדט ביעקר פין די מעשות אין מופתים נישט פין די תורת החיסדות.
נולד מאוחר
חבר ותיק
חבר ותיק
 
הודעות: 3819
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4787 מאל
האט שוין באקומען לייקס: 1901 מאל

הודעהדורך מורינו הרב » זונטאג אוגוסט 19, 2012 12:03 pm

אויב יא, טא וואס מאכט ער א בראטל דערפון, כאילו ער באהאלט עפעס א סוד... איז דען דא א נארמאלער מענטש וואס האלט אנדערש? איז דען אלע מעשיות וואס מען דערצילט אין די גוי'שע וועלט יא אמת?

איך מיין אז עס איז א שטיקל צמצום צו מאכן אזא בראטל.
מורינו הרב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1125
זיך רעגיסטרירט: זונטאג אוגוסט 05, 2012 4:48 pm
האט שוין געלייקט: 188 מאל
האט שוין באקומען לייקס: 553 מאל

הודעהדורך קאווע טרינקער » זונטאג אוגוסט 19, 2012 12:08 pm

שיטה מקובצת האט געשריבן:איינער וואס גלייבט אז וואשינגטאן האט באפרייט אמעריקא פון די בריטישע מוז אטאמאטיש גלייבן אז דער בעש"ט איז געפלויגן מיט קפיצת הדרך און אז אחיה השילוני איז געוועהן זיין רבי?!
לאמיר זיך נישט טענה'ן דא פארוואס איך גלייב עס יא אדער נישט, איך פרעג א פשוט'ע שאלה. למעשה גלייב איך נישט אין חסידות, (ווילסט זאגן וועגן איך דארף אטענטשאן - פיין, יעדער האט זיינע שוואכקייטן), איך וויל וויסן וואס גייט געשעהן אויב איך דערקלער עס אפען.

דו רעדטס שוין באלד ווי קאווע טרינקער. רח"ל.
די זאך איז אזוי. יא, ס'איז געווען א איד אין מעזיבוש, ר' ישראל איז געווען זיין נאמען. ער האט "בשעתו" מקרב געווען יודן, מחזק געווען, זיי מסביר געווען אז ג-ט וויל נאר גוטס, אא"וו.
וואס זיינע השגות און שיטה אין תורת הקבלה בנוגע וואס ער האט געלערנט מיט זיין קליינע גרופע תלמידים, איז דאך נישט קיין נפק"מ למעשה. מיר לערנען דאך נישט קבלה איצטערט.
נקוט כללא זו בידך, אויסער אמונה אין מציאת השם און תורה מסיני, איז נישט פארהאנען קיין כללים! יארן שפעטער האט רבא געהאט א כוח מבטל צו זיין - עכ"פ בשב ואל תעשה - אז מ'זאל נישט שאקלען לולב אין סוכות/שבת! וכדומה, מפני כבוד המת - לערנט אונז דעם היינטיגען דף, איז א איד פטור פון אלע מצות (עשה)!
אוודאי און אוודאי, מהלכים און השקפות וואס זענען שפעטער אפיר געקומען - אפילו לטובה - קען אוודאי בטל ווערן עד כדי כך אז מ'פארגעסט וואס די כוונה פון ר' ישראל איז געווען מתחילה. אפילו "גאטשעס" געהערט שוין פאר חסידות.
ובן בנו של ק"ו, ס'איז נישט דא קיין שום חיוב צו גלייבען אין די מעשיות. אוודאי נישט אין משוגענע מעשיות, און יא, כ'ווייס צו שווער זיך איינצוהאלטן ווען מיין 6 יעריגע קומט אהיים פארציילן אז ר' יעקב קאפל חסיד, האט מען גערופן שויתי'ניק, ווייל א גאנצען טאג האט ער געזאגט "שויתי ה' לנגדי תמיד"....
עכ"פ. נעם דיר א "חורב" "מכתב מאליהו", און זעטיג דיך אן מיט ריינע תורת ה', חכמת התורה.
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8537 מאל

הודעהדורך נולד מאוחר » זונטאג אוגוסט 19, 2012 12:09 pm

מורינו הרב האט געשריבן:אויב יא, טא וואס מאכט ער א בראטל דערפון, כאילו ער באהאלט עפעס א סוד... איז דען דא א נארמאלער מענטש וואס האלט אנדערש? איז דען אלע מעשיות וואס מען דערצילט אין די גוי'שע וועלט יא אמת?

איך מיין אז עס איז א שטיקל צמצום צו מאכן אזא בראטל.


איך וואלט דיר מייעץ געווען ווען די האסט א טאג off זאלסט קומען בייזוכען איינע פין די חרידשע געגענטער, וועסט אסאך לערנען.
נולד מאוחר
חבר ותיק
חבר ותיק
 
הודעות: 3819
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4787 מאל
האט שוין באקומען לייקס: 1901 מאל

הודעהדורך elter-zeide » זונטאג אוגוסט 19, 2012 12:47 pm

מעשעלעך וואס שטאמט פון מעשה- ביכלעך דארפסטי נישט גלייבען,אין טארמען נישט גלייבען, אבער וואס ווערט געברענגט אין הייליגע ספרים האט געקענט זיין אמת
איך בין נישט אזוי אלט ווי איך זע אויס
elter-zeide
ידיד השטיבל
ידיד השטיבל
 
הודעות: 307
זיך רעגיסטרירט: דאנערשטאג יולי 12, 2012 4:33 pm
האט שוין געלייקט: 141 מאל
האט שוין באקומען לייקס: 137 מאל

הודעהדורך נולד מאוחר » זונטאג אוגוסט 19, 2012 1:04 pm

elter-zeide האט געשריבן:מעשעלעך וואס שטאמט פון מעשה- ביכלעך דארפסטי נישט גלייבען,אין טארמען נישט גלייבען, אבער וואס ווערט געברענגט אין הייליגע ספרים האט געקענט זיין אמת

ווי אזוי ביסטו מגדיר די חיליק פין א ספר אין א ביכל?
אויב עפעס איז געשריבען אויף לש''ק און פארמאגט אן הארטע דעקעל, איז א ?
נולד מאוחר
חבר ותיק
חבר ותיק
 
הודעות: 3819
זיך רעגיסטרירט: מאנטאג אפריל 09, 2012 9:21 pm
האט שוין געלייקט: 4787 מאל
האט שוין באקומען לייקס: 1901 מאל

הודעהדורך מורינו הרב » זונטאג אוגוסט 19, 2012 1:06 pm

קאווע טרינקער האט געשריבן:[
ובן בנו של ק"ו, ס'איז נישט דא קיין שום חיוב צו גלייבען אין די מעשיות. אוודאי נישט אין משוגענע מעשיות, און יא, כ'ווייס צו שווער זיך איינצוהאלטן ווען מיין 6 יעריגע קומט אהיים פארציילן אז ר' יעקב קאפל חסיד, האט מען גערופן שויתי'ניק, ווייל א גאנצען טאג האט ער געזאגט "שויתי ה' לנגדי תמיד"....


אינטערעסאנט; פארוואס האסטו פונקט אנגעכאפט די מעשה? - איך האב געמיינט אז דו וועסט רעדן פון א ר' לייב שרה'ס וואס איז געפלויגן אין די לופטן (אגב; די ספרדים זענען אויך פול מיט די סארט מעשיות), אבער ר' יעקב קאפיל חסיד? - א שיינע מדה און הנהגה! וואס איז אזוי אויסערליך שווער דאס צו גלויבן?
מורינו הרב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1125
זיך רעגיסטרירט: זונטאג אוגוסט 05, 2012 4:48 pm
האט שוין געלייקט: 188 מאל
האט שוין באקומען לייקס: 553 מאל

הודעהדורך שיטה מקובצת » זונטאג אוגוסט 19, 2012 1:40 pm

לאדיך אפ האט געשריבן:פארוואס פאלט דיר איין אז אן עסקן דארף דיך עס מסביר זיין? מ'זאגט אז דו ביזט געפערליך אויפגעקלערט, אנגעליינט, לאכסט אפ פון אלעס וואס איז הייליג ביי אונז, ביזט א לץ, א קאלטער יונג, א קל שבקלים.

ניין. איך לאך נישט אפ פון אלעס וואס איז הייליג. ווען עס קומט צו אידישקייט בין איך מסתמא א גרעסערע מאמין ווי א דורכשניטליכער רב אדער עסקן. איך האב מיך געווייקט ביי מורי ורבי הגה"ק רבי אביגדור מיללער זי"ע און נתבשם געווארן מאורו הבהיר, און איך בין גאר ווייט פון א לץ. איך האב גענוג און נאך געליינט חסידישע ספרים, און איך רעספעקט איינער וואס טרעפט א טעם דערין. צו מיר רעדט עס נישט. באשר די מופתים און רוח הקודש וואס מ'דערציילט אויף די רבי'ס -- איך ווייס נישט וואס איז שווער צו פארשטיין , איך גלייב נישט די מעשיות!!

קרעקער האט געשריבן:דער רבי זכרונו לברכה האט אויך אזוי געהאלטען אז אלע מעשיות זענען נישט אמת
ער האט אבער געזאגט אז מדארף גלייבען אז סקען זיין אמת אויף די צדיקים

דאס זאג איך דיר. איך גלייב נישט אז ס'קען זיין אמת, און דער רבי ז"ל - ווי הייליג ער איז געוועזן - האט נישט געקענט צולייגן נאך אן עיקר צו די י"ג עקרים אז מ'מוז גלייבן אז רבי'ס האבן געקענט מאכן מופתים.

מורינו הרב האט געשריבן:שיטה טייערער: איך וועל דיר ענטפערן מיט א קורצע מעשה'לע, און דערפון וועסטו שוין אלעס פארשטיין.

א איד איז אמאל געקומען צום מיטעלער ליובאוויטשער רבי און האט זיך אויפגעטאן פאר אים אז ער איז אן אפיקורס - ער גלויבט אין גארנישט. פרעגט אים דער רבי "ש"ס קענסטו שוין?"
"עה, איך גלויב דאך נישט דערין" ענטפערט דער איד.
"כאטש תנ"ך, האסטו שוין כאטש דורכגעטאן?"
"אויך נישט, איך גלויב דאך קוים אין גאט."
"דעמאלס" ענטפערט דער רבי, "ביסטו נישט קיין אפיקורס, ביסט דאך א פשוט'ער עם-הארץ. דו ווייסט נישט וואס אידישקייט מיינט און דו לייקנסט עס שוין. מילא ווען דו ביסט א תלמוד-חכם און דו לייקנסט עס, מילא, אבער דו ווייסט דאך אפילו נישט. דאן ביסטו א בלויזע עם-הארץ."

לענינו:
ווי עס שיינט מיר ביסטו אויפגעוואקסן אינעם סאטמארן היימישן לאגער(אדער ענדליך דערצו). האסט זיך קיינמאל נישט אריינגעלייגט צו וויסן וואס חסידות הייסט, וואס איז די לעהערע און וואס האבן די חסידי'שע רבי'ס בכלל געוואלט. דו קענסט ניטאמאל זיין קיין לייקענער אין חסידות.

מילא איבער חסידי'שע מעשיות, כבר צווחו על זה חסידי קמאה אז רוב רובם פון די מעשיות זענען אויפגעטראכטע (אויסער אויפן בעל-שם-טוב וואס חסידים האבן געזאגט אז אפילו אויב איז עס נישט געווען אמת, וואלט עס געקענט זיין אמת, אבער דאס איז א נושא פאר זיך, און לאמיר נישט פארקריכן פונעם ארגינעלן נושא.), אבער די מעשיות זענען נישט די עיקר, דער עיקר איז די לעהערע, וואס חסידות פארקויפט און וואס זי וויל אויפטון, און דאס איז זייער א טיפע נושא. הערשט נאך וואס דו וועסט זיך אריינלייגן דערין, וועסטו קענען לייקענען אדער מודה זיין.

איימסארי.

קודם כל, ביטע בוי נישט קיין בנין איבער מיר אויף מיין חשבון. פון ווי זאלסטו וויסן וויפיל איך האב שוין געלערנט? לאמיר א מינוט אננעמען אז איך האב טאקע נישט געלערענט גענוג חסידות. - האסטו שוין געלערנט גענוג - להבדיל - דעם קוראן צו לייקענען דערינען?!

קול דודי האט געשריבן:אה, איך פארשטיי שוין. דער עיקר ווילסטו א תירוץ אויפ׳ן ״פארוואס?״ נו, דאס האט שוין sociology פארענטפערט פון לאנג. ודו״ק כי קצרתי.

ביטע דו"ק מיר נישט דא. לאמיר הערן אן אריכות גדול...

שמעקעדיג האט געשריבן:לפענ"ד, א מענטש וואס גלייבט נישט וואס זיינע עלטערן און אור עלטערן און רבי'ס פאר אסאך דורות האבן אונז פארציילט, זאכן וואס זיי האבן אליינס מיטגעהאלטן, און איז איבערגעגאנגען מדור לדור איש מפי איש, אשר שמענו ונדעם ואבותינו ספרו לנו, איז שוין אין גאר א נידריגן מצב.
ווי אזוי מענטשן, היינטיגע קליינע קלאץ-קעפ, קענען זיך האלטן קלוגער און פארשטענדליכער פון די פריערדיגע דורות וועלכע האבן אויפגעשטעלט דורות פון אידישקייט און מ'האט איינגעזעהן זייער קלוגשאפט און שטארקייט, איז אינגאנצן בעיאנד מי.
איך זאג נישט מ'דארף גלייבן אלעס, און ווי קרעקער האט שוין געשריבן (בערך) אז סאטמאר רבי האט אויך נישט געגלייבט אין יעדע מעשה'לע, אבער לכה"פ געהאלטן אז עס קען זיין אמת, און אז די צדיקים הקודמים האבן געהאט איבערנאטורליכע כוחות פון הימל. אבער געוואלד, דו גלייבסט דאך דאס אויך נישט.
וואס איז נעקסט סטעפ? מארגן וועסטו מער נישט גלייבן אז משה רבינו איז ארויף געגאנגען אין הימל לעבעדיגערהייט?
איך וויל נישט אריינגיין אין א שמועס, איך וויל נישט ווערן אפגעקילט, אבער דו דארפסט אריינטראכטן ביז ווען האסטו יא געגלייבט דערין, און וואס האט דיר געמאכט אויפהערן גלייבן? דארט ערגעץ ליגט דער הונט באגראבן. זיי נישט קיין אויבער-חכם און האלט זיך נישט קלוגער פון דיינע עלטערן און זיידעס. ס'וועט דיר קיין שום גוטס נישט ברענגען.
און טאמער וועסטו דאס זאגן ברבים, איז בלי שום ספק אז דו וועסט ווערן ארויסגעשפיגן פון איבעראל. איז ביטע האלט עס באגראבן טיף אין הארצן, און הייב אן לערנען ספרים בענין "אמונת צדיקים".
איימסארי אויב כ'בין צו שארף, אבער ההכרח לא יגונה.

האלטסטו טאקע אז אונזער אמונה אין משה רבינו ע"האיז בערך אזוי שטארק ווי די אמונה אין חסידישע רבי'ס "כוחות"...? איך האלט מיך נישט קלוגער , איך גלייב פשוט נישט..... דיינע זיידע'ס האבן געגלייבט אז די וועלט איז פלאך, און די האלטסט דיך קלוגער ווי זיי?!

elter-zeide האט געשריבן:מעשעלעך וואס שטאמט פון מעשה- ביכלעך דארפסטי נישט גלייבען,אין טארמען נישט גלייבען, אבער וואס ווערט געברענגט אין הייליגע ספרים האט געקענט זיין אמת

איך מוז נישט האלטן אז יעדע ספר וואס די האלטסט איז הייליג איז טאקע הייליג. די מתנגדים האבען נישט געגלייבט אז ר' יעקב יוסף מפולנאי ווייסט וואס ער רעדט אינעם תולדות יעקב יוסף , און זיי זענען געוועהן כשר'ע אידן.
רעדאגירט געווארן צום לעצט דורך שיטה מקובצת אום זונטאג אוגוסט 19, 2012 2:32 pm, רעדאגירט געווארן איין מאל בסך הכל.
דו גלייבסט אין דיינע עלטערן, וועגן דעם גלייבסטו אין באשעפער.
איך גלייב אין באשעפער, וועגן דעם גלייב איך מיינע עלטערן.

--שיטה מקובצת
שיטה מקובצת
היימישער באניצער
היימישער באניצער
 
הודעות: 558
זיך רעגיסטרירט: דאנערשטאג מאי 10, 2012 9:03 am
האט שוין געלייקט: 503 מאל
האט שוין באקומען לייקס: 1349 מאל

הודעהדורך elter-zeide » זונטאג אוגוסט 19, 2012 2:15 pm

נולד מאוחר האט געשריבן:
elter-zeide האט געשריבן:מעשעלעך וואס שטאמט פון מעשה- ביכלעך דארפסטי נישט גלייבען,אין טארמען נישט גלייבען, אבער וואס ווערט געברענגט אין הייליגע ספרים האט געקענט זיין אמת

ווי אזוי ביסטו מגדיר די חיליק פין א ספר אין א ביכל?
אויב עפעס איז געשריבען אויף לש''ק און פארמאגט אן הארטע דעקעל, איז א ?


מיט א הארטע דעקעל ווערט עס נישט הייליג אין א וואדי נישט מיט לשון קודש
איך בין נישט אזוי אלט ווי איך זע אויס
elter-zeide
ידיד השטיבל
ידיד השטיבל
 
הודעות: 307
זיך רעגיסטרירט: דאנערשטאג יולי 12, 2012 4:33 pm
האט שוין געלייקט: 141 מאל
האט שוין באקומען לייקס: 137 מאל

הודעהדורך elter-zeide » זונטאג אוגוסט 19, 2012 2:34 pm

שיטה, שרייבט:
איך מוז נישט האלטן אז יעדע ספר וואס דו האלטסט איז הייליג איז טאקע הייליג.
די מתנגדים האבען נישט געגלייבט אז ר' יעקב יוסף מפולנאי ווייסט וואס ער רעדט אינעם תולדות יעקב יוסף , און זיי זענען געוועהן כשר'ע אידן.


מיש נישט אריין אלטע מחלוקת, ווייל בשעת עס ברענט א מחלוקה מאכט מען טעותים, ביסט גערעכט, די מתנגדים זענען געווען ערליכע יודן, אויך די חסידים.
איך בין נישט אזוי אלט ווי איך זע אויס
elter-zeide
ידיד השטיבל
ידיד השטיבל
 
הודעות: 307
זיך רעגיסטרירט: דאנערשטאג יולי 12, 2012 4:33 pm
האט שוין געלייקט: 141 מאל
האט שוין באקומען לייקס: 137 מאל

הודעהדורך מורינו הרב » זונטאג אוגוסט 19, 2012 2:54 pm

בקיצור: א שטורעם אין א גלעזל וואסער.
מורינו הרב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1125
זיך רעגיסטרירט: זונטאג אוגוסט 05, 2012 4:48 pm
האט שוין געלייקט: 188 מאל
האט שוין באקומען לייקס: 553 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: Majestic-12 [Bot], SEMrush [Bot] און 3 געסט