ראסיזם צווישן היימישע אידן

[גאלד]

אונזער רעליגיע האט גארנישט קעגן ספעציפישע ראסעס, דער ווייסער אינטעלעגענטער גוי איז דער זעלבער קליפה וטומאה ווי דער כאלערע שחור,

חוץ די ז' אומות און זרע עמלק,

איז אזוי, ז' אומות זאגט דאך דער רמב"ם אז ס'שוין ממילא נאבד ונכרתו לעולם ועד נאך מימי דוד,
און זרע עמלק האט דער חפץ חיים געזאגט אז די ציונים און די אלע לינקע שונאי הדת זענען בלי ספק מזרע עמלק, ממילא איז דאך עס גאר אונזער ראסע,

[לעיקוואד]

יעצט ווען ראסיזם אין אמעריקא וואלט גע'אסר'ט נאר ראסיזם מצד ראסע, וואלסטו געווען ביטער גערעכט.
אבער מה נעשה אז ראסיזם ווערט פאררעכנט א יעדע סארט וואס ס'קען דיך נאר איינפאלן, כולל ראסיזם מצד רעליגיע.

על זה דברנו למעלה אז דאס האט שוין צוטוהן מער מיט די שאלה פון פלורליזם נישט מיט די שאלה פון ראסיזם.
מכל מקום, איז קלאר אז דאס וואס מלאזט נישט דיסקרימינאציע באזירט אויף רעליגיע איז דווקא אין א קאנטעקסט וואס האט נישט צוטוהן מיט רעליגיע. למשל א ארבעטסגעבער טאר נישט ארייננעמן נאר קריסטליכע ארבייטער. אבער א קלויסטער למשל הא קיינער נישט קיין טענות אויף דעם וואס ער נעמט נישט קיין גלח וואס איז נישט קיין קריסט, אדער אפילו א גלויביגער וואס האט נישט חתונה מיט איינער פון אן אנדערע רעליגיע.

[יאיר]

'בן נח נהרג על פחות משוה פרוטה' איז א שכל'דיגע הלכה?

א. דאס איז א הלכה ולא למעשה. איך גלייב נישט אז עס איז אמאל פארגעקומען אין היסטאריע אז מזאל עס טאקע טוהן. און עס איז קיינמאלנישט געווען אז מהאט געלערנט אין בית מדרש הלכות גויים מיט אן ערנסטקייט אויף למעשה.
ב. אין א וועלט ווי מפארשטייט בכלל אז גניבה איז מחוייב מיתה, און ר' אלעזר בר' שמעון מסר'ט אידישע גנבים צו די גויים זאלן זיי הרגנען, איז שוין די מעשה אנדערש.
די הגיון פון דער הלכה איז פונקט ווי יידל האט געברענגט, אז בעצם איז מען חייב מיתה פאר יעדער גניבה, עס איז נאר דא א טעכנישע דעטעיל אז עס איז דא א חילוק פון שו"פ ביז פחות משו"פ, איז די טעכנישע פרט זאגט מען עס איז נאר ביי יידען וואס אויף זיי זענען חל חוקי התורה. קענסט דיך דינגען אויף די הגיון פון הרגנען גנבים, און אויף די הגיון פון דין שו"פ, עס איז אבער קלאר נישט געבויט אויף א מהותדיגער חילוק פון א יוד ביז א גוי.

אזא מעשה האט שוין פאסירט: ובן נח שעבר על אחת משבע מצות אלו יהרג בסייף, ומפני זה נתחייבו כל בעלי שכם הריגה, שהרי שכם גזל והם ראו וידעו ולא דנוהו, ובן נח נהרג בעד אחד ובדיין אחד בלא התראה ועל פי קרובין. (רמב"ם מלכים פ"ט).
איז דאס יושר'דיג און שכל'דיג אדער ראסיזם?
אויסער דעם, ס'איז בכלל נישט קיין נפק"מ צו מ'איז עס מקיים למעשה, דאס וואלט געווען פיל ערגער. די פוינט איז אז הלכה מאכט ראסיסטישע חילוקים אפילו אויב ס'איז נאר טעארעטיש, און דאס איז פונקט גענוג. און וואס איז מיט עם הדומה לחמור, איז דאס נישט א גלאטע ראסיסיטישע סטעיטמענט?

[יידל]

יא.

'בן נח נהרג על פחות משוה פרוטה' איז א שכל'דיגע הלכה?

אליעזר טרייטל האט געשריבן אויף דעם אין עצכ"ח:

לולי דמסתפינא הייתי אומר שיש לפרש 'הלכה' זו שבן נח נהרג על פחות משווה פרוטה כדרך שיש לפרש את המאמר 'עם הארץ מותר לנוחרו ביום כיפור שחל להיות בשבת' - גוזמא בעלמא!

[יאיר]

האבן מיר א מחלוקת צווישן רמב"ם און אליעזר טרייטל .

[לעיקוואד]

אויף די מעשה אין שכם פעלט נישט קיין מפרשים וואס האבען טענות אויף דעם און זענען נישט מוותר שמעון ולוי אויף די רציחות. די ערשטער מבקר פון דער מעשה איז איינער יעקב אבינו אין עפעס א ספר חומש בראשית פרשת ויחי..

כאמור אין יענע צייט האט מען געהרגט מענטשען סתם על ימין ועל שמאל, דאס האט נישט צוטוהן מיט די פראבלעם פון ראסיזם נאר סתם פון אכזריות וואס דער תנ"ך איז פול דערפון.

מאמרי חז"ל קען מען טרעפן וויפיל מוויל סיי לצד זה און סיי לצד זה עס איז שווער צו ברענגען פון זיי עפעס א קלארע ראיה. אויף יעדער אזא מאמר איז דא אויך א פארקערטער מאמר.

ספעציפיש דער עם הדומה לחמור האט ער דאך געזאגט אויף דעם ווייל זיי האבען נישט געהאט קיין רוה"ק צו וואס צו זעהן דער גילוי שכינה בענן קשור על ההר, שוין, זענען מיר שוין פיל ערגער פון דער דומה לחמור..

[יאיר]

וואס פארשטייט ר' יעקב צו א שטיקל רמב"ם?
דו זאגסט אז ס'איז דא מאמרי חז"ל לכאן ולכאן. אדרבה, איך וואלט זייער געוואלט זען עפעס א קנאקעדיגע מאמר חז"ל וואס זאגט אז אלע מענטשן זענען גלייך, א גוי איז גארנישט ווייניגער ווי א איד, און בעסער אז ס'איז נישט קיין פארשטיפטע תנא דבי אליהו, נאר אזא וויכטיגע דרש פון גמרא פון וואס מען לערנט ארויס אזעלכע יסודות'דיגע לימודים ווי גוי אין לו חייס אדער בן נח נהרג על ז' מצוות. אפשר קענסטו מיר טרעפן נאך בעסערס, אז עס זענען דא געוויסע מעלות ביי גויים וואס מיר אידן האבן נישט. דאס וואלט געווען געשמאק.

[גאלד]

יעדער רעליגיע גלויבט אז זייערע גלויביגע זענען הייליגער און העכער ווי די נישט גלויביגע דאס איז די נאטור פון רעליגיע, פארדעם זענען פילע מלחמות, ימים בלוט פארגאסן געווארן און נאמען פון רעליגיע,

דאס מיינט נישט ראסיסטיש ווייל יעדע רעליגיע, עכ"פ אונזער זיכער, לאזט אריין יעדע ראסע תחת כנפי השכינה (חוץ עמון ומואב, וואס נאכאמאל עס עקזיזטירט עס נישט)

אבער ווען פרומע אידן מאכן חוזק און דערנידערן שחורים מער ווי אנדערע ראסעס, דאס איז שוין ראסיסטיש און נישט אידישליך,

[לעיקוואד]

וואס פארשטייט ר' יעקב צו א שטיקל רמב"ם?
דו זאגסט אז ס'איז דא מאמרי חז"ל לכאן ולכאן. אדרבה, איך וואלט זייער געוואלט זען עפעס א קנאקעדיגע מאמר חז"ל וואס זאגט אז אלע מענטשן זענען גלייך, א גוי איז גארנישט ווייניגער ווי א איד, און בעסער אז ס'איז נישט קיין פארשטיפטע תנא דבי אליהו, נאר אזא וויכטיגע דרש פון גמרא פון וואס מען לערנט ארויס אזעלכע יסודות'דיגע לימודים ווי גוי אין לו חייס אדער בן נח נהרג על ז' מצוות. אפשר קענסטו מיר טרעפן נאך בעסערס, אז עס זענען דא געוויסע מעלות ביי גויים וואס מיר אידן האבן נישט. דאס וואלט געווען געשמאק.

קודם תנא דבי אליהו איז גארנישט אזוי פארשטופט, עס איז נאך אזא מקור ווי אסאך אנדערע מקורות..
מאמרי חז"ל קעגן יודען איז דא אסאך.. למשל ישראל עזים שבאומות, למה ניתנה תורה לישראל מפני שהם עזים, וע"ש בפירש"י.
כמו"כ פעלט נישט קיין מארז"ל וואס זענען אפען משבח מעלות וואס זענען דא בי גוים און נישט ביי יודען.
ידוע דער וויכוח פון רשב"י ור' יהודה בר עילאי לגבי מה נאים מעשיהם של אומה זו.
ר"ג אומר בג' דברים אוהב אני את הפרסיים.
דאס איז אלץ מעלות וואס איז נישטא ביי יודען.
אז אלע מענטשען זענען גלייך איז דא א מאמר זה ספר תולדות אדם זה כלל גדול מזה
וואס איז אזוי שלעכט אן אפענער משנה, חביב אדם שנברא בצלם, חיבה יתירה נודעת לו שנברא בצלם. סך הכל לייגט די משנה צו חביבין ישראל שנקראים בנים למקום, אבער בצלם זענען אלע גלייך.

כל זה מה שנזכרתי כרגע, א קלארע מחקר אויף דעם וועט אוודאי ברענגען פיל מער.

[מאראנצןזאפט]

תמצית הדברים לפי הבנתי, אז די תורה דיסקרימינירט, אבער נישט געבויעט אויף ראסיזם, דאס הייסט אויף א טעאריע אז איין ראסע איז מער ווי דער צווייטער. הרב יואב והרב יאיר איר קענט אראפנעמען די לייקס אויף מיינע ווערטער משום שצדק בזה החכם מלעיקוואוד, ונסתרה כל הקו' מדיני תורה לגוים ולנשים.
ומכאן הקריאה יוצאת: ווען הרב לעיקוואוד זאגט עפעס, אל תבהל להשיב!

[יאיר]

אה, מיר זענען נישט אינגאנצן באנקראט, כאטש נישט ממש אזעלכע קנאקעדיגע אויף וואס איך האב געהאפט. ניחמתנו, לעיקוואוד, ניחמתנו.

[געפילטע פיש]

די ראסיסטן קעגן שחורים צווישן היימישע אידן, זענען געווענליך די וואס האבן ווייניגער שכל ווי דער עוורעדש שחור

שטודיעס ווייזן אז ראסיסטן האבען בדרך כלל א נידעריגערע IQ.

[ברסלבער]

שטודיעס ווייזן אז ראסיסטן האבען בדרך כלל א נידעריגערע IQ.

במה דברים אמורים, ביי איינעם וואס פארשטייט אזוי מדעתו, משא"כ איינער וואס איז אויפגעוואקסן אין אזא סביבה, איז שווער אזוי דן צו זיין.

[לעיקוואד]

במה דברים אמורים, ביי איינעם וואס פארשטייט אזוי מדעתו, משא"כ איינער וואס איז אויפגעוואקסן אין אזא סביבה, איז שווער אזוי דן צו זיין.

יש בזה אמת, אבער נאכטאנצען דער סביבה אן טראכטען איז אויך נישט קיין סימן פון גרויס חכמה.

[יאיר]

כמעט יעדער טאנצט נאך די סביבה אויף א געוויסע פארנעם, אפילו די קלוגסטע מענטשן, איינער מער און איינער ווייניגער.

[יואב]

במה דברים אמורים, ביי איינעם וואס פארשטייט אזוי מדעתו, משא"כ איינער וואס איז אויפגעוואקסן אין אזא סביבה, איז שווער אזוי דן צו זיין.

דהיינו א תינוק שנשבה איז מען דן אנדערש נישט נאר כלפי שמיא נאר אויך אין די וועלט פון IQ

[ונבנתה העיר]

ראסיזם איז נאר די אמונה אז אידען זענען עפעס בעצם אנדערש מער בעסער ווי אנדערע, נישט אלץ זייער אמונה אדער רעליגיע וואס איז מער ריכטיג, נאר בעצם אז די אידישע ראסע איז עפעס בעסער און אנדערש פון דער גוי. אויף דעם האב איך געזאגט אז סך הכל אפאר מפרשים פארשטייען אזוי, ובראשם דער כוזרי והנמשכים אחריו, אבער אין דער תורה אליינס טרעפט מען דאס נישט, און איך בין נישט מחוייב צו גלייבען אין דעם. דאס איז טאקע ראסיזם און עס איז נישטא קיין נארמאלער סיבה עס צו גלייבען.

גאלד האט שוין מעורר געווען, און געפילטע האט שוין אזוי געשריבן במ"א:

די עולם מישט דא צאם רעליגיע מיט ראסע. ראסע איז א זאך וואס מ'קען נישט טוישן, א שווארצער בלייבט א שווארצער, און צו אריינצוגיין אינעם אריאנע ראסע קען מען זיך נישט מגייר זיין, משא"כ די אידישע רעליגיע וואס נעמט אן גרים, אפגעזען פון דיין אפשטאם, ראסע, קענסטו ווערן א איד. און דאס קען נישט זיין ראסיסטיש.

אבער א ראסיסט קענסטו נאך אלץ זיין, אזוי ווי א גרויס חלק פון אונזער קאמיוניטי וואקסט אויף ראסיסטיש, אבער מיט אידישקייט האט עס נישט צו טוהן.

הגם דער כוזרי קלאפט יא אביסל די גרים, איז עס אבער א חידוש גדול וואס ווערט לכאורה נישט דערמאנט אין ערגעץ.

[ראשעקאל]

איך בין בכלל נישט אויסגעקאכט אין די ענין , אבער כ'האב ביי מיר א לאנגע ארטקיעל וואס איז געוועהן אין קובץ "פעמון" וועגן די ענין, וועל איך מזכה זיין דעם עולם.
אזוי ווי ס'געוועהן צו גרויס האב איך עס צוטיילט אין צוויי

Paamoin.1-11.pdf

(158.7 KiB) אראפגעלאדנט 90 מאל

Paamoin.12-23.pdf

(153.83 KiB) אראפגעלאדנט 80 מאל

[עסן עסט'זיך]

עס איז א לאנגע מאמר די הפעמון מאמר וואס איז זיין מסקנה האט עס אמיצער אדוירכגעלייענט?

[מאטי]

לא יבא ממזר בקהל השם
כהן לוי ישראל
זר הקרוב ימת
מלכות בית דוד

ראסיזם פון מיין פראספעקטיוו איז all men created equal under god און ווער ביסטו קליינע מענטשעלע צו מאכן חילוקים וועגן color nationality religion
אבער גאט מעג יא !! סאיז זיין וועלט כחומר ביד היוצר אויב גלייבסטו אז די תורה קומט פון גאט איז נישט דא קיין קושיות
והשתא דאתית להכא איז אלע דוחקים וואס לעקוואד וחביריו האבן געמאכט צו פארענפערן יאיר וחבריו לכאורה איבריג.

[טעפל]

אבער אזוי ווי אונז זענען דעם עם הנבחר, קינדער פונעם אייבישטער, איז אפשר מעגן אונז אויך..

[מאטי]

לא יודע מה טעפל כותב אולי צריך טעפל לעיין בחתימה שלי

[טעפל]

כ'האב געוואלט זאגען א ווערטעל, אבער אפשר איז עס נישט אויפן פלאץ

[היימישער ליטוואק]

איר פארגעסט אז אפילו פון די ז' אומות און עמלק, (לויט דעם רמב"ם) דארף מען דורש זיין בשלום איידער מען גייט מלחמה האלטן.
אויך, אויב איינער פון זיי איז זיך מגייר באקומט ער א דין פון א רעגורלער ישראל (ווייטער, לויט כמה פוסקים). און זיין ראסע מאכט נישט אויס.

[יאיר]

לא יבא ממזר בקהל השם
כהן לוי ישראל
זר הקרוב ימת
מלכות בית דוד

ראסיזם פון מיין פראספעקטיוו איז all men created equal under god און ווער ביסטו קליינע מענטשעלע צו מאכן חילוקים וועגן color nationality religion
אבער גאט מעג יא !! סאיז זיין וועלט כחומר ביד היוצר אויב גלייבסטו אז די תורה קומט פון גאט איז נישט דא קיין קושיות
והשתא דאתית להכא איז אלע דוחקים וואס לעקוואד וחביריו האבן געמאכט צו פארענפערן יאיר וחבריו לכאורה איבריג.

דעמאלט פארוואס האבן מיר טענות אויף די אינקוויציע אין שפאניע, זיי האבן געגלייבט אז גאט וויל אז מען זאל פארברענען די אידן און מען קען נישט פרעגן קיין קשיות?