אוודאי איז עס נישט 50/50, אין מיינע אויגן איז עס 65/35 - 65% שאנס אז וועבערמאן איז עפעס שולדיג. די סיבה פארוואס איך האלט אזוי איז ווייל א רעפוטאציע פון אן "אנשטענדיגער מענטש" שטעלט זיך ארויס ווי גארנישט-מיינענד ווען עס קומט צו ענינים פון עריות, ווי חז"ל זאגן שוין. ווידער אז א מיידל זאל באווייזן אנצוהאלטן איר געשיכטע אזויפיל יארן, איינרעדן אירע עלטערן (וועלכע זענען פונקט אזוי באקאנט ווי אנשטענדיגע מענטשן), אירע טעראפיסטן, וכו', איז שטארק רחוק מן השכל - כאטש ס'איז דאך א מעגליכקייט.
אפילו די וואס לייקענען די רעיפ באשולדיגונגען מיין איך אז זיי זענען נישט מחולק אויף דעם אז וועבערמאן האט געהאנדלט היבש אוממאראליש: ער האט זיך מייחד געווען מיט דעם מיידל; ער האט איר געגעבן טעראפיע-סעסעיס פון לאנגע שעות; און ער האט זיך פארגעשטעלט ווי א טעראפיסט אן דער מינימאלער טרענירונג. צו דעם קומט נאך צו נאך פרטים וועלכע זענען נישט קלאר, א שטייגער ווי דער פרייז פון $250 א שעה וואס ער האט אנגעבליך גערעכנט.
און וועגן אנדערע רומערס, הרב הורוויץ פון מאנסי איז אין מיינע אויגן נאך אזא אנשטענדיגער מענטש ווי וועבערמאן, און ער זאגט קלאר אז עטליכע פרויען האבן אים אליין דערציילט נאך אזעלכע געשיכטעס וואס זיי האבן מיטגעמאכט מיט וועבערמאן.
איך ווייס נישט פונקטליך די מציאות, אבער צו האט זי שוין דעמאלט גע'טענה'ט אז ער האט איר געטשעפעט? אויב יא, דאן פארוואס האבן אירע עלטערן געלאזט גיין צו אים? אויב איז זי יעצט געקומען מיט טרערן אין די אויגן צו אירע עלטערן, דעמאלט זע איך נישט פארוואס זיי זאלן איר נישט גלייבן, און איר טעראפיסט דארף איר אודאי גלייבן, אויב נישט איז זי נישט קיין טעראפיסט.
דינע אוממאראלישע טענות אויף וועבערמאן קענסטו האבן אויף כמעט יעדן אזוי גערופענעם היימישן טעראפיסט און שלום בית מאכער, טייל פון זיי זייער קלוגע און געלונגענע מענטשן וואס האבן שוין אסאך אויפגעטון. אודאי איז דאס אן עולה אז טעראפיסטן אן טרעינינג רייסן צוויי - דריי הונדערט דאלער א שעה, אבער דאס קומט נישט דא אריין. אבער לאמיר נאר אזויפיל זאגן, עס איז מעגליך אז ער איז שולדיג, ווייל ווי דו זאגסט, קיינער איז נישט גאראנטירט, פונקט ווי אסאך אנדערע נארמאלע אידן און גויים וועמען מען האט געכאפט ביי אזעלכע עוולות. אבער דאס וואס די פרוי זאגט איז ביי מיר זייער נישט קאנווינסינג. עס איז קלאר אז זי האט סתם אזוי א ביטערע שנאה אויף חסידים בכלל און אויף אים בפרט, און אפשר מיט רעכט, און עס איז זייער גרינג צו טראכטן אז זי זאל דערציילן אזא מעשה מיט'ן הייליגן ציל אים אונטערצוברענגען צוזאמען מיט די גאנצע קהילה, און פונקט ווי חסידים זענען ביי מיר נישט באגלייבט ווען זיי זאגן אויף איינעם אז ער איז נישט קיין מאלעסטער, אזוי איז זי ביי מיר גאנץ שוואך באגלייבט אז ער איז יא א מאלעסטער. בכלל די גאנצע מעשה הערט זיך עפעס נישט בסדר, ער האט איר שוין ביי די ערשטע סעסיע במשך דריי שעה די גאנצע צייט אנגעכאפט, עפעס הערט זיך נישט בסדר. הגע בעצמך, איך זע אז דו האלטסט אויך אז עס איז נאר 65% אז ער איז
עפעס שולדיג. איך גלייב אז ביי די יעצטיגע שערוריא וועגן הרב ה. ביסטו מער איבערצייגט אין זיין שולד. אויב יא, מיינט דאס אז ביי דיר האט זי אויך א שוואכערע נאמנות, מיר קריגן זיך נאר וויפיל דעגרי עס גייט. אגב, איך ווייס נישט וואס דער עפעס מיינט, קען זיין אז אויב ער האט איר אנגעכאפט אויפ'ן אקסל איין מאל וועלדנדיג עפעס מסביר זיין הייסט עס אויך עפעס.
פורסם: מיטוואך נאוועמבער 28, 2012 7:00 pm