איר האט שוין זיכער געהערט דעם אויסדריק אויפן עואב"י וויליאמסבורג און מסתמא שוין געהערט אפאר וויצן אויפן חשבון פון דעם צונאמען. אבער דעם שבת איז מיר אויסגעקומען עס איז בכלל נישט קיין וויץ. אין שטאט וויליאמסבורג די לעצטע צייטן איז געווארן א מאגנאט פאר טוריסטן. זיי קומען אין די מאסן אסאך זענען פון אייראפע וואס זיי ווילן זען ארגינאלע אידן פון וואס זיי האבן אזוי פיל געליינט. שבת נאכמיטאג ווען מען קומט אהיים פון שוהל איז א גאר גרויסער אנלויף יעדע וואך און עס ווערט מער און מער. עס קענען זיין אפשר 10 פולע באסעס וואס שפאצירן ארום אין גרופעס באטראכטן ווי מיר גייען אהיים מיט די טליתים און שטריימלעך עס איז פאר די אויסלענדער א מחזה הוד.
בקיצור די וואך גיי איך אהיים מיט מיינע חברה, שטייט א מיטל יעריקער אזיאנער ביי לי עוו קארנער הופער פארגאפט פארטיפט אין געדאנקען און זינגט א ניגון כאילו לא היה. גיי איך נענטער הער איך ווי די ווערטער קומען ארויס קלאר:
אוויר הרים צלול כיין וריח אורנים
נישא ברוח ערבים עם קול פעמונים
ובתרדמת אילן ואבן שבויה בחלומה
העיר אשר בדד יושבת ובליבה חומה
ירושלים של זהב ושל נחושת ושל אור
הלה לכול שירך אני כנור
צו מיין וואונדער געב איך איהם א וועק אויף, האו דו יו נאו דע סאנג סיר? ער זאגט ער איז פון קארעא און שטודירט אידן. ער האט זייער ליב דאס אידיש פאלק איז איינמאל געווען אין ישראל און זיך אויסגעלערנט עיברית און ירושלים של זהב. באזוכנדיק דא אין וויליאמסבורג שפיר איך ממש ווי אין ירושלים. שוין דאס זאגט א גוי פון קארעא.
ירושלים ד'אמעריקע
דער אשכול פארמאגט 23 תגובות
איר דארפט זיין א רעגיסטרירטער מעמבער און איינגעשריבן צו זען די תגובות.
רעגיסטרירן איינשרייבן