פאפא, איר מהות און איר אייגנארטיקייט.

ארטיקלען און באטראכטונגען איבער דער חרדי'שער געזעלשאפט און קולטור

פאפא, איר מהות און איר אייגנארטיקייט.

הודעהדורך בענדזשאמין פרענקלין » זונטאג אוגוסט 11, 2013 10:28 am

די פאפא ניקס האבן מיר ג'אישי'ט אז מען ברויך מקדיש זיין א חמין במוצאי שבת אויך לכבודם, כ'האב זיי געווארנט מיט אן אזהרה חמורה אז איך קען נישט נעמען קיין אחריות ווי אזוי דער תבשיל וועט זיך אויסקאכן, ס'מאכט זיך אמאל אן הקדיח תבשילו אויך, אבער זיי האבן מיר געלאזט וויסן אז זיי גייען איין אויפן געשעפט, זיי זענען גרייט צו נעמען א ריסק, נו, אז זיי זענען גרייט בין איך אויך.
באמת בין איך שוין שפעט אינעם בילד ווען 'לכבוד שבת קודש' און 'אדמאסוהן' האבן שוין פיין אויסגעקנעטן קהילת פאפא, פון איין זייט האט 'לכבוד שבת קודש' פרובירט מיט אלע כוחות צו צוען א פאראלעל צו כעלם, און פון די אנדערע זייט איז 'אדמאסהון' געשטאנען און געקעמפט ציין און נעגל צו באלאנסירן דעם נושא, נעמליך, אז פאפא איז נישט ערגער, אבער אויך נישט בעסער ווי יעדע אנדערע חסידות.

ואענה גם אני את חלקי, אנדערש ווי 'לכבוד שבת קודש' קוק איך נישט אן פאפא מיט א וויליאמסבורגער/סאטמארע בליק, און אנדערש ווי 'אדמאסהון' קוק איך נישט אן פאפא מיט א בייעסד אינסייד בליק, ווי איינער וואס קען נישט -- און וועט נישט -- מודה זיין אויף די נארישקייטן וואס די קהילה איז באגאנגען.
פאר א שיינע שטיק צייט צוריק, האב איך געוואוינט אויף בעדפארד עוועניו (פאר איך האב זיך אפגעטראגן פון וויליאמסבוג), פלעג איך אינדערוואכן דאווענען אין פאפא ממילא האב איך מיך באקאנט געמאכט מיט א שיינע צאל אידן דארט, און זיך באקענט אביסל מיט די חסידות פון דער נאנט.

וזה מה שעלתה בידי, בקיצור נמרץ:
פאפא איז בעצם א אויבערלאנדישע קהילה וואס האט מיסודו נישט קיין שייכות מיט קיין חסידות. פאפא איז זייער ענליך צו צעהלים און וויען. די קהילה האט געהאט א גרויסע רב דער בעל ויחי יוסף, א פוסק און א ירא חטא און אלעס וואלט געווען כשר וישר ווען זיי וואלטן נישט סטיגמעטייזד געווען פאר קיין נארנים. זיי וואלטן נישט לעבעלעזירט געווארן אלץ טפשים און כעלעמער ווען נישט... ווען נישט זיי מאכן זייער לעבנ'ס מיסטעיק.

דהיינו?
פאפא'ס מיסטעק איז געווען אז עס האט זיך פארגליסט פאר אפאר אירע דארט צו מאכן א חסידות פון א אונגארישע קהילה, און יא דאס איז א גרויס ליצנות (פארוואס ביי סאטמאר איז עס נישט געווארן קיין ליצנות איז געווען ווייל האדמו"ר רבינו יואל איז יא געווען געקנעטן פון אדמו"רת טייג ועוד כמה טעמים אחרים). אנשטאט זיך צו האלטן ביים אריגינעלן מהלך פונעם קהילה רב דיין וכו' איז עס געווארן אן אדמו"ר חסידים פארענטשעס און שריים, און דאס שאפט געלעכטער, און גלייבטס מיר, ווען דער שאפראנער זאל עס טוען בימים ההם אדער אפילו דער צעהלימער וואלט זיך גענומען טיילן שריים ביי שלש סעודות, און זיינע צוואנציג מענטשן וואלטן געטאנצען אויף פארענטשעס וואלט עס געווען די זעלבע ליצנות.

יעצט בנוגע דער פערסאנאליטי און מהות פון דעם דורכשניטליכן פאפענער ווערסעס דעם דורך שניטליכן סאטמארער און דער פאפאנער ווערסעס אנדערע חסידות'ער איז אזוי:

דער פאפא ווערסעס סאטמאר (און אנדערע חסידות)
ס'איז נישטא וואס צו רעדן, א דורכשניטליכען סאטמארער איז מער אויסגעקאכט אין אין "עניני ליצנות און אין עניני תכסיסי מלחמה" ווי דער דורכשניטליכן פאפאנער. און די סיבה איז זייער פשוט, אין סאטמאר ווערט מען נתחנך צו לוחם זיין מלחמות כמו שהארכתי באשכול אחר, און ממילא זענען זיי מלומדי מלחמה, זיי ווערן אויסגעריבן און תכסיסי מלחמה פון יונגווארג אן, און אין איינוועגס לערנען זיי זיך צו נאך אפאר טאלאנטן. זיי לערנען זיך צו דעם טאלאנט ווי אזוי צו טרייבן ליצנות פון א צווייטן, דעם פאך פון פירן דעבאטעס דורך טרייבן שפאס פונעם קעגענער און בכלל דעם גאנצן צינישען ציגאנג צו אלעס און אלעמען, און יא, א פאפאנער סטענדס- נא -טשענס צו געווינען און ארויסקומען א זיגער ביי סיי וועלכע דעבאטע מיט א קאלעגע זיינס גלייכן פון סאטמאר (אויסנאם פעלער איז אייביג דא), [אבער נישט ווייל דער סאטמארער האט בעסער ארויס, אדער ער פארשטייט בעסער די נושא, אדרבה, אפשר גאר פארקערט בשעת דער לעצטער וועט זיין ביזי צו טרעפן די ווערטל אפצו'חוזק'ן פון יענעמ'ס צד, וועט צומאל דער פאפנער פון זיין זייט פרובירן אפלערנען דעם נושא גרינטליך מיט לאגיק, אבער ווי זאגט דער וועלט : בויכוח אל תהי צודק תהיה חכם"].

אבער, און דא קומט א גרויסן אבער -
און אלע אנדערע ענינים זענען די פאפאנער פונקט אזעלעכע חכמים ווי די סאטמארער. די זעלבע תלמידי חכמים, די זעלבע ביזנעס לייט, די זעלבע פאליטיקאנטן, די זעלבע פארשטייערס, און די זעלבע אלצווייסערס. נאכמער, ווען איר בייסט אריין אין א פאפאנער אויפגעקלערטער, איז ממש א מחיה צו פארברענגן מיט אים. ער האט נישט קיין שום גבולים וואס מאכט די שמועס אומבא'טעמ'ט. ער האט נישט קיין פראבלעם נישט מיט קיין רבי זכרונו לברכה, נישט מיט קיין סיגעטער גזע און אויך נישט מיטן דרך החתם סופר פון התבדלות, א קיצור ער האט נישט קיין שום בלאקדזשעס ער איז אפען צו פירן אן אויפריכטיגע שמועס אין יעדע נושא, און איר ברויכט נישט מורא האבן אז ער וועט זיך אנשטאלפערן אין א נושא ווי ער וועט זיין בלינד און בייעסד נאך פאר איר האט אנגעפאנגן דעם שמועס, און אין דעם הינזיכט איז ער מער אויפגעקלערט און אפענמיינדעד ווי עני אנדערע דורכשניטליכער חסיד אינקלאדינג חב"ד אדער קלוזענבורג (ביודעי ומכירי קאאמינא).

לאמיך מיך מסביר זיין וואס איך מיין, און יעדער וויכוח וואס איר פירט מיט סיי וועמען און עניני דת ואמונה, תורה ומחשבה וכו', זאלט איר וויסן אזוי, אויב איר זענט מצליח ארויף צוברענגן דעם שמועס ביזן רמב"ם אדערן אבן עזרא קענט איר זיין רואיג אז איר קענט מער ווייניגער דיסקוסירן סיי וועלכע נושא מיט אפענקייט און פרייהייט, למשל עיין ערך: אגדת חז"ל, שדים ורוחות, אדער אפילו די גאנץ לעצטיגע שערוריית ווי סליפיקין מיט עוועלוציע, "ישיבת חובבי תורה מיט "תורה מסיני" וכו', אלע פאנגען אן און ענדיגן מיטן רמב"ם אבן העזרא און רלב"ג. יעצט דער טיפיקעל סאטמארער (אדער עני אנדערער חסיד) איז זייער שווער ארויפצושלעפן ביז דארט, ווייל ער האט זיבן הונדרעט שטרויכלינגען אויפן וועג; ער האט א פראבלעם מיט זיין רבין; און מיט זיין רבינ'ס רבין; און מיטן הייליגען דברי חיים וכו'; און די זעלעבע איז מיט יעדער אנדערע חסיד פון א סאליד חסידות, דער בעלזער האט פראבלעמען מיטן שר שלום און דער סקווערער מיטן טשרנובל זיידע, למשל דאס אז אליהו הנביא איז געקומען פארציילן פארן הייליגער מגיד אז מען זאל אויסזאגן תהלים שבת אינדערפרי פארן דאווענען גייט פשוט נישט צוזאמען מיט רעשינעל זשודיסים. מען קען געבן אויף דעם צענדליגע דוגמאות אבער עס איז נישט דא דער פלאטץ פאר דעם אפשר און אנדערע אשכול אנ אנדערס מאל.

איך האב נאך אסאך מאריך צו זיין איבער דעם יחס וואס דער פאפער עולם האט צו זייער רבי און דער יחס וואס דער רבי האט צו זיינע חסידים אבער דאס וועל איך נישט טוען וויל עס איז נישט מעגליך צו שרייבן דערפון אן אויסלייגן דערם רבי'ן בכבודו ובעצמו אויפן טוש און עס איז נישט מיין שטייגער צו רעדן פון פערזענליכע יחידים.

נאר אזויפיל וועל איך יא זאגן אז לויט מיין אפשאצונג און עקספיריענס זענען אזויפיל ווי אכציג פראצענט נישט קיין חסידים פונעם רבי'ן און מיט דעם זענען זיי אנדערש ווי רוב חסידישע הויפן וואס עס איז כמעט נישט בנמצא אזא הויכע ציפער נישט חסידים אינערהאלב א חסידות. בימי חורפי האב איך אמאל ערנסט געקלערט צו שיקן מייט קינדער אין מוסדות פאפא ווייל דארט האבן זיי סטאטיסטיקלי די מערסטע שאנסן אויפצווואקסן נארמאלע באזעסענע מענטשם אם קיין שום אמונת טפילות און בלינדע נאכפאלגע פון א רבי'ן וואס ווייסט נישט בחייכון וביומייכון.

פאר איך ענדיג וויך איך דערמאנען נאך אזאך, וואס בן תמליון האט עס שוין דערמאנט, און דאס איז זייער שפראך אויף מודעות און צעטליך, אדמסהון האט עס פרובירט צו פארענטפערן אז מענער גלייכן צו ליינען לשון קודש אבער דער אמת איז אז עס איז נישט לשון קודש וואס באדערט דעם פרעמדן עולם ס'איז די הויכגעשפראצטע עברית וואס איז נישט אייביג און פלאטץ און רוב מאל איבערגעטריבן און נישט פראפארשענעל צום מצב און מעמד, און לדעתי איז עס א דורכגעפאלענע פראבע נאכמאכן ישראלישע סטייל געשרייבאכטץ, און הגם עס דארף ווען נישט מער ווי אפשפיגלן אביסל צו הויכע אמביציעס פון אן אינווידייאלן שרייבער טוט עס אבער מאכן א שלעכטן אימפרעישן אויפ כל הקהל (איך רעד פון א גוטע פאר יאר צוריק קען זיין היינט איז אנדערש).
באניצער אוואטאר
בענדזשאמין פרענקלין
ידיד ותיק
ידיד ותיק
 
הודעות: 644
זיך רעגיסטרירט: מיטוואך נאוועמבער 14, 2012 11:53 pm
האט שוין געלייקט: 2458 מאל
האט שוין באקומען לייקס: 2740 מאל

הודעהדורך טעפל » זונטאג אוגוסט 11, 2013 10:42 am

זייער שיין געשריבען, אויף דעם האבען מיר געדארפט ר' בענדיזמען צו צונעמען די נושא, און איך אליינ'ס האב שוין הנאה געהאט פארברענגען מיט אפאר פיינע פאפענע אינגערלייט אז ס'איז געווען א נחת..
באניצער אוואטאר
טעפל
חבר ותיק
חבר ותיק
 
הודעות: 2048
זיך רעגיסטרירט: דאנערשטאג מאי 17, 2012 5:25 am
האט שוין געלייקט: 4948 מאל
האט שוין באקומען לייקס: 821 מאל

הודעהדורך קאווע טרינקער » זונטאג אוגוסט 11, 2013 11:28 am

@שת.אדמזאהן מה לך נרדם? קום קרא לאלוקיך!
Under influence
קאווע טרינקער
חבר ותיק
חבר ותיק
 
הודעות: 7167
זיך רעגיסטרירט: זונטאג מערץ 18, 2012 11:01 am
האט שוין געלייקט: 5024 מאל
האט שוין באקומען לייקס: 8458 מאל

הודעהדורך בן תמליון » זונטאג אוגוסט 11, 2013 11:44 am

געוואלדיק בנימין. כ'האב מיר טאקע אונטערגעמורמלט בשעת'ן ליינען דריי מאל ומחבש לעצבותם. מ'קען דאך יוצא זיין זינטאק אינדערפרי אויך. דיינע חמין זענען טאקע מחבש לעצבותם ברענגט א שמייכל אויף די זויערע לעפצן.

איך מיין בנימין זאג אונז פונקטליך ווי די האסט דיר געדרייט אדער נישט געדרייט און פון ווי אלץ האסט אוועק געמופט. זאלן זיך די קהלות הקודש שטעלן אין די רייע פאר א רייט אפ פון בנימין, עס איז גוט פאר ביזנעס.
באניצער אוואטאר
בן תמליון
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1455
זיך רעגיסטרירט: פרייטאג מערץ 16, 2012 12:34 pm
האט שוין געלייקט: 1535 מאל
האט שוין באקומען לייקס: 1871 מאל

הודעהדורך קופערניקוס » זונטאג אוגוסט 11, 2013 11:46 am

"בענדזשאמין, זיין מהות און אייגענארטיגקייט" איז געוואלדיג!
קופערניקוס
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1369
זיך רעגיסטרירט: מיטוואך מערץ 07, 2012 9:24 pm
האט שוין געלייקט: 2953 מאל
האט שוין באקומען לייקס: 4175 מאל

הודעהדורך בן תמליון » זונטאג אוגוסט 11, 2013 11:54 am

אגב וואס איר זאגט וועגן פאפא איז געווארן א חסידות, פארציילן די עלטערע חסידים אין פאפא, נאך ווי זיי קוקן ארום צו קיינער פון די אינגעלייט הערן נישט, אז דער צעהלימער רב פעטער פונעם ויחי יוסף האט איהם אמאל באגעגנט ביי א שמחה, האט ער זיך אנגערופן צו איהם: איך הער ביזט געווארן פון א גרויסע רב א קליינע רבי. די פאפא חסידים לייגן שטיל צו: און ער צעהלימער רב איז געווארן פון א גרויסער רב א קליינער רב.

בעצם לאזן זיך די עלטערע דארט פאלן וויצן אויפן חשבון פון רבין ואכמ"ל. דא אין שטיבל זענען מיר נזהר בכבוד האדם והבריות און מיר וועלן דא נישט מאכן קיין צימעס פון א פרומען רבי וואס באדערט נישט קיינעם נאר זיינע חסידים אויב עפעס.
באניצער אוואטאר
בן תמליון
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1455
זיך רעגיסטרירט: פרייטאג מערץ 16, 2012 12:34 pm
האט שוין געלייקט: 1535 מאל
האט שוין באקומען לייקס: 1871 מאל

הודעהדורך berlbalaguleh » זונטאג אוגוסט 11, 2013 12:43 pm

אבער דער טעם פארוואס צעהלימער רב זצ"ל איז געווארן פון א גרויסער רב א קליינער רב, ווייסן מיר פאר וועימען מ'האט צו באדאנקען.
באניצער אוואטאר
berlbalaguleh
חבר הכבוד
חבר הכבוד
 
הודעות: 13105
זיך רעגיסטרירט: דינסטאג יולי 17, 2012 12:57 pm
האט שוין געלייקט: 14529 מאל
האט שוין באקומען לייקס: 8344 מאל

הודעהדורך שת.אדמזאהן » זונטאג אוגוסט 11, 2013 1:39 pm

@בענדזשאמין פרענקלין
איר האט כמעט מכוון געווען אל האמת, אבער, און דא קומט דער אבער, ותחסרהו מעט פון עטליכע פאקטען.
אמת טאקע אז אין ארגינעל פאפא האט חסידות נישט געשפילט קיין גרויסע ראלע, ווי איך האב שוין געשריבן אין כמעט-מיין אשכול. אבער די משלים וואס איר נוצט, טיילן שיריים, פירען טיש, איז שוין געווען אין די צייטן פון פאפא רב ז"ל'ס טאטע, דער בעל ויגד יעקב (א זון פון ערוגת הבושם (באקאנט אין סאטמאר אלץ א "ידיד מיטן רבי'ן זכותו יגן עלינו" פחות ולא יותר)). ווי עלטער פאפא רב ז"ל איז געווארן, און ווי מער די אינגערע עולם האבן זיך פארגליסט צו זיין ככל החסידים, האבן זיי, די אינגע עולם (=היינט בעלי בתים וואס לאכן פון זיך אליינס), פראבירט אויפצוארבעטען "די זאך".
ממילא, אויב איז אמת אז דאס א.ג. דיסקרימענאציע איז צוליב דעם ווייל פאפא איז דעגאנגען א נערישקייט, איז דאס גענוג א גוטע סיבה חותם צו זיין דינם לעולם אלץ "משוגעים" אזש ווען @איחוד פעלד'ס חבר מאכט א נפיחה (ליין דא), אנשטאט צו ווערן רויט פון בושה מפני כבוד הבריות, פארדרייט ער די שמועס צו פאפא רבי?! אלא מאי, דער א.ג. דיסקרימענאציע שטאמט פון אן אנדערע סיבה. והראיה, ווען פאפא האט קאמפיינט פאר גאווענער פאטאקי, זענען אונז געווען ללעג ולקלס אויפן העכסטען פארנעם, כאטש וואס פאטאקי האט געווינען. (פארשטייט זיך אז נאך דעם זענען שוין געווען 101 תירוצים מצד סאטמאר ווי למשל: פאטאקי האט געווינען א דאנק מר. פריינד פון קרית יואל וכדומה. וכנהוג) - (איך זאג נישט ער האט געווינען א דאנק די 326 פאפא שטימען, אבער ווער ס'געדענקט די פאשקעווילען וואס (דאן איינע) סאטמאר האט דעמאלסט געמבולט אויף די גאסן פארשטייט וואס איך רעדט. - איך בעט קיינער זאל דאס נישט נעמען פערסאנעל, איר קענט אייביג זאגן אז דאס געקומען פון די אנדערע סאטמאר)

דער עיקר וואס איך האב הנאה געהאט פון אייער ארטיקל, ווייל איר ברענגט ארויף אן ענין וואס איך האב געווארט אז איינער זאל פרעגן. א סאטמאר'ע עוורידש בחור און אינגערמאן, ווייסט אסאך מער אידישע היסטאריע און פאליטיק ווי אן עוורידש פאפא אינגערמאן (חוץ אויב ער ליינט דער איד/בלאט וכו'.), סתם א פאפא איגערמאן (אונטער 40) וועט נישט וויסן א חילוק פון מלחמת ששת ימים און מלחמת סיני, וועלכע עס איז געווען קודם. אין סאטמאר, וויבאלד זייער מהות איז געווען הנהגה, און גאט'ס-וואלט פארזארגער, איז דער פאליטיק געווען אינטערגרעידיט מיט די שיחת היום. און אזוי ווייטער, די "טיילונג" איז נישט קיין עסק וואס א פאפא אינגערמאן האט קענטעניס בכלל. הם ודומיהם קענען מאכן א שלעכטע אימפרעשען.

בנוגע די מודעות אין בית המדרש. א סאטמארע אינגערמאן איז חושד יעדע צווייטע ווארט מיט עברית רח"ל. ריין היברעישע ווערטער, גלייב איך, איז שווער צו טרעפן אין אפעצילע מודעות.

סוף דבר, דער קעפל פון אייער מאמר איז פאלטש "פאפא" מיט "מהות/אייגנארטיקייט" גייען נישט צוזאמען.
שת.אדמזאהן
מאנשי שלומינו
מאנשי שלומינו
 
הודעות: 75
זיך רעגיסטרירט: מוצ"ש מערץ 09, 2013 10:15 pm
געפינט זיך: shais.kave@gmail.com
האט שוין געלייקט: 17 מאל
האט שוין באקומען לייקס: 92 מאל

הודעהדורך בענדזשאמין פרענקלין » זונטאג אוגוסט 11, 2013 2:03 pm

שת.אדמזאהן האט געשריבן:סוף דבר, דער קעפל פון אייער מאמר איז פאלטש "פאפא" מיט "מהות/אייגנארטיקייט" גייען נישט צוזאמען.

וואס פארשטייט איר נישט "דאס" איז אייער אייגנארטיקייט, אז איר זענט א חסידות אן אן אייגנארטיקייט, וועלעכע נאך חסידות איז אפילו ענליך צו דעם ?
באניצער אוואטאר
בענדזשאמין פרענקלין
ידיד ותיק
ידיד ותיק
 
הודעות: 644
זיך רעגיסטרירט: מיטוואך נאוועמבער 14, 2012 11:53 pm
האט שוין געלייקט: 2458 מאל
האט שוין באקומען לייקס: 2740 מאל

הודעהדורך שת.אדמזאהן » זונטאג אוגוסט 11, 2013 2:22 pm

בענדזשאמין פרענקלין האט געשריבן:
שת.אדמזאהן האט געשריבן:סוף דבר, דער קעפל פון אייער מאמר איז פאלטש "פאפא" מיט "מהות/אייגנארטיקייט" גייען נישט צוזאמען.

וואס פארשטייט איר נישט "דאס" איז אייער אייגנארטיקייט, אז איר זענט א חסידות אן אן אייגנארטיקייט, וועלעכע נאך חסידות איז אפילו ענליך צו דעם ?

אויב פארשטיי איך דאס ריכטיג, זאגט איר אין אנדערע ווערטער (לויט אייער ארטיקל אויף סאטמאר):
פאפא, זייער "נישט", איז זייער מהות און אייגנארטיקייט,
סאטמאר, איז זייער מהות אין אייגנארטיקייט "נישט".
שת.אדמזאהן
מאנשי שלומינו
מאנשי שלומינו
 
הודעות: 75
זיך רעגיסטרירט: מוצ"ש מערץ 09, 2013 10:15 pm
געפינט זיך: shais.kave@gmail.com
האט שוין געלייקט: 17 מאל
האט שוין באקומען לייקס: 92 מאל

הודעהדורך אויס מענטש » זונטאג אוגוסט 11, 2013 4:17 pm

איך וואלט געלייגט א קעפל "עקס פאפא זיין מהות און אייגנארטיגקייט "
דיין חתימה איז טאקע גוט,
זעה נאר דיין תגובה זאל אויך שטימען.
אויס מענטש
ידיד ותיק
ידיד ותיק
 
הודעות: 826
זיך רעגיסטרירט: זונטאג יולי 22, 2012 10:35 pm
האט שוין געלייקט: 294 מאל
האט שוין באקומען לייקס: 629 מאל

הודעהדורך מורינו הרב » זונטאג אוגוסט 11, 2013 5:32 pm

לויט ווי אדמתזאהן אליין שרייבט, איז פאפא א כלומר'שטע חסידות, אבער אכציג פראצענט זענען נישט קיין חסידים, מען לאכט זיך גוט אריין אין רבי'ן.

אין אנדערע ווערטער: פאפא איז א שטיק לצנות, א חסידות אן א רבי, וואס נוצט דעם גרינוואלד פאר א טשערי אן טאפ אף דע קעיק. אבי געזונט.
מורינו הרב
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1125
זיך רעגיסטרירט: זונטאג אוגוסט 05, 2012 4:48 pm
האט שוין געלייקט: 188 מאל
האט שוין באקומען לייקס: 553 מאל

הודעהדורך דעת תורה » זונטאג אוגוסט 11, 2013 8:19 pm

בענדזשאמין פרענקלין האט געשריבן:די פאפא ניקס האבן מיר ג'אישי'ט אז מען ברויך מקדיש זיין א חמין במוצאי שבת אויך לכבודם


נאר איך כאפ די שטאך אין ריכטונג פון פאפא?
האזהרה שהזהרנו מלהיות חפשיים במחשבותינו, עד שנאמין דעות המנגדות לדעות שהביאה התורה, אלא נגביל את מחשבתנו ונעשה לה סייג שתעמוד אצלו - והן מצוות התורה ואזהרותיה.
והוא אמרו יתעלה: "ולא תתורו אחרי לבבכם"... זו מינות. (ספר המצוות להרמב"ם ל"ת מ"ז)
דעת תורה
חבר ותיק
חבר ותיק
 
הודעות: 2129
זיך רעגיסטרירט: מאנטאג מערץ 18, 2013 1:07 am
האט שוין געלייקט: 4546 מאל
האט שוין באקומען לייקס: 1732 מאל

הודעהדורך משה געציל » זונטאג אוגוסט 11, 2013 10:20 pm

איך כאפ נישט.
#דעתבעלהביתהעפעך
ומי קרי לחינוך השלמה, והא תניא אי זה חינוך היה רגיל לאכול בשתי שעות מאכילין אותו לשלש בשלש מאכילין אותו בארבע? אמר רבא בר עולא תרי חנוכי הוו: (יומא פ"ב ע"א)
באניצער אוואטאר
משה געציל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1676
זיך רעגיסטרירט: דינסטאג מערץ 27, 2012 2:12 pm
האט שוין געלייקט: 2957 מאל
האט שוין באקומען לייקס: 2734 מאל

הודעהדורך זר זהב » זונטאג אוגוסט 11, 2013 10:36 pm

אפשר אז וויבאלד פאפא דארף (לויט די סטיגמא) אלעס נאכטון סאטמאר, און אז סאטמאר האט געהאט א אשכול דארף מען אויך מאכן לכבודם?...
איך שרייב וואס איך וויל און וואס איך האלט פאר ריכטיג, וועדער יו "לייק" איט אר נאט
באניצער אוואטאר
זר זהב
חבר ותיק
חבר ותיק
 
הודעות: 9465
זיך רעגיסטרירט: דינסטאג מערץ 06, 2012 5:23 am
האט שוין געלייקט: 4426 מאל
האט שוין באקומען לייקס: 4194 מאל

הודעהדורך משה געציל » זונטאג אוגוסט 11, 2013 10:41 pm

ניין, דער עצם פאקט אז פאפא ניקס האבן אים ג'אישי'ט... נא, שוין געהערט אזאנס, צימעס ניקס עקטן טיילמאל פיל מער העעםםם פאפ... עעםםםם וואטעווער...
ומי קרי לחינוך השלמה, והא תניא אי זה חינוך היה רגיל לאכול בשתי שעות מאכילין אותו לשלש בשלש מאכילין אותו בארבע? אמר רבא בר עולא תרי חנוכי הוו: (יומא פ"ב ע"א)
באניצער אוואטאר
משה געציל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1676
זיך רעגיסטרירט: דינסטאג מערץ 27, 2012 2:12 pm
האט שוין געלייקט: 2957 מאל
האט שוין באקומען לייקס: 2734 מאל

הודעהדורך שת.אדמזאהן » מאנטאג אוגוסט 12, 2013 11:19 am

מורינו הרב האט געשריבן:לויט ווי אדמתזאהן אליין שרייבט, איז פאפא א כלומר'שטע חסידות, אבער אכציג פראצענט זענען נישט קיין חסידים, מען לאכט זיך גוט אריין אין רבי'ן.
אין אנדערע ווערטער: פאפא איז א שטיק לצנות, א חסידות אן א רבי, וואס נוצט דעם גרינוואלד פאר א טשערי אן טאפ אף דע קעיק. אבי געזונט.

שקר וכוזב. איך האב דאס קיינמאל נישט געשריבן.
שת.אדמזאהן
מאנשי שלומינו
מאנשי שלומינו
 
הודעות: 75
זיך רעגיסטרירט: מוצ"ש מערץ 09, 2013 10:15 pm
געפינט זיך: shais.kave@gmail.com
האט שוין געלייקט: 17 מאל
האט שוין באקומען לייקס: 92 מאל

הודעהדורך קאצקע ציקער » מאנטאג אוגוסט 12, 2013 10:47 pm

איך מיין די סיבה איז וועיגן זייער רבי. פינטל..
וויען איז אויך געוועין א קהילה אין געווארן א חסידות נאכדעים אין ס׳ נישט געווארן כעלם!!
וואלט ווען פאפא געהאט אזא רבי ווי די בעלזער וואלט זיך די סאטמארער שטינק שויו לאנג איינגעשטילט, די פראבלעים איז נאר אז ער האלט אין איין צולייגן מאמענטאם.....
באניצער אוואטאר
קאצקע ציקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1475
זיך רעגיסטרירט: פרייטאג אפריל 06, 2012 1:46 am
האט שוין געלייקט: 838 מאל
האט שוין באקומען לייקס: 769 מאל

הודעהדורך גנדי » דינסטאג אוגוסט 13, 2013 12:40 pm

סתם פאר אינטערסאנטקייט וואס איז די באדייט אין די ניק @שת.אדמזאהן ?
You must be the change you want to see in the world
באניצער אוואטאר
גנדי
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1181
זיך רעגיסטרירט: מיטוואך מערץ 06, 2013 12:21 am
האט שוין געלייקט: 2587 מאל
האט שוין באקומען לייקס: 1437 מאל

הודעהדורך ישמעאל הכהן » דינסטאג אוגוסט 13, 2013 12:43 pm

שת איז געווען זון פון אדם הראשון
ראדיא באריכטער פאר ק''ש
באניצער אוואטאר
ישמעאל הכהן
חבר ותיק
חבר ותיק
 
הודעות: 2111
זיך רעגיסטרירט: זונטאג דעצעמבער 16, 2012 12:54 pm
האט שוין געלייקט: 1807 מאל
האט שוין באקומען לייקס: 2167 מאל

הודעהדורך סאשי פיש » דינסטאג אוגוסט 13, 2013 12:46 pm

גנדי האט געשריבן:סתם פאר אינטערסאנטקייט וואס איז די באדייט אין די ניק @שת.אדמזאהן ?


viewtopic.php?p=139796#p139796
באניצער אוואטאר
סאשי פיש
חבר ותיק
חבר ותיק
 
הודעות: 2764
זיך רעגיסטרירט: דינסטאג אפריל 30, 2013 8:24 pm
געפינט זיך: אינמיטען עסן
האט שוין געלייקט: 3299 מאל
האט שוין באקומען לייקס: 2355 מאל

הודעהדורך דולה ומשקה » דינסטאג אוגוסט 13, 2013 2:27 pm

קאצקע ציקער האט געשריבן:איך מיין די סיבה איז וועיגן זייער רבי. פינטל..
וויען איז אויך געוועין א קהילה אין געווארן א חסידות נאכדעים אין ס׳ נישט געווארן כעלם!!


תשתכחו תורת הבעל שם טוב, אבער אין דריי פלעצער איז דאס געבליבען, ואלו הן:
פאפא
נייטרא
וויען

לויפט א פארעלאל ציווישן די דריי, אז דייקא פאפא זאל שטיין בראש?
די מבהיל'דיגע בקיאות זעה איך נישט"...
(קרעדיט: געוואלדיג)
"אפשר זאלסטו אויפקומען מיט בעסערע בולשיט"...
(קרעדיט: שבת אחים)
באניצער אוואטאר
דולה ומשקה
חבר ותיק
חבר ותיק
 
הודעות: 2639
זיך רעגיסטרירט: דינסטאג מערץ 06, 2012 3:19 pm
האט שוין געלייקט: 518 מאל
האט שוין באקומען לייקס: 1768 מאל

הודעהדורך קאצקע ציקער » מיטוואך אוגוסט 14, 2013 12:49 am

וואס מיינסטו צו זאגן?
באניצער אוואטאר
קאצקע ציקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1475
זיך רעגיסטרירט: פרייטאג אפריל 06, 2012 1:46 am
האט שוין געלייקט: 838 מאל
האט שוין באקומען לייקס: 769 מאל

הודעהדורך big joe » מאנטאג אוגוסט 19, 2013 11:06 pm

אמאל פלעגט פאפא זיין א פיצי סאטמאר, היינט איז סאטמאר א ריזיגע פאפא.
.Knowledge is never something to be feared, those who do fear it are generally the ones who do not posses much
big joe
ידיד השטיבל
ידיד השטיבל
 
הודעות: 177
זיך רעגיסטרירט: זונטאג אוגוסט 11, 2013 9:55 pm
האט שוין געלייקט: 27 מאל
האט שוין באקומען לייקס: 135 מאל

הודעהדורך מנשה לוסטיג » דינסטאג אוגוסט 20, 2013 6:38 pm

big joe האט געשריבן:אמאל פלעגט פאפא זיין א פיצי סאטמאר, היינט איז סאטמאר א ריזיגע פאפא.

פון יעדע קהילה און חסידות, זענען א טייל געגאנגען זייער וועג - זייער אייגענע געשמאק, איינער אהער איינער אהין, און ס'נישט מער ווי נאטורליך, אז רוב בלייבן דארט ווי זיי זענען אויפגעצויגן געווארן.
דעקעגן, אין סאטמאר איז די סיבה געווען וואס האט זיך אנגעזאמעלט אזא ריזן ציבור ווי ביי די וועלט'ס גרויסע פארשפרעכער. פשוט אלץ די דעמאגאגיע קעגן ציונות, וואס די אונגערישע יודען האבן געפונען די נקמה אקעגן די מהרסי הדת
נישט פאפא רב און נישט צעלימע רב און נישט סקווערע רבי און נישט אנדערע רעביס האבן געפרעדיגט וועגן פייטן אנדערע, ממילא איז עס נישט געווען קיין סחורה. דער עולם לעבט אויף סחורה.
מיינע פעטערס היינט קאשויער תלמידים, פארציילן אלץ א פאקט, אז סאטמאר האט דייקא נישט געהאט די גרויסע פלוס פון אנהייב, זיי האבן געלערנט אין וויזשניץ לכתחילה, און ערשט ווען סאטמאר איז געווארן א פארטיי פאמפ, האט אנגעהויבן פליסן ביישטייער צום פארטיי, רוף עס שיטה.
פון פאפא זענען אסאך געבליבן און א שיינע טייל זיך פונאנדער געגאנגען אויך, סיי צו נוטראל סיי צו חסידות'ן ווי באיאן בעלז סקווער אויך סאטמאר צעלים און וויזשניץ.
די חותם פון פאפא אלץ תמימות, איז פשוט ווייל זיי האבן פון זיך נישט געשאסן פיילן און נישט געפראסקעט יענעם [זיך יא.. די מלמדים דארט האבן נאך ווי געפראסקעט..] ממילא אז מ'לאזט טרעטן ווערט מען געטרעטן.
לעולם איז פאפא גאר א וואונדערליכע חסידות פאר תשע''ג, זיכער נישט ווייניגער ווי סאטמאר וויען און נייטרא.
אויב ביסטו מיט טאלאנט געבוירן, וועסטו עס קיינמאל נישט פארלירן!
באניצער אוואטאר
מנשה לוסטיג
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1566
זיך רעגיסטרירט: פרייטאג אפריל 20, 2012 6:07 pm
האט שוין געלייקט: 211 מאל
האט שוין באקומען לייקס: 665 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 2 געסט