אידישקייט איז ללעג ולקלס אין די גאסן פון וויליאמסבורג

ארטיקלען און באטראכטונגען איבער דער חרדי'שער געזעלשאפט און קולטור

אידישקייט איז ללעג ולקלס אין די גאסן פון וויליאמסבורג

הודעהדורך יאנקל » זונטאג יוני 02, 2013 3:35 am

דעם זונטאג גייט אין די וויליאמסבורגער גאסן פארקומען א מרידה באלוקי ישראל אויף א פארנעם וואס איז נישט געזען געווארן פאר הונדערטער יארן. עס גייען זיך צוזאמענקומען טויזנטער אידן, מענטשן וועלכע האלטן זיך ווי די פרומסטע, ערליכסטע און בעסטע אידן, און וועלן אפן דערקלערן אז קיין שום אינטערעסע פאר דער צוקונפט פון אידישקייט וועט נישט שטיין אין וועג פון די פאליטישע קאפריזן פון זייערע זעלבסטגעקרוינטע מנהיגים.

דער אינטערנעט איז היינט דער גרעסטער טשאלעדזש וואס איז פאראן פאר חרדישער אידישקייט. דאס וועט נישט קיין שום שכל'דיגער מענטש לייקענען. עס זענען פאראן פארשידענע מיינונגען וויאזוי מ'דארף ארבעטן ארום דעם טשאלענדזש, אבער דאס איז קלאר אז לא עת לחשות. רוב חסידישע רבנים און א גרויס טייל פון די ליטווישע רבנים האבן אנגענומען דעם מהלך אז כדי צו ראטעווען די קומענדיגע דורות דארף מען באגרעניצן דעם אינטערנעט ווי ווייט מעגליך. נישט יעדער איז מסכים אז אזא מהלך איז די ישועה – אבער דאס מעגן מיר אלע מסכים זיין, אז וואס מ'זאל נאר האלטן אז עס איז די ישועה, דארף דאס געטון ווערן מיט דעם גרעסטן מאס ישוב-הדעת, כובד-ראש, און ערנסטקייט, וויסנדיג אז אין דעם איז תלוי דעם עתיד פון די דורות הבאים.

אבער די וויכטיגקייט פון דעם עתיד פון די דורות הבאים איז נישט אין-סוף, עס קען ווערן אפגעשאצט און קוואנטיפיצירט. און אז עס איז פאראן עפעס וואס איז וויכטיגער פון דער אידישקייט פון די דורות העתידים, נעמט דאס פרעצעדענט איבער דעם עתיד פון אידישקייט. אין וויליאמסבורג האט מען אין די לעצטע וואכן פלאנירט א גרויסן כינוס וואו מ'וועט זיך צוזאמענקומען מעורר זיין די איינוואוינער זיך צו האלטן צו די באגרעניצונג-תקנות וועלכע זענען נוגע דעם אינטערנעט. אויב נעמט מען ערנסט די "מערכה", אויב מ'האלט טאקע אז דאס איז דער מהלך צו ראטעווען חרדישער אידישקייט, דאן איז אזא כינוס א מאמענט פון העכסטער וויכטיגקייט און ערנסטקייט. עס פארשטייט יעדער אז מאטראזן אין א זינקענדיגער שיף טראכטן נישט "מי בראש" ווען א צווייטע שיף קומט זיי ראטעווען. די וואס אמפערן זיך ווער עס זאל זיצן אויבן-אן אין דער שיף, פארשטייען אפנים נישט ווי גרויס די סכנה איז – אדער איז זיי דאס זיצן אויבן-אן וויכטיגער פון דעם לעבן זעלבסט.

ווען האדמו"ר זלמן לייב מסאטמאר טוט נישט אלעס אין דער וועלט צו ווייזן א פאראייניגטער פראנט אין דער מערכה קעגן אינטערנעט, זענען פאראן צוויי מעגליכקייטן: אדער איז ער נישט באוואוסטזיניג צו דער סכנה וואס דער אינטערנעט שטעלט פאר פאר דעם פארמאט פון אידישקייט וואס ער פראקטיצירט, אדער איז זיין כבוד וויכטיגער פון דעם. און אזוי האט זיך ארויסגעשטעלט אז ער האט נישט געקענט צופרינשטעלן די כת האהרונים ווען זיי האבן פארלאנגט א לאגישע בקשה אז זייער רב אין וויליאמסבורג, הרב מענדל טייטלבוים, זאל האלטן א דרשה ביי דעם כינוס.

וואס האדמו"ר ר' אהרן מסאטמאר פלאנט צו טון מארגן איז אבער אין מיינע אויגן נאך ארגער ווי דעם. ער האט פאררופן א כינוס אין דעם זעלבן טאג און אין דעם זעלבן צייט ווי דעם כת הזאלוינים, און ער נוצט אפיציעל דעם ענין פון דער מערכה אויף אינטערנעט זיך צו שלאגן און אוועקמאכן די אקטיוויטעטן פון דעם אנדערן כת. די אהרונים ווילן מיט זייער כינוס פראקלאמירן פאר דער וועלט אז דער כבוד און מאכט-הונגעריגקייט פון האדמו"ר זלמן לייב האט צעשטערט עפעס וואס וואלט געקענט זיין א שטארקער פראנט אין דער מלחמה קעגן דעם אינטערנעט: א פאראייניגטער כינוס פון "אלע" וויליאמסבורגער איינוואוינער, אריינגערעכנט די עמון ומואב כתות מעדת סאטמאר. זיי ווילן אז דער פילוג זאל שרייען איבער דער גאנצער וועלט און זאל ווייזן קליפ און קלאר וויאזוי פאליטישע אינטערעסן זענען ביי האדמו"ר זלמן לייבן געווען וויכטיגער פון אידישקייט ענינים.

עס איז וויכטיג צו אויפדעקן די מאטיוון וועלכע טרייבן די מנהיגים; און די אויפפירונגען פון די מנהיגים אין די לעצטע יארן האבן טאקע פארזיכערט אז קינד און קייט איז גוט אינפארמירט איבער וואס איז באמת וויכטיג פאר זיי. עס פארשטייט שוין היינט יעדער אז אני ואפסי איז דער וויכטיגסטער פריאריטעט פאר די אדמו"רים, און אז אידישקייט איז נישט נאר אומוויכטיג, נאר עס ווערט גענוצט ווי א מיטל אויף צו קענען קונה זיין כבוד און געלט. די אויפפירונג פון האדמו"ר זלמן לייב גייט אריין אין דעם גדר פון וואס מיר זעען אין די לעצטע יארן. עס איז ליידער שוין ערווארטעט אז דאס זאלן זיין די פריאריטעטן פון א רבי'ן. אבער וואס האדמו"ר ר' אהרן טוט, צו גיין דירעקט מאכן אן עקסטערן כינוס כדי די קארופציע פונעם ברודער זאל שטארק ארויסגעהויבן ווערן, נוצן דאס וואס דארף זיין א הייליגע אקציע צו ראטעווען די דורות הבאים אויף צו שלאגן זיין ברודער – אט דאס איז א פרישער נידריגער שטאפל פון טרעטן אויף אלעם וואס איז הייליג.

האדמו"ר זלמן לייב האט זיך נאך געקענט איינרעדן אז זיינע פאליטישע אינטערעסן זעען זיך נישט אזוי קלאר ארויס, ער האט געקענט האלטן אז עולם-גולם וועט נישט כאפן ווי קארופטירט זיינע אידישקייט חשבונות זענען. אבער האדמו"ר ר' אהרן האט נישט געקענט מאכן אזעלכע חשבונות; דאס מאכן א כינוס פונקט אין דער זעלבער צייט לאזט נישט איבער קיין שום ספק – זאגאר אפילו אהרונים זאגן קלאר אז דער צוועק פון זייער כינוס איז צו "מאכן ליצנות" פון דעם כינוס פון די זאלוינים. דאס איז א מרידה במלכות שמים, במלא מובן המילה.
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3782 מאל

הודעהדורך אייגענארטיג » זונטאג יוני 02, 2013 4:18 am

דאס האלט צד מהרזל. נו וואס איז די סברה פון צד מהרא?
אייגענארטיג
ידיד השטיבל
ידיד השטיבל
 
הודעות: 323
זיך רעגיסטרירט: זונטאג מערץ 04, 2012 7:00 pm
האט שוין געלייקט: 60 מאל
האט שוין באקומען לייקס: 94 מאל

הודעהדורך לעיקוואד » זונטאג יוני 02, 2013 4:49 am

גוט מארגען. וואס האסטו געמיינט ביז יעצט?
I have a dream
Martin Luther King ~
באניצער אוואטאר
לעיקוואד
חבר ותיק
חבר ותיק
 
הודעות: 3883
זיך רעגיסטרירט: מאנטאג סעפטעמבער 10, 2012 7:22 am
האט שוין געלייקט: 1780 מאל
האט שוין באקומען לייקס: 6092 מאל

הודעהדורך diff » זונטאג יוני 02, 2013 7:54 am

what does technology have with yidishkeit.
diff
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1717
זיך רעגיסטרירט: מיטוואך אוגוסט 22, 2012 1:07 pm
האט שוין געלייקט: 194 מאל
האט שוין באקומען לייקס: 298 מאל

Re: אידישקייט איז ללעג ולקלס אין די גאסן פון וויליאמסבורג

הודעהדורך ל.רוזן » זונטאג יוני 02, 2013 9:37 am

לאמיר זיי דן זיין לכף זכות אז זיי האלטן נישט אמת'דיג אז די כינותים ראטטעוועט יודשקייט

Sent from my SPH-M580BST Using ForumTouch for Android
ל.רוזן
מאנשי שלומינו
מאנשי שלומינו
 
הודעות: 116
זיך רעגיסטרירט: דאנערשטאג אפריל 26, 2012 11:01 am
האט שוין געלייקט: 10 מאל
האט שוין באקומען לייקס: 68 מאל

הודעהדורך ידען » זונטאג יוני 02, 2013 10:23 am

פארוואס גייט סקלענע רבי נאר צו רז"ל?

אויך פארוואס גייט ווינע רבי דארט? ער האט געוואלט מאכען נאר איין און אז ער גייט דארט מן הסתם ווייסט ער וואס אונז ווייסען נישט.

נישט מישען פאליטיק. איך פרעג סתם.
פאר גוגל טאק און פאר לייגען אשכולות ענאנימעסלי
yedios1 @ gmail.com
באניצער אוואטאר
ידען
חבר ותיק
חבר ותיק
 
הודעות: 3154
זיך רעגיסטרירט: דינסטאג פעברואר 28, 2012 10:27 pm
האט שוין געלייקט: 3708 מאל
האט שוין באקומען לייקס: 1093 מאל

הודעהדורך ממרום שלח אש » זונטאג יוני 02, 2013 12:19 pm

יאנקל האט געשריבן:
ווען האדמו"ר זלמן לייב מסאטמאר טוט נישט אלעס אין דער וועלט צו ווייזן א פאראייניגטער פראנט אין דער מערכה קעגן אינטערנעט, זענען פאראן צוויי מעגליכקייטן: אדער איז ער נישט באוואוסטזיניג צו דער סכנה וואס דער אינטערנעט שטעלט פאר פאר דעם פארמאט פון אידישקייט וואס ער פראקטיצירט, אדער איז זיין כבוד וויכטיגער פון דעם. און אזוי האט זיך ארויסגעשטעלט אז ער האט נישט געקענט צופרינשטעלן די כת האהרונים ווען זיי האבן פארלאנגט א לאגישע בקשה אז זייער רב אין וויליאמסבורג, הרב מענדל טייטלבוים, זאל האלטן א דרשה ביי דעם כינוס.



אדער איז ער פשוט נישט איבערגעצייגט אז מברויך א פאראייניגטע פראנט.

די הנחה אז כדי אויפצוטאן וועגן אינטערנעט, ברויך מען צוזאמברענגן ווי מער מענטשן פון ווי מער שיכטן אויף איין פלאץ, איז אבסורד.
"ווי דער גוטער בוך זאגט, אז מען שפייט אין די לופט, לאנדעט עס אין פנים"
ממרום שלח אש
היימישער באניצער
היימישער באניצער
 
הודעות: 540
זיך רעגיסטרירט: דינסטאג פעברואר 26, 2013 3:56 pm
האט שוין געלייקט: 544 מאל
האט שוין באקומען לייקס: 727 מאל

הודעהדורך וואלפה » זונטאג יוני 02, 2013 12:22 pm

איינער שרייבט מיר יעצט אז ער מיינט אז מ'זאל מאכן אסיפות און כינוסים ביי יעדע עטליכע גאסן, א שטייגער ווי די ערב פסח פייערס..."
אנשטאט אויסארבייטען יענעמס שפיצען,
ארבייט דיך אויס, אז די זאלסט פארנעמען שפיצען! (אדמו"ר מסלאנים)
באניצער אוואטאר
וואלפה
ידיד השטיבל
ידיד השטיבל
 
הודעות: 160
זיך רעגיסטרירט: מוצ"ש יאנואר 26, 2013 11:26 pm
האט שוין געלייקט: 215 מאל
האט שוין באקומען לייקס: 185 מאל

הודעהדורך בדחן » זונטאג יוני 02, 2013 12:53 pm

ממרום שלח אש האט געשריבן:אדער איז ער פשוט נישט איבערגעצייגט אז מברויך א פאראייניגטע פראנט.
די הנחה אז כדי אויפצוטאן וועגן אינטערנעט, ברויך מען צוזאמברענגן ווי מער מענטשן פון ווי מער שיכטן אויף איין פלאץ, איז אבסורד.


האסט א גיטע פוינט, און דאס איז לכאורה די בעסטע מהלך, און די שאלה איז פארוואס ביידע זייטען זעען עס נישט איין.
__

@יאנקעל, עס איז קלאר אז צד רז"ל האט געשפילט שאך מיט צד מוהר"א, און זיי האבן געווינענן שאך-מאט.

פון איין זייט האט צד רז"ל גארנישט געוואלט נאכגעבן פאר צד מוהר"א, און צד מוהר"א האט געהאט א ריזיגע פראבלעם, שיקען זיינע פאר טויזענט מענטשן הערן רז"ל און זיי דערנידערן און מאכען פאר א גאריבטש, איז אויסגעשלאסן ווייל עס איז תשע"ג און מען קען זיך נישט אזוי אויפירען מיט מענטשן, די אנדערע אפציע פון נישט שיקען זיינע מענטשן און נישט מאכען קיין אייגענע כינוס איז אויך געווען אויסגעשלאסן, עס וואלט געוען זייער שלעכט מכמה טעמים, כמובן מעצמו.

עס איז קלאר אז פאר צד מוהר"א איז פול בעסער און שענער אלמלא מען גייט ווען אינאיינעם, אבער ווי פארשטענדליך לויט די אומשטענדען האבן זיי נישט געהאט קיין ברירה און זיי וועלן האפן אז איבער מארגען ועט זיין פרישע נייעס און די נושא וועט אראפ גיין פון טיש,

צו ברענגן א ראיה ווי סקולנער רבי גייט, אדער וו ווינער רב גייט און דערמיט פראבירען עפעס אויפצוווייזען, דארף מען זיין א נאיווע 13 יעריגע בחור'ל.
מיר נישט נעמען קיין אחרוית אויף די אינהלט פון אונזערע תגובות.
בדחן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1432
זיך רעגיסטרירט: זונטאג דעצעמבער 30, 2012 9:41 pm
האט שוין געלייקט: 199 מאל
האט שוין באקומען לייקס: 678 מאל

הודעהדורך יאנקל » זונטאג יוני 02, 2013 1:04 pm

ממרום שלח אש האט געשריבן:
אדער איז ער פשוט נישט איבערגעצייגט אז מברויך א פאראייניגטע פראנט.

די הנחה אז כדי אויפצוטאן וועגן אינטערנעט, ברויך מען צוזאמברענגן ווי מער מענטשן פון ווי מער שיכטן אויף איין פלאץ, איז אבסורד.

איך האלט אז באגרעניצן אינטערנעט איז אויך אבסורד. אבער דא איז נישט דער נידון וואס איך אדער דו האלטן איז אבסורד, נאר וואס האדמו"ר זלמן לייב האלט, און ער האט נאך פאראיאר קלארגעשטעלט אז ער גייט בשיטת פאראייניגטע פראנט. ועוד, אפילו ביי דער יעצטיגער אסיפה האט ער געוואלט מאכן א "פאראייניגטער פראנט" פון אלע קהילות, נאר מיט זיין אראגאנץ און עגאאיזם האט ער געוואלט ארויסשליסן די אהרונים.

והעולה על זה, עס קען יעדער מודה זיין אז אויב די אדמו"רים וואלטן געלייגט זייערע דיפערענצן אין א זייט וואלט עס געגעבן גאר א שטארקער שטופ פאר זייער מערכה קעגן דעם אינטערנעט. עס וואלט געווען א היסטארישער מאמענט ווען די שטרייטנדע סאטמארער פראקציעס וואלטן אלעס געלייגט אין א זייט, און וואלטן זיך צוזאמענגעקומען למען כבוד שמים. עס וואלט געוויזן אז די פאליטישע דיפערענצן זענען טאקע ברייט און וויכטיג, אבער די צוקונפט פון כלל ישראל איז זיי נאך וויכטיגער. למעשה האבן זיי געוויזן אז ניין, דער עתיד פון די דורות הבאים איז טאקע וויכטיג, אבער אני ואפסי איז נאך וויכטיגער.
יאנקל
חבר ותיק
חבר ותיק
 
הודעות: 2917
זיך רעגיסטרירט: דאנערשטאג פעברואר 23, 2012 10:49 pm
האט שוין געלייקט: 2613 מאל
האט שוין באקומען לייקס: 3782 מאל

הודעהדורך שמאלץ » זונטאג יוני 02, 2013 1:11 pm

וואלפה האט געשריבן:איינער שרייבט מיר יעצט אז ער מיינט אז מ'זאל מאכן אסיפות און כינוסים ביי יעדע עטליכע גאסן, א שטייגער ווי די ערב פסח פייערס..."

"@FrimShtiper: Fire chief Kim of Hooper engines says: 'to avoid fire hazard seats @ Taylor St gathering today must be at least 10 ft apart'."
צוליב טעכנאלאגישע שוועריקייטן און די געפילטערטע אינטערנעט האקט זיך די תגובה דא אפ
שמאלץ
א גאסט אין שטיבל
א גאסט אין שטיבל
 
הודעות: 21
זיך רעגיסטרירט: דינסטאג אפריל 09, 2013 10:42 pm
האט שוין געלייקט: 50 מאל
האט שוין באקומען לייקס: 32 מאל

הודעהדורך אביגדור » זונטאג יוני 02, 2013 1:22 pm

יא.
אביגדור
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1301
זיך רעגיסטרירט: מאנטאג פעברואר 04, 2013 8:19 pm
האט שוין געלייקט: 2119 מאל
האט שוין באקומען לייקס: 1716 מאל

הודעהדורך ידען » זונטאג יוני 02, 2013 1:26 pm

@בדחן

ישר כח פאר די קאמפלימענט

אבער כאב נישט געברענגט קיין ראיות. כאב געפרעגט וואס סע זעהט מיך אויס אינטערעסאנט.
פאר גוגל טאק און פאר לייגען אשכולות ענאנימעסלי
yedios1 @ gmail.com
באניצער אוואטאר
ידען
חבר ותיק
חבר ותיק
 
הודעות: 3154
זיך רעגיסטרירט: דינסטאג פעברואר 28, 2012 10:27 pm
האט שוין געלייקט: 3708 מאל
האט שוין באקומען לייקס: 1093 מאל

הודעהדורך יונגערמאנטשיק » זונטאג יוני 02, 2013 1:32 pm

יענקל, דו ביסט דאך גאר א גוטער שרייבער, אפשר וואלסטו מיר געטוהן א גענאדע? משל דיך אויס כאילו די ארונים גייען מאכן זייער כינוס די וואך מיטוואך (נישט אינעם זעלבן טאג) און שרייב אראפ די עוולה פון זייער זייט פארן נישט מאכן דעם זעלבן טאג.
יונגערמאנטשיק
היימישער באניצער
היימישער באניצער
 
הודעות: 370
זיך רעגיסטרירט: דאנערשטאג יוני 21, 2012 4:21 pm
האט שוין געלייקט: 134 מאל
האט שוין באקומען לייקס: 177 מאל

הודעהדורך מאראנצןזאפט » זונטאג יוני 02, 2013 1:38 pm

יאנקל, להוי ידוע, דא גייט ווערן א ביליגער צימעס אשכול, און שוין.

די ארונים האבן נישט געהאט קיין ברירה. און דערנאך וואס די זאליס האבן פראקלאמירט א כינוס פאר דער גאנצער שטאט - נישט אין ראדני נאר בחוצות אזויווי אין אנדערע שטעט - און אויסגעקרויזט די ארונים, האבן זיי קיין ברירה נישט געהאט נאר פשוט צו פארלויפן דעם וועג.
ס'איז ביליג, ס'איז פאליטיש, און ס'איז אן אונס פון א פאליטישן שטאנדפונקט.
אבער מסכים בין איך אז דער סאטמארער מחלוקת האט זיך דערקייקלט צו דעם נידריגסטן מצב אז נידריגער קען מען שוין נישט גיין.
א מערכה וואס האט לכל הדיעות געטראגן א רוחניות'דיגע און לשם שמים'דיגע צורה עד היום איז פארוואנדעלט געווארן אין א צירקוס, אוי לאותה בושה.

נאך א נקודה וואס האסט פארזען, מהר"א איז דירעקט נישט געווען דער פיאנער פון זיין כינוס, דאנערשטאג האט מען אים נאך געדארפט געבן טעראפי ער זאל בכלל וועלן קומען. עס פארענטפערט אים נישט, אבער ס'טוישט אביסל דעם בילד.
צו די חשוב'ע רעדאקציעס פון אידישע אויסגאבעס: אדם אוסר את שלו, עס איז נישט ערלויבט זיך צו באנוצן מיט מיינע ארטיקלען אן קיין בפירושער ערלויבעניש. איר קענט אייך מיט מיר פארבינדן אין אישי. א דאנק פון פאראויס.
באניצער אוואטאר
מאראנצןזאפט
ידיד ותיק
ידיד ותיק
 
הודעות: 994
זיך רעגיסטרירט: דינסטאג יאנואר 22, 2013 3:15 pm
האט שוין געלייקט: 1818 מאל
האט שוין באקומען לייקס: 2377 מאל

הודעהדורך בענדזשאמין פרענקלין » זונטאג יוני 02, 2013 1:42 pm

מאראנצןזאפט האט געשריבן:נאך א נקודה וואס האסט פארזען, מהר"א איז דירעקט נישט געווען דער פיאנער פון זיין כינוס, דאנערשטאג האט מען אים נאך געדארפט געבן טעראפי ער זאל בכלל וועלן קומען.עס פארענטפערט אים נישט, אבער ס'טוישט אביסל דעם בילד.

ווער איז זיין טערעפיסט ? ווייל ער האט נישט געמאכט קיין מוראדיגע זשאב ביז היינט, אפשר איז צייט צו זוכן א נייע.
באניצער אוואטאר
בענדזשאמין פרענקלין
ידיד ותיק
ידיד ותיק
 
הודעות: 664
זיך רעגיסטרירט: מיטוואך נאוועמבער 14, 2012 11:53 pm
האט שוין געלייקט: 2514 מאל
האט שוין באקומען לייקס: 2915 מאל

הודעהדורך בדחן » זונטאג יוני 02, 2013 1:48 pm

מאראנצןזאפט האט געשריבן:נאך א נקודה וואס האסט פארזען, מהר"א איז דירעקט נישט געווען דער פיאנער פון זיין כינוס, דאנערשטאג האט מען אים נאך געדארפט געבן טעראפי ער זאל בכלל וועלן קומען.עס פארענטפערט אים נישט, אבער ס'טוישט אביסל דעם בילד.


דאס איז זייער א שארפע אטאקע קעגן די ארונים, דאס מיינט אז זיי האבן איבערגעדרייט די שטאט בעפאר עס איז בכלל געווען זיכער אז זייער רבי קומט אריין, לויט דיר וואס איז געווען זייער צול פון אנפאנג? גם לי גם לך לא יהיה?

איך וואלט דיר גארטען זאלסט צוריק ציען פון די סטעמעינט, {און מן הסתם איז עס בכלל נישט אמת}
מיר נישט נעמען קיין אחרוית אויף די אינהלט פון אונזערע תגובות.
בדחן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1432
זיך רעגיסטרירט: זונטאג דעצעמבער 30, 2012 9:41 pm
האט שוין געלייקט: 199 מאל
האט שוין באקומען לייקס: 678 מאל

הודעהדורך עפל סדר » זונטאג יוני 02, 2013 1:56 pm

@יאנקעל, עס איז קלאר אז צד רז"ל האט געשפילט שאך מיט צד מוהר"א, און זיי האבן געווינענן שאך-מאט.

פון איין זייט האט צד רז"ל גארנישט געוואלט נאכגעבן פאר צד מוהר"א, און צד מוהר"א האט געהאט א ריזיגע פראבלעם, שיקען זיינע פאר טויזענט מענטשן הערן רז"ל און זיי דערנידערן און מאכען פאר א גאריבטש, איז אויסגעשלאסן ווייל עס איז תשע"ג און מען קען זיך נישט אזוי אויפירען מיט מענטשן, די אנדערע אפציע פון נישט שיקען זיינע מענטשן און נישט מאכען קיין אייגענע כינוס איז אויך געווען אויסגעשלאסן, עס וואלט געוען זייער שלעכט מכמה טעמים, כמובן מעצמו.

עס איז קלאר אז פאר צד מוהר"א איז פול בעסער און שענער אלמלא מען גייט ווען אינאיינעם, אבער ווי פארשטענדליך לויט די אומשטענדען האבן זיי נישט געהאט קיין ברירה און זיי וועלן האפן אז איבער מארגען ועט זיין פרישע נייעס און די נושא וועט אראפ גיין פון טיש,

צו ברענגן א ראיה ווי סקולנער רבי גייט, אדער וו ווינער רב גייט און דערמיט פראבירען עפעס אויפצוווייזען, דארף מען זיין א נאיווע 13 יעריגע בחור'ל.


דאס איז שקר! איך האב מיטגעהאלטן די פארהאנדלוגען, צד מהרי"י האט מסכים געווען אז מהר"א זאל רעדן אבער צד מהר"א האט נאר געוואלט אז ר' מענדל זאל רעדן און נישט מהר"א אין אויך האט מען זיך נישט געקענט פאראייניגען איבער די תקנות.

און ווער עס קען ווינער רב ווייסט אז ער מישט זיך קיינמאל נישט אין די סאטמארע פאליטיק נאר דא האט עס א סיבה, וד"ל.
רעדאגירט געווארן צום לעצט דורך עפל סדר אום זונטאג יוני 02, 2013 2:02 pm, רעדאגירט געווארן איין מאל בסך הכל.
עפל סדר
מאנשי שלומינו
מאנשי שלומינו
 
הודעות: 43
זיך רעגיסטרירט: מאנטאג אפריל 08, 2013 12:09 am
האט שוין געלייקט: 33 מאל
האט שוין באקומען לייקס: 9 מאל

הודעהדורך מאראנצןזאפט » זונטאג יוני 02, 2013 2:00 pm

וואס וד"ל מיינט ווייס איך נישט אבער קודם ברוך הבא.
האסטו געהערט אזאנס דו ווילסט איך זאל דיר ברענגען מיין עולם און דן טיילסט מיר איין ווער מיין נציג זאל זיין. יאנקל האט שוין ערווענט די ארונים האבן אלע רעכטן צו בעטן אז ר' מענדעלע זאל רעדן און ס'געפעלט אייך נישט דעמאלט לאדענט מיך ניש.ט
נניח אז ס'איז אמת אז זיין האבן געקענט באשטיין ר' אהרן זאל רעדן.
מיין לעצטע תגובה אין דער נושא.
צו די חשוב'ע רעדאקציעס פון אידישע אויסגאבעס: אדם אוסר את שלו, עס איז נישט ערלויבט זיך צו באנוצן מיט מיינע ארטיקלען אן קיין בפירושער ערלויבעניש. איר קענט אייך מיט מיר פארבינדן אין אישי. א דאנק פון פאראויס.
באניצער אוואטאר
מאראנצןזאפט
ידיד ותיק
ידיד ותיק
 
הודעות: 994
זיך רעגיסטרירט: דינסטאג יאנואר 22, 2013 3:15 pm
האט שוין געלייקט: 1818 מאל
האט שוין באקומען לייקס: 2377 מאל

הודעהדורך בדחן » זונטאג יוני 02, 2013 2:02 pm

@עפל סיידר, אן אריינגיין און פרטים איבער דיין תגובה, וואס פראבירסטע צו ענטפערן? אז וויבאלד צד מוהר"א האט געוואלט אז ר' מענדל זאל רעדן? דערפאר? וואס איז מיט ר' מענדל? איז ער נישט אזוי כשר ווי זיין טאטע?

עפל סדר האט געשריבן:אין ווער עס קען ווינער רב ווייסט אז ער מישט זיך קיינמאל נישט אין די סאטמארע פאליטיק נאר דא האט עס א סיבא. וד"ל.
בדחן האט געשריבן:צו ברענגן א ראיה ווי סקולנער רבי גייט, אדער וו ווינער רב גייט און דערמיט פראבירען עפעס אויפצוווייזען, דארף מען זיין א נאיווע 13 יעריגע בחור'ל.
מיר נישט נעמען קיין אחרוית אויף די אינהלט פון אונזערע תגובות.
בדחן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1432
זיך רעגיסטרירט: זונטאג דעצעמבער 30, 2012 9:41 pm
האט שוין געלייקט: 199 מאל
האט שוין באקומען לייקס: 678 מאל

הודעהדורך זר זהב » זונטאג יוני 02, 2013 2:04 pm

אקעי וואלט מען געדארפט צוריק ציען די איינלאדעננג. יעצט וואס?

האט פאפא אדער עני אנדערע קהילה אויך פארלאנגט אז איינער פון זיי מוז רעדן און אויב נישט מאכט מען אליינס?
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4204 מאל

הודעהדורך זר זהב » זונטאג יוני 02, 2013 2:06 pm

בדחן האט געשריבן:
עפל סדר האט געשריבן:אין ווער עס קען ווינער רב ווייסט אז ער מישט זיך קיינמאל נישט אין די סאטמארע פאליטיק נאר דא האט עס א סיבא. וד"ל.
בדחן האט געשריבן:צו ברענגן א ראיה ווי סקולנער רבי גייט, אדער וו ווינער רב גייט און דערמיט פראבירען עפעס אויפצוווייזען, דארף מען זיין א נאיווע 13 יעריגע בחור'ל.

טשיי הא! א בפירושער 'בדחן'

ווייל יעצט שפילט בעסער אזוי פארן ארוינישן בדחן
רעדאגירט געווארן צום לעצט דורך זר זהב אום זונטאג יוני 02, 2013 2:07 pm, רעדאגירט געווארן איין מאל בסך הכל.
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4204 מאל

הודעהדורך בדחן » זונטאג יוני 02, 2013 2:10 pm

נאכאמאל זר זהב, עס איז נישט דא די פלאטץ אריינצוגיין און פאליטיק רינגס און ארום, און איך וועל קיינמאל נישט שרייבען קעגן סיי וועם אפגעזען גבאים אדער עסקנים און זיכער נישט רבנים,

יאך בין נישט קיין ארוני אדער זאלי, אבער איך האלט קלאר אז צו ברענגן א ראיה ווי סקולנער רבי גייט, אדער ווי ווינער רב גייט און דערמיט פראבירען עפעס אויפצוווייזען, דארף מען זיין א נאיווע 13 יעריגע בחור'ל.
מיר נישט נעמען קיין אחרוית אויף די אינהלט פון אונזערע תגובות.
בדחן
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1432
זיך רעגיסטרירט: זונטאג דעצעמבער 30, 2012 9:41 pm
האט שוין געלייקט: 199 מאל
האט שוין באקומען לייקס: 678 מאל

הודעהדורך זר זהב » זונטאג יוני 02, 2013 2:15 pm

בדחן האט געשריבן:יאך בין נישט קיין ארוני אדער זאלי

שקר
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4204 מאל

הודעהדורך לאליפאפ » זונטאג יוני 02, 2013 2:24 pm

ואפשר לפרש:

פארוואס מאכט מען די כינוסים אין עיה״ק ווילי זונטאג קרח?
ווייל זונטאג זענען די קינדער אביסל מיד און עס איז שווער צו לערנען ווי געהעריג, ממילא ברענגט מען אריבער א לעבעדיגן משל פון מחלוקת לכבוד זונטאג פרשת קרח.
באניצער אוואטאר
לאליפאפ
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1281
זיך רעגיסטרירט: זונטאג יאנואר 06, 2013 4:12 pm
האט שוין געלייקט: 327 מאל
האט שוין באקומען לייקס: 859 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 5 געסט