וויאזוי לעבן די כולל יונגעלייט?

[מצטמק ויפה]

"געב עס צוויי יאר, און כולל איז א פארגאנגעהייט, די גאנצע באבעל גייט איין טאג קראכן"!!!!

האט איר שוין געהערט אזאלכע ווערטער אדער עפעס דומה לזה? אוודאי אז יא, די פזמון הערט זיך שוין די לעצטע 7, 8, יאר, און...... גארנישט, מען איז נאך אלס דא; די כולל סטאקס בליען א מחי', עס איז א נחת, יונגעלייט זיצען על התורה ועל העבודה, מען איז זיך משלים אין כל מיני מקצועות, די כולל'ם זענען געשטאפט ווי קיינמאל פריער, עס איז א מחי'; נו וויל איך ענק פרעגן א פשוטע מיליאן דאללער פראגע, מהיכן ירק זה חי? וויאזוי מאכט מען דאס? וויאזוי שטופט דער כולל יונגערמאן דורך די טאג טעגליכע לעבן?

שוין פאר די לעצטע צען יאר ( אויב נישט מער) איז סעקשן 8 א פארגאנגענהייט, און בלויז עפעס וואס אונזערע זיידעס האבן געקענט געניסען פון. קומט אויס אז היינט צוטאג דארף א יונגערמאן אליין באצאלען די געשוואלענע רענט פרייזן, און געבן צדקה בהרחבה פאר זיין גוט הארציגען לענדלאוירד. food stamps פונם דערבארימדיגער פעטער, דעקט קוים האלב פון די גראסערי ארדער, און צומאל דאס אויך נישט, נו וויאזוי מאכט מען דאס? איך זיך נישט דא קיין עצות, אדער ארויפלייגן די שולד אויף איינעם, איך וויל פשוט און גראד פארשטיין די מאטעמאטיק חשבון וויאזוי עס ארבעט, און וויאזוי א כולל יונגערמאן שטופט דורך דעם טאג.

לאמיר עס אביסעל צולייגן מער בפרטיות, לאמיר זיך באציען צו דעם טיפיקעל יונגערמאן, וואס זיין טאטע און זיין שווער האבן געדארפט ארויס נעמען א הלוואה כדי איהם חתונה צו מאכ'ן, אדער אפילו אויב נישט, אבער צו שטיצען דעם זון-איידעם מיט א אלף'ל א חודש, מאן דכר שמיה. ממילא דער גאנצער עול הפרנסה פאלט נעבעך ארויף אזוי טראגיש אויף אונזער צדיק וואס האט שוין ברוך השם זוכה געווען צו צוויי זיסע לעכטיגע קינדערלעך. און אונזער חתן דינן זיצט און לערנט בהתמדה רבה אין כולל, און איז זיך משלים אין הלכות שבת, אדער סיי וואס.

זיין דירה האט ער געלויבט גאט קובע געווען אין דעם עיר ואם בישראל ווילאמסבורג, וואס ער צאלט, (מילד גערעדט) 1400.00 דאללער א חודש פאר זיין איין אין א האלב בעדרום דירה, (ליין קלאזע"ט).
גראסערי קאסט איהם בערך 120.00 דאללער א וואך, דאס מיינט 480.00 א חודש.
פלייש, בערך 85.00 דאללער א חודש.
געז-לעקטיר, 120.00 דאלער א חודש.
סעלפאון פאר זיך און די בני בית, בערך 60.00 דאללער א חודש.
בעבי סיטינג - פלעי גראפ, בערך 700.00 א חודש.
מקוה, 40.00 דאללער א חודש
לאמיר מאכ'ן א סאך הכל, דאס קומט אויס די פאנטאסטישע סומע פון: $2,885.00 (יא יא דו זעהסט גוט קוק נישט איבער.)
און דאס איז חוץ, פעמפער"ס, גויטע, שיך, קליידער, ספרים, פלאמבער ווען דאס קליינער ווארפט אריין אפאר שפילצייג אין טוילעט, און חוץ אלע הוצאות פון פאר יעדע יום טוב וואס איז נעבעך הימל שרייענד.

לאמיר געבן א בליק אויף די הכנסות, ווי פאלגענד; די ווייב איז חלילה נישט געגאנגען ארבעטען אין א אפיס, ווייל.........?! ( איינער ווייסט אפשר?) און למעשה איז זי א שולע לערערין, אדער גאר א הויך שולע לערערין, און זי ברענגט אהיים דאס נארהאפטיגע סומע פון 250.00 דאללער א וואך, וואס דאס קומט אויס צו, 1000.00 א חודש.
דער מאן לערנט אין תהילת יואל, אברכים, הופער, אוו קומט אהיים מיט 400.00 דאללער א חודש,( אויב קומט ער באצייטנס, און נעמט אלע בחינות) ביינאכט גייט ער אויך אין כולל ברענגט ער אהיים נאך 200.00 דאללער א חודש, פארטאגס??? ( מיט צוויי קינדער? א מכה.)
נאכדעם, food stamps, ברענגט אריין נאך 600.00 דאללער א חודש.
לאמיר מאכן דעם סך הכל: 2200.00 א חודש.
קומט אויס אזוי; די הכנסות זענען: 2200.00, און די הוצאות זענען: 2885.00. דאס טייטש אז עס איז דא א חסרון פון 685.00, נו פון וועלכע בוים נעמט מען די געלט? אוואו וואקסט דער בוים? און דאס איז חוץ אלע אויבער דערמאנטע זאכן וואס איז נישט דערמאנט געווארן אין די הוצאות.

איז רבותי עפעס א קאץ ליגט דא באגראבן,( חוץ אויב מיין רעכנער גוססט שוין.) וויאזוי מאכן זיי דאס???! אפשר קען איינער דא אביסעל אויסקלארן דעם ענין.

[דריידל]

זייער גיט געפרעגט. און די תירוץ איז אז זיי קומען טאקע נישט אויס דורכצושטיפען דעם חודש און מ'איז שילדיג גרויסע געלטער אין שכר לימוד אפיס, אין גראסערי, פאר די שכן און פאר'ן בעל בתישער שוואגער.

[מצטמק ויפה]

און פאר'ן בעל בתישער שוואגער.

[שטילע אינגערמאן]

ליידער ליידער איז דאס די מצב


די פרוי טיטשט צוויי פארמיטאג אין קלויזענבורג נאכמיטאג אין סאטמער ס"ה 1900
די אינגערמאן מאכט אין כולל 600
קרעדיד קארד פוינטס טאמער צוטיילט מען עס פער חודש 300
פוד סטעמפס 500
אינגערמאן לערנט ביינאכט מיט א אינגעל 300
טעקס ריטארן טאמער צוטיילט מען עס אויפן חודש 1000

יעצט א אינגערמאן וואס גייט ארויס ארבייטען:
בויגינער ד'זאב 2300 אלץ אויפן ביכער האט נישט קיין פוט סטעמפס אין טעקס ריטארן
אין דא קומט צו הוצאות ווי קאר סמארט פאון וגו'


ווער שטייט בעסער?


נ.ב. כ'האב נישט געלערנט אין כולל אפי' פאר איין חודש, גלייך געגאנגען ארבייטען

[שמעקעדיג]

זייט סנאודען זאגט אז די ווענט האבן גרויסע אויערן דענק איך אז אזא אשכול זאל מען נישט לופטערן דא ודו"ק.

[מצטמק ויפה]

נ.ב. כ'האב נישט געלערנט אין כולל אפי' פאר איין חודש, גלייך געגאנגען ארבייטען

אוי וויי שטילע, וואלסט עס געדארפט אויספרובירן כאטש פאר א וואך, יעצט גייסטו כל ימיו טראכטן אז זיי שטייען בעסער, יענעמ'ס גראז איז גרינער.

[אפטעמיסט]

עבדים היינו. דאס איז איין תירוץ. נאמבער צוויי, דא איז אפאר זאכן וואס די חברה טוען:
1) מ'דרייט מיט קרעדיט קארדס און מ'זאמעלט פוינטס.
2) מ'טראגט זיך אן אלס אגענט פאר 'עמביט' און מ'דרייט די נערווען פון גאנץ כלל ישראל.
3) מ'לערענט מיט קינדער משניות פאר אפאר גראשן.

פרעגסט אבער א גוטע קשיא, און די תירוץ איז אז די וואס זענען נעבעך פארשפארט אין כולל זענען גרויסע רחמנות'ן, און מ'דארף מתפלל זיין פאר זייער שנעלע באפרייאונג. לאמיר נאר דאנקן גאט אז אנדערש ווי אין ישראל, באקומען נישט די אינגעלייט אין אמעריקע קיין לעבנס לענגליכע טורמע, נאר א צוויי-דריי יאר סענטינס.

[לית דין בר נש]

נ.ב. כ'האב נישט געלערנט אין כולל אפי' פאר איין חודש, גלייך געגאנגען ארבייטען

שטילע לכאורה ביסטו דער וואס דיין שווער האט דיר גיפרעגט ביים שידוך אויב די גייסט זיין אין כולל א האלבע טאג אדער א גאנצע טאג? אין גיענטפערט קען זיין אפילו פאר צוויי טעג!!!

גראדע דיין בילד זעהט אויס ווי די האסט אסאך יארן גיקוועטשט אין כולל!

[מצטמק ויפה]

ליידער ליידער איז דאס די מצב


די פרוי טיטשט צוויי פארמיטאג אין קלויזענבורג נאכמיטאג אין סאטמער ס"ה 1900
ן

וואס???!!!!! אן מערבין ........ שמחה בשמחה!

[נולד מאוחר]

זייט סנאודען זאגט אז די ווענט האבן גרויסע אויערן דענק איך אז אזא אשכול זאל מען נישט לופטערן דא ודו"ק.

ווי דען?

[שמעקעדיג]

אין מקוה בור בשעת מען כאפט א טבילה אונטערן וואסער

[berlbalaguleh]

אין מקוה בור בשעת מען כאפט א טבילה אונטערן וואסער

ווייל ביי די בענק ווי מ'טוט זיך אן, האט שוין די ממשלה אריינגעבויעט קליינע ווייער'לעס מייקראפאונס, וועלכע ארבעטן מיט בלו-טוט. פון ווי ווייס איך? כ'בין איינמאל געבליבן אין מקוה שבת אינדערפריה נאך וואס די זייגער האט פארלאשן די לייטס, האביך באמערקט אז ס'קומען ארויס זיקוקין דנורא (יש גורסין דנהורא) פון צווישן די ווענט...

[מאטי]

מיין קשיא איז ווי אזוי לעבט א צוויי און דרייסיג יעריגע אינגערמאן מיט 5 אוכלי פת און פארדינט אן אלף א וואך. דאס איז סאך א שטערקערע קשיא ודו"ק כי קצרתי בעצת שמעק

[פישלע העררינג]

איך האב ערגעץ געליינט דא אין שטיבל אז רביצין אסתר יונגרייז האט אמאהל געזאגט אויף איר טעלעוויזיע שאו, היא הנותנת! וויבאלד בדרך הטבע קען זיך א רעגלמעסיגע יונגערמאן נישט אויסהאלטן, ואף על פי כן לעבט דער עולם כמנהגו נוהג, איז א סימן אז כך גזרה חכמתו יתברך און אידעלעך זענען למעלה מהשגת אנוש, וקצרה שיכלם ואבד שיברם פון די גויים ווען עס קומט צו פארשטיין נבכי עקענאמיע שלנו.

[גנדי]

וועגן דעם האבן חז״ל געזאגט: תורה שאין עמה מלאכה סופה בטילה.

[איך אויך]

ליידער ליידער איז דאס די מצב


די פרוי טיטשט צוויי פארמיטאג אין קלויזענבורג נאכמיטאג אין סאטמער ס"ה 1900
ן

וואס???!!!!! אן מערבין ........ שמחה בשמחה!

אויף די 1900 נאמבער פרעגסטו גארנישט..

[דריידל]

א חבר מיינער וואס פארדינט לערך 250 א וואך האט לעצטענס געהאט אן אודיט פון די irs און זיי האבן אים אויסגעפייניגט מיט די טענה אז עס קען נישט זיין אז ער פארדינט נישט מער ווייל די עוורידזש סטאטיסטיקס ווייזן אז א שטוב מיט זעקס קינדער דארף בערך 60,000 א יאר אויף צו לעבן. אפילו נאכ'ן אויפווייזן אז ער באקומט פ. ס., וויק, מעדיקעיד וכדומה האט נאך אלץ געפעלט 15-20 טויזענט דאלאר און זיי האבן אים מחייב געווען שטייער אויף די געלט, אנדעם וואס זיי זאלן דארפן עפעס אויפווייזן. זיי האבן געזאגט אז ער האט די ברירה צו גיין אין קארט אויפווייזן אז זיי זענען נישט גערעכט.

ישמע חכם ויוסיף לקח

[איש עברי]

ווען מפארדינט ווען געלט פון שרייבן אויף קאווע שטיבל אדער הערן קול מבשר וואלט כולל געווען גאנץ א לייטישע פרנסה

[פלעין יודיש]

ווען מפארדינט ווען געלט פון שרייבן אויף קאווע שטיבל אדער הערן קול מבשר וואלט כולל געווען גאנץ א לייטישע פרנסה

וואס???
פארדינען לייקס איז דיר נישט געניג

[מצטמק ויפה]

ווען מפארדינט ווען געלט פון שרייבן אויף קאווע שטיבל אדער הערן קול מבשר וואלט כולל געווען גאנץ א לייטישע פרנסה

וואס???
פארדינען לייקס איז דיר נישט געניג

וואס??!! די האסט וואו צו קויפן מצות מיט לייקס???!!!! וועלכע בית אופה??

[ברסלבער]

זיין דירה האט ער געלויבט גאט קובע געווען אין דעם עיר ואם בישראל ווילאמסבורג, וואס ער צאלט, (מילד גערעדט) 1400.00 דאללער א חודש פאר זיין איין אין א האלב בעדרום דירה, (ליין קלאזע"ט).

די פרייזן האלטן שוין היבש העכער.

מצטמק, האסט זייער גוט ארויס געברענגט דעם ווייטאג. ווען דער יונגערמאן האלט כאטש ביים לערנען איז א האלבע צרה, איז ער זיך כאטש ממית באהלה של תורה. אבער אז ער גייט אין כולל בלויז ווייל ער שעמט זיך צו גיין ארבעטן און ווייל יעדער גייט, דאס איז א חורבן. ער האט נישט די וועלט און נישט יענע וועלט, נישט רוחניות און נישט גשמיות, נישט צום לעבן און נישט צום שטארבן.
נישט אומזיסט איז הרה"ק מסאטמאר זי"ע געווען אזוי ברוגז אויף כוללים.

[היימישער ליטוואק]

א חבר מיינער וואס פארדינט לערך 250 א וואך האט לעצטענס געהאט אן אודיט פון די irs און זיי האבן אים אויסגעפייניגט מיט די טענה אז עס קען נישט זיין אז ער פארדינט נישט מער ווייל די עוורידזש סטאטיסטיקס ווייזן אז א שטוב מיט זעקס קינדער דארף בערך 60,000 א יאר אויף צו לעבן. אפילו נאכ'ן אויפווייזן אז ער באקומט פ. ס., וויק, מעדיקעיד וכדומה האט נאך אלץ געפעלט 15-20 טויזענט דאלאר און זיי האבן אים מחייב געווען שטייער אויף די געלט, אנדעם וואס זיי זאלן דארפן עפעס אויפווייזן. זיי האבן געזאגט אז ער האט די ברירה צו גיין אין קארט אויפווייזן אז זיי זענען נישט גערעכט.

ישמע חכם ויוסיף לקח

דו ווייסט דאך אז זיי זענן גרעכט. גיבט ער איין אלעס וואס ער און זיין פרוי פארדינן?

[פישלע העררינג]

אסאך יונגעלייט לעבן אויף הלוואות. לויט די איי. אר. עס. איז א פרייע הלוואה - א הלוואה וואס טראגט נישט קיין רבית - פארעכענט אלץ א מתנה, וואס איז טעקסעבל! דאס מיינט צו זאגן אז אפילו אויב א יונגערמאן ווייזט אויף אז ער לעבט אויף חובות, ברויך ער נאך אלץ איינצאלען טעקס.

נ.ב. זיך ריגיסטרירען אלץ א דעמאקראט - אנשטאט נאכלויפן יוסי ג. וכו' צו הייסן א ריפובליקאנער - האט שוין געהאלפן רבים וכן טובים נישט צו האבן אן אודיט פון די איי. אר. עס.

[שמו יגער]

זיין דירה האט ער געלויבט גאט קובע געווען אין דעם עיר ואם בישראל ווילאמסבורג, וואס ער צאלט, (מילד גערעדט) 1400.00 דאללער א חודש פאר זיין איין אין א האלב בעדרום דירה, (ליין קלאזע"ט).

די פרייזן האלטן שוין היבש העכער.

מצטמק, האסט זייער גוט ארויס געברענגט דעם ווייטאג. ווען דער יונגערמאן האלט כאטש ביים לערנען איז א האלבע צרה, איז ער זיך כאטש ממית באהלה של תורה. אבער אז ער גייט אין כולל בלויז ווייל ער שעמט זיך צו גיין ארבעטן און ווייל יעדער גייט, דאס איז א חורבן. ער האט נישט די וועלט און נישט יענע וועלט, נישט רוחניות און נישט גשמיות, נישט צום לעבן און נישט צום שטארבן.
נישט אומזיסט איז הרה"ק מסאטמאר זי"ע געווען אזוי ברוגז אויף כוללים.

און שלום בית איז גארנישט ביי דיר??
וואס ווילסטו פון דעם יונגערמאן האבן?
זיין ווייב איז געגאנגן אין שולע אין די לעצטע פאר יאר אין אוודאי די לעצטע פאר חדשים איז מען זי מסבי געווען וואס מיינט א תורה שטוב וואס מיינט זיך מקריב זיין פאר תורה זי פארשטייט שוין גוט די סוגיה....
קומט נאך די חתונה זאגט זי פאר איר מאן אלעס וואס זי ווייסט אלץ!
בלית ברירה זיצט ער אין זיצט נאך אין נאך אבער וואס זאל ער טוהן זי ווייסט וואס א תורה שטוב מיינט...
בוווווווווווווווווז ער פלאצט אויס אין ער זאגט קוק קיין געלט האט מען שוין נישט אפילו מיט דיין מסירות נפש ארבייט ממילה מוז איך טרעפן א האלבע דזאב אין אזוי צוביסלך טרעפט ער דעם וועג ארויס
איז לפענ"ד הקטן די טענה פון "ווי אזוי מאכן זיי עס?" זאל מען רעדן מיט די הויך שולע לעררינס מיט די סעמינאר חכמים אין די כלה טיטשערס וואס זענען מסביר די עניינם פאר די נשים והכל על מקומו יבא בשלום

[דריידל]

אסאך יונגעלייט לעבן אויף הלוואות. לויט די איי. אר. עס. איז א פרייע הלוואה - א הלוואה וואס טראגט נישט קיין רבית - פארעכענט אלץ א מתנה, וואס איז טעקסעבל! דאס מיינט צו זאגן אז אפילו אויב א יונגערמאן ווייזט אויף אז ער לעבט אויף חובות, ברויך ער נאך אלץ איינצאלען טעקס.

נישט אמת. דער וואס באקומט א מתנה צאלט קיינמאל נישט קיין טעקס.