אקעי, מ'האמיר געראטעוועט הערשעלע. וואס יעצט?

ארטיקלען און באטראכטונגען איבער דער חרדי'שער געזעלשאפט און קולטור

אקעי, מ'האמיר געראטעוועט הערשעלע. וואס יעצט?

הודעהדורך המלוכה והממשלה » דינסטאג דעצעמבער 16, 2014 12:17 am

אקעי, סאו "איפוא הערשעלע" איז געוועהן א מעכטיגע הצלחה. טויזענטער אידן זענען געקומען אויסדריקן שטיצע מיט א טאטע וואס האט נישט געגעבען קיין שום דאקומענטעישען אויף זיין מעשה, און האט געשריגן אז זיין ווייב האט עובר געוועהן אויף די עגרימענט אהן דעם וואס ער זאל ווייזן וואס די עגרימענט איז געוועהן.

קיינער האט אפילו נישט געוויסט די נאמען פון זיין געוועזענע ווייב , און קיינער ווייסט נישט אויב ס'איז בכלל אמת אז זי איז טאקע חתונה געהאט מיט א גוי. די פיקטשערס וואס ער האט מפרסם געוועהן פון זיין קינד האט ער אויך נישט געקענט באווייזן אז ער גייט אהן א קאפעל אדער פירט זיך נישט אויף אידיש.

אבער עולם גולם האט אים געשטיצט ווייל אפילו אויב יושר'דיג קומט זיך נישט די קינד פאר'ן טאטע , דארף מען טוהן וואס מ'קען צו ראטעווען א קינד צו חרדיזם. אפילו אויב זאל זי זיין א ביליאן פראצענט גערעכט עפ"י ישרות , איז נישט דא קיין יושר ווען מ'דארף ראטעווען די אידישקייט פון א קינד. דאס איז א נייע שיטה וואס האט נאך קיינמאל נישט עקזיסטעד , אבער לאמיר נעמען די שיטה מיט'ן פולסטען ערענסטקייט.

סאו מיט די הבטחה פון סקלענע רבי (און נאכ'ן צאמשלעפן א באנטש געלט פון רחמנים בני רחמנים) האט מען מצליח געוועהן מיט די קארט קעיס און די קינד גייט איבער צום טאטע און די מאמע האט נאר וויזיטעישן.

וואט'ס נעקסט? אין וועלכע חדר גייט הערשעלע גיין. כ'האף אז נישט אין די חדר ווי איך שיק מיינע קינדער. הערשעלע איז טאקע א אומשילדיגע שעפעלע , אבער מיין זוהן איז זיכער גארנישט שילדיג. כ'וועל בשום אין אופן צולאזן אז מיין זוהן זאל לערנען אין א קלאס צוזאמען מיט הערשעלע. אלץ א אחריות'דיגע טאטע און עהרליכע איד קען איך נישט צולאזן אז א קינד וואס איז עקספאזט צו טעלעוויזען און קראצמעך ניגונים זאל לערנען מיט מיין יונגעל!!

ס'איז טאקע שווער צוצוקוקן די צער פון הערשעלע אבער יעדע רעכטדענקיגער מענטש וועט מודה זיין אז מ'קען טאקע געבן אפאר דאללער צו העלפען , אבער חלילה וחס זיך שפילן מיט די אידישקייט פון די אייגענע קינדער!! עס איז דא א סיבה פארוואס אונז פארגיס מיר טייכן בלוט אויף צו האלטען די שטיבער פון אונזערע תלמידים ציכטיג ריין.

ווער ווייסט וואספארא גיפט הערשעלע האט זיך אלץ אנגעזעהן ביי די מאמע די אלע יאהרן? ווער ווייסט וואספארא אינטערנעט ער האט אלץ געזעהן ר"ל? די אלע מאכלים וואס ער האט געגעסן וואס איז מטמטם די לב –דאס קען מען נישט ארויסרייסן!! אוודאי וועט מען מתפלל זיין אז הערשעלע זאל אויסוואקסען עהרליך און אביערקומען די שוועריקייטן , אבער נישט מיין קינד!! אלץ א טאטע וואס מוטשעט זיך אויפצוציען עהרליכע קינדער קען איך מיך נישט ערלויבן אז מיין קינד זאל ח"ו פארדארבען ווערן דורך הערשעלע.

יעדער ווייסט זייער גוט ווי שווער ס'איז אויפצוציען עהרליכע אידישע קינדער אין די היינטיגע וועלט. יעדע טאטע און מאמע בלוטיגן יעדן טאג אז די קינדער זאלן נישט האבן קיין ראיות אסורות ח"ו , אדער זיך אנזעהן מיט אלע מיאוס'קייטן וואס די וועלט איז פיל מיט ר"ל. מ'זעהט ליידער די אלע רייצענדיגע תאוות , די אלע גשמיות'דיגע גליסטענישן וואס אונז דארף מיר שווער ארבייטן אז אונזערע קינדער זאלן דאס ח"ו נישט נאכגיין. נאך אזוי פיל בלוט און האריוואניע איז פשוט אז איך קען נישט לאזן מיינע קינדער זיין אין איין קלאס מיט הערשעלע און ח"ו נשפע ווערן פון די שעדליכע השפעות וואס ער האט געליטן פון.

איז ווי טאקע זאל הערשעלע גיין אין חדר? אה ,ס'איז געבליבן איין עצה. הערשעלע'ס טאטע קען אים שיקן אין פאבליק סקול , און פון דארט וועט מען אים יא אננעמען אין א היימישע חדר.

נאר ס'וועט זיין פאני אז די טאטע וואס האט דזשאסט געראטעוועט זיין קינד פון קראצמעך ניגונים וועט שיקן זיין קינד אין פאבליק סקול.

אבער ווער איז דען נישט גרייט צו טוהן אלעס אין די וועלט צו באקומען א עהרליכע חינוך? נו, זאל זיין פאני.
במקום שאין איש קוקט עס אזוי אויס
נאר נחום ראזענבערג ראטעוועט אונז פון מאלעסטעישן
נאר מייקל בלומבערג ראטעוועט אונז פון הערפיס
נאר חיים שאולזאן פארדאמט אלע רשעות
נאר נפתלי מאסטער העלפט אונז באקומען א נארמאלע עדוקעישען
נאר די סעקולער געריכטן טוען עפעס פאר יושר און צדק
המלוכה והממשלה
ידיד ותיק
ידיד ותיק
 
הודעות: 892
זיך רעגיסטרירט: מיטוואך מערץ 12, 2014 7:38 pm
האט שוין געלייקט: 1042 מאל
האט שוין באקומען לייקס: 1467 מאל

הודעהדורך מאטי » דינסטאג דעצעמבער 16, 2014 1:36 pm

געוואלדיגע דיבורים המלוכה! טראגי-קאמיש, ס'קומט צו לאכן און וויינען אויפאמאל.
My enemy showed me an Olive Branch, upon closer observation it turned out to be covered in Fig Leaves
באניצער אוואטאר
מאטי
חבר ותיק
חבר ותיק
 
הודעות: 2992
זיך רעגיסטרירט: מאנטאג אוגוסט 27, 2012 5:06 pm
האט שוין געלייקט: 3756 מאל
האט שוין באקומען לייקס: 4313 מאל

הודעהדורך דוק ותשכח » דינסטאג דעצעמבער 16, 2014 1:43 pm

ווי וואלט געווען ווען הערשעלע איז אייער קינד אדער אייניקל?
דוק ותשכח
מאנשי שלומינו
מאנשי שלומינו
 
הודעות: 54
זיך רעגיסטרירט: דאנערשטאג דעצעמבער 11, 2014 3:00 pm
האט שוין געלייקט: 11 מאל
האט שוין באקומען לייקס: 28 מאל

הודעהדורך Kool man » דינסטאג דעצעמבער 16, 2014 1:48 pm

אויף דיין הקדמה, יא, די תורה וואס אונז יודען האבע באקומען פארלאנגט צו העלפען די קינד גיין דארטען ווי ער גייט זיין א יוד, און ב'יז א מצוה פון פדיון שבויים צו ארויסראטעווען פון א פלאץ וואס איז איהם מעביר על הדת, דאס איז עפ"י חוקי התורה, וואס דאס בינדט אונז whether u like it or not.

אפילו אויב ווילסטו גיין לויט די גויאישע קעפ, איז דאס לכל הפחות אזוי יושר'דיק ווי אירע פעולות פון איהם אנקלאגען מיט פאלטשע בלבולים כדי אים איינזעצען און אזוי ארום האבען קאסטעדי.

וועגען חדר ווי ער וועט גיין זארג איך נישט, ווייל דו זארגסט אויכעט נישט..
Kool man
היימישער באניצער
היימישער באניצער
 
הודעות: 476
זיך רעגיסטרירט: מאנטאג יוני 09, 2014 4:43 pm
האט שוין געלייקט: 889 מאל
האט שוין באקומען לייקס: 676 מאל

הודעהדורך סמיילי » מיטוואך דעצעמבער 17, 2014 2:07 am

זייער גיט געזאגט!!!
סמיילי
מאנשי שלומינו
מאנשי שלומינו
 
הודעות: 54
זיך רעגיסטרירט: דאנערשטאג פעברואר 06, 2014 7:23 am
האט שוין געלייקט: 5 מאל
האט שוין באקומען לייקס: 15 מאל

הודעהדורך ציבעלע-קיגל » מיטוואך דעצעמבער 31, 2014 3:01 pm

המלוכה והממשלה האט געשריבן:אקעי, סאו "איפוא הערשעלע" איז געוועהן א מעכטיגע הצלחה. טויזענטער אידן זענען געקומען אויסדריקן שטיצע מיט א טאטע וואס האט נישט געגעבען קיין שום דאקומענטעישען אויף זיין מעשה, און האט געשריגן אז זיין ווייב האט עובר געוועהן אויף די עגרימענט אהן דעם וואס ער זאל ווייזן וואס די עגרימענט איז געוועהן.

קיינער האט אפילו נישט געוויסט די נאמען פון זיין געוועזענע ווייב , און קיינער ווייסט נישט אויב ס'איז בכלל אמת אז זי איז טאקע חתונה געהאט מיט א גוי. די פיקטשערס וואס ער האט מפרסם געוועהן פון זיין קינד האט ער אויך נישט געקענט באווייזן אז ער גייט אהן א קאפעל אדער פירט זיך נישט אויף אידיש.

אבער עולם גולם האט אים געשטיצט ווייל אפילו אויב יושר'דיג קומט זיך נישט די קינד פאר'ן טאטע , דארף מען טוהן וואס מ'קען צו ראטעווען א קינד צו חרדיזם. אפילו אויב זאל זי זיין א ביליאן פראצענט גערעכט עפ"י ישרות , איז נישט דא קיין יושר ווען מ'דארף ראטעווען די אידישקייט פון א קינד. דאס איז א נייע שיטה וואס האט נאך קיינמאל נישט עקזיסטעד , אבער לאמיר נעמען די שיטה מיט'ן פולסטען ערענסטקייט.

סאו מיט די הבטחה פון סקלענע רבי (און נאכ'ן צאמשלעפן א באנטש געלט פון רחמנים בני רחמנים) האט מען מצליח געוועהן מיט די קארט קעיס און די קינד גייט איבער צום טאטע און די מאמע האט נאר וויזיטעישן.

וואט'ס נעקסט? אין וועלכע חדר גייט הערשעלע גיין. כ'האף אז נישט אין די חדר ווי איך שיק מיינע קינדער. הערשעלע איז טאקע א אומשילדיגע שעפעלע , אבער מיין זוהן איז זיכער גארנישט שילדיג. כ'וועל בשום אין אופן צולאזן אז מיין זוהן זאל לערנען אין א קלאס צוזאמען מיט הערשעלע. אלץ א אחריות'דיגע טאטע און עהרליכע איד קען איך נישט צולאזן אז א קינד וואס איז עקספאזט צו טעלעוויזען און קראצמעך ניגונים זאל לערנען מיט מיין יונגעל!!

ס'איז טאקע שווער צוצוקוקן די צער פון הערשעלע אבער יעדע רעכטדענקיגער מענטש וועט מודה זיין אז מ'קען טאקע געבן אפאר דאללער צו העלפען , אבער חלילה וחס זיך שפילן מיט די אידישקייט פון די אייגענע קינדער!! עס איז דא א סיבה פארוואס אונז פארגיס מיר טייכן בלוט אויף צו האלטען די שטיבער פון אונזערע תלמידים ציכטיג ריין.

ווער ווייסט וואספארא גיפט הערשעלע האט זיך אלץ אנגעזעהן ביי די מאמע די אלע יאהרן? ווער ווייסט וואספארא אינטערנעט ער האט אלץ געזעהן ר"ל? די אלע מאכלים וואס ער האט געגעסן וואס איז מטמטם די לב –דאס קען מען נישט ארויסרייסן!! אוודאי וועט מען מתפלל זיין אז הערשעלע זאל אויסוואקסען עהרליך און אביערקומען די שוועריקייטן , אבער נישט מיין קינד!! אלץ א טאטע וואס מוטשעט זיך אויפצוציען עהרליכע קינדער קען איך מיך נישט ערלויבן אז מיין קינד זאל ח"ו פארדארבען ווערן דורך הערשעלע.

יעדער ווייסט זייער גוט ווי שווער ס'איז אויפצוציען עהרליכע אידישע קינדער אין די היינטיגע וועלט. יעדע טאטע און מאמע בלוטיגן יעדן טאג אז די קינדער זאלן נישט האבן קיין ראיות אסורות ח"ו , אדער זיך אנזעהן מיט אלע מיאוס'קייטן וואס די וועלט איז פיל מיט ר"ל. מ'זעהט ליידער די אלע רייצענדיגע תאוות , די אלע גשמיות'דיגע גליסטענישן וואס אונז דארף מיר שווער ארבייטן אז אונזערע קינדער זאלן דאס ח"ו נישט נאכגיין. נאך אזוי פיל בלוט און האריוואניע איז פשוט אז איך קען נישט לאזן מיינע קינדער זיין אין איין קלאס מיט הערשעלע און ח"ו נשפע ווערן פון די שעדליכע השפעות וואס ער האט געליטן פון.

איז ווי טאקע זאל הערשעלע גיין אין חדר? אה ,ס'איז געבליבן איין עצה. הערשעלע'ס טאטע קען אים שיקן אין פאבליק סקול , און פון דארט וועט מען אים יא אננעמען אין א היימישע חדר.

נאר ס'וועט זיין פאני אז די טאטע וואס האט דזשאסט געראטעוועט זיין קינד פון קראצמעך ניגונים וועט שיקן זיין קינד אין פאבליק סקול.

אבער ווער איז דען נישט גרייט צו טוהן אלעס אין די וועלט צו באקומען א עהרליכע חינוך? נו, זאל זיין פאני.


וואטס נעקסט? פשוט יעצט ווארט מען פאר די נעקסטע מעשה (SOB STORY). פון ווער עס קען ברענגען א בעסערע מעשה. און דער עולם וועט קומען ווארפען געלט. עס איס געווארן א שיינע פרנסה.

וועגן א ישיבה. קיין איין ישיבה וועט איהם נישט אננעמען ווייל עס פאסט דאך נישט. זיין מאמע איז דאך א *******. אבער אויף צו פאמפען געלט ביים עולם איז דאס זייער א שיין מעשה.

פונט אזוי ווען דער (שווארצער) גר צדק פון בורו פרק איך געדענק נישט יעצט זיין נאמען. דער וואס האט זיך אנגעטוהן ווייסע זאקען ביי זיין חתונה. דארט זענען אלע רבנים און ראש ישיבות געלאפען ווייל עס איז שיין ווען מען נעמט פיקטשערס פון דעם. אבער לאמיר זעהן ווען ער גייט אי"ה האבען קינדער. וויפיל פון די אלע וואס זענען געוועהן דארט וועלען אנמעמען א שווארץ אינגעל אין זייער מוסד? איי ענק האבען דאך דארט געטאנצען? א קשי' אןיף א מעשה.

וועגען די טריפות... מען האט שוין געהערט פון גרים.

אינטערנעט... גארנישט אנדערש. איעדער האט היינט. אויב דו ווילסט וויסען ווער עס האט און אן א פילטער. די סימן איז פשוט. די אלע וואס העצען מוראדיג אנדעגען דעם, זיי האבען. די אלע וואס ליגען אין דעם ראשו ורובו וועגען דעם הארבקייט א.א.וו. זיי האבען אין אן א פילטער... אדרבה טשעק איט אוט.

דער עיקר איז מען דארף/וויל געלט פאר ******** ביטע קומט און גיבטס. געדענק! קיינער טאר נישט פעלען!
אויב דו ווילסט אז מען זאהל אלעמאהל זאגען אז דו ביזט א ליגנער...
זאלסטו אלעמאהל זאגען נאר דער אמת...

דער אמת שטעכט!
באניצער אוואטאר
ציבעלע-קיגל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1120
זיך רעגיסטרירט: זונטאג יולי 29, 2012 8:24 am
האט שוין געלייקט: 574 מאל
האט שוין באקומען לייקס: 790 מאל

הודעהדורך ישמעאל הכהן » מיטוואך דעצעמבער 31, 2014 3:03 pm

יענער גר איז שוין געגעט.
ראדיא באריכטער פאר ק''ש
באניצער אוואטאר
ישמעאל הכהן
חבר ותיק
חבר ותיק
 
הודעות: 2111
זיך רעגיסטרירט: זונטאג דעצעמבער 16, 2012 12:54 pm
האט שוין געלייקט: 1807 מאל
האט שוין באקומען לייקס: 2167 מאל

הודעהדורך ציבעלע-קיגל » מיטוואך דעצעמבער 31, 2014 3:28 pm

ישמעאל הכהן האט געשריבן:יענער גר איז שוין געגעט.


אבער ווען ער גייט האבען קינדער.
אויב דו ווילסט אז מען זאהל אלעמאהל זאגען אז דו ביזט א ליגנער...
זאלסטו אלעמאהל זאגען נאר דער אמת...

דער אמת שטעכט!
באניצער אוואטאר
ציבעלע-קיגל
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1120
זיך רעגיסטרירט: זונטאג יולי 29, 2012 8:24 am
האט שוין געלייקט: 574 מאל
האט שוין באקומען לייקס: 790 מאל

הודעהדורך שעפטל » מיטוואך דעצעמבער 31, 2014 5:42 pm

אז ער וועט האבן קינדער אן זיין חתונה געהאט, זאל מען עס טאקע נישט אננעמען!
מיט דעם האט זיך געענדיגט נאך א תגובה'לע פון שעפטל'ן, א "לייק" איז א שטופ אויף פראנויס פאר נאכיינס...
באניצער אוואטאר
שעפטל
חבר ותיק
חבר ותיק
 
הודעות: 3443
זיך רעגיסטרירט: דינסטאג יולי 17, 2012 1:45 pm
געפינט זיך: אוי, בעסער פרעג נישט
האט שוין געלייקט: 3450 מאל
האט שוין באקומען לייקס: 3365 מאל

הודעהדורך smart » זונטאג יאנואר 04, 2015 4:23 pm

איך האב גערעדט מיט איינער וואס איז זייער אקטיוו אין דעעם פרשה איינער וואס איז זייער נאמן ביי מיר ער זאגט מיר אז עס איז אלעס אמת

נישט אויף יעדע זאך וואס מען טוט דארף מען אראפרייסען
א לייק ביטע!
באניצער אוואטאר
smart
ידיד ותיק
ידיד ותיק
 
הודעות: 611
זיך רעגיסטרירט: זונטאג מאי 06, 2012 3:38 pm
האט שוין געלייקט: 603 מאל
האט שוין באקומען לייקס: 243 מאל

הודעהדורך הוגה » מיטוואך יאנואר 07, 2015 7:53 pm

דוק ותשכח האט געשריבן:ווי וואלט געווען ווען הערשעלע איז אייער קינד אדער אייניקל?


@דוק ותשכח
אל תדין את חברך עד שתגיע למקומו, וממילא קען איך עכט נישט ענטפערן. איך האף אז איך וועל האבן די קאפ אויפן פלאץ צו טון די ריכטיגע זאך, אזוי ווי נארמאלע מענטשן וואס טיילן זיך טוען, און טון דאס וואס איז דאס בעסטע און יושר'דיגסטע פארן קינד אן קיין זייטיגע פניות.

Kool man האט געשריבן:אויף דיין הקדמה, יא, די תורה וואס אונז יודען האבע באקומען פארלאנגט צו העלפען די קינד גיין דארטען ווי ער גייט זיין א יוד, און ב'יז א מצוה פון פדיון שבויים צו ארויסראטעווען פון א פלאץ וואס איז איהם מעביר על הדת, דאס איז עפ"י חוקי התורה, וואס דאס בינדט אונז whether u like it or not.


@Kool man, אפשר צייגסטו אן פונקטליך וואו עס שטייט אין די תורה אז מיר דארפן (האבן א רעכט) צוצונעמען א קינד פון די עלטערן כדי ער זאל אויסוואקסן א [חרדי'שע] איד?

די גאנצע נושא פון אידישקייט קומט נישט אריין אין א קאסטעדי פרשה. די איינציגסטע זאך וואס מוז גענומען ווערן אין באטראכט איז דאס וואוילזיין פונעם קינד. א מאן און ווייב האבן נישט געהאט קיין שלום בית און זיי האבן זיך געמוזט טיילן טראץ דעם וואס עס וועט האבן א השפעה אויפן קינד, מוזן זיי האבן אן אחריות צו מאכן א קאסטעדי אפמאך וואס וועט בענעפיטירן אלע, די מאן, די ווייב און די קינדער. אויב וויל איינער פירן א מערכה מיט די אנדערע און נוצן אידישקייט אלץ די מיטל צו גרייכן זייער ציל זענען זיי א רשע!

דער שמועס דא באציט זיך אבער נישט צו דעם ספעציפישע טאטע און מאמע, ווייל מיר ווייסן דאך נישט וואס די מעשה דארט איז געווען. דער שמועס דא באציט זיך צו די phenomenon, די מציאות אין אונזער געמיינדע. מען קומט מיט גרויסע שרעקעדיגע פלאקאטן און מען וויינט מיט קראקעדיל טרערן איבער א נעבעכ'דיגע אידישע נשמה וואס וועט פארלוירן גיין אויב מיר ליידיגן נישט אויס די טאשן צו באצאלן פאר א פריוואטע קאסטעדי פייט, כאילו איינער גיבט דא א ש*ט איבער פארלוירענע אידישע נשמות.

וויפיל אידישע נשמות שטופן מיר ארויס פון אונזער געמיינדע מדי שנה בשנה מיט כל מיני תירוצים? צו ראטעווען יענע נשמות פעלט נישט קיין געלט, מ'דארף נישט קיין אדוואקאטן, עס פעלט נישט אויס קיין קאמפיינס, ס"ה דארף מען אז איינער זאל זיך קימערן און געבן א שי"ן יו"ד טי"ת! אבער ניין! נאר דא גייט אונז אזוי שטארק אן די מצוה פון פדיון שבויים צו ארויסראטעווען פון א פלאץ וואס איז מעביר על הדת. וכבר אמרו חז"ל, "קאט די קרעפ".
.

 

 
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2823
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7292 מאל
האט שוין באקומען לייקס: 6473 מאל

הודעהדורך Kool man » דאנערשטאג יאנואר 08, 2015 11:54 am

ס'שטייט פיהל מאהל אין שו"ע און רמב"ם, אויך רעדט דער חפץ חיים פיהל וועגען דעהם

אבער אין פלעין יודיש אין א פיסטעטשיו שאלעכץ, אויב וואלט די מאמע, [צו מאכען באקוועמער פאר דיר און מקרב זיין צו דיין שכל, טוה זיך פארשטעלען אז מ'רעדט פון א גאר פרומע מאמע] וואס האט זיך צואמפערט מיט איר מאן זי איז געגאנגען בענאנעס און האלט א גרויסען מעסער און וויל הרג'ענען איר קינד, וואס וואלטסטו דעמאלץ געזאגט? א גאנצע מחנה פאליציי מיט סווואט טיעמס וואלטען ארומגענומען די הויז, און הוגה וואלט געשריגען מיט באנומענע קולות ראטעוועט דאס קינד!! ריכטיג? קיינער וואלט נישט געזאגט: פאוואליע! טעיק איט איזי, לאזט אפ די מאמע - נעבעך - לאמיר הערען וואס גייט דא פאהר, פון וואנען נעמט זיך די פענאמענען זיך אריינצומישען דא, דאס האט דאך מיט א קאסטעדי צוטוהן, ס'יז דא צוויי צדדים...

די חכז"ל זאגען אז גדול המחטיאו יותר מן ההורגו, אויב איז עס א פאל ווי דאס קינד גייט אראפ פון וועג, אדער גייט צוקומען צו זינד, איז עס א פאל ווי מ'דארף דרינגענד א סוואט טיעם איהם צו ראטעווען, פארשטאנת?



רעדאגירט צוליב ספעלינג טעותים
Kool man
היימישער באניצער
היימישער באניצער
 
הודעות: 476
זיך רעגיסטרירט: מאנטאג יוני 09, 2014 4:43 pm
האט שוין געלייקט: 889 מאל
האט שוין באקומען לייקס: 676 מאל

הודעהדורך הוגה » דאנערשטאג יאנואר 08, 2015 1:24 pm

ארבע תשובות בדבר

1) גדול המחטיאו יותר מן ההרגו מיינט נישט אז עס איז ליטעראלי ערגער ווי הרג'נען. דו פארשטייסט אז מ'טאר נישט מחלל שבת זיין צו ראטעווען דאס קינד פון אן עבירה'לע. מ'קען נשט הרג'נען די מאמע פארן מחטיא זיין איר קינד. דאס איז א שפריכווארט וואס חז"ל האב גענוצט צו מאכן א פוינט און צייגן ווי הארב עס איז מכשיל צו זיין יענעם מיט אן עבירה. אבער דאס מיינט נישט אז א יעדע שמויגער קען עס יעצט נוצן פאר א tool צו בארעכטיגן זייערע רשעות.

2) אפילו אויב גדול המחטיאו יותר מן ההרגו מיינט יא אז וואס מ'טוט צו ראטעווען פון רציחה מעג (מוז) מען טון צו ראטעווען פון זינד. וואס איז די באדייט פון מחטיאו? אפשר מיינט עס מחטיאו בעבודה זרה? אדער אפשר גאר מיינט עס מחטיאו דורכ'ן שטעלן דאס קינד אין א מצב וואס די איינציגסטע וועג ער וועט קענען שפייזן זיין אייגענע קינדער געבענטשטע משפחה אין די צוקונפט איז דורך גניבה ואונאה? דו ביזט זיכער אז דער מאמע גייט אריין אין די גדר פון מחטיאו און די טאטע נישט? פארוואס? ווייל זי וויל אז איר קינד זאל אויסוואקסן א סושי מאכער, אדער ווייל זי לערנט אים אויס קאראטי? איך האב שוין געזעהן קאמפיינס צו ראטעווען קינדער פון עלטערן וואס זענען געווארן מאדערן ארטאדאקס? ווער איז דער וואס איז מחליט וואס מחטיאו באדייט?

3) ביזט אזוי זיכער אז דו ראטעוועסט דאס קינד טאקע? וויפיל קינדער זענען אפגעפארן פון די דרך אלץ א רעזולטאט ווייל מ'האט שלא ביושר זיי אפגעטיילט פון איינער פון זייערע עלטערן. אין מיין אפיניאן האט א קינד וואס וואקסט אויף מיט ביידע עלטערן צוגלייך, טראצדעם וואס איינער איז פרום און די אנדערע נישט, אסאך א בעסערע שאנס צו בלייבן פרום (און נארמאל) ווי א קינד וואס ווערט ווילד אפגעטיילט פון זיין מאמע כדי ער זאל וואוינען ביי זיין פרומע טאטע.

4) אפילו נניח אז דער מהלך וועט האלטן דאס קינד פרום און מיר האבן עס א חיוב צו טון? זייט ווען גייט אונזער קאמיונעטי אן צו ראטעווען קינדער פון מחטיאים? פלוצליג דא וועקט מען זיך אויף? מאלעסטערס טאר מען נישט מסר'ן, גנבים דארף מען ראטעווען, מ'לערנט אויס אונזערע קינדער צו לעבן פאלש, מ'מאכט זיי גלייבן אין די געטשקעס וואס באדן זיך אין מליאנער דאלארן, אבער דא פלוצלינג זארגסטו דיך אז מ'דארף נעבעך ראטעווען דאס קינד פון עבירות? פונקט ביי א פריוואטע משפחה געפעכט מישסטו דיך אריין? פארוואס, ווייל ער גייט זינדיגען אנדערע מיני עבירות ווי דו ביזט געוואוינט? און דו ווילסט מיר זאגן אז ס'נישט דא קיין נגיעות? קאם אן!

אפילו די עסקנים וואס טוען אין די דאזיגע קאמפיינס נוצן נישט דעם תירוץ פון גדול המחטיאו, ווייל דאס איז פשוט נישט ריכטיג. מיר האבן נישט קיין שום חיוב אדער היתר דאס צו טון. זיי טענה'ן אז זיי טוען עס פשוט פארן וואוילזיין פונעם קינד. זיי טענה'ן אז זיי טוען עס ווייל דאס קינד וויל, ווייל עס וועט צומישען דאס קינד, ווייל עס איז דא א קאנטראקט פון די חתונה אז די קינדער וועלן אויפגעצויגן ווערן חסידיש, וכל המשנה ידה על התחתונה. און אפילו דער טענה איז נישט ריכטיג מכמה טעמים מובנים וואס מ'האט שוין אויסגעדראשן כמה פעמים בין כותלי הק"ש.





.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2823
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7292 מאל
האט שוין באקומען לייקס: 6473 מאל

הודעהדורך חיים נחום הלוי פריעד » דאנערשטאג יאנואר 08, 2015 4:30 pm

הוגה,
דו קענסט נישט פארלאנגען פון יעדן אידיש קינד מיט א ווארים הארץ פלוצלינג צו ווערן א גאנצער תלמיד חכם און בעל השקפה, וואס קען אויסרעכענען וואספארא עבירות זענען ערגער. יעדעס אידיש קינד האט אין זיך א חלק אלוה ממעל וואס פלאקערט און מאנט: עס איז דא א אידיש קינד וואס האלט ביים פארלוירן ווערן מחיק היהדות, און מיר מוזן העלפן! איך בין מסכים אז סתם צעטלעך אין די גאסן איז נישט גענוג אויף צו באשטעטיגן די פאקטן, אבער איינמאל די פאקטן זענען קלאר דארף מען פרובירן צו ראטעווען דאס קינד. איי מוסדות ווארפן זיך מיט קינדער? דאס זענען דאך שולדיג די מנהלי המוסדות. ביי דעם הערשעלע קאמפיין האט מען נישט גערעדט צו די בארבארישע מנהלי המוסדות, נאר צו מיך און דו, און צו יעדן איד וואס וויל העלפן ראטעווען דעם קינד, און פונקט ווי דו וואלטסט אין דיין מוסד אריינגענומען יעדעס קינד וואס וויל אן ערליכן חינוך (אזוי גלייב איך), ווילסטו זיכער העלפן אז דאס קינד זאל אויסוואקסן ערליך און נישט ח"ו פארפאלן ווערן אין א גוי'איש לעבן.
חיים נחום הלוי פריעד
ידיד השטיבל
ידיד השטיבל
 
הודעות: 206
זיך רעגיסטרירט: מוצ"ש פעברואר 25, 2012 11:45 pm
האט שוין געלייקט: 74 מאל
האט שוין באקומען לייקס: 240 מאל

הודעהדורך הוגה » דאנערשטאג יאנואר 08, 2015 5:34 pm

טאקע, ווייל מיר ווייסן נישט די מעשה דא און מיר ווייסן נישט אויב עס איז א ריכטיגע צוועק אדער א מאניפולירטע צוועק מיט פריוואטע נגיעות, צייגן מיר אן אז די זעלבע וואס פירן די קאמפיינען (לאו דווקא יעצט נאר בכלליות), זיי גייט גאנץ ווייניג אהן אידישקייט. זיי נוצן עס נאר דא צו גרייכן פריוואטע נצחונות.

איך וויל זייער ראטעווען אידישע קינדער, אבער עס איז דא א גרויסע טשאנס אז מיר ראטעווען זיי נישט נאר מיר באראבעווען זיי פון זייער אייגענע גוטע געזונטע עלטערן.


.
"לא מצאנו בשום מקום בתורה שמצווה אדם להיות למדן ובקי בכל חדרי התורה. שכן תכלית הלימוד אינה להיות למדן אלא להיות אדם טוב, לעשות הטוב ולהטיב לזולתו." ~ רמ"מ מקאצק ז"ל
באניצער אוואטאר
הוגה
חבר ותיק
חבר ותיק
 
הודעות: 2823
זיך רעגיסטרירט: דינסטאג אפריל 09, 2013 1:20 pm
געפינט זיך: מאנסי
האט שוין געלייקט: 7292 מאל
האט שוין באקומען לייקס: 6473 מאל


גיי צוריק געזעלשאפט

ווער איז יעצט דא?

באניצער וואס לייענען דעם פארום: נישטא קיין אנליין באניצער און 7 געסט

cron