מיין איינזאמען, אנטי-ראסיסטישן לעבן

ארטיקלען און באטראכטונגען איבער דער חרדי'שער געזעלשאפט און קולטור

מיין איינזאמען, אנטי-ראסיסטישן לעבן

הודעהדורך ראובן » דאנערשטאג אקטאבער 22, 2015 11:17 pm

עס זענען דא געוויסע אמת'ן וואס דעפינירן ווער איך בין, און איך גיי נישט אויסגעבן צייט זיי צו דעבאטירן. איך בין קעגן ראסיזם. פינטל. ווען איך זע ראסיזם ווער איך צעטרייסלט, עס דערציטערט מיר ביז די טיפענישן פון מיין נשמה. דאס קען אפשר אין טייל צוגעטיילט ווערן צו דעם פאקט אז איך בין אויפגעוואקסן אין דעם שאטן פון דעם האלאקאסט, און דורכאויס מיין לעבן האב איך רוב טעג געלעבט און קאמוניקירט מיט מענטשן וועלכע זענען געווען דירעקטע קרבנות פון שנאה און ביגאטעריע.

אויפ'ן מזבח פון האס און זענאפאביע (שנאה פון וואס איז פרעמד און אנדערש) האבן מיר פארלוירן זעקס מיליאן פון אונזערע ברידער און שוועסטער. אויף דעם זעלבן מזבח האבן מיר געברענגט אן א שיעור קרבנות אין לויף פון די לעצטע צוויי טויזנט יאר, און ליידער בוזשעוועט נאך בלינדע שנאה אין דער היינטיגער וועלט.

צום באדויערן איז דער מענטשליכער מוח א באקוועמע היים פאר שנאה. עס קוקט אויס אז ביז דער מאראלישער אויפוואכונג אין דער מאדערנער תקופה איז דער מענטש ניטאמאל געווען מסוגל איבערצוקומען די נאטירליכע דראנג פיינט צו האבן אלע וואס זענען אנדערש. עס איז מעגליך אז זענאפאביע איז אין די אור-אלטע צייטן געווען אן איבערלעבונגס-מיטל. נאר אויב מ'האט ליב געהאט די אייגענע, און נישט געהאט קיין שום געפיל פאר אנדערע, האבן פרימיטיווע מענטשן געקענט אכזריות'דיג פארטיידיגן די אייגענע טעריטאריע, און זיך שאפן א ווינקל אין דער גרויסער וועלט. דאס מאכט עס נישט יושר'דיג אפילו פאר יענע צייטן, אבער עס אז א שטיקל ריינוואשונג פאר דער נאטור פאר'ן בעפארציגן שנאה-אנגעפיקעוועטע מוחות.

דער זעלבער מוח אונזערער דורשט צו פארשפרייטן אונזערע גענעס, און טרייבט דעם מענטש צו גלוסטן נאך פרויען. בעת מיר פארשטייען דאס פון אן עוואלוציאנערישן פערספעקטיוו, פארמאגן מיר אבער אונזער גאט-געבענטשטן אינטעלעקט וואס היט אונז פון פארגוואלדיגן פרויען. דער זעלבער אינטעלעקט, אויב מיר לאזן אים נאר האבן קאנטראל איבער אונזערע פרימיטיווע נויגונגען, העלפט אונז זיך שטעלן קעגן יעדע סארט שנאה און ביגאטעריע וואס שפראצט ארויס אין מוח און וואס ווערט געפיטערט צו אונז דורך ראסיסטן און שונאים פון מענטשהייט.

יעדע סארט שנאה, דייטשער שנאה צו אידן, דייטשער שנאה צו האמאסעקסואלן, דייטשער שנאה צו אינוואלידן, מוסולמענער שנאה צו קריסטן, מוסולמענער שנאה צו אידן, קריסטליכע שנאה צו מוסולמענער און אידן, אטעאיסטישע שנאה צו גלויביגע, אידישע שנאה צו מוסולמענער, שנאה צו שווארצע, ווייסע, געלע, גרינע, און קאלירפולע – אלעס שטאמט פון דעם פרימיטיוון דראנג פיינט צו האבן די וואס זענען פרעמד און אנדערש. שנאה איז שנאה איז שנאה. עס איז ביי מיר נישט קיין ספק אז אקוראט דער זעלבער אנאטאמישער ארט אין מוח וואו עס האדעוועט זיך דעם נאצי'ס שנאה צום איד איז דער ארט וואו עס בוזשעוועט דעם אידישן ראסיסט'ס שנאה צום שווארצן.

נישט אלע נאציס האבן ערמארדעט אידן; נישט אלע נאציס האבן אפילו געוואוסט פון די נאצי-רציחות – בפרט די וואס זענען נישט געווען אקטיוו אין דער דייטשער מיליטער. אבער יעדער וואס האט געשטיצט די נאצי אידעאלאגיע, יעדער וואס האט מסכים געווען אז דאס אידיש פאלק איז א ראסע וואס פארמאגט נישט די זעלבע ווערד ווי אנדערע ראסעס, יעדער וואס האט גרינג געקענט הערן דעם געדאנק אז אידן זענען "אונטערמענטשן", איז א מהודר'דיגער נאצי. טייל נאציס זענען געווען ערגער ווי אנדערע – עס זענען געווען אומצאליגע ברוטאלע רוצחים, און נאך מער, אזעלכע וועלכע האבן געשטיצט רציחה. אבער שטיצן רציחה איז נישט קיין תנאי אין ווערן גערופן א נאצי.

שרייבן אויף די מענטשן פון א געוויסער ראסע אז זיי זענען "בהמות אויף צוויי פיס" וועלכע "דרייען זיך אינדרויסן פון שטאל" איז גרויליגער ראסיזם, און אבסאלוט דאס זעלבע ווי נאצי-אידעאלאגיע – נישט כמו-נאציזם אדער כמעט נאציזם, נאר טאקע ממש דאס זעלבע. דאס זעלבע מאראלישע געפאלנקייט, נידריגער און פרימיטיווער מהלך המחשבה, איז דאס וואס טרייבט דעם נאצי – און דעם ראסיסט.

זענט איר פון די וואס וואונדערן זיך וואו די נארמאלע, באזעסענע דייטשן זענען געווען ווען דייטשלאנד האט געבוזשעוועט מיט נאציזם? האט איר א מאראלישע טענה קעגן א מענטש אין נאצי-דייטשלאנד וואס האט נישט פראטעסטירט קעגן נאציזם? האט איר פארוואורף אויף א מענטש אין דייטשלאנד וואס האט נישט געטון כל מה שביכולתו אפצושטעלן נאצי-פראפאגאנדע? איך האב טענות קעגן די פיינע מענטשן פון דייטשלאנד וואס האבן גארנישט געטון, נישט ווייל נאציזם האט זיך געענדיגט מיט די האלאקאסט-רציחות, נאר ווייל די שנאה זעלבסט, אפילו אן די רציחה'דיגע קאנסעקווענצן, דארף ברענגען שאט נפש פאר יעדן רעכטדענקיגן מענטש וועלכער היט אויף זיין טוהר הנפש, און דארף ברענגען א ביטערע וויי-געשריי.

ווען איך האב געזען דעם געמיינעם ראסיסטישן ארטיקל אין דעם "הגיבורים" קובץ האב איך אויסגערופן א וויי-געשריי. פארגאנגענעם י"ב תשרי, הארט נאך די ימים נוראים ווען מיר בעטן דעם אויבערשטן אויף די פשוט'סטע רחמנות-געפילן כרחם אב על בנים, האב איך ארויסגעלאזט מיין וויי געשריי דא אויף קאווע שטיבל. כ'האב ארויפגעשטעלט דעם ראסיסטישן ארטיקל מיט דער גאנצער גרויליגקייט, און לאמיר זען, איז נאך געבליבן עפעס שיריים פון מענטשליכקייט אין סדום?

מיר ווייסן זייער גוט אז אויב מיין ארטיקל וואלט קריטיקירט דעם "הגיבורים" צוליב'ן שרייבן עפעס דברי חכמה, צוליב'ן שרייבן עפעס וואס קען – אפילו מיט'ן ווייטסטן חשש – באצייכנט ווערן אלס "אויפגעקלערט", וואלטן באלד אראנזשירט געווארן מיטינגען אין דער לשכה פון דער "התאחדות הרבנים", און די רבני המערכת פון "הגיבורים" – הלא הם הרב שרגא האגער מקאסוב, הרב מאיר גרינוואלד דיין פאפא, הרב חיים דוד בלום מגי"ש בבאבוב, הרב יצחק אייזיק קרישבסקי מגי"ש בסאטמאר און הרב מאיר מאנדלבוים מגי"ש בישיבה שערי יושר – וואלטן תיכף מפרסם געווען בריוו וואו זיי שאקלען זיך אפ פון דער אויסגאבע. (טאקע בשעת'ן שרייבן די שורות קומען פאר העפטיגע מערכות און רבנישע אסיפות איבער דעם בוך "וויאזוי צו געווינען פריינט און באאיינפלוסן מענטשן" פון דעיל קארנעגי!)

אבער, גארנישט! יעצט כמעט א חודש שפעטער, גייען די ארויסגעבער פון דעם "הגיבורים" ווייטער אן כאילו לא היה, די אויסגאבע ווערט ווייטער פארקויפט אין די געשעפטן און ווערט ווייטער אנאנסירט אין די היימישע אויסגאבעס. קיין איין רב בכלל, און קיין איינער פון די "רבני המערכת" בפרט, האט נישט געשפירט פאר וויכטיג ארויסצוזאגן א ווארט קעגן דעם עקלהאפטיגן ארטיקל (וואס איז בעצם א המשך צו פונקט אזא ראסיסטישן ארטיקל וואס איז ערשינען אין דער פריערדיגער אויסגאבע).

וואס מיינט דאס? וואס זאגט דאס? ווער זענען מיר ווי א געזעלשאפט? ווער זענען מיר ווי מענטשן? מיט וועמען דריי איך מיר דא? בין איך ארומגענומען מיט נאציס און נאצי-סימפאטיקער? וואס מיינט דאס אז אן איבערזעצונג פון א כשר'ן "סעלף העלפ" בוך איז א גרעסערע דאגה פאר רבנים ווי שפריצן ווילדע שנאה קעגן אנדערע מענטשן? וואס מיינט דאס אז א גרויס טייל פון די וואס לייענען יעצט דעם דאזיגן ארטיקל וועלן מיך אנקוקן ווי א מאדנער עקסטרעמיסט וואס כאפט זיך ארויף אויף א נארישן ארטיקל וועגן "שחורים"?

ווי אן אנטי-ראסיסט ביז די טיפענישן פון מיין נפש, איז דא א מקום פאר מיר אין דער חרדישער געזעלשאפט? איז דא אן ארט דא פאר א מענטש וואס קוקט מיט הנאה אויף דער פארשריט פון מאדערנער ציוויליזאציע? איז בכלל מעגליך צו לעבן דא אויב מ'זעט מאראלישער פארשריט אין געבן רעכטן פאר אלע מענטשן צוגלייך, און אז מ'האט אן אוניווערסאלן בליק אויף דער וועלט? איז דא פלאץ פאר מיר צו לעבן צווישן מענטשן וועמענ'ס דאגות זענען אזויפיל ליכט-יארן אוועק פון מיינע?

אדער אפשר בין איך זיך פשוט טועה. אמת אז די פירערשאפט איז קארופטירט ביז'ן תוך, אנגעפיקעוועט מיט פרימיטיווער שנאה און ראסיזם, יאמערליך דורכגעפוילט מיט קליינקעפיגע זארגן און טפשות'דיגע שיטות, אבער אפשר זענען דאך פאראן מענטשליכע נשמות צווישן דעם המון עם. אפשר זענען נאך געבליבן אזעלכע מיט א צלם אלוקים.

רוף איך אט אויס אין חלל פון סדום: איז נאך איינעמ'ס נשמה גאנץ? איז דא נאך איינער מיט אויפריכטיגקייט, ערליכקייט, מיט ליבשאפט צום מענטש?

זענט איר דא?! לאזט אייך הערן ווייל איך הער נאר דעם ווידער-קול פון מיין געשריי.

זאגט, "יא, איך בין מיט דיר!" זאגט, "יא, איך בין אויך קעגן חשכות און שנאה!"

אולי יש חמישים צדיקים בתוך העיר.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2618
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3563 מאל
האט שוין באקומען לייקס: 10289 מאל

Re: מיין איינזאמען, אנטי-ראסיסטישן לעבן

הודעהדורך ירא שמים » דאנערשטאג אקטאבער 22, 2015 11:32 pm

קעגן שנאה בין איך מיט דיר, אויף קוקן מיט הנאה אויף די פארשריט פון די מאדערנע וועלט נישט,
בין איך פון די צדיקים?
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2669 מאל
האט שוין באקומען לייקס: 1007 מאל

Re: מיין איינזאמען, אנטי-ראסיסטישן לעבן

הודעהדורך matovu » דאנערשטאג אקטאבער 22, 2015 11:44 pm

ביי אינז אין שוהל ענפערען די טיפשים אז "למעשה זענען זיי משוגע... ווייניגער שכל" בקיצור גאנצע תירוצים מיט פאקטן פארוואס מען איך מחיוב פיינט צי האבען.

ראובן, שכוח פאר דיין ווערטער. איך האף אז עס וועט מאכן א רושם אין אנפאנגען א movement...

Sent from my SM-G900V using Tapatalk 2
matovu
מאנשי שלומינו
מאנשי שלומינו
 
הודעות: 77
זיך רעגיסטרירט: מאנטאג מאי 07, 2012 11:49 am
האט שוין געלייקט: 30 מאל
האט שוין באקומען לייקס: 35 מאל

הודעהדורך כעלעם'ר מגיד » דאנערשטאג אקטאבער 22, 2015 11:51 pm

"יא, איך בין מיט דיר!"
דער איבערגאנג פון 'תקופת האבן' צום 'תקופת הברונזה' איז צושטאנד געקומען דורך אפאר אויבער-חכמים וואס זענען נישט געווען צופרידן פונעם 'סיסטעם'
כעלעם'ר מגיד
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1001
זיך רעגיסטרירט: זונטאג מערץ 04, 2012 3:36 am
האט שוין געלייקט: 0 מאל
האט שוין באקומען לייקס: 1267 מאל

הודעהדורך גראדעמעכעלע » דאנערשטאג אקטאבער 22, 2015 11:56 pm

#איך שטיי מיט ראובן,

עס איז א חידוש ווי די דייטשן די פאלק וואס האט ארויסגעגעבן די פארפיינטעטע רוצחים, האבן זיך געלערנט א לעקציע און לערנען היינט מיט די קינדער וואס שנאת חינם קען צוברענגן, און מיר די געליטענע זענען געבליבן ביים אלטן,

#מיטראובן,
באניצער אוואטאר
גראדעמעכעלע
שריפטשטעלער
שריפטשטעלער
 
הודעות: 1819
זיך רעגיסטרירט: מוצ"ש פעברואר 08, 2014 10:16 pm
האט שוין געלייקט: 6472 מאל
האט שוין באקומען לייקס: 2344 מאל

Re: מיין איינזאמען, אנטי-ראסיסטישן לעבן

הודעהדורך פליקער » פרייטאג אקטאבער 23, 2015 12:03 am

דיין גאלדענע פעידער איז דאך מורא'דיג, קלינגידיגע קלארע רייד, און בין מסכים מיט יעדעס אות.
Stay away from negative people
they have a problem for every solution

קענסער קאפיטל 1 (הקדמה) קענסער 2 קאפיטל 3קאפיטל 4קאפיטל 5
באניצער אוואטאר
פליקער
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1691
זיך רעגיסטרירט: פרייטאג פעברואר 28, 2014 1:45 pm
האט שוין געלייקט: 1170 מאל
האט שוין באקומען לייקס: 3648 מאל

Re: מיין איינזאמען, אנטי-ראסיסטישן לעבן

הודעהדורך רימון » פרייטאג אקטאבער 23, 2015 12:04 am

דעם ארטיקל דארף מען חזר'ן מיט קינדער און קינד'ס קינדער, און פרעזערווירן נעבן דעם ספאדיק דעם אלטן.

Sent from my SAMSUNG-SM-G530AZ using Tapatalk
רימון
שריפטשטעלער
שריפטשטעלער
 
הודעות: 262
זיך רעגיסטרירט: דינסטאג אקטאבער 21, 2014 9:12 pm
האט שוין געלייקט: 1145 מאל
האט שוין באקומען לייקס: 734 מאל

הודעהדורך chusid » פרייטאג אקטאבער 23, 2015 12:10 am

איך בין מיט ראובן.
סתם א הוספה, אז דע שנאה און דאס נאר זען זיך זיך און נאכאמאל זיך קלאפט אויכט אויס אויף די אייגענע...מיט זירא טאלעראנץ פאר אנדערע, וויאזוי זאלסטו פארשטיין א קינד וואס האט א מיוחד'גן פראבלעם? און כידוע פארשטייען זיי טאקע נישט און רודפ'ן אייגענע קינדער אויכט....
נאך א שאלה: וואס זאל א נישט ראסיסט אינזין האבן ביי "אתה בחרתנו מכל העמים" ?
.זיך צו פארבינדן chusid03@Gmail. Com
chusid
ידיד ותיק
ידיד ותיק
 
הודעות: 878
זיך רעגיסטרירט: זונטאג סעפטעמבער 14, 2014 11:40 pm
האט שוין געלייקט: 1605 מאל
האט שוין באקומען לייקס: 444 מאל

הודעהדורך ראובן » פרייטאג אקטאבער 23, 2015 12:14 am

chusid האט געשריבן:נאך א שאלה: וואס זאל א נישט ראסיסט אינזין האבן ביי "אתה בחרתנו מכל העמים" ?

אתה בחרתנו דארף מען בכלל נישט אויסטייטשן ווי ראסיזם. לאמיר דאס לאזן פאר ערגעץ אנדערש, און נישט פארדרייען דעם שמועס דא.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2618
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3563 מאל
האט שוין באקומען לייקס: 10289 מאל

הודעהדורך שמעקעדיג » פרייטאג אקטאבער 23, 2015 12:18 am

איך בין אויך מיט ראובן. מען דארף האבן מיטגעפיל און ליבשאפט צו יעדן יומען ביאינג.

אבער כדי צו פרובירן באלאנסירן דעם בילד, לאמיך אריינווארפן 2 נקודות, הגם אפשר נישט די קלוגסטע.

1. די שנאת ישראל לעמים איז נישט פשוט'ע ראסיזם ווי להבדיל דער דייטשער גוי האט פארמאגט צו די נישט ריינע ראסע, נאר ענדערש א העכערע הבדלה, ואבדיל אתכם לי לעם, והייתם לי סגולה, מיר ווייסן אז אידן האבן א הויכע נשמה א חלק אלוק ממעל בעת דער גוי פארמאגט עס נישט, ער איז מגושם און נידריג. ממילא איז די שנאה פשוט זיך צו האלטן ווייט פון זיי, פון זייער נידריגן לעבנס שטייגער, און מהלך המחשבה. נישט ביליגע ראסיזם סתם ווייל ער האט א אנדערע קאליר הויט אדער בלוט. (דאס איז שוין חוץ די אלטע שנאה און פחד אז דער גוי וויל אונז הרג'ענען, אבער אכמ"ל).

2. ראסיזם האט שוין אפגעקאסט מיליאנען קרבנות פאר כלל ישראל. מיתות משונות פון אלע סארטן הי"ד. אבער ראה זה פלא, נאר אונז אידן זענען גע'הרג'עט געווארן בכל דור ודור צוליב די סיבה דורך די גויים, ס'נאכנישט געהערט געווארן פארקערט, אז אידן זאלן הרג'ענען א גוי צוליב ראסיזם! מיר זענען באפוילן לא תרצח. מיר זענען נישט קיינע רוצחים, פינטל. אלזא פארוואס דארף איינעם אנגיין אז אין הארצן גלייך איך נישט דעם גוי, עס שטערט דאך קיינעם נישט! ממילא ווי קען מען פארגלייכן אידישע שנאה צו די שנאה פון די אומות העולם רוצחים אכזריים?
וירח ה' את ריח הניחוח
באניצער אוואטאר
שמעקעדיג
שריפטשטעלער
שריפטשטעלער
 
הודעות: 15256
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 18072 מאל
האט שוין באקומען לייקס: 18450 מאל

הודעהדורך שמעקעדיג » פרייטאג אקטאבער 23, 2015 12:19 am

יעצט זעה איך אז ראובן וויל נישט רעדן פון אתה בחרתנו... דעמאלס איגנאריר מיין תגובה.
וירח ה' את ריח הניחוח
באניצער אוואטאר
שמעקעדיג
שריפטשטעלער
שריפטשטעלער
 
הודעות: 15256
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 18072 מאל
האט שוין באקומען לייקס: 18450 מאל

הודעהדורך ראובן » פרייטאג אקטאבער 23, 2015 12:23 am

ראסיזם האט גארנישט מיט רציחה. כ'האב דאס אויסגעשמועסט אין מיין ארטיקל. א ראסיסט האט א פארדארבענע און דורכגעפוילטע נשמה. אוודאי איז א ראסיסט + רוצח ערגער. (און אגב, כאטש די קאנסעקווענצן פון ראסיזם איז נישט דער פוינט, זענען פאראן גענוג און נאך מיאוס'ע אויפפירונגען אן ממש ערמארדן יענעם וועלכע קען געשען, און געשעען, א דאנק ראסיזם.)
רעדאגירט געווארן צום לעצט דורך ראובן אום פרייטאג אקטאבער 23, 2015 12:24 am, רעדאגירט געווארן איין מאל בסך הכל.
עורו ישנים משנתכם!
באניצער אוואטאר
ראובן
שריפטשטעלער
שריפטשטעלער
 
הודעות: 2618
זיך רעגיסטרירט: דאנערשטאג יולי 25, 2013 10:31 pm
האט שוין געלייקט: 3563 מאל
האט שוין באקומען לייקס: 10289 מאל

מיין איינזאמען, אנטי-ראסיסטישן לעבן

הודעהדורך ירא שמים » פרייטאג אקטאבער 23, 2015 12:24 am

.
רעדאגירט געווארן צום לעצט דורך ירא שמים אום פרייטאג אקטאבער 23, 2015 10:56 am, רעדאגירט געווארן איין מאל בסך הכל.
באניצער אוואטאר
ירא שמים
וְאֶת־הָאֶ֜לֶף
וְאֶת־הָאֶ֜לֶף
 
הודעות: 1757
זיך רעגיסטרירט: זונטאג נאוועמבער 02, 2014 1:06 am
האט שוין געלייקט: 2669 מאל
האט שוין באקומען לייקס: 1007 מאל

הודעהדורך אפטעמיסט » פרייטאג אקטאבער 23, 2015 12:43 am

גם אני מצטרף.

ס'איז געקומען א מצב אז כ'פיהל ממש אז כ'האב נישט קיין פלאץ אין אונזער געזעלשאפט. דער עולם גולם איז נעבעך אויסגעטריקענט פון יעדעס ביסעלע נארמאלקייט, מ'האט ניטאמאל קיין שכל צו פארשטיין און אנערקענען אז סאיז בכלל עפעס שלעכט מיט דעם "הגיבורים" שאנד-בלאט.

שחורים זענען בהמות, היפסטערס זענען חזרים, ספאנישע זענען קעץ און ציונים דארפן פגר'ן. געלויבט דעם פון אויבן אז מיר האבן אויפגעצויגן א דור פון טיפושים, פאנאטישע בנשק-גלויביגע, מענטשן וואס לעבן אין די איין-און-צוואנציגסטע-יאר-הונדערט און פארטיידיגן א קולטור וואס ווארפט קינדער פון מוסדות וויבאלד זיי גייען קאפלעך געמאכט פון הארטערע מאטריאל. אבער ס'איז מיר נישט קיין פלא. נאכ'ן זיך אנלייענען יעדעס וואך מיט די דברי הבל וקטנות פון די "פענע צום בלאט" צוויבל-סטיל צייטונג פאדערן ענק עפעס בעסער? סך הכל איז דער קונטרס נאך א קייט אין די רינגעלע פון שנאת האדם, שנאת העולם והחכמה וואס אפאר מטורפים מיט לייטס און סיירינס דריקן אויף זייערע קאמפיוטערס.

נעבעך אויף אונז. א רחמנות אויף אונזערע קינדער.
באניצער אוואטאר
אפטעמיסט
חבר ותיק
חבר ותיק
 
הודעות: 2345
זיך רעגיסטרירט: זונטאג סעפטעמבער 22, 2013 3:05 am
געפינט זיך: אין מאחורי
האט שוין געלייקט: 3275 מאל
האט שוין באקומען לייקס: 3733 מאל

הודעהדורך ישראל קאפקע » פרייטאג אקטאבער 23, 2015 12:52 am

איך שטיי מיט ראובן קעגן סיי וועלכע סארט ראסיזם.

אפטעמיסט לעבט!!
(כאטש וואס ווען מען רעדט פון אזא אנגעווייטיגטע, שאנדפולע נושא איז ער א פולקאמע פעסימיסט).
Apparently my heart was created with a defective on/off switch.

Lee Weisman ~
באניצער אוואטאר
ישראל קאפקע
חבר ותיק
חבר ותיק
 
הודעות: 2179
זיך רעגיסטרירט: מיטוואך יולי 16, 2014 7:44 pm
געפינט זיך: Big Apple, Great Satan.
האט שוין געלייקט: 1586 מאל
האט שוין באקומען לייקס: 2307 מאל

הודעהדורך שש משזר » פרייטאג אקטאבער 23, 2015 1:29 am

הרוב הדומם, ובתוכם שש משזר האט געשריבן: "יא, איך בין אויך קעגן חשכות און שנאה!"

===============

אגב, כ'פארשטיי נישט דיין הוה אמינא. אודאי אין אייוועלט וועסטו טרעפן די שפיצער סטיל אידן, אבער אודאי אין ק"ש וועסטו טרעפן מער @ראובן סטיל אידן. אין מקוה, קרעמל אין סמעדריש, גאס, וועסטו טרעפן ביידע.

דאס אז די רבנים טראכטן אנדערש, מיינט נישט אז מיר זענען חלק דערפון, פונקט ווי מיר מיינען נישט אז די גאלדענע בעקישע און זוידיגע הושענא רבה דרשות איז עפעס הייליג.

==============

ומכאן לנקודה השניה: ווי אנגעמערקט אינעם הגבורים אשכול, פארשטיי איך נישט דיין טענה אויף די רבנים אין די נושא [נישט אז ס'פעלט מיר וואו זיי צו באזידלן כראוי, נאר 'דא' זע איך נישט די ספעציפישע טענה אויף זיי]. די רבנים ליינען עס נישט אדורך, זיי באקומען נאר גריסן פון זייערע שטוב מענטשן וכדומה. זיי האבן נישט געליינט דעם ראסיסטישן ארטיקל, זיי האבן נאר געגעבן אן אויבערפלעכליכע הסכמה אויפן גליון אלס כשר'ע ליין מאטריאל. אויב הגיבורים וואלט געשריבן עפעס 'אויפגעקלערט', וואלטן געוויסע 'הייליגע' שטוב מענטשן שוין זיכער געמאכט אז די רבנים זאלן הערן דערפון, און דערנאך וואלט מען מעגליך געהערט פון זיי. אבער אויב הגיבורים שרייבט עפעס 'ראסיסטיש', איז אפילו על צד אז די שטוב מענטשן האבן געהערט דערפון, גייט עס זיי נישט אן און זיי גייען נישט מודיע זיין פאר די רבנים דערוועגן.

על כן האלט איך אז דיין טענה, א ריכטיגע טענה, א צושוידענדע וויי געשריי, איז געוואנדן אין נישט ריכטיגן ריכטונג:
שריי אויף שפיצער,
שריי אויף אונזער איגנארענץ,
שריי אויף אונזער רשעות אין מאנטל פון פרומקייט [תרי ריעין דלא מתפרשין],
שריי אויף אונזער סיסטעם וואס געבט ארויס אזעלכע ראסיסטן,
שריי אויפן נעמען דעם 'אתה בחרתנו' צו אן עקסטרעם,
שריי אויפן קלויזנבורגער רבי [פייערלעשער ער"פ],
שריי אויף הג"ר אביגדור מיללער [שנאת השחורים],
אבער צו שרייען אויף כלל הרבנים, און אפילו אויף די ספעציפישע רבנים וואס האבן געגעבן זייער הסכמה אויפן גליון, איז נאריש אויב נישט אבסורד. זיי האבן עס נישט געליינט, און נישט געגעבן די הסכמה אויף יעדן ארטיקל, און זיי האבן נישט געזען דעם ארטיקל, און דיין מחאה - ווי ריכטיג ס'איז - האבן זיי לכאורה קיינמאל נישט געזען.

-------
סוף דבר: גאר וויכטיגער אשכול, גאר וויכטיגער פארדאמונג, גאר וויכטיגער געשריי: מי ל'מענטשליכקייט' אלי [ודרך ארץ קדמה לתורה]. די טענה איז אבער אויף די ארויסגעבער'ס פונעם גליון, און די וואס האלטן ווי זיי אין די נושא. די רבנים'ס שתיקה איז נישט צוליב זיך דינגען מיט דיר, נאר צוליב נישט זען שפיצער'ס, און - להבדיל - ראובן'ס, ארטיקלען.
באניצער אוואטאר
שש משזר
שריפטשטעלער
שריפטשטעלער
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15687 מאל

הודעהדורך ישראל קאפקע » פרייטאג אקטאבער 23, 2015 1:45 am

יא יא, 'יענע' צוריקגעשטאנענע אידן, 'יענע' אייוועלט אידן זענען א באנדע אפגעפליקטע ראסיסטן...

ליידער וועסטו דא טרעפן גענוג ראסיסטן, און דארט קען מען טרעפן נישט ווייניג פארשטענדליכע אידן. דאס מאכן א ברייטע סטעיטמענט פון 'אונז ווס. זיי' איז שוין נישט אויסגעהאלטן. עס איז א קאמיוניטי-ווייד פראבלעם, און באשולדיגן 'יענע' ווייל זיי זענען עטוואס מער פרום און האבן א גרעסע פראצענט אפענע ראסיסטן ווי ק"ש איז מיסינ"ג די פוינ"ט ענטייערל"י.
Apparently my heart was created with a defective on/off switch.

Lee Weisman ~
באניצער אוואטאר
ישראל קאפקע
חבר ותיק
חבר ותיק
 
הודעות: 2179
זיך רעגיסטרירט: מיטוואך יולי 16, 2014 7:44 pm
געפינט זיך: Big Apple, Great Satan.
האט שוין געלייקט: 1586 מאל
האט שוין באקומען לייקס: 2307 מאל

הודעהדורך שש משזר » פרייטאג אקטאבער 23, 2015 1:52 am

שמעקעדיג האט געשריבן:איך בין אויך מיט ראובן. מען דארף האבן מיטגעפיל און ליבשאפט צו יעדן יומען ביאינג.

אבער כדי צו פרובירן באלאנסירן דעם בילד, לאמיך אריינווארפן 2 נקודות, הגם אפשר נישט די קלוגסטע.

1. די שנאת ישראל לעמים איז נישט פשוט'ע ראסיזם ווי להבדיל דער דייטשער גוי האט פארמאגט צו די נישט ריינע ראסע, נאר ענדערש א העכערע הבדלה, ואבדיל אתכם לי לעם, והייתם לי סגולה, מיר ווייסן אז אידן האבן א הויכע נשמה א חלק אלוק ממעל בעת דער גוי פארמאגט עס נישט, ער איז מגושם און נידריג. ממילא איז די שנאה פשוט זיך צו האלטן ווייט פון זיי, פון זייער נידריגן לעבנס שטייגער, און מהלך המחשבה. נישט ביליגע ראסיזם סתם ווייל ער האט א אנדערע קאליר הויט אדער בלוט. (דאס איז שוין חוץ די אלטע שנאה און פחד אז דער גוי וויל אונז הרג'ענען, אבער אכמ"ל).

2. ראסיזם האט שוין אפגעקאסט מיליאנען קרבנות פאר כלל ישראל. מיתות משונות פון אלע סארטן הי"ד. אבער ראה זה פלא, נאר אונז אידן זענען גע'הרג'עט געווארן בכל דור ודור צוליב די סיבה דורך די גויים, ס'נאכנישט געהערט געווארן פארקערט, אז אידן זאלן הרג'ענען א גוי צוליב ראסיזם! מיר זענען באפוילן לא תרצח. מיר זענען נישט קיינע רוצחים, פינטל. אלזא פארוואס דארף איינעם אנגיין אז אין הארצן גלייך איך נישט דעם גוי, עס שטערט דאך קיינעם נישט! ממילא ווי קען מען פארגלייכן אידישע שנאה צו די שנאה פון די אומות העולם רוצחים אכזריים?

און צו קאנטער-באלאנסירן דעם בילד, וויל איך אריינווארפן א פלאקן אין דיינע צוויי נקודות:

1. אויב דו ווילסט רעדן פון א טעאלאגישע מושג, אז מיר האבן א 'העכערע נשמה' ווי די גוים, ובדוגמת ה' דרגין דבכוזרי, דומם/צומח/חי/מדבר/ישראל, נו ניחא. אבער אויב דו ווארפסט אריין די ווערטער "דער גוי... ער איז מגושם און נידריג", איז אויך היבש שארף. איבערן פונקטליכן אפטייטש פון ראסיזם, קען מען זיך דינגען. אבער נישט יעדע גוי איז נידריג, און אפילו מגושם איז נישט יעדער איינער. זיי קענען האבן אנדערע סטאנדארטן, אדער קיין סטאנדארטן, אבער כולל זיין יעדע גוי בתורת 'מגושם און נידריג', איז היבש ווייט לטעמי.

2. אויסער ראובן'ס נקודה, אז ראסיזם האט נישט מיט רציחה, נאר רציחה איז א ווייטערע שטאפל אין ראסיזם. יש להפריך עוד, אז 'ראה זה פלא', צוויי טויזנט יאר זענען מיר געווען אין גלות, יעצט גיי דערווייג דיך צו הרג'ענען דעם גוי. אפילו היינט, האבן מיר אזא גלות מענטאליטעט, און דערפאר זענען מיר סאך בעסער אין דעם הינזיכט, פונקט ווי מיר קענען סתם אזוי נישט הרג'ענען מענטשן - אנעם סיבת הראסיזם - צוליב גניבה וכו', אזויווי ביים גוי - וואס איז נישט אונטערדריקט פיזיש און גייסטיש שוין פאר הונדערטער יארן.

----------
עוד אחת אדבר בזה. מיינס אן אלט בייסיג שאלה, וואס מיר פערזענליך צושאקלט עס יעדעס מאל איך טראכט דערפון: די 'פארשאלטענע פאלאקן, אוקריינער, ליטווישע' גוים, האבן געהאלפן מארדעווען, מסר'ן, און פייניגן אידן ביים צווייטן וועלטס קריג. 'שכנים זענען פלוצים געווארן רוצחים' זאגט מען אונז. נו, אז מ'וויל נישט דערציילן איבער די מספר פאלאקן וואס האבן פערזענליך איינגעשטעלט זייער, זייער ווייב'ס, זייערע קינדער'ס, לעבן, כדי צו ראטעווען א איד [וכבר היה לעולמים אז מ'האט טאקע דערשאסן די פאלאקן וואס מ'האט געפונען אין זייער שטוב באהאלטענע אידן], וואס זאל איך טון דערצו. ס'איז געשמאקער צו רעדן פון זייער רשעות ווי פון זייער גוטס.

אבער כאן הבן שואל: אויב מארגן געשעט אזא זאך דא אין אמעריקע, מ'ווערט למשל אויפגעהעצט אנטקעגן שווארצע, מעקסיקאנע, צו ווייסעך וועלכע עטנישע גרופע, און ס'קומט צו אזא מצב אז מ'וויל זיי אויס'הרג'ענען. וויפיל אידן וואלטן אנגעטראגן זייער הילף אריינצונעמען דעם מעקסיקאנער אין שטוב?! איך רעד אפילו על צד מ'וואלט גארנישט געטון צום איד וואס ראטעוועט דעם מעקסיקאנער, ס'פשוט נישט 'באקוועם', וויפיל וואלטן אריינגענומען דעם 'שמוציגן גוי' [שמוציגער יודע = ביים צווייטן וועלטס קריג] ביי זיך אין שטוב?! און יעצט שארפער, אויב מ'זאגט ווי דער דיייטש בשעתו אז ווער ס'נעמט אריין דעם שווארצער אין שטוב וועט מען אים זעלבסט אויך דערשיסן [מיט זיין משפחה], וויפיל אידן גייען אים פארט ארייננעמען?! נעבעך אן אומשולדיגער שווארצער!

איך האב ניטאמאל קיין טענות, כ'וויל נאר פארשטיין פארוואס מיר זעען נאכנישט איין וויפיל נידעריגער מיר האלטן פון אסאך פאלאקן ביים צווייטן וועלטס קריג.

יא, מיר האבן געלעבט: סימן לישראל... רחמנים.
באניצער אוואטאר
שש משזר
שריפטשטעלער
שריפטשטעלער
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15687 מאל

הודעהדורך שש משזר » פרייטאג אקטאבער 23, 2015 1:57 am

ישראל קאפקע האט געשריבן:יא יא, 'יענע' צוריקגעשטאנענע אידן, 'יענע' אייוועלט אידן זענען א באנדע אפגעפליקטע ראסיסטן...

ליידער וועסטו דא טרעפן גענוג ראסיסטן, און דארט קען מען טרעפן נישט ווייניג פארשטענדליכע אידן. דאס מאכן א ברייטע סטעיטמענט פון 'אונז ווס. זיי' איז שוין נישט אויסגעהאלטן. עס איז א קאמיוניטי-ווייד פראבלעם, און באשולדיגן 'יענע' ווייל זיי זענען עטוואס מער פרום און האבן א גרעסע פראצענט אפענע ראסיסטן ווי ק"ש איז מיסינ"ג די פוינ"ט ענטייערל"י.

נישט ריכטיג. כ'האב באזירט מיינע ווערטער אויפן לעצטן לענגערע אשכול וואס איז דארט געווען [און אראפגעברענגט געווארן דא אהער], איבער א געוויסע טראגעדיע וואס האט פאסירט ביי גויי הארץ (כ'געדענק נישט יעצט דעם פאל), און די ראסיסטישע לאזונגען איבער די גוי אז ס'גאר גוט אז זיי ליידן צרות ללא סיבה.

אגב, כ'האב טאקע נישט געזאגט 'אייווועלט' אידן לעומת 'קאווע שטיבל' אידן. איין סיבה, ווייל אויף אייוועלט האב איך געטראפן [טאקע אין יענעם אשכול גופא] נארמאלע נישט ראסיסטישע אידן. און א צווייטע סיבה, ווייל אין ק"ש איז לעצטענס געווען דער אראבישע סומאטוכע איבער די גע'הרג'עטע אין מעקא, און כ'האב געזען גענוג גרויליגע ראסיסטן דא אויך. כ'האב געשריבן בכוונה תחילה, אז דארט וועט מען טרעפן די סארט, און דא די סארט, כלומר דשכיחי טובא כפי שציינתי. און דאס איז דער טרוקענער, טרויעריגער, פאקט.
באניצער אוואטאר
שש משזר
שריפטשטעלער
שריפטשטעלער
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15687 מאל

הודעהדורך שש משזר » פרייטאג אקטאבער 23, 2015 2:00 am

אפטעמיסט האט געשריבן:גם אני מצטרף.

ס'איז געקומען א מצב אז כ'פיהל ממש אז כ'האב נישט קיין פלאץ אין אונזער געזעלשאפט. דער עולם גולם איז נעבעך אויסגעטריקענט פון יעדעס ביסעלע נארמאלקייט, מ'האט ניטאמאל קיין שכל צו פארשטיין און אנערקענען אז סאיז בכלל עפעס שלעכט מיט דעם "הגיבורים" שאנד-בלאט.

שחורים זענען בהמות, היפסטערס זענען חזרים, ספאנישע זענען קעץ און ציונים דארפן פגר'ן. געלויבט דעם פון אויבן אז מיר האבן אויפגעצויגן א דור פון טיפושים, פאנאטישע בנשק-גלויביגע, מענטשן וואס לעבן אין די איין-און-צוואנציגסטע-יאר-הונדערט און פארטיידיגן א קולטור וואס ווארפט קינדער פון מוסדות וויבאלד זיי גייען קאפלעך געמאכט פון הארטערע מאטריאל. אבער ס'איז מיר נישט קיין פלא. נאכ'ן זיך אנלייענען יעדעס וואך מיט די דברי הבל וקטנות פון די "פענע צום בלאט" צוויבל-סטיל צייטונג פאדערן ענק עפעס בעסער? סך הכל איז דער קונטרס נאך א קייט אין די רינגעלע פון שנאת האדם, שנאת העולם והחכמה וואס אפאר מטורפים מיט לייטס און סיירינס דריקן אויף זייערע קאמפיוטערס.

נעבעך אויף אונז. א רחמנות אויף אונזערע קינדער.

גם אני מצטרף לדברי @אפטעמיסט.
מיין ווייטאג אין דיין פעדער.
ווען דער אפטעמיסט רעדט אזוי פעסעמיסטיש, איז די מצב טאקע צרות ווי א בארג...

בדרך צחות: כ'גיי געבן א ייש"כ פאר שפיצער'ן פארן אריינלייגן דעם ראסיסטישן שטיקל, ווייל נאר אזוי איז געקומען דער אטאקע פון @ראובן, און נאר אזוי האבן מיר צוריק ארויסגעשלעפט אפטעמיסט פון זיין נארע...

ברוך השב!
אפטעמיסט, מיר בענקן צו דיר.
באניצער אוואטאר
שש משזר
שריפטשטעלער
שריפטשטעלער
 
הודעות: 3334
זיך רעגיסטרירט: מאנטאג מערץ 30, 2015 11:55 pm
געפינט זיך: צווישן די הרי חושך און הר ההר.
האט שוין געלייקט: 6774 מאל
האט שוין באקומען לייקס: 15687 מאל

הודעהדורך דעת תורה » פרייטאג אקטאבער 23, 2015 4:18 am

שמעקעדיג, דו האלטסט נישט מיט קארענט איווענטס? דו ווייסט וואס האט פאסירט די וואך אין באר שבע?
האזהרה שהזהרנו מלהיות חפשיים במחשבותינו, עד שנאמין דעות המנגדות לדעות שהביאה התורה, אלא נגביל את מחשבתנו ונעשה לה סייג שתעמוד אצלו - והן מצוות התורה ואזהרותיה.
והוא אמרו יתעלה: "ולא תתורו אחרי לבבכם"... זו מינות. (ספר המצוות להרמב"ם ל"ת מ"ז)
דעת תורה
חבר ותיק
חבר ותיק
 
הודעות: 2133
זיך רעגיסטרירט: מאנטאג מערץ 18, 2013 1:07 am
האט שוין געלייקט: 4828 מאל
האט שוין באקומען לייקס: 1761 מאל

הודעהדורך שמעקעדיג » פרייטאג אקטאבער 23, 2015 7:35 am

דו רעדסט פון דעם אז מען האט בטעות גע'הרג'עט דעם עטיאפער וואס איז געשטאנען דארט?

שש, מיט מגושם און נידריג מיין איך כלפי אונזער הויכער סטאנדארד. מגושם איז מלשון גשמיות. לעבסט נישט מיט א העכערן אידעאל און מיט א מטרה צו מאכן א נחת רוח פאר השי"ת וכו'. איך מיין עס פעלט נישט אויס קיין הסבר. סייווי דאס איז דאך נישט די נקודה דא.

און וועגן דיין שארפע פראגע צי מיר וואלטן אויסבאהאלטן גויים אין א שעת חירום? האב איך שוין אסאך געטראכט דערוועגן!! עס איז באמת א ווייטאגליכע שאלה וואס פאדערט א תשובה!!
וירח ה' את ריח הניחוח
באניצער אוואטאר
שמעקעדיג
שריפטשטעלער
שריפטשטעלער
 
הודעות: 15256
זיך רעגיסטרירט: דאנערשטאג אפריל 12, 2012 12:11 am
האט שוין געלייקט: 18072 מאל
האט שוין באקומען לייקס: 18450 מאל

הודעהדורך יואליש » פרייטאג אקטאבער 23, 2015 8:11 am

שש משזר, דיין נקודה אז די רבנים זענען puppets צו עסקנים און האבן נישט קיין אייגענע אידילאגיע אדער פירערשאפט אחריות שמעקט אביסעל מיט מאן אהני לן רבנן. און הגם ס'איז אפשר אמת איז עס נישט אויסגעהאלטן צו זאגן.

אבער דער אמת איז אז סיי די רבנים און סיי א גרויסע חלק פונעם ציבור זענען שולדיג. אבל אשמים אנחנו.

פארוואס א גראסערי מאן איידער ער רענאווירט זיין געשעפט אין וויליאמסבורג וועט ער אויפזיין שלאף'לאזע נעכט פאר פחד אז עפעס א מחאה גייט קומען איבער זיין פענסטער, זיין שולד, זיין קאפיטעריע וכדו' און זיין געצווינגן צו דערלייגען טויזנטער דאלאר אין אינוועסטמענט, אבער פון די אנדערע זייט האט דער מו"ל פון "הגיבורים" נישט געהאט א הו"א אז זיין קונטרס וועט ווערן ארויסגעווארפן פון אפי' איין ספרים סטאר? פארוואס פאלן כסדר אריין ראסיסטישע "טעותים" אין דער בלאט און אין דער איד אבער קיין איינמאל איז נאכנישט געדרוקט געווארן אפי' בטעות אן ארטיקעל פאר טאלעראנץ? (אן אויסנאם איז די מעלות, און נאך אבאמא'ס ערוויילונג האט מנשה פילאף צום ערשטן מאל גענימען די מי אפצושלאגן ראסיסטישע חם מיטאלאגיע, און אן ארטיקל מיט יארן צוריק אין "הפעמון". אבער דאס זענען די עקסטרעמע אויסנאמען.)

אז מ'קלערט אביסעל אריין וויאזוי א געזעלשאפט ארבייט פארשטייט מען אז די צימערמאן'ס פון די וועלט זענען אפשר די וועלכע שטעלן זיך ארויס ברבים, אבער אן די שטילע שטיצע פון א חלק ניכר ביים ציבור וואלטן זיי נישט געהאט קיין השפעה אין אנזייען טעראר. לאו דוקא אז מענטשן זענען מסכים מיט זייער מעטאדן, אבער ס'איז דא אן implicit און צומאל אן explicit קאנטראקט מיט די זעלבסט דערקלערטע שוטרי העיר, צייטונג בריוו שרייבער און ענסארינג מאשין מעסעדזש לאזערס אז מיר, די המון עם, ווילן פרעזערווירן א געוויסע גייסט אין שטאט און אויב אביסעל אלימות דא דארט איז וואס פעלט זיך אויס איז נישט עק וועלט. דאס מיינט אז צימערמאן טוט די שמוציגע זשאב פארן מה יפית בעלבעטישער איד און פארן פרומער איד און פאר די רבנישע עליטע.

די סיבה פארוואס הגיבורים ברויך נישט מורא האבן צו דריקן גרויליגע ראסיזים פון די 19צענטע יארהונדערט און די סיבה פארוואס ראסיזים פאלט אריין אין ארטיקלן כסדר איז ווייל ס'איז נישט פארהאן קיין "ראובן צימערמאן," און די סיבה פארוואס ס'איז נישט דא קיין "ראובן צימערמאן" איז ווייל ער וואלט פארשריגן געווארן ביי די זעלבע וועלכע שווייגן מיט הסכמה צו אנדערע קנאות קאמפעינס. אויב נישט "פארשריגן" געווארן וואלט ער באקומען ציענדע פלייצעס, "וואס מיינט דאס? פון ווי נעמט ער דאס? האט ער טאקע שוין נישט וואס צו טוהן מיט זיין צייט?" שטיצע אדער הסכמה וואלט ער זיכער נישט באקומען.

צו ענטפערן ראובן'ס רעטארישע ציפעדיגע פראגע: ס'איז כהיום נישט דא קיין באקוועמע פלאץ פאר אן היימישע חסיד צו זיין טאלעראנט אפענערהייט און שטאלצערהייט! ראובן מיט זיינע "פאני" אדער גאר "אומ'תורה'דיג" איידיעס פון טאלאראנץ, גלייבארקייט, אפשיי צו בלאנקעט שנאת חינם צו אנדערע ראסע, עטניסיטי, רעליגיע און נאציאנאלן, ברויך שווייגן. אזיינע פארקרומטע איידעס ברויכן דערווייל געהאלטן ווערן אין געהיים, ליבא לפומא לא גלי, חלילה נישט זיי אויסדריקן ברבים אין שול, ביים שבת טיש און זיכער נישט ביי א שיעור - נישט חוה"מ און אפי' נישט אים ניטל.

צו אויסרייסן ראסיזים, א נאטורליכע אינסטינקט בכלל און א פראגראמירטע שיטה מיט שווארצע בפרט, איז אן עבודה קשה. אין די דרויסענדיגע וועלט האט מען געמאכט היבש פארשריט אויף די לעגאלע און אינסטיטוציאנעל לעוועל און בדרך כלל האלט אמעריקע ביי די לעוועל ווי מ'טיט באקעמפען "ווייכע" ראסיזם אויף א פערזענליכע לעוועל. ביי אונז אבער איז נישט נאר וואס מ'באקעמפט עס נישט נאר מ'ערלויבט דאס פלאנצן און שפראצען פון "הארטע" ראסיסטישע דאגמע פארשלייערט אין תורה און אין פעסודע-סייענס.

אבל אשמים אנחנו!
רעדאגירט געווארן צום לעצט דורך יואליש אום פרייטאג אקטאבער 23, 2015 11:15 am, רעדאגירט געווארן 2 מאל בסך הכל.
באניצער אוואטאר
יואליש
חבר ותיק
חבר ותיק
 
הודעות: 2525
זיך רעגיסטרירט: זונטאג אפריל 22, 2012 7:36 pm
האט שוין געלייקט: 1600 מאל
האט שוין באקומען לייקס: 3919 מאל

הודעהדורך אהרן » פרייטאג אקטאבער 23, 2015 8:26 am

דא איז נישט די הגיבורים אשכול אבער @שש משזר האט דא דערמאנט אז מען קען נישט האבן טענות אויף די רבנים המסכימים ווייל זיי געבן נישט קיין הסכמה נאר אויף די געדאנק נישט אויף די אינהאלט, לא זכיתי להבין מילא א רב וואס געט א הסכמה אויף א ספר, ווייסט מען אז ער איז סה"כ מעיד אויפן מחבר אז ער איז א ת"ח וכדומה, אבער ווען עס קומט צו אזא זאך וואס דארף א מחנך, אריינצוגעבן און אונזערע קינדער געדאנקען און מחשבות, קען נישט זיין קיין הסכמה אהן אוועקשטעלן א פרוטוקול און א סיסטעם בנוגע די שניט איבער די אינהאלט, מענטשען ביי אזעלעכע זאכן, ווי השקפה, ווי אזוי צו קוקן און אפצולערנען א זאך, ווילן נאר נוצן איינעם וועם מען טראסט, אויב ווילסטו נישט דורכגיין די ארטיקלען געב נישט קיין הסכמה געב העכסטענס א המלצה וכדומה.
איך האב מיטגעהאלטען ווען עס האט זיך געטוען וועגן די שטערן, האט מיר געזאגט א באקאנטע רב מיט א שכל הישר, הגם ער האלט נישט די אויסגאבע פאר א פראבלעם קען ער נישט געבן קיין הסכמה, היות עס קענען זיין ארטיקלען וואס וועלן דארפן פאראכטען ווערן ער קען נישט נעמען קיין אחריות איבערצוגיין און אפראווען יעדע ארטיקל.
רוב האנשים לא באמת רוצים חופש , כי חופש כרוך באחריות ,ורוב האנשים פוחדים מאחריות .
זיגמונד פרויד
אהרן
ידיד השטיבל
ידיד השטיבל
 
הודעות: 319
זיך רעגיסטרירט: פרייטאג אוגוסט 28, 2015 1:48 am
געפינט זיך: לבי במזרח ואנכי בסוף מערב
האט שוין געלייקט: 611 מאל
האט שוין באקומען לייקס: 312 מאל

הודעהדורך געוואלדיג » פרייטאג אקטאבער 23, 2015 10:36 am

ראובן איך בין מיט דיין נקודה אינגאנצן,

שמעקעדיג האט געשריבן:1. די שנאת ישראל לעמים איז נישט פשוט'ע ראסיזם ווי להבדיל דער דייטשער גוי האט פארמאגט צו די נישט ריינע ראסע, נאר ענדערש א העכערע הבדלה, ואבדיל אתכם לי לעם, והייתם לי סגולה,


איך בין אויסדריקלעך מחולק מיט דעם, וואס האט אונזער והיתם לי סגולה מיט שנאה צו טוהן? עס איז א עבודה פאר אונז אלס אויסגעוועלט פאלק צו ארבעטן און זיין מער פון נאך א פאלק, אבער שנאה מאן דכר שמיה? חלילה וחלילה, אונזער תורה לערנט אונז רעספעקט צו די מענטשהייט און צו יעדע באשעפעניש, די חינוך אז שחורים צו סיי ווער זענען עפעס ווייניגער מענטש פון אונז דארף ווערן פארדאמט אויף די העכסטע טענער דאס איז א מין חינוך וואס וועט בלי שום ספק אויפציען א פאלק פון בעלי גאה צום בעסטן פאל, און בלוטדארשטיגע רוצחים צום ערגסטן פאל, אייסיס קען זיך לערנען פון זיי וויאזוי צו אויפבויען א דור פון קאלטבלוטיגע רוצחים, די רשעות פון נעמען די זעלבע אידיאלאגיע וואס האט געהרג'עט מיליאנען פון אונזער פאלק און דאס נוצן פאר אונזערע קינדער איז היפאקריטיע שאין כמוה און אז מען וועט דאס נישט יעצט אפשטעלן תוצאותיו מי ישורנה.
עס נעמט א מאנקי בערך 3 שעה צו טרענירן א מענטש אים צו געבן באנאנעס יעדע פאר מינוט...

-יין שרף-
באניצער אוואטאר
געוואלדיג
חבר ותיק
חבר ותיק
 
הודעות: 3930
זיך רעגיסטרירט: מיטוואך דעצעמבער 10, 2014 5:15 pm
געפינט זיך: באתרא דנשקי שמיא וארעא להדדי
האט שוין געלייקט: 7295 מאל
האט שוין באקומען לייקס: 4881 מאל

נעקסט

גיי צוריק געזעלשאפט

ווער איז יעצט דא?

באניצער וואס לייענען דעם פארום: Google [Bot], opensiteexplorer dotbot [Bot] און 2 געסט

cron